1.   Leagtar síos sa Chaibidil seo na rialacha a mbeidh ar an rialaitheoir sonraí iomchuí cloí leo, faoi mar a shainmhínítear iad in Airteagal 2(1) den Chinneadh, maidir le próiseáil sonraí a chur in iúl do na daoine is ábhar do na sonraí sin de réir Airteagail 14, 15 agus 16 de Rialachán (AE) 2018/1725.

Leagtar síos freisin na coinníollacha faoina bhféadfaidh an rialaitheoir sonraí iomchuí srian a chur le cur i bhfeidhm Airteagail 14 go 22 agus 35 agus 36, mar aon le hAirteagal 4 den Rialachán, de réir Airteagal 25 den Rialachán sin.

2.   Baineann an Chaibidil seo le próiseáil sonraí pearsanta ag IG/IN chun críche na ngníomhaíochtaí a dhéantar chun a chúraimí a chomhlíonadh nó i ndáil leis na cúraimí sin, ar cúraimí iad a ndéantar tagairt dóibh i mBeartas Frithchalaoise an BEI agus i gCairt Rannóg Imscrúduithe Calaoise an BEI.

3.   Faoi chuimsiú a shainordaithe, déanann IG/IN roinnt catagóirí sonraí pearsanta a phróiseáil, go háirithe sonraí aitheantais, sonraí teagmhála, sonraí gairmiúla agus sonraí faoi róil i gcásanna.

1.   Is é Ceann Rannóige IG/IN rialaitheoir na n-oibríochtaí próiseála.

2.   Déanfar na sonraí pearsanta a stóráil i dtimpeallacht dhaingnithe leictreonach agus fhisiceach, a chuirfidh cosc ar rochtain neamhdhleathach ar na sonraí ag daoine nach gá dóibh na sonraí sin a bheith ar eolas acu nó ar aistriú neamhdhleathach na sonraí chuig daoine den sórt sin.

3.   Coinneofar na sonraí pearsanta arna bpróiseáil go ceann cúig bliana ar a laghad agus go ceann suas le deich mbliana tar éis dhúnadh an imscrúdaithe. Ní choinneofar na sonraí a bhaineann le cásanna nár cruthaíodh ach go ceann suas le cúig bliana ar a mhéad.

4.   Cuirfear tréimhsí níos faide ná na tréimhsí atá sonraithe thuas i bhfeidhm i gcásanna eisceachtúla a mbeidh bonn cirt leo, faoi réir chomhaontú an OCS.

1.   Nuair a fheidhmeoidh IG/IN a chuid dualgas i leith chearta na ndaoine is ábhar do na sonraí de bhun an Rialacháin, measfaidh sé an bhfuil feidhm ag aon cheann de na heisceachtaí a leagtar síos sa Rialachán sin.

2.   Faoi réir Airteagail 4 go 7 den Chinneadh seo, féadfaidh IG/IN srian a chur le cur i bhfeidhm Airteagail 14 go 22 agus 35, agus 36 den Rialachán, mar aon le hAirteagal 4 ann a mhéad a bhaineann a fhorálacha leis na cearta agus leis na hoibleagáidí a ndéantar foráil dóibh le hAirteagail 14 go 22 den Rialachán sa chás go gcuirfeadh feidhmiú na gceart agus na n-oibleagáidí sin críoch gníomhaíochtaí imscrúdaithe agus gníomhaíochtaí eile de chuid IG/IN i mbaol, lena n-áirítear trí uirlisí agus modhanna imscrúdaitheacha dá chuid a nochtadh, nó sa chás go ndéanfadh dochar do chearta agus saoirsí daoine eile is ábhar do na sonraí.

3.   Faoi réir Airteagail 4 go 7 den Chinneadh seo, féadfaidh IG/IN srian a chur leis na cearta agus leis na hoibleagáidí a ndéantar tagairt dóibh in alt 2 den Airteagal seo maidir le sonraí pearsanta arna bhfáil ó sheirbhís(í) eile de chuid an BEI, ó OLAF nó institiúidí, comhlachtaí, gníomhaireachtaí agus oifigí eile de chuid an Aontais Eorpaigh, ó údaráis inniúla de chuid Ballstát nó tríú tíortha, nó ó eagraíochtaí idirnáisiúnta, sna cúinsí seo a leanas:

Sula gcuirfear na srianta i bhfeidhm sna cúinsí a ndéantar tagairt dóibh i bpointí (a) agus (b) den chéad fho-alt, rachaidh IG/IN i ndáil chomhairle leis an tseirbhís/na seirbhísí iomchuí de chuid an BEI, le OLAF, leis na hinstitiúidí, comhlachtaí, oifigí nó gníomhaireachtaí iomchuí de chuid an Aontais Eorpaigh nó leis na húdaráis inniúla iomchuí de chuid Ballstáit ach amháin más léir do IG/IN go ndéantar foráil d'fheidhmiú an tsriain le ceann de na hachtanna a ndéantar tagairt dóibh sna pointí sin.

