CINNEADH (CBES) 2020/1726 ÓN gCOMHAIRLE

an 14 Meán Fómhair 2020

maidir le síniú agus tabhairt i gcrích, thar ceann an Aontais Eorpaigh, an Chomhaontaithe Réime idir an tAontas Eorpach agus na Náisiúin Aontaithe maidir le Soláthar Tacaíochta Frithpháirtí i gcomhthéacs a gcuid misean agus a gcuid oibríochtaí allamuigh faoi seach

TÁ COMHAIRLE AN AONTAIS EORPAIGH,

Ag féachaint don Chonradh ar Fheidhmiú an Aontais Eorpaigh, agus go háirithe Airteagal 37 de, i gcomhar le hAirteagal 218(5) agus Airteagal 218(6) den Chonradh ar Fheidhmiú an Aontais Eorpaigh,

Ag féachaint don togra ó Ardionadaí an Aontais do Ghnóthaí Eachtracha agus don Bheartas Slándála, de bharr an mhéid seo a leanas:

(1)	An 5 Márta 2015, d’údaraigh an Chomhairle tús a chur leis an gcaibidlíocht le Comhaontú Réime Comhair idir an tAontas Eorpach agus na Náisiúin Aontaithe a thabhairt i gcrích i gcomhthéacs a gcuid oibríochtaí bainistíochta géarchéime faoi seach.

(2)	Rinneadh Comhaontú Réime idir an tAontas Eorpach agus na Náisiúin Aontaithe maidir le Soláthar Tacaíochta Frithpháirtí i gcomhthéacs a gcuid misean agus a gcuid oibríochtaí allamuigh (an “Comhaontu Réime”) faoi seach a chaibidil.

(3)	Ba cheart an Comhaontú Réime a fhormheas thar ceann an Aontais,

TAR ÉIS AN CINNEADH SEO A GHLACADH:

Airteagal 1

Leis seo, déantar an Comhaontú Réime idir an tAontas Eorpach agus na Náisiúin Aontaithe maidir le Soláthar Tacaíochta Frithpháirtí i gcomhthéacs a gcuid misean agus a gcuid oibríochtaí allamuigh faoi seach, a fhormheas thar ceann an Aontais (1).

Airteagal 2

Déantar Uachtarán na Comhairle a údarú leis seo an duine (na daoine) a ainmniú atá cumhachtaithe an Comhaontú Réime a shíniú chun é a chur de cheangal ar an Aontas.

Airteagal 3

Tiocfaidh an Cinneadh seo i bhfeidhm ar dháta a ghlactha.

Arna dhéanamh sa Bhruiséil, 14 Meán Fómhair 2020.

Thar ceann na Comhairle

An tUachtarán

M. ROTH

(1) Ní ann do théacs an Chomhaontaithe seo sa Ghaeilge