14.11.2008   

GA

Iris Oifigiúil an Aontais Eorpaigh

L NaN/75

(1)

Aithnítear gur bagairt dhomhanda iad sceití mearcair a údaraíonn gníomh ar an leibhéal áitiúil, ar an leibhéal réigiúnach, ar an leibhéal náisiúnta agus ar an leibhéal domhanda.

(2)

I gcomhréir leis an gCumarsáid dar teideal ‘Straitéis Chomhphobail maidir le Mearcair’, ón gCoimisiún chuig an gComhairle agus chuig Parlaimint na hEorpa agus i gcomhréir le conclúidí na Comhairle an 24 Meitheamh 2005 agus rún ó Pharlaimint na hEorpa an 14 Márta 2006 (3) ar an straitéis réamhráite sin, ní foláir an riosca go mbeadh daoine agus an comhshaol faoi lé mearcair a laghdú.

(3)

Caithfear féachaint ar bhearta a ghlactar ar leibhéal an Chomhphobail mar chuid d'iarracht dhomhanda chun an riosca go mbeifí faoi lé mearcair a laghdú, go háirithe faoi chuimsiú an Chláir Mearcair faoi Chlár Comhshaoil na Náisiún Aontaithe.

(4)

Eascraíonn fadhbanna comhshaoil agus fadhbanna sóisialta as dúnadh mianach mearcair sa Chomhphobal. Ba cheart go leanfaí den tacaíocht a thugtar do thionscadail agus do thionscnaimh eile ón sásra maoinithe atá ar fáil ionas go bhféadfar réitigh inmharthana i gcomhair gníomhaíochtaí áitiúla comhshaoil, fostaíochta agus eacnamaíocha a fháil do na limistéir a bhfuil difear déanta dóibh.

(5)

Ba cheart toirmeasc a chur ar onnmhairiú mearcair mhiotalaigh, méine cionnabair, clóiríde mearcair (I), ocsaíde mearcair (II) agus meascán de mhearcair miotalach le substaintí eile, lena n-áirítear cóimhiotail mhearcair ag a bhfuil tiúchan mearcair de 95 % ar a laghad meáchan ar mheáchan ón gComhphobal chun an soláthar domhanda mearcair a laghdú go suntasach.

(6)

Mar thoradh ar an toirmeasc ar onnmhairiú beidh méideanna móra mearcair de bharrachas sa Chomhphobal agus ba cheart cosc a chur lena gcur ar ais ar an margadh. Ba cheart a áirithiú, dá bhrí sin, go stórálfaí an mearcair sin go sábháilte laistigh den Chomhphobal.

(7)

Chun foráil d'fhéidearthachtaí stórála sábháilte mearcair mhiotalaigh a mheastar gur dramhaíl é, is cuí go ndéanfaí maolú ar Airteagal 5(3)(a) de Threoir 1999/31/CE ón gComhairle an 26 Aibreán 1999 maidir le líonadh talún le dramhaíl (4) i gcás cineálacha áirithe líonta talún, agus is cuí a fhógairt nach mbeidh feidhm ag na critéir a leagtar amach i Roinn 2.4 den Iarscríbhinn a ghabhann le Cinneadh 2003/33/CE ón gComhairle an 19 Nollaig 2002 lena mbunaítear critéir agus nósanna imeachta maidir le glacadh le dramhaíl ag láithreáin líonta talún de bhun Airteagal 16 de Threoir 1999/31/CE (5), agus Iarscríbhinn II a ghabhann léi sin, maidir le mearcair miotalach a stóráil go sealadach ar shlí go bhféadfar é a fháil ar ais ar feadh tréimhse níos faide ná aon bhliain amháin i saoráidí os cionn talún a thiomnaítear agus a threalmhaítear chun na críche sin.

(8)

Ba cheart go mbeadh feidhm ag na forálacha eile i dTreoir 1999/31/CE maidir le gach saoráid stórála le haghaidh mearcair mhiotalaigh a mheastar gur dramhaíl é. Áirítear leis sin an ceanglas, a leagtar amach in Airteagal 8(a)(iv) den Treoir sin, go ndéanfadh an t-iarratasóir ar chead socrú leordhóthanach, de bhíthin urrúis airgeadais nó a chomhionann eile, lena áirithiú go n-urscaoilfear na hoibleagáidí (lena n-áirítear soláthar iarchúraim) a thiocfaidh chun cinn faoin gcead agus go ndéanfar de réir na nósanna imeachta maidir leis an dúnadh. Ina theannta sin, tá feidhm ag Treoir 2004/35/CE ó Pharlaimint na hEorpa agus ón gComhairle an 21 Aibreán 2004 maidir le dliteanas comhshaoil i ndáil le damáiste comhshaoil a chosc agus a leigheas (6) i leith na saoráidí stórála sin.

