Is áis doiciméadúcháin amháin an téacs seo agus níl aon éifeacht dhlíthiúil aige. Ní ghabhann institiúidí an Aontais aon dliteanas orthu féin i leith inneachar an téacs. Is iad na leaganacha de na gníomhartha a foilsíodh in Iris Oifigiúil an Aontais Eorpaigh agus atá ar fáil ar an suíomh gréasáin EUR-Lex na leaganacha barántúla de na gníomhartha ábhartha, brollach an téacs san áireamh. Is féidir teacht ar na téacsanna oifigiúla sin ach na naisc atá leabaithe sa doiciméad seo a bhrú

CINNEADH (CBES) 2024/1484 ÓN gCOMHAIRLE

an 27 Bealtaine 2024

a bhaineann le bearta sriantacha i bhfianaise na staide sa Rúis

Airteagal 1

Déanfaidh na Ballstáit na bearta is gá chun teacht isteach ina gcríocha, nó chun idirthuras trína gcríocha, a chosc i leith ndaoine nádúrtha:

(a)

atá freagrach as sáruithe nó mí-úsáidí tromchúiseacha ar chearta an duine nó as cos ar bolg a dhéanamh ar an tsochaí shibhialta agus ar an bhfreasúra daonlathach, nó a ndéanann a ngníomhaíochtaí dochar tromchúiseach ar bhealach eile don daonlathas nó don smacht reachta sa Rúis;

(b)

a sholáthraíonn tacaíocht airgeadais, theicniúil, nó ábhartha do na gníomhartha a leagtar amach i bpointe (a), nó a bhfuil baint acu leo ar bhealach eile, lena n-áirítear trí na gníomhartha sin a phleanáil, a threorú, a ullmhú, a éascú, a spreagadh nó cúnamh a thabhairt ina leith;

(c)

a bhfuil baint acu le daoine nádúrtha dá dtagraítear i bpointí (a) nó (b),

mar a liostaítear san Iarscríbhinn

Ní chuirfear de cheangal le mír 1 ar aon Bhallstát teacht isteach chuig a chríoch féin a dhiúltú dá náisiúnaigh féin.

I gcás ina mbeidh Ballstát faoi cheangal ag oibleagáid faoin dlí idirnáisiúnta, beidh mír 1 gan dochar don chás sin, eadhon:

(a)

mar thír óstach d’eagraíocht idir-rialtasach idirnáisiúnta;

(b)

mar thír óstach ar chomhdháil idirnáisiúnta a bheidh á tionól ag na Náisiúin Aontaithe, nó faoina gcoimirce;

(c)

faoi chomhaontú iltaobhach lena dtugtar pribhléidí agus díolúintí; nó

(d)

faoi Chonradh Idir-Réitigh 1929 (Comhaontú na Lataráine) a tugadh i gcrích idir an Suí Naofa (Stát Chathair na Vatacáine) agus an Iodáil.

Beidh feidhm ag mír 3 freisin i gcásanna ina bhfuil an Ballstát ina thír óstach don Eagraíocht um Shlándáil agus Comhar san Eoraip (ESCE).

Cuirfear an Chomhairle ar an eolas go cuí faoi gach cás ina dtugann an Ballstát díolúine de bhun mhíreanna 4 nó 5.

Féadfaidh na Ballstáit díolúintí a dheonú ó na bearta a fhorchuirtear faoi mhír 1 i gcás ina bhfuil údar le teacht isteach nó idirthuras ar fhorais riachtanais dhaonnachtúil phráinnigh, nó ar fhorais go bhfuiltear ag freastal ar chruinnithe idir-rialtasacha agus ar chruinnithe atá á gcur chun cinn ag an Aontas nó á n-óstáil aige, nó atá á n-óstáil ag Ballstát a bhfuil Cathaoirleacht aige ar oifig ESCE, i gcás ina reáchtáiltear idirphlé polaitiúil a chuireann cuspóirí beartais na mbeart sriantach chun cinn go díreach, lena n-áirítear tacaíocht don smacht reachta, don daonlathas, agus do chearta an duine sa Rúis.

Féadfaidh na Ballstáit díolúintí a dheonú ó na bearta a forchuireadh faoi mhír 1 más amhlaidh go bhfuil gá le teacht isteach nó le hidirthuras chun próiseas breithiúnach a chomhlíonadh.

Tabharfaidh aon Bhallstát ar mian leis díolúintí a dheonú dá dtagraítear i mír 6 nó 7 fógra i scríbhinn don Chomhairle ina leith. Measfar an díolúine sin a bheith deonaithe mura ndéanfaidh comhalta amháin nó níos mó de chomhaltaí na Comhairle agóid i scríbhinn laistigh de 2 lá oibre tar éis fógra a fháil faoin díolúine atá beartaithe. Má dhéanann comhalta amháin nó níos mó de chomhaltaí na Comhairle agóid, féadfaidh an Chomhairle, ag gníomhú di trí thromlach cáilithe, a chinneadh an díolúine atá beartaithe a dheonú.

I gcás, de bhun mhíreanna 3, 4, 6, 7 agus 8, ina n-údaraíonn Ballstát teacht isteach ina gcríocha, nó idirthuras trína gcríocha do dhaoine a liostaítear san Iarscríbhinn, beidh an t-údarú teoranta don chuspóir ar chuige sin a thugtar é don duine lena mbaineann.

Airteagal 2

Na cistí agus na hacmhainní eacnamaíocha uile ar le daoine nádúrtha nó dlítheanacha, eintitis nó comhlachtaí iad, atá faoi úinéireacht, i seilbh nó faoi rialú na ndaoine nádúrtha nó dlítheanacha, na n-eintiteas nó na gcomhlachtaí:

(a)

(b)

(c)

a bhfuil baint acu le daoine nádúrtha nó dlítheanacha, eintitis nó comhlachtaí dá dtagraítear i bpointe (a),

a liostaítear san Iarscríbhinn, déanfar iad a reo.

Ní chuirfear aon chiste ná acmhainn eacnamaíoch ar fáil, go díreach nó go hindíreach, do dhaoine nádúrtha nó dlítheanacha, d’eintitis ná do chomhlachtaí a liostaítear san Iarscríbhinn, ná ní chuirfear chun sochair dóibh iad.

De mhaolú ar mhíreanna 1 agus 2, féadfaidh údaráis inniúla na mBallstát údarú a thabhairt cistí nó acmhainní eacnamaíocha reoite áirithe a scaoileadh, nó cistí áirithe nó acmhainní eacnamaíocha áirithe a chur ar fáil, faoi choinníollacha a mheasann siad a bheith iomchuí, tar éis dóibh a chinneadh gur fíor an méid seo a leanas maidir leis na cistí nó na hacmhainní eacnamaíocha lena mbaineann:

(a)

go bhfuil gá leo chun freastal ar bhunriachtanais na ndaoine a liostaítear san Iarscríbhinn agus a mball teaghlaigh chleithiúnacha, lena n-áirítear íocaíochtaí as earraí bia, cíos nó morgáiste, cógais agus cóir leighis, cánacha, préimheanna árachais, agus muirir fóntais phoiblí;

(b)

gur ceapadh iad chun táillí gairmiúla réasúnta a íoc agus costais arna dtabhú a aisíoc, ar costais iad a bhaineann le soláthar seirbhísí dlí, agus chuige sin amháin;

(c)

gur ceapadh iad chun táillí nó muirir sheirbhíse a íoc as cistí nó acmhainní eacnamaíocha reoite a choinneáil nó a chothabháil ar bhonn rialta, agus chuige sin amháin;

(d)

go bhfuil siad riachtanach i gcás costais urghnácha, ar choinníoll go bhfuil fógra tugtha ag an údarás inniúil d’údaráis inniúla na mBallstát eile agus don Choimisiún faoi na forais a mheasann sé gur cheart údarú sonrach a dheonú, 2 sheachtain ar a laghad roimh an údarú; nó

(e)

go bhfuil siad le híoc isteach i gcuntas misin taidhleoireachta nó poist chonsalaigh nó eagraíochta idirnáisiúnta nó ón gcuntas sin a bhfuil díolúintí aige i gcomhréir leis an dlí idirnáisiúnta, a mhéid atá sé ceaptha na híocaíochtaí sin a úsáid chun críocha oifigiúla an mhisin taidhleoireachta nó an phoist chonsalaigh nó na heagraíochta idirnáisiúnta,

Cuirfidh an Ballstát lena mbaineann na Ballstáit eile agus an Coimisiún ar an eolas faoi aon údarú arna dheonú faoin mír seo laistigh de 2 sheachtain ón údarú.

De mhaolú ar mhír 1, féadfaidh údaráis inniúla na mBallstát údarú a thabhairt cistí reoite nó acmhainní eacnamaíocha áirithe a scaoileadh, ar choinníoll go gcomhlíontar na coinníollacha seo a leanas:

(a)

go bhfuil na cistí nó na hacmhainní eacnamaíocha faoi réir cinneadh eadrána a tugadh roimh an dáta a rinneadh an duine nádúrtha nó dlítheanach, an t-eintiteas nó an comhlacht dá dtagraítear i mír 1 a liostú san Iarscríbhinn, nó go bhfuil siad faoi réir cinneadh breithiúnach nó riaracháin a tugadh san Aontas, nó cinneadh breithiúnach atá infhorfheidhmithe sa Bhallstát lena mbaineann, roimh an dáta sin nó ina dhiaidh;

(b)

ní bhainfear leas as na cistí ná na hacmhainní eacnamaíocha ach amháin chun éilimh a ráthaítear le cinneadh den sórt sin a chomhlíonadh nó chun éilimh a aithnítear mar éilimh bhailí sa chinneadh sin a chomhlíonadh, faoi na teorainneacha a leagtar síos le dlíthe agus rialacháin is infheidhme lena rialaítear cearta daoine a bhfuil na héilimh sin acu;

(c)

ní chun leas duine nádúrtha ná dlítheanach, eintitis ná comhlachta a liostaítear san Iarscríbhinn é an cinneadh; agus

(d)

níl sé in aghaidh an bheartais phoiblí sa Bhallstát lena mbaineann an cinneadh a aithint.

Cuirfidh an Ballstát lena mbaineann na Ballstáit eile agus an Coimisiún ar an eolas faoi aon údaruithe arna ndeonú faoin mír seo laistigh de 2 sheachtain ón údarú sin.

Ní chuirfear cosc le mír 1 ar dhuine nádúrtha nó dlítheanach, ar eintiteas nó ar chomhlacht a liostaítear san Iarscríbhinn íocaíocht a dhéanamh atá dlite faoi chonradh a rinneadh roimh an dáta a liostaíodh an duine nádúrtha nó dlítheanach, an t-eintiteas nó an comhlacht sin inti, ar choinníoll gur chinn an Ballstát lena mbaineann nach bhfaighidh duine nádúrtha nó dlítheanach, eintiteas nó comhlacht dá dtagraítear i mír 1 an íocaíocht, go díreach nó go hindíreach.

Ní bheidh feidhm ag mír 2 maidir le breiseanna mar a leanas arna gcur le cuntais reoite:

(a)

ús nó tuilleamh eile ar na cuntais sin;

(b)

íocaíochtaí atá dlite faoi chonarthaí, comhaontuithe nó oibleagáidí a tugadh i gcrích nó a tháinig chun cinn roimh an dáta a tháinig na cuntais sin le bheith faoi réir na mbeart dá bhforáiltear i míreanna 1 agus 2; nó

(c)

íocaíochtaí atá dlite faoi chinntí breithiúnacha, riaracháin nó eadrána arna ndéanamh san Aontas nó is infhorghníomhaithe sa Bhallstát lena mbaineann,

ar choinníoll go bhfanfaidh aon ús den sórt sin, tuilleamh agus íocaíochtaí eile faoi réir na mbeart dá bhforáiltear i mír 1.

De mhaolú ar mhíreanna 1 agus 3, féadfaidh údaráis inniúla na mBallstát údarú a thabhairt cistí nó acmhainní eacnamaíocha reoite áirithe a scaoileadh, nó cistí nó acmhainní eacnamaíocha áirithe a chur ar fáil, faoi choinníollacha a mheasann siad a bheith iomchuí, tar éis dóibh a chinneadh gur gá na cistí nó acmhainní eacnamaíocha sin a sholáthar chun a áirithiú go seachadfar cúnamh daonnúil go tráthúil nó chun tacú le gníomhaíochtaí eile a thacaíonn le riachtanais bhunúsacha an duine.

De mhaolú ar mhíreanna 1 agus 2, féadfaidh údaráis inniúla na mBallstát, údarú a thabhairt acmhainní áirithe eacnamaíocha atá reoite a scaoileadh, tar éis dóibh a chinneadh gur gá sin chun na gcríoch seo a leanas:

(a)

feidhmiú ionadaíochtaí taidhleoireachta agus consalacha an Aontais agus na mBallstát nó tíortha is comhpháirtithe sa Rúis, lena n-áirítear toscaireachtaí, ambasáidí agus misin, nó eagraíochtaí idirnáisiúnta sa Rúis a thairbhíonn de dhíolúintí i gcomhréir leis an dlí idirnáisiúnta;

(b)

soláthar seirbhísí leictreonacha cumarsáide a dhéanann oibreoirí teileachumarsáide de chuid an Aontais, le haghaidh na saoráidí agus na seirbhísí gaolmhara a sholáthar atá riachtanach le haghaidh oibriú, cothabháil agus slándáil na seirbhísí cumarsáide sin, sa Rúis, san Úcráin, san Aontas, idir an Rúis agus an tAontas agus idir an Úcráin agus an tAontas agus le haghaidh seirbhísí ionaid sonraí san Aontas; nó

(c)

díol agus aistriú ceart dílseánaigh i nduine dlítheanach, eintiteas nó comhlacht atá bunaithe san Aontas faoin 28 Lúnasa 2024, nó laistigh de 6 mhí ó dháta an liostaithe san Iarscríbhinn, cibé acu is déanaí, i gcás ina bhfuil na cearta dílseánaigh sin faoi úinéireacht dhíreach nó indíreach duine nádúrtha nó dhlítheanaigh, eintitis nó comhlachta a liostaítear san Iarscríbhinn, agus tar éis dóibh a chinneadh go bhfuil fáltais an díola agus an aistrithe sin fós reoite.

Mura ndéanann an t-údarás inniúil cinneadh diúltach, iarraidh ar fhaisnéis nó fógra faoi am breise laistigh de 5 lá oibre ón dáta a fhaightear iarraidh ar údarú faoi mhír 7, measfar gur deonaíodh an t-údarú sin.

10.

Cuirfidh an Ballstát lena mbaineann na Ballstáit eile agus an Coimisiún ar an eolas faoi aon údarú arna dheonú faoin Airteagal seo laistigh de 4 seachtaine ón údarú.

Airteagal 3

Is í an Chomhairle, ag gníomhú di d’aon toil ar thogra ó Bhallstát nó ó Ardionadaí an Aontais do Ghnóthaí Eachtracha agus don Bheartas Slándála (“an tArdionadaí”), a chinnfidh an liosta atá san Iarscríbhinn a bhunú agus a leasú.

Cuirfidh an Chomhairle an cinneadh dá dtagraítear i mír 1, lena n-áirítear na forais leis an liostú sin, in iúl go díreach don duine nádúrtha nó dlítheanach, don eintiteas nó don chomhlacht lena mbaineann, más eol an seoladh, agus más féidir cumarsáid den sórt sin a dhéanamh nó trí fhógra a fhoilsiú, rud a thabharfaidh deis don duine nádúrtha nó dlítheanach, don eintiteas nó don chomhlacht sin barúlacha a chur i láthair.

I gcás ina gcuirfear barúlacha isteach, nó ina gcuirfear fianaise nua shubstaintiúil i láthair, athbhreithneoidh an Chomhairle an cinneadh dá dtagraítear i mír 1 agus cuirfidh sí an duine nádúrtha nó dlítheanach, an t-eintiteas nó an comhlacht lena mbaineann ar an eolas dá réir sin.

Airteagal 4

Áireofar san Iarscríbhinn na forais leis na daoine nádúrtha agus dlítheanacha, na heintitis agus na comhlachtaí dá dtagraítear in Airteagail 1(1) agus 2(1) a liostú.

Beidh san Iarscríbhinn, i gcás ina mbeidh sí ar fáil, an fhaisnéis is gá chun daoine nádúrtha nó dlítheanacha, eintitis nó comhlachtaí lena mbaineann a shainaithint. Maidir le daoine nádúrtha, féadfaidh na nithe seo a leanas a bheith ar áireamh san fhaisnéis sin: ainmneacha agus ailiasanna; dáta breithe agus áit bhreithe; náisiúntacht; uimhreacha pas agus cárta aitheantais; inscne; seoladh, más eol; agus feidhm nó gairm. Maidir le daoine dlítheanacha, eintitis nó comhlachtaí, féadfaidh ainmneacha; áit agus dáta clárúcháin; uimhir chlárúcháin; agus áit ghnó.

Airteagal 5

Féadfaidh an Chomhairle agus an tArdionadaí, sonraí pearsanta a phróiseáil chun a gcúraimí faoin gCinneadh seo a thabhairt i gcrích, go háirithe:

(a)

a mhéid a bhaineann leis an gComhairle, chun leasuithe ar an Iarscríbhinn a ullmhú agus a dhéanamh;

(b)

a mhéid a bhaineann leis an Ardionadaí, chun leasuithe ar an Iarscríbhinn a ullmhú.

Maidir le sonraí ábhartha a bhaineann le cionta coiriúla arna ndéanamh ag daoine nádúrtha a liostaítear san Iarscríbhinn, agus le ciontuithe coiriúla nó le bearta slándála a bhaineann leis na daoine sin, ní fhéadfaidh an Chomhairle ná an tArdionadaí iad a phróiseáil, i gcás inarb infheidhme, ach amháin a mhéid is gá an phróiseáil sin chun an Iarscríbhinn a ullmhú.

Chun críocha an Chinnidh seo, ainmnítear an Chomhairle agus an tArdionadaí mar “rialaitheoirí” de réir bhrí Airteagal 3, pointe (8), de Rialachán (AE) 2018/1725 ó Pharlaimint na hEorpa agus ón gComhairle ( 1 ), chun a áirithiú gur féidir leis na daoine nádúrtha lena mbaineann a gcearta a fheidhmiú faoin Rialachán sin.

Airteagal 6

Cuirfear toirmeasc ar náisiúnaigh de na Ballstáit nó ó chríocha na mBallstát nó a bhfuil soithí faoina mbratach nó a n-aerárthaí á n-úsáid acu, bídís de thionscnamh a gcríoch nó ná bíodh, trealamh a dhíol, a sholáthar, a aistriú nó a onnmhairiú chuig an Rúis, ar trealamh é a d’fhéadfaí a úsáid le haghaidh cos ar bolg inmheánach.

Toirmeascfar freisin an méid seo a leanas a dhéanamh:

cúnamh teicniúil, seirbhísí bróicéireachta nó seirbhísí eile a bhaineann leis na hítimí dá dtagraítear i mír 1, nó a bhaineann le soláthar, monarú, cothabháil agus úsáid na n-ítimí sin, a sholáthar go díreach nó go hindíreach d’aon duine nádúrtha nó dlítheanach, eintiteas nó comhlacht sa Rúis nó lena n-úsáid sa Rúis.

maoiniú nó cúnamh airgeadais a bhaineann leis na hítimí dá dtagraítear i mír 1 a sholáthar, go díreach nó go hindíreach, lena n-áirítear go háirithe deontais, iasachtaí agus árachas, le haghaidh aon díol, soláthar, aistriú nó onnmhairiú de na hítimí sin, nó chun cúnamh teicniúil gaolmhar, seirbhísí bróicéireachta nó seirbhísí eile a sholáthar d’aon duine nádúrtha nó dlítheanach, eintiteas nó comhlacht sa Rúis nó lena n-úsáid sa Rúis.

Ní bheidh feidhm ag míreanna 1 agus 2 maidir le trealamh a dhíol, a sholáthar, a aistriú ná a onnmhairiú, ar trealamh é atá beartaithe le haghaidh úsáid chosantach phearsanra an Aontais agus a Bhallstát sa Rúis, agus le haghaidh na húsáide sin amháin, nó maidir le cúnamh teicniúil, seirbhísí bróicéireachta agus seirbhísí eile a sholáthar ná maidir le maoiniú agus cúnamh airgeadais a bhaineann leis an trealamh sin.

De mhaolú ar mhíreanna 1 agus 2, féadfaidh údaráis inniúla na mBallstát údarú a thabhairt, faoi cibé coinníoll a mheasann siad a bheith iomchuí, trealamh a dhíol, a sholáthar, a aistriú nó a onnmhairiú, ar trealamh é a d’fhéadfaí a úsáid le haghaidh cos ar bolg inmheánach, agus údarú a thabhairt maidir le maoiniú agus cúnamh airgeadais agus teicniúil gaolmhar, i dtaca le trealamh atá beartaithe le haghaidh úsáid dhaonnúil nó chosantach amháin nó le haghaidh cláir forbartha institiúidí de chuid na Náisiún Aontaithe nó an Aontais, le haghaidh oibríochtaí bainistithe géarchéime de chuid na Náisiún Aontaithe agus an Aontais nó de chuid eagraíochtaí réigiúnacha agus foréigiúnacha, agus le haghaidh na n-úsáidí sin amháin.

Déanfaidh an tAontas na bearta is gá chun na nithe ábhartha atá le cumhdach leis an Airteagal seo a chinneadh.

Airteagal 7

Toirmeascfar trealamh, teicneolaíocht nó bogearraí a dhíol, a sholáthar, a aistriú nó a onnmhairiú chuig aon duine nádúrtha nó dlítheanach, eintiteas nó comhlacht sa Rúis nó lena n-úsáid sa Rúis a bheartaítear go príomha lena n-úsáid ag údaráis na Rúise nó thar a gceann, chun faireachán a dhéanamh ar chumarsáid idirlín agus teileafóin ar líonraí soghluaiste nó seasta nó chun í a idircheapadh, lena n-áirítear soláthar aon seirbhísí faireacháin nó idircheaptha teileachumarsáide nó idirlín de chineál ar bith, chomh maith le soláthar cúnaimh airgeadais agus theicniúil chun trealamh, teicneolaíocht nó bogearraí mar sin a shuiteáil, a oibriú nó a nuashonrú, ag náisiúnaigh de Bhallstáit nó ó chríocha na mBallstát.

De mhaolú ar mhír 1, féadfaidh údaráis inniúla na mBallstát díol, soláthar, aistriú nó onnmhairiú an trealaimh, na teicneolaíochta nó na mbogearraí a údarú, lena n-áirítear soláthar aon seirbhísí faireacháin nó idircheaptha teileachumarsáide nó idirlín de chineál ar bith, chomh maith le soláthar gaolmhar cúnaimh airgeadais agus theicniúil, dá dtagraítear i mír 1, má tá forais réasúnacha acu lena chinneadh nach n-úsáidfeadh rialtas na Rúise, comhlachtaí poiblí, corparáidí nó gníomhaireachtaí, nó aon duine nádúrtha nó dlítheanach nó aon eintiteas nádúrtha nó dlítheanach a bheadh ag gníomhú thar a gceann nó faoina dtreoir, an trealamh, an teicneolaíocht nó na bogearraí sin le haghaidh cos ar bolg inmheánach.

Cuirfidh an Ballstát lena mbaineann na Ballstáit eile agus an Coimisiún ar an eolas faoi aon údarú arna dheonú faoin mír seo laistigh de 4 seachtaine ón údarú.

De mhaolú ar mhír 1, féadfaidh údaráis inniúla na mBallstát, díol, soláthar, aistriú, onnmhairiú nó soláthar na seirbhísí dá dtagraítear iontu a údarú, faoi cibé coinníollacha a mheasfaidh siad a bheith iomchuí, tar éis dóibh a chinneadh gur gá sin chun na gcríoch seo a leanas:

(a)

(b)

soláthar seirbhísí cumarsáide leictreonaí ag oibreoirí teileachumarsáide an Aontais is gá le haghaidh oibriú, cothabháil agus slándáil, lena n-áirítear cibearshlándáil, seirbhísí cumarsáide leictreonaí, sa Rúis, san Úcráin, san Aontas, idir an Rúis agus an tAontas, agus idir an Úcráin agus an tAontas, agus le haghaidh seirbhísí lárionaid sonraí san Aontas

Cuirfidh an Ballstát lena mbaineann na Ballstáit eile agus an Coimisiún ar an eolas faoi aon údarú arna dheonú faoin mír seo laistigh de 4 seachtaine ón údarú.

Déanfaidh an tAontas na bearta is gá chun na nithe ábhartha atá le cumhdach leis an Airteagal seo a chinneadh.

Airteagal 8

Ní shásófar aon éileamh i ndáil le haon chonradh ná idirbheart a ndearnadh difear dá bhfeidhmiú, go díreach nó go hindíreach, go hiomlán nó go páirteach, leis na bearta a fhorchuirtear faoin gCinneadh seo, lena n-áirítear éilimh ar shlánaíocht nó aon éileamh eile mar sin, mar shampla éileamh ar chúiteamh nó éileamh faoi réir ráthaíochta, go háirithe éileamh ar shíneadh a chur le banna, ráthaíocht nó slánaíocht nó iad a íoc, go háirithe ráthaíocht airgeadais nó slánaíocht airgeadais, i cibé foirm, más rud é go ndéanfaidh ceann de na páirtithe seo a leanas an t-éileamh:

(a)

daoine nádúrtha nó dlítheanacha, eintitis nó comhlachtaí arna n-ainmniú, a liostaítear san Iarscríbhinn;

(b)

aon duine nádúrtha nó dlítheanach, eintiteas nó comhlacht atá ag gníomhú trí bhíthin nó thar ceann duine de na daoine nádúrtha nó dlítheanacha nó ceann de na heintitis nó na comhlachtaí dá dtagraítear i bpointe (a).

In aon imeacht chun éileamh a fhorfheidhmiú, is faoin duine nádúrtha nó dlítheanach, faoin eintiteas nó faoin gcomhlacht atá ag iarraidh an t-éileamh sin a fhorfheidhmiú, a bheidh sé a chruthú nach dtoirmeasctar an t-éileamh a shásamh le mír 1.

Tá an tAirteagal seo gan dochar don cheart atá ag na daoine nádúrtha nó dlítheanacha, na heintitis agus na comhlachtaí dá dtagraítear i mír 1 chun athbhreithniú breithiúnach ar dhlíthiúlacht neamhchomhlíonadh na n-oibleagáidí conarthacha i gcomhréir leis an gCinneadh seo.

Airteagal 9

Cuirfear toirmeasc ar pháirt a ghlacadh, go feasach agus d’aon ghnó, i ngníomhaíochtaí arb é is cuspóir nó éifeacht dóibh teacht timpeall ar na toirmisc a leagtar amach sa Chinneadh seo.

Airteagal 10

Chun tionchar na mbeart a leagtar amach sa Chinneadh seo a uasmhéadú, spreagfaidh an tAontas tríú Stáit chun bearta sriantacha a ghlacadh cosúil leis na bearta dá bhforáiltear sa Chinneadh seo.

▼M2

Airteagal 11

Beidh feidhm ag an gCinneadh seo go dtí an ►M7 28 Bealtaine 2027 ◄ .

Déanfar athbhreithniú leanúnach ar an gCinneadh seo. Déanfar é a athnuachan, nó a leasú de réir mar is iomchuí, má mheasann an Chomhairle nár comhlíonadh a chuspóirí.

Déanfar na heisceachtaí dá dtagraítear in Airteagal 2(7), a mhéid a bhaineann le hAirteagal 2(1) agus (2), a athbhreithniú go tráthrialta, agus gach 12 mhí ar a laghad, nó ar iarraidh phráinneach ó aon Bhallstát, ón Ardionadaí nó ón gCoimisiún tar éis d’athrú ó bhonn teacht ar na himthosca.

▼B

Airteagal 12

Tiocfaidh an Cinneadh seo i bhfeidhm ar dháta a fhoilsithe in Iris Oifigiúil an Aontais Eorpaigh.

IARSCRÍBHINN

Liosta na ndaoine nádúrtha agus dlítheanacha, na n-eintiteas agus na gcomhlachtaí dá dtagraítear in Airteagail 1(1) agus 2(1)

A. Daoine nádúrtha

Ainm

Faisnéis aitheantais

Ráiteas ar chúiseanna

Dáta an liostaithe

▼M7

Nikolai Pavlovich DUBOVIK

(Николай Павлович ДУБОВИК)

Post: Breitheamh de Chúirt Uachtarach Chónaidhm na Rúise

Náisiúntacht: Rúiseach

Inscne: fireann

Dáta breithe: 23.4.1956

Is breitheamh de Chúirt Uachtarach Chónaidhm na Rúise é Nikolai Pavlovich Dubovik. Agus a ról á fheidhmiú aige, dhiúltaigh sé breithniú a dhéanamh ar achomharc Alexei Navalny i gcoinne an fhíoraisc sa triail maidir le “béadchaint ar iarshaighdiúir”. Mar thoradh air sin, tharraing sé míchlú polaitiúil ar Alexei Navalny roimh reifreann bunreachtúil 2020 sa Rúis.

