CINNEADH Ó CHOMHCHOISTE LEE Uimh. 89/2020

an 18 Meitheamh 2020

lena leasaítear Iarscríbhinn II (Rialacháin theicniúla, caighdeáin, tástáil agus deimhniú) a ghabhann le Comhaontú LEE [2023/538]

TÁ COMHCHOISTE LEE,

Ag féachaint don Chomhaontú ar an Limistéar Eorpach Eacnamaíoch (‘Comhaontú LEE’), agus go háirithe Airteagal 98 de,

De bharr an mhéid seo a leanas:

(1)

Rialachán Cur Chun Feidhme (AE) 2020/666 ón gCoimisiún an 18 Bealtaine 2020 lena leasaítear Rialachán Cur Chun Feidhme (AE) Uimh. 920/2013 a mhéid a bhaineann le hathnuachan ainmniúchán agus le faireachas agus faireachán a dhéanamh ar chomhlachtaí faoina dtugtar fógra (1), tá sé le hionchorprú i gComhaontú LEE.

(2)	Dá bhrí sin, ba cheart Iarscríbhinn II a ghabhann le Comhaontú LEE a leasú dá réir sin,

TAR ÉIS AN CINNEADH SEO A GHLACADH:

Airteagal 1

Cuirtear an méid seo a leanas isteach i bpointe 10 (Rialachán Cur Chun Feidhme (AE) Uimh. 920/2013 ón gCoimisiún) de Chaibidil XXX d’Iarscríbhinn II a ghabhann le Comhaontú LEE:

‘, arna leasú le:

—	32020 R 0666: Rialachán Cur Chun Feidhme (AE) 2020/666 ón gCoimisiún an 18 Bealtaine 2020 (IO L 156, 19.5.2020, lch. 2).’

Airteagal 2

Is téacs barántúil a bheidh i dtéacs Rialachán Cur Chun Feidhme (AE) 2020/666 san Íoslainnis agus san Ioruais, téacs atá le foilsiú i bhForlíonadh LEE d’Iris Oifigiúil an Aontais Eorpaigh.

Airteagal 3

Tiocfaidh an Cinneadh seo i bhfeidhm an 18 Meitheamh 2020, ar choinníoll go mbeidh na fógraí uile faoi Airteagal 103(1) de Chomhaontú LEE tugtha (*).

Airteagal 4

Foilseofar an Cinneadh seo i Roinn LEE, agus i bhForlíonadh LEE, d’Iris Oifigiúil an Aontais Eorpaigh.

Arna dhéanamh sa Bhruiséil, an 18 Meitheamh 2020.

Thar ceann Chomhchoiste LEE

An tUachtarán

Clara GANSLANDT

(1) IO L 156, 19.5.2020, lch. 2.

(*) Ní shonraítear aon cheanglas bunreachtúil.