1.   Coimeádfaidh an MECS clár de cheapacháin na nOifigeach Cosanta Sonraí a chuirfidh na hinstitiúidí in iúl don MECS i gcomhréir leis an Rialachán.

2.   Foilseofar liosta nuashonraithe d’Oifigigh Chosanta Sonraí na n-institiúidí ar shuíomh gréasáin an MECS.

3.   Tabharfaidh an MECS treoir d’Oifigigh Chosanta Sonraí, go háirithe trí pháirt a ghlacadh sna cruinnithe a eagraíonn líonra Oifigeach Cosanta Sonraí na n-institiúidí.

1.   Ní dhéileálfaidh an MECS le gearáin gan ainm.

2.   Déileálfaidh an MECS le gearáin a chuirtear isteach i scríbhinn, lena n-áirítear i bhfoirm leictreonach, in aon teanga oifigiúil de chuid an Aontais agus ina soláthrófar sonraí is gá chun go dtuigfear an gearán.

3.   I gcás ina bhfuil gearán a bhaineann leis na fíorais chéanna curtha isteach ag an ngearánach chuig an Ombudsman Eorpach, scrúdóidh an MECS inghlacthacht an ghearáin i gcomhréir leis an Meabhrán Tuisceana idir an MECS agus an tOmbudsman Eorpach.

4.   Cinnfidh an MECS conas gearán a láimhseáil agus an méid seo a leanas á chur san áireamh aige:

5.   I gcás inarb iomchuí, éascóidh an MECS réiteach cairdiúil ar an ngearán.

6.   Déanfaidh an MECS imscrúdú ar ghearán a chur ar fhionraí go dtí go mbeidh rialú déanta ag cúirt nó cinneadh ó chomhlacht breithiúnach nó riaracháin eile ar fáil ar an ábhar céanna.

7.   Ní nochtfaidh an MECS céannacht an ghearánaigh ach a mhéid is gá chun an t-imscrúdú a sheoladh go cuí. Ní nochtfaidh an MECS aon doiciméad a bhaineann leis an ngearán, ach amháin sleachta nó achoimrí anaithnidithe ar an gcinneadh críochnaitheach, ach amháin má thugann an duine lena mbaineann toiliú don nochtadh sin.

8.   Má cheanglaítear sin trí imthosca an ghearáin, comhoibreoidh an MECS leis na húdaráis mhaoirseachta inniúla, lena n-áirítear údaráis mhaoirseachta náisiúnta inniúla atá ag gníomhú faoi raon feidhme a n-inniúlachtaí faoi seach.

1.   Cuirfidh an MECS an gearánach ar an eolas a luaithe is féidir faoi thoradh gearáin agus faoin ngníomh a rinneadh.

2.   I gcás ina bhfaighfear amach nach bhfuil gearán inghlactha nó ina scoirtear den imscrúdú, cuirfidh an MECS, i gcás inarb iomchuí, comhairle ar an ngearánach é a chur isteach chuig údarás inniúil eile.

3.   Féadfaidh an MECS cinneadh a dhéanamh deireadh a chur le himscrúdú nuair a iarrann an gearánach é. Ní chuirfidh sé sin cosc ar an MECS ábhar an ghearáin a imscrúdú tuilleadh.

4.   Féadfaidh an MECS imscrúdú a dhúnadh i gcás inar theip ar an ngearánach an fhaisnéis a iarradh a sholáthar. Cuirfidh an MECS an gearánach ar an eolas faoin gcinneadh seo.

1.   Sa chás go n-eisíonn an MECS cinneadh maidir le gearán, féadfaidh an gearánach nó an institiúid lena mbaineann a iarraidh go ndéanfadh an MECS athbhreithniú ar a chinneadh. Déanfar iarraidh den sórt sin laistigh de mhí amháin ón gcinneadh. Déanfaidh an MECS athbhreithniú ar a chinneadh i gcás ina gcuireann an gearánach nó an institiúid fianaise fhíorasach nua nó argóintí dlíthiúla chun cinn.

2.   Ar a chinneadh maidir le gearán a eisiúint, cuirfidh an MECS an gearánach agus an institiúid lena mbaineann ar an eolas go bhfuil sé de cheart acu athbhreithniú a iarraidh ar a chinneadh agus agóid a dhéanamh i gcoinne an chinnidh os comhair Chúirt Bhreithiúnais an Aontais Eorpaigh i gcomhréir le hAirteagal 263 den Chonradh ar Fheidhmiú an Aontais Eorpaigh.

3.   Más rud é go n-eisíonn an MECS cinneadh nua athbhreithnithe ar iarratas athbhreithniú a dhéanamh ar chinneadh maidir le gearán, cuirfidh an MECS an gearánach agus an institiúid lena mbaineann ar an eolas gur féidir leo agóid a dhéanamh i gcoinne an chinnidh os comhair Chúirt Bhreithiúnais an Aontais Eorpaigh i gcomhréir le hAirteagal 263 den Chonradh ar Fheidhmiú an Aontais Eorpaigh.