Dá bhrí sin, tá Nikolai Pavlovich Dubovik freagrach as sáruithe tromchúiseacha ar chearta an duine sa Rúis, tríd an tsaoirse tuairimíochta agus an tsaoirse chun tuairimí a nochtadh a shárú.

27.5.2024

Eduard Borisovich ERDYNIEV

(Эдуард Борисович ЭРДЫНИЕВ)

Post: Breitheamh de Chúirt Uachtarach Chónaidhm na Rúise

Náisiúntacht: Rúiseach

Inscne: fireann

Dáta breithe: 16.3.1964

Is breitheamh de Chúirt Uachtarach Chónaidhm na Rúise é Eduard Borisovich Erdyniev. Agus a ról á fheidhmiú aige, dhiúltaigh sé breithniú a dhéanamh ar achomharc Alexei Navalny i gcoinne an chinnidh pianbhreith iomlán a chur in ionad na pianbhreithe promhaidh.

Dá bhrí sin, fógraíodh go raibh Alexei Navalny ciontach, agus blianta ina dhiaidh sin, cuireadh i bpríosún i gcoilíneacht phionósach ardslándála é chun nach mbeadh sé in ann a bheith gníomhaíoch i ngníomhaíochtaí polaitiúla.

27.5.2024

Andrey Vladimirovich FEDOROV

(Андрей Владимирович ФЕДОРОВ/ФЁДОРОВ)

Post: Leas-Chathaoirleach Chúirt Dúiche Kirovsky in Tomsk

Breitheamh i gCúirt Dúiche Kirovsky, cathair Tomsk

Náisiúntacht: Rúiseach

Inscne: fireann

Is breitheamh Rúiseach é Andrey Vladimirovich Fedorov atá ag obair i gCúirt Dúiche Kirovsky, cathair Tomsk. Agus a ról á fheidhmiú aige, dhiúltaigh sé an gearán maidir le neamhghníomhaíocht oifigigh Choiste Fiosrúcháin Chónaidhm na Rúise i Réigiún Tomsk i ndáil le hiarratas ar nimhiú Alexei Navalny a aithint mar rud neamhdhleathach. Cuireadh Alexei Navalny i bpríosún mar thoradh ar a chinneadh.

Tugadh ardú céime dó go Leas-Chathaoirleach Chúirt Dúiche Kirovsky in Tomsk.

Dá bhrí sin, tá Andrey Vladimirovich Fedorov freagrach as gníomhaíochtaí a bhaineann an bonn go mór ón smacht reachta sa Rúis.

27.5.2024

▼B

Ekaterina Vasilevna FEDOTOVA (NAUMOVA)

(Екатерина Васильевна ФЕДОТОВА (НАУМОВА))

Post: Ionadaí Aireacht Gnóthaí Inmheánacha na Rúise do chathair Khimki, Réigiún Mhoscó

Dáta breithe: 6.11.1995

Náisiúntacht: Rúiseach

Inscne: baineann

Oibríonn Ekaterina Vasilevna Fedotova (Naumova) in Ionadaíocht Aireacht Gnóthaí Inmheánacha na Rúise do chathair Khimki, réigiún Mhoscó. Agus a post á fheidhmiú aici, ghlac sí páirt i gcruinniú cúirte an 18 Eanáir 2021, a eagraíodh i stáisiún póilíní, agus d’éiligh sí go gcuirfí síneadh 30 lá le coinneáil neamhdhleathach Alexei Navalny.

Dá bhrí sin, tá Ekaterina Vasilevna Fedotova (Naumova) freagrach as sáruithe tromchúiseacha ar chearta an duine sa Rúis tríd an tsaoirse tuairimíochta agus an tsaoirse chun tuairimí a nochtadh a shárú.

27.5.2024

Inna Alexandrovna FESENKO

(Инна Александровна ФЕСЕНКО)

Post: Breitheamh i gCúirt Dúiche Kirovsky, cathair Tomsk

Dáta breithe: 22.12.1968

Náisiúntacht: Rúiseach

Inscne: baineann

Is breitheamh Rúiseach í Inna Alexandrovna Fesenko a oibríonn i gCúirt Dúiche Kirovsky, cathair Tomsk. Agus a ról á fheidhmiú aici, dhiúltaigh sí faoi dhó do ghearáin faoi neamhghníomhaíocht phóilíní iompair Tomsk maidir le nimhiú Alexei Navalny. Roimhe sin, chuir sí cosc ar ghníomhaíochtaí áirithe ar Ksenia Fadeeva, iarcheann cheanncheathrú eagraíocht Navalny in Tomsk.

Dá bhrí sin, tá Inna Alexandrovna Fesenko freagrach as gníomhaíochtaí a bhaineann an bonn go mór ón smacht reachta sa Rúis.

27.5.2024

Ekaterina Viktorovna GALYAUTDINOVA

(Екатерина Викторовна ГАЛЯУТДИНОВА)

Post: Breitheamh i gCúirt Dúiche Kirovsky, cathair Tomsk

Dáta breithe: 1969

Náisiúntacht: Rúiseach

Inscne: baineann

Is breitheamh Rúiseach í Ekaterina Viktorovna Galyautdinova atá ag obair i gCúirt Dúiche Kirovsky, cathair Tomsk. Agus a ról á fheidhmiú aici, dhiúltaigh sí faoi dhó an gearán faoi neamhghníomhaíocht phóilíní iompair Tomsk maidir leis an imscrúdú ar nimhiú Alexei Navalny.

Dá bhrí sin, tá Ekaterina Viktorovna Galyautdinova freagrach as gníomhaíochtaí a bhaineann an bonn go mór ón smacht reachta sa Rúis.

27.5.2024

Dmitry Evgenevich PANKRATOV

(Дмитрий Евгеньевич ПАНКРАТОВ)

Post: Imscrúdaitheoir Sinsearach i bPríomh-Roinn Imscrúdaitheach Mhíleata de Choiste Fiosrúcháin Chónaidhm na Rúise, Coirnéal Dlí agus Cirt

Dáta breithe: 29.12.1967

Náisiúntacht: Rúiseach

Inscne: fireann

Is imscrúdaitheoir sinsearach i bPríomh-Roinn Imscrúdaitheach Mhíleata de Choiste Fiosrúcháin Chónaidhm na Rúise é Dmitry Evgenievich Pankratov. Agus a ról á fheidhmiú aige, dhiúltaigh sé imscrúdú a thionscnamh ar iarracht ar dhúnmharú Alexei Navalny, tar éis do Navalny a bheith nimhithe leis an néar-oibreán Novichok.

Dá bhrí sin, tá Dmitry Evgenevich Pankratov freagrach as gníomhaíochtaí a bhaineann an bonn go mór ón smacht reachta sa Rúis.

27.5.2024

Evgeniy Borisovich RASTORGUEV

(Евгений Борисович РАСТОРГУЕВ)

Post: Breitheamh den 9ú Cúirt Achomhairc Eadrána, an Rúis

Dáta breithe: 20.8.1970

Áit bhreithe: Réigiún Vladimir, iarAPSS (Cónaidhm na Rúise anois)

Náisiúntacht: Rúiseach

Inscne: fireann

Is breitheamh é Evgeniy Borisovich Rastorguev de 9ú Cúirt Achomhairc Eadrána na Rúise. Agus a ról á fheidhmiú aige, cheadaigh sé maíomh chuideachta “Druzhba Narodov” i gcoinne Alexei Navalny. Mhaígh Alexei Navalny san imscrúdú a rinne sé go bhfuil an chuideachta rannpháirteach i scéim éillithe le Garda Náisiúnta na Rúise (Rosgvardia).

Dá bhrí sin, tá Evgeniy Borisovich Rastorguev freagrach as sáruithe tromchúiseacha ar chearta an duine sa Rúis, tríd an tsaoirse tuairimíochta agus an tsaoirse chun tuairimí a nochtadh a shárú, agus as gníomhaíochtaí lena mbaintear an bonn go tromchúiseach ón smacht reachta sa Rúis.

27.5.2024

Alexander Sergeevich ERMOLENKO

(Александр Сергеевич ЕРМОЛЕНКО)

Post: Ceann bhrainse Uimh. 15 den institiúid rialtais fheidearálach “Cigireacht Feidhmiúcháin Choiriúil Stiúrthóireacht Sheirbhís Pheannaideach na Cónaidhme i gCathair Mhoscó”

Dáta breithe: 11.11.1993

Náisiúntacht: Rúiseach

Inscne: fireann

Is é Alexander Sergeevich Ermolenko Ceann bhrainse Uimh. 15 den institiúid rialtais fheidearálach “Cigireacht Fheidhmeannach Choiriúil den Roinn Feidhmiúcháin de Federal Penitentiary Service (an tSeirbhís Pheannaideach Chónaidhme) i gCathair Mhoscó”. Agus a ról á fheidhmiú aige, thacaigh sé le haistriú pianbhreithe Alexei Navalny ar fionraí go pianbhreith choimeádta le linn na héisteachta cúirte i gcás Yves Rocher.

Dá bhrí sin, tá Alexander Sergeevich Ermolenko freagrach as sáruithe tromchúiseacha ar chearta an duine sa Rúis, tríd an tsaoirse tuairimíochta agus an tsaoirse chun tuairimí a nochtadh a shárú.

27.5.2024

10.

Irina Geroldovna KIM

(Ирина Герольдовна КИМ)

Post: Breitheamh de Chúirt Chathair Kovrov de Réigiún Vladimir

Dáta breithe: 14.8.1978

Náisiúntacht: Rúiseach

Inscne: baineann

Is breitheamh í Irina Geroldovna Kim de Chúirt Chathair Kovrov de Réigiún Vladimir.

Ó 2022 i leith bhí sí rannpháirteach go díreach i ndálaí toirtiúla a chruthú agus a choinneáil do Alexei Navalny trí dhiúltú arís is arís eile do mhaímh Alexei Navalny i gcoinne choilíneacht phionósach IK-6 i ndáil leis an mbealach ar caitheadh leis, áit ina raibh sé le linn pianbhreith mar thoradh ar ionchúiseamh ar chúiseanna polaitiúla.

Dá bhrí sin, tá Irina Geroldovna Kim freagrach as sáruithe tromchúiseacha ar chearta an duine sa Rúis, lena n-áirítear céastóireacht, agus íde nó pionós eile atá cruálach, mídhaonna nó táireach, gabhálacha gan chúis, agus sáruithe ar an tsaoirse tuairimíochta agus ar an tsaoirse chun tuairimí a nochtadh.

27.5.2024

▼M2

11.

Kirill Sergeevich NIKIFOROV

(Кирилл Сергеевич НИКИФОРОВ)

Feidhm: Breitheamh de Chúirt Réigiúnach Réigiún Vladimir

Iarbhreitheamh de Chúirt Chathair Kovrov de Réigiún Vladimir

Dáta breithe: 14.3.1992

Náisiúntacht: Rúiseach

Inscne: fireann

Ba bhreitheamh é Kirill Sergeevich Nikiforov de Chúirt Chathair Kovrov de Réigiún Vladimir.

Ó 2022 i leith, bhí baint dhíreach aige le dálaí céastóireachta a chruthú do Alexei Navalny agus na dálaí sin a choinneáil ar bun trí dhiúltú arís is arís eile do mhaímh Alexei Navalny i gcoinne choilíneacht phionósach IK-6 faoin mbealach ar caitheadh leis, áit a raibh pianbhreith 12 bhliain á cur isteach aige mar thoradh ar ionchúiseamh ar chúiseanna polaitiúla.

Dá bhrí sin, tá Kirill Sergeevich Nikiforov freagrach as sáruithe tromchúiseacha ar chearta an duine sa Rúis, lena n-áirítear céastóireacht, agus íde nó pionós eile atá cruálach, mídhaonna nó táireach, gabhálacha gan chúis, agus sáruithe ar an tsaoirse tuairimíochta, agus ar an tsaoirse chun tuairimí a nochtadh.

Tá sé gníomhach go fóill sa chóras breithiúnach sa Rúis agus i mí na Nollag 2024 tugadh ardú céime dó go post mar bhreitheamh i gCúirt Réigiúnach Réigiún Vladimir.

27.5.2024

▼M7

12.

Sergey Vladimirovich BLINOV

(Сергей Владимирович БЛИНОВ)

Post: Cathaoirleach ar Chúirt Dúiche Slobodskoy i Réigiún Kirov

Iar-Bhreitheamh i gCúirt Dúiche Leninsky, Kirov

Náisiúntacht: Rúiseach

Inscne: fireann

Dáta breithe: 1978

Ba bhreitheamh é Sergey Vladimirovich Blinov de Chúirt Dúiche Leninsky, Kirov.

In 2013, ghearr sé 5 bliana príosúnachta ar Alexei Navalny agus 4 bliana príosúnachta ar an bhfear gnó Pyotr Ofitserov mar gheall ar chlaonchasadh sa triail “cás Kirovles” a raibh cúis pholaitiúil léi. Ina theannta sin, gearradh fíneáil 500 000 rúbal an duine orthu.

Dá bhrí sin, tá Sergey Vladimirovich Blinov freagrach as sáruithe tromchúiseacha ar chearta an duine sa Rúis, tríd an tsaoirse tuairimíochta agus an tsaoirse chun tuairimí a nochtadh a shárú.

Tá sé ina chathaoirleach faoi láthair ar Chúirt Dúiche Slobodskoy i Réigiún Kirov.

27.5.2024

13.

Evgeny Vladimirovich BORISOV

(Евгений Владимирович БОРИСОВ)

Post: breitheamh i gCúirt Dúiche Nikulinsky, i Moscó

Náisiúntacht: Rúiseach

Inscne: fireann

Dáta breithe: 13.3.1984

Is breitheamh é Evgeny Vladimirovich de Chúirt Dúiche Nikulinsky, i Moscó.

In 2015, ghlac sé éileamh chuideachta Kirovles 16 mhilliún rúbal a aisghabháil ó Alexei Navalny agus beirt chosantóirí eile i “cás Kirovles” a raibh cúis pholaitiúil leis.

Dá bhrí sin, tá Evgeny Vladimirovich Borisov freagrach as sáruithe tromchúiseacha ar chearta an duine sa Rúis, tríd an tsaoirse tuairimíochta agus an tsaoirse chun tuairimí a nochtadh a shárú.

27.5.2024

▼B

14.

Tatyana Stanislavovna DODONOVA

(Татьяна Станиславовна ДОДОНОВА)

Post: Breitheamh de Chúirt Chathair Mhoscó

Náisiúntacht: Rúiseach

Inscne: baineann

Is breitheamh de Chúirt Chathair Mhoscó í Tatyana Stanislavovna Dodonova.

In 2014 d’aithin sí mar chinneadh dlíthiúil an cinneadh Alexei Navalny a chur faoi bhraighdeanas baile sa chás “Yves Rocher”. Bhí sí rannpháirteach go córasach i gcásanna i gcoinne shaoránaigh Chónaidhm na Rúise a chuir i gcoinne an réimis pholaitiúil sa Rúis trí phianbhreith a ghearradh ar dhaoine gafa i ndáil le hAgóidí 2019 i Moscó.

Dá bhrí sin, tá Tatyana Stanislavovna Dodonova freagrach as sáruithe tromchúiseacha ar chearta an duine sa Rúis, tríd an tsaoirse tuairimíochta agus an tsaoirse chun tuairimí a nochtadh a shárú.

27.5.2024

15.

Elena Sergeevna ASTAKHOVA

(Елена Сергеевна АСТАХОВА)

Post: Breitheamh i gCúirt Dúiche Golovinsky i Moscó

Dáta breithe: 30.3.1978

Náisiúntacht: Rúiseach

Inscne: baineann

Uimhir aitheantais: 45 01 525454

Uimhir Aitheantais Cáiníocóra (ИНН):

7703204586

Mar bhreitheamh i gCúirt Dúiche Golovinsky i Moscó, ghearr Elena Sergeevna Astakhova pianbhreith ar Oleg Orlov, cosantóir chearta an duine mór le rá agus comhchathaoirleach ar “Memorial” – pianbhreith 2 bhliain agus 6 mhí i gcoilíneacht réimis ghinearálta ar chúiseanna a bhfuil údar polaitiúil leo, as labhairt amach i gcoinne chogadh foghach na Rúise ar an Úcráin. Tá Oleg Orlov, atá 70 bliain d’aois, ar dhuine de chosantóirí chearta an duine is mó a bhfuil meas air agus is faide ag obair sa Rúis, agus is duine de cheannairí na heagraíochta a bhuaigh Duais Síochána Nobel in 2022, Memorial Human Rights Defence Center (HRDC “Memorial”), eagraíocht a leachtaíodh mar chuid den chniogbheartaíocht shistéamach leathan ar an tsaoirse chun tuairimí a nochtadh, saoirse comhthionóil shíochánta, agus saoirse comhlachais sa Rúis. Cúisíodh Oleg Orlov as “míchlú a tharraingt” ar arm na Rúise, más fíor, tar éis alt tuairimíochta i gcoinne chogadh foghach na Rúise i gcoinne na hÚcráine a fhoilsiú i meáin na Fraince, agus gearradh pianbhreith air ina leith.

Dá bhrí sin, tá an breitheamh Elena Sergeevna Astakhova freagrach as sáruithe tromchúiseacha ar chearta an duine sa Rúis, tríd an tsaoirse tuairimíochta agus an tsaoirse chun tuairimí a nochtadh a shárú.

27.5.2024

16.

Olesya Yurievna VOROBYOVA

(Олеся Юрьевна ВОРОБЬЕВА)

Post: Ionchúisitheoir Stáit

Dáta breithe: 4.6.1981

Mar ionchúisitheoir sa chás chúiseanna polaitiúla i gcoinne an chosantóra chearta an duine mór le rá Oleg Orlev, d’iarr Olesya Yurievna Vorobyova go ngearrfaí pianbhreith 2 bhliain agus 11 mhí ar Oleg Orlov, ag áitiú gurb iad “an fuath agus an naimhdeas idé-eolaíoch” a spreag alt Orlov i gcoinne chogadh foghach na Rúise i gcoinne na hÚcráine. Tá Oleg Orlov, atá 70 bliain d’aois, ar dhuine de chosantóirí chearta an duine is mó a bhfuil meas air agus is faide ag obair sa Rúis, agus is duine de cheannairí na heagraíochta a bhuaigh Duais Síochána Nobel in 2022, Memorial Human Rights Defence Center (HRDC “Memorial”), eagraíocht a leachtaíodh mar chuid den chniogbheartaíocht shistéamach leathan ar an tsaoirse chun tuairimí a nochtadh, saoirse comhthionóil shíochánta, agus saoirse comhlachais sa Rúis. Cúisíodh Oleg Orlov as “míchlú a tharraingt” ar arm na Rúise, más fíor, tar éis alt tuairimíochta i gcoinne chogadh foghach na Rúise i gcoinne na hÚcráine a fhoilsiú i meáin na Fraince, agus gearradh pianbhreith air ina leith.

Trí Oleg Orlov a ionchúiseamh ar chúiseanna polaitiúla agus trína iarraidh go ngearrfaí pianbhreith príosúnachta air, tá an t-ionchúisitheoir Olesya Yurievna Vorobyovafreagrach as sáruithe tromchúiseacha ar chearta an duine sa Rúis, tríd an tsaoirse tuairimíochta agus an tsaoirse chun tuairimí a nochtadh a shárú.

27.5.2024

17.

Ilya Andreevich SAVCHENKO

(Илья Андреевич САВЧЕНКО)

Post: Imscrúdaitheoir i Mór-Aonad Imscrúdaitheach Tver (Coiste Fiosrúcháin Chónaidhm na Rúise)

Dáta breithe: 18.06.1997

Áit bhreithe: Rtishchevo– Réigiún Saratov, Cónaidhm na Rúise

Náisiúntacht: Rúiseach

Inscne: fireann

Ina cáil mar imscrúdaitheoir de chuid Choiste Fiosrúcháin Chónaidhm na Rúise, sannadh cás Oleg Orlov d’Ilya Andreevich Savchenko, agus bhí sí rannpháirteach sa díotáil a scríobhadh i gcoinne Orlov as ucht alt tuairimíochta i gcoinne chogadh foghach na Rúise i gcoinne na hÚcráine a fhoilsiú. Dheimhnigh Ilya Andreevich Savchenko gur fhoilsigh Orlov an t-alt faoi threoir “naimhdeas idé-eolaíoch i gcoinne luachanna traidisiúnta spioradálta, morálta agus tírghrá na Rúise” agus faoi threoir fhuath i dtreo an ghrúpa shóisialta “fórsaí míleata na Rúise.”

Dá bhrí sin, tá an t-imscrúdaitheoir Ilya Andreevich Savchenko freagrach as sáruithe tromchúiseacha ar chearta an duine, sa Rúis tríd an tsaoirse tuairimíochta agus an tsaoirse chun tuairimí a nochtadh a shárú.

27.5.2024

▼M2

18.

Oksana Vasilyevna DEMYASHEVA

(Оксана Васильевна ДЕМЯШЕВА)

Feidhm: Leas-Chathaoirleach ar Chúirt Dúiche Kalininsky i gCathair Pheadair

Iarbhreitheamh de Chúirt Dúiche Vasileostrovsky i gCathair Pheadair

Dáta breithe: 10.3.1980

Náisiúntacht: Rúiseach

Inscne: baineann

Sa phost a bhí aici mar bhreitheamh i gCúirt Dúiche Vasileostrovsky i gCathair Pheadair, ghearr Oksana Vasilyevna Demyasheva pianbhreith 7 mbliana ar Alexandra Skochilenko, ealaíontóir, ar chúiseanna a bhfuil údar polaitiúil leo as ucht “bréagnuacht”, mar a thugtar uirthi, faoi arm na Rúise a scaipeadh. Gabhadh Skochilenko as clibeanna praghais in ollmhargadh a mhalartú le greamáin in aghaidh an chogaidh. Bhí sí ar dhuine de na chéad daoine ar gearradh pianbhreith orthu faoin ndlí nua coiriúil lena gcuirtear cosc ar an “bréagnuacht”, mar a thugtar uirthi, faoi arm na Rúise, agus tharraing a triail aird leathan an phobail ar an mbrú gan fasach a bhí uirthi ó riarachán an phríosúin, ón mbreitheamh agus ón ionchúiseamh.

Dá bhrí sin, tá an breitheamh Oksana Vasilyevna Demyasheva freagrach as sáruithe tromchúiseacha ar chearta an duine sa Rúis, tríd an tsaoirse tuairimíochta agus an tsaoirse chun tuairimí a nochtadh a shárú.

Tá sí gníomhach go fóill sa chóras breithiúnach sa Rúis agus i mí an Mheithimh 2024 ceapadh í ina leaschathaoirleach ar Chúirt Dúiche Kalininsky i gCathair Pheadair.

27.5.2024

▼B

19.

Alexander Yurievich GLADYSHEV

(Александр Юрьевич ГЛАДЫШЕВ)

Post: Ionchúisitheoir i Roinn na n-Ionchúisitheoirí Stáit/Oifig an Ionchúisitheora, Cathair Pheadair

Dáta breithe: 28.10.1994

Náisiúntacht: Rúiseach

Inscne: fireann

Mar ionchúisitheoir in Oifig an Ionchúisitheora i gCathair Pheadair, d’iarr Alexander Yurievich Gladyshev go ngearrfaí 8 mbliana sa phríosún ar Alexandra Skochilenko, ealaíontóir as coireanna “bréagnuacht” a scaipeadh faoin arm, tar éis í a ghabháil as greamáin fhrithchogaidh a chur in áit clibeanna praghais in ollmhargadh. Bhí Skochilenko ar cheann de na chéad daoine ar gearradh pianbhreith orthu faoin ndlí nua coiriúil lena n-eisreachtaítear an “bréagnuacht”, mar a thugtar uirthi, faoi arm na Rúise, agus tharraing a triail aird leathan an phobail ar an mbrú gan fasach a bhí uirthi ó riarachán an phríosúin, ón mbreitheamh agus ón ionchúiseamh.

Dá bhrí sin, tá an t-ionchúisitheoir Alexander Yurievich Gladyshev freagrach as sáruithe tromchúiseacha ar chearta an duine sa Rúis, tríd an tsaoirse tuairimíochta agus an tsaoirse chun tuairimí a nochtadh a shárú.

27.5.2024

▼M1

20.

Olesya Anatoleyevna MENDELEYEVA

(Олеся Анатольевна МЕНДЕЛЕЕВА)

Post: breitheamh i gCúirt Meshchansky i Moscó

Dáta breithe: 18.4.1981

Náisiúntacht: Rúiseach

Inscne: baineann

Is breitheamh í Olesya Mendeleyeva i gCúirt Meshchansky i Moscó. Ghearr sí téarma príosúnachta 7 mbliana ar Alexei Gorinov, gníomhaí áitiúil agus ionadaí bardasach, ar chúisimh dar siocair an pholaitíocht de bhun Airteagal 207.1 de Chód Coiriúil Chónaidhm na Rúise maidir le faisnéis bhréagach a scaipeadh d’aon ghnó faoi ghníomhaíochtaí Fhórsaí Armtha Chónaidhm na Rúise. Ba é an bunús a bhí leis an bpianbhreith an tuairim a chuir Gorinov in iúl le linn cruinniú de Chomhairle na dTeachtaí i gceantar bardasach Krasnoselsky gurb é an chuma a bhí ar chomórtas líníochta do leanaí, tar éis fhogha na Rúise ar an Úcráin, gur “féasta le linn na plá” a bhí ann. Bhí an triail tapa agus de réir saineolaithe neamhspleácha úsáideadh í mar uirlis chun saoránaigh easaontacha eile na Rúise a imeaglú. Ba é an phianbhreith seo ceann de na chéad phianbhreitheanna príosúnachta a d’fhorchuir breitheamh de chuid na Rúise faoi Airteagal 207 nár cuireadh ar fionraí. Le linn na trialach, thacaigh an Breitheamh Mendeleyeva go rialta leis an ionchúiseamh agus dhiúltaigh sí beagnach gach iarraidh a rinne an chosaint agus an cosantóir, lena n-áirítear iarraidh chun é a scaoileadh saor ó choimeád mar gheall ar a riocht sláinte a bhí ag dul in olcas. Shásaigh an Breitheamh Mendeleyeva éilimh an ionchúisimh go hiomlán agus ghearr sí téarma príosúnachta 7 mbliana ar Gorinov as gníomh neamhfhoréigneach a dhéanamh. Mar thoradh ar an bpríosúnacht sin, tá meath suntasach tagtha ar a riocht sláinte sa choilíneacht phionósach ina bhfuil cúram leighis neamhleor á thabhairt dó.

Dá bhrí sin, tá Olesya Mendeleyeva freagrach as sáruithe tromchúiseacha i réimse chearta an duine, as cos ar bolg a imirt ar an bhfreasúra daonlathach, agus as gníomhaíochtaí lena mbaintear an bonn go mór den smacht reachta sa Rúis.

20.5.2025

21.

Olga Vladimirovna BALANDINA

(Ольга Владимировна БАЛАНДИНА)

Post: breitheamh de Chúirt Chathair Sovetsky, Kaliningrad Oblast

Dáta breithe: 5.6.1979

Náisiúntacht: Rúiseach

Inscne: baineann

Is breitheamh í Olga Balandina de Chúirt Cathrach Sovetsky in Kaliningrad Oblast. Ghearr sí pianbhreith 7,5 bliain príosúnachta ar Igor Baryshnikov, gníomhaí áitiúil, ar chúisimh dar siocair an pholaitíocht, de bhun Airteagal 207.1 de Chód Coiriúil Chónaidhm na Rúise, as postálacha a fhoilsiú faoin mbuamáil a rinne an Rúis ar Mariupol agus faoina hainghníomhartha in Bucha. Le linn na trialach, in ainneoin gur thug a dhochtúir fianaise faoi mhionn go bhféadfadh príosúnacht a bheith marfach do Baryshnikov mar gheall ar chíteastóime agus cataitéar ina bholg, dhiúltaigh an breitheamh scrúdú fóiréinseach a dhéanamh ar shláinte an chosantóra. Dá bhrí sin, mar thoradh ar an bpríosúnacht tá cóireáil neamhleor á tabhairt sa choilíneacht phionósach agus tá meathlú ar riocht sláinte Igor Baryshnikov. Dhiúltaigh an breitheamh freisin ligean do Igor Baryshnikov freastal ar shochraid a mháthar nuair a fuair sí bás 1,5 mí tar éis ghearradh na pianbhreithe.

