31.3.2017   

GA

Iris Oifigiúil an Aontais Eorpaigh

1

(1)

In Airteagal 329 den Chomhaontú Trádála idir an tAontas Eorpach agus a Bhallstáit, de pháirt amháin, agus an Cholóim agus Peiriú, den pháirt eile (2) ( an “Comhaontú”) a síníodh an 26 Meitheamh 2012, déantar foráil maidir le haontachas Balltíortha eile Chomhphobal na nAindéas. Tá Eacuadór ina Bhalltír de chuid Chomhphobal na nAindéas ó bunaíodh é in 1969.

(2)

Thug an tAontas agus Eacuadór caibidlíocht i gcrích an 17 Iúil 2014 maidir le haontachas Eacuadór leis an gComhaontú. An 11 Samhain 2016, síníodh an Prótacal Aontachais leis an gComhaontú Trádála idir an tAontas Eorpach agus a Bhallstáit, de pháirt amháin, agus an Cholóim agus Peiriú, den pháirt eile, le haontachas Eacuadór a chur san áireamh (3) (an “Prótacal Aontachais”) agus cuirfear i bhfeidhm é go sealadach i gcomhréir le hAirteagal 27(4) de ón 1 Eanáir 2017.

(3)

Tar éis shíniú an Phrótacail Aontachais, is gá a ráthú, maidir le hEacuadór, cur i bhfeidhmiú éifeachtach an chlásail coimirce dhéthaobhaigh agus an sásra cobhsaíochta do bhananaí, amhail dá bhforáiltear sa Chomhaontú.

(4)

Lena chois sin, tagraíonn an cód Ainmníochta Comhcheangailte (AC) le haghaidh bananaí a úsáidtear in Iarscríbhinn I a ghabhann leis an gComhaontú (Sceidil um Dhíchur Taraife) do chód AC 2007. Is ionann an cód a úsáidtear i Rialachán (AE) Uimh. 19/2013 (4) agus Rialachán (AE) Uimh. 20/2013 (5) ó Pharlaimint na hEorpa agus ón gComhairle araon. Athraíodh, áfach, an cód ábhartha do bhananaí ón 1 Eanáir 2012 ó 0803 00 19 go 0803 90 10 chun leasuithe ar an gCóras Comhchuibhithe (CC) éigeantach a léiriú. Ar mhaithe le soiléire, ba cheart an t-athrú sin a thabhairt isteach i Rialachán (AE) Uimh. 19/2013 agus Rialachán (AE) Uimh. 20/2013 araon sa chuid ábhartha maidir leis an sásra cobhsaíochta do bhananaí.

(5)

Ceann de na príomhtháirgeoirí agus de na príomhsholáthróirí bananaí chuig an Aontas is ea Eacuadór, mar aon leis an gColóim. Ba cheart, dá bhrí sin, an sásra cobhsaíochta reatha do bhananaí a leathnú amach chuig Eacuadór.

(6)

Tá an sásra cobhsaíochta ann ó 2013 agus is dealraitheach, bunaithe ar an taithí roimhe seo, gur cheart an sreabh faisnéise idir an Coimisiún, na Ballstáit agus Parlaimint na hEorpa a fheabhsú, go háirithe trí luathrabhadh a áireamh sa chás go sroichfidh na méideanna allmhairí 80 % de na méideanna allmhairí truiceartha.

(7)

Mar gheall ar an idirchaidreamh dlúth atá ag an Rialachán seo leis an gComhaontú, is iomchuí an Rialachán seo a chur i bhfeidhm ó dháta chur i bhfeidhm sealadach an Phrótacail Aontachais.

(8)

Ba cheart, dá bhrí sin, Rialachán (AE) Uimh. 19/2013 agus Rialachán (AE) Uimh. 20/2013 a leasú dá réir sin,

1.

