CINNEADH Ó CHOMHCHOISTE LEE Uimh. 18/2020

an 7 Feabhra 2020

lena leasaítear Iarscríbhinn IX (Seirbhísí airgeadais) a ghabhann le Comhaontú LEE [2023/296]

TÁ COMHCHOISTE LEE,

Ag féachaint don Chomhaontú ar an Limistéar Eorpach Eacnamaíoch (‘Comhaontú LEE’), agus go háirithe Airteagal 98 de,

De bharr an mhéid seo a leanas:

(1)

Cinneadh Cur Chun Feidhme (AE) 2019/684 ón gCoimisiún an 25 Aibreán 2019 maidir le haitheantas a thabhairt do shocruithe dlí, maoirseachta agus forfheidhmiúcháin na Seapáine i dtaca le hidirbhearta díorthacha faoi maoirseacht Ghníomhaireacht Seirbhísí Airgeadais na Seapáine mar shocruithe atá coibhéiseach leis na ceanglais a bhaineann le luacháil, réiteach díospóidí agus éarlais in Airteagal 11 de Rialachán (AE) Uimh. 648/2012 ó Pharlaimint na hEorpa agus ón gComhairle maidir le díorthaigh thar an gcuntar, contrapháirtithe lárnacha agus stórtha trádála (1), tá sé le hionchorprú i gComhaontú LEE.

(2)	Dá bhrí sin, ba cheart Iarscríbhinn IX a ghabhann le Comhaontú LEE a leasú dá réir sin,

TAR ÉIS AN CINNEADH SEO A GHLACADH:

Airteagal 1

Cuirtear an pointe seo a leanas isteach i ndiaidh phointe 31bcaw (Cinneadh Cur Chun Feidhme (AE) 2018/2031 ón gCoimisiún) d’Iarscríbhinn IX a ghabhann le Comhaontú LEE:

‘31bcax.

32019 D 0684: Cinneadh Cur Chun Feidhme (AE) 2019/684 ón gCoimisiún an 25 Aibreán 2019 maidir le haitheantas a thabhairt do shocruithe dlí, maoirseachta agus forfheidhmiúcháin na Seapáine i dtaca le hidirbhearta díorthacha faoi maoirseacht Ghníomhaireacht Seirbhísí Airgeadais na Seapáine mar shocruithe atá coibhéiseach leis na ceanglais a bhaineann le luacháil, réiteach díospóidí agus éarlais in Airteagal 11 de Rialachán (AE) Uimh. 648/2012 ó Pharlaimint na hEorpa agus ón gComhairle maidir le díorthaigh thar an gcuntar, contrapháirtithe lárnacha agus stórtha trádála (IO L 115, 2.5.2019, lch. 11).’

Airteagal 2

Is téacs barántúil a bheidh i dtéacs Chinneadh Cur Chun Feidhme (AE) 2019/684 san Íoslainnis agus san Ioruais, téacs atá le foilsiú i bhForlíonadh LEE d’Iris Oifigiúil an Aontais Eorpaigh.

Airteagal 3

Tiocfaidh an Cinneadh seo i bhfeidhm an 8 Feabhra 2020, ar choinníoll go mbeidh na fógraí uile faoi Airteagal 103(1) de Chomhaontú LEE tugtha (*1).

Airteagal 4

Foilseofar an Cinneadh seo i Roinn LEE, agus i bhForlíonadh LEE, d’Iris Oifigiúil an Aontais Eorpaigh.

Arna dhéanamh sa Bhruiséil, an 7 Feabhra 2020.

Thar ceann Chomhchoiste LEE

An tUachtarán

Clara GANSLANDT

(1) IO L 115, 2.5.2019, lch. 11.

(*1) Ní shonraítear aon cheanglas bunreachtúil.