Dá bhrí sin, tá Olga Balandina freagrach as sáruithe tromchúiseacha i réimse chearta an duine, as cos ar bolg a imirt ar an bhfreasúra daonlathach, agus as gníomhaíochtaí lena mbaintear an bonn go mór den smacht reachta sa Rúis.

20.5.2025

22.

Svetlana Fyodorovna Zhuravlova

(Светлана Фёдоровна ЖУРАВЛЁВА)

Post: Cúntóir Sinsearach in Oifig Ionchúisitheora Idirdhúiche Meshchansky

Dáta breithe: 8.7.1988

Náisiúntacht: Rúiseach

Seoladh: 1 Krasnoselsky per. 5/14, 107140 Moscó

Is Cúntóir Sinsearach í Svetlana Zhuravlova in Oifig Ionchúisitheora Idirdhúiche Meshchansky. Bhí sí ina hionchúisitheoir le linn thriail Alexei Gorinov. Is gníomhaí áitiúil agus ionadaí bardasach é Gorinov, ar gearradh téarma príosúnachta 7 mbliana air ar chúisimh dar siocair an pholaitíocht de bhun Airteagal 207.1 de Chód Coiriúil Chónaidhm na Rúise maidir le faisnéis bhréagach a scaipeadh d’aon ghnó faoi ghníomhaíochtaí Fhórsaí Armtha Chónaidhm na Rúise. Ba é an bunús a bhí leis an bpianbhreith an tuairim a chuir Gorinov in iúl le linn cruinniú de Chomhairle na dTeachtaí i gceantar bardasach Krasnoselsky gurb é an chuma a bhí ar chomórtas líníochta do leanaí, tar éis fhogha na Rúise ar an Úcráin, gur “féasta le linn na plá” a bhí ann. Bhí an triail tapa agus de réir saineolaithe neamhspleácha úsáideadh í mar uirlis chun saoránaigh easaontacha eile na Rúise a imeaglú. Bhí an phianbhreith seo ar cheann de na chéad phianbhreitheanna príosúnachta a d’fhorchuir breitheamh de chuid na Rúise faoi Airteagal 207.1 nár cuireadh ar fionraí. Chuir an tIonchúisitheoir Zhuravlova i gcoinne iarrataí uile na cosanta a d’fhéadfadh feabhas a chur ar staid an chosantóra nó an staid dhlíthiúil a shoiléiriú, lena n-áirítear iarraidh chun Gorinov a scaoileadh ón gcaighean gloine ina raibh air fanacht le linn na trialach, iarraidh chun é a scaoileadh ó bheith faoi choimeád mar gheall ar a riocht sláinte a bhí ag dul in olcas agus iarraidh chun a mheas ar chomhlíon Airteagal 207.1 bunreacht na Rúise. Thaobhaigh an breitheamh leis an Ionchúisitheoir Zhuravlova maidir le gach iarraidh thuasluaite. D'éiligh an tIonchúisitheoir Zhuravlova go ngearrfadh an chúirt 7 mbliana príosúnachta ar Gorinov as gníomh neamhfhoréigneach a dhéanamh, rud a rinne an breitheamh ina iomláine. Mar thoradh ar an bpríosúnacht sin, tá meath suntasach tagtha ar a riocht sláinte sa choilíneacht phionósach ina bhfuil cúram leighis neamhleor á thabhairt dó.

Dá bhrí sin, tá Svetlana Zhuravlova freagrach as sáruithe tromchúiseacha i réimse chearta an duine, as cos ar bolg a imirt ar an bhfreasúra daonlathach, agus as gníomhaíochtaí lena mbaintear an bonn go mór den smacht reachta sa Rúis.

20.5.2025

23.

Alexey Sergeyevich KHARLAMOV

(Алексей Сергеевич ХАРЛАМОВ)

Post: Cathaoirleach Chúirt Réigiúnach Mhoscó

Dáta breithe: 25.1.1975

Náisiúntacht: Rúiseach

Inscne: fireann

Is é Alexey Kharlamov Cathaoirleach Chúirt Réigiúnach Mhoscó a bhí ina bhreitheamh roimhe sin i gCúirt Uachtarach Chónaidhm na Rúise agus ina chomhalta de Phraesaidiam na Cúirte Uachtaraí.

Ina phost mar chomhalta de Phraesaidiam Chúirt Uachtarach Chónaidhm na Rúise, i mí Aibreáin 2018, sheas sé leis an bhfíorasc i gcoinne Alexei Navalny, polaiteoir de chuid an fhreasúra, agus a dheartháir Oleg i gcás Yves Rocher, cé gur rialaigh an Chúirt Eorpach um Chearta an Duine i mí Dheireadh Fómhair 2017 gur sháraigh an Rúis ceart na ndeartháireacha Navalny chun triail chóir a fháil agus pionós a bheith gearrtha atá iomlán bunaithe ar an dlí. Dá bhrí sin, tugadh an bhreith go raibh Alexei Navalny ciontach, agus mar thoradh air sin, cuireadh i bpríosún i gcoilíneacht phionósach ardslándála é blianta ina dhiaidh sin chun nach mbeadh sé in ann a bheith páirteach i ngníomhaíochtaí polaitiúla.

Dá bhrí sin, tá Alexey Kharlamov freagrach as sáruithe tromchúiseacha i réimse chearta an duine sa Rúis, lena n-áirítear saoirse tuairimíochta agus saoirse tuairimí a nochtadh a shárú, agus gníomhaíochtaí lena mbaintear an bonn go mór den smacht reachta sa Rúis.

20.5.2025

24.

Tatiana Alexandrovna MOLITVINA

(Татьяна Александровна МОЛИТВИНА)

Post: breitheamh i gCúirt Chathair Mhoscó

Dáta breithe: 28.3.1987

Náisiúntacht: Rúiseach

Inscne: baineann

Breitheamh i gCúirt Chathair Mhoscó í Tatiana Molitvina. Sular ceapadh sa phost a bhfuil sí anois ann, bhí sí ina breitheamh i gCúirt Dúiche Tverskoy i gcathair Mhoscó.

Ina post mar bhreitheamh i gCúirt Dúiche Tverskoy i gcathair Mhoscó, dhiúltaigh sí glacadh le héileamh i gcoinne an Ard-Ionchúisitheora Yuri Chaika agus Uachtarán Chónaidhm na Rúise Vladimir Putin arna dhéanamh ag Alexei Navalny agus a fhondúireacht in aghaidh an éillithe. Bhí an t-éileamh a rinne Navalny ar cheann de roinnt iarrachtaí a rinneadh chun an dlí a agairt ar Yuri Chaika as clúmhilleadh, tar éis d'fhondúireacht Alexei Navalny in aghaidh an éillithe scannán imscrúdaitheach a eisiúint inar cuireadh i leith bhaill teaghlaigh Chaika go raibh siad rannpháirteach i ngníomhaíochtaí neamhdhleathacha.

Dá bhrí sin, tá Tatiana Molitvina freagrach as sáruithe tromchúiseacha i réimse chearta an duine sa Rúis, lena n-áirítear an tsaoirse tuairimíochta agus an tsaoirse chun tuairimí a nochtadh a shárú, agus as gníomhaíochtaí lena mbaintear an bonn go tromchúiseach den smacht reachta sa Rúis.

20.5.2025

25.

Tatiana Anatolevna PETROVA

(Татьяна Анатольевна ПЕТРОВА)

Post: Leaschathaoirleach Chúirt Uachtarach Chónaidhm na Rúise

Dáta breithe: 27.7.1961

Áit bhreithe: Sychevka, réigiún Smolensk

Náisiúntacht: Rúiseach

Inscne: baineann

Is í Tatiana Petrova Leaschathaoirleach Chúirt Uachtarach Chónaidhm na Rúise.

Ina post mar chomhalta de Phraesaidiam Chúirt Uachtarach Chónaidhm na Rúise, i mí Aibreáin 2018, sheas sí leis an bhfíorasc i gcoinne Alexei Navalny, polaiteoir de chuid an fhreasúra, agus a dheartháir Oleg i gcás Yves Rocher, cé gur rialaigh an Chúirt Eorpach um Chearta an Duine i mí Dheireadh Fómhair 2017 gur sháraigh an Rúis ceart na ndeartháireacha Navalny chun triail chóir agus pionós cóir a fháil. Dá bhrí sin, tugadh an bhreith go raibh Alexei Navalny ciontach, agus mar thoradh air sin cuireadh i bpríosún i gcoilíneacht phionósach ardslándála é blianta ina dhiaidh sin chun nach mbeadh sé in ann a bheith páirteach i ngníomhaíochtaí polaitiúla.

Dá bhrí sin, tá Tatiana Petrova freagrach as sáruithe tromchúiseacha i réimse chearta an duine sa Rúis, lena n-áirítear an tsaoirse tuairimíochta agus an tsaoirse chun tuairimí a nochtadh a shárú, agus as gníomhaíochtaí lena mbaintear an bonn go tromchúiseach den smacht reachta sa Rúis.

20.5.2025

26.

Sergei Vladimirovich BOGDANOV

(Сергей Владимирович БОГДАНОВ)

Post: Ionchúisitheoir Stáit i Réigiún Kirov

Dáta breithe: 1973, is dóigh

Náisiúntacht: Rúiseach

Inscne: fireann

Ionchúisitheoir stáit i réigiún Kirov na Rúise é Sergei Bogdanov.

Rinne sé ionadaíocht ar oifig an ionchúisitheora stáit i roinnt éisteachtaí cúirte i gcoinne Alexei Navalny agus Pyotr Ofitserov i gcás Kirovles.

I mí Iúil 2013, d’iarr sé 6 bliana príosúnachta i gcoilíneacht phionósach de chuid an réimis ghinearálta do Navalny agus 5 bliana do Ofitserov. Thairis sin, ghearr an t-ionchúiseamh stáit pionós breise ar na cosantóirí, is é sin fíneáil dar méid 1 mhilliún RUB an duine.

I mí na Nollag 2016, chuir an t-ionchúisitheoir stáit Bogdanov “díotáil chomhchosúil” isteach a bhí comhchosúil leis an gceann a comhdaíodh in 2013. Tharla sé sin in ainneoin gur chuir Cúirt Uachtarach Chónaidhm na Rúise an phianbhreith i gcoinne Navalny agus Ofitserov ar ceal tar éis chinneadh na Cúirte Eorpaí um Chearta an Duine (ECHR) agus gur sheol sí an cás ar ais lena atriail.

I mí Feabhra 2017, ag atriail chás Kirovles, thug an tIonchúisitheoir Bogdanov óráid cosúil leis an óráid a thug sé in 2013 agus ní dhearna sé ach barúil a chur isteach maidir le cinntí ECHR agus Chúirt Uachtarach Chónaidhm na Rúise pianbhreith Navalny agus Ofitserov a chur ar ceal. Ina thuairimse, ní raibh aon bhunús dlí leis an tagairt do na cinntí sin, ós rud é go raibh triail neamhspleách ar siúl, agus nach raibh aon fhórsa réamhchinntithe ag fíorasc na Cúirte Eorpaí um Chearta an Duine. Mar thoradh air sin, thug an chúirt an bhreith go raibh Navalny agus Ofitserov ciontach agus ghearr sí pianbhreith 5 bliana agus 4 bliana orthu agus fíneáil 500 000 RUB an duine.

Dá bhrí sin, tá Sergey Bogdanov freagrach as sáruithe tromchúiseacha i réimse chearta an duine agus as gníomhaíochtaí lena mbaintear an bonn go tromchúiseach den smacht reachta sa Rúis.

20.5.2025

27.

Ekaterina Sergeevna FROLOVA

(Екатерина Сергеевна ФРОЛОВА)

Post: Ionchúisitheoir Stáit ag Oifig an Ard-Ionchúisitheora

Dáta breithe: Thart ar 1988

Náisiúntacht: Rúiseach

Inscne: baineann

Eintitis chomhlachaithe: Roinn Dlí agus Cirt Choiriúil Oifig Ionchúisitheora Mhoscó

Is ionchúisitheoir stáit in Oifig an Ard-Ionchúisitheora í Ekaterina Frolova.

In 2020, tugadh ardú céime di ón Lárcheantar Riaracháin chuig ionchúisitheoir de chuid Roinn Cirt Choiriúil Oifig Ionchúisitheora Mhoscó. Sa phost sin, ghníomhaigh sí mar ionchúisitheoir i roinnt imeachtaí i gcoinne Alexei Navalny. I mí Feabhra 2021, thacaigh sí sa chúirt le fíorthéarma príosúnachta a chur in ionad phianbhreith fionraithe Alexei Navalny i gcás Yves Rocher in ainneoin go raibh sé faoi chóir leighis i gclinic Charité, go raibh a thréimhse phromhaidh in éag agus gurb ann do rialú na Cúirte Eorpaí um Chearta an Duine. Sa mhí chéanna, d'iarr sí ar an gcúirt an bhreith a thabhairt go raibh Navalny ciontach as clúmhilleadh a dhéanamh ar an seansaighdiúir de chuid an Dara Cogadh Domhanda Ignat Artemenko. Tar éis di páirt a ghlacadh i dtriail Navalny, tugadh ardú céime do Ekaterina Frolova chuig ionchúisitheoir stáit in Oifig an Ard-Ionchúisitheora.

Dá bhrí sin, tá Ekaterina Frolova freagrach as sáruithe tromchúiseacha i réimse chearta an duine agus as gníomhaíochtaí lena mbaintear an bonn go tromchúiseach den smacht reachta sa Rúis.

20.5.2025

28.

Mikhail Yurevich KAZAKOV

(Михаил Юрьевич КАЗАКОВ)

Post: Breitheamh de Chúirt Chathair Mhoscó

Dáta breithe: 9.2.1976

Náisiúntacht: Rúiseach

Inscne: Fireann

Eintitis chomhlachaithe: Cúirt Chathair Mhoscó

Breitheamh Rúiseach atá ag obair i gCúirt Chathair Mhoscó é Mikhail Kazakov. Sna himeachtaí chun an fhondúireacht in aghaidh an éillithe agus a eintiteas dlíthiúil, an Fhondúireacht um Chearta na Saoránach a Chosaint, agus ceanncheathrú Navalny a aicmiú mar eagraíochtaí antoisceacha, rinne sé ábhair sa chás a rúnaicmiú, rud a chuir cosc ar Alexei Navalny agus a dhlíodóirí rochtain a fháil orthu. I mí na Nollag 2021, rialaigh Kazakov go ndéanfaí an lárionad cuimhneacháin um chearta an duine agus a aonaid struchtúracha a leachtú.

Dá bhrí sin, tá Mikhail Kazakov freagrach as sáruithe tromchúiseacha i réimse chearta an duine sa Rúis, lena n-áirítear sáruithe i réimse na saoirse comhlachais agus i réimse na saoirse tuairimíochta agus na saoirse chun tuairimí a nochtadh, agus as gníomhaíochtaí lena mbaintear an bonn go tromchúiseach den smacht reachta sa Rúis.

20.5.2025

29.

Alexander Alexandrovich KEMEROV

(Александр Александрович КЕМЕРОВ)

Post: Imscrúdaitheoir ag Coiste Fiosrúcháin Chónaidhm na Rúise do réigiún Kemerovo

Dáta breithe: 27.9.1984

Náisiúntacht: Rúiseach

Inscne: fireann

Is é Alexander Kemerov an t-imscrúdaitheoir i gCoiste Fiosrúcháin Chónaidhm na Rúise do réigiún Kemerovo, Kuzbass.

Ina phost, bhí baint aige le “cás antoisceachais” a chumadh le tabhairt i gcoinne lucht tacaíochta Alexei Navalny, lena n-áirítear Vadim Ostanin, iarcheann cheanncheathrú Navalny in Barnaul, chomh maith leis an gcás calaoise cumtha a tugadh i gcoinne Alexei Navalny é féin. Chuir Kemerov brú ar iarfhostaí de chuid fhondúireacht Alexei Navalny in aghaidh an éillithe, Fyodor Gorozhanko, fianaise a thabhairt i gcoinne Alexei Navalny chun é a ionchoiriú.

Dá bhrí sin, tá Alexander Kemerov freagrach as sáruithe tromchúiseacha i réimse chearta an duine sa Rúis, lena n-áirítear céastóireacht agus íde nó pionós eile atá cruálach, mídhaonna nó táireach, gabháil nó coinneáil threallach. Tá sé freagrach freisin as sáruithe nó mí-úsáid na saoirse tuairimíochta agus na saoirse chun tuairimí a nochtadh, agus as gníomhaíochtaí lena mbaintear an bonn go tromchúiseach den smacht reachta sa Rúis.

20.5.2025

30.

Valentin Valentinovich ERSHOV

(Валентин Валентинович ЕРШОВ)

Post: Leaschathaoirleach Chúirt Réigiúnach Mhoscó

Dáta breithe: 8.4.1985

Náisiúntacht: Rúiseach

Inscne: fireann

Is é Valentin Ershov Leaschathaoirleach Chúirt Réigiúnach Mhoscó. Bhí sé ina bhreitheamh i gCúirt Dúiche Presnensky i Moscó cheana, agus ina dhiaidh sin ina bhreitheamh i gCúirt Réigiúnach Mhoscó.

Ina phost, mar chuid d’imeacht a rinneadh ar chúiseanna polaitiúla, dhiúltaigh sé cás dlí arna chomhdú ag Alexei Navalny agus ag a fhondúireacht in aghaidh an éillithe i gcoinne an Ionchúisitheora Ghinearálta Yuri Chaika agus bhord eagarthóireachta an tréimhseacháin leictreonaigh “Ekho Moskvy” a phróiseáil chun onóir, dínit agus clú gnó a chosaint.

Dá bhrí sin, tá Valentin Ershov freagrach as sáruithe tromchúiseacha i réimse chearta an duine sa Rúis, lena n-áirítear an tsaoirse tuairimíochta agus an tsaoirse chun tuairimí a nochtadh a shárú, agus as gníomhaíochtaí lena mbaintear an bonn go tromchúiseach den smacht reachta sa Rúis.

20.5.2025

31.

Ruslan Shavkyatovich NEVEROV

(Руслан Шавкатович НЕВЕРОВ)

Post: Imscrúdaitheoir le haghaidh cásanna atá thar a bheith tábhachtach sa chéad roinn den roinn rialaithe-criosach den roinn rialaithe nós imeachta agus coiriúlachta i bPríomh-Roinn Imscrúdaitheach Mhíleata an Choiste Fiosrúcháin, coirnéal an cheartais

Dáta breithe: 22.6.1979

Náisiúntacht: Rúiseach

Uimhir theileafóin: 20.5.20257-905-503-1997

Is é Ruslan Neverob an t-imscrúdaitheoir le haghaidh cásanna atá thar a bheith tábhachtach sa chéad roinn den roinn rialaithe-criosach den roinn rialaithe nós imeachta agus coiriúlachta i bPríomh-Roinn Imscrúdaitheach Mhíleata an Choiste Fiosrúcháin.

Ina phost, i mí an Mhárta 2021 san imeacht sa Chúirt Mhíleata den 235ú Garastún, d’iarr sé go ndíbhfí gearán faoi neamhghníomhaíocht i bPríomh-Roinn Imscrúdaitheach Mhíleata an Choiste Fiosrúcháin maidir le Alexei Navalny in 2020 a bheith nimhithe leis an oibreán néaróg Novichok. D’aontaigh an Chúirt éileamh Navalny a dhiúltú.

Dá bhrí sin, tá Ruslan Neverov freagrach as sáruithe tromchúiseacha i réimse chearta an duine sa Rúis, lena n-áirítear an tsaoirse tuairimíochta agus an tsaoirse chun tuairimí a nochtadh a shárú, agus as gníomhaíochtaí lena mbaintear an bonn go tromchúiseach den smacht reachta sa Rúis.

20.5.2025

32.

Elena Alekseevna KOROBKOVA

(Елена Алексеевна КОРОБКОВА)

Post: Ceann na Roinne um Fhorghníomhú Pianbhreitheanna nach mbaineann le Leithlisiú Daoránach ón tSochaí

Dáta breithe: 4.10.1970

Inscne: baineann

Uimhir theileafóin: 20.5.20257-916-456-3230

Is í Elena Korobkova ceann na Roinne um Fhorghníomhú Pianbhreitheanna nach mbaineann le Leithlisiú Daoránach ón tSochaí. Sa bhliain 2020, nimhíodh ceannaire an fhreasúra agus gníomhaí frith-éillithe de chuid na Rúise, Alexei Navalny, le hoibreán néaróg Novichok agus dá dheasca sin tugadh chuig an ospidéal i mBeirlín sa Ghearmáin é agus fíor-dhrochbhail air. Mar gheall ar an riocht ina raibh sé, ní raibh sé in ann freastal ar an gcigireacht a d’ordaigh Seirbhís Príosúin Chónaidhme (FSIN) na Rúise. Tar éis sin, an 29 Nollaig 2020, chuir Cigireacht Phríosúin Sheirbhís Phríosúin Chónaidhme na Rúise i Moscó aighneacht faoi bhráid na cúirte chun pianbhreith fhionraithe Navalny a chealú agus an phianbhreith a cuireadh leis an gcúirt a fhorghníomhú. D’éiligh Elena Korobkova, mar ionadaí de chuid FSIN, go gcuirfí pianbhreith choimeádta in ionad na pianbhreithe fionraithe a cuireadh ar an bhfear freasúra i dtús báire.

Dá bhrí sin, tá Elena Korobkova freagrach as sáruithe tromchúiseacha i réimse chearta an duine sa Rúis, lena n-áirítear as an tsaoirse tuairimíochta agus an tsaoirse chun tuairimí a nochtadh a shárú, as cos ar bolg a imirt ar an tsochaí shibhialta agus ar an bhfreasúra daonlathach, agus as gníomhaíochtaí lena mbaintear an bonn go tromchúiseach den smacht reachta sa Rúis.

20.5.2025

33.

Margarita Nikolaevna KOTOVA

(Маргарита Николаевна КОТОВА)

Post: Breitheamh de Chúirt Chathair Mhoscó; iarBhreitheamh de Chúirt Dúiche Lefortovsky i Moscó

Dáta breithe: 25.6.1984

Náisiúntacht: Rúiseach

Inscne: baineann

Seoladh: Severodvinskaya Street, 11 Bldg. 1, Moscó, an Rúis, 127224

Uimhir aitheantais cánach: 771508948129

Uimhir theileafóin: 20.5.20257-926-288-0049

Is breitheamh i gCúirt Chathair Mhoscó í Margarita Kotova. Bhí sí ina breitheamh i gCúirt Dúiche Lefortovsky i Moscó go dtí 2022. Agus í ag obair ina seancháil, thug an Breitheamh Margarita Kotova an bhreith go raibh Alexei Navalny ciontach i gcúirt taobh istigh den phríosún uas-slándála in Pokrov 100km soir ó Mhoscó, áit a bhfuil pianbhreith 2,5 bliain á cur isteach aige cheana féin as parúl a shárú le linn dó a bheith ag teacht chuige féin tar éis a bheith nimhithe. Ghearr sí pianbhreith príosúnachta 9 mbliana i gcoilíneacht uas-slándála ar Alexei Navalny maille le fíneáil 1,2 milliún RUB ar chás bréige maidir le calaois a dhéanamh agus masla a thabhairt don chúirt. Cuireadh i leith Alexei Navalny freisin go raibh sé i mbun calaoise i dtaca le síntiúis a tugadh dó agus gur mhaslaigh sé breitheamh. Chuir sí síneadh freisin, ar bhunchúiseanna bréagacha, le fear a bheith á choinneáil sular cuireadh ar a thriail é mar gheall ar a thuairimí ar son na hÚcráine de shárú ar a chearta cosanta.

Dá bhrí sin, tá Margarita Kotova freagrach as sáruithe tromchúiseacha ar an gceart chun cosanta agus ar an gceart chun saoirse tuairimíochta agus chun tuairimí a nochtadh agus as cos ar bolg a imirt ar an tsochaí shibhialta agus ar an bhfreasúra daonlathach, agus as gníomhaíochtaí lena mbaintear an bonn go tromchúiseach den smacht reachta sa Rúis.

20.5.2025

34.

Nadezhda Viktorovna TIKHONOVA

(Надежда Викторовна ТИХОНОВА)

Post: ionchúisitheoir in Oifig Phríomh-Ionchúisitheoir Chónaidhm na Rúise

Dáta breithe: 23.9.1974

Náisiúntacht: Rúiseach

Inscne: baineann

Is ionchúisitheoir in Oifig Phríomh-Ionchúisitheoir Chónaidhm na Rúise í Nadezhda Tikhonova. D’iarr Nadezhda Tikhonova ar chúirt go dtabharfaí an bhreith go raibh Alexei Navalny ciontach agus go ngearrfaí pianbhreith 13 bliana príosúnachta air chomh maith le 2 bhliain de shrianta saoirse, mar aon le fíneáil 1,2 milliún RUB i gcás bréagach calaoise as síntiúis a bhailiú le haghaidh obair na fondúireachta in aghaidh an éillithe, agus as díspeagadh cúirte.

Dá bhrí sin, tá Nadezhda Tikhonova freagrach as sáruithe tromchúiseacha ar an gceart chun saoirse tuairimíochta agus chun tuairimí a nochtadh, as an tsochaí shibhialta agus an freasúra daonlathach a chur faoi chois, agus as gníomhaíochtaí lena mbaintear an bonn go tromchúiseach den smacht reachta sa Rúis.

20.5.2025

35.

Viktor Vladimirovich ROGOV

(Виктор Владимирович РОГОВ)

Post: Breitheamh sa Chéad Chúirt Achomhairc sa Dlínse Ginearálta

Dáta breithe: 26.5.1965

Uimhir theileafóin: 20.5.20257-919-075-0024

Is breitheamh sa Chéad Chúirt Achomhairc sa Dlínse Ginearálta é Viktor Rogov. Sheas sé leis an bpianbhreith a cuireadh in aghaidh an pholaiteora Alexei Navalny agus in aghaidh Daniel Kholodny, stiúrthóir teicniúil chainéal YouTube “Navalny LIVE”. Thug Cúirt Chathair Mhoscó an bhreith go raibh Navalny ciontach as eagraíocht neamhrialtasach a chruthú a chuireann isteach ar chearta na saoránach, an t-antoisceachas a mhaoiniú, pobal antoisceach a chruthú, a chur ar mhionaoisigh a bheith páirteach i ngníomhartha contúirteacha agus an Naitsíochas a athshlánú. Gearradh pianbhreith 19 mbliana príosúnachta i gcoilíneacht réimis speisialta agus fíneáil 500 000 RUB ar Navalny. Ciontaíodh Kholodny as maoiniú gníomhaíochtaí antoisceacha agus rannpháirtíocht i ngníomhaíochtaí eagraíochta antoiscí agus gearradh pianbhreith 8 mbliana príosúnachta i gcoilíneacht réimis ghinearálta air. Tar éis dóibh an phianbhreith a chloisteáil, d'iarr Navalny agus Kholodny achomharc ar chinneadh na cúirte ag an gCéad Chúirt Achomhairc i Moscó, áit ar dhiúltaigh an breitheamh Rogov a n-achomharc agus ar sheas sé leis an gcinneadh bunaidh. Chomh maith leis sin, sheas Rogov leis an gcinneadh pianbhreith 25 bliana príosúnachta i gcoilíneacht phionósach uas-slándála a ghearradh ar cheannaire an fhreasúra Vladimir Kara-Murza ar chúisimh tréasa, rannpháirtíocht i ngníomhaíochtaí grúpa neamh-inmhianaithe, agus as míchlú a tharraingt ar fhórsaí armtha na Rúise.

Dá bhrí sin, tá Viktor Rogov freagrach as sáruithe tromchúiseacha ar an gceart chun saoirse tuairimíochta agus chun tuairimí a nochtadh, as an tsochaí shibhialta agus an freasúra daonlathach a chur faoi chois, agus as gníomhaíochtaí lena mbaintear an bonn go tromchúiseach den smacht reachta sa Rúis.

20.5.2025

▼M7

36.

Denis Gennadievich POPOV

(Денис Геннадьевич ПОПОВ)

Post: Leas-Aire Chónaidhm na Rúise um Chosaint Shibhialta, Éigeandálaí, agus Deireadh a chur le hIarmhairtí Tubaistí Nádúrtha

Iar-Ionchúisitheoir chathair Mhoscó

Dáta breithe: 12.1.1972

Áit bhreithe: Sverdlovsk

Náisiúntacht: Rúiseach

Inscne: fireann

Uimhir aitheantais chánach: 770970517335

Ba é Denis Popov Ionchúisitheoir chathair Mhoscó. Cheap an tUachtarán Putin é in 2019. Bhí Popov freagrach as ionchúiseamh stáit Alexei Navalny agus ceannairí freasúra agus gníomhaithe polaitiúla eile i Moscó a eagrú. Bhí sé i gceannas go díreach nuair a aithníodh mar struchtúir antoisceacha na heagraíochtaí a chruthaigh Alexei Navalny chun tacú lena ghníomhaíochtaí polaitiúla.

