26.10.2006

Iris Oifigiúil an Aontais Eorpaigh

L NaN/1

AN BANC EORPACH INFHEISTÍOCHTA CINNEADH ÓN mBORD GOBHARNÓIRÍ

an 5 Meitheamh 1998

maidir le méadú chaipiteal an Bhainc agus sainiú an aonaid cuntais

De bhua an chinnidh ó Bhord Gobharnóirí an Bhainc Eorpaigh Infheistíochta (1) arna ghlacadh d'aon toil an 5 Meitheamh 1998 de bhun an dara fomhír d'Airteagal 4(1), Airteagal 4(3) agus Airteagal 5(2) de Reacht an Bhainc, leasaítear an Reacht mar a leanas amhail ón 1 Eanáir 1999.

Léitear an chéad fhomhír d'Airteagal 4(1) den Reacht mar a leanas:

‘Is é is caipiteal don Bhanc céad míle milliún (100 000 000 000) euro, arna shuibscríobh ag na Ballstáit mar a leanas:

An Ghearmáin	17 766 355 000
An Fhrainc	17 766 355 000
An Iodáil	17 766 355 000
An Ríocht Aontaithe	17 766 355 000
An Spáinn	6 530 656 000
An Bheilg	4 924 710 000
An Ísiltír	4 924 710 000
An tSualainn	3 267 057 000
An Danmhairg	2 493 522 000
An Ostair	2 444 649 000
An Fhionlainn	1 404 544 000
An Ghréig	1 335 817 000
An Phortaingéil	860 858 000
Éire	623 380 000
Lucsamburg	124 677 000’ (2)

Léitear an dara fomhír d'Airteagal 4(1) den Reacht mar a leanas:

‘Saineofar gurb é atá san aonad cuntais ná an euro atá bunaithe mar airgeadra aonair na mBallstát atá rannpháirteach sa tríú céim den Aontas Eacnamaíoch agus Airgeadaíochta. Féadfaidh an Bord Gobharnóirí, ag gníomhú dó d'aon toil ar thogra ón mBord Stiúrthóirí, sainiú an aonaid cuntais a athrú.’

3.	Léitear Airteagal 5(1) den Reacht mar a leanas: ‘Íocfaidh na Ballstáit an caipiteal suibscríofa go feadh 6 % ar mheán na méideanna a shonraítear in Airteagal 4(1)’.

Thar ceann an Bhoird Gobharnóirí

An Cathaoirleach

Jouko SKINNARI

An Rúnaí

F.A.W. CARPENTER

(1) IO C 269, 28.8.1998, lch. 9.

(2) As an méid foriomlán EUR 100 billiún, tá EUR 95 549 597 250 éifeachtach amhail ón 1 Eanáir 1999, ar suim í sin a chomhfhreagraíonn, i gcás na Gearmáine, do chaipiteal suibscríofa EUR 13 315 952 250. Tá an fuíoll ag fanacht ar chomhlánú foirmiúil na nósanna imeachta parlaiminte ar an leibhéal ábhartha náisiúnta agus tiocfaidh sé i bhfeidhm ar bhonn aisghníomhach amhail ón 1 Eanáir 1999 a thúisce a chomhlánófar na nósanna imeachta sin; foilseofar dáta an chomhlánaithe in am trátha. Le linn na tréimhse gurb é méid an chaipitil shuibscríofa EUR 95 549 597 250, is ionann an caipiteal íoctha dá dtagraítear in Airteagal 5(1) den Reacht agus 6,27946132 % den mhéid sin.