(1)

Le pointe (d) d'Airteagal 164(5) den Chomhaontú um Tharraingt Siar, cuirtear ar a chumas don Chomhchoiste a bunaíodh faoi Airteagal 164(1) den Chomhaontú (‘an Comhchoiste’) cinntí a ghlacadh lena ndéanfar an Comhaontú um Tharraingt Siar a leasú, ar choinníoll gur gá na leasuithe sin chun earráidí a cheartú, chun aghaidh a thabhairt ar neamhghníomhartha nó ar easnaimh eile, nó chun aghaidh a thabhairt ar chásanna nach raibh coinne leo nuair a síníodh an Comhaontú, agus ar choinníoll nach bhféadfaidh na cinntí sin eilimintí ríthábhachtacha an Chomhaontaithe a leasú. De bhun Airteagal 166(2) den Chomhaontú um Tharraingt Siar, tá na cinntí arna nglacadh ag an gComhchoiste ina gceangal ar an Aontas agus ar an Ríocht Aontaithe. Ní mór don Aontas agus don Ríocht Aontaithe cinntí den sórt sin, a bhfuil na héifeachtaí dlíthiúla céanna acu agus atá ag an gComhaontú um Tharraingt Siar, a chur chun feidhme.

(2)

Faoi Airteagal 182 den Chomhaontú um Tharraingt Siar, is dlúthchuid den Chomhaontú sin an Prótacal maidir le hÉirinn/Tuaisceart Éireann (‘an Prótacal’).

(3)

Ní bhaineann dhá ghníomh dlí maidir le feidhmíocht astaíochtaí CO2 gluaisteán nua agus veaineanna nua a chláraítear san Aontas agus a liostaítear faoi cheannteideal 9 d’Iarscríbhinn 2 a ghabhann leis an bPrótacal agus a rinneadh infheidhme maidir leis an Ríocht Aontaithe agus sa Ríocht Aontaithe i ndáil le Tuaisceart Éireann de réir Airteagal 5(4) den Phrótacal sin, le feithiclí den sórt sin a chur ar an margadh san Aontas. Dá bhrí sin ba cheart iad a bhaint d'Iarscríbhinn 2 a ghabhann leis an bPrótacal;

(4)

Tá ocht ngníomh dhlíthiúla ann atá riachtanach do chur i bhfeidhm rialacha an mhargaidh inmheánaigh d'earraí i ndáil le Tuaisceart Éireann agus a fágadh ar lár tráth a nglactha, ba cheart na gníomhartha sin a chur le hIarscríbhinn 2 a ghabhann leis an bPrótacal.

(5)

Chun raon feidhme cur i bhfeidhm gníomhartha sonracha áirithe a liostaíodh in Iarscríbhinn 2 a ghabhann leis an bPrótacal maidir le hÉirinn/Tuaisceart Éireann a shoiléiriú, ba cheart trí nóta a chur leis an Iarscríbhinn sin;

1.

faoin gceannteideal ‘9. Mótarfheithiclí, lena n-áirítear tarracóirí talmhaíochta agus foraoiseachta’, scriosfar na n-iontrálacha seo a leanas:

2.

faoin gceannteideal ‘6. Rialacháin maidir le coimircí déthaobhacha’, cuirfear an iontráil seo a leanas leis:

3.

faoin gceannteideal ‘23. Ceimiceáin agus ábhair ghaolmhara’, cuirfear an iontráil seo a leanas leis:

4.

faoin gceannteideal ‘25. Dramhaíl’, cuirfear an iontráil seo a leanas leis:

5.

faoin gceannteideal ‘29. Bia – ginearálta’, cuirfear an iontráil seo a leanas leis:

6.

faoin gceannteideal ‘42. Ábhar atáirgthe plandaí’, cuirfear an iontráil seo a leanas leis:

7.

faoin gceannteideal ‘47. Ilghnéitheach’, cuirfear an iontráil seo a leanas leis:

8.

faoin gceannteideal ‘4. Gnéithe trádáilbhunaithe ginearálta’, tar éis na hiontrála do ‘Rialachán (AE) Uimh. 978/2012 ó Pharlaimint na hEorpa agus ón gComhairle an 25 Deireadh Fómhair 2012 lena gcuirtear i bhfeidhm scéim um fhabhair tharaife ghinearálaithe agus lena n-aisghairtear Rialachán (CE) Uimh. 732/2008 ón gComhairle’, cuirfear an nóta seo a leanas isteach:

‘Gan dochar don fhíoras go mbeidh fabhair tharaife le haghaidh tíortha incháilithe de bhun Scéim Ghinearálta um Fhabhair an Aontais infheidhme sa Ríocht Aontaithe i ndáil le Tuaisceart Éireann:

9.

faoin gceannteideal ‘5. Ionstraimí cosanta trádála’, díreach faoin gceannteideal, cuirfear isteach an nóta seo a leanas:

‘Gan dochar don fhíoras go mbeidh feidhm ag bhearta cosanta nua trádála an Aontais sa Ríocht Aontaithe i ndáil le Tuaisceart Éireann, ní thuigfear as na tagairtí do ‘Ballstáit’ ná ‘Aontas’ i Rialachán (AE) 2016/1036, Rialachán (AE) 2016/1037, Rialachán (AE) 2015/478 agus Rialachán (AE) 2015/755 go n-áirítear iontu an Ríocht Aontaithe i ndáil le Tuaisceart Éireann. Ina theannta sin, maidir le hallmhaireoirí a d'íoc dleachtanna frithdhumpála nó frithchúitimh an Aontais ar allmhairiú earraí a bhfuarthas imréiteach custaim ina leith i dTuaisceart Éireann, féadfaidh siad aisíocaíocht ar na dleachtanna sin a iarraidh go heisiach de bhun Airteagal 11(8) de Rialachán (AE) 2016/1036 nó Airteagal 21 de Rialachán (AE) 2016/1037 faoi seach.’;

10.

faoin gceannteideal ‘6. Rialacháin maidir le coimircí déthaobhacha’, díreach faoin gceannteideal, cuirfear isteach an nóta seo a leanas:

‘Gan dochar don fhíoras go bhfuil feidhm ag bearta coimirce déthaobhacha an Aontais sa Ríocht Aontaithe i ndáil le Tuaisceart Éireann, ní thuigfear as na tagairtí do ‘Ballstáit’ ná ‘Aontas’ sna rialacháin a liostaítear thíos go n-áirítear iontu an Ríocht Aontaithe i ndáil le Tuaisceart Éireann.’;

11.

faoin gceannteideal ‘25. Dramhaíl’ tar éis na hiontrála do ‘Treoir (AE) Uimh. 2019/904 ó Pharlaimint na hEorpa agus ón gComhairle an 5 Meitheamh 2019 maidir le laghdú ar an tionchar atá ag táirgí plaisteacha áirithe ar an gcomhshaol’, cuirfear isteach an nóta seo a leanas:

‘I ndáil le cur i bhfeidhm na nAirteagal agus na gCodanna sin maidir leis an Ríocht Aontaithe agus sa Ríocht Aontaithe i ndáil le Tuaisceart Éireann, léifear aon tagairt do ‘ 3 Iúil 2021 ’ in Airteagal 4 (1), agus in Airteagail 14 agus 17 (1) mar thagairt do ‘ 1 Eanáir 2022 ’. Beidh feidhm ag Airteagail 2, 3, 14 agus 17, agus Cuid F den Iarscríbhinn, a mhéid a bhaineann siad le hAirteagail 4 go 7.’.