Dá bhrí sin, tá Denis Popov freagrach as sáruithe nó mí-úsáidí tromchúiseacha i réimse chearta an duine nó as cur faoi chois na sochaí sibhialta agus an fhreasúra dhaonlathaigh, agus as gníomhaíochtaí lena mbaintear an bonn go tromchúiseach den smacht reachta sa Rúis.

Faoi láthair, tá sé ina Leas-Aire ar Chónaidhm na Rúise um Chosaint Shibhialta, Éigeandálaí, agus Deireadh a chur le hIarmhairtí Tubaistí Nádúrtha.

20.5.2025

▼M1

37.

Alina Vladimirovna IBRAGIMOVA

(Елена Владимировна ИБРАГИМОВА)

Post: Breitheamh i gCúirt Dúiche Vasileostrovsky i gCathair Pheadair

Náisiúntacht: Rúiseach

Inscne: baineann

Ina cáil mar bhreitheamh i gCúirt Dúiche Vasileostrovsky i gCathair Pheadair, ghearr Alina Ibragimova pianbhreith 1 mhí príosúnachta dar siocair an pholaitíocht ar Olga Smirnova, ailtire agus gníomhaí polaitiúil, as ucht “bréagnuacht”, mar a thugtar uirthi, faoi arm na Rúise a scaipeadh. Gabhadh Olga Smirnova as faisnéis frith-chogaíochta a fhoilsiú ar na meáin shóisialta i ngrúpa VK.

Dá bhrí sin, tá Alina Ibragimova freagrach as sáruithe tromchúiseacha ar an gceart chun saoirse tuairimíochta agus chun tuairimí a nochtadh, as cos ar bolg a dhéanamh ar an tsochaí shibhialta agus ar an bhfreasúra daonlathach, agus as gníomhaíochtaí lena mbaintear an bonn go tromchúiseach den smacht reachta sa Rúis.

20.5.2025

38.

Olesya Igorevna KABOCHKINA

(Олеся Игоревна КАБОЧКИНА)

Post: Leas-Ionchúisitheoir i gCeantar Kalininsky i gCathair Pheadair

Náisiúntacht: Rúiseach

Inscne: baineann

Agus í ina leas-ionchúisitheoir i gCeantar Kalininsky i gCathair Pheadair, d’iarr Olesya Kabochkina go gcuirfí pianbhreith príosúnachta7 mbliana ar Ioann Kurmoyarov, blagálaí agus sagart, ar chúisimh dar siocair an pholaitíocht as “bréagnuacht” mar a thugtar uirthi, a scaipeadh faoi arm na Rúise. Gabhadh Ioann Kurmoyarov as físeáin a fhoilsiú ar ardáin éagsúla meán sóisialta, físeáin inar cháin sé cogadh foghach na Rúise ar an Úcráin ar bhonn an tsíochánachais Chríostaí agus na diagachta Ceartchreidmhí. Oibríonn Kabochkina mar ionchúisitheoir i gcás Evgeny Bestuzhev freisin, ar coinníodh é as “bréagnuacht”, mar a thugtar uirthi, a scaipeadh faoi arm na Rúise.

Dá bhrí sin, tá Olesya Kabochkina freagrach as sáruithe tromchúiseacha i réimse chearta an duine, lena n-áirítear sáruithe ar an gceart chun saoirse tuairimíochta agus chun tuairimí a nochtadh, as cos ar bolg a dhéanamh ar an tsochaí shibhialta agus ar an bhfreasúra daonlathach, agus as gníomhaíochtaí lena mbaintear an bonn go tromchúiseach den smacht reachta sa Rúis.

20.5.2025

39.

Ulyana Andreyevna KALUGINA

(Ульяна Андреевна КАЛУГИНА)

Post: Leas-Ionchúisitheoir i gCeantar Kalininsky i gCathair Pheadair

Náisiúntacht: Rúiseach

Inscne: baineann

Agus í ina leas-ionchúisitheoir i gCeantar Kalininsky i gCathair Pheadair, d’iarr Ulyana Kalugina bearta leighis éigeantacha do Viktoria Petrova, bainisteoir, ar chúisimh dar siocair an pholaitíocht as “bréagnuacht”, mar a thugtar uirthi, a scaipeadh faoi arm na Rúise. Gabhadh Petrova as físeáin frith-chogaíochta YouTube, mar shampla, ábhar arna chruthú ag Maksim Katz, Aleksandr Nevzorov agus ag Uachtarán Zelenskyy na hÚcráine, a chomhroinnt ar a leathanach pearsanta VK. Ghníomhaigh Ulyana Kalugina mar ionchúisitheoir ag tús chás Ioann Kurmoyarov freisin, agus d’iarr go gcuirfí pianbhreith príosúnachta air as “bréagnuacht”, mar a thugtar uirthi, a scaipeadh faoi arm na Rúise.

Dá bhrí sin, tá Ulyana Kalugina freagrach as sáruithe tromchúiseacha ar an gceart chun saoirse tuairimíochta agus chun tuairimí a nochtadh, as cos ar bolg a dhéanamh ar an tsochaí shibhialta agus ar an bhfreasúra daonlathach, agus as gníomhaíochtaí lena mbaintear an bonn go tromchúiseach den smacht reachta sa Rúis.

20.5.2025

40.

Dmitry Alekseyevich MIHAILOV

(Дмитрий Алексеевич МИХАЙЛОВ)

Post: Breitheamh i gCúirt Uachtarach Phoblacht na Karelia

Náisiúntacht: Rúiseach

Inscne: fireann

Agus é ina bhreitheamh i gCúirt Uachtarach Phoblacht na Karelia in Petrozavodsk, ghearr Dmitry Mihailov pianbhreith 2 bhliain de shaothair éigeantais ar Sergey Drugov, blagálaí agus gníomhaí, ar chúisimh dar siocair an pholaitíocht as an rud ar a dtugtar “athshlánú an Naitsíochais”. Gabhadh Drugov as faisnéis frith-chogaíochta a fhoilsiú ar a chainéal Telegram, a raibh cothrom is 67 leantóir aige, a fhoilsiú.

Dá bhrí sin, tá Dmitry Mihailov freagrach as sáruithe tromchúiseacha i réimse chearta an duine, lena n-áirítear sáruithe ar an gceart chun saoirse tuairimíochta agus chun tuairimí a nochtadh, as cos ar bolg a dhéanamh ar an tsochaí shibhialta, agus as gníomhaíochtaí lena mbaintear an bonn go tromchúiseach den smacht reachta sa Rúis.

20.5.2025

41.

Natalya Vladimirovna PETROVA

(Наталья Владимировна ПЕТРОВА)

Post: Breitheamh i gCúirt Dúiche Vasileostrovsky i gCathair Pheadair

Náisiúntacht: Rúiseach

Inscne: baineann

Ina cáil mar bhreitheamh i gCúirt Dúiche Vasileostrovsky i gCathair Pheadair, ghearr Natalya Petrova pianbhreith 6 bliana príosúnachta ar Olga Smirnova, ailtire agus gníomhaí polaitiúil, ar chúisimh dar siocair an pholaitíocht as ucht “bréagnuacht”, mar a thugtar uirthi, faoi arm na Rúise a scaipeadh. Gabhadh Olga Smirnova as faisnéis frith-chogaíochta a fhoilsiú ar na meáin shóisialta i ngrúpa VK.

Dá bhrí sin, tá Natalya Petrova freagrach as sáruithe tromchúiseacha i réimse chearta an duine, as cos ar bolg a dhéanamh ar an tsochaí shibhialta agus ar an bhfreasúra daonlathach, agus as gníomhaíochtaí lena mbaintear an bonn go tromchúiseach den smacht reachta sa Rúis.

20.5.2025

42.

Gennadi Yuvinaliyevich PILEHIN

(Геннадий Ювиналиевич ПИЛЕХИН)

Post: Breitheamh i gCúirt Dúiche Kalininsky i gCathair Pheadair

Dáta breithe: 11.8.1972

Náisiúntacht: Rúiseach

Inscne: fireann

Seoladh: st. Vosstaniya, 17, St. Petersburg, Russia, 191036 Apartment 2

Ina cháil mar bhreitheamh i gCúirt Dúiche Kalininsky i gCathair Pheadair, ghearr Gennadi Pilehin bearta éigeantach leighis ar Viktoria Petrova, bainisteoir, ar chúisimh dar siocair an pholaitíocht as ucht “bréagnuacht”, mar a thugtar uirthi, faoi arm na Rúise a scaipeadh. Gabhadh Petrova as físeáin frith-chogaíochta YouTube, mar shampla ábhar arna chruthú ag Maksim Katz, Aleksandr Nevzorov agus Uachtarán na hÚcráine, Zelenskyy, a chomhroinnt ar a leathanach pearsanta VK.

Dá bhrí sin, tá Gennadi Pilehin freagrach as sáruithe tromchúiseacha i réimse chearta an duine, as cos ar bolg a dhéanamh ar an tsochaí shibhialta agus ar an bhfreasúra daonlathach, agus as gníomhaíochtaí lena mbaintear an bonn go tromchúiseach den smacht reachta sa Rúis.

20.5.2025

▼M7

43.

Ekaterina Feliksovna TIAMINA

(Екатерина Феликсовна ТЯМИНА)

Post: Breitheamh de Chúirt Chathrach Chathair Pheadair

Iar-Bhreitheamh de Chúirt Dúiche Kalininsky i gCathair Pheadair

Náisiúntacht: Rúiseach

Inscne: baineann

Ina cáil mar bhreitheamh i gCúirt Dúiche Kalininsky i gCathair Pheadair, ghearr Ekaterina Tiamina téarma príosúnachta 3 bliana ar Ioann Kurmoyarov, blagálaí agus sagart, ar chúisimh dar siocair an pholaitíocht as ucht “bréagnuacht”, mar a thugtar uirthi, faoi arm na Rúise a scaipeadh. Gabhadh Ioann Kurmoyarov as físeáin a fhoilsiú ar ardáin éagsúla meán sóisialta, físeáin inar cháin sé cogadh foghach na Rúise ar an Úcráin ar bhonn an tsíochánachais Chríostaí agus na diagachta Ceartchreidmhí.

Chuir Ekaterina Tiamina síneadh le tréimhse príosúnachta Viktoria Petrova, bainisteoir, ar chúisimh dar siocair an pholaitíocht as ucht “bréagnuacht”, mar a thugtar uirthi, faoi arm na Rúise a scaipeadh. Gabhadh Petrova as físeáin frith-chogaíochta YouTube, mar shampla ábhar arna chruthú ag Maksim Katz, Aleksandr Nevzorov agus Uachtarán na hÚcráine, Zelenskyy, a chomhroinnt ar a leathanach pearsanta VK.

Dá bhrí sin, tá Ekaterina Tiamina freagrach as sáruithe tromchúiseacha ar an gceart chun saoirse tuairimíochta agus chun tuairimí a nochtadh, as cos ar bolg a dhéanamh ar an tsochaí shibhialta, agus as gníomhaíochtaí lena mbaintear an bonn go tromchúiseach den smacht reachta sa Rúis.

Tá sí ina breitheamh de Chúirt Chathrach Chathair Pheadair faoi láthair.

20.5.2025

▼M1

44.

Vyacheslav Vasilyevich VITUKHIN

(Вячеслав Васильевич ВИТУХИН)

Post: Ionchúisitheoir de chuid Oifig an Ionchúisitheora in Petrozavodsk, Poblacht Karelia

Náisiúntacht: Rúiseach

Inscne: fireann

Ina cháil mar ionchúisitheoir de chuid Oifig an Ionchúisitheora in Petrozavodsk, Poblacht Karelia, d’iarr Vyacheslav VITUKHIN go ngearrfaí pianbhreith 2 bhliain príosúnachta ar Sergey Drugov, blagálaí agus gníomhaí, ar chúisimh dar siocair an pholaitíocht, as “athshlánú an Naitsíochais”, mar a thugtar air. Gabhadh Drugov as faisnéis frith-chogaíochta a fhoilsiú ar a chainéal Telegram, a raibh cothrom is 67 leantóir aige, a fhoilsiú.

Dá bhrí sin tá Vyacheslav Vitukhin freagrach as sáruithe tromchúiseacha i réimse chearta an duine, lena n-áirítear sáruithe ar an gceart chun saoirse tuairimíochta agus chun tuairimí a nochtadh, as cos ar bolg a dhéanamh ar an tsochaí shibhialta agus ar an bhfreasúra daonlathach, agus as gníomhaíochtaí lena mbaintear an bonn go tromchúiseach den smacht reachta sa Rúis.

20.5.2025

45.

Yulia Viacheslavovna Shilova

(Юлия Вячеславовна Шилова)

Post: Breitheamh Cónaidhme i gCúirt Dúiche Petushinsky na Rúise

Náisiúntacht: Rúiseach

Dáta breithe: an 28.9.1990

Áit bhreithe (cathair, tír): Tulaga, Gorkovskaya Oblast, USSR (ar a dtugtar faoi láthair Nizhegorodskaya Oblast, Cónaidhm na Rúise)

Inscne: baineann

Is breitheamh cónaidhme í Yulia Shilova i gCúirt Dúiche Petushinsky na Rúise. Ceapadh in 2022 í ar ordú a thug Vladimir Putin. Ba í Yulia Shilova an breitheamh a ceapadh ar chás a raibh údar polaitiúil leis, is é sin, triail an triúr dlíodóirí a rinne ionadaíocht ar Alexei Navalny, nach maireann: V. Kobzev, I. Sergunin agus A. Liptser. Gabhadh na dlíodóirí sin i mí Dheireadh Fómhair 2023, tráth a bhí na trialacha i gcoinne Alexei Navalny ar siúl. Reáchtáladh na himeachtaí cúirte i gcoinne na ndlíodóirí go rúnda ó mhí Mheán Fómhair 2024 go dtí deireadh mhí na Nollag 2024. Triail threallach, neamhchothrom a bhí ann, arna húdarú ag Yulia Shilova; reáchtáladh na héisteachtaí go rúnda agus an cinneadh a rinne sí pianbhreith a ghearradh ar na dlíodóirí a rinne ionadaíocht ar Alexei Navalny, nach maireann, cinneadh ab ea é a rinneadh ar fhorais threallacha. Ghearr an breitheamh Yulia Shilova téarmaí príosúnachta go treallach ar an triúr dlíodóirí a rinne ionadaíocht ar Alexei Navalny bunaithe ar na “gníomhaíochtaí antoisceacha” a cuireadh ina leith.

Dá bhrí sin, tá Yulia Shilova freagrach as sáruithe tromchúiseacha i ndáil leis an gceart chun saoirse tuairimíochta agus saoirse tuairimí a nochtadh agus an ceart chun trialach córa, as cos ar bolg a dhéanamh ar an tsochaí shibhialta, agus as gníomhaíochtaí lena mbaintear an bonn go tromchúiseach den smacht reachta sa Rúis.

20.5.2025

46.

Andrei Valerievich KATKOV

(Андрей Валерьевич КАТКОВ)

Post: Ceann Roinn na nIonchúisitheoirí Stáit i Réigiúin Vladimir

Náisiúntacht: Rúiseach

Dáta breithe: 28.8.1979

Áit bhreithe (cathair, tír): Ní fios cad é

Inscne: fireann

Is é Andrei Katkov Ceann Roinn na nIonchúisitheoirí Stáit in Oifig Ionchúisitheoir Réigiún Vladimir sa Rúis. Ba é Andrei Katkov an t-ionchúisitheoir sa triail a raibh cúis pholaitiúil léi i gcoinne an triúr dlíodóirí a rinne ionadaíocht ar Alexey Navalny, nach maireann: V. Kobzev, I. Sergunin agus A. Liptser. Gabhadh na dlíodóirí i mí Dheireadh Fómhair 2023, tráth a bhí an triail i gcoinne Navalny fós ar siúl. Reáchtáladh na himeachtaí cúirte i gcoinne na ndlíodóirí go rúnda ó mhí Mheán Fómhair 2024 go dtí deireadh mhí na Nollag 2024.

Ina cháil mar Ionchúisitheoir Stáit, d’iarr Andrei Katkov go ngearrfaí uas-phianbhreitheanna ar na dlíodóirí bunaithe ar fhorais threallacha, agus bhunaigh sé a ráitis ar fhaisnéis a thagann salach ar an bpribhléid ghairmiúil dlíodóra. Is ar chúiseanna polaitiúla a cúisíodh iad agus chuir Andrei Katkov i leith dhlíodóirí Alexei Navalny, gur bhain siad le “pobal antoisceach”. Triail threallach, neamhchothrom a bhí inti agus nuair a gearradh pianbhreith ar na dlíodóirí a rinne ionadaíocht ar Alexei Navalny, nach maireann, cinneadh ar fhorais threallacha ab ea é an cinneadh a rinne an breitheamh ceaptha.

Dá bhrí sin, tá Andrei Katkov freagrach as sáruithe tromchúiseacha i ndáil leis an gceart chun saoirse tuairimíochta agus saoirse tuairimí a nochtadh agus an ceart chun trialach córa, agus as cos ar bolg a dhéanamh ar an tsochaí shibhialta, agus as gníomhaíochtaí lena mbaintear an bonn go tromchúiseach den smacht reachta sa Rúis.

20.5.2025

47.

Natalia Vladimirovna BORISENKOVA

(Наталья Владимировна БОРИСЕНКОВА)

Post: Breitheamh agus Leas-Chathaoirleach i gCúirt Dúiche Nagatinsky i Moscó na Rúise

Náisiúntacht: Rúiseach

Dáta breithe: 12.8.1979

Áit bhreithe (cathair, tír): Ní fios cad é, Cónaidhm na Rúise

Inscne: baineann

Is breitheamh agus Leas-Chathaoirleach i gCúirt Dúiche Nagatinsky i Moscó na Rúise í Natalia Borisenkova. Ceapadh in 2012 í ar ordú a thug an tUachtarán Vladimir Putin.

Ba í Natalia Borisenkova an breitheamh a ceapadh i gcás a raibh cúis pholaitiúil leis, is é sin, an triail maidir leis an gceathrar iriseoirí, K. Gabov, S. Karelin, A. Kriger agus A. Favorskaya, a scríobh faoi Alexei Navalny, nach maireann. Reáchtáladh na himeachtaí cúirte i gcoinne na n-iriseoirí go rúnda ó mhí Lúnasa 2024 go dtí an 15 Aibreán 2025. Ghearr an breitheamh Natalia Borisenkova téarmaí príosúnachta 5,5 bliain ar an gceathrar iriseoirí “as baint a bheith acu”, mar dhea, “i ngrúpa antoisceach”, is é sin fondúireacht Alexei Navalny (nach maireann) in aghaidh an éillithe. Ba thriail threallach neamhchothrom í an triail a d'údaraigh Natalia Borisenkova, agus reáchtáladh na héisteachtaí go rúnda. An cinneadh a rinne Natalia Borisenkova pianbhreith a ghearradh ar na hiriseoirí, cinneadh ab ea é a rinneadh ar fhorais threallacha, inar luadh “gníomhaíochtaí antoisceacha” líomhnaithe, ar líomhain í a úsáidtear i gcoinne na ngrúpaí freasúra go minic sa Rúis.

Dá bhrí sin, tá Natalia Borisenkova freagrach as sáruithe tromchúiseacha i ndáil leis an gceart chun saoirse tuairimíochta agus saoirse tuairimí a nochtadh agus an ceart chun trialach córa, as cos ar bolg a dhéanamh ar an tsochaí shibhialta agus ar an bhfreasúra daonlathach, agus as gníomhaíochtaí lena mbaintear an bonn go tromchúiseach den daonlathas agus den smacht reachta sa Rúis.

20.5.2025

▼M3

48.

Roman Viktorovich VLADIMIROV

(Роман Викторович ВЛАДИМИРОВ)

Post: Breitheamh den 2ú Cúirt Mhíleata Dúiche Thiar, an Rúis

Dáta breithe: 9.2.1987

Náisiúntacht: Rúiseach

Inscne: fireann

Rinne Roman Vladimirov, agus é ina bhreitheamh den 2ú Cúirt Mhíleata Dúiche Thiar, pianbhreith 3 bliana príosúnachta a ghearradh ar Alexei Gorinov, iar-ionadaí bardasach i gceantar Krasnoselsky i Moscó, i gcoilíneacht réimis dhocht ar chúiseanna polaitiúla as a thuairim a chur in iúl maidir le cogadh foghach na Rúise ar an Úcráin.

Gearradh pianbhreith ar Alexei Gorinov faoi Airteagal 205.2 de Chód Coiriúil na Rúise, lena ndéantar “bonn cirt a bheith á thabhairt don sceimhlitheoireacht” a choiriúlú, agus úsáidtear go forleathan é chun saoirse tuairimíochta agus saoirse chun tuairimí a nochtadh a chur faoi chois. Bhí an ciontú bunaithe ar bharúlacha a rinne Alexei Gorinov i gcomhrá lena chairde, cé nach ndúirt sé ach gur aithin sé gur críoch Úcránach í an Chrimé agus gur cuid d’arm na hÚcráine é reisimint Azov. Ba iad comrádaithe Alexei Gorinov sna cilíní a spreag an comhrá, agus oifigigh an phríosúin a rinne taifead air, agus pianbhreith 6 bliana agus 11 mhí á déanamh aige, a gearradh air roimhe sin as na ráitis frithchogaidh a rinne sé ag cruinniú poiblí bardasach.

Dá bhrí sin, tá Roman Vladimirov freagrach as sáruithe nó mí-úsáidí tromchúiseacha i réimse chearta an duine agus as an tsochaí shibhialta agus an freasúra daonlathach a chur faoi chois sa Rúis.

15.7.2025

49.

Katerina Evgenievna KIRICHENKO

Yekaterina Evgenievna KIRICHENKO

(Катерина Евгеньевна КИРИЧЕНКО/ Екатерина Евгеньевна КИРИЧЕНКО)

Post: Breitheamh de Chúirt Dúiche Presnensky, Moscó

Dáta breithe: 1.11.1986

Náisiúntacht: Rúiseach

Inscne: baineann

Bhí Katerina Kirichenko, agus í ina breitheamh de Chúirt Dúiche Presnensky i Moscó, páirteach i roinnt cásanna ionchúisimh arb iad cúiseanna polaitiúla ba bhun leo, agus bhí sí freagrach as coinneáil threallach réamhthrialach agus pionóis ghéara dhíréireacha a fhorchur.

In 2022, ghlac Katerina Kirichenko páirt in ionchúiseamh Alexei Gorinov ar chúiseanna polaitiúla, ar ionadaí bardasach é an tráth sin i gceantar Krasnoselsky i Moscó, as a thuairim a chur in iúl, le linn cruinniú bardasach poiblí, maidir le cogadh foghach na Rúise ar an Úcráin. D’ordaigh sí go gcoinneofaí Alexei Gorinov faoi choinneáil réamhthrialach, gan leas a bhaint as aon bhearta nach bhfuil chomh sriantach céanna amhail gabháil tí nó bannaí, in ainneoin na bhfadhbanna tromchúiseacha sláinte a bhí aige, na ndrochdhálaí in ionaid choinneála na Rúise, agus in ainneoin gurbh é príomhchúramóir dá mhná chéile é a bhfuil tinneas ainsealach uirthi. Chinn Meitheal na Náisiún Aontaithe um Choinneáil Threallach go raibh coinneáil Alexei Gorinov ina shárú ar chearta idirnáisiúnta an duine agus, dá bhrí sin, go raibh sé treallach. Is léir freisin gur bhain Katerina Kirichenko, uaireanta eile roimhe seo, mí-úsáid as an gcoinneáil réamhthrialach i gcásanna arbh iad cúiseanna polaitiúla ba bhun leo. D’eisigh sí barántais choinneála do roinnt rannpháirtithe in agóidí Mhoscó 2019, in ainneoin gur mhionchúisimh iad. Thairis sin, in 2022, ghearr Katerina Kirichenko pionós géar díréireach bliain go leith ar Daniil Tikhomirov i gcoilíneacht phríosúin as oifigeach póilíneachta a ionsaí, tar éis do na póilíní é a stopadh toisc gur chroith sé bratach fhrithchogaidh óna charr.

Dá bhrí sin, tá Katerina Kirichenko freagrach as sáruithe tromchúiseacha ar chearta an duine agus as an tsochaí shibhialta agus an freasúra daonlathach a chur faoi chois sa Rúis.

15.7.2025

50.

Larisa Tikhonovna MARTYNOVA

(Лариса Тихоновна МАРТЫНОВА)

Post: Breitheamh de Chúirt Chathair Mhoscó

Dáta breithe: 10.6.1964

Náisiúntacht: Rúiseach

Inscne: baineann

Is breitheamh de Chúirt Chathair Mhoscó í Larisa Martynova. In 2022, rinne Larisa Martynova, mar chomhalta de phainéal achomhairc breithiúna Moscow City Court, pianbhreith 6 bliana agus 11 mhí a ghearradh ar Alexei Gorinov, ionadaí bardasach an tráth sin i gceantar Krasnoselsky i Moscó, i gcoilíneacht réimis ghinearálta, ar chúiseanna polaitiúla as a thuairim a chur in iúl faoi chogadh foghach na Rúise ar an Úcráin. D’aontaigh sí freisin an éisteacht chúirte a dhúnadh don phobal.

Gearradh pianbhreith ar Alexei Gorinov faoi Airteagal 207.3 de Chód Coiriúil na Rúise, lena ndéantar scaipeadh na “bréagaisnéise”, mar a thugtar uirthi, faoi fhórsaí armtha na Rúise, a choiriúlú, agus úsáidtear go forleathan é chun an tsaoirse tuairimíochta agus an tsaoirse chun tuairimí a nochtadh a chur faoi chois. Bhí an ciontú bunaithe ar ráitis frithchogaidh Alexei Gorinov le linn cruinniú bardasach poiblí. Agus a phianbhreith á dhéanamh aige, tugadh drochíde do Alexei Gorinov, lena n-áirítear cúram leighis neamhleor d’ainneoin fadhbanna tromchúiseacha sláinte, é a chur i gcilíní leithlise ar feadh tréimhsí fada, agus ceileadh codlata. Dá bhrí sin, ní hamháin gur cuireadh Alexei Gorinov i bpríosún go héagórach mar thoradh ar rialú Larisa Martynov, ach bhí íde nó pionós cruálach, mídhaonna agus táireach mar thoradh air freisin.

Dá bhrí sin, tá Larisa Martynova freagrach as sáruithe nó mí-úsáidí tromchúiseacha i réimse chearta an duine agus as an tsochaí shibhialta agus an freasúra daonlathach a chur faoi chois.

15.7.2025

51.

Maksim Bronislavovich SOKOLOVSKIY

(Максим Брониславович СОКОЛОВСКИЙ)

Post: Iarbhreitheamh de Chúirt Chathair Mhoscó, ón 10 Bealtaine 2023, Cathaoirleach ar Chúirt Dúiche Khoroshevsky

Dáta breithe: 31.5.1977

Náisiúntacht: Rúiseach

Inscne: fireann

Agus é ina bhreitheamh ceannais de phainéal achomhairc breithiúna de chuid Cúirt Chathair Mhoscó in 2022, ghearr Maksim Sokolovskiy pianbhreith 6 bliana agus 11 mhí ar Alexei Gorinov, ionadaí bardasach an tráth sin i gceantar Krasnoselsky i Moscó, i gcoilíneacht réimis ghinearálta, ar chúiseanna polaitiúla as a thuairim a chur in iúl faoi chogadh foghach na Rúise ar an Úcráin. D’ordaigh sé freisin go ndéanfadh an éisteacht chúirte a dhúnadh don phobal.

Gearradh pianbhreith ar Alexei Gorinov faoi Airteagal 207.3 de Chód Coiriúil na Rúise, lena ndéantar scaipeadh na “bréagaisnéise”, mar a thugtar uirthi, faoi fhórsaí armtha na Rúise, a choiriúlú, agus úsáidtear go forleathan é chun an tsaoirse tuairimíochta agus an tsaoirse chun tuairimí a nochtadh a chur faoi chois. Bhí an ciontú bunaithe ar ráitis frithchogaidh Alexei Gorinov le linn cruinniú bardasach poiblí. Agus a phianbhreith á dhéanamh aige, tugadh drochíde do Alexei Gorinov, lena n-áirítear cúram leighis neamhleor d’ainneoin riochtaí tromchúiseacha sláinte, é a chur i gcilíní leithlise ar feadh tréimhsí fada, agus easpa codlata. Dá bhrí sin, ní hamháin gur cuireadh Alexei Gorinov i bpríosún go héagórach mar thoradh ar rialú Maksim Sokolovskiy, ach bhí íde nó pionós cruálach, mídhaonna agus táireach mar thoradh air freisin.

