10.3.2023   

GA

Iris Oifigiúil an Aontais Eorpaigh

L 73/46

CINNEADH Uimh. 01/2021 Ó CHOISTE STIÚRTHA RÉIGIÚNACH AN CHOMHPHOBAIL IOMPAIR

(tar éis an chomhairliúcháin i scríbhinn)

maidir le glacadh bhuiséad an Chomhphobail Iompair don bhliain 2021 (2023/559)

TÁ COISTE STIÚRTHA RÉIGIÚNACH AN CHOMHPHOBAIL IOMPAIR,

Ag féachaint don Chonradh lena mbunaítear an Comhphobal Iompair (1), agus go háirithe Airteagal 24(1) agus Airteagal 35 de,

TAR ÉIS A CHINNEADH MAR A LEANAS:

Airteagal 1

Leis seo, glactar buiséad an Chomhphobail Iompair don bhliain 2021, atá ceangailte den Chinneadh seo.

Airteagal 2

1.   I gcomhréir le hAirteagal 10(1) de na rialacha airgeadais agus le nósanna imeachta iniúchta is infheidhme maidir leis an gComhphobal Iompair, féadfar leithreasuithe de líne bhuiséid ar leith ó bhuiséad 2021 a úsáid chun críocha a bhaineann le líne bhuiséid eile, laistigh den teorainn iomlán 10 % de leithreasuithe na líne buiséid ar leith sin. Ní bheidh feidhm aige sin maidir leis an líne bhuiséid i dtaca le buiséad na n-acmhainní daonna.

2.   Maidir le leithreasuithe a thugtar anonn chun oibleagáidí a síníodh ag deireadh 2020 a chomhlíonadh, mar a shonraítear sa bhuiséad atá ceangailte de seo, ní bheidh siad incháilithe don úsáid dá dtagraítear i mír 1. Ní chuirfear san áireamh iad chun an t-uasmhéid a chomhfhreagraíonn don teorainn 10 % dá dtagraítear ann a chinneadh.

Airteagal 3

Leithreasuithe nár gealladh faoi dheireadh na mblianta airgeadais 2019 agus 2020, déanfar iad a chur ar ceal agus a íoc ar ais leis na Páirtithe i gcomhréir leis na céatadáin a leagtar síos in Iarscríbhinn V den Chonradh lena mbunaítear an Comhphobal Iompair agus leis na ranníocaíochtaí a íocadh iarbhír.

Arna dhéanamh i Sairéavó, an 28 Eanáir 2021.

Thar ceann an Choiste Stiúrtha Réigiúnaigh

An tUachtarán

(1)   IO AE L 278, 27.10.2017, lch. 3.

BUISÉAD AN CHOMHPHOBAIL IOMPAIR DON BHLIAIN 2021

Líne bhuiséid

Méid (EUR)

1.

Buanrúnaíocht

 

1.1.

Acmhainní daonna

1 465 706

1.2.

Costais taistil

172 560

1.3.

Costais oifige, trealamh agus bogearraí

353 080

—

An méid atá ina chreidmheasanna nua

303 080

—

Méid na leithreasuithe buiséid a dtugtar anonn a chomhfhreagraíonn d’oibleagáidí a síníodh ag deireadh 2020 agus a bhfuil íocaíochtaí dlite ina leith in 2021

50 000

1.4.

Costais agus seirbhísí eile, lena n-áirítear:

—

Seirbhísí seachfhoinsithe agus seirbhísí eile (iniúchadh, infheictheacht, oiliúint foirne, muirir bhainc)

—

Costais cruinnithe agus comhdhálacha

—

Costais teicneolaíochta faisnéise agus cumarsáide

—

Costais earcaíochta

247 590

1.5.

Staidéir, Cúnamh teicniúil chun tacú le Acquis agus Pleananna Gníomhaíochta an Aontais a chur chun feidhme

530 000

—

An méid atá ina chreidmheasanna nua

400 000

—

Méid na leithreasuithe buiséid a dtugtar anonn a chomhfhreagraíonn d’oibleagáidí a síníodh ag deireadh 2020 agus a bhfuil íocaíochtaí dlite ina leith in 2021

130 000

2.

An Chomhairle Aireachta

 

2.1.

Costais cruinnithe agus comhdhálacha

60 000

3.

An Coiste Stiúrtha Réigiúnach

 

3.1.

Costais cruinnithe agus comhdhálacha

20 950

4.

Coistí Teicniúla

 

4.1.

Costais cruinnithe agus comhdhálacha

99 100

5.

An Fóram Sóisialta

 

5.1.

Costais cruinnithe comhdhálacha

13 300

Cúlchiste (thart ar 8 % de na creidmheasanna nua)

217 714

Iomlán na gcreidmheasanna nua

3 000 000

Iomlán na tabhartha anonn ón mbliain 2020

180 000

Comhiomlán

3 180 000

Ranníocaíocht AE (80 % de na creidmheasanna nua)

2 400 000

Ranníocaíocht Pháirtithe Oirdheisceart na hEorpa (20 % de na creidmheasanna nua: tá an dáileadh de réir tíre le fáil in Iarscríbhinn V de TCT)

600 000