(1)

An 7 Nollaig 2015, ghlac an Chomhairle Cinneadh (CBES) 2015/2274 (1) lena gceaptar Ángel LOSADA FERNÁNDEZ mar Ionadaí Speisialta an Aontais Eorpaigh (ISAE) don tSaiheil.

(2)

An 25 Meitheamh 2018, ghlac an Chomhairle Cinneadh (CBES) 2018/906 (2) lena gcuirtear síneadh le sainordú Ángel LOSADA FERNÁNDEZ mar ISAE don tSaiheil. Cuireadh síneadh breise le sainordú ISAE le Cinneadh (CBES) 2020/253 ón gComhairle (3). Tá sainordú ISAE le dul in éag an 28 Feabhra 2021.

(3)

Ba cheart síneadh 4 mhí breise a chur le sainordú ISAE, laistigh den mhéid tagartha airgeadais a leagtar amach in Airteagal 5(1) de Chinneadh (CBES) 2018/906 arna leasú le Cinneadh (CBES) 2020/253.

(4)

Cuirfidh ISAE an sainordú chun feidhme i gcomhthéacs staid a d'fhéadfadh dul in olcas agus a d'fhéadfadh bac a chur ar bhaint amach chuspóirí ghníomhaíocht sheachtrach an Aontais mar a leagtar amach iad in Airteagal 21 den Chonradh,

(1)

cuirtear an méid seo a leanas in ionad mhír 1 in Airteagal 1:

“Cuirtear síneadh le sainordú Ángel LOSADA FERNÁNDEZ mar Ionadaí Speisialta an Aontais Eorpaigh (ISAE) don tSaiheil go dtí an 30 Meitheamh 2021. Féadfaidh an Chomhairle a chinneadh go ndéanfaí sainordú ISAE a fhoirceannadh níos luaithe, bunaithe ar mheasúnú ón gCoiste Polaitiúil agus Slándála (CPS) agus ar thogra ó Ardionadaí an Aontais do Ghnóthaí Eachtracha agus don Bheartas Slándála (AI).”;

(2)

in Airteagal 14, cuirtear an méid seo a leanas in ionad an dara mír:

“Déanfar an tuarascáil chuimsitheach chríochnaitheach ó ISAE maidir leis an sainordú a chur chun feidhme a thíolacadh faoin 30 Aibreán 2021.”.