Dá bhrí sin, tá Maksim Sokolovskiy freagrach as sáruithe nó mí-úsáidí tromchúiseacha i réimse chearta an duine agus as an tsochaí shibhialta agus an freasúra daonlathach a chur faoi chois sa Rúis.

15.7.2025

52.

Elena Leonidovna ZHURAVLEVA

(Елена Леонидовна ЖУРАВЛËВА)

Post: Breitheamh de Chúirt Chathair Mhoscó

Dáta breithe: 13.10.1976

Náisiúntacht: Rúiseach

Inscne: baineann

Rinne Elena Zhuravleva, mar chomhalta de phainéal achomhairc breithiúna de chuid Cúirt Chathair Mhoscó in 2022, pianbhreith 6 bliana agus 11 mhí a ghearradh ar Alexei Gorinov, ionadaí bardasach an tráth sin i gceantar Krasnoselsky i Moscó, i gcoilíneacht réimis ghinearálta, ar chúiseanna polaitiúla as a thuairim a chur in iúl faoi chogadh foghach na Rúise ar an Úcráin. D’aontaigh sí freisin an éisteacht chúirte a dhúnadh don phobal.

Gearradh pianbhreith ar Alexei Gorinov faoi Airteagal 207.3 de Chód Coiriúil na Rúise, lena ndéantar scaipeadh na “bréagaisnéise”, mar a thugtar uirthi, faoi fhórsaí armtha na Rúise, a choiriúlú, agus úsáidtear go forleathan é chun an tsaoirse tuairimíochta agus an tsaoirse chun tuairimí a nochtadh a chur faoi chois. Bhí an ciontú bunaithe ar ráitis frithchogaidh Alexei Gorinov le linn cruinniú bardasach poiblí. Agus a phianbhreith á dhéanamh aige, tugadh drochíde do Alexei Gorinov, lena n-áirítear cúram leighis neamhleor d’ainneoin riochtaí tromchúiseacha sláinte, é a chur i gcilíní leithlise ar feadh tréimhsí fada, agus easpa codlata. Dá bhrí sin, ní hamháin gur cuireadh Alexei Gorinov i bpríosún go héagórach mar thoradh ar rialú Elena Zhuravleva, ach bhí íde nó pionós cruálach, mídhaonna agus táireach mar thoradh air freisin.

Dá bhrí sin, tá Elena Zhuravleva freagrach as sáruithe nó mí-úsáidí tromchúiseacha i réimse chearta an duine agus as an tsochaí shibhialta agus an freasúra daonlathach a chur faoi chois sa Rúis.

15.7.2025

▼M4

53.

Andrey Viktorovich POLYAKOV

(Андрей Викторович ПОЛЯКОВ)

Post: Ceann an Main Directorate of the Federal Penitentiary Service of the Russian Federation for the Rostov Oblast, Mór-Ghinearál an Internal Service

Dáta breithe: 17.6.1970

Náisiúntacht: Rúiseach

Inscne: fireann

Pasuimhir: sraith 1815 Uimh. 112026

INN (Uimhir Aitheantais Cánach Rúiseach): 343517128461

Is é Andrey Polyakov Ceann an Main Directorate of the Federal Penitentiary Service of the Russian Federation for the Rostov Oblast (Príomh-Stiúrthóireacht Sheirbhís Pheannaideach Chónaidhme Chónaidhm na Rúise do Réigiún Rostov), lena n-áirítear ionad coinneála réamhthrialach in Taganrog (SIZO-2), ionad coinneála réamhthrialach 1 in Rostov-on-Don (SIZO-1), agus coilíneacht Uimh. 12 in Kamensk Shakhtinsky.

Sa phost sin, tá sé freagrach as cosaint chearta na ndaoine atá á gcoinneáil agus a sábháilteacht a áirithiú agus as an ord poiblí a chaomhnú sna foshaoráidí coinneála a ndéanann sé maoirseacht orthu. Sna saoráidí faoi údarás Polyakov, bhí gardaí ag déanamh bascadh go rialta ar Úcránaigh a bhí á gcoinneáil, idir shibhialtaigh agus phríosúnaithe míleata, chomh maith le daoine eile atá á gcoinneáil, agus bhí ganntanas mór bia ann, agus is beag rochtain a bhí acu ar chúram leighis ná ar chúnamh dlíthiúil. Le linn na gceistiúchán, bhí orthu dul i ngleic le comhéigean síceolaíoch agus fisiceach, lena n-áirítear bascadh brúidiúil, turraingí leictreacha, agus bagairtí, agus é mar aidhm acu iallach a chur orthu a admháil go raibh siad páirteach i gcoireanna cogaidh, coireanna sceimhlitheoireachta nó cionta líomhnaithe eile. Áirítear ar na cásanna doiciméadaithe céastóireachta agus drochíde cás an iriseora iniúchaigh ón Úcráin Victoria Volodymyrivna Roshchyna a cailleadh i mí Mheán Fómhair 2024 mar thoradh ar dhrochíde in Ionad Coinneála Réamhthrialach Uimh. 2 de Phríomh-Stiúrthóireacht Sheirbhís Pheannaideach Chónaidhme do Oblast Rostov in Taganrog.

Dá bhrí sin, tá Andrey Polyakov freagrach as sáruithe tromchúiseacha ar chearta an duine, is é sin céasadh agus íde eile atá cruálach, mídhaonna nó táireach, as cos ar bolg a imirt ar an tsochaí shibhialta agus as gníomhaíochtaí lena mbaintear an bonn go mór den smacht reachta sa Rúis.

20.11.2025

54.

Andrey Vadimovich MIKHAILICHENKO

(Андрей Вадимович МИХАЙЛИЧЕНКО)

Post: Leas-Stiúrthóir Slándála agus Oibre Oibríochtúla ar an Pre-Trial Detention Center No. 2 den Main Directorate of the Federal Penitentiary Service for the Rostov Oblast, Cónaidhm na Rúise

Dáta breithe: 31.3.1992

Náisiúntacht: Rúiseach

Inscne: fireann

Pasuimhir: Sraith 6012 Uimh. 175625

INN (Uimhir Aitheantais Cánach Rúiseach): 615490520223

Tá Andrey Mikhailichenko ag feidhmiú mar Leas-Stiúrthóir Slándála agus Oibre Oibríochtúla den Pre-Trial Detention Center No. 2 (Ionad Coinneála Réamhthrialach Uimh. 2) de Phríomh-Stiúrthóireacht Sheirbhís Pheannaideach na Cónaidhme do Réigiún Rostov (SIZO-2) in Taganrog na Rúise. Mar bhall de bhainistíocht SIZO-2, tá Mikhailichenko freagrach as céasadh forleathan córasach agus íde eile atá cruálach, mídhaonna agus táireach a dhéanamh ar dhaoine atá á gcoinneáil san Úcráin, idir shibhialtaigh agus phríosúnaithe míleata, chomh maith le príosúnaithe eile atá á gcoinneáil sa tsaoráid sin.

Bíonn siad siúd atá á gcoinneáil in SIZO-2 á mbualadh ag gardaí, bíonn siad thíos le ganntanais mhóra bhia, agus is beag rochtain a bhíonn acu ar chúram leighis ná ar chúnamh dlíthiúil. Le linn na gceistiúchán, bíonn ar phríosúnaithe dul i ngleic le comhéigean síceolaíoch agus fisiceach, lena n-áirítear bascadh brúidiúil, turraingí leictreacha, agus bagairtí, agus é mar aidhm acu iallach a chur orthu a admháil go raibh siad páirteach i gcoireanna cogaidh, coireanna sceimhlitheoireachta nó cionta líomhnaithe eile arb é is aidhm dóibh go léir deireadh a chur le cur i gcoinne fhogha na Rúise faoin Úcráin. Is sárú nó mí-úsáid thromchúiseach ar chearta an duine é an íde sin agus is sárú ar phrionsabal an smachta reachta é. Cailleadh 15 dhuine ar a laghad mar thoradh ar dhrochíde sa tsaoráid, lena n-áirítear an t-iriseoir iniúchaigh ón Úcráin Victoria Volodymyrivna Roshchyna.

Mar Leas-Stiúrthóir Slándála agus Oibre Oibríochtúla SIZO-2, tá Andrey Mikhailichenko freagrach as oibríochtaí na saoráide. Tá sé freagrach, dá bhrí sin, as sáruithe tromchúiseacha ar chearta an duine, as cos ar bolg a imirt ar an tsochaí shibhialta agus as gníomhaíochtaí lena mbaintear an bonn go tromchúiseach den smacht reachta sa Rúis.

20.11.2025

55.

Andrey Sergeevich SAPITSKIY

(Андрей Сергеевич САПИЦКИЙ)

Post: Leas-Stiúrthóir Pearsanra agus Saincheisteanna Oibre Oideachais den Pre-Trial Detention Center No. 2 of the Main Directorate of the Federal Penitentiary Service for the Rostov Oblast, Cónaidhm na Rúise

Náisiúntacht: Rúiseach

Inscne: fireann

Bíonn Andrey Sapitskiy, ag feidhmiú mar Leas-Stiúrthóir Pearsanra agus Saincheisteanna Oibre Oibríochtúla Ionad Coinneála Réamhthrialach Uimh. 2 de Phríomh-Stiúrthóireacht Sheirbhís Pheannaideach na Cónaidhme do Réigiún Rostov (SIZO-2) in Taganrog na Rúise. Mar bhall de bhainistíocht SIZO-2, tá Sapitskiy freagrach as céasadh forleathan córasach agus íde eile atá cruálach, mídhaonna agus táireach a dhéanamh ar dhaoine atá á gcoinneáil san Úcráin, idir shibhialtaigh agus phríosúnaithe míleata, chomh maith le príosúnaithe eile atá á gcoinneáil sa tsaoráid sin.

Mar Leas-Stiúrthóir Pearsanra agus Saincheisteanna Oibre Oibríochtúla SIZO-2, tá Andrey Sapitskiy freagrach as oibríochtaí na saoráide. Tá sé freagrach, dá bhrí sin, as sáruithe tromchúiseacha ar chearta an duine, as cos ar bolg a imirt ar an tsochaí shibhialta agus as gníomhaíochtaí lena mbaintear an bonn den smacht reachta sa Rúis.

20.11.2025

56.

Aleksandr Aleksandrovich SHTODA

(Александр Александрович ШТОДА)

Post: Stiúrthóir ar an Pre-Trial Detention Center No. 2 of the Main Directorate of the Federal Penitentiary Service for the Rostov Oblast, Cónaidhm na Rúise

Dáta breithe: 19.11.1980

Náisiúntacht: Rúiseach

Pasuimhir: sraith 6001 Uimh. 419633

INN (Uimhir Aitheantais Cánach Rúiseach): 611903638423

Bíonn Aleksander Shtoda, ag feidhmiú mar Stiúrthóir Ionad Coinneála Réamhthrialach Uimh. 2 de Phríomh-Stiúrthóireacht Sheirbhís Pheannaideach na Cónaidhme do réigiún Rostov (SIZO-2) in Taganrog na Rúise. Tá Shtoda freagrach as céasadh forleathan córasach agus íde eile atá cruálach, mídhaonna agus táireach a dhéanamh ar dhaoine atá á gcoinneáil san Úcráin, idir shibhialtaigh agus phríosúnaithe míleata, chomh maith le príosúnaithe eile atá nó a bhí á gcoinneáil faoina smacht.

Mar Stiúrthóir ar an SIZO-2, tá údarás ag Aleksander Shtoda ar oibríochtaí na saoráide. Tá sé freagrach, dá bhrí sin, as sáruithe tromchúiseacha ar chearta an duine, as cos ar bolg a imirt ar an tsochaí shibhialta agus as gníomhaíochtaí lena mbaintear an bonn den smacht reachta sa Rúis.

20.11.2025

57.

Timur Savelevich VAKHRAMEEV

(Тимур Савельевич ВАХРАМЕЕВ)

Post: Breitheamh i Basmanny District Court, Moscó; Iar-Ghiúistís (Giúistís na Síochána) i gceantar Tagansky Mhoscó

Dáta breithe: 13.5.1990

Náisiúntacht: Rúiseach

Inscne: fireann

Bhí baint ag Timur Vakhrameev, breitheamh in Basmanny District Court (Cúirt Dúiche Basmanny) sa Rúis, le roinnt cásanna ionchúisimh arbh í an pholaitíocht ab údar leo, lena bhforchuireadh pianbhreitheanna diana díréireacha ar roinnt daoine aonair agus lena gcuireadh síneadh le coinneáil daoine eile.

Ghlac an Breitheamh Vakhrameev páirt in ionchúiseamh éagórach na n-iriseoirí Kirill Martynov agus Dmitry Kolezev, a raibh údar polaitiúil leis, chomh maith leis an ngníomhaí Lyusya Shtein, agus gearradh roinnt blianta príosúnachta ar gach duine acu chun iarracht a dhéanamh an iriseoireacht neamhspleách agus an tsochaí shibhialta sa Rúis a chur ina dtost. Chuir sé síneadh freisin le coinneáil réamhthrialach na ndlíodóirí Vadim Kobzev agus Alexey Liptser, chomh maith leis na hiriseoirí Konstantin Gabov agus Sergei Karelin, i gcásanna arbh í an pholaitíocht ab údar leo, a bhaineann le cniogbheartaíocht ar dhaoine aonair a bhfuil baint acu le Alexei Navalny é féin nó a Fhondúireacht Frith-Éillithe. Ina theannta sin, chuir sé síneadh le coinneáil réamhthrialach Grigory Melkonyants, comhchathaoirleach ghluaiseacht Golos, príomhthionscnamh neamhspleách faire toghcháin na Rúise, mar iarracht shoiléir brú breise a chur ar fhaireachán ar thoghcháin phoiblí sa tír. Sna cásanna thuasluaite ar fad, cuireadh i bhfeidhm antoisceachas nó airteagail chonspóideacha de Chód Coiriúil na Rúise maidir le heagraíochtaí neamh-inmhianaithe, rud a chuireann míchlú ar arm na Rúise.

Thairis sin, níos luaithe in 2023, agus é ina bhreitheamh síochána i gCeantar Tagansky i Moscó, bhí ról gníomhach ag Timur Vakhrameev freisin maidir le pionós a ghearradh ar chuideachtaí idirnáisiúnta, mar shampla Wikimedia agus Google, toisc nár bhain siad faisnéis fhíorasach faoi chogadh foghach na Rúise ar an Úcráin dá n-ardáin.

Tá Timur Vakhrameev freagrach, dá bhrí sin, as sáruithe tromchúiseacha ar chearta an duine, as an tsochaí shibhialta agus an freasúra daonlathach a bhrú faoi chois agus as gníomhaíochtaí lena mbaintear an bonn den daonlathas agus den smacht reachta sa Rúis.

20.11.2025

58.

Artemy Alexeevich TELMINOV

(Артемий Алексеевич ТЕЛЬМИНОВ)

Post: Imscrúdaitheoir de chuid Investigative Committee of the Russian Federation

Dáta breithe: 30.12.1994

Náisiúntacht: Rúiseach

Inscne: fireann

Is Imscrúdaitheoir de chuid Investigative Committee of the Russian Federation (Coiste Fiosrúcháin Chónaidhm na Rúise) é Artemy Telminov, agus bhí baint aige le roinnt ionchúiseamh a rinneadh ar chúiseanna polaitíochta in aghaidh daoine aonair a bhfuil baint acu le Alexei Navalny lena n-áirítear na hiriseoirí Antonina Favorskaya, Olga Komleva, Konstantin Gabov, agus Sergey Karelin, chomh maith leis na dlíodóirí Vadim Kobzev, Alexei Liptser, agus Igor Sergunin. Trína mholadh go ndéanfaí iad a choinneáil nó go gcuirfí síneadh lena dtréimhse coinneála, chuir sé go gníomhach le hiarrachtaí réimeas na Rúise easaontú a chur faoi chois laistigh den tír.

Rinneadh imscrúdú ar na daoine ar fad a luaitear thuas agus cúisíodh iad ina dhiaidh sin ar chúiseanna a bhain le bheith rannpháirteach i bpobal nó in eagraíocht antoisceach, nó a bheith rannpháirteach ina ngníomhaíochtaí. I ndáiríre, bhí na cúisimh sin bunaithe ar a ngníomhaíochtaí dleathacha amháin nuair a bhí baint acu le Alexei Navalny agus lena Fhondúireacht in aghaidh an éillithe. Is cleachtas forleathan sa Rúis anois í mí-úsáid na reachtaíochta a bhaineann leis an sceimhlitheoireacht agus leis an antoisceachas chun an freasúra polaitiúil agus iarrachtaí síochánta na sochaí sibhialta a bhaineann le Navalny a chur faoi chois. Léirítear leis na cásanna thuasluaite go léir patrún comhsheasmhach ionchúisimh arb í an pholaitíocht is cúis leo, lena n-áirítear coinneáil fhada réamhthrialach agus, i gcásanna áirithe, imeachtaí cúirte dúnta.

Is sárú tromchúiseach ar chearta an duine é ról gníomhach Artemy Telminov in ionchúiseamh éagórach Antonina Favorskaya, Olga Komleva, Konstantin Gabov, Sergey Karelin, Vadim Kobzev, Alexei Liptser, agus Igor Sergunin a eagrú. Dá bhrí sin, tá sé freagrach go díreach as mí-úsáidí tromchúiseacha ar chearta an duine agus as an tsochaí shibhialta agus an freasúra daonlathach a chur faoi chois sa Rúis.

20.11.2025

59.

Boris Ashirbaevich KOZHEVNIKOV

(Борис Аширбаевич КОЖЕВНИКОВ)

Post: Leas-Chathaoirleach ar Appellate Military Court of Russia

Dáta breithe: 31.8.1964

Náisiúntacht: Rúiseach

Inscne: fireann

Is é Boris Kozhevnikov an Leas-Chathaoirleach ar Appellate Military Court of Russia (Cúirt Mhíleata Achomhairc na Rúise).

Agus é ina leas-chathaoirleach ar Chúirt Mhíleata Achomhairc na Rúise, dhiúltaigh Boris Kozhevnikov d’achomharc Alexei Gorinov, iar-ionadaí bardasach i gceantar Krasnoselsky i Moscó, ar phianbhreith pholaitiúil. I dtriail a bhí lochtach ó thaobh nós imeachta de, gearradh téarma príosúnachta 3 bliana ar Alexei Gorinov i gcoilíneacht phionósach réimis dhocht faoi Airteagal 205.2 de Chód Coiriúil na Rúise as “bonn cirt a bheith á thabhairt don sceimhlitheoireacht” (aistriúchán neamhoifigiúil). Bhí pianbhreith Alexei Gorinov bunaithe ar ráitis a rinne sé i gcomhrá lena chomrádaithe sa chillín, ar líomhnaíodh ina leith gur aithin sé gur críoch Úcránach í an Chrimé agus gur cuid d’arm na hÚcráine í reisimint Azov. Ina theannta sin, sheas Kozhevnikov leis na pianbhreitheanna príosúnachta a gearradh ar Andrei Boyarshinov, Ibragim Orudzhev, Alexei Nuriev agus Roman Nasryev ar chúiseanna polaitiúla i gcásanna líomhainte a bhain leis an sceimhlitheoireacht.

Dá bhrí sin tá Boris Kozhevnikov freagrach as sáruithe tromchúiseacha i réimse chearta an duine, lena n-áirítear sáruithe ar an gceart chun saoirse tuairimíochta agus chun tuairimí a nochtadh, as cos ar bolg a dhéanamh ar an tsochaí shibhialta agus ar an bhfreasúra daonlathach, agus as gníomhaíochtaí lena mbaintear an bonn go tromchúiseach den smacht reachta sa Rúis.

20.11.2025

60.

Maxim Alexandrovich PANIN

(Максим Александрович ПАНИН)

Post: Breitheamh de Appellate Military Court of Russia (Judicial Panel for Criminal Cases)

Dáta breithe: 22.2.1982

Náisiúntacht: Rúiseach

Inscne: fireann

Is breitheamh de Chúirt Mhíleata Achomhairc na Rúise é Maksim Panin.

Mar chomhalta de phainéal breithiúna Chúirt Mhíleata Achomhairc na Rúise, dhiúltaigh Maksim Panin d’achomharc Alexei Gorinov, iar-ionadaí bardasach i gceantar Krasnoselsky i Moscó, ar phianbhreith pholaitiúil. I dtriail a bhí lochtach ó thaobh nós imeachta de, gearradh téarma príosúnachta 3 bliana ar Alexei Gorinov i gcoilíneacht réimis dhocht faoi Airteagal 205.2 de Chód Coiriúil na Rúise as “bonn cirt a bheith á thabhairt don sceimhlitheoireacht”. Bhí pianbhreith Alexei Gorinov bunaithe ar ráitis a rinne sé i gcomhrá lena chomrádaithe sa chillín, ar líomhnaíodh ina leith gur aithin sé gur críoch Úcránach í an Chrimé agus gur cuid d’arm na hÚcráine í reisimint Azov.

Ina theannta sin, bhí Panin rannpháirteach ó thaobh daoine eile a ionchúiseamh ar chúiseanna polaitiúla. Agus é ina chomhalta den phainéal achomhairc, sheas sé le ciontú Elena Kotenochkina, ar cuireadh ina leith go raibh baint aici leis an “bonn cirt a bheith á thabhairt don sceimhlitheoireacht” trí ábhar a phostáil ar na meáin shóisialta agus ar gearradh pianbhreith 6 bliana agus 11 mhí uirthi, in absentia, i gcoilíneacht phionósach. Dheimhnigh Panin freisin gur cuireadh síneadh leis an tréimhse choinneála i gcásanna Polina Yevtushenko, a ionchúisíodh as “bréagnuacht” a scaipeadh faoi arm na Rúise agus “athshlánú an Naitsíochais”, agus Enver Krosh, Rinat Aliev agus Vilen Temeryanov, Tataraigh na Crimé a ionchúisíodh as a rannpháirtíocht líomhnaithe i ngrúpa Ioslamach a bhfuil toirmeasc air sa Rúis.

Dá bhrí sin tá Maksim Panin freagrach as sáruithe tromchúiseacha i réimse chearta an duine, lena n-áirítear sáruithe ar an gceart chun saoirse tuairimíochta agus chun tuairimí a nochtadh, as cos ar bolg a dhéanamh ar an tsochaí shibhialta agus ar an bhfreasúra daonlathach, agus as gníomhaíochtaí lena mbaintear an bonn go tromchúiseach den smacht reachta sa Rúis.

20.11.2025

61.

Marina Viktorovna USHAKOVA

(Марина Викторовна УШАКОВА)

Post: Breitheamh de Appellate Military Court of Russia (Judicial Panel for Criminal Cases)

Dáta breithe: 2.5.1979

Náisiúntacht: Rúiseach

Inscne: baineann

Is breitheamh de Chúirt Mhíleata Achomhairc na Rúise í Marina Ushakova.

Mar chomhalta de phainéal achomhairc breithiúna de Chúirt Mhíleata Achomhairc na Rúise, dhiúltaigh Marina Ushakova d’achomharc Alexei Gorinov, iar-ionadaí bardasach i gceantar Krasnoselsky i Moscó, ar phianbhreith pholaitiúil. I dtriail a bhí lochtach ó thaobh nós imeachta de, gearradh téarma príosúnachta 3 bliana ar an Alexei Gorinov i gcoilíneacht réimis dhocht faoi Airteagal 205.2 de Chód Coiriúil na Rúise as “bonn cirt a bheith á thabhairt don sceimhlitheoireacht”. Bhí pianbhreith Alexei Gorinov bunaithe ar ráitis a rinne sé i gcomhrá lena chomrádaithe sa chillín, ar líomhnaíodh ina leith gur aithin sé gur críoch Úcránach í an Chrimé agus gur cuid d’arm na hÚcráine í reisimint Azov. Ina theannta sin, sheas Ushakova le ciontuithe Nikita Tushkanov, Daniil Bondarenko agus Stanislav Shevchenko, bunaithe ar chúiseanna polaitiúla as “bonn cirt a bheith á thabhairt don sceimhlitheoireacht” ina ráitis ar na meáin shóisialta nó i gcomhráite príobháideacha, go háirithe maidir le pléascadh Dhroichead na Crimé.

Dá bhrí sin tá Marina Ushakova freagrach as sáruithe tromchúiseacha i réimse chearta an duine, lena n-áirítear sáruithe ar an gceart chun saoirse tuairimíochta agus chun tuairimí a nochtadh, as cos ar bolg a dhéanamh ar an tsochaí shibhialta agus ar an bhfreasúra daonlathach, agus as gníomhaíochtaí lena mbaintear an bonn go tromchúiseach den smacht reachta sa Rúis.

20.11.2025

62.

Svetlana Sergeevna RYGALOVA

(Светлана Сергеевна РЫГАЛОВА)

Post: Ionchúisitheoir de Criminal Judicial Department of the Prosecutor's Office of Vladimir Region, Comhairleoir Ceartais Shóisearaigh

Náisiúntacht: Rúiseach

Inscne: baineann

Ghlac Svetlana Rygalova, agus í ina hionchúisitheoir i Prosecutor's Office of the Vladimir Region (Oifig Ionchúisitheora Réigiún Vladimir), páirt in ionchúiseamh Alexei Gorinov, iar-ionadaí bardasach i gceantar Krasnoselsky i Moscó, ar chúiseanna polaitiúla, as a thuairim maidir le cogadh foghach na Rúise ar an Úcráin a chur in iúl.

D’fhormheas an tIonchúisitheoir Svetlana Sergeevna Rygalova an díotáil i gcás coiriúil agus bhí sí i gceannas ar ionchúiseamh Alexei Gorinov faoi Airteagal 205.2 de Chód Coiriúil na Rúise as “bonn cirt a bheith á thabhairt don sceimhlitheoireacht”, agus mhol sí go ngearrfaí téarma príosúnachta 3 bliana go leith air. Bhí cás an ionchúisimh bunaithe ar ráitis a rinne Gorinov i gcomhrá lena chomrádaithe sa chillín ar líomhnaíodh ina leith gur aithin sé gur críoch Úcránach í an Chrimé agus gur cuid d’arm na hÚcráine í reisimint Azov. Ar bhonn dhíotáil Svetlana Sergeevna Rygalova, gearradh 3 bliana príosúnachta ar Alexei Gorinov.

Dá bhrí sin tá Svetlana Rygalova freagrach as sáruithe tromchúiseacha i réimse chearta an duine, lena n-áirítear sáruithe ar an gceart chun saoirse tuairimíochta agus chun tuairimí a nochtadh, as cos ar bolg a dhéanamh ar an tsochaí shibhialta agus ar an bhfreasúra daonlathach, agus as gníomhaíochtaí lena mbaintear an bonn go tromchúiseach den smacht reachta sa Rúis.

20.11.2025

▼M5

►C1 63. ◄

Dmitry Sergeyevich Gordeev

(Дмитрий Сергеевич ГОРДЕЕВ)

Feidhm: Breitheamh de Chúirt Chathair Mhoscó

Dáta breithe: 9.8.1983

Náisiúntacht: Rúiseach

Inscne: fireann

Is breitheamh é Dmitry Gordeev de chuid Chúirt Chathair Mhoscó agus roimhe sin de chuid Chúirt Dúiche Tverskoy i gcathair Mhoscó.

Tá rialuithe dar siocair an pholaitíocht eisithe arís agus arís eile ag Dmitry Gordeev i gcoinne daoine ón bhfreasúra agus i gcoinne chosantóirí i réimse chearta an duine. Léiríonn a iompar breithiúnach neamhaird chórasach ar chaighdeáin bhunúsacha an cheartais neamhchlaonta. Diúltaíonn sé go rialta scrúdú a dhéanamh ar fhianaise shaorthach, lena n-áirítear fístaifeadtaí a bhréagnaíonn éilimh na bpóilíní, agus glacann sé go comhsheasmhach le tuarascálacha póilíneachta neamhfhíoraithe nó cóipeáilte óna iar-chomhghleacaithe, ónar léir claontacht, coinbhleacht leasa agus easpa neamhspleáchais bhreithiúnaigh. Léirítear lena rialuithe patrún inaitheanta ar í an pholaitíocht is cúis leis agus atá ailínithe le leasanna sheirbhísí slándála na Rúise. Dúradh faoin ról atá aige gur cuid de “meaisín diansmachtúil” é, meaisín nach mór oibriú gan teipeanna, rud a aibhsíonn go bhfuil feidhm lárnach aige maidir le hionchúisimh dar siocair an pholaitíocht a chur chun feidhme.

