|
5.1.2023 |
GA |
Iris Oifigiúil an Aontais Eorpaigh |
L 4/55 |
CINNEADH Ó CHOMHCHOISTE LEE Uimh. 233/2019
an 27 Meán Fómhair 2019
lena leasaítear Iarscríbhinn II (Rialacháin theicniúla, caighdeáin, tástáil agus deimhniú) a ghabhann le Comhaontú LEE [2023/38]
TÁ COMHCHOISTE LEE,
Ag féachaint don Chomhaontú ar an Limistéar Eorpach Eacnamaíoch (‘Comhaontú LEE’), agus go háirithe Airteagal 98 de,
De bharr an mhéid seo a leanas:
|
(1) |
Rialachán Cur Chun Feidhme (AE) 2019/1397 ón gCoimisiún an 6 Lúnasa 2019 maidir le ceanglais deartha, tógála agus feidhmíochta agus caighdeáin tástála le haghaidh trealamh muirí agus lena n-aisghairtear Rialachán Cur Chun Feidhme (AE) 2018/773 (1), tá sé le hionchorprú i gComhaontú LEE. |
|
(2) |
Le Rialachán Cur Chun Feidhme (AE) 2019/1397 aisghairtear Rialachán (AE) 2018/773 ón gCoimisiún, atá ionchorpraithe i gComhaontú LEE agus atá le haisghairm, dá réir sin, faoi Chomhaontú LEE. |
|
(3) |
Dá bhrí sin, ba cheart Iarscríbhinn II a ghabhann le Comhaontú LEE a leasú dá réir sin, |
TAR ÉIS AN CINNEADH SEO A GHLACADH:
Airteagal 1
Cuirfear an méid seo a leanas in ionad théacs phointe 3 (Rialachán Cur Chun Feidhme (AE) 2018/773 ón gCoimisiún) de Chaibidil XXXII d’Iarscríbhinn II a ghabhann le Comhaontú LEE:
‘ 32019 R 1397: Rialachán Cur Chun Feidhme (AE) 2019/1397 ón gCoimisiún an 6 Lúnasa 2019 maidir le ceanglais deartha, tógála agus feidhmíochta agus caighdeáin tástála le haghaidh trealamh muirí agus lena n-aisghairtear Rialachán Cur Chun Feidhme (AE) 2018/773 (IO L 237, 13.9.2019, lch. 1).’
Airteagal 2
Is téacs barántúil a bheidh i dtéacs Rialachán Cur Chun Feidhme (AE) 2019/1397 san Íoslainnis agus san Ioruais, téacs atá le foilsiú i bhForlíonadh LEE d’Iris Oifigiúil an Aontais Eorpaigh.
Airteagal 3
Tiocfaidh an Cinneadh seo i bhfeidhm an 28 Meán Fómhair 2019, ar choinníoll go mbeidh na fógraí uile faoi Airteagal 103(1) de Chomhaontú LEE tugtha (*1).
Airteagal 4
Foilseofar an Cinneadh seo i Roinn LEE, agus i bhForlíonadh LEE, d’Iris Oifigiúil an Aontais Eorpaigh.
Arna dhéanamh sa Bhruiséil, an 27 Meán Fómhair 2019.
Thar ceann Chomhchoiste LEE
An tUachtarán
Gunnar PÁLSSON
(1) IO L 237, 13.9.2019, lch. 1.
(*1) Ní shonraítear aon cheanglas bunreachtúil.