(1)

Rialachán Cur Chun Feidhme (AE) 2019/1981 ón gCoimisiún an 28 Samhain 2019 lena leasaítear Rialachán Cur Chun Feidhme (AE) 2019/626 a mhéid a bhaineann le liostaí de thríú tíortha agus réigiúin sna tíortha sin atá údaraithe maidir le seilidí, geilitín agus collaigin, agus feithidí atá ceaptha lena gcaitheamh ag an duine a theacht isteach san Aontas Eorpach (1), tá sé le hionchorprú i gComhaontú LEE.

(2)

Rialachán Cur Chun Feidhme (AE) 2019/2007 ón gCoimisiún an 18 Samhain 2019 lena leagtar síos rialacha maidir le cur i bhfeidhm Rialachán (AE) 2017/625 ó Pharlaimint na hEorpa agus ón gComhairle a mhéid a bhaineann le liostaí de na hainmhithe, na táirgí de bhunadh ainmhíoch, na táirgí geirmeacha, na seachtháirgí ainmhithe agus na táirgí díorthaithe mar aon le féar tirim agus tuí atá faoi réir rialuithe oifigiúla ag poist rialaithe teorann, agus lena leasaítear Cinneadh 2007/275/CE (2), tá sé le hionchorprú i gComhaontú LEE.

(3)

Rialachán Cur Chun Feidhme (AE) 2019/2128 ón gCoimisiún an 12 Samhain 2019 lena mbunaítear an deimhniú oifigiúil samplach agus na rialacha maidir le deimhnithe oifigiúla a eisiúint le haghaidh earraí a sheachadtar chuig soithí atá ag fágáil an Aontais agus atá beartaithe le haghaidh sholáthar an tsoithigh nó lena gcaitheamh ag an gcriú agus ag na paisinéirí, nó chuig ECAT nó chuig bunáit mhíleata de chuid na Stát Aontaithe (3), tá sé le hionchorprú i gComhaontú LEE.

(4)

Rialachán Cur Chun Feidhme (AE) 2019/2129 ón gCoimisiún an 25 Samhain 2019 lena mbunaítear rialacha maidir le cur i bhfeidhm aonfhoirmeach rátaí minicíochta le haghaidh seiceálacha céannachta agus seiceálacha fisiceacha ar choinsíneachtaí áirithe ainmhithe agus earraí a thagann isteach san Aontas (4), tá sé le hionchorprú i gComhaontú LEE.

(5)

Rialachán Cur Chun Feidhme (AE) 2019/2130 ón gCoimisiún an 25 Samhain 2019 lena mbunaítear rialacha mionsonraithe maidir leis na hoibríochtaí atá le déanamh le linn agus tar éis seiceálacha doiciméadacha, seiceálacha céannachta agus seiceálacha fisiceacha ar ainmhithe agus ar earraí atá faoi réir rialuithe oifigiúla ag poist rialaithe teorann (5), tá sé le hionchorprú i gComhaontú LEE.

(6)

Cinneadh Cur Chun Feidhme (AE) 2019/2098 ón gCoimisiún an 28 Samhain 2019 maidir le ceanglais shealadacha sláinte ainmhithe i ndáil le coinsíneachtaí de tháirgí de bhunadh ainmhíoch lena gcaitheamh ag an duine, ar coinsíneachtaí iad de tháirgí atá de thionscnamh an Aontais agus atá ag filleadh ar an Aontas tar éis do thríú tír diúltú dá dtabhairt isteach (6), tá sé le hionchorprú i gComhaontú LEE.

(7)

Le Rialachán Cur Chun Feidhme (AE) 2019/2129 aisghairtear Cinneadh 94/360/CE ón gCoimisiún (7), atá ionchorpraithe i gComhaontú LEE agus atá, dá bharr sin, le haisghairm, dá réir sin, faoi Chomhaontú LEE.

(8)

Le Rialachán Cur Chun Feidhme (AE) 2019/2130, aisghairtear Rialacháin (AE) Uimh. 136/2004 (8) agus (AE) Uimh. 282/2004 (9) ón gCoimisiún, atá ionchorpraithe i gComhaontú LEE agus atá le haisghairm, dá réir sin, faoi Chomhaontú LEE.

(9)

Baineann an Cinneadh seo le reachtaíocht ina bhfuil forálacha maidir le sláinte plandaí. Ní thagann reachtaíocht maidir le sláinte plandaí faoi raon feidhme Chomhaontú LEE agus dá bhrí sin, ní bheidh feidhm ag forálacha maidir le sláinte plandaí maidir le Stáit CSTE.

(10)

Baineann an Cinneadh seo le reachtaíocht maidir le hainmhithe beo cé is moite d’éisc agus ainmhithe dobharshaothraithe. Forálacha maidir le hainmhithe beo, cé is moite d’éisc agus ainmhithe dobharshaothraithe, ní bheidh feidhm acu maidir leis an Íoslainn, mar a shonraítear i mír 2 den Chuid Réamhráiteach de Chaibidil I d’Iarscríbhinn I a ghabhann le Comhaontú LEE.