Trína ghníomhaíochtaí leantacha, tá an tsochaí shibhialta, an freasúra daonlathach agus cosantóirí i réimse chearta an duine curtha faoi chois ag Dmitry Gordeev, tá an bonn bainte aige de neamhspleáchas na mbreithiúna agus den smacht reachta, agus tá ionchúisimh dar siocair an pholaitíocht éascaithe aige go gníomhach. Tacaíonn a chinntí go hábharach le hoibriú leanúnach ghaireas diansmachtúil stáit na Rúise agus cumasaíonn siad oibriú leanúnach an ghairis sin.

Dá bhrí sin, tá Dmitry Gordeev freagrach as sáruithe tromchúiseacha i réimse chearta an duine, as cos ar bolg a dhéanamh ar an tsochaí shibhialta agus ar an bhfreasúra daonlathach, agus as gníomhaíochtaí lena mbaintear an bonn go tromchúiseach den daonlathas agus den smacht reachta sa Rúis.

22.12.2025

►C1 64. ◄

Lyudmila BALANDINA

(Людмила БАЛАНДИНА)

Feidhm: Ionchúisitheoir

Dáta breithe: 16.11.1984

Náisiúntacht: Rúiseach

Inscne: baineann

Is ionchúisitheoir í Lyudmila Balandina a raibh ról lárnach aici i roinnt cásanna ardphróifíle dar príomhthréith sáruithe tromchúiseacha i réimse chearta an duine agus cur faoi chois daoine aonair a cháin údaráis na Rúise nó a thacaigh leis an Úcráin.

Bhain Lyudmila Balandina mí-úsáid chórasach as a post mar ionchúisitheoir Stáit chun cúisimh a shaothrú dar siocair an pholaitíocht, chun reitric idé-eolaíoch atá ailínithe le bolscaireacht na Creimile a úsáid agus chun pionóis iomarcacha a lorg as gníomhartha síochánta lenar nochtadh tuairimí. Léiríonn a hiompar iarracht leanúnach thomhaiste chun an tsochaí shibhialta a chur faoi chois, easaontú a chur ina thost agus insintí Stáit a dhlisteanú lena maítear gurb ionann Rialtas na Rúise a cháineadh nó tacú leis an Úcráin agus gníomh antoisceachais nó sceimhlitheoireachta a dhéanamh.

Trí na hionchúisimh sin a thionscnamh agus a choinneáil ar bun, bhí baint dhíreach ag Lyudmila Balandina le sáruithe agus mí-úsáidí tromchúiseacha i réimse chearta an duine, lena n-áirítear sárú i leith na saoirse chun tuairimí a nochtadh, an chirt chun triail chóir a fháil agus an toirmisc ar ionchúiseamh treallach, ar cearta iad a chosnaítear faoin gCúnant Idirnáisiúnta ar Chearta Sibhialta agus Polaitiúla agus faoin gCoinbhinsiún Eorpach um Chearta an Duine.

Baineann gníomhaíochtaí Lyudmila Balandina an bonn go tromchúiseach den daonlathas agus den smacht reachta sa Rúis, tríd an gcóras breithiúnach a úsáid mar uirlis chun críoch géarleanúna polaitiúla agus trí chur leis an bpatrún níos leithne de chur faoi chois atá ar bun ag an Stát i gcoinne iriseoirí, pearsana cultúrtha agus guthanna an fhreasúra.

Dá bhrí sin, tá Lyudmila Balandina freagrach as sáruithe tromchúiseacha i réimse chearta an duine, as cos ar bolg a dhéanamh ar an tsochaí shibhialta agus ar an bhfreasúra daonlathach, agus as gníomhaíochtaí lena mbaintear an bonn go tromchúiseach den daonlathas agus den smacht reachta sa Rúis.

22.12.2025

▼M6

65.

Aleksei Vasilyevich VALIZER

(Rúisis: Алексей Васильевич ВАЛИЗЕР)

Post: ceann Choilíneacht Phionósach 10 UFSIN in Altai Krai

Dáta breithe: 7.9.1982

Náisiúntacht: Rúiseach

Inscne: fireann

Is é Aleksei Valizer ceann Choilíneacht Phionósach 10 UFSIN in Altai Krai. Is príosúnach é Aleksei Gorinov atá á choinneáil sa tsaoráid sin ón 17 Iúil 2025. Gearradh téarma príosúnachta 6 bliana agus 11 mhí ar Aleksei Gorinov as “faisnéis a bhí a fhios aige a bheith bréagach” a scaipeadh go poiblí faoi fhórsaí armtha na Rúise agus ina dhiaidh sin gearradh téarma príosúnachta 3 bliana air as “an sceimhlitheoireacht a chosaint go poiblí”. D’aithin an clár “Tacaíocht Chuimhneacháin do Phríosúnaigh Pholaitiúla” é mar phríosúnach polaitiúil. Agus pianbhreith á comhlíonadh aige sa choilíneacht phionósach, cuireadh Gorinov i ngaibhniú aonair ar an toirt agus fágadh gan cóir leighis é in ainneoin gur aithníodh roimhe seo siomptóim eitinne a bheith air. Cuireadh síneadh leis an bpionós sin go huathfheidhmeach roinnt uaireanta ar chúiseanna áiféiseacha, mar shampla: “gan na lámha a choinneáil taobh thiar den droim” agus “spéaclaí agus litreacha a chur ar an mbord cois leapa”. Tá Valizer, ina cháil mar cheann na coilíneachta pionósaí, freagrach as beartas na saoráide sin i leith Gorinov.

Dá bhrí sin, tá Aleksei Valizer freagrach as sáruithe agus mí-úsáidí tromchúiseacha i réimse chearta an duine agus as an tsochaí shibhialta agus an freasúra daonlathach a chur faoi chois.

23.2.2026

66.

Anton Vladimirovich RYCHAR

(Rúisis: Антон Владимирович РЫЧАР)

Post: ceann Ionad Coinneála Réamhthrialach 1 UFSIN i Réigiún Féinrialaitheach na nGiúdach

Dáta breithe: 9.1.1985

Náisiúntacht: Rúiseach

Inscne: fireann

Is é Anton Rychar ceann Ionad Coinneála Réamhthrialach 1 UFSIN i Réigiún Féinrialaitheach na nGiúdach. Coinníodh Pavel Kushnir, ceoltóir a raibh seasamh frithchogaidh aige, sa tsaoráid sin ó mhí na Bealtaine 2024 go dtí go bhfuair sé bás an 28 Iúil 2025. Cúisíodh é as “glaonna chun sceimhlitheoireachta” sna ráitis a rinne sé i gcoinne údaráis na Rúise. Le linn a phríosúnachta, chuaigh sé ar stailc ocrais thirim a mhair dhá mhí. De réir theistiméireachtaí na bhfinnéithe, chaill sé thart ar 10 gcileagram agus bhí cuma cnámharlaigh air. Dúirt foinsí eile gur thug a chomhphríosúnaigh greadadh do Kushnir agus é faoi choimeád. Lena chois sin, chonaic finné ball gorm ar aghaidh Kushnir. Tá Anton Rychar freagrach as na dálaí príosúnachta Kushnir, as ar eascair a bhás de dheasca cóir leighis neamhleor.

Dá bhrí sin, tá Anton Rychar freagrach as sáruithe nó mí-úsáidí tromchúiseacha i réimse chearta an duine agus as an tsochaí shibhialta agus an freasúra daonlathach a chur faoi chois.

23.2.2026

67.

Maksim Aleksandrovich PRILEPSKY

(Rúisis: Максим Александрович ПРИЛЕПСКИЙ)

Post: ceann Choilíneacht Phionósach 5 UFSIN i Réigiún Oryol

Dáta breithe: 30.10.1976

Náisiúntacht: Rúiseach

Inscne: fireann

Is é Maksim Prilepsky ceann Choilíneacht Phionósach 5 UFSIN i Réigiún Oryol. Is príosúnach é Mikhail Kriger atá á choinneáil sa tsaoráid sin. An 17 Bealtaine 2023, gearradh téarma príosúnachta 7 mbliana air ar chúiseanna polaitiúla as “an sceimhlitheoireacht a chosaint go poiblí” agus as “an bpobal a ghríosú chun fuatha agus chun naimhdis ar ghrúpa sóisialta agus foréigean a bhagairt ar an ngrúpa sin”. D’aithin an clár “Tacaíocht Chuimhneacháin do Phríosúnaigh Pholaitiúla” é mar phríosúnach polaitiúil. Agus a phianbhreith á comhlíonadh aige sa choilíneacht phionósach, cuireadh Kriger i ngaibhniú aonair arís agus arís eile lenar ghabh dálaí diana as siocair, a líomhnaítear, gur chuir príosúnaigh eile bagairt air. De réir chosantóirí i réimse chearta an duine agus de réir Kriger féin, áfach, ba chúis áiféiseach é agus ba é cineál polaitiúil a cháis a spreag an leithlisiú. Cuireadh Kriger i ngaibhniú aonair ar feadh tréimhse 90 lá agus ní riabh cead aige cuairteanna gaolta nó litreacha ó thaobh amuigh den choilíneacht phionósach a fháil. Mar thoradh air sin, chuaigh Kriger ar stailc ocrais a mhair 51 lá. Tá Prilepsky, ina cháil mar cheann na coilíneachta pionósaí, freagrach as beartas na saoráide sin i leith Kriger.

Dá bhrí sin, tá Maksim Prilepsky freagrach as sáruithe nó mí-úsáidí tromchúiseacha i réimse chearta an duine agus as an tsochaí shibhialta agus an freasúra daonlathach a chur faoi chois.

23.2.2026

68.

Vyacheslav Nikolaevich PISKLOV

(Rúisis: Вячеслав Николаевич ПИСКЛОВ)

Post: ceann Choilíneacht Phionósach 9 UFSIN in Altai Krai

Dáta breithe: 15.8.1985

Náisiúntacht: Rúiseach

Inscne: fireann

Is é Vyacheslav Pisklov ceann Choilíneacht Phionósach 9 UFSIN in Altai Krai. Is príosúnach í Maria Ponomarenko atá á coinneáil sa tsaoráid sin. An 15 Feabhra 2023, gearradh téarma príosúnachta 6 bliana uirthi ar na cúiseanna go raibh “faisnéis bhréagach” á scaipeadh aici faoi fhórsaí armtha na Rúise. I mí an Mhárta 2025, le linn di a bheith i bpríosún, gearradh téarma príosúnachta 22 mhí bhreise uirthi as foréigean a úsáid, a líomhnaítear, i gcoinne fhoireann an phríosúin. D’aithin an clár “Tacaíocht Chuimhneacháin do Phríosúnaigh Pholaitiúla” í mar phríosúnach polaitiúil. Agus pianbhreith á comhlíonadh aici sa choilíneacht phionósach, tugadh drochíde do Ponomarenko, lena n-áirítear í a chur i ngaibhniú aonair lenar ghabh dálaí diana arís agus arís eile ar chúiseanna áiféiseacha agus í a fhágáil gan cóir leighis. Mar thoradh air sin, mheath a sláinte agus rinne sí trí iarracht féinmharaithe, dhá cheann acu sin sa choilíneacht phionósach. Tá Pisklov, ina cháil mar cheann na coilíneachta pionósaí, freagrach as beartas na saoráide sin i leith Ponomarenko.

Dá bhrí sin, tá Vyacheslav Pisklov freagrach as sáruithe nó mí-úsáidí tromchúiseacha i réimse chearta an duine agus as an tsochaí shibhialta agus an freasúra daonlathach a chur faoi chois.

23.2.2026

69.

Sergei Vladimirovich FILICHEV

(Rúisis: Сергей Bладимирович ФИЛИЧЕВ)

Post: breitheamh i gCúirt Dúiche Lomonosovsky i gCathair Pheadair

Dáta breithe: 1984

Náisiúntacht: Rúiseach

Inscne: fireann

Ina cháil mar ionchúisitheoir i gCúirt Dúiche Lomonosovsky i gCathair Pheadair, d’iarr Sergei Filichev go ngearrfaí téarma príosúnachta dhá bhliain go leith ar Dmitry Nikolaevich Skurikhin, fiontraí agus polaiteoir áitiúil, ar chúiseanna polaitiúla as míchlú, mar dheá, a tharraingt ar fhórsaí armtha na Rúise. Bhí a mheon frithchogaidh agus frithshlógaidh curtha in iúl go poiblí arís agus arís eile ag Skurikhin.

Dá bhrí sin, tá Sergei Filichev freagrach as sáruithe tromchúiseacha i réimse chearta an duine, go háirithe an chirt chun saoirse tuairimíochta agus tuairimí a nochtadh, agus as cos ar bolg a imirt ar an bhfreasúra daonlathach sa Rúis.

23.2.2026

70.

Eva Alexandrovna GIUNTER

(Rúisis: Ева Александровна ГЮНТЕР)

Post: breitheamh i gCúirt Dúiche Moskovsky i gCathair Pheadair

Dáta breithe: 17.12.1974

Náisiúntacht: Rúiseach

Inscne: baineann

Uimhir an phas inmheánaigh: 3299205055

Dáta eisiúna: 24.2.2000

Ina cáil mar bhreitheamh i gCúirt Dúiche Moskovsky i gCathair Pheadair, ghearr Eva Giunter pianbhreith 5 bliana go leith ar Oleg Vasilievich Belousov, baintreach fir ag a bhfuil mac fásta cleithiúnach atá faoi mhíchumas meabhrach, ar chúiseanna polaitiúla as “faisnéis bhréagach” a scaipeadh faoi fhórsaí armtha na Rúise agus as “glaonna poiblí chun antoisceachai”. Ina theannta sin, chuir Giunter cuireadh toirmeasc ar Belousov ábhar a phostáil ar líonraí teileachumarsáide, lena n-áirítear an tidirlíon, ar feadh 4 bliana. Gabhadh Oleg Belousov an 28 Meitheamh 2022 as ábhar frithchogaidh a fhoilsiú ar an ardán meán sóisialta VK.

Dá bhrí sin, tá Eva Giunter freagrach as sáruithe tromchúiseacha i réimse chearta an duine, go háirithe an chirt chun saoirse tuairimíochta agus tuairimí a nochtadh, agus as cos ar bolg a imirt ar an tsochaí shibhialta sa Rúis.

23.2.2026

71.

Ilya Alekseevich PLESHKOV

(Rúisis: Илья Алексеевич ПЛЕШКOВ)

Post: imscrúdaitheoir sinsearach i gCúirt Dúiche Moskovsky i gCathair Pheadair

Dáta breithe: 1993

Náisiúntacht: Rúiseach

Inscne: fireann

Ina cháil mar imscrúdaitheoir sinsearach i Roinn Imscrúdaitheach Cheantar Moskovsky i gCathair Pheadair, bhí Ilya Pleshkov i gceannas ar an imscrúdú ar Oleg Belousov, baintreach fir ag a bhfuil mac fásta cleithiúnach atá faoi mhíchumas meabhrach, ar chúiseanna polaitiúla as “faisnéis bhréagach” a scaipeadh faoi fhórsaí armtha na Rúise. Gabhadh Oleg Belousov an 28 Meitheamh 2022 as ábhar frithchogaidh a fhoilsiú ar an ardán meán sóisialta VK. Gearradh téarma príosúnachta 5 bliana go leith ar Belousov agus cuireadh toirmeasc 4 bliana air ábhar a phostáil ar chainéil teileachumarsáide.

Dá bhrí sin, tá Ilya Pleshkov freagrach as sáruithe tromchúiseacha i réimse chearta an duine, go háirithe an chirt chun saoirse tuairimíochta agus tuairimí a nochtadh, agus as cos ar bolg a imirt ar an tsochaí shibhialta sa Rúis.

23.2.2026

72.

Andrey Pavlovich SHIBAKOV

(Rúisis: Андрей Павлович ШИбАКОВ)

Post: breitheamh i gCúirt Dúiche Lomonosovsky i réigiún Leningrad, Cathair Pheadair

Dáta breithe: 30.12.1969

Náisiúntacht: Rúiseach

Inscne: fireann

Uimhir an phas inmheánaigh: 4001793958

Ina cháil mar bhreitheamh i gCúirt Dúiche Lomonosovsky i gCathair Pheadair, ghearr Andrey Shibakov pianbhreith dar fad bliain go leith ar Dmitry Nikolaevich Skurikhin, fiontraí agus polaiteoir áitiúil, ar chúiseanna polaitiúla as “míchlú a tharraingt” ar fhórsaí armtha na Rúise. Bhí a mheon frithchogaidh agus frithshlógaidh curtha in iúl go poiblí arís agus arís eile ag Skurikhin.

Dá bhrí sin, tá Andrey Shibakov freagrach as sáruithe tromchúiseacha i réimse chearta an duine, go háirithe an chirt chun saoirse tuairimíochta agus tuairimí a nochtadh, agus as cos ar bolg a imirt ar an tsochaí shibhialta sa Rúis.

23.2.2026

▼M8

73.

Vasily Anatolevich KALASHNIKOV

(Rúisis: Василий Анатольевич КАЛАНИКОВ)

Post: Oibrí in Forensic Science Institute of the Federal Security Service of the Russian Federation (FSB) Special Equipment Center (Institiúid na hEolaíochta Fóiréinsí i Lárionad Trealaimh Speisialta Sheirbhís Slándála Cónaidhme Chónaidhm na Rúise (FSB))

Dáta breithe: 11.1.1975

Náisiúntacht: Rúiseach

Inscne: fireann

Oibrí in Institiúid na hEolaíochta Fóiréinsí i Lárionad Trealaimh Speisialta Sheirbhís Slándála Cónaidhme Chónaidhm na Rúise (FSB) agus saineolaí ar an gcrómatagrafaíocht gháis-mais-speictriméadracht atá in Vasily Kalashnikov, a bhí ina phearsa ríthábhachtach san iarracht a rinne foireann FSB an fhianaise fhóiréinseach uile i leith nimhiú Alexei Navalny a scriosadh. A bhuí le saineolas teicniúil Vasily Kalashnikov, bhíothas in ann a áirithiú nár fhan aon rian ceimiceach inbhraite ar ghiuirléidí Navalny.

Dá bhrí sin, tá Vasily Kalashnikov freagrach as tacaíocht theicniúil agus ábhartha a thabhairt chun an freasúra daonlathach a chur faoi chois trí chúnamh a thabhairt do na gníomhartha sin agus iad a éascú.

15.6.2026

74.

Mikhail Mikhailovich SHVETS

(Rúisis: Михаил Михайлович ШВЕЦ)

ar a dtugtar freisin Mikhail STEPANOV

(Rúisis: Михаил СТЕПАНОВ)

Post: Oibrí in Federal Security Service of the Russian Federation (FSB) Special Operations Center (Lárionad Oibríochtaí Speisialta Sheirbhís Slándála Cónaidhme Chónaidhm na Rúise (FSB))

Dáta breithe: 3.5.1977 (15.4.1974 i gcás an ailias Mikhail Stepanov)

Áit bhreithe: Poblacht Shóivéadach Shóisialach na Rúise (Cónaidhm na Rúise anois)

Náisiúntacht: Rúiseach

Inscne: fireann

Is oibrí ardchéime é Mikhail Shvets i Lárionad Oibríochtaí Speisialta Sheirbhís Slándála Cónaidhme Chónaidhm na Rúise (FSB). Sna himscrúduithe ar nimhiú Alexei Navalny, sainaithnítear Mikhail Shvets mar chomhalta lárnach den “fhoireann nimhithe” líomhnaithe, agus déantar cur síos ar an úsáid a bhain sé as an ailias “Mikhail Stepanov” chun imscaradh ceilte néaroibreáin a éascú. Chuidigh Mikhail Shvets leis an iarracht feallmharaithe trí thacaíocht lóistíochta agus faireachais a sholáthar.

Dá bhrí sin, tá Mikhail Shvets freagrach as tacaíocht ábhartha a thabhairt chun an freasúra daonlathach a chur faoi chois trí chúnamh a thabhairt do na gníomhartha sin agus iad a éascú.

15.6.2026

75.

Alexei Leonidovich KRIVOSHCHEKOV

(Rúisis: Алексей Леонидович КРИВОЩЕКОВ)

Post: Oifigeach sa Service for the Protection of the Constitutional Order and Countering Terrorism of the Federal Security Service of the Russian Federation (FSB) (an tSeirbhís um an Ord Bunreachtúil a Chosaint agus um Sceimhlitheoireacht a Chomhrac de chuid Sheirbhís Slándála Cónaidhme Chónaidhm na Rúise (FSB))

Dáta breithe: 11.4.1979

Náisiúntacht: Rúiseach

Inscne: fireann

Is oifigeach den tSeirbhís um an Ord Bunreachtúil a Chosaint agus um Sceimhlitheoireacht a Chomhrac de chuid Sheirbhís Slándála Cónaidhme Chónaidhm na Rúise (FSB) é Alexei Krivoshchekov ó 2008 i leith. Sa phost sin, bhí sé ina bhall de ghrúpa oifigeach FSB a bhí ag feidhmiú faoi chéannacht bhréagach chun faireachas leanúnach a dhéanamh ar Alexei Navalny i gcaitheamh roinnt turas laistigh den Rúis, ó 2017 go 2019. Bhí Alexei Krivoshchekov agus beirt oifigeach eile ag déanamh faireachán ar Alexei Navalny le linn an chéad iarrachta nimhithe go luath in 2017, tráth a bhí sé ag taisteal go Kirov.

Dá bhrí sin, tá Alexei Krivoshchekov freagrachas tacaíocht theicniúil agus ábhartha a chur ar fáil chun an freasúra daonlathach a chur faoi chois trí chúnamh a thabhairt do na gníomhartha sin agus iad a éascú.

15.6.2026

76.

Valery Nikolaevich SUKHAREV

(Rúisis: Валерий Николаевич СУХАРЕВ)

ar a dtugtar freisin Nikolai Aleksandrovich GOROKHOV

(Rúisis: Николай Александрович ГОРОХОВ)

Post: Oifigeach Sinsearach in Service for the Protection of the Constitutional Order and Countering Terrorism of the Federal Security Service of the Russian Federation (FSB) (an tSeirbhís um an Ord Bunreachtúil a Chosaint agus um Sceimhlitheoireacht a Chomhrac de chuid Sheirbhís Slándála Cónaidhme Chónaidhm na Rúise (FSB))

Dáta breithe: 2.4.1956

Náisiúntacht: Rúiseach

Inscne: fireann

Is oifigeach sinsearach é Valery Sukharev sa tSeirbhís um an Ord Bunreachtúil a Chosaint agus Sceimhlitheoireacht a Chomhrac de chuid Sheirbhís Slándála Cónaidhme Chónaidhm na Rúise (FSB). Sa phost sin, bhí sé ina bhall de ghrúpa oifigeach FSB a bhí ag feidhmiú faoi chéannacht bhréagach chun faireachas leanúnach a dhéanamh ar Alexei Navalny i gcaitheamh roinnt turas laistigh den Rúis, ó 2017 go 2019. Bhí Valery Sukharev agus beirt oifigeach eile ag déanamh faireachán ar Alexei Navalny le linn an chéad iarrachta nimhithe go luath in 2017, tráth a bhí sé ag taisteal go Kirov.

Dá bhrí sin, tá Valery Sukharev freagrach as tacaíocht theicniúil agus ábhartha a thabhairt chun an freasúra daonlathach a chur faoi chois trí chúnamh a thabhairt do na gníomhartha sin agus iad a éascú.

15.6.2026

77.

Oleg Borisovich TAYAKIN

(Rúisis: Олег Борисович ТАЯКИН)

ar a dtugtar freisin Oleg TARASOV

(Rúisis: Олег ТАРАСОВ)

Post: Oifigeach in Institiúid Eolaíochta Fóiréinsí Sheirbhís Slándála Cónaidhme Chónaidhm na Rúise (FSB) (Federal Security Service of the Russian Federation (FSB))

Dáta breithe: 6.12.1980 (6.6.1980 i gcás an ailias Oleg Tarasov)

Áit bhreithe: Poblacht Shóivéadach Shóisialach na Rúise (Cónaidhm na Rúise anois)

Náisiúntacht: Rúiseach

Inscne: fireann

Is oifigeach é Oleg Tayakin in Institiúid Eolaíochta Fóiréinsí Sheirbhís Slándála Cónaidhme Chónaidhm na Rúise (FSB) a raibh ról lárnach aige sna hoibríochtaí faireachais agus cumarsáide a bhain le nimhiú ceimiceach Alexei Navalny. De réir na dtorthaí maidir leis an nimhiú sin, ba é Oleg Tayakin an príomh-chomhordaitheoir don mhisean, ba eisean a bhainistigh an chumarsáid agus an tacaíocht lóistíochta ó ionad ceannais de chuid FSB atá lonnaithe i Moscó.

Dá brí sin, tá Oleg Tayakin freagrach as tacaíocht theicniúil agus ábhartha a thabhairt chun an freasúra daonlathach a chur faoi chois trí chúnamh a thabhairt do na gníomhartha sin agus iad a éascú.

15.6.2026

78.

Alexander Grigorievich MURAKHOVSKY

(Rúisis: Александр Григорьевич МУРАХОВСКИЙ)

Post: Iar-Phríomh-Dhochtúir in Omsk Emergency Hospital No.1; Ceann ar ospidéal míleata in Omsk faoi láthair

Dáta breithe: 1.7.1971

Áit bhreithe: Omsk, Poblacht Shóivéadach Shóisialach na Rúise (Cónaidhm na Rúise anois)

Náisiúntacht: Rúiseach

Inscne: fireann

Is é Alexander Murakhovsky an tIar-Phríomh-Dhochtúir in Omsk Emergency Hospital No.1. Sa phost sin, shéan sé gur nimhíodh Alexei Navalny, dúirt gur “neamhoird mheitibileacha” ba chúis le tinneas Alexei Navalny agus dhiúltaigh sé é a aistriú chuig an nGearmáin lena chóireáil. Ina dhiaidh sin, deimhníodh in anailísí a rinneadh sa Ghearmáin gurbh amhlaidh a nimhíodh Alexei Navalny le substaint ón ngrúpa Novichok. Tá Alexander Murakhovsky ina Cheann ar ospidéal míleata in Omsk faoi láthair.

Dá bhrí sin, tá Alexander Murakhovsky freagrach as tacaíocht theicniúil agus ábhartha a thabhairt chun an freasúra daonlathach a chur faoi chois trí chúnamh a thabhairt do na gníomhartha sin agus iad a éascú.

15.6.2026

79.

Aleksandr Vladimirovich SABAEV

(Rúisis: Александр Владимирович САБАЕВ)

Post: Príomh-Thocsaineolaí agus Ceann Roinn an Ghéarnimhithe in Omsk Emergency Hospital No.1

Náisiúntacht: Rúiseach

Inscne: fireann

Is é Aleksandr Sabaev an Príomh-Thocsaineolaí san ospidéal inar cuireadh cóireáil leighis ar Alexei Navalny, sular aslonnaíodh é go dtí an Ghearmáin tar éis na hiarrachta ar é a fheallmharú trí nimhiú. Rinne Aleksandr Sabaev beag is fiú arís agus arís eile de nimhiú Alexei Navalny, dúirt sé gur neamhord meitibileach ba chúis lena dhrochshláinte agus dhiúltaigh sé faisnéis faoi riocht Alexei Navalny a scaoileadh le comhghleacaithe Alexei Navalny.

Dá bhrí sin, tá Aleksandr Sabaev freagrach as tacaíocht theicniúil agus ábhartha a thabhairt chun an freasúra daonlathach a chur faoi chois trí chúnamh a thabhairt do na gníomhartha sin agus iad a éascú.

15.6.2026

80.

Anatolii Vyacheslavovich RAZINKIN

(Rúisis: Анатолий Вячеславович РАЗИНКИН)

Post: An Chéad Leas-Phríomh-Ionchúisitheoir de chuid Chónaidhm na Rúise

Dáta breithe: 24.1.1977

Áit bhreithe: Samara Region, Poblacht Shóivéadach Shóisialach na Rúise (Cónaidhm na Rúise anois)

Náisiúntacht: Rúiseach

Inscne: fireann

Is é Anatolii Razinkin an Chéad Leas-Phríomh-Ionchúisitheoir de chuid Chónaidhm na Rúise. Sa phost sin, d’fhormheas sé díotáil Alexei Navalny i gcás coiriúil ar chúisimh maidir le calaois agus díspeagadh cúirte. I mí an Mhárta 2022, fuair an chúirt Alexei Navalny ciontach i gcalaois agus i ndíspreagadh cúirte agus ghearr sí téarma príosúnachta 9 mbliana air i gcoilíneacht phionósach, agus na pianbhreitheanna uile á gcur san áireamh.

Dá bhrí sin, tá Anatolii Razinkin freagrach as sáruithe tromchúiseacha ar chearta an duine, lena n-áirítear an tsaoirse tuairimíochta agus an tsaoirse chun tuairimí a nochtadh a shárú, agus as gníomhaíochtaí lena mbaintear an bonn go tromchúiseach den smacht reachta sa Rúis.