1.   Cuirfidh an MECS ardán slán ar fáil chun fógra a thabhairt faoi shárú sonraí pearsanta ag institiúid agus cuirfidh sé bearta slándála i bhfeidhm chun faisnéis a mhalartú maidir le sárú sonraí pearsanta.

2.   Ar fhógra a fháil admhóidh an MECS go bhfuarthas é chuig an institiúid lena mbaineann.

1.   Mar fhreagra ar iarrataí ón gCoimisiún de bhun Airteagail 42(1) den Rialachán, eiseoidh an MECS tuairimí nó barúlacha foirmiúla.

2.   Foilseofar na tuairimí ar shuíomh gréasáin an MECS i mBéarla, i bhFraincis agus i nGearmáinis. Foilseofar achoimrí ar chinntí in Iris Oifigiúil an Aontais Eorpaigh (Sraith C). Foilseofar barúlacha foirmiúla ar shuíomh gréasáin an MECS.

3.   Féadfaidh an MECS diúltú freagairt do chomhairliúchán i gcás nach gcomhlíonfar na coinníollacha a leagtar amach in Airteagal 42 den Rialachán, rud lena n-áirítear cás nach mbeidh aon tionchar ar chosaint chearta agus shaoirsí daoine aonair maidir le cosaint sonraí.

4.   Mura féidir tuairim chomhpháirteach ón MECS agus ón BECS a eisiúint de bhun Airteagal 42(2) den Rialachán laistigh den spriocdháta atá leagtha síos d’ainneoin dian-iarracht a dhéanamh féadfaidh an MECS tuairim a eisiúint maidir leis an ábhar céanna.

5.   I gcás ina ngiorróidh an Coimisiún spriocdháta is infheidhme maidir le comhairliúchán reachtach de bhun Airteagal 42(3) den Rialachán, féachfaidh an MECS leis an spriocdháta a leagtar síos a urramú a mhéid is réasúnach agus is indéanta, agus go háirithe castacht an ábhair, fad na doiciméadachta agus iomláine na faisnéise a sholáthraíonn an Coimisiún á gcur san áireamh aige.

1.   Féadfaidh an MECS idirghabháil a dhéanamh i gcaingne a thionscnaítear os comhair Chúirt Bhreithiúnais an Aontais Eorpaigh i gcomhréir le hAirteagal 58(4) den Rialachán, Airteagal 43(3)(i) de Rialachán (AE) 2016/794, Airteagal 85(3)(g) de Rialachán (AE) 2017/1939, agus Airteagal 40(3)(g) de Rialachán (AE) 2018/1727.

2.   Agus cinneadh á dhéanamh an n-iarrfaidh sé cead idirghabháil a dhéanamh nó glacadh le cuireadh ó Chúirt Bhreithiúnais an Aontais Eorpaigh déanamh amhlaidh, cuirfidh an MECS san áireamh go háirithe:

1.   Comhoibreoidh an MECS le húdaráis mhaoirseachta náisiúnta agus leis an údarás maoirseachta comhpháirteach arna bhunú faoi Airteagal 25 de Chinneadh 2009/917/CGB ón gComhairle (10) chun, go háirithe:

2.   I gcás inarb ábhartha, beidh an MECS i mbun cúnaimh fhrithpháirtigh agus glacfaidh sé páirt in oibríochtaí comhpháirteacha le húdaráis mhaoirseachta náisiúnta, gach ceann acu ag gníomhú faoi raon feidhme a n-inniúlachtaí faoi seach mar a leagtar amach sa Rialachán, in RGCS agus i ngníomhartha ábhartha eile de dhlí an Aontais.

3.   Féadfaidh an MECS páirt a ghlacadh, ar cuireadh a fháil, in imscrúdú trí údarás maoirseachta nó iarraidh ar údarás maoirseachta páirt a ghlacadh in imscrúdú i gcomhréir leis na rialacha dlíthiúla agus nós imeachta is infheidhme don pháirtí a thugann an cuireadh.

1.   Cuirfidh an MECS dea-chleachtais, cóineasú agus sineirgí chun cinn maidir le cosaint sonraí pearsanta idir an tAontas Eorpach agus tríú tíortha agus eagraíochtaí idirnáisiúnta, lena n-áirítear rannpháirteach i líonraí agus imeachtaí ábhartha réigiúnacha agus idirnáisiúnta.

2.   I gcás inarb iomchuí, beidh an MECS i mbun cúnaimh fhrithpháirtigh i ngníomhaíochtaí imscrúdaithe agus forfheidhmithe de chuid údaráis mhaoirseachta tríú tíortha nó eagraíochtaí idirnáisiúnta.