(9)

Chun mearcair miotalach a stóráil go sealadach ar feadh tréimhse níos faide ná aon bhliain amháin i saoráidí os cionn talún a thiomnaítear agus a threalmhaítear chun na críche sin, ba cheart go mbeadh feidhm ag Treoir 96/82/CE ón gComhairle an 9 Nollaig 1996 maidir le rialú guaiseacha mórthionóiscí a bhaineann le substaintí contúirteacha (7).

(10)

Níor cheart go ndéanfadh an Rialachán seo dochar do Rialachán (CE) Uimh. 1013/2006 ó Pharlaimint na hEorpa agus ón gComhairle an 14 Meitheamh 2006 maidir le loingsiú dramhaíola (8). Ar a shon sin, d'fhonn diúscairt iomchuí mearcair mhiotalaigh a cheadú sa Chomhphobal, spreagtar na húdaráis chinn scríbe inniúla agus na húdaráis seolta inniúla gan agóid a dhéanamh in aghaidh loingsithe mearcair mhiotalaigh a mheastar gur dramhaíl é bunaithe ar Airteagal 11(1)(a) den Rialachán sin. Tugtar faoi deara nach mbeidh feidhm ag Airteagal 11(1)(a) den Rialachán sin, de réir Airteagal 11(3) de, i gcás dramhaíola guaisí a tháirgtear ina laghad sin de chainníocht go foriomlán in aghaidh na bliana i mBallstát seolta nach mbeadh sé eacnamúil suiteálacha diúscartha speisialaithe nua a sholáthar laistigh den Bhallstát sin.

(11)

D'fhonn a áirithiú go mbeidh stóráil ann atá sábháilte do shláinte an duine agus don chomhshaol, ba cheart go ndéanfaí comhlánú ar an measúnú sábháilteachta maidir le stóráil faoi thalamh a éilítear faoi Chinneadh 2003/33/CE le ceanglais shonracha agus ba cheart go mbeadh an measúnú sin infheidhme chomh maith maidir le stóráil nach stóráil faoi thalamh í. Níor cheart go gceadófaí aon oibríocht chríochnaitheach diúscartha go dtí go nglacfar na ceanglais speisialta agus na critéir inghlacthachta. Ba cheart do na coinníollacha stórála i mianach salainn nó i bhfoirmíochtaí carraige crua go domhain faoi thalamh, a oiriúnaíodh do dhiúscairt mearcair mhiotalaigh, na prionsabail a chomhlíonadh maidir le screamhuisce a chosaint ar mhearcair, maidir le cosc a chur ar astaíochtaí gaile mearcair, maidir le neamh-thréscaoilteacht ar ghás agus ar leachtanna an limistéir mháguaird agus – i gcás buanstórála – maidir leis an dramhaíl a imchochlú go daingean ag deireadh phróiseas dífhoirmithe na mianach. Ba cheart na critéir sin a thabhairt isteach sna hiarscríbhinní a ghabhann le Treoir 1999/31/CE nuair a leasófar iad chun críche an Rialacháin seo.

(12)

Ba cheart go gcomhlíonfaí na coinníollacha stórála os cionn talún go háirithe na prionsabail maidir le hinchúlaitheacht stórála, maidir le mearcair a chosaint ar uisce meitéarach, maidir le neamh-thréscaoilteacht ar ithreacha agus maidir le cosc a chur ar astaíochtaí gaile mearcair. Ba cheart na critéir sin a thabhairt isteach sna hiarscríbhinní a ghabhann le Treoir 1999/31/CE nuair a leasófar iad chun críche an Rialacháin seo. Ba cheart a mheas gur réiteach sealadach é mearcair miotalach a stóráil os cionn talún.

