30.12.2014   

GA

Iris Oifigiúil an Aontais Eorpaigh

5

(1)

Foráiltear le hAirteagal 329 den Chomhaontú Trádála idir an tAontas agus a Bhallstáit, de pháirt amháin, agus an Cholóim agus Peiriú, den pháirt eile (2) ('an Comhaontú') a síníodh an 26 Meitheamh 2012 d'aontachas féideartha Balltíortha eile Chomhphobal na nAindéas leis an gComhaontú.

(2)

Ag leanúint ó iarratas Eacuadór an chaibidlíocht leis an Aontas le bheith ina Pháirtí sa Chomhaontú a atosú, cuireadh caibidlíocht idir an tAontas agus Eacuadór i gcrích in 2014. Mar thoradh ar an gcaibidlíocht sin, inisilíodh Prótacal Aontachais Eacuadór leis an gComhaontú ('an Prótacal Aontachais') an 12 Nollaig 2014.

(3)

Tar éis an Prótacal Aontachais a inisiliú, tá comhaontú idirthréimhseach cómhalartach riachtanach chun limistéar saorthrádála le hEacuadór a bhunú sa chaoi nach gcuirfear isteach ar thrádáil gan ghá. Dá bhrí sin, amhail ón 1 Eanáir 2015, níor cheart go méadófaí na dleachtanna custaim a bhí i bhfeidhm ar dháta inisilithe an Phrótacail Aontachais ná go gcuirfí dleachtanna custaim nua i bhfeidhm ar earraí de thionscnamh Eacuadór.

(4)

Dá bhrí sin, déantar foráil sa Rialachán seo go bhfanfaidh na rátaí dleachta is infheidhme maidir le hearraí de thionscnamh Eacuadór an 12 Nollaig 2014 ag an leibhéal reatha amhail ón 1 Eanáir 2015.

(5)

Tá an chóir tharaife dá bhforáiltear faoin Rialachán seo gan dochar do bhearta arna ndéanamh faoi Rialachán (CE) Uimh. 260/2009 (3), Rialachán (CE) Uimh. 597/2009 (4) nó Rialachán (CE) Uimh. 1225/2009 (5).

(6)

Mar choinníoll ar a gcuirfear an chóir tharaife dá bhforáiltear faoin Rialachán i bhfeidhm, ba cheart d'Eacuadór staonadh ó aon dleachtanna nua nó muirir nua a mbeadh éifeacht choibhéiseach acu a thabhairt isteach, ó aon srianta cainníochtúla nua nó bhearta nua a mbeadh éifeacht choibhéiseach acu maidir le hallmhairí ón Aontas a thabhairt isteach, ó na leibhéil ag a bhfuil na dleachtanna nó na muirir faoi láthair a ardú nó ó aon srianta eile a thabhairt isteach ón 12 Nollaig 2014.

(7)

Lena áirithiú go leanfaidh Eacuadór lena thiomantas do phríomhchoinbhinsiúin idirnáisiúnta maidir le cearta an duine agus cearta saothair, cosaint an chomhshaoil agus dea-rialachas, ba cheart cur i bhfeidhm an Rialacháin seo a bheith faoi réir chur chun feidhme leanúnach éifeachtach na gcoinbhinsiún sin ag Eacuadór.

(8)

Chun aon bhaol calaoise a chosc, chun a bheith i dteideal leas a bhaint as an gcóir tharaife dá bhforáiltear faoin Rialachán seo, ba cheart go mbeadh sé mar choinníoll go gcomhlíonfadh Eacuadór na rialacha ábhartha maidir le tionscnamh earraí agus na nósanna imeachta a bhaineann leis sin.

(9)

Is gá foráil a dhéanamh go gcuirfear dleachtanna Comhtharaife Custaim i bhfeidhm i gcás aon earraí de thionscnamh Eacuadór is cúis nó is baol a bheith ina gcúis le deacrachtaí móra do tháirgeoirí an Aontais a tháirgeann táirgí comhchosúla nó táirgí atá in iomaíocht dhíreach leo, faoi réir imscrúdaithe ag an gCoimisiún.