1.   Rachfar i gcomhairle leis an gCoiste Foirne, a dhéanann ionadaíocht ar fhoireann an MECS, lena n-áirítear rúnaíocht BECS, in am trátha maidir le dréachtchinntí a bhaineann le cur i bhfeidhm Rialacháin Foirne d’oifigigh an Aontais Eorpaigh agus Coinníollacha Fostaíochta do sheirbhísigh eile an Aontais Eorpaigh a leagtar síos le Rialachán (CEE, Euratom, ECSC) Uimh. 259/68 agus is féidir dul i gcomhairle leo maidir le ceist ar bith eile faoi chúrsaí ginearálta a bhaineann leis an bhfoireann. Cuirfear an Coiste Foirne ar an eolas faoi aon cheist a bhaineann le feidhmiú a chuid cúraimí. Eiseoidh sé a chuid tuairimí laistigh de 10 lá oibre tar éis dul i gcomhairle leo.

2.   Rannchuideoidh an Coiste Foirne le dea-fheidhmiú an MECS, rúnaíocht BECS san áireamh, trí mholtaí a dhéanamh maidir le cúrsaí eagraíochtúla agus dálaí oibre.

3.   Beidh an Coiste Foirne comhdhéanta de thriúr comhaltaí agus triúr ionadaithe, agus toghfaidh foireann uile an MECS, an BECS san áireamh, iad go ceann tréimhse dhá bhliain.

1.   Is é an MECS a cheapfaidh Oifigeach Cosanta Sonraí (OCS).

2.   Rachfar i gcomhairle leis an OCS go háirithe nuair a bheartaíonn an MECS mar rialaitheoir srian a úsáid, bunaithe ar na rialacha inmheánacha lena gcuirtear Airteagal 25 den Rialachán i bhfeidhm.

3.   I gcomhréir le pointe IV(2)(viii) den Mheabhrán Tuisceana idir an MECS agus an BECS, tá OCS ar leith ag an BECS. I gcomhréir le pointe IV(4) den Mheabhrán Tuisceana idir an MECS agus an BECS, tiocfaidh OCS an MECS agus an BECS le chéile go rialta chun a áirithiú go mbeidh a gcuid cinntí comhsheasmhach an t-am ar fad.

1.   Tá an MECS tiomanta do phrionsabal an ilteangachais, toisc go bhfuil éagsúlacht chultúrtha agus teanga ar cheann de bhunchlocha agus sócmhainní an Aontais Eorpaigh. Déanann an MECS a dhícheall cothromaíocht a aimsiú idir prionsabal an ilteangachais agus an oibleagáid bainistiú fónta airgeadais agus coigilteas fónta a áirithiú do bhuiséad an Aontais Eorpaigh, agus, dá bhrí sin, úsáid phragmatach a bhaint as a chuid acmhainní teoranta.

2.   Freagróidh an MECS d’aon duine a bheidh ag dul i dteagmháil leis ar ábhar a thagann faoina inniúlacht i gceann de theangacha oifigiúla an Aontais Eorpaigh sa teanga chéanna a úsáidtear chun teagmháil a dhéanamh leis. Féadfar gach gearán, iarratas ar fhaisnéis agus aon iarrataí eile a sheoladh chuig an MECS in aon cheann de theangacha oifigiúla an Aontais Eorpaigh, agus tabharfar freagra sa teanga chéanna.

3.   Beidh suíomh gréasáin an MECS ar fáil i mBéarla, i bhFraincis agus i nGearmáinis. Foilseofar doiciméid straitéiseacha an MECS, amhail an straitéis do shainordú an Mhaoirseora Eorpaigh ar Chosaint Sonraí, i mBéarla, i bhFraincis agus i nGearmáinis.

1.   Fíordheimhneofar cinntí an MECS trí shíniú an Mhaoirseora Eorpaigh ar Chosaint Sonraí nó an Stiúrthóra mar a fhoráiltear sa Chinneadh seo. Féadfaidh an síniú sin a bheith lámhscríofa nó i bhfoirm leictreonach.

2.   I gcás tarmligin nó ionadaithe i gcomhréir le hAirteagal 11, fíordheimhneofar na cinntí trí shíniú an duine ar tarmligeadh an chumhacht dó nó an duine atá ag déanamh ionadaíochta. Féadfaidh an síniú sin a bheith lámhscríofa nó i bhfoirm leictreonach.

1.   Le cinneadh ón Maoirseoir Eorpach ar Chosaint Sonraí, féadfaidh an MECS córas cianoibre a chur i bhfeidhm don bhfoireann go léir nó do chuid dá fhoireann. Cuirfear an cinneadh sin in iúl don bhfoireann agus foilseofar é ar shuíomhanna gréasáin an MECS agus an BECS.

2.   Le cinneadh ón Maoirseoir Eorpach ar Chosaint Sonraí, féadfaidh an MECS coinníollacha bailíochta doiciméad leictreonach, nósanna imeachta leictreonacha agus modhanna leictreonacha tarchuir doiciméad a chinneadh chun críocha an MECS. Cuirfear an cinneadh sin in iúl don bhfoireann agus foilseofar é ar shuíomh gréasáin an MECS.

3.   Rachfar i gcomhairle le Cathaoirleach an BECS i gcás ina mbaineann na cinntí sin le Rúnaíocht BECS.