(13)

Ba cheart don tionscal clór-alcaileach na sonraí ábhartha go léir a bhaineann le díchoimisiúnú na gceall mearcair ina ngléasraí a chur chuig an gCoimisiún agus chuig údaráis inniúla na mBallstát lena mbaineann chun forghníomhú an Rialacháin seo a éascú. Ba cheart do na hearnálacha tionscail a ghnóthaíonn mearcair as gás nádúrtha a ghlanadh nó mar fhotháirge ó oibríochtaí mianadóireachta agus oibríochtaí bruithnithe miotail neamhfheiriúil na sonraí ábhartha a sholáthar freisin don Choimisiún agus d'údaráis inniúla na mBallstát lena mbaineann. Ba cheart don Choimisiún an fhaisnéis sin a chur ar fáil go poiblí.

(14)

Ba cheart do na Ballstáit faisnéis maidir le ceadanna a eisítear le haghaidh saoráidí stórála agus maidir le cur i bhfeidhm agus éifeachtaí margaidh an Rialacháin seo a chur isteach, chun go bhféadfar measúnú a dhéanamh air in am trátha. Ba cheart d'allmhaireoirí, d'onnmhaireoirí agus d'oibreoirí faisnéis a chur isteach faoi ghluaiseachtaí mearcair mhiotalaigh, méine cionnabair, clóiríde mearcair (I), ocsaíde mearcair (II) agus meascán de mhearcair miotalach le substaintí eile, lena n-áirítear cóimhiotail mearcair ag a bhfuil tiúchan mearcair de 95 % ar a laghad meáchan ar mheáchan, agus faoina n-úsáid.

(15)

Ba cheart go gcinnfeadh na Ballstáit na pionóis a bheadh infheidhme ar sháruithe ar fhorálacha an Rialacháin seo agus a bheidh le forchur ar dhaoine nádúrtha agus ar dhaoine dlítheanacha. Ba cheart go mbeadh na pionóis sin éifeachtúil, comhréireach agus athchomhairleach.

(16)

Is cuí malartú faisnéise a eagrú leis na páirtithe leasmhara cuí chun measúnú a dhéanamh ar an ngá a d'fhéadfadh a bheith le bearta breise a bhaineann le mearcair a onnmhairiú, a allmhairiú agus a stóráil, agus a bhaineann le comhdhúile mearcair agus le táirgí a bhfuil mearcair iontu, gan dochar do rialacha iomaíochta an Chonartha, go háirithe Airteagal 81 de.

(17)

Ba cheart go spreagfadh an Coimisiún agus na Ballstáit soláthar cúnaimh theicniúil do thíortha atá i mbéal forbartha agus do thíortha a bhfuil a ngeilleagar ag athrú, go speisialta cúnamh a éascaíonn an claonadh i dtreo teicneolaíochtaí malartacha atá saor ó mhearcair agus deireadh a chur de réir a chéile le húsáidí agus le scaoileadh mearcair agus comhdhúl mearcair.

(18)

Tá taighde leanúnach ar bun maidir le mearcair a dhiúscairt go sábháilte, lena n-áirítear na teicnící difriúla cobhsaithe nó bealaí eile chun mearcair a dhíluailiú. Ba cheart don Choimisiún an taighde seo a choinneáil faoi athbhreithniú mar thosaíocht agus tuarascáil a thíolacadh a luaithe is féidir. Tá tábhacht leis an bhfaisnéis seo óir go gcuirfidh sí bunús fónta ar fáil d'athbhreithniú ar an Rialachán seo chun a chuspóir a bhaint amach.

(19)

Ba cheart go gcuirfeadh an Coimisiún an fhaisnéis sin san áireamh nuair a bheidh sé ag cur tuarascáil mheasúnaithe isteach chun cúiseanna a d'fhéadfadh a bheith ann an Rialachán seo a leasú a aithint.

(20)

Ba cheart go mbeadh an Coimisiún ag faire ar fhorbairtí idirnáisiúnta chomh maith maidir le soláthar mearcair agus maidir le héileamh ar mhearcair, go háirithe in idirbheartaíochtaí iltaobhacha, agus ba cheart dó tuairisc a thabhairt orthu sin chun measúnú ar chomhréireacht an chur chuige iomláin a chumasú.

(21)

Na bearta is gá chun an Rialachán seo a chur i bhfeidhm maidir le mearcair miotalach a stóráil go sealadach i saoráidí áirithe dá dtagraítear anseo, ba cheart iad a ghlacadh i gcomhréir le Treoir 1999/31/CE, agus an nasc díreach idir an Rialachán seo agus an Treoir sin á chur san áireamh.