Cuirtear an méid seo a leanas in ionad an teidil:

“Rialachán (AE) Uimh. 19/2013 ó Pharlaimint na hEorpa agus ón gComhairle an 15 Eanáir 2013 lena gcuirtear chun feidhme clásal coimirce déthaobhach agus sásra cobhsaíochta do bhananaí an Chomhaontaithe Trádála idir an tAontas Eorpach agus a Bhallstáit, de pháirt amháin, agus an Cholóim, Peiriú agus Eacuadór, den pháirt eile”.

2.

I bpointe (a) d’Airteagal 1, in Airteagal 2(1), in Airteagal 4(4), in Airteagal 5(6) agus (11), in Airteagal 6(1), in Airteagal 7(1), in Airteagal 9(1), agus in Airteagal 11, cuirtear na focail “an Cholóim, Eacuadór nó Peiriú” in ionad na bhfocal “an Cholóim nó Peiriú”.

3.

In Airteagal 1, cuirtear an méid seo a leanas in ionad phointe (h):

4.

In Airteagal 3(1), (3) agus (4) agus in Airteagal 13(4), cuirtear na focail “an Cholóim, Eacuadór agus Peiriú” in ionad na bhfocal “an Cholóim agus Peiriú”.

5.

In Airteagal 15 cuirtear an méid seo a leanas in ionad mhír 1 agus mhír 2:

“1.   I gcás bananaí de thionscnamh na Colóime, Eacuadór nó Pheiriú a thagann faoi cheannteideal 0803 90 10 den Ainmníocht Chomhcheangailte (bananaí úra, gan plantáin a áireamh) agus a liostaítear faoi chatagóir céimnithe ‘BA’ sa Sceideal um Dhíchur Taraife i gcás na Colóime agus Pheiriú agus faoi chatagóir céimnithe ‘SP1’ sa Sceideal um Dhíchur Taraife i gcás Eacuadór faoin cheannteideal 0803 00 19, beidh feidhm ag sásra cobhsaíochta go dtí an 31 Nollaig 2019.

2.   Socraítear méid allmhairí truiceartha bliantúil ar leith le haghaidh allmhairí táirgí dá dtagraítear i mír 1, mar a léirítear sa dara, sa tríú agus sa cheathrú colún den tábla san Iarscríbhinn. Chomh luath agus a shroichtear an trucairmhéid i gcás na Colóime, Eacuadór nó Pheiriú le linn na bliana féilire comhfhreagraí, déanfaidh an Coimisiún, i gcomhréir leis an nós imeachta práinne dá dtagraítear in Airteagal 14(4), gníomh cur chun feidhme a ghlacadh lena ndéanfaidh sé an dleacht chustaim fhabhrach is infheidhme maidir le táirgí den tionscnamh comhfhreagrach a fhionraí go sealadach le linn na bliana céanna go ceann tréimhse nach mó ná trí mhí, agus nach dtéann thar dheireadh na bliana féilire nó lena gcinnfidh sé nach bhfuil an fhionraí sin iomchuí.

2a.   Nuair a shroichfidh na méideanna allmhairí 80 % den mhéid allmhairí truiceartha, mar a léirítear san Iarscríbhinn a ghabhann leis an Rialachán seo, i gcás ceann amháin nó níos mó de na páirtithe sa Chomhaontú, déanfaidh an Coimisiún Parlaimint na hEorpa agus an Chomhairle a chur ar an airdeall go foirmiúil i scríbhinn. Ag an am céanna, déanfaidh an Coimisiún an fhaisnéis ábhartha maidir leis na treochtaí i mbananaí agus staidreamh allmhairithe maidir leis na hallmhairí ó na tíortha atá faoi réir an tsásra cobhsaithe, mar aon lena dtairseacha ábhartha, a tharchur chuig Parlaimint na hEorpa agus chuig an gComhairle chun go bhféadfar na treochtaí allmhairithe don chuid eile den bhliain féilire a réamh-mheas.”.

6.

Cuirtear an téacs a leagtar amach san Iarscríbhinn a ghabhann leis an Rialachán seo in ionad na hIarscríbhinne.