CINNEADH Ó CHOMHCHOISTE LEE Uimh. 69/2020

an 12 Meitheamh 2020

lena leasaítear Iarscríbhinn I (Ábhair thréidliachta agus fíteashláintíochta) a ghabhann le Comhaontú LEE [2023/518]

TÁ COMHCHOISTE LEE,

Ag féachaint don Chomhaontú ar an Limistéar Eorpach Eacnamaíoch (‘Comhaontú LEE’), agus go háirithe Airteagal 98 de,

De bharr an mhéid seo a leanas:

(1)

Rialachán (AE) 2019/1869 ón gCoimisiún an 7 Samhain 2019 lena leasaítear agus lena gceartaítear Iarscríbhinn I a ghabhann le Treoir 2002/32/CE ó Pharlaimint na hEorpa agus ón gComhairle a mhéid a bhaineann le huasleibhéil le haghaidh substaintí neamh-inmhianaithe áirithe i mbeatha ainmhithe (1), tá sé le hionchorprú i gComhaontú LEE.

(2)

Is le reachtaíocht maidir le hábhair bheatha a bhaineann an Cinneadh seo. An reachtaíocht a bhaineann le hábhair bheatha, ní bheidh feidhm aici maidir le Lichtinstéin fad a leathnófar cur i bhfeidhm an Chomhaontaithe idir an Comhphobal Eorpach agus Cónaidhm na hEilvéise maidir le trádáil i dtáirgí talmhaíochta chun Lichtinstéin a chumhdach, mar a shonraítear sna hoiriúnuithe earnála ar Iarscríbhinn I a ghabhann le Comhaontú LEE. Dá bhrí sin, níl feidhm le bheith ag an gCinneadh seo maidir le Lichtinstéin.

(3)	Dá bhrí sin, ba cheart Iarscríbhinn I a ghabhann le Comhaontú LEE a leasú dá réir sin,

TAR ÉIS AN CINNEADH SEO A GHLACADH:

Airteagal 1

Cuirtear an fhleasc seo a leanas isteach i bpointe 33 (Treoir 2002/32/CE ó Pharlaimint na hEorpa agus ón gComhairle) de Chaibidil II d’Iarscríbhinn I a ghabhann le Comhaontú LEE:

‘-	32019 R 1869: Rialachán (AE) 2019/1869 ón gCoimisiún an 7 Samhain 2019 (IO L 289, 8.11.2019, lch. 32).’

Airteagal 2

Is téacs barántúil a bheidh i dtéacs Rialachán (AE) 2019/1869 san Íoslainnis agus san Ioruais, téacs atá le foilsiú i bhForlíonadh LEE d’Iris Oifigiúil an Aontais Eorpaigh.

Airteagal 3

Tiocfaidh an Cinneadh seo i bhfeidhm an 13 Meitheamh 2020, ar choinníoll go mbeidh na fógraí uile faoi Airteagal 103(1) de Chomhaontú LEE tugtha (*).

Airteagal 4

Foilseofar an Cinneadh seo i Roinn LEE, agus i bhForlíonadh LEE, d’Iris Oifigiúil an Aontais Eorpaigh.

Arna dhéanamh sa Bhruiséil, an 12 Meitheamh 2020.

Thar ceann Chomhchoiste LEE

An tUachtarán

Clara GANSLANDT

(1) IO L 289, 8.11.2019, lch. 32.

(*) Ní shonraítear aon cheanglas bunreachtúil.