Ní bheidh feidhm ag pointe (c) sa chéad fho-alt sa chás go mbeidh sáraíocht ag leas nó cearta agus saoirsí bunúsacha na ndaoine is ábhar do na sonraí ar leas an Aontais Eorpaigh chun comhoibriú le tríú tíortha nó le heagraíochtaí idirnáisiúnta.

1.   Foilseoidh IG/IN ar láithreán gréasáin an BEI fógra cosanta sonraí a chuirfidh na daoine uile is ábhar do na sonraí ar an eolas faoi ghníomhaíochtaí IG/IN a bhfuil próiseáil a gcuid sonraí pearsanta i gceist leo.

2.   Na daoine uile is ábhar do na sonraí a mheasfaidh IG/IN is daoine lena mbaineann, finnéithe nó faisnéiseoirí de réir bhrí Bheartas Frithchalaoise agus Nósanna Imeachta Imscrúdaithe an BEI, cuirfidh sé ar an eolas iad astu féin.

3.   Sa chás go cuirfidh IG/IN srian iomlán nó páirteach le soláthar faisnéise do na daoine is ábhar do na sonraí a ndéantar tagairt dóibh in alt 2, coinneoidh sé taifead ar na cúiseanna leis an srian sin, lena n-áirítear measúnú ar a riachtanaí agus a chomhréirí atá an srian.

Chuige sin, luafar sa taifead cén chaoi a gcuirfeadh soláthar na faisnéise críoch na ngníomhaíochtaí imscrúdaitheacha de chuid IG/IN nó críoch srianta a cuireadh i bhfeidhm de bhun Airteagal 3(3) i mbaol, nó a ndéanfadh dochar do chearta agus saoirsí daoine eile is ábhar do na sonraí.

Clárófar an taifead agus, nuair is infheidhme, na cáipéisí ina bhfuil na bunghnéithe fíorasacha agus dlíthiúla. Cuirfear ar fáil don Mhaoirseoir Eorpach um Chosaint Sonraí iad ach iad a iarraidh.

4.   Leanfaidh an srian a ndéantar tagairt dó in alt 3 d'fheidhm a bheith aige a fhad is a leanfaidh na cúiseanna lena dtugtar bonn cirt dó de bheith infheidhme.

Sa chás nach mbeidh na cúiseanna leis an srian infheidhme a thuilleadh, cuirfidh IG/IN an fhaisnéis lena mbaineann agus na cúiseanna leis an srian ar fáil don duine is ábhar do na sonraí. Ag an am céanna, cuirfidh IG/IN in iúl don duine is ábhar do na sonraí gur féidir leis gearán a dhéanamh leis an Maoirseoir Eorpach um Chosaint Sonraí ag am ar bith nó leigheas breithiúnach a lorg i gCúirt Bhreithiúnais an Aontais Eorpaigh.

Déanfaidh IG/IN athbhreithniú ar chur i bhfeidhm an tsriain uair amháin ar a laghad gach sé mhí tar éis a ghlactha agus tráth a ndúntar an t-imscrúdú lena mbaineann. Ina dhiaidh sin, déanfaidh an rialaitheoir monatóireacht ar bhonn bhliantúil ar an ngá a bheidh leis an srian a choinneáil.

1.   Sa chás go n-iarrfaidh daoine is ábhair do na sonraí rochtain ar a gcuid sonraí pearsanta arna bpróiseáil i gcomhthéacs ceann amháin nó níos mó de na cásanna ar leith nó ar oibríocht phróiseála ar leith, de réir Airteagal 17 den Rialachán, ní chuirfidh IG/IN ach na sonraí pearsanta sin san áireamh agus measúnú á dhéanamh aige ar an iarraidh.

2.   Sa chás go gcuirfidh IG/IN srian iomlán nó páirteach leis an gceart rochtana, a ndéantar tagairt dó in Airteagal 17 den Rialachán, déanfaidh sé na bearta seo a leanas:

Féadfar soláthar na faisnéise a ndéantar tagairt dó i bpointe (a) a chur ar atráth, a fhágáil ar lár nó a dhiúltú de réir Airteagal 25(8) den Rialachán.

3.   Clárófar an taifead a ndéantar tagairt dó i bpointe (b) den chéad fho-alt d'alt 2 agus, nuair is infheidhme, na cáipéisí ina bhfuil na bunghnéithe fíorasacha agus dlíthiúla. Cuirfear ar fáil don Mhaoirseoir Eorpach um Chosaint Sonraí iad ach iad a iarraidh. Beidh feidhm ag Airteagal 25(7) den Rialúchán (AE) 2018/1725.

1.   Leagtar síos sa Chaibidil seo na rialacha a mbeidh ar OPOCL cloí leo maidir le próiseáil sonraí a chur in iúl do na daoine is ábhar do na sonraí sin de réir Airteagail 14, 15 agus 16 de Rialachán (AE) 2018/1725.

Leagtar síos freisin na coinníollacha faoina bhféadfaidh OPOCL srian a chur le cur i bhfeidhm Airteagail 14 go 22 agus 35 agus 36, mar aon le hAirteagal 4 de Rialachán (AE) 2018/1725, de réir Airteagal 25 den Rialachán sin.

2.   Baineann an Chaibidil seo le próiseáil sonraí pearsanta ag OPOCL chun críche na ngníomhaíochtaí a dhéantar chun a chúraimí a chomhlíonadh nó i ndáil leis na cúraimí sin, ar cúraimí iad a ndéantar tagairt dóibh i dTéarmaí Tagartha Phríomhoifigeach Comhlíonta an Ghrúpa, sa Bheartas Ionracais agus sa Chairt Comhlíonta agus i rialacha agus beartais inmheánacha eile.

3.   Faoi chuimsiú a ghníomhaíochtaí, déanann OPOCL roinnt catagóirí sonraí pearsanta a phróiseáil, go háirithe sonraí aitheantais, sonraí teagmhála, sonraí gairmiúla agus sonraí faoi róil i gcásanna.

1.   Feidhmeoidh OPOCL mar an rialaitheoir sonraí faoi seach.

2.   Déanfar na sonraí pearsanta a stóráil i dtimpeallacht dhaingnithe leictreonach agus fhisiceach, a chuirfidh cosc ar rochtain neamhdhleathach ar na sonraí ag daoine nach gá dóibh na sonraí sin a bheith ar eolas acu nó ar aistriú neamhdhleathach na sonraí chuig daoine den sórt sin.

3.   Coinneofar na sonraí pearsanta arna bpróiseáil ag OPOCL go ceann sé mhí ar a laghad tar éis dhíbhe an cháis agus go ceann suas le cúig bliana tar éis dhúnadh an fhiosrúcháin riaracháin.

4.   Cuirfear tréimhsí níos faide ná na tréimhsí atá sonraithe thuas i bhfeidhm i gcásanna eisceachtúla a mbeidh bonn cirt leo, faoi réir chomhaontú an OCS.

1.   Nuair a fheidhmeoidh OPOCL a chuid dualgas i leith chearta na ndaoine is ábhar do na sonraí de bhun Rialachán (AE) 2018/1725, measfaidh sé an bhfuil feidhm ag aon cheann de na heisceachtaí a leagtar síos sa Rialachán sin.

2.   Faoi réir Airteagail 12 go 15 den Chinneadh seo, féadfaidh OPOCL srian a chur le cur i bhfeidhm Airteagail 14 go 22, agus 35, agus 36 de Rialachán (AE) 2018/1725, mar aon le hAirteagal 4 ann a mhéad a bhaineann a fhorálacha leis na cearta agus leis na hoibleagáidí a ndéantar foráil dóibh le hAirteagail 14 go 22 de Rialachán (AE) 2018/1725 sa chás go gcuirfeadh feidhmiú na gceart agus na n-oibleagáidí sin críoch fiosrúchán riaracháin agus gníomhaíochtaí eile de chuid OPOCL i mbaol, lena n-áirítear trí uirlisí agus modhanna fiosrúcháin riaracháin dá chuid a nochtadh, nó sa chás go ndéanfadh dochar do chearta agus saoirsí daoine eile is ábhar do na sonraí.

3.   Faoi réir Airteagail 12 go 15 den Chinneadh seo, féadfaidh OPOCL srian a chur leis na cearta agus leis na hoibleagáidí a ndéantar tagairt dóibh in alt 2 den Airteagal seo maidir le sonraí pearsanta arna bhfáil ó sheirbhís(í) eile de chuid an BEI, ó institiúidí, comhlachtaí, gníomhaireachtaí agus oifigí eile de chuid an Aontais Eorpaigh, ó údaráis inniúla de chuid Ballstát nó tríú tíortha nó ó eagraíochtaí idirnáisiúnta, sna cúinsí seo a leanas:

Sula gcuirfear na srianta i bhfeidhm sna cúinsí a ndéantar tagairt dóibh i bpointí (a) agus (b) den chéad fho-alt, rachaidh OPOCL i ndáil chomhairle leis an tseirbhís/na seirbhísí iomchuí de chuid an BEI, leis na hinstitiúidí, comhlachtaí, oifigí nó gníomhaireachtaí iomchuí de chuid an Aontais Eorpaigh nó leis na húdaráis inniúla iomchuí de chuid Ballstáit ach amháin más léir do OPOCL go ndéantar foráil d'fheidhmiú an tsriain le ceann de na hachtanna a ndéantar tagairt dóibh sna pointí sin.

