TÁ AN COIMISIÚN EORPACH,

Ag féachaint don Chonradh ar Fheidhmiú an Aontais Eorpaigh,

Ag féachaint do Rialachán (AE) Uimh. 305/2011 ó Pharlaimint na hEorpa agus ón gComhairle an 9 Márta 2011 lena leagtar síos coinníollacha comhchuibhithe maidir le táirgí foirgníochta a mhargú agus lena n-aisghairtear Treoir 89/106/CEE ón gComhairle (1), agus go háirithe Airteagal 22 de,

De bharr an mhéid seo a leanas:

(1)

I gcomhréir le Rialachán (AE) Uimh. 305/2011, úsáidfidh Comhlachtaí um Measúnú Teicniúil na modhanna agus na critéir a sholáthraítear i nDoiciméid um Measúnú Eorpach, doiciméid ar foilsíodh na tagairtí dóibh in Iris Oifigiúil an Aontais Eorpaigh, chun measúnú a dhéanamh ar fheidhmíocht táirgí foirgníochta a chumhdaítear leis na doiciméid sin i ndáil lena mbuntréithe.

(2)	I gcomhréir le hAirteagal 19 de Rialachán (AE) Uimh. 305/2011, ar lorg roinnt iarratais ó mhonaróirí ar Mheasúnuithe Teicniúla Eorpacha, tá 14 Dhoiciméad um Measúnú Eorpach tarraingthe suas agus glactha ag eagraíocht na gComhlachtaí um Measúnú Teicniúil.

(3)

Na Doiciméid um Measúnú Eorpach a tharraing na Comhlachtaí um Measúnú Teicniúil suas agus a ghlac siad, baineann siad leis na táirgí foirgníochta seo a leanas:

—	píobán aisréid solúbtha ar a bhfuil feistithe cinn;

—	adhmad deighleoige lannaithe ina bhfuil trasghearradh dronuilleogach agus atá déanta as lomáin a gearradh go radúil;

—	adhmad soladach a siúntáladh le méaralt ar ar tástáladh ualach promhaidh teannais agus is féidir a phróiseáil go ndéantar adhmad lannaithe gliúáilte nó adhmad soladach gliúáilte de;

—	adhmad lannaithe gliúáilte ina bhfuil méaralt trasghearrtha iomlán;

—	cláir fuaimdhíonta/scríd thirim agus stiallacha ualachiompartha atá déanta as cairtchlár rocach atá líonta le gaineamh grianchloiche;

—	comhdhúil le haghaidh biotúmain agus meascáin bhiotúmanacha atá déanta as púdar rubair gránaithe;

—	macrashnáithíní polaiméire atá treisithe le snáithín basailt le húsáid i gcoincréit;

—	comhlaí cothromaithe faoi fheire;

—	claiseanna ancaire;

—	córais le haghaidh naisc barraí treisiúcháin iarshuiteáilte ina bhfuil moirtéal;

—	ceanglóirí meicniúla le húsáid i gcoincréit;

—	ceanglóirí leathnúcháin torcrialaithe le húsáid i gcoincréit agus saolré inathraithe feidhme suas le 50 bliain acu;

—	ceanglóirí iarshuiteáilte i gcoincréit faoi ualach timthriallach strustuirse;

—	fearais/córais bhuana comhalra neamh-ualachiompartha atá bunaithe ar bhloic chuasacha nó ar phainéil ábhair insliúcháin agus in amanna ar choincréit.

(4)

Na Doiciméid um Measúnú Eorpach a tharraing eagraíocht na gComhlachtaí um Measúnú Teicniúil suas agus a ghlac sí, comhlíonann siad na riachtanais atá le comhlíonadh maidir leis na buncheanglais i ndáil le hoibreacha foirgníochta a leagtar amach in Iarscríbhinn I a ghabhann le Rialachán (AE) Uimh. 305/2011. Dá bhrí sin, is iomchuí tagairtí na nDoiciméad um Measúnú Eorpach sin a fhoilsiú in Iris Oifigiúil an Aontais Eorpaigh.

(5)	Foilsítear liosta tagairtí na nDoiciméad um Measúnú Eorpach le Cinneadh Cur Chun Feidhme (AE) 2019/450 ón gCoimisiún (2). Ar mhaithe le soiléireacht, ba cheart tagairtí do Dhoiciméid nua um Measúnú Eorpach a chur leis an liosta sin.

(6)	Dá bhrí sin, ba cheart Cinneadh Cur Chun Feidhme (AE) 2019/450 a leasú dá réir.

(7)	Chun gur féidir na Doiciméid um Measúnú Eorpach a úsáid a luaithe agus is féidir, ba cheart an Cinneadh seo a theacht i bhfeidhm lá a fhoilsithe.

TAR ÉIS AN CINNEADH SEO A GHLACADH:

(2) Cinneadh Cur Chun Feidhme (AE) 2019/450 ón gCoimisiún an 19 Márta 2019 maidir le foilsiú na nDoiciméad um Measúnú Eorpach (EADanna) le haghaidh táirgí foirgníochta arna ndréachtú chun tacú le Rialachán (AE) Uimh. 305/2011 ó Pharlaimint na hEorpa agus ón gComhairle (IO L 77, 20.3.2019, lch. 78).

“100012-00-1106	Píobán aisréid solúbtha ar a bhfuil feistithe cinn
130348-00-0304	Adhmad deighleoige lannaithe ina bhfuil trasghearradh dronuilleogach agus atá déanta as lomáin a gearradh go radúil
130484-00-0304	Adhmad soladach a siúntáladh le méaralt agus ar ar tástáladh ualach promhaidh teannais agus is féidir a phróiseáil go ndéantar adhmad lannaithe gliúáilte nó adhmad soladach gliúáilte de
130661-00-0304	Adhmad lannaithe gliúáilte ina bhfuil méaralt trasghearrtha iomlán
210134-00-1202	Cláir fuaimdhíonta/scríd thirim agus stiallacha ualachiompartha atá déanta as cairtchlár rocach atá líonta le gaineamh grianchloiche
230145-00-0105	Comhdhúil le haghaidh biotúmain agus meascáin bhiotúmanacha atá déanta as púdar rubair gránaithe
260067-00-0301	Macrashnáithíní polaiméire atá treisithe le snáithín basailt le húsáid i gcoincréit
280004-00-0702	Comhlaí cothromaithe faoi fheire
330008-03-0601	Claiseanna ancaire (le cur in ionad na sonraíochta teicniúla ‘EAD 330008-02-0601’)
330087-01-0601	Córais le haghaidh naisc barraí treisiúcháin iarshuiteáilte ina bhfuil moirtéal (le cur in ionad na sonraíochta teicniúla ‘EAD 330087-00-0601’)
330232-01-0601	Ceanglóirí meicniúla le húsáid i gcoincréit (le cur in ionad na sonraíochta teicniúla ‘EAD 330232-00-0601’)
330232-01-0601 -v01	Ceanglóirí leathnúcháin torcrialaithe le húsáid i gcoincréit agus saolré inathraithe feidhme suas le 50 bliain acu
330250-00-0601	Ceanglóirí iarshuiteáilte i gcoincréit faoi ualach timthriallach strustuirse
340309-00-0305	Fearais/córais bhuana comhalra neamh-ualachiompartha atá bunaithe ar bhloic chuasacha nó ar phainéil ábhair insliúcháin agus in amanna ar choincréit (le cur in ionad na sonraíochta teicniúla ‘ETAG 009’)”