15.6.2026

81.

Alexei Anatolievich ALEKSANDROV

(Rúisis: Алексей Анатольевич АЛЕКСАНДРОВ)

Post: Maorghinearál Dlí agus Cirt agus Ceann Roinn Imscrúdaithe Idir-Réigiúnach Iompair Oirthearach Choiste Fiosrúcháin Chónaidhm na Rúise; iarCheann Roinn Imscrúdaithe Iompair na Sibéire Thiar Choiste Fiosrúcháin Chónaidhm na Rúise.

Dáta breithe: 22.12.1975

Áit bhreithe: Poblacht Shóivéadach Shóisialach na Rúise (Cónaidhm na Rúise anois)

Náisiúntacht: Rúiseach

Inscne: fireann

INN (Uimhir Aitheantais Cánach Rúiseach): 220408759681

Is Ard-Ghinearál Dlí agus Cirt é Alexei Aleksandrov a bhí ina Cheann ar Roinn Imscrúdaithe Iompair na Sibéire Thiar de Choiste Fiosrúcháin Chónaidhm na Rúise tráth nimhiú Alexei Navalny. Sa cháil sin, dhiúltaigh Alexei Aleksandrov imscrúdú a dhéanamh ar nimhiú Alexei Navalny.

In 2022, tugadh ardú céime do Alexei Aleksandrov agus rinneadh Ceann ar Roinn Imscrúdaitheach Idir-Réigiúnach Iompair Oirthearach Choiste Imscrúdaitheach Chónaidhm na Rúise, agus tá sé ag obair sa ról sin ó shin.

Dá bhrí sin, tá Alexei Aleksandrov freagrach as sáruithe nó mí-úsáidí tromchúiseacha i réimse chearta an duine agus as an tsochaí shibhialta agus an freasúra daonlathach a chur faoi chois.

15.6.2026

82.

Natalia Vladimirovna KONOVALOVA

(Rúisis: Наталья Владимировна КОНОВАЛОВА)

Post: Breitheamh de Chúirt Chathair Mhoscó

Dáta breithe: 15.12.1972

Náisiúntacht: Rúiseach

Inscne: baineann

Is Breitheamh de Chúirt Chathair Mhoscó í Natalia Konovalova. Sheas sí le cinneadh Chúirt Dúiche Lefortovo, a dhiúltaigh don ghearán i gcoinne Stiúrthóireacht Imscrúdaitheach Sheirbhís Slándála Cónaidhme Chónaidhm na Rúise (FSB) as a neamhghníomhaíocht maidir le nimhiú Alexei Navalny.

Ina theannta sin, chuir Natalia Konovalova síneadh roimhe sin le coinneáil bhaill an bhanna ceoil Pussy Riot agus sheas sí le gabháil an iriseora Mheiriceánaigh Evan Gershkovich, an iriseora Rúisigh Ivan Safronov agus an mhic léinn Rúisigh Ibragim Orudzhey.

Dá bhrí sin, tá Natalia Konovalova freagrach as sáruithe nó mí-úsáidí tromchúiseacha i réimse chearta an duine agus as an tsochaí shibhialta agus an freasúra daonlathach a chur faoi chois.

15.6.2026

83.

Marina Andreeva BOBEK

(Rúisis: Марина Андреева БОБЕК)

Post: Ionchúisitheoir i Roinn Oifig Phríomh-Ionchúisitheoir Chónaidhm na Rúise

Dáta breithe: 12.8.1986

Náisiúntacht: Rúiseach

Inscne: baineann

Is Ionchúisitheoir i Roinn Oifig Phríomh-Ionchúisitheoir Chónaidhm na Rúise í Marina Bobek. Sa ról sin, bhí sí freagrach as roinnt cásanna d’ionchúiseamh coiriúil a bhain le saoránaigh de Chónaidhm na Rúise a chuir i gcoinne an réimis pholaitiúil atá ann faoi láthair, lena n-áirítear cásanna a bhaineann le Alexei Navalny.

Dá bhrí sin, tá Marina Bobek freagrach as sáruithe nó mí-úsáidí tromchúiseacha i réimse chearta an duine agus as an tsochaí shibhialta agus an freasúra daonlathach a chur faoi chois.

15.6.2026

84.

Ekaterina Petrovna IVANNIKOVA

(Rúisis: Екатерина Петровна ИВАННИКОВА)

Post: Ionchúisitheoir i Roinn Achomhairc Roinn Choiriúil agus Bhreithiúnach Oifig an Ionchúisitheora, Moscó

Dáta breithe: 6.4.1988

Náisiúntacht: Rúiseach

Inscne: baineann

Is Ionchúisitheoir i Roinn Achomhairc Roinn Choiriúil agus Bhreithiúnach Oifig an Ionchúisitheora Chónaidhm na Rúise í Ekaterina Ivannikova. Sa ról sin, bhí sí freagrach as ionchúiseamh coiriúil a bhain le saoránaigh de chuid Chónaidhm na Rúise a chuir i gcoinne an réimis pholaitiúil atá ann faoi láthair. Bhí baint ag Ekaterina Ivannikova leis an tsabaitéireacht a rinneadh ar an imscrúdú ar nimhiú Alexei Navalny. Ina theannta sin, bhí baint ag Ekaterina Ivannikova le cás Serebrennikov trí dhiúltú do Alexei Malobrodsky a aistriú ó choinneáil go braighdeanas baile.

Dá bhrí sin, tá Ekaterina Ivannikova freagrach as sáruithe nó mí-úsáidí tromchúiseacha ar chearta an duine, as cos ar bolg a dhéanamh ar an tsochaí shibhialta agus ar an bhfreasúra daonlathach, agus as gníomhaíochtaí lena mbaintear an bonn go tromchúiseach den daonlathas nó den smacht reachta sa Rúis.

15.6.2026

85.

Aleksandr Vladimirovich GUTSAN

(Rúisis: Александр Владимирович ГУЦАН)

Post: Príomh-Ionchúisitheoir Chónaidhm na Rúise

Dáta breithe: 6.7.1960

Áit bhreithe: Siversky settlement, Gatchinsky District, Leningrad Region, Poblacht Shóivéadach Shóisialach na Rúise (Cónaidhm na Rúise anois)

Náisiúntacht: Rúiseach

Inscne: fireann

INN (Uimhir Aitheantais Cánach Rúiseach): 781610240809

Is é Aleksandr Gutsan Príomh-Ionchúisitheoir Chónaidhm na Rúise ó mhí Mheán Fómhair 2025 i leith. Sa ról sin, bhí sé freagrach as an achainí chun eagraíocht Alexei Navalny, an Fhondúireacht in aghaidh an Éillithe (ACF) a dhearbhú mar eagraíocht sceimhlitheoireachta, agus ar an gcaoi sin aon chomhlachas le ACF a choiriúlú. Mar thoradh ar an gcoiriúlú sin, gabhadh líon mór daoine ó lucht tacaíochta ACF ar chúisimh maidir le “maoiniú sceimhlitheoireachta”.

Dá bhrí sin, tá Aleksandr Gutsan freagrach as sáruithe nó mí-úsáidí tromchúiseacha ar chearta an duine, as cos ar bolg a dhéanamh ar an tsochaí shibhialta agus ar an bhfreasúra daonlathach, as gníomhaíochtaí lena mbaintear an bonn go tromchúiseach den daonlathas agus den smacht reachta sa Rúis.

15.6.2026

86.

Oleg Nikolaevich NEFEDOV

(Rúisis: Олег Николаевич НЕФЕДОВ)

Post: Breitheamh de Chúirt Uachtarach Chónaidhm na Rúise; Cathaoirleach ar an gComhdhéanamh Breithiúnach Céadchéime den Choláiste Breithiúnach um Chásanna Riaracháin i gCúirt Uachtarach Chónaidhm na Rúise

Dáta breithe: 1.8.1974

Áit bhreithe: Kuznetsk, Poblacht Shóivéadach Shóisialach na Rúise (Cónaidhm na Rúise anois)

Náisiúntacht: Rúiseach

Inscne: fireann

SNILS: 07750947803

Tá Oleg Nefedov ina Bhreitheamh de Chúirt Uachtarach Chónaidhm na Rúise ó bhí 2017 ann agus tá sé ina Chathaoirleach ar an gComhdhéanamh Breithiúnach Céadchéime den Choláiste Breithiúnach um Chásanna Riaracháin i gCúirt Uachtarach Chónaidhm na Rúise ó bhí 2023 ann.

Ina ról mar Bhreitheamh den Chúirt Uachtarach, bhí Oleg Nefedov i gceannas ar roinnt rialuithe a chuir srian ar an tsaoirse eagrúcháin, ar an bhfreasúra polaitiúil agus ar chearta an duine, lena n-áirítear eagraíocht Alexei Navalny, an Fhondúireacht Frith-Éillithe, a ainmniú mar eagraíocht sceimhlitheoireachta. Rialaigh Oleg Nefedov cosc a chur ar an “gluaiseacht idirnáisiúnta LADT”.

Dá bhrí sin, tá Oleg Nefedov freagrach as sáruithe nó mí-úsáidí tromchúiseacha ar chearta an duine, as cos ar bolg a dhéanamh ar an tsochaí shibhialta agus ar an bhfreasúra daonlathach, as gníomhaíochtaí lena mbaintear an bonn go tromchúiseach den daonlathas agus den smacht reachta sa Rúis.

15.6.2026

87.

Roman Yurievich PLUGIN

(Rúisis: Роман Юрьевич ПЛУГИН)

Post: Leifteanant-Ghinearál na bPóilíní; Coimisinéir Phóilíní Chathair Pheadair; Ceann Phríomh-Stiúrthóireacht na hAireachta Gnóthaí Baile do Chathair Pheadair agus do Réigiún Leningrad

Dáta breithe: 10.3.1975

Áit bhreithe: Stavropol, Poblacht Shóivéadach Shóisialach na Rúise (Cónaidhm na Rúise anois)

Náisiúntacht: Rúiseach

Inscne: fireann

Uimhir aitheantais chánach: 502719429607

SNILS: 10906646049

Is é Roman Plugin Ceann Phríomh-Stiúrthóireacht na hAireachta Gnóthaí Baile do Chathair Pheadair agus do Réigiún Leningrad, ar a dtugtar Póilíní Chathair Pheadair freisin.

Sa ról sin, tá sé freagrach as an tsaoirse cainte a theorannú trí ordú a thabhairt go ndéanfaí lucht caointe Alexei Navalny a ghabháil agus a choinneáil ar chothrom lae a bháis, agus go ndéanfaí ceoltóirí sráide síochánta a ghabháil i gCathair Pheadair a chan amhráin a measadh gur léirigh siad tacaíocht don fhreasúra.

Dá bhrí sin, tá Roman Plugin freagrach as sáruithe nó mí-úsáidí tromchúiseacha ar chearta an duine agus as gníomhaíochtaí lena mbaintear an bonn den daonlathas nó den smacht reachta sa Rúis.

15.6.2026

▼M9

88.

Elena Gennadyevna BAGUDINA

(Rúisis: Елена Геннадьевна БАГУДИНА)

Post: Ard-Stiúrthóir Communication Platform LLC

Dáta breithe: 11.3.1954

Náisiúntacht: Rúiseach

Inscne: baineann

Is í Elena Bagudina Ard-Stiúrthóir Communication Platform LLC, ar fochuideachta é de chuid VK (ar a dtugtaí VKontakte roimhe seo) agus arb í forbróir agus bainisteoir an fheidhmchláir fón póca Max í, feidhmchlár a fhaigheann tacaíocht ón stát. Ina post mar Ard-Stiúrthóir, tá sí freagrach as feidhmchlár Max a fhorbairt agus a bhainistiú. Rinne an tSeirbhís Slándála Cónaidhme (FSB) maoirseacht ar fhorbairt fheidhmchlár Max, lenar bunaíodh na ceanglais nár mhór d’fhorbróirí fheidhmchlár Max a chomhlíonadh. Ní mór feidhmchlár Max a réamhshuiteáil ar gach fón póca agus táibléad a dhíoltar sa Rúis, agus tá sé comhtháite leis an tseirbhís Gosuslugi.

De réir go leor saineolaithe, tá gnéithe fairsinge faireachais ag feidhmchlár Max agus is féidir leis faireachán a dhéanamh ar chumarsáid, lena n-áirítear úsáid líonraí príobháideacha fíorúla (VPNanna), sonraí a bhailiú maidir le feidhmchláir eile atá suiteáilte ar fhóin, faireachán a dhéanamh ar leabhair seoltaí, suíomh na n-úsáideoirí a shainaithint agus nuashonruithe uathrialacha a shuiteáil. In éineacht le tabhairt isteach agus cur chun cinn fheidhmchlár Max ag stát na Rúise, rinneadh cniogbheartaíocht ar fheidhmchláir neamhspleácha eile agus cuireadh bac orthu, feidhmchláir amhail WhatsApp agus Telegram, chomh maith le feachtas chun teorainn a chur le húsáid VPNanna, rud a chuir ar chumas úsáideoirí rochtain a fháil ar ábhar ar cuireadh bac air sa Rúis.

Bhí faisnéis a bhailigh údaráis na Rúise trí fheidhmchlár Max mar bhonn chun fíneáil a ghearradh ar shaoránach Rúiseach as ábhar a postáladh ar an bhfeidhmchlár.

Dá bhrí sin, tá tacaíocht theicniúil á cur ar fáil ag Elena Bagudina chun cos ar bolg a imirt ar an tsochaí shibhialta agus ar an bhfreasúra daonlathach, lena n-áirítear trí chúnamh a thabhairt chun gníomhartha den chineál sin a dhéanamh agus chun iad a éascú.

13.7.2026

89.

Dmitry Valerianovich GACHKO

(Rúisis: Дмитрий Валерьянович ГАЧКО)

Post: Ard-Stiúrthóir agus úinéir tairbhiúil VAS Experts

Dáta breithe: 16.8.1976

Náisiúntacht: Rúiseach

Inscne: fireann

Is é Dmitry Gachko Ard-Stiúrthóir agus úinéir tairbhiúil na cuideachta faoi dhliteanas teoranta VAS Experts, a mhonaraíonn, a fhorbraíonn agus a dhíolann crua-earraí agus bogearraí a bhaineann leis an gCóras um Bearta Imscrúdaitheacha Oibriúcháin (SORM), mar a thugtar air. Ina phost mar Ard-Stiúrthóir agus úinéir tairbhiúil, tá sé freagrach as gníomhaíochtaí VAS Experts a bhaineann le crua-earraí agus bogearraí a bhaineann le SORM a mhonarú agus a sholáthar.

Is córas faireachais é SORM a úsáidtear ó bhí lár na 1990idí ann chun cumarsáid idirlín agus cumarsáid mhóibíleach sa Rúis a rialú, is é sin faireachán a dhéanamh ar ghlaonna gutháin, ríomhphoist, úsáid an idirlín, teachtaireachtaí téacs, agus líonraí sóisialta. Tá ceangal dlíthiúil ar sholáthraithe fón póca agus idirlín SORM a shuiteáil. Tá sé suiteáilte i ngach lárionad sonraí Rúiseach agus ag gach pointe malartaithe idirlín agus i mórinnill chuardaigh. Déantar trácht úsáideoirí a chóipeáil chuig freastalaí ar leith nó chuig lárionad sonraí atá ar fáil don tSeirbhís Slándála Cónaidhme (FSB).

Bailíonn SORM faisnéis faoi shuíomh fisiceach úsáideoirí, patrúin ghníomhaíochta úsáideoirí, am úsáide an gléas, iompraíocht úsáideoirí agus úsáid cártaí SIM éagsúla i ngléas amháin nó níos mó. Is féidir é a úsáid go cúlghabhálach agus i ngan fhios don soláthraí.

Baineadh úsáid as SORM chun díriú ar iriseoirí, ar dhaoine ón bhfreasúra, ar ghrúpaí mionlaigh agus ar ghnáthshaoránaigh. Baineadh úsáid as freisin chun lucht tacaíochta fhreasúra na Rúise, ceannairí amhail Alexei Navalny, eagraithe agóidí, daoine aonair a reáchtáil cuntais idirlín a cháin údaráis na Rúise nó a chuir tuarascálacha ar fáil maidir leis an staid pholaitiúil agus gníomhaithe a chuir i gcoinne an chogaidh fhoghaigh ar an Úcráin a ionchúiseamh. Baineadh úsáid as SORM freisin chun daoine aonair a bhfuil amhras fúthu go bhfuil siad i mbun gníomhaíochtaí frithrialtais a choinneáil roimh ré. Bhí tionchar mór ag SORM ar chumas shaoránaigh na Rúise rochtain a fháil ar fhaisnéis neamhchlaonta faoin gcogadh foghach ar an Úcráin. Baineadh úsáid as freisin chun bac a chur ar thrácht ó na mílte suíomh gréasáin agus seirbhísí san Iarthar agus chun bac a chur ar rochtain orthu.

Tá baint ag VAS Experts le SORM a fhorbairt, a sholáthar agus a chothabháil, lena n-áirítear crua-earraí agus bogearraí atá comhtháite i líonraí teileachumarsáide, rud a chuireann ar chumas gníomhaireachtaí faisnéise rochtain a fháil ar an trácht ar fad. Is príomhsholáthróir de chuid SORM é VAS Experts a chomhlíonann ceanglais idircheaptha arna sainordú ag FSB agus a thacaíonn le hoibriú bhonneagar faireachais cumarsáide na Rúise. Feidhmíonn VAS Experts laistigh de chreat arna bhunú agus arna mhaoirsiú ag údaráis na Rúise. Formheasann na húdaráis sin ceanglais theicniúla maidir le himscaradh SORM, ceanglaíonn siad ar oibreoirí pleananna cur chun feidhme a chomhordú, maoirseacht a dhéanamh ar chomhlíonadh, agus úsáid a bhaint as an trealamh le haghaidh gníomhaíochtaí idircheaptha dhírigh. Dá bhrí sin, forbraíonn agus soláthraíonn VAS Experts trealamh atá deartha go sonrach chun ceanglais faireachais arna mbunú ag FSB a chomhlíonadh.

Dá bhrí sin, tá Dmitry Gachko ag tabhairt tacaíocht ábhartha chun sháruithe tromchúiseacha a dhéanamh ar chearta an duine agus mí-úsáidí tromchúiseacha a bhaint astu agus chun cos ar bolg a dhéanamh ar an tsochaí shibhialta agus ar an bhfreasúra daonlathach.

13.7.2026

90.

Sergey Anatolevich OVCHINNIKOV

(Rúisis: Сергей Анатольевич ОВЧИННИКОВ)

Post: Stiúrthóir Feidhmiúcháin agus úinéir tairbhiúil Closed Joint-Stock Company “Norsi-Trans”

Dáta breithe: 5.5.1955

Náisiúntacht: Rúiseach

Inscne: fireann

Is é Sergey Ovchinnikov Stiúrthóir Feidhmiúcháin agus úinéir tairbhiúil Closed Joint-Stock Company “Norsi-Trans”, a mhonaraíonn, a fhorbraíonn agus a dhíolann crua-earraí agus bogearraí a bhaineann leis an gCóras um Bearta Imscrúdaitheacha Oibriúcháin (SORM), mar a thugtar air. Ina phost mar Stiúrthóir Feidhmiúcháin agus mar úinéir tairbhiúil, tá sé freagrach as gníomhaíochtaí “Norsi-Trans” a bhaineann le crua-earraí agus bogearraí a bhaineann le SORM a mhonarú agus a sholáthar.

Is córas faireachais é SORM a úsáideadh ó bhí lár na 1990idí ann chun cumarsáid idirlín agus cumarsáid mhóibíleach sa Rúis a rialú, is é sin faireachán a dhéanamh ar ghlaonna gutháin, ríomhphoist, úsáid an idirlín, teachtaireachtaí téacs, agus líonraí sóisialta. Tá ceangal dlíthiúil ar sholáthraithe fón póca agus idirlín SORM a shuiteáil. Tá sé suiteáilte i ngach lárionad sonraí Rúiseach agus ag gach pointe malartaithe idirlín, agus i mórinnill chuardaigh. Déantar trácht úsáideoirí a chóipeáil chuig freastalaí ar leith nó chuig lárionad sonraí atá ar fáil don tSeirbhís Slándála Cónaidhme (FSB).

Bailíonn SORM faisnéis faoi shuíomh fisiceach úsáideoirí, patrúin ghníomhaíochta úsáideoirí, am úsáide an ghléis, iompraíocht úsáideoirí agus úsáid cártaí SIM éagsúla i ngléas amháin nó níos mó. Is féidir é a úsáid go cúlghabhálach agus i ngan fhios don soláthraí.

Baineadh úsáid as SORM chun díriú ar iriseoirí, ar dhaoine ón bhfreasúra, ar ghrúpaí mionlaigh agus ar ghnáthshaoránaigh. Baineadh úsáid as freisin chun lucht tacaíochta fhreasúra na Rúise, ceannairí amhail Alexei Navalny, eagraithe agóidí, daoine aonair a reáchtáil cuntais idirlín a cháin údaráis na Rúise nó a chuir tuarascálacha ar fáil maidir leis an staid pholaitiúil agus gníomhaithe a chuir i gcoinne an chogaidh fhoghaigh ar an Úcráin a ionchúiseamh. Baineadh úsáid as SORM freisin chun daoine aonair a bhfuil amhras fúthu go bhfuil siad i mbun gníomhaíochtaí frithrialtais a choinneáil roimh ré. Bhí tionchar mór ag SORM ar chumas na Rúise rochtain a fháil ar fhaisnéis neamhchlaonta faoin gcogadh foghach ar an Úcráin. Baineadh úsáid as chun bac a chur ar thrácht ó na mílte suíomh gréasáin agus seirbhísí san Iarthar agus chun bac a chur ar rochtain orthu.

Tá baint ag Norsi-Trans le SORM a fhorbairt, a sholáthar agus a chothabháil, lena n-áirítear crua-earraí agus bogearraí atá comhtháite i líonraí teileachumarsáide, agus dá bhrí sin, a chuireann ar chumas gníomhaireachtaí faisnéise rochtain a fháil ar an trácht ar fad. Áirítear le SORM trealamh faireacháin a shuiteáiltear i saoráidí soláthraithe teileachumarsáide. Soláthraíonn an trealamh faireacháin sin faisnéis chuig gníomhaireacht faisnéise rialtas na Rúise, lena n-áirítear ar ghlaonna gutháin, teachtaireachtaí téacs, ríomhphoist agus trácht idirlín. Le SORM, éascaítear freisin rochtain ar shonraí cumarsáide a bhaineann le feidhmchlár teachtaireachtaí, meiteashonraí, uimhreacha móibíleacha, aitheantóirí teileafóin, geoshuíomh, ainmneacha, seoltaí ríomhphoist agus seoltaí IP.

Is príomhsholáthróir de chuid SORM é Norsi-Trans a chomhlíonann ceanglais idircheaptha arna sainordú ag FSB agus a thacaíonn le hoibriú bhonneagar faireachais cumarsáide na Rúise. Feidhmíonn Norsi-Trans laistigh de chreat arna bhunú agus arna mhaoirsiú ag údaráis na Rúise. Formheasann na húdaráis sin ceanglais theicniúla maidir le himscaradh SORM, ceanglaíonn siad ar oibreoirí pleananna cur chun feidhme a chomhordú, maoirseacht a dhéanamh ar chomhlíonadh, agus úsáid a bhaint as an trealamh le haghaidh gníomhaíochtaí idircheaptha dhírigh. Dá bhrí sin, forbraíonn agus soláthraíonn Norsi-Trans trealamh atá deartha go sonrach chun ceanglais faireachais arna sainiú ag FSB a chomhlíonadh.

Dá bhrí sin, tá Sergey Ovchinnikov ag tabhairt tacaíocht ábhartha chun sáruithe tromchúiseacha a dhéanamh ar chearta an duine agus mí-úsáidí tromchúiseacha a bhaint astu agus chun cos ar bolg a dhéanamh ar an tsochaí shibhialta agus ar an bhfreasúra daonlathach.

13.7.2026

91.

Mikhail Mikhailovich FOMIN

(Rúisis: Михаил Михайлович ФОМИН)

Post: Stiúrthóir Feidhmiúcháin LLC Citadel

Dáta breithe: 22.3.1981

Náisiúntacht: Rúiseach

Inscne: fireann

Is é Mikhail Fomin Stiúrthóir Feidhmiúcháin LLC Citadel.

Feidhmíonn LLC Citadel i Moscó agus in Nizhny Novgorod agus déanann siad bogearraí agus crua-earraí a fhorbairt, a chur chun feidhme agus tugann siad tacaíocht dóibh le haghaidh an Chórais um Bearta Imscrúdaitheacha Oibriúcháin (SORM), mar a thugtar air. Is é LLC Citadel an monaróir is mó agus tuairiscítear gurb é an soláthróir crua-earraí agus bogearraí SORM is tábhachtaí sa Rúis é. Ina phost mar Stiúrthóir Feidhmiúcháin, tá sé freagrach as gníomhaíochtaí LLC Citadel a bhaineann le crua-earraí agus bogearraí a bhaineann le SORM a mhonarú agus a sholáthar.

Is córas faireachais é SORM a úsáideadh ó bhí lár na 1990idí ann chun cumarsáid idirlín agus cumarsáid mhóibíleach sa Rúis a rialú, is é sin faireachán a dhéanamh ar ghlaonna gutháin, ríomhphoist, úsáid an idirlín, teachtaireachtaí téacs, agus líonraí sóisialta. Tá ceangal dlíthiúil ar sholáthraithe fón póca agus idirlín SORM a shuiteáil. Tá sé suiteáilte i ngach lárionad sonraí Rúiseach agus ag gach pointe malartaithe idirlín agus i mórinnill chuardaigh. Déantar trácht úsáideoirí a chóipeáil chuig freastalaí ar leith nó chuig lárionad sonraí atá ar fáil don tSeirbhís Slándála Cónaidhme (FSB).

Tá baint ag LLC Citadel le SORM a fhorbairt, a sholáthar agus a chothabháil, lena n-áirítear crua-earraí agus bogearraí atá comhtháite i líonraí teileachumarsáide, agus dá bhrí sin, a chuireann ar chumas gníomhaireachtaí faisnéise rochtain a fháil ar an trácht ar fad. Áirítear le SORM trealamh faireacháin a shuiteáiltear i saoráidí soláthraithe teileachumarsáide. Soláthraíonn an trealamh faireacháin sin faisnéis chuig gníomhaireacht faisnéise rialtas na Rúise, lena n-áirítear ar ghlaonna gutháin, teachtaireachtaí téacs, ríomhphoist agus trácht idirlín. Éascaítear le SORM freisin rochtain ar shonraí cumarsáide a bhaineann le feidhmchlár teachtaireachtaí, meiteashonraí, uimhreacha móibíleacha, aitheantóirí teileafóin, geoshuíomh, ainmneacha agus seoltaí ríomhphoist agus seoltaí IP.

Is príomhsholáthróir de chuid SORM é LLC Citadel a chomhlíonann ceanglais idircheaptha arna sainordú ag FSB agus a thacaíonn le hoibriú bhonneagar faireachais cumarsáide na Rúise. Feidhmíonn LLC Citadel laistigh de chreat arna bhunú agus arna mhaoirsiú ag údaráis na Rúise. Formheasann na húdaráis sin ceanglais theicniúla maidir le himscaradh SORM, ceanglaíonn siad ar oibreoirí pleananna cur chun feidhme a chomhordú, maoirseacht a dhéanamh ar chomhlíonadh, agus úsáid a bhaint as an trealamh le haghaidh gníomhaíochtaí idircheaptha dhírigh. Dá bhrí sin, forbraíonn agus soláthraíonn LLC Citadel trealamh atá deartha go sonrach chun ceanglais faireachais arna sainiú ag FSB a chomhlíonadh.

Dá bhrí sin, tá Mikhail Fomin ag tabhairt tacaíocht ábhartha chun sháruithe tromchúiseacha a dhéanamh ar chearta an duine agus mí-úsáidí tromchúiseacha a bhaint astu agus chun cos ar bolg a dhéanamh ar an tsochaí shibhialta agus ar an bhfreasúra daonlathach.

13.7.2026

92.