(11)

Is le reachtaíocht maidir le hábhair thréidliachta, ábhair bheatha agus ábhair bhia a bhaineann an Cinneadh seo. An reachtaíocht a bhaineann le hábhair thréidliachta, ábhair bheatha agus ábhair bhia, ní bheidh feidhm aici maidir le Lichtinstéin fad a leathnófar cur i bhfeidhm an Chomhaontaithe idir an Comhphobal Eorpach agus Cónaidhm na hEilvéise maidir le trádáil i dtáirgí talmhaíochta chun Lichtinstéin a chumhdach, mar a shonraítear sna hoiriúnuithe earnála ar Iarscríbhinn I agus sa réamhrá do Chaibidil XII d’Iarscríbhinn II a ghabhann le Comhaontú LEE. Dá bhrí sin, níl feidhm le bheith ag an gCinneadh seo maidir le Lichtinstéin.

(12)

Dá bhrí sin, ba cheart Iarscríbhinní I agus II a ghabhann le Comhaontú LEE a leasú dá réir sin,

1.

Cuirtear an méid seo a leanas isteach i bpointe 11bj (Rialachán Cur Chun Feidhme (AE) 2019/626 ón gCoimisiún) i gCuid 1.1 de Chaibidil I agus i bpointe 31qj (Rialachán Cur Chun Feidhme (AE) 2019/626 ón gCoimisiún) de Chaibidil II:

“, arna leasú le:

2.

Cuirtear an fhleasc seo a leanas isteach i bpointe 137 (Cinneadh 2007/275/CE ón gCoimisiún) de Chuid 1.2 de Chaibidil I:

3.

Cuirtear na pointí seo a leanas isteach i ndiaidh phointe 11bn (Rialachán Cur Chun Feidhme (AE) 2019/1873 ón gCoimisiún) i gCuid 1.1 de Chaibidil I:

4.

Cuirtear na pointí seo a leanas isteach i ndiaidh phointe 31qn (Rialachán Cur Chun Feidhme (AE) 2019/1873 ón gCoimisiún) de Chaibidil II:

5.

Scriostar téacs phointí 25 (Cinneadh 94/360/CE ón gCoimisiún), 115 (Rialachán (CE) Uimh. 136/2004 ón gCoimisiún) agus 117 (Rialachán (CE) Uimh. 282/2004 ón gCoimisiún) i gCuid 1.2. de Chaibidil I.

“164o.

32019 R 2007: Rialachán Cur Chun Feidhme (AE) 2019/2007 ón gCoimisiún an 18 Samhain 2019 lena leagtar síos rialacha maidir le cur i bhfeidhm Rialachán (AE) 2017/625 ó Pharlaimint na hEorpa agus ón gComhairle a mhéid a bhaineann le liostaí de na hainmhithe, na táirgí de bhunadh ainmhíoch, na táirgí geirmeacha, na seachtháirgí ainmhithe agus na táirgí díorthaithe mar aon le féar tirim agus tuí atá faoi réir rialuithe oifigiúla ag poist rialaithe teorann, agus lena leasaítear Cinneadh 2007/275/CE (IO L 312, 3.12.2019, lch. 1).

164p.

32019 D 2098: Cinneadh Cur Chun Feidhme (AE) 2019/2098 ón gCoimisiún an 28 Samhain 2019 maidir le ceanglais shealadacha sláinte ainmhithe i ndáil le coinsíneachtaí de tháirgí de bhunadh ainmhíoch lena gcaitheamh ag an duine, ar coinsíneachtaí iad de tháirgí atá de thionscnamh an Aontais agus atá ag filleadh ar an Aontas tar éis do thríú tír diúltú dá dtabhairt isteach (IO L 317, 9.12.2019, lch. 111).

164q.

32019 R 2128: Rialachán Cur Chun Feidhme (AE) 2019/2128 ón gCoimisiún an 12 Samhain 2019 lena mbunaítear an deimhniú oifigiúil samplach agus na rialacha maidir le deimhnithe oifigiúla a eisiúint le haghaidh earraí a sheachadtar chuig soithí atá ag fágáil an Aontais agus atá beartaithe le haghaidh sholáthar an tsoithigh nó lena gcaitheamh ag an gcriú agus ag na paisinéirí, nó chuig ECAT nó chuig bunáit mhíleata de chuid na Stát Aontaithe (IO L 321, 12.12.2019, lch. 114).

164r.

32019 R 2129: Rialachán Cur Chun Feidhme (AE) 2019/2129 ón gCoimisiún an 25 Samhain 2019 lena mbunaítear rialacha maidir le cur i bhfeidhm aonfhoirmeach rátaí minicíochta le haghaidh seiceálacha céannachta agus seiceálacha fisiceacha ar choinsíneachtaí áirithe ainmhithe agus earraí a thagann isteach san Aontas (IO L 321, 12.12.2019, lch. 122).

164s.

32019 R 2130: Rialachán Cur Chun Feidhme (AE) 2019/2130 ón gCoimisiún an 25 Samhain 2019 lena mbunaítear rialacha mionsonraithe maidir leis na hoibríochtaí atá le déanamh le linn agus tar éis seiceálacha doiciméadacha, seiceálacha céannachta agus seiceálacha fisiceacha ar ainmhithe agus ar earraí atá faoi réir rialuithe oifigiúla ag poist rialaithe teorann (IO L 321, 12.12.2019, lch. 128).”