CINNEADH Uimh. 20/2022 Ó CHOMHCHOISTE LEE

an 4 Feabhra 2022

lena leasaítear Iarscríbhinn XX (Comhshaol) a ghabhann le Comhaontú LEE [2022/1068]

TÁ COMHCHOISTE LEE,

Ag féachaint don Chomhaontú ar an Limistéar Eorpach Eacnamaíoch (“Comhaontú LEE”), agus go háirithe Airteagal 98 de,

De bharr an mhéid seo a leanas:

(1)

Tá Cinneadh (AE) 2021/1845 ón gCoimisiún an 20 Deireadh Fómhair 2021 lena leasaítear Cinneadh (AE) 2017/175 a mhéid a bhaineann le tréimhse bhailíochta i dtaca le critéir Éicilipéad AE do chóiríocht na dturasóirí agus leis na ceanglais ghaolmhara i ndáil le measúnú agus fíorú, (1) tá an Cinneadh sin le hionchorprú i gComhaontú LEE.

(2)	Ba cheart Iarscríbhinn XX a ghabhann le Comhaontú LEE a leasú dá réir sin,

TAR ÉIS AN CINNEADH SEO A GHLACADH:

Airteagal 1

Cuirtear an méid seo a leanas le pointe 2m (Cinneadh (AE) 2017/175 ón gCoimisiún) d’Iarscríbhinn XX a ghabhann le Comhaontú LEE:

“, arna leasú le:

—	32021 D 1845: Cinneadh (AE) 2021/1845 ón gCoimisiún an 20 Deireadh Fómhair 2021 (IO L 376, 22.10.2021, lch. 1).”

Airteagal 2

Is téacs barántúil a bheidh i dtéacs Chinneadh (AE) 2021/1845 san Íoslainnis agus san Ioruais, agus tá sé le foilsiú i bhForlíonadh LEE d’Iris Oifigiúil an Aontais Eorpaigh.

Airteagal 3

Tiocfaidh an Cinneadh seo i bhfeidhm an 5 Feabhra 2022, ar choinníoll go mbeifear tar éis na fógraí uile faoi Airteagal 103(1) de Chomhaontú LEE a dhéanamh ina leith (*).

Airteagal 4

Foilseofar an Cinneadh seo i Roinn LEE, agus i bhForlíonadh LEE, d’Iris Oifigiúil an Aontais Eorpaigh.

Arna dhéanamh sa Bhruiséil, 4 Feabhra 2022.

Thar ceann Chomhchoiste an LEE

An tUachtarán

Nicolas VON LINGEN

(1) IO L 376, 22.10.2021, lch. 1.

(*) Ní shonraítear aon riail bhunreachtúil.