(1)

An 4 Aibreán 1947 a tháinig an Coinbhinsiún um Eitlíocht Shibhialta Idirnáisiúnta (“Coinbhinsiún Chicago”) i bhfeidhm, Coinbhinsiún lena rialaítear aeriompar idirnáisiúnta. Is leis a bunaíodh an Eagraíocht Eitlíochta Sibhialta Idirnáisiúnta (ICAO).

(2)

Is Stáit chonarthacha de Choinbhinsiún Chicago iad Ballstáit an Aontais, agus is comhaltaí de EESI iad, agus tá stádas breathnóra ag an Aontas Eorpach i gcomhlachtaí áirithe EESI.

(3)

De bhun Airteagal 54 de Choinbhinsiún Chicago, féadfaidh Comhairle EESI caighdeáin idirnáisiúnta agus cleachtais mholta a ghlacadh.

(4)

Le linn ceann de na seisiúin atá ag teacht aníos i gComhairle EESI, tá i gceist go nglacfaidh sí Leasú 91 ar Iarscríbhinn 10, Imleabhar III ar Choinbhinsiún Chicago maidir leis an gcóras cónasctha roghnaithe (SELCAL) (“Leasú 91”).

(5)

Is é príomhfheidhm atá le Leasú 91 Imleabhar III fuaimeanna nua a thabhairt isteach chun líon na gcód SELCAL atá le fáil a mhéadú, rud a laghdóidh minicíocht na dtásc bréige i gcró an phíolóta san aerárthach. Tagann ann d’athruithe dá bharr freisin, athruithe maidir le saintréithe an chórais, agus tá foráil ann le haghaidh sásra le cóid nua a thabhairt isteach, cóid nach n-imreodh ach an tionchar íosta ar oibreoirí aerárthaí.

(6)

Is iomchuí an seasamh a ghlacfar thar ceann an Aontais laistigh de Chomhairle EESI a shuíomh, ós amhlaidh gur ceangal ar an Aontas a bheidh i Leasú 91, agus ós féidir leis tionchar cinntitheach a imirt ar inneachar dhlí an Aontais, mar atá Rialachán Cur Chun Feidhme (AE) 2017/373 ón gCoimisiún (1). A luaithe a ghlacfar Leasú 91, beidh sé ceangailteach ar gach Ballstát EESI, lena n-áirítear Ballstáit uile an Aontais, i gcomhréir leis na teorainneacha a leagtar amach i gCoinbhinsiún Chicago, agus laistigh de na teorainneacha sin. Ceanglaítear le hAirteagal 38 de Choinbhinsiún Chicago ar Stáit chonarthacha fógra a thabhairt do EESI, más rún leo imeacht ó chaighdeán, faoin sásra i leith fógra a thabhairt faoi dhifríochtaí.

(7)

Is láidir a thacaíonn an tAontas leis an dícheall a dhéanann EESI le feabhas a chur ar shábháilteacht na heitlíochta, rud is féidir a áirithiú trí sheirbhísí cruinne sábháilte a sholáthar i réimse na heitlíochta, na loingseoireachta, agus an fhaireachais. Dá bhrí sin, ba cheart don Aontas tacú le Leasú 91.

(8)

Seasamh an Aontais le linn ceann de na seisiúin atá ag teacht aníos i gComhairle EESI, seisiún maidir le Leasú 91, is seasamh é atá le cur in iúl ag na Ballstáit de chuid an Aontais atá ina gcomhaltaí de Chomhairle ICAO, ag gníomhú dóibh go comhpháirteach thar ceann an Aontais.

(9)

Maidir le seasamh an Aontais tar éis do Chomhairle EESI Leasú 91 a ghlacadh, rud atá le fógairt ag Ardrúnaí ICAO trí bhíthin nós imeachta litreach stáit de chuid EESI, ba cheart a bheith d’aidhm ag an seasamh sin fógra a thabhairt maidir le comhlíonadh Leasú 91, agus tá sé le cur in iúl ag Ballstáit uile an Aontais.

(10)

In 2016, ghlac Comhairle EESI leasuithe ar roinnt iarscríbhinní i gCoinbhinsiún Chicago, leasuithe arb éard ab aidhm dóibh laghdú a chur ar líon na dteagmhas agus na dtimpistí a bhaineann le fágáil an rúidbhealaigh. Is sna litreacha Stáit AN 4/1 2.26-16/19, AN 2/2.4 – 16/18, AN 10/1.1 – 16/17 agus AN 11/1.3.29-16/12 atá foráil na leasuithe sin (“na Leasuithe”), agus beidh siad infheidhme sna Stáit chonarthacha ón 5 Samhain 2020 amach.

(11)

Is láidir a thacaíonn an tAontas leis an dícheall a dhéanann EESI le feabhas a chur ar shábháilteacht na heitlíochta. Is athruithe iad sin a thugann isteach modheolaíocht chomhchuibhithe nua le measúnú agus tuairisciú a dhéanamh ar an gcóir a bhíonn ar an rúidbhealach, agus laghdóidh siad an riosca de theagmhais agus timpistí a bhaineann le fágáil an rúidbhealaigh de dheasca éilliú rúidbhealaigh amhail sneachta, oighear, praiseach sneachta nó uisce.

(12)

Le Rialacháin Chur Chun Feidhme (AE) 2019/1387 (2) agus (AE) 2020/469 (3) ón gCoimisiún, ionchorpraítear na Leasuithe i ndlí an Aontais.

(13)

I gcomhthráth le dáta chur i bhfeidhm na Leasuithe, beidh feidhm le páirt de Rialacháin Chur Chun Feidhme (AE) 2020/469 agus (AE) 2019/1387 ón 5 Samhain 2020. Mar sin féin, ní beag a chuaigh paindéim COVID-19 i gcion ar dhícheall Bhallstáit an Aontais agus na ngeallsealbhóirí eitlíochta in ullmhú chur i bhfeidhm na mbeart nua, bearta a liostaítear i Leasú 77B ar Iarscríbhinn 3, Leasú 13 ar Iarscríbhinn 14, Leasú 40 ar Iarscríbhinn 6, agus Leasú 39B ar Iarscríbhinn 15 i gCoinbhinsiún Chicago.

(14)

Thar aon ní, an gaibhniú agus an pháirtfhostaíocht a bhí ar na foirne oibre, maille leis an obair bhreise a bhí le déanamh i mbainistiú na n-iarmhairtí diúltacha suntasacha a chuir paindéim COVID-19 ar na geallsealbhóirí uile, is bac ar an dul chun cinn a bhí iontu.

(15)

Tá ag dul rite do na húdaráis inniúla agus do na hoibreoirí ullmhú a dhéanamh le haghaidh chur chun feidhme na Leasuithe. Dá bhrí sin, b’fhéidir go gcaithfear an dáta cur i bhfeidhm dá bhforáiltear i Rialacháin Cur chun Feidhme (AE) 2020/469 agus (AE) 2019/1387 a chur siar go ceann sé mhí.

(16)

Mura gcuirfidh Comhairle EESI dáta chur i bhfeidhm na Leasuithe ar atráth go ceann sé mhí, le linn do dhlí an Aontais dáta chur i bhfeidhm na gcaighdeán ábhartha de chuid EESI a chur ar atráth go ceann sé mhí, is é seasamh ba cheart don Aontas fógra difríochta a thabhairt do EESI, i gcomhréir le hAirteagal 38 de Choinbhinsiún Chicago, agus é a chur in iúl do EESI gur rún dó dáta chur i bhfeidhm na Leasuithe a chur siar go ceann sé mhí,