(22)

Ó tharla nach féidir leis na Ballstáit cuspóir an Rialacháin seo, eadhon an méid atáthar faoi lé mearcair a laghdú le toirmeasc ar allmhairí agus le hoibleagáid stórála, a bhaint amach go leordhóthanach, agus gur fearr dá bhrí sin, de bharr an tionchair a bheadh aige sin ar ghluaiseacht earraí agus ar fheidhmiú an mhargaidh inmheánaigh agus i bhfianaise chineál trasteorann an truaillithe mearcair, is féidir é a bhaint amach ar leibhéal an Chomhphobail, féadfaidh an Comhphobal bearta a ghlacadh, i gcomhréir le prionsabal na coimhdeachta a leagtar amach in Airteagal 5 den Chonradh. I gcomhréir le prionsabal na comhréireachta, a leagtar amach san Airteagal sin, ní théann an Rialachán seo thar a bhfuil riachtanach chun an cuspóir sin a bhaint amach,

(a)

mearcair miotalach nach n-úsáidtear a thuilleadh sa tionscal clór-alcaileach;

(b)

mearcair miotalach a fhaightear as gás nádúrtha a ghlanadh;

(c)

mearcair miotalach a fhaightear ó oibríochtaí mianadóireachta agus bruithnithe miotail neamhfheiriúil; agus

(d)

mearcair miotalach a eastósctar as mian chionnabair sa Chomhphobal ón 15 Márta 2011.

(a)

a stóráil go sealadach ar feadh breis agus aon bhliain amháin nó féadfar é a stóráil go buan (oibríochtaí diúscartha D 15 nó D 12 faoi seach, mar a shainmhínítear in Iarscríbhinn II A a ghabhann le Treoir 2006/12/CE iad) i mianaigh salainn atá oiriúnaithe do dhiúscairt mearcair, nó i bhfoirmíochtaí carraige crua go domhain faoi thalamh agus a chuireann leibhéal sábháilteachta agus leibhéal insrianaithe ar fáil atá coibhéiseach leis an leibhéal atá sna mianaigh salainn sin, nó

(b)

a stóráil go sealadach (oibríocht diúscartha D 15, mar a shainmhínítear in Iarscríbhinn II A a ghabhann le Treoir 2006/12/CE í) ar feadh breis agus aon bhliain amháin i saoráidí os cionn talún a tiomnaíodh agus a trealmhaíodh d'fhonn mearcair miotalach a stóráil go sealadach. Sa chás seo, ní bheidh feidhm ag na critéir a leagtar amach i roinn 2.4 den Iarscríbhinn a ghabhann le Cinneadh 2003/33/CE.

(a)

toirteanna, praghsanna, tír thionscnaimh agus tír chinn scríbe mar aon le húsáid bheartaithe an mhearcair mhiotalaigh a thagann isteach sa Chomhphobal;

(b)

toirteanna, tír thionscnaimh agus tír chinn scríbe an mhearcair mhiotalaigh a mheastar gur dramhaíl é agus a ndéantar trádáil trasteorann air laistigh den Chomhphobal.

(a)

an meastachán is fearr den mhéid iomlán mearcair atá fós in úsáid i gcill chlór-alcaileach;

(b)

méid iomlán an mhearcair atá stóráilte sa tsaoráid;

(c)

an méid fuíollmhearcair a cuireadh chuig saoráidí stórála aonair sealadacha nó buana, mar aon le suíomh agus sonraí teagmhála na saoráidí sin.

(a)

méid an mhearcair a ghnóthaítear;

(b)

méid an mhearcair a cuireadh chuig saoráidí stórála aonair sealadacha nó buana mar aon le suíomh agus sonraí teagmhála na saoráidí sin.

(a)

síneadh a chur leis an toirmeasc onnmhairithe ar chomhdhúile mearcair eile, ar mheascáin a bhfuil méid níos ísle mearcair iontu agus ar tháirgí a bhfuil mearcair iontu, go háirithe teirmiméadair, baraiméadair agus sfigmeamanaiméadair;

(b)

toirmeasc allmhairithe ar mhearcair miotalach, ar chomhdhúile mearcair agus ar tháirgí a bhfuil mearcair iontu;

(c)

síneadh a chur leis an oibleagáid stórála chun mearcair miotalach ó fhoinsí eile a áireamh;

(d)

teorainneacha ama maidir le mearcair miotalach a stóráil go sealadach.