1.   Leagtar síos sa Chinneadh seo rialacha a bhaineann leis na coinníollacha faoina bhféadfaidh Comhghnóthas IMI 2 JU, faoi chuimsiú a nósanna imeachta a leagtar amach i mír 2, srian a chur le feidhmiú na gceart atá cumhdaithe in Airteagail 14 go 22, Airteagail 35 agus 36, chomh maith le hAirteagal 4 de, i gcomhréir le hAirteagal 25 de Rialachán (AE) 2018/1725.

2.   Faoi chuimsiú fheidhmiú riaracháin Chomhghnóthas IMI 2 JU, tá feidhm ag an gcinneadh seo maidir leis na hoibríochtaí próiseála ar shonraí pearsanta atá déanta ag Oifig an Chláir chun na gcríoch seo: fiosrúcháin riaracháin a dhéanamh, imeachtaí araíonachta a chur i gcrích, réamhghníomhaíochtaí a bhaineann le cásanna neamhrialtachtaí ionchasacha a thuairiscítear do OLAF a dhéanamh, cásanna sceithireachta a phróiseáil, nósanna imeachta (foirmiúla agus neamhfhoirmiúla) ciaptha a chur i gcrích, gearáin inmheánacha agus seachtracha a phróiseáil, imscrúduithe arna ndéanamh ag an Oifigeach Cosanta Sonraí i gcomhréir le hAirteagal 45(2) de Rialachán (AE) 2018/1725 agus imscrúduithe slándála (FT) arna láimhseáil go hinmheánach nó le rannpháirtíocht sheachtrach (e.g. CERT‐AE).

3.   I measc na gcatagóirí sonraí lena mbaineann tá sonraí crua (sonraí “oibiachtúla” ar nós sonraí aitheantais, sonraí teagmhála, sonraí gairmiúla, sonraí riaracháin, sonraí a fhaightear as foinsí faoi leith, sonraí cumarsáide leictreonaí agus sonraí tráchta) agus sonraí boga (sonraí “suibiachtúla” a bhaineann leis an gcás ar nós na réasúnaíochta, sonraí iompraíochta, breithmheasanna, sonraí feidhmíochta agus iompair, agus sonraí a bhaineann le nó a thagann chun cinn maidir le hábhar an nóis imeachta nó na gníomhaíochta).

4.   Agus Comhghnóthas IMI 2 JU ag déanamh a dhualgas maidir le cearta an duine is ábhar do na sonraí faoi Rialachán (AE) 2018/1725, déanfar machnamh ar aon díolúintí a leagtar síos sa Rialachán sin a fheidhmiú.

5.   Faoi réir na gcoinníollacha a leagtar amach sa Chinneadh seo, d’fhéadfadh feidhm a bheith leis na srianta seo maidir leis na cearta a leanas: soláthar faisnéise do na daoine is ábhar do shonraí, an ceart rochtana, an ceart go ndéanfaí ceartúcháin, an ceart go ndéanfaí léirscriosadh, an ceart go gcuirfí srian le próiseáil, ceart an ábhair sonraí teachtaireacht a fháil maidir le sárú sonraí pearsanta, nó rúndacht cumarsáide.

1.   Cuirfidh Comhghnóthas IMI 2 JU i bhfeidhm na coimircí seo a leanas atá dírithe ar chosc a chur ar mhí-úsáid nó ar rochtain neamhdhleathach ar shonraí pearsanta nó a n‐aistriú neamhdhleathach (4):

2.   Tréimhse choinneála na sonraí pearsanta dá dtagraítear in Airteagal 1(3), ní bheidh sí níos faide ná mar is gá agus beidh sé iomchuí chun na gcríoch a ndéanfar na sonraí a phróiseáil ina gcomhair. I gcás ar bith, ní bheidh an tréimhse sin níos faide ná an tréimhse coinneála a shonraítear sna fógraí cosanta sonraí, sna ráitis phríobháideachta nó sna taifid dá dtagraítear in Airteagal 6.

3.   I gcás ina smaoineoidh Comhghnóthas IMI 2 JU ar shrian a chur i bhfeidhm, déanfar an riosca do chearta agus do shaoirsí an duine is ábhar do na sonraí a mheas, go háirithe, an riosca do chearta agus do shaoirsí na ndaoine eile is ábhar do na sonraí agus an baol go gcuirfear éifeacht imscrúduithe nó nósanna imeachta Chomhghnóthas IMI 2 JU ar ceal, mar shampla, trí fhianaise a bheith scriosta. Baineann na rioscaí do chearta agus saoirsí an ábhair sonraí go príomha, ach níl siad teoranta dóibh, le rioscaí clú agus rioscaí don cheart cosanta agus don cheart éisteacht a fháil.

