22.9.2021 |
GA |
Iris Oifigiúil an Aontais Eorpaigh |
L 334/12 |
CINNEADH (CBES) 2021/1693 ÓN gCOMHAIRLE
an 21 Meán Fómhair 2021
lena leasaítear Cinneadh (CBES) 2018/2010 i dtaca le leathadh agus gáinneáil aindleathach mionairm, armáin éadroma (SALW) agus armlóin agus a dtionchar i Meiriceá Laidineach agus sa Mhuir Chairib a chosc i gcreat na Straitéise AE i gcoinne Airm Thine, Mionairm agus Armáin Éadroma Aindleathacha agus a nArmlón, dar teideal “Airm a Dhaingniú, Saoránaigh a Chosaint”
TÁ COMHAIRLE AN AONTAIS EORPAIGH,
Ag féachaint don Chonradh ar an Aontas Eorpach, agus go háirithe Airteagal 28(1) agus Airteagal 31(1) de,
Ag féachaint don togra ó Ardionadaí an Aontais do Ghnóthaí Eachtracha agus don Bheartas Slándála,
De bharr an mhéid seo a leanas:
(1) |
An 17 Nollaig 2018, ghlac an Chomhairle Cinneadh (CBES) 2018/2010 (1). |
(2) |
Foráiltear le Cinneadh (CBES) 2018/2010 do thréimhse cur chun feidhme 36 mhí le haghaidh na ngníomhaíochtaí dá dtagraítear in Airteagal 1 den Chinneadh sin ó dháta thabhairt i gcrích an chomhaontaithe maoinithe dá dtagraítear in Airteagal 3(3) den Chinneadh sin. |
(3) |
D’iarr Eagraíocht na Stát Meiriceánach (OAS) go ndéanfaí tréimhse chur chun feidhme Chinneadh (CBES) 2018/2010 a shíneadh 5 mhí, go dtí an 31 Bealtaine 2022, chun an mhoill ar chur chun feidhme gníomhaíochtaí tionscadail faoi Chinneadh (CBES) 2018/2010 i ngeall ar thionchar phaindéim COVID-19 a cur san áireamh. |
(4) |
Is féidir leanúint leis na gníomhaíochtaí dá dtagraítear in Airteagal 1 de Chinneadh (CBES) 2018/2010 go dtí an 31 Bealtaine 2022 gan aon iarmhairtí a mhéid a bhaineann le hacmhainní airgeadais. |
(5) |
Ba cheart, dá bhrí sin, Cinneadh (CBES) 2018/2010 a leasú dá réir, |
TAR ÉIS AN CINNEADH SEO A GHLACADH:
Airteagal 1
Cuirtear an méid seo a leanas in ionad Airteagal 5, mír 2, de Chinneadh (CBES) 2018/2010:
“2. Rachaidh an Cinneadh seo in éag an 31 Bealtaine 2022.”.
Airteagal 2
Tiocfaidh an Cinneadh seo i bhfeidhm ar dháta a ghlactha.
Arna dhéanamh sa Bhruiséil, 21 Meán Fómhair 2021.
Thar ceann na Comhairle
An tUachtarán
G. DOVŽAN
(1) Cinneadh (CBES) 2018/2010 ón gComhairle an 17 Nollaig 2018 chun tacú le leathadh aindleathach agus gáinneáil mionarm, armán éadrom agus armlón agus a dtionchar i Meiriceá Laidineach agus i Muir Chairib a chomhrac faoi chuimsiú Straitéis an Aontais Eorpaigh in aghaidh Airm Thine, Mionairm agus Airm Éadroma Aindleathacha agus a nArmlón dar teideal “Airm a Dhaingniú, Saoránaigh a Chosaint” (IO L 322, 18.12.2018, lch. 27).