(1)

Na treoirlínte atá sa Socrú maidir le Creidmheasanna Onnmhairiúcháin arna dTacú go hOifigiúil (“an Socrú”) de chuid na hEagraíochta um Chomhar agus Forbairt Eacnamaíochta (“ECFE”), lena n-áirítear Tuiscint na hEarnála Giniúna Leictreachais Gualbhreoslaithe (“CFSU”) atá in Iarscríbhinn VI a ghabhann leis an Socrú, rinneadh iad a thrasuí, agus dá bhrí sin, rinneadh ceangailteach ó thaobh dlí de iad san Aontas Eorpach le Rialachán (AE) Uimh. 1233/2011 ó Pharlaimint na hEorpa agus ón gComhairle (1).

(2)

I gcomhréir le CFSU, tá na rannpháirtithe sa Socrú (na “Rannpháirtithe”) chun cinneadh a ghlacadh, trí nós imeachta i scríbhinn, chun athbhreithniú a dhéanamh ar CFSU agus é mar chuspóir aige a chuid téarmaí agus a chuid coinníollacha a neartú tuilleadh d’fhonn rannchuidiú leis an sprioc choiteann arb í aghaidh a thabhairt ar an athrú aeráide agus leanúint de bheith ag cur deireadh de réir a chéile leis an tacaíocht oifigiúil le haghaidh gléasraí cumhachta gualbhreoslaithe.

(3)

Ba cheart an cinneadh chun athbhreithniú a dhéanamh ar CFSU a bheith i gcomhréir le gealltanais idirnáisiúnta an Aontais Eorpaigh de bhun Chomhaontú Pháras agus bheartas aeráide an Aontais.

(4)

Ina conclúidí maidir le Taidhleoireacht Aeráide agus Fuinnimh – an ghné sheachtrach den Chomhaontú Glas don Eoraip a Bhaint Amach an 25 Eanáir 2021, d’iarr an Chomhairle go ndéanfaí fóirdheontais breosla iontaise atá díobhálach don chomhshaol a chéimniú amach ar bhonn domhanda de réir amlíne shoiléir agus go ndéanfaí aistriú cobhsaí cóir i dtreo aeráidneodrachta ar fud an domhain, lena n-áirítear deireadh a chur de réir a chéile le húsáid guail gan staonadh i dtáirgeadh fuinnimh agus, mar chéim thosaigh, deireadh láithreach a chur leis an maoiniú uile do bhonneagar nua le haghaidh guail i dtríú tíortha.

(5)

Is iomchuí an seasamh a bhunú atá le glacadh thar ceann an Aontais maidir le cinneadh a ghlacadh, trí nós imeachta i scríbhinn, ag na Rannpháirtithe chun athbhreithniú a dhéanamh ar CFSU, de bhrí go mbeidh an cinneadh ó na Rannpháirtithe ceangailteach ar an Aontas, agus go mbeidh sé in ann tionchar cinntitheach a bheith aige ar inneachar dhlí an Aontais, de bhua Rialachán (AE) Uimh. 1233/2011,