1.   Ní chuirfidh Comhghnóthas IMI 2 JU aon srian i bhfeidhm ach amháin chun coimirciú a dhéanamh in aghaidh an méid seo a leanas:

2.   Mar fheidhmiú áirithe na gcríoch a mhínítear i mír 1 thuas, féadfaidh Comhghnóthas IMI 2 JU srianta a chur i bhfeidhm, sna cúinsí seo a leanas:

Sula gcuirfidh sí srianta i bhfeidhm ar na cúiseanna dá dtagraítear i bpointe (a) agus i bpointe (b) den chéad fhomhír, rachaidh Comhghnóthas IMI 2 JU i gcomhairle le seirbhísí ábhartha an Choimisiúin, le hinstitiúidí an Aontais, le comhlachtaí, le gníomhaireachtaí, le hoifigí nó le húdaráis inniúla na mBallstát murar léir go bhfuil sé soiléir don Chomhghnóthas IMI 2 JU go bhforáiltear do chur i bhfeidhm srianta i gceann de na gníomhartha dá dtagraítear sna pointí sin.

1.   I gcásanna a mbeidh bonn cirt leo agus faoi réir na gcoinníollacha a leagtar síos sa Chinneadh seo, féadfaidh an rialaitheoir na cearta seo a leanas a shrianadh i gcomhthéacs na n‐oibríochtaí próiseála atá liostaithe i mír 2 thíos más gá agus comhréireach:

2.   I gcomhréir le hAirteagal 25(2)(a) de Rialachán (AE) 2018/1725, i gcásanna a mbeidh bonn cirt leo agus faoi na coinníollacha a leagtar síos sa Chinneadh seo, féadfaidh an rialaitheoir na srianta a chur i bhfeidhm i gcomhthéacs na hoibríochta próiseála seo a leanas:

Beidh feidhm ag an srian chomh fada agus a bheidh na cúiseanna a thugann údar leis infheidhme.

3.   I gcás ina gcuirfidh Comhghnóthas IMI 2 JU srian, go hiomlán nó go páirteach, ar chur i bhfeidhm na gceart i mír 1 thuas, déanfaidh sé na bearta atá leagtha amach in Airteagail 6 agus 7 den Chinneadh seo.

4.   I gcás ina n‐iarrfaidh daoine is ábhar do na sonraí rochtain ar a gcuid sonraí pearsanta a próiseáladh i gcomhthéacs cás sonrach amháin nó níos mó nó ar oibríocht phróiseála ar leith, i gcomhréir le hAirteagal 17 de Rialachán (AE) 2018/1725, is ar an iarratas sonraí pearsanta sin amháin a dhéanfaidh Comhghnóthas IMI 2 JU measúnú.

1.   I gcás ina mbeidh srian a leagtar amach in Airteagal 5 i bhfeidhm, beidh sé riachtanach agus comhréireach, agus na rioscaí do chearta agus do shaoirsí na ndaoine is ábhar do na sonraí á gcur san áireamh, agus tabharfar aird ar bhunús na gceart agus na saoirsí bunúsacha i sochaí dhaonlathach.

2.   Má smaoinítear ar shrian a chur i bhfeidhm, déanfar tástáil riachtanais agus comhréireachta bunaithe ar na rialacha atá ann faoi láthair. Déanfar an tástáil freisin faoi chuimsiú an athbhreithnithe thréimhsiúil, tar éis a mheas an bhfuil feidhm fós ag cúiseanna fíorasacha agus dlíthiúla an tsriain. Déanfar é a dhoiciméadú trí nóta measúnaithe inmheánaigh chun críoch freagrachta ar bhonn cás ar chás.

3.   Beidh feidhm shealadach ag na srianta agus cuirfear deireadh leo a luaithe a bheidh deireadh leis na himthosca a bhí ina n‐údar leo. Go háirithe i gcás ina measfar nach gcuirfeadh feidhmiú an chirt shrianta deireadh le héifeacht an tsriain a fhorchuirtear a thuilleadh, nó nach mbeadh éifeacht dhíobhálach ag an bhfeidhmiú sin ar chearta nó ar shaoirsí daoine eile is ábhar do na sonraí.

