(1)

Le Rialachán Tarmligthe (AE) Uimh. 1062/2014 ón gCoimisiún (2), in Iarscríbhinn II de, bunaítear liosta de theaglamaí de shubstaintí gníomhacha agus cineálacha táirgí a áirítear sa chlár athbhreithniúcháin ar shubstaintí gníomhacha atá ann cheana i dtáirgí bithicídeacha an 30 Márta 2019.

(2)

I gcás roinnt teaglamaí de shubstaintí gníomhacha agus cineálacha táirgí a áirítear sa liosta sin, rinne na rannpháirtithe uile a dtacaíocht a tharraingt siar nó meastar go ndearna siad a dtacaíocht a tharraingt siar in am trátha.

(3)

I gcomhréir le hAirteagal 14(1) de Rialachán Tarmligthe (AE) Uimh. 1062/2014, d’fhoilsigh an Ghníomhaireacht Eorpach Ceimiceán (‘an Ghníomhaireacht’) cuireadh oscailte chun ról an rannpháirtí a ghlacadh i gcás na dteaglamaí sin de shubstaintí gníomhacha agus cineálacha táirge nár glacadh ról an rannpháirtí ina leith roimhe sin. I gcás roinnt de na teaglamaí sin níor cuireadh aon fhógra isteach nó diúltaíodh an fógra de bhun Airteagal 17(4) nó (5) den Rialachán sin. I gcomhréir le hAirteagal 20, an chéad mhír, pointe (b), den Rialachán Tarmligthe (AE) Uimh. 1062/2014, is iad seo a leanas na teaglamaí de shubstaintí gníomhacha agus cineálacha táirge sin nár cheart a fhormheas lena n-úsáid i dtáirgí bithicídeacha: meatam-sóidiam (cineálacha táirgí 9 agus 11); tiaram (cineál táirge 9); brónapól (cineál táirge 9); aigéad sárocsa-ochtánóch (cineálacha táirge 2, 3, 4); Braich - Eastóscaigh agus a ndíorthaigh a ndearnadh modhnú fisiciúil orthu amhail tintiúir, concréití, absalóidí, blátholaí, olaroisíní, teirpéiní, codáin saor ó theirpéin, driogáití, iarmhair, etc., a fhaightear ó Hordeum, Gramineae (cineál táirge 19); 2,2-Débhrómai-2-cianaicéataimíd (cineál táirge 13).

(4)

Ina theannta sin, i gcomhréir le hAirteagal 12(3) de Rialachán Tarmligthe (AE) Uimh. 1062/2014, chuir an Ghníomhaireacht an Coimisiún ar an eolas faoi na teaglamaí de shubstaintí gníomhacha agus cineálacha táirge sin ar tharraing na rannpháirtithe uile a dtacaíocht siar ina leith nó a meastar gur tharraingt siad siar a dtacaíocht ina leith in am trátha, agus ar teaglamaí iad a raibh ról an rannpháirtí glactha ina leith roimhe sin. I gcomhréir le hAirteagal 20, an chéad mhír, pointe (a), den Rialachán sin, is iad seo a leanas na teaglamaí de shubstaintí gníomhacha agus cineálacha táirge sin nár cheart a fhormheas lena n-úsáid i dtáirgí bithicídeacha: airgead, mar nana-ábhar (cineálacha táirge 2, 4, 9); Ola euclaptus citriodora agus ola chiotrónalal, hiodráitithe, timthriallaithe (cineál táirge 19); 2-Hiodrocsa-α,α,4-trímheitilcioglaiheacsánmheatánól (cineál táirge 19); dé-ocsaíd chlóirín a ghintear ó chlóirít sóidiam agus ó shárshulfáit sóidiam (cineálacha táirgí 2, 3, 4, 5, 11); aimíní, C10-16-ailcildémheitil, N-ocsaídí (cineál táirge 4); capsicum oleoresin (cineál táirge 19); capsicum annuum, ext. (cineál táirge 19); Mais imoibriúcháin de (6E)-N-(4-hiodrocsa-3-meatocsa-2-meitilfeinil)-8-meitilnón-6-eanaimíd agus N-(4-hiodrocsa-3-meatocsa-2-meitilfeinil)-8-meitilnónaimíd (cineál táirge 19).

(5)

Tá na bearta dá bhforáiltear sa Chinneadh seo i gcomhréir le tuairim an Bhuanchoiste um Tháirgí Bithicídeacha,