(10)

I gcás ina sáraítear aon cheann de na coinníollacha a leagtar síos sa Rialachán seo, ba cheart cumhachtaí cur chun feidhme a thabhairt don Choimisiún chun an chóir tharaife dá bhforáiltear ann a chur ar fionraí go hiomlán nó go páirteach go ceann tréimhse shealadach. Ba cheart na cumhachtaí sin a fheidhmiú i gcomhréir le Rialachán (AE) Uimh. 182/2011 ó Pharlaimint na hEorpa agus ón gComhairle (6).

(11)

Ba cheart an Rialachán seo a chur i bhfeidhm go dtí sé mhí tar éis theacht i bhfeidhm nó dháta cur i bhfeidhm sealadach an Phrótacail Aontachais, agus go dtí an 31 Nollaig 2016 ar a dhéanaí,

(a)

ciallaíonn 'cóir tharaife' na dleachtanna custaim agus an chóir chustaim a chuirtear i bhfeidhm ar earraí de thionscnamh Eacuadór dá bhforáiltear in Airteagal 2;

(b)

ciallaíonn 'dleachtanna Comhtharaife Custaim' na dleachtanna a shonraítear i gCuid II d'Iarscríbhinn I a ghabhann le Rialachán (CEE) Uimh. 2658/87 (7), seachas na dleachtanna sin arna mbunú mar chuid de chuótaí taraife;

(c)

ciallaíonn 'earraí de thionscnamh Eacuadór' táirge/táirgí a chomhlíonann na ceanglais maidir le tionscnamh faoi Theideal II, Caibidil 2 de Rialachán (CEE) Uimh. 2913/92 ón gComhairle (8) agus, ag brath ar an gcóir tharaife arna lorg, de bhun Airteagal 2 den Rialachán seo, Teideal IV, Caibidil 1 nó Teideal IV, Caibidil 2, Roinn 1 de Rialachán (CEE) Uimh. 2454/93 ón gCoimisiún (9).

(a)

Eacuadór do chomhlíonadh na rialacha maidir le tionscnamh dá tagraítear in Airteagal 1(c) agus na nósanna imeachta a mbaineann leo, lena n-áirítear, de réir mar is iomchuí, forálacha maidir le comhar riaracháin éifeachtach is infheidhme an 12 Nollaig 2014;

(b)

staonadh Eacuadór ó aon dleachtanna nua nó muirir nua a mbeadh an éifeacht choibhéiseach acu a thabhairt isteach agus aon srianta cainníochtúla nua nó bearta nua a thabhairt isteach a mbeadh an éifeacht choibhéiseach acu ar allmhairí ón Aontas nó ó na leibhéil ag a bhfuil na dleachtanna nó na muirir faoi láthair a ardú nó ó aon srianta eile a thabhairt isteach ón 12 Nollaig 2014;

(c)

daingniú ar thaobh Eacuadór ar na cúnaint, coinbhinsiúin agus prótacail a liostaítear san Iarscríbhinn a choimeád agus a gcur chun feidhme éifeachtacht a áirithiú, agus glacadh gan forchoimeádas leis na ceanglais maidir le tuairisciú, faireachán agus athbhreithniú tráthrialta ar a theist cur chun feidhme i gcomhréir le forálacha na gcúnant, na gcoinbhinsiún agus na bprótacal atá daingnithe aige;

(d)

comhoibriú idir Eacuadór agus an Coimisiún agus gach eolas is gá a sholáthar chun measúnú a dhéanamh go bhfuil na ceanglais i bpointe (c) á gcomhlíonadh ag Eacuadór;

(e)

an Eacuadór do dhéanamhiarrachtaí leanúnacha chun an Prótacal Aontachais a shíniú agus a dhaingniú.