Déanfaidh Comhghnóthas IMI 2 JU athbhreithniú ar chur i bhfeidhm an tsriain gach 6 mhí tar éis é a ghlacadh agus ar dhúnadh an fhiosrúcháin, an nós imeachta nó an imscrúdaithe ábhartha. Ina dhiaidh sin, déanfaidh an rialaitheoir faireachán gach 6 mhí lena a dhéanamh amach an bhfuil gá ann aon srian a choinneáil i bhfeidhm.

4.   I gcás ina bhfeidhmeoidh Comhghnóthas IMI 2 JU, go hiomlán nó go páirteach, na srianta a leagtar amach in Airteagal 5 den Chinneadh seo, taifeadfaidh sé na cúiseanna leis an srian, an bunús dlí de réir mhír 1 thuas, lena n‐áirítear measúnú ar riachtanas agus comhréireacht an tsriain.

Clárófar an taifead agus, i gcás inarb infheidhme, clárófar na doiciméid ina bhfuil codanna bunúsacha fíorasacha agus dlíthiúla. Cuirfear iad ar fáil ag an Maoirseoir Eorpach um Chosaint Sonraí ar iarratas.

1.   Áireoidh Comhghnóthas IMI 2 JU sna fógraí cosanta sonraí, sna ráitis phríobháideachta nó sna taifid i gcomhréir le hAirteagal 31 de Rialachán (AE) 2018/1725 a fhoilseofar ar a shuíomh gréasáin agus/nó ar an inlíon lena gcuirfear daoine is ábhar do na sonraí ar an eolas faoina gcearta i gcomhthéacs nós imeachta ar leith, eolas a bhaineann le srianadh féideartha na gceart seo. Cuimseoidh an t‐eolas cad iad na cearta a bhféadfar srian a chur leo, na cúiseanna leis agus an fad is féidir a mhairfidh sé.

Gan dochar d’fhorálacha Airteagail 6(4), cuirfidh Comhghnóthas IMI 2 JU, i gcás ina mbeidh sé comhréireach, na daoine go léir is ábhar do na sonraí, a meastar go bhfuil siad bainteach leis an oibríocht phróiseála ar leith, ar an eolas, duine ar dhuine, faoina gcearta maidir le srianta reatha nó srianta le teacht sa todhchaí, gan moill mhíchuí agus i bhfoirm scríofa.

2.   I gcás ina gcuirfidh Comhghnóthas IMI 2 JU srian, go hiomlán nó go páirteach, leis na cearta atá leagtha amach in Airteagal 5, cuirfidh sé in iúl don duine is ábhar do na sonraí lena mbaineann go bhfuil feidhm leis an srian agus na príomhchúiseanna a bhaineann leis, agus gur féidir gearán a sheoladh chuig an Maoirseoir Eorpach um Chosaint Sonraí nó leigheas breithiúnach a lorg i gCúirt Bhreithiúnais an Aontais Eorpaigh.

Féadfar soláthar faisnéise dá dtagraítear i mír 2 thuas a chur siar, a fhágáil ar lár nó a dhiúltú má chuireann sé éifeacht an tsriain ar ceal i gcomhréir le hAirteagal 25(8) de Rialachán (AE) 2018/1725.

1.   Cuirfidh Comhghnóthas IMI 2 JU, gan moill mhíchuí, in iúl d’Oifigeach Cosanta Sonraí Chomhghnóthas IMI 2 JU (“an OCS”) aon uair a shrianfaidh an rialaitheoir feidhmiú chearta na ndaoine is ábhar do na sonraí, nó nuair a shínfidh sé an srianadh, i gcomhréir leis an gCinneadh seo. Cuirfidh an rialaitheoir rochtain ar fáil do OCS ar an taifead ina mbeidh measúnú ar ghá agus ar chomhréireacht an tsriain agus cláróidh sé an dáta ar cuireadh OCS ar an eolas sa taifead.

2.   Féadfaidh an OCS a iarraidh i scríbhinn ar an rialaitheoir athbhreithniú a dhéanamh ar chur i bhfeidhm na srianta. Cuirfidh an rialaitheoir an OCS ar an eolas i scríbhinn maidir le toradh an athbhreithnithe a iarraidh.

3.   Beidh an OCS páirteach le linn an nós imeachta. Cuirfidh an rialaitheoir an OCS ar an eolas nuair a chuirfear deireadh leis an srian.