CINNEADH CUR CHUN FEIDHME (AE) 2021/1168 ÓN gCOIMISIÚN

an 27 Aibreán 2021

lena mbunaítear liosta na suirbhéanna taighde sainordaitheacha ar muir agus na dtairseacha sainordaitheacha mar chuid de chlár ilbhliantúil an Aontais maidir le bailiú agus bainistiú na sonraí in earnálacha an iascaigh agus an dobharshaothraithe ó 2022

TÁ AN COIMISIÚN EORPACH,

Ag féachaint don Chonradh ar Fheidhmiú an Aontais Eorpaigh,

Ag féachaint do Rialachán (AE) 2017/1004 ó Pharlaimint na hEorpa agus ón gComhairle an 17 Bealtaine 2017 maidir le creat Aontais a bhunú maidir le bailiú, bainistiú agus úsáid sonraí in earnáil an iascaigh agus maidir le tacaíocht a thabhairt do chomhairle eolaíochta a mhéid a bhaineann leis an gComhbheartas Iascaigh agus lena n-aisghairtear Rialachán (CE) Uimh. 199/2008 ón gComhairle (1), agus go háirithe an chéad fhomhír agus an tríú fomhír d’Airteagal 4(1) de,

De bharr an mhéid seo a leanas:

(1)	Faoi Airteagal 25 de Rialachán (AE) Uimh. 1380/2013 ó Pharlaimint na hEorpa agus ón gComhairle (2), tá de cheanglas ar na Ballstáit sonraí bitheolaíocha, comhshaoil, teicniúla agus socheacnamaíocha a bhailiú, sonraí atá riachtanach le haghaidh bainistiú iascaigh.

(2)	Faoi Airteagal 4(1) de Rialachán (AE) 2017/1004, tá sé de cheanglas ar an gCoimisiún clár ilbhliantúil de chuid an Aontais a bhunú le haghaidh bhailiú, bhainistiú agus úsáid na sonraí in earnáil an iascaigh (Plean Ilbhliantúil an Aontais Eorpaigh).

(3)

Tá gá le Plean Ilbhliantúil an Aontais Eorpaigh chun go mbeidh na Ballstáit in ann a ngníomhaíochtaí bailithe sonraí a shonrú agus a phleanáil mar chuid dá bpleananna oibre náisiúnta. Leagtar amach ann liosta mionsonraithe de cheanglais sonraí maidir le bailiú agus bainistiú na sonraí bitheolaíocha, comhshaoil agus socheacnamaíocha, liostaítear suirbhéanna sainordaitheacha ar muir agus leagtar amach na tairseacha maidir le bailiú sonraí. Le Cinneadh Tarmligthe (AE) 2019/910 ón gCoimisiún (3) agus le Cinneadh Cur Chun Feidhme (AE) 2019/909 ón gCoimisiún (4), glacadh Plean Ilbhliantúil an Aontais Eorpaigh le haghaidh 2020-2021. Rachaidh an dá chinneadh in éag an 31 Nollaig 2021.

(4)

Bunaítear leis an gCinneadh sin, dá bhrí sin, liosta na suirbhéanna taighde sainordaitheacha ar muir agus na tairseacha ar faoina mbun nach bhfuil sé sainordaitheach do na Ballstáit sonraí a bhailiú faoina ngníomhaíochtaí iascaireachta agus dobharshaothraithe nó suirbhéanna ar muir a dhéanamh, dá dtagraítear in Airteagal 5(1)(b) agus (c) de Rialachán (AE) 2017/1004 ón 1 Eanáir 2022. Leagtar síos leis freisin limistéir na réigiún muirí chun críoch bailithe sonraí dá dtagraítear in Airteagal 9(11) de Rialachán (AE) 2017/1004.

(5)	Chuaigh an Coimisiún i gcomhairle leis na grúpaí ábhartha um chomhordú réigiúnach agus leis an gCoiste Eolaíoch, Teicniúil agus Eacnamaíoch um Iascach i gcomhréir le hAirteagal 4(2) de Rialachán (AE) 2017/1004.

(6)

Léifear an cinneadh seo i gcomhar le Cinneadh Tarmligthe (AE) 2021/1167 ón gCoimisiún (5) lena n-aisghairtear Cinneadh Tarmligthe (AE) 2019/910 agus lena leagtar síos socruithe mionsonraithe maidir le bailiú agus bainistiú sonraí bitheolaíocha, comhshaoil, teicniúla agus socheacnamaíocha ag na Ballstáit, dá dtagraítear in Airteagal 5(1)(a) de Rialachán (AE) 2017/1004, ón 1 Eanáir 2022.

(7)	Ar mhaithe le deimhneacht dhlíthiúil, ba cheart Cinneadh Cur Chun Feidhme (AE) 2019/909 a aisghairm le héifeacht ón 1 Eanáir 2022.

(8)	Tá na bearta dá bhforáiltear sa Chinneadh seo i gcomhréir leis an tuairim ón gCoiste Bainistíochta um Iascach agus Dobharshaothrú,

TAR ÉIS AN CINNEADH SEO A GHLACADH:

Airteagal 1

San Iarscríbhinn a ghabhann leis an gCinneadh seo, leagtar amach liosta na suirbhéanna taighde sainordaitheacha ar muir, sainmhínithe na limistéar geografach is infheidhme maidir le bailiú sonraí iascaigh an Aontais, agus na tairseacha ar faoina mbun nach bhfuil sé sainordaitheach do na Ballstáit sonraí a bhailiú faoina ngníomhaíochtaí iascaireachta agus dobharshaothraithe nó suirbhéanna ar muir ó 2022. I dtaca le liosta na suirbhéanna agus na dtairseacha, is cuid de chlár ilbhliantúil an Aontais maidir le bailiú agus bainistiú sonraí in earnáil an iascaigh iad, dá dtagraítear i bpointí (b) agus (c) d’Airteagal 5(1) de Rialachán (AE) 2017/1004.

Airteagal 2

Aisghairtear Cinneadh Cur Chun Feidhme (AE) 2019/909.

Airteagal 3

Tiocfaidh an Cinneadh seo i bhfeidhm an fichiú lá tar éis lá a fhoilsithe in Iris Oifigiúil an Aontais Eorpaigh.

Beidh feidhm aige ón 1 Eanáir 2022.

Arna dhéanamh sa Bhruiséil, 27 Aibreán 2021.

Thar ceann an Choimisiúin

An tUachtarán

Ursula VON DER LEYEN

(1) IO L 157, 20.6.2017, lch. 1.

(2) Rialachán (AE) Uimh. 1380/2013 ó Pharlaimint na hEorpa agus ón gComhairle an 11 Nollaig 2013 maidir leis an gComhbheartas Iascaigh, lena leasaítear Rialacháin (CE) Uimh. 1954/2003 agus (CE) Uimh. 1224/2009 ón gComhairle agus lena n-aisghairtear Rialacháin (CE) Uimh. 2371/2002 agus (CE) Uimh. 639/2004 ón gComhairle agus Cinneadh 2004/585/CE ón gComhairle (IO L 354, 28.12.2013, lch. 22).

(3) Cinneadh Tarmligthe (AE) 2019/910 ón gCoimisiún an 13 Márta 2019 lena mbunaítear clár ilbhliantúil an Aontais maidir le bailiú agus bainistiú sonraí bitheolaíocha, comhshaoil, teicniúla agus socheacnamaíocha in earnálacha an iascaigh agus an dobharshaothraithe (IO L 145, 4.6.2019, lch. 27).

(4) Cinneadh Cur Chun Feidhme (AE) 2019/909 ón gCoimisiún an 18 Feabhra 2019 lena mbunaítear liosta na suirbhéanna taighde sainordaitheacha agus na tairseacha chun críocha chlár ilbhliantúil an Aontais maidir le bailiú agus bainistiú sonraí in earnálacha an iascaigh agus an dobharshaothraithe (IO L 145, 4.6.2019, lch. 21).

(5) Cinneadh Tarmligthe (AE) 2021/1167 ón gCoimisiún an 27 Aibreán 2021 lena mbunaítear an creat ilbhliantúil Aontais maidir le bailiú agus bainistiú sonraí bitheolaíocha, comhshaoil, teicniúla agus socheacnamaíocha in earnáil an iascaigh agus san earnáil dobharshaothraithe ó 2022 (Féach leathanach 51 den Iris Oifigiúil seo).

IARSCRÍBHINN

CAIBIDIL I

Suirbhéanna taighde ar muir

Déanfar na suirbhéanna taighde ar muir a liostaítear i dtábla 1 thíos, ar a laghad, ach amháin má chinntear le hathbhreithniú eolaíoch ar shuirbhéanna nach bhfuil ceann amháin nó níos mó de na suirbhéanna sin iomchuí a thuilleadh chun eolas a chur ar fáil faoi stocmheasúnú agus bainistiú iascach. Is féidir suirbhéanna nua a chur leis an tábla ar bhonn na gcritéar céanna sin.

Sna pleananna oibre náisiúnta dá dtagraítear in Airteagal 21 de Rialachán (AE) Uimh. 508/2014 (1), leagfaidh na Ballstáit amach na suirbhéanna taighde ar muir atá le déanamh agus beidh siad freagrach as na suirbhéanna sin.

Le pleananna oibre náisiúnta na mBallstát nó le pleananna oibre réigiúnacha na mBallstát i gcás inarb infheidhme, áireofar go mbeidh leanúnachas ann le dearaí suirbhéanna roimhe seo.

Níl sé sainordaitheach do na Ballstáit a bheith rannpháirteach (go fisiceach nó ar bhonn airgeadais) i suirbhéanna taighde ar muir a bhaineann le speiceas amháin i gcás:

(a)	inar lú ná 3 % de sciar an Bhallstáit sin de ghabháil iomlán incheadaithe an Aontais (TAC) maidir leis an bpríomh-spriocspeiceas (mar a liostaítear sa tábla) ach amháin má aontaítear ar leibhéal an réigiúin mhuirí ar thairseach eile atá suas le 5 %; nó

(b)	i gcás nach bhfuil aon socrú TAC ann, inar lú ná 3 % sciar an Bhallstáit sin de ghabhálacha iomlána an Aontais arna dtabhairt i dtír sna 3 bliana roimhe sin ach amháin má aontaítear, ar leibhéal an réigiúin mhuirí, ar thairseach eile atá suas go 5 %.

Le haghaidh suirbhéanna ar ilspeiceas nó éiceachórais, is féidir na tairseacha a shocrú ar leibhéal an réigiúin mhuirí.

Ballstáit a rannchuidíonn le suirbhéanna taighde idirnáisiúnta, déanfaidh siad a gcuid iarrachtaí a chomhordú laistigh den réigiún muirí céanna.

Tábla 1

Suirbhéanna taighde ar muir

Ainm an tsuirbhé	Acrainm	Limistéar/limistéir	Príomhspeicis a bhfuiltear ag díriú orthu	Rialachas an ghrúpa um chomhordú réigiúnach (RCG)
Muir Bhailt (limistéir ICES 3aS, 3b-d)
Baltic International Trawl Survey [Suirbhé Tráil Idirnáisiúnta sa Mhuir Bhailt]	BITS_Q1	3aS, 3b-d	BLL COD DAB FLE HER PLE TUR	RCG maidir leis an Muir Bhailt
Baltic International Trawl Survey [Suirbhé Tráil Idirnáisiúnta sa Mhuir Bhailt]	BITS_Q4	3aS, 3b-d	BLL COD DAB FLE HER PLE TUR
Baltic International Acoustic Survey [Fuaimshuirbhé Idirnáisiúnta sa Mhuir Bhailt] (fómhar)	BIAS	3a, 3b-d	HER SPR
Gulf of Riga Acoustic Herring Survey [Fuaimshuirbhé Scadáin sa Mhurascaill Ríge]	GRAHS	3d	HER
Sprat Acoustic Survey [Fuaimshuirbhé Saláin]	SPRAS	3d	SPR
Rügen Herring Larvae Survey [Suirbhé ar Larbhaí Scadáin Rügen]	RHLS_DEU	3d	HER
Fehmarn Juvenile Cod Survey [Suirbhé ar Throsc Fehmarn Óg]	FEJUCS	3c SD22	COD
An Mhuir Thuaidh agus an tArtach Thoir (limistéir ICES 1, 2, 3a, 4, 7d)
Kattegat Cod Survey [Suirbhé ar Throsc Kattegat]	CODS_Q4	3a	COD	RCG maidir leis an Muir Thuaidh agus an tArtach Thoir
International Bottom Trawl Survey [Suirbhé Idirnáisiúnta Tráil Grinnill]	IBTS_Q1	3a, 4	COD FLE GUG HAD HER NOP PLE RJC RJM RJN RJR SPR SYC TUR WHG WIT	RCG maidir leis an Muir Thuaidh agus an tArtach Thoir
International Bottom Trawl Survey [Suirbhé Idirnáisiúnta Tráil Grinnill]	IBTS_Q3	3a, 4	COD HAD HER NOP PLE POK RJC RJH RJM RJN RJR SPR SYC TUR WHG WIT
North Sea Beam Trawl Survey [Suirbhé Tráil Bhíoma sa Mhuir Thuaidh]	BTS	4b, 4c, 7d	DAB PLE RJC RJE RJM SDV SOL SYC SYT TUR
Demersal Young Fish Survey [Suirbhé ar Éisc Óga Ghrinnill]	DYFS	Cóstaí na Mara Thuaidh	SOL
Sole Net Survey [Suirbhé Eangaigh ar Shóil]	SNS_NLD	4b, 4c	SOL TUR
North Sea Sandeels Survey [Suirbhé ar Chorra Gainimh sa Mhuir Thuaidh]	NSSS	4a, 4b	SAN
International Ecosystem Survey in the Nordic Seas [Suirbhé Idirnáisiúnta ar Éiceachórais sna Farraigí Nordacha]	ASH	2a	HER
Mackerel Egg Survey [Suirbhé ar Uibheacha Ronnaigh] (tríbhliantúil)	NSMEGS	4	MAC
Herring Larvae Survey [Suirbhé ar Larbhaí Scadáin]	IHLS	4, 7d	HER
NS Herring Acoustic Survey [Fuaimshuirbhé ar Larbhaí Scadáin sa Mhuir Thuaidh]	NHAS	3a, 4, 6a	HER SPR
Nephrops UWTV survey [Suirbhé UWTV ar Chloicheáin]	UWTV3-4, UWTV6, UWTV7, UWTV8, UWTV9	3a, 4a, 4b	NEP
An tAtlantach Thuaidh (limistéir ICES 5-14 agus limistéir NAFO)
International Redfish Trawl and Acoustic Survey [Suirbhé Tráil agus Fuaimshuirbhé Idirnáisiúnta ar Phéirsí Mara] (tríbhliantúil)	REDTAS	5a, 12, 14; NAFO SA 1-3	REB	RCG maidir leis an Muir Thuaidh agus an tArtach Thoir
Flemish Cap Groundfish Survey [Suirbhé ar Éisc Ghrinnill Flemish Cap]	FCGS	3M	AME COD GRE NOR RED ROU SHO
Greenland Groundfish Survey [Suirbhé ar Éisc Ghrinnill sa Ghraonlainn]	GGS	14, NAFO SA1	COD RED REG
3LNO Groundfish Survey [Suirbhé ar Éisc Ghrinnill]	PLATUXA_ESP	NAFO 3LNO	AME COD GRE NOR RED ROU THO WHI WIT YEL
Western IBTS [IBTS Thiar] An ceathrú ráithe (lena n-áirítear suirbhé Porcupine)	IBTS_Q4	6a, 7, 8, 9a	OCT MON ANK ANF BOC BSS COD CTL DGS GAG GFB HAD HER HKE HOM LDB MAC MEG LEZ LDB NEP PLE RJC RJM RJN RNG SDV SHO SQZ SYC WHG	RCG maidir leis an Atlantach Thuaidh
Western IBTS [IBTS Thiar] An chéad ráithe	IBTS_Q1	6a, 7a	OCT COD CTL HAD HER HOM LEZ MAC NEP PLE RJC RJM RJN SDV SHO SYC WHG
ISBCBTS Meán Fómhair	ISBCBTS	7afg	PLE RJC RJE RJH RJM SDV SOL SYC
Western Channel Beam Trawl Survey [Suirbhé Tráil Bhíoma i Muir nIocht Thiar]	SWECOS_GBE	7efgh	RJB RJC RJE RJH RJM SDV SOL SYC
Blue Whiting Survey [Suirbhé ar Fhaoitíní Gorma]	IBWSS	6, 7	WHB
International Mackerel and Horse Mackerel Egg Survey [Suirbhé Idirnáisiúnta ar Uibheacha Ronnaigh agus Bolmáin] (tríbhliantúil)	MEGS	6, 7, 8, 9a	HOM MAC
Sardine, Anchovy Horse Mackerel Acoustic Survey [Fuaimshuirbhé ar Shairdíní, Ainseabhaithe agus Bolmáin]	SAHMAS	8, 9	ANE BOC HOM PIL
Sardine DEPM [DEPM ar Shairdíní] (tríbhliantúil)	SDEPM	8c, 9a	HOM PIL
Spawning/Pre-spawning Herring/Boarfish Acoustic Survey [Fuaimshuirbhé ar Sceite/Réamhsceite Scadán/Torciasc]	WESPAS_IRL	6a, 7a-g	BOC HER
Biomass of Anchovy [Bithmhais na nAinseabhaithe]	BIOMAN	8	ANE PIL
Nephrops UWTV survey [Suirbhé UWTV ar Chloicheáin]	UWTV11-13, UWTV14, UWTV15, UWTV16-17, UWTV19, UWTV20-22, UWTV30	6a, 7a, 7b, 7ghj, 9a	NEP LDB GFB SHO
Nephrops Survey Offshore Portugal [Suirbhé ar Chloicheáin Amach ó Chósta na Portaingéile] (FU 28-29)	NepS	9a	NEP
Celtic Sea Herring Acoustic Survey [Fuaimshuirbhé ar Scadáin sna Farraigí Ceilteacha]	CSHAS_IRL	6a, 7gj	HER
Acoustic Survey on Sardine and Anchovy [Fuaimshuirbhé ar Shairdíní agus Ainseabhaithe]	ECOCADIZ_ESP	9a	ANE
Swept Area Trawl Survey for Mackerel [Suirbhé Tráil ar Achar Scuabtha le haghaidh Ronnach]	IESSNS	2, 3aN, 4, 5, 14	MAC HER WHB
Acoustic Survey for Juvenile Anchovy in the Bay of Biscay [Fuaimshuirbhé le haghaidh Ainseabhaithe Óga i mBá na Bioscáine]	JUVENA_ESP	8a-d	ANE
Bay of Biscay Demersal Resources Survey [Suirbhé ar Acmhainní Grinnill i mBá na Bioscáine]	ORHAGO_Q4_FRA	8ab	SOL
Deepwater Longline Survey [Suirbhé Spiléir Domhainmhara]	PALPRO_ESP	8c	GFB
Irish Anglerfish and Megrim Survey [Suirbhé ar Láimhínigh agus Scoilteáin Éireannacha]	IAMS_IRL	6a, 7	MON ANK ANF MEG LEZ LDB
Anglerfish and Megrim Survey [Suirbhé ar Láimhínigh agus Scoilteáin] (suirbhé tionscail-eolaíochta)	SIAMISS_GBS	4a, 4b, 6a, 6b	ANF LEZ
Western Channel Celtic Sea Pelagic Survey [Suirbhé Peiligeach i Muir nIocht Thiar agus sna Farraigí Ceilteacha]	PELTIC	7de	PIL ANE SPR
Herring Acoustic Survey [Fuaimshuirbhé Scadáin]	ISAS	7a	HER
An Mheánmhuir agus an Mhuir Dhubh
Pan-Mediterranean Acoustic Survey [Fuaimshuirbhé Uile-Mheánmhara]	MEDIAS	FLG 1, 6, 7, 9, 10, 15, 16, 17, 18, 20, 22	ANE PIL	RCG maidir leis an Meánmhuir agus an Mhuir Dhubh
Bottom Trawl Survey in Black Sea [Suirbhé Tráil Grinnill sa Mhuir Dhubh]	BTSBS	FLG 29	DGS TUR WHG
Pelagic Trawl Survey in Black Sea [Suirbhé Tráil Peiligeach sa Mhuir Dhubh]	PTSBS	FLG 29	SPR
International Bottom Trawl Survey in the Mediterranean [Suirbhé Tráil Grinnill Idirnáisiúnta sa Mheánmhuir]	MEDITS	FLG 1, 2, 3, 5, 6, 7, 8, 9, 10, 11, 15, 16, 17, 18, 19, 20, 22, 23, 25	de réir an liosta spriocspeiceas ó lámhleabhar ábhartha MEDITS
Beam Trawl Survey [Suirbhé Tráil Bhíoma] (FLG 17)	SOLEMON	FLG 17	CTC MTS SOL
Bluefin Tuna Larval Survey [Suirbhé ar Larbhaigh Tuinnín Ghoirm]	TUNIBAL	FLG 5, 6 (An Mhuir Bhailéarach)	ALB BFT	RCG maidir le limistéir pheiligeacha mhóra

CAIBIDIL II

Tairseacha maidir leis an mbailiú sonraí

Leis an gCaibidil seo, socraítear tairseacha le haghaidh bhailiú shonraí iascaigh an Aontais dá dtagraítear i gCinneadh Tarmligthe (AE) 2021/1167 ón gCoimisiún (2).

Níl sé sainordaitheach do na Ballstáit sonraí bitheolaíocha a bhailiú ar stoic áirithe i gcás ina gcomhlíontar ceann de na coinníollacha seo a leanas:

(a)	is lú sciar an Bhallstáit sin den TAC ábhartha (aonar nó comhcheangailte) ná 10 % d’iomlán an Aontais, ach amháin má tá sciar na mBallstát lena mbaineann níos mó ná 25 % den TAC; nó

(b)	i gcás nach bhfuil aon TAC ann, is lú ná 10 % de mheánghabhálacha iomlána ábhartha an Aontais Eorpaigh iad gabhálacha iomlána stoic ar leith ag Ballstát arna dtabhairt i dtír le linn na 3 bliana roimhe sin; nó

(c)	is lú ná 200 tona gabhálacha iomlána bliantúla stoic ar leith ag Ballstát arna dtabhairt i dtír. Féadfaidh tairseach níos ísle a shainiú ag leibhéal an réigiúin mhuirí le haghaidh speicis a bhfuil riachtanas bainistithe sonrach acu.

I gcás ina sroichtear an tairseach comhchoiteann 25 % dá dtagraítear i bpointe (a), roinnfidh na Ballstáit lena mbaineann na cúraimí a bhaineann le bailiú na sonraí bitheolaíocha ar leibhéal an réigiúin mhuirí chun a áirithiú go gcumhdófar na stoic ábhartha trí shampláil i gcomhréir le riachtanais úsáideoirí deiridh.

Is iad na tairseacha mar a leagtar amach i gceanglais Eagraíochtaí Réigiúnacha Bainistithe Iascaigh (RFMO) a mbeidh feidhm acu maidir le speicis faoin RFMO maidir le tuinnín.

Ní bheidh feidhm ag aon tairseach maidir leis na speicis seo a leanas:

(a)	speicis dhédhrómacha; agus

(b)	speicis íogaire mar a shainmhínítear in Airteagal 6(8) de Rialachán (AE) 2019/1241 ón gComhairle (3).

Ní bheidh feidhm ag aon tairseach maidir le meastacháin ghabhála a fháil ó ghabhálacha áineasa. Aontófar agus comhordófar ar leibhéal an réigiúin mhuirí na tairseacha maidir le sonraí bitheolaíocha a bhailiú ó ghabhálacha áineasa agus is ar riachtanais úsáideoirí deiridh a bheidh siad bunaithe.

Gan dochar d’oibleagáidí sonracha idirnáisiúnta faoi na hEagraíochtaí Réigiúnacha Bainistithe Iascaigh, níl sé sainordaitheach sonraí bitheolaíocha a bhailiú i gcás inar lú ná 10 % sciar an Aontais de stoc a shaothraítear ar bhonn idirnáisiúnta.

A mhéid a bhaineann le bailiú na sonraí eacnamaíocha, sóisialta agus comhshaoil maidir le dobharshaothrú:

(a)	níl sé sainordaitheach do na Ballstáit sonraí den chineál sin a bhailiú má tá táirgeadh dobharshaothraithe iomláin an Bhallstáit níos lú ná 1 % de thairgeadh dobharshaothraithe iomláin an Aontais de réir meáchain agus luacha araon;

(b)	níl sé sainordaitheach do na Ballstáit sonraí den chineál sin a bhailiú maidir le speicis a chuimsíonn níos lú ná 5 % de tháirgeadh dobharshaothraithe an Bhallstáit de réir meáchain agus luacha araon; agus

(c)	i gcás ina bhfuil táirgeadh dobharshaothraithe iomláin an Bhallstáit idir 1 % agus 2,5 % de tháirgeadh dobharshaothraithe iomláin an Aontais de réir meáchain agus luacha araon, féadfaidh an Ballstát sin modheolaíochtaí simplithe a úsáid chun sonraí den sórt sin a mheas.

Ríomhfar na tairseacha dá dtagraítear i bpointí (a), (b) agus (c) ar bhonn an fhoilseacháin Eurostat is déanaí faoi shonraí an Bhallstáit ábhartha.

Gan dochar do phointí (a), (b) agus (c), baileoidh na Ballstáit sonraí maidir le luach agus meáchan a dtáirgthe dobharshaothraithe, ar bhonn bliantúil.

CAIBIDIL III

Srathú geografach de réir réigiúin

Chun sonraí iascaigh an Aontais a shonraítear san Iarscríbhinn a ghabhann le Cinneadh Tarmligthe (AE) 2021/1167 a bhailiú, beidh feidhm ag na sainmhínithe ar na limistéir gheografacha maidir le réigiúin mhuirí a liostaítear i dtábla 2 thíos.

Tábla 2

Srathú geografach de réir réigiúin

Na limistéir ba cheart a bheith cumhdaithe chun críocha DCF		Réigiún	Réigiún Supra (4)
Muir Bhailt (limistéar FAO 27)	Limistéir ICES 3b-d	Muir Bhailt	Muir Bhailt; An Mhuir Thuaidh; An tArtach Thoir; NAFO; uiscí leathnaithe an Iarthuaiscirt (limistéir ICES 5, 6 agus 7) agus uiscí leathnaithe an Iardheiscirt (limistéir ICES 10, 12 agus 14)
An tArtach Thoir, an Mhuir Ioruach, Muir Barents, Skagerrak agus Kattegat, an Mhuir Thuaidh agus an Mhuir nIocht Thoir, An tAtlantach Thoir Thuaidh agus an Mhuir nIocht Thiar (limistéar FAO 27)	Limistéir ICES 1, 2, 3a, 4 agus 7d	An Mhuir Thuaidh agus an tArtach Thoir
	Limistéir ICES 5, 6, 7 (ach amháin 7d), 8, 9, 10, 12 agus 14	An tAtlantach Thoir Thuaidh
An tAtlantach Thiar Thuaidh (limistéar FAO 21)	Limistéar Choinbhinsiún NAFO	Limistéir eile ina n-oibríonn soithigh de chuid an Aontais iascaigh lasmuigh d’uiscí an Aontais Eorpaigh agus atá faoi oibleagáidí maidir le tuairisciú le hEagraíochtaí Réigiúnacha Bainistithe Iascaigh (RFMO) nó comhlachtaí réigiúnacha iascaigh dar páirtí conarthach nó breathnóir é an Aontas.
An tAtlantach Thoir Láir (limistéar FAO 34)	Limistéar Choinbhinsiún CECAF		Réigiúin eile
An tAtlantach Thiar Láir (limistéar FAO 31)	Limistéar Choinbhinsiún WECAFC (*1)
An tAtlantach Thoir Theas (limistéar FAO 47)	Limistéar Choinbhinsiún SEAFO
An tAigéan Ciúin Theas (limistéir FAO 81 agus 87)	Limistéar Choinbhinsiún SPRFMO
An tAigéan Atlantach agus na farraigí máguaird (FAO 21, 27, 31, 37, 41, 47, 34, 48)	Limistéar Choinbhinsiún ICCAT
An tAigéan Indiach (limistéir FAO 51 agus 57)	Limistéar Choinbhinsiún IOTC
An tAigéan Indiach (limistéir FAO 51 agus 57)	Limistéar Choinbhinsiún SIOFA
An tAigéan Indiach (limistéir FAO 51 agus 57)	Limistéar Choinbhinsiún CCSBT
An tAigéan Ciúin Thiar Láir (limistéar FAO 71)	Limistéar Choinbhinsiún WCPFC
An tAigéan Ciúin Thoir Láir (limistéir FAO 77 agus 87)	Limistéar Choinbhinsiún IATTC
An tAigéan Antartach agus an tAigéan Indiach Theas (limistéir FAO 48, 58 agus 88)	Limistéar Choinbhinsiún CAMLR
Na réigiúin is forimeallaí san Aontas Eorpach	Uiscí an Aontais Eorpaigh mórthimpeall Mayotte agus oileáin la Réunion	Na réigiúin is forimeallaí
	Uiscí an Aontais Eorpaigh mórthimpeall Ghuáin na Fraince, Martinique, na hOileáin Guadalúipe
	Uiscí an Aontais Eorpaigh mórthimpeall na nAsór (FAO 27.10.a.2)		Muir Bhailt; An Mhuir Thuaidh; An tArtach Thoir; NAFO; uiscí leathnaithe an Iarthuaiscirt (limistéir ICES 5, 6 agus 7) agus uiscí leathnaithe an Iardheiscirt (limistéir ICES 10, 12 agus 14)
	Uiscí an Aontais Eorpaigh mórthimpeall Mhaidéara agus na nOileán Canárach (FAO 34.1.2)
An Mheánmhuir agus an Mhuir Dhubh (limistéar FAO 37)	GFCM FGL 1-29	An Mheánmhuir agus an Mhuir Dhubh	An Mheánmhuir agus an Mhuir Dhubh

(1) Rialachán (AE) Uimh. 508/2014 ó Pharlaimint na hEorpa agus ón gComhairle an 15 Bealtaine 2014 maidir leis an gCiste Eorpach Muirí agus Iascaigh agus lena n-aisghairtear Rialacháin (CE) Uimh. 2328/2003, (CE) Uimh. 861/2006, (CE) Uimh. 1198/2006 agus (CE) Uimh. 791/2007 ón gComhairle agus Rialachán (AE) Uimh. 1255/2011 ó Pharlaimint na hEorpa agus ón gComhairle (IO L 149, 20.5.2014, lch. 1).

(2) Cinneadh Tarmligthe (AE) 2021/1167 ón gCoimisiún an 27 Aibreán 2021 lena mbunaítear an creat ilbhliantúil Aontais maidir le bailiú agus bainistiú sonraí bitheolaíocha, comhshaoil, teicniúla agus socheacnamaíocha in earnáil an iascaigh agus san earnáil dobharshaothraithe ó 2022 (IO L 253 …… 51).

(3) Rialachán (AE) 2019/1241 ó Pharlaimint na hEorpa agus ón gComhairle an 20 Meitheamh 2019 maidir le hacmhainní iascach a chaomhnú agus le héiceachórais mhara a chosaint trí bhearta teicniúla, lena leasaítear Rialacháin (CE) Uimh. 1967/2006, (CE) Uimh. 1224/2009 ón gComhairle agus Rialacháin (AE) Uimh. 1380/2013, (AE) 2016/1139, (AE) 2018/973, (AE) 2019/472 agus (AE) 2019/1022 ó Pharlaimint na hEorpa agus ón gComhairle, agus lena n-aisghairtear Rialacháin (CE) Uimh. 894/97, (CE) Uimh. 850/98, (CE) Uimh. 2549/2000, (CE) Uimh. 254/2002, (CE) Uimh. 812/2004 agus (CE) Uimh. 2187/2005 ón gComhairle (IO L 198, 25.7.2019, lch. 105).

(4) Aon soitheach nach bhfuil i mbun iascaireacht fhadraoin, leithdháilfear é chuig réigiún supra bunaithe ar an líon laethanta ar muir (níos mó ná 50 %) a caitheadh sa réigiún supra.

(*1) lena n-eisiatar uiscí an Aontais Eorpaigh