Ní bheidh feidhm ag pointe (c) sa chéad fho-alt sa chás go mbeidh sáraíocht ag leas nó cearta agus saoirsí bunúsacha na ndaoine is ábhar do na sonraí ar leas an Aontais Eorpaigh chun comhoibriú le tríú tíortha nó le heagraíochtaí idirnáisiúnta.

1.   Foilseoidh OPOCL ar Inlíon an BEI fógra cosanta sonraí a chuirfidh na daoine uile is ábhar do na sonraí ar an eolas faoi ghníomhaíochtaí OPOCL a bhfuil próiseáil a gcuid sonraí pearsanta i gceist leo.

2.   Na daoine uile is ábhar do na sonraí a mheasfaidh OPOCL is daoine lena mbaineann, finnéithe nó faisnéiseoirí, cuirfidh sé ar an eolas iad astu féin.

3.   Sa chás go cuirfidh OPOCL srian iomlán nó páirteach le soláthar faisnéise do na daoine is ábhar do na sonraí a ndéantar tagairt dóibh in alt 2, coinneoidh sé taifead ar na cúiseanna leis an srian sin, lena n-áirítear measúnú ar a riachtanaí agus a chomhréirí atá an srian.

Chuige sin, luafar sa taifead cén chaoi a gcuirfeadh soláthar na faisnéise críoch na bhfiosrúchán riaracháin nó gníomhaíochtaí eile de chuid OPOCL nó críoch srianta a cuireadh i bhfeidhm de bhun Airteagal 11(3) i mbaol, nó a ndéanfadh dochar do chearta agus saoirsí daoine eile is ábhar do na sonraí.

Clárófar an taifead agus, nuair is infheidhme, na cáipéisí ina bhfuil na bunghnéithe fíorasacha agus dlíthiúla. Cuirfear ar fáil don Mhaoirseoir Eorpach um Chosaint Sonraí iad ach iad a iarraidh.

4.   Leanfaidh an srian a ndéantar tagairt dó in alt 3 d'fheidhm a bheith aige a fhad is a leanfaidh na cúiseanna lena dtugtar bonn cirt dó de bheith infheidhme.

Sa chás nach mbeidh na cúiseanna leis an srian infheidhme a thuilleadh, cuirfidh OPOCL an fhaisnéis lena mbaineann agus na cúiseanna leis an srian ar fáil don duine is ábhar do na sonraí. Ag an am céanna, cuirfidh OPOCL in iúl don duine is ábhar do na sonraí gur féidir leis gearán a dhéanamh leis an Maoirseoir Eorpach um Chosaint Sonraí ag am ar bith nó leigheas breithiúnach a lorg i gCúirt Bhreithiúnais an Aontais Eorpaigh.

Déanfaidh OPOCL athbhreithniú ar chur i bhfeidhm an tsriain uair amháin ar a laghad gach sé mhí tar éis a ghlactha agus tráth a ndúntar an fiosrúchán riaracháin lena mbaineann. Ina dhiaidh sin, déanfaidh an rialaitheoir monatóireacht ar bhonn bhliantúil ar an ngá a bheidh leis an srian a choinneáil.

1.   Sa chás go n-iarrfaidh daoine is ábhair do na sonraí rochtain ar a gcuid sonraí pearsanta arna bpróiseáil i gcomhthéacs ceann amháin nó níos mó de na cásanna ar leith nó ar oibríocht phróiseála ar leith, de réir Airteagal 17 de Rialachán (AE) 2018/1725, ní chuirfidh OPOCL ach na sonraí pearsanta sin san áireamh agus measúnú á dhéanamh aige ar an iarraidh.

2.   Sa chás go gcuirfidh OPOCL srian iomlán nó páirteach leis an gceart rochtana, a ndéantar tagairt dó in Airteagal 17 de Rialachán (AE) 2018/1725, déanfaidh sé na bearta seo a leanas:

Féadfar soláthar na faisnéise a ndéantar tagairt dó i bpointe (a) a chur ar atráth, a fhágáil ar lár nó a dhiúltú de réir Airteagal 25(8) de Rialachán (AE) 2018/1725.

3.   Clárófar an taifead a ndéantar tagairt dó i bpointe (b) den chéad fho-alt d'alt 2 agus, nuair is infheidhme, na cáipéisí ina bhfuil na bunghnéithe fíorasacha agus dlíthiúla. Cuirfear ar fáil don Mhaoirseoir Eorpach um Chosaint Sonraí iad ach iad a iarraidh. Beidh feidhm ag Airteagal 25(7) den Rialúchán (AE) 2018/1725.