Alexander Vladimirovich GNUTOV

(Rúisis: Александр Владимирович ГНУТОВ)

Post: Ceann Choilíneacht Phionósach Uimh. 10 (ó 2024 i leith);

Iar-Leas-Cheann Choilíneacht Phionósach Uimh. 10 (ó 2022 go 2024)

Dáta breithe: 9.8.1980

Náisiúntacht: Rúiseach

Inscne: fireann

Pasuimhir: 6100202615

Is é Alexander Gnutov Ceann Choilíneacht Phionósach Uimh. 10 atá suite i sráidbhaile Udarny i gCeantar Zubovo-Polyansky i bPoblacht na Mordóive. Sa phost sin, déanann sé maoirseacht dhíreach ar na gníomhaíochtaí a dhéantar i gCoilíneacht Phionósach Uimh. 10 agus tá sé freagrach astu, agus theip air cosaint chearta agus sábháilteacht na ndaoine atá á gcoinneáil agus caomhnú an oird phoiblí ann a chinntiú. Dá bhrí sin, tá Alexander Gnutov freagrach as an mí-úsáid a bhaineann na baill foirne as na príosúnaigh i gCoilíneacht Phionósach Uimh. 10.

Tá na céadta Úcránach, idir phríosúnaigh chogaidh agus sibhialtaigh, a gabhadh ar chríocha na hÚcráine atá faoi fhorghabháil á gcoinneáil i gCoilíneacht Phionósach Uimh. 10. Labhraíonn iar-chimí ar an íde mhídhaonna tháireach agus ar an gcéasadh a dhéantar inti lena n-áirítear turraingí leictreacha, greadadh, staidiúirí struis agus na hothrais thrófacha is toradh dóibh, foréigean gnéasach, básuithe bréige agus diúltú cúraim leighis. Caitear le sibhialtaigh ar an gcaoi chéanna agus a chaitear leis na príosúnaigh cogaidh agus coinnítear gan triail gan stádas iad. Tá tuairisc tugtha ag cosantóirí i réimse chearta an duine ó 2012 i leith faoi na dálaí mídhaonna agus an céasadh a dhéantar i gCoilíneacht Phionósach Uimh. 10, i gcás príosúnaigh Rúiseacha chomh maith.

Dá bhrí sin, tá Alexander Gnutov freagrach as sáruithe nó mí-úsáidí tromchúiseacha i réimse chearta an duine, lena n-áirítear céasadh agus íde eile atá cruálach, mídhaonna nó táireach.

13.7.2026

93.

Alexei Vladimirovich ANASHKIN

(Rúisis: Алексей Владимирович АНАШКИН)

Post: Leas-Cheann Choilíneacht Phionósach Uimh. 10

Dáta breithe: 9.6.1978

Náisiúntacht: Rúiseach

Inscne: fireann

Pasuimhir: 8902524698

Is é Alexei Anashkin Leas-Cheann Choilíneacht Phionósach Uimh. 10, atá suite i sráidbhaile Udarny i gCeantar Zubovo-Polyansky i bPoblacht na Mordóive. Sa phost sin, déanann sé maoirseacht dhíreach ar na gníomhaíochtaí a dhéantar i gCoilíneacht Phionósach Uimh. 10 agus tá sé freagrach astu agus theip air cosaint chearta agus sábháilteacht na ndaoine atá á gcoinneáil agus caomhnú an oird phoiblí a chinntiú ann. Dá bhrí sin, tá Alexei Anashkin freagrach as an mí-úsáid a bhaineann na baill foirne as na príosúnaigh i gCoilíneacht Phionósach Uimh. 10.

Tá na céadta Úcránach, idir phríosúnaigh chogaidh agus sibhialtaigh, a gabhadh ar chríocha na hÚcráine atá faoi fhorghabháil, á gcoinneáil i gCoilíneacht Phionósach Uimh. 10. Labhraíonn iar-chimí ar an íde mhídhaonna tháireach agus ar an gcéasadh a dhéantar inti lena n-áirítear turraingí leictreacha, greadadh, staidiúirí struis agus na hothrais thrófacha is toradh dóibh, foréigean gnéasach, básuithe bréige agus diúltú cúraim leighis. Caitear le sibhialtaigh ar an gcaoi chéanna agus a chaitear leis na príosúnaigh cogaidh agus coinnítear gan triail gan stádas iad. Tá tuairisc tugtha ag cosantóirí i réimse chearta an duine ó 2012 i leith faoi na dálaí mídhaonna agus an céasadh a dhéantar sa tsaoráid sin, i gcás príosúnaigh Rúiseacha chomh maith.

Dá bhrí sin, tá Alexei Anashkin freagrach as sáruithe nó mí-úsáidí tromchúiseacha i réimse chearta an duine, lena n-áirítear céasadh agus íde eile atá cruálach, mídhaonna nó táireach.

13.7.2026

94.

Egor Viktorovich AVERKIN

(Rúisis: Егор Викторович АВЕРКИН)

Post: Leas-Cheann Choilíneacht Phionósach Uimh. 10

Dáta breithe: 8.10.1992

Náisiúntacht: Rúiseach

Inscne: fireann

Pasuimhir: 8912267789

Is é Ivan Egor Averkin Leas-Cheann Choilíneacht Phionósach Uimh. 10 atá suite i sráidbhaile Udarny i gCeantar Zubovo-Polyansky i bPoblacht na Mordóive. Sa phost sin, déanann sé maoirseacht dhíreach ar na gníomhaíochtaí a dhéantar i gCoilíneacht Phionósach Uimh. 10 agus tá sé freagrach astu agus theip air cosaint chearta agus sábháilteacht na ndaoine atá á gcoinneáil agus caomhnú an oird phoiblí a chinntiú ann. Dá bhrí sin, tá Egor Averkin freagrach as an mí-úsáid a bhaineann na baill foirne as na príosúnaigh i gCoilíneacht Phionósach Uimh. 10.

Dá bhrí sin, tá Egor Averkin freagrach as sáruithe nó mí-úsáidí tromchúiseacha i réimse chearta an duine, lena n-áirítear céasadh agus íde eile atá cruálach, mídhaonna nó táireach.

13.7.2026

95.

Alexander Anatolevich GRISHANIN

(Rúisis: Александр Анатольевич ГРИШАНИН)

Post: Leas-Cheann Choilíneacht Phionósach Uimh. 10

Dáta breithe: 6.10.1991

Náisiúntacht: Rúiseach

Inscne: fireann

Pasuimhir: 8911222216

Is é Alexander Grishanin Leas-Cheann Choilíneacht Phionósach Uimh. 10, atá suite i sráidbhaile Udarny i gCeantar Zubovo-Polyansky i bPoblacht na Mordóive. Sa phost sin, déanann sé maoirseacht dhíreach ar na gníomhaíochtaí a dhéantar i gCoilíneacht Phionósach Uimh. 10 agus tá sé freagrach astu agus theip air cosaint chearta agus sábháilteacht na ndaoine atá á gcoinneáil agus caomhnú an oird phoiblí a chinntiú ann. Dá bhrí sin, tá Alexander Grishanin freagrach as an mí-úsáid a bhaineann na baill foirne as na príosúnaigh i gCoilíneacht Phionósach Uimh. 10.

Dá bhrí sin, tá Alexander Grishanin freagrach as sáruithe nó mí-úsáidí tromchúiseacha i réimse chearta an duine, lena n-áirítear céasadh agus íde eile atá cruálach, mídhaonna nó táireach.

13.7.2026

96.

Semyon Viktorovich KUZNETSOV

(Rúisis: Семен Викторович КУЗНЕЦОВ)

Post: Leas-Cheann Choilíneacht Phionósach Uimh. 10

Dáta breithe: 18.11.1982

Náisiúntacht: Rúiseach

Inscne: fireann

Pasuimhir: 79271857062

Is é Semyon Kuznetsov Leas-Cheann Choilíneacht Phionósach Uimh. 10, atá suite i sráidbhaile Udarny i gCeantar Zubovo-Polyansky i bPoblacht na Mordóive. Sa phost sin, déanann sé maoirseacht dhíreach ar na gníomhaíochtaí a dhéantar i gCoilíneacht Phionósach Uimh. 10 agus tá sé freagrach astu agus theip air cosaint chearta agus sábháilteacht na ndaoine atá á gcoinneáil agus caomhnú an oird phoiblí a chinntiú ann. Dá bhrí sin, tá Semyon Kuznetsov freagrach as an mí-úsáid a bhaineann na baill foirne as na príosúnaigh i gCoilíneacht Phionósach Uimh. 10.

Dá bhrí sin, tá Semyon Kuznetsov freagrach as sáruithe nó mí-úsáidí tromchúiseacha i réimse chearta an duine, lena n-áirítear céasadh agus íde eile atá cruálach, mídhaonna nó táireach.

13.7.2026

97.

Ivan Vasilyevich VESHKIN

(Rúisis: Иван Васильевич ВЕШКИН)

Post: Leas-Cheann Choilíneacht Phionósach Uimh. 10

Dáta breithe: 22.12.1991

Náisiúntacht: Rúiseach

Inscne: fireann

Pasuimhir: 8903739994

Is é Ivan Veshkin Leas-Cheann Choilíneacht Phionósach Uimh. 10, atá suite i sráidbhaile Udarny i gCeantar Zubovo-Polyansky i bPoblacht na Mordóive. Sa phost sin, déanann sé maoirseacht dhíreach ar na gníomhaíochtaí a dhéantar i gCoilíneacht Phionósach Uimh. 10 agus tá sé freagrach astu agus theip air cosaint chearta agus sábháilteacht na ndaoine atá á gcoinneáil agus caomhnú an oird phoiblí a chinntiú ann. Dá bhrí sin, tá Ivan Veshkin freagrach as an mí-úsáid a bhaineann na baill foirne as na príosúnaigh i gCoilíneacht Phionósach Uimh. 10.

Dá bhrí sin, tá Ivan Veshkin freagrach as sáruithe nó mí-úsáidí tromchúiseacha i réimse chearta an duine, lena n-áirítear céasadh agus íde eile atá cruálach, mídhaonna nó táireach.

13.7.2026

98.

Galina Vasilievna MOKSHANOVA

(Rúisis: Галина Васильевна МОКШАНОВА)

Post: Ceann Aonad Leighis Uimh. 13, Coilíneacht Phionósach Uimh. 10

Dáta breithe: 16.1.1966

Náisiúntacht: Rúiseach

Inscne: baineann

Pasuimhir: 8910200628

Is é Galina Mokshanova Ceann Aonad Leighis Uimh. 13 i gCoilíneacht Phionósach Uimh. 10 atá suite i sráidbhaile Udarny i gCeantar Zubovo-Polyansky i bPoblacht na Mordóive. Sa phost sin, tá gníomhaíochtaí a dhéantar i seirbhísí leighis Choilíneacht Phionósach Uimh. 10 á bpleanáil, á stiúradh, á n-ordú agus á n-éascú aici. Dá bhrí sin, tá Galina Mokshanova freagrach as an mí-úsáid a bhaineann na baill foirne as na príosúnaigh i gCoilíneacht Phionósach Uimh. 10.

Dá bhrí sin, tá Galina Mokshanova freagrach as sáruithe nó mí-úsáidí tromchúiseacha i réimse chearta an duine, lena n-áirítear céasadh agus íde eile atá cruálach, mídhaonna nó táireach.

13.7.2026

▼B

B. Daoine dlítheanacha, eintitis agus comhlachtaí

	Ainm	Faisnéis aitheantais	Ráiteas ar chúiseanna	Dáta an liostaithe
1.	FEDERAL PENITENTIARY SERVICE OF THE RUSSIAN FEDERATION (FSIN) ФЕДЕРАЛЬНАЯ СЛУЖБА ИСПОЛНЕНИЯ НАКАЗАНИЙ (ФСИН) (RU)	Seoladh: Sráid Zhitnaya 14, Yakimanka District, Central Administrative Okrug, Moscó. Suíomh gréasáin: http://www.fsin.su/eng	Is gníomhaireacht chónaidhme é an Federal Penitentiary Service of the Russian Federation (FSIN) faoi mhaoirseacht Aireacht Dlí agus Cirt na Rúise. Is é FSIN an t-údarás cónaidhme a bhíonn ag déileáil le daoine amhrasta agus ciontaithe a choinneáil, slándáil agus cothabháil na bpríosún sa Rúis, iompar príosúnach agus cláir athshlánaithe. Dá réir sin, is é FSIN an t-údarás lárnach a bhainistíonn córas príosúin na Rúise, a bhfuil cáil air mar gheall ar a mhí-úsáid fhorleathan chórasach agus a dhrochíde i gcoinne príosúnaigh pholaitiúla sa Rúis. Mar ghníomhaireacht chónaidhme, tá FSIN freagrach as na coilíneachtaí pionósacha inar coinníodh an polaiteoir freasúra Rúiseach Alexei Navalny ar chúiseanna a bhfuil údar polaitiúil leo agus a fuair bás ar deireadh an 16 Feabhra 2024. Le linn a phríosúnachta, tugadh drochíde d’Alexei Navalny, lena n-áirítear trína choinneáil faoi ghaibhniú aonair arís agus arís eile i gcill phionóis agus íde chruálach mhídhaonna tháireach a thabhairt dó, rud a d’fhág go ndeachaigh a shláinte in olcas go mór. Caitheadh go dona le príosúnaigh pholaitiúla eile i gcóras príosúin na Rúise, faoi dhálaí diana comhchosúla agus tugadh drochíde dóibh, drochíde arbh é is aidhm di iad a bhriseadh –go fisiceach agus go síceolaíoch. Tá FSIN freagrach, dá bhrí sin, as sáruithe tromchúiseacha ar chearta an duine sa Rúis, lena n-áirítear céasadh agus íde nó pionós eile atá cruálach, mídhaonna nó táireach.	27.5.2024
▼M8
2.	►C2 IPJSC NTK ar a dtugtar freisin International Public Joint-Stock Company NTK ar a dtugtar freisin NTH International Joint Stock Company ar a dtugtar freisin MKAO NTKh ar a dtugtar freisin MKAO NTH (Rúisis: MKAO НТХ) ◄	Seoladh: 236004, Kaliningrad region, Kaliningrad, Okyabrskaya street 71-73, room 25 Ríomhphost: info@ntechlab.ru Suíomh gréasáin Rúiseach: www.ntechlab.ru Suíomh gréasáin idirnáisiúnta: www.ntechlab.com INN: 3900040153 KPP: 390001001 OGRN: 1253900004412 OKPO: 87427827	Is é IPJSC NTK cuideachta sealbhaíochta NtechLab. Is cuideachta teicneolaíocht aghaidh-aitheanta Rúiseach é NtechLab, atá faoi réir smachtbhannaí an Aontais. Chomhoibrigh sé le Roinn Teicneolaíochtaí Faisnéise Chathair Mhoscó maidir le forbairt an chórais aghaidh-aitheanta i Moscó. Bhain Príomh-Stiúrthóireacht Gnóthaí Inmheánacha Chathair Mhoscó úsáid as an gcóras aghaidh-aitheanta i Moscó mar uirlis cos ar bolg chun faireachán a dhéanamh ar iriseoirí neamhspleácha, ar ghníomhaithe freasúra agus ar rannpháirtithe in agóidí síochánta a thacaigh le Alexei Navalny agus a bhí i gcoinne ionradh na Rúise ar an Úcráin, agus chun iad a choinneáil. Bunaíodh IPJSC NTK chun oibríochtaí NtechLab a ghlacadh ar láimh nuair a d’aistrigh an chuideachta go dtí an Rúis. Dá bhrí sin, tá IPJSC NTK freagrach as tacaíocht theicniúil nó ábhartha a thabhairt chun sáruithe tromchúiseacha a dhéanamh ar chearta an duine sa Rúis, lena n-áirítear gabhálacha nó coinneáil threallach, agus as sáruithe nó mí-úsáid na saoirse comhthionóil síochánta agus na saoirse comhlachais.	15.6.2026
▼M9
3.	VK (ar a dtugtaí Mail.ru group, VK Company Limited roimhe seo) (Rúisis: VK)	Seoladh: Moscó, 125167, Leningradsky prospekt 39, bld. 79 Vk.com Vk company INN (Uimhir aitheantais chánach Rúiseach): 3900015862 Uimhir aitheantais chánach (TIN): 3900015862 OGRN (Príomhuimhir aitheantais stáit): 1233900010585	Tá VK ar cheann de na príomhchuideachtaí teicneolaíochta sa Rúis. Le VK, soláthraítear seirbhísí ríomhphoist agus comhrá agus reáchtáiltear feidhmchláir agus suíomh gréasáin meán sóisialta VKontakte. Is é VK máthairchuideachta Communication Platform LLC, forbróir agus bainisteoir an fheidhmchláir fón póca Max a fhaigheann tacaíocht ón stát. Rinne an tSeirbhís Slándála Cónaidhme (FSB) maoirseacht ar fhorbairt fheidhmchlár Max, lenar bunaíodh ceanglais nár mhór d’fhorbróirí fheidhmchlár Max a chomhlíonadh. Ní mór feidhmchlár Max a réamhshuiteáil ar gach fón póca agus táibléad a dhíoltar sa Rúis, agus tá sé comhtháite leis an tseirbhís Gosuslugi. De réir go leor saineolaithe, tá gnéithe fairsinge faireachais ag feidhmchlár Max agus is féidir leis faireachán a dhéanamh ar chumarsáid, lena n-áirítear úsáid líonraí príobháideacha fíorúla (VPNanna), sonraí a bhailiú maidir le feidhmchláir eile atá suiteáilte ar ghutháin, faireachán a dhéanamh ar leabhair seoltaí, suíomh na n-úsáideoirí a shainaithint agus nuashonruithe uathrialacha a shuiteáil. In éineacht le tabhairt isteach agus cur chun cinn fheidhmchlár Max ag stát na Rúise, rinneadh cniogbheartaíocht ar fheidhmchláir neamhspleácha eile agus cuireadh bac orthu, feidhmchláir amhail WhatsApp agus Telegram, chomh maith le feachtas chun teorainn a chur le húsáid VPNanna, rud a chuir ar chumas úsáideoirí rochtain a fháil ar ábhar ar cuireadh bac air sa Rúis. Bhí faisnéis a bhailigh údaráis na Rúise trí fheidhmchlár Max mar bhonn chun fíneáil a ghearradh ar shaoránach Rúiseach as ábhar a postáladh ar an bhfeidhmchlár. Bhain feidhmchlár Max tairbhe as baic arna bhforchur ag an rialtas ar rochtain ar iomaitheoirí san Iarthar agus ar iomaitheoirí neamhspleácha, amhail Instagram, Facebook, Telegram agus WhatsApp, rud a chuireann ar a chumas a ioncam agus a sciar den mhargadh a mhéadú. Chomhoibrigh VK le húdaráis na Rúise a mhéid a bhaineann le gníomhaíochtaí diansmachta atá déanta acu, lena n-áirítear trí shonraí a sholáthar dóibh maidir le húsáideoirí a sheirbhísí a phostáil ábhar inar cáineadh cogadh foghach na Rúise ar an Úcráin nó a phostáil ábhar eile ar chuir na húdaráis toirmeasc air. Ghlac VK páirt freisin sa toirmeasc arna ordú ag an rialtas ar VPNanna a úsáid, trínarbh fhéidir le húsáideoirí idirlín na Rúise rochtain a fháil roimhe sin ar ábhar neamhspleách ar an idirlíon. Dá bhrí sin, tá tacaíocht theicniúil á cur ar fáil ag VK chun cos ar bolg a dhéanamh ar an tsochaí shibhialta agus ar an bhfhreasúra daonlathach, lena n-áirítear trí chúnamh a thabhairt chun gníomhartha den chineál sin a dhéanamh agus iad a éascú.	13.7.2026
4.	Communication Platform LLC (Rúisis: Акционерное Общество Инвестиционная Компания Коммуникационная Платформа)	Seoladh: PR-KT LENINGRADSKII D. 39, STR. 79, 125167, Moscó, Cónaidhm na Rúise www.complatform.ru mail@complatform.ru INN (Uimhir aitheantais chánach Rúiseach): 9714058267 Uimhir aitheantais chánach (TIN): 9714058267	Is fochuideachta de chuid VK (ar a dtugtaí VKontakte roimhe seo) é Communication Platform LLC agus is é forbróir agus bainisteoir fheidhmchlár fóin póca Max é a fhaigheann tacaíocht ón stát. Rinne an tSeirbhís Slándála Cónaidhme (FSB) maoirseacht ar fhorbairt fheidhmchlár Max, lenar bunaíodh na ceanglais nár mhór d’fhorbróirí fheidhmchlár Max a chomhlíonadh. Ní mór feidhmchlár Max a réamhshuiteáil ar gach fón póca agus táibléad a dhíoltar sa Rúis, agus tá sé comhtháite leis an tseirbhís Gosuslugi. De réir go leor saineolaithe, tá gnéithe fairsinge faireachais ag feidhmchlár Max agus is féidir leis faireachán a dhéanamh ar chumarsáid, lena n-áirítear úsáid líonraí príobháideacha fíorúla (VPNanna), sonraí a bhailiú maidir le feidhmchláir eile atá suiteáilte ar ghutháin, faireachán a dhéanamh ar na leabhair seoltaí, suíomh na n-úsáideoirí a shainaithint agus nuashonruithe uathrialacha a shuiteáil. In éineacht le tabhairt isteach agus cur chun cinn fheidhmchlár Max ag stát na Rúise, rinneadh cniogbheartaíocht ar fheidhmchláir neamhspleácha eile agus cuireadh bac orthu, feidhmchláir amhail WhatsApp agus Telegram, chomh maith le feachtas chun teorainn a chur le húsáid VPNanna, rud a chuir ar chumas úsáideoirí rochtain a fháil ar ábhar ar cuireadh bac air sa Rúis. Bhí faisnéis a bhailigh údaráis na Rúise trí fheidhmchlár Max mar bhonn chun fíneáil a ghearradh ar shaoránach Rúiseach as ábhar a postáladh ar an bhfeidhmchlár. Dá bhrí sin, tá tacaíocht theicniúil á cur ar fáil ag Communication Platform LLC chun cos ar bolg a dhéanamh ar an tsochaí shibhialta agus ar an bhfreasúra daonlathach, lena n-áirítear trí chúnamh a thabhairt chun gníomhartha den chineál sin a dhéanamh agus iad a éascú.	13.7.2026
5.	VAS Experts (Rúisis: Общество с ограниченной ответственностью Вас Экспертс)	Seoladh: Cathair Pheadair, Avenue Liteyny 26, building a, office 5-13 OGRN: 1137847014337 INN (Uimhir aitheantais chánach Rúiseach) 7841476577	Is é VAS Experts a mhonaraíonn, a fhorbraíonn agus a dhíolann crua-earraí agus bogearraí a bhaineann leis an gCóras um Bearta Imscrúdaitheacha Oibriúcháin (SORM), mar a thugtar air. Is córas faireachais é SORM a úsáideadh ó bhí lár na 1990idí ann chun cumarsáid idirlín agus cumarsáid mhóibíleach sa Rúis a rialú, is é sin faireachán a dhéanamh ar ghlaonna gutháin, ríomhphoist, úsáid an idirlín, teachtaireachtaí téacs agus líonraí sóisialta. Tá ceangal dlíthiúil ar sholáthraithe fón póca agus idirlín SORM a shuiteáil. Tá sé suiteáilte i ngach lárionad sonraí Rúiseach agus ag gach pointe malartaithe idirlín agus i mórinnill chuardaigh. Déantar trácht úsáideoirí a chóipeáil chuig freastalaí ar leith nó chuig lárionad sonraí atá ar fáil don tSeirbhís Slándála Cónaidhme (FSB). Bailíonn SORM faisnéis faoi shuíomh fisiceach úsáideoirí, patrúin ghníomhaíochta úsáideoirí, am úsáide an ghléis, iompraíocht úsáideoirí agus úsáid cártaí SIM éagsúla i ngléas amháin nó níos mó. Is féidir é a úsáid go cúlghabhálach agus i ngan fhios don soláthraí. Baineadh úsáid as SORM chun díriú ar iriseoirí, ar dhaoine ón bhfreasúra, ar ghrúpaí mionlaigh agus ar ghnáthshaoránaigh. Baineadh úsáid as freisin chun lucht tacaíochta fhreasúra na Rúise, ceannairí amhail Alexei Navalny, eagraithe agóidí, daoine aonair a reáchtáil cuntais idirlín a cháin údaráis na Rúise nó a chuir tuarascálacha ar fáil maidir leis an staid pholaitiúil agus gníomhaithe a chuir i gcoinne an chogaidh fhoghaigh ar an Úcráin a ionchúiseamh. Baineadh úsáid as SORM freisin chun daoine aonair a bhfuil amhras fúthu go bhfuil siad i mbun gníomhaíochtaí frithrialtais a choinneáil roimh ré. Bhí tionchar mór ag SORM ar chumas shaoránaigh na Rúise rochtain a fháil ar fhaisnéis neamhchlaonta faoin gcogadh foghach ar an Úcráin. Baineadh úsáid as freisin chun bac a chur ar thrácht ó na mílte suíomh gréasáin agus seirbhísí san Iarthar agus chun bac a chur ar rochtain orthu. Tá baint ag VAS Experts le SORM a fhorbairt, a sholáthar agus a chothabháil, lena n-áirítear crua-earraí agus bogearraí atá comhtháite i líonraí teileachumarsáide, agus dá bhrí sin, a chuireann ar chumas gníomhaireachtaí faisnéise rochtain a fháil ar an trácht ar fad. Is príomhsholáthróir de chuid SORM é VAS Experts a chomhlíonann ceanglais idircheaptha arna sainordú ag FSB agus a thacaíonn le hoibriú bhonneagar faireachais cumarsáide na Rúise. Feidhmíonn VAS Experts laistigh de chreat arna bhunú agus arna mhaoirsiú ag údaráis na Rúise. Formheasann na húdaráis sin ceanglais theicniúla maidir le himscaradh SORM, ceanglaíonn siad ar oibreoirí pleananna cur chun feidhme a chomhordú, maoirseacht a dhéanamh ar chomhlíonadh, agus úsáid a bhaint as an trealamh le haghaidh gníomhaíochtaí idircheaptha dhírigh. Dá bhrí sin, forbraíonn agus soláthraíonn VAS Experts trealamh atá deartha go sonrach chun ceanglais faireachais arna sainiú ag FSB a chomhlíonadh. Dá bhrí sin, tugann VAS Experts tacaíocht ábhartha chun sáruithe a dhéanamh ar chearta an duine agus mí-úsáidí tromchúiseacha a bhaint astu agus chun cos ar bolg a dhéanamh ar an tsochaí shibhialta agus ar an bhfhreasúra daonlathach.	13.7.2026
6.	Norsi-Trans Dá ngairtear Closed Joint-Stock Company “Norsi-Trans” anseo feasta (Rúisis: Закрытое Акционерное Общество “Норси-Транс”)	Seoladh: 127015 Moscó, Bolshaya Novodmitrovskaya Street 12, building 15, floor 2, room 36 Dáta clárúcháin: 16.1.2003 OGRN: 1037700030477 INN (Uimhir aitheantais chánach Rúiseach) 7705051215	Déanann Closed Joint-Stock Company “Norsi-Trans” crua-earraí agus bogearraí a bhaineann leis an gCóras um Bearta Imscrúdaitheacha Oibriúcháin (SORM), mar a thugtar air, a mhonarú, a fhorbairt agus a dhíol. Is córas faireachais é SORM a úsáidtear ó bhí lár na 1990idí ann chun an t-idirlíon agus cumarsáid mhóibíleach sa Rúis a rialú, is é sin faireachán a dhéanamh ar ghlaonna gutháin, ríomhphoist, úsáid an idirlín, teachtaireachtaí téacs agus líonraí sóisialta. Tá ceangal dlíthiúil ar sholáthraithe fón póca agus idirlín SORM a shuiteáil. Tá sé suiteáilte i ngach lárionad sonraí Rúiseach agus ag gach pointe malarrtaithe idirlín agus i mórinnill chuardaigh. Déantar trácht úsáideoirí a chóipeáil chuig freastalaí ar leith nó chuig lárionad sonraí atá ar fáil don tSeirbhís Slándála Cónaidhme (FSB). Bailíonn SORM faisnéis faoi shuíomh fisiceach úsáideoirí, patrúin ghníomhaíochta úsáideoirí, am úsáide an ghléis, iompraíocht úsáideoirí agus úsáid cártaí SIM éagsúla i ngléas amháin nó níos mó. Is féidir é a úsáid go cúlghabhálach agus i ngan fhios don soláthraí. Baineadh úsáid as SORM chun díriú ar iriseoirí, ar dhaoine ón bhfreasúra, ar ghrúpaí mionlaigh agus ar ghnáthshaoránaigh. Baineadh úsáid as freisin chun lucht tacaíochta fhreasúra na Rúise, ceannairí amhail Alexei Navalny, eagraithe agóidí, daoine aonair a reáchtáil cuntais idirlín a cháin údaráis na Rúise nó a chuir tuarascálacha ar fáil maidir leis an staid pholaitiúil, gníomhaithe a chuir i gcoinne an chogaidh fhoghaigh ar an Úcráin a ionchúiseