(1)

An 29 Nollaig 2020, ghlac an Chomhairle Cinneadh (AE) 2020/2252 (1) maidir le síniú, thar ceann an Aontais, agus cur i bhfeidhm sealadach an Chomhaontaithe Trádála agus Comhair idir an tAontas Eorpach agus an Comhphobal Eorpach do Fhuinneamh Adamhach, de pháirt, agus Ríocht Aontaithe na Breataine Móire agus Thuaisceart Éireann, den pháirt eile (2), (an “Comhaontú Trádála agus Comhair”) agus an Chomhaontaithe idir an tAontas Eorpach agus Ríocht Aontaithe na Breataine Móire agus Thuaisceart Éireann a bhaineann le nósanna imeachta slándála le haghaidh malartú agus cosaint faisnéise rúnaicmithe (3) (an “Comhaontú maidir le Slándáil Faisnéise”) (na “Comhaontuithe” le chéile).

(2)

Is comhaontú forlíontach ar an gComhaontú Trádála agus Comhair é an Comhaontú maidir le Slándáil Faisnéise agus tá dlúthcheangal idir é agus an comhaontú sin, go háirithe maidir leis na dátaí cur i bhfeidhm agus foirceanta.

(3)

De bhun Airteagal 12(1) de Chinneadh (AE) 2020/2252, agus faoi mar a chomhaontaigh na Páirtithe i mír 2 d’Airteagal FINPROV.11 (Teacht i bhfeidhm agus cur i bhfeidhm sealadach) den Chomhaontú Trádála agus Comhair é, tá feidhm na Comhaontuithe ar bhonn sealadach amhail ón 1 Eanáir 2021, go dtí go mbeidh na nósanna imeachta is gá chun go dtiocfaidh siad i bhfeidhm tugtha chun críche.

(4)

De bhun mhír 2 d’Airteagal FINPROV.11 (Teacht i bhfeidhm agus cur i bhfeidhm sealadach) den Chomhaontú Trádála agus Comhair, táthar le scor den chur i bhfeidhm sealadach ar cheann de na dátaí seo a leanas, cibé acu is luaithe: an 28 Feabhra 2021 nó dáta eile arna chinneadh ag an gComhairle Comhpháirtíochta arna bunú le hAirteagal INST.1 (“An Chomhairle Comhpháirtíochta”) den Chomhaontú Trádála agus Comhair (“An Chomhairle Comhpháirtíochta”); nó ar an gcéad lá den mhí tar éis na míosa inar thug an dá Pháirtí fógra dá chéile go bhfuil a gceanglais inmheánacha agus a nósanna imeachta inmheánacha féin tugtha chun críche acu maidir lena dtoiliú a bheith faoi cheangal a bhunú.

(5)

De bharr an ama a theastaíonn ó Pharlaimint na hEorpa agus ón gComhairle chun grinnscrúdú iomchuí a dhéanamh ar théacsanna na gComhaontuithe i ngach ceann de na 24 theanga bharántúla, ní bheidh an tAontas in ann an Comhaontú Trádála agus Comhair a thabhairt i gcrích faoin 28 Feabhra 2021.

(6)

Dá bhrí sin, ba cheart don Chomhairle Comhpháirtíochta dáta níos déanaí a shocrú don scor den chur i bhfeidhm sealadach, ag cur san áireamh an tráth a mbeifear tar éis na leaganacha uile teanga de na Comhaontuithe a athbhreithniú agus a bhunú mar leaganacha barantúla agus críochnaitheacha. I bhfianaise an dáta ar a bhfuil sé beartaithe go mbeidh na leaganacha barántúla agus críochnaitheacha sin de na Comhaontuithe ar fáil, ba cheart don Chomhairle Comhpháirtíochta an 30 Aibreán 2021 a shocrú mar an dáta ar a bhfultear le scor den chur i bhfeidhm sealadach.

(7)

Is iomchuí an seasamh atá le glacadh thar ceann an Aontais laistigh den Chomhairle Comhpháirtíochta a bhunú.

(8)

Ionas go mbeifear in ann na bearta dá bhforáiltear sa Chinneadh seo a chur i bhfeidhm go pras, ba cheart dó a theacht i bhfeidhm ar an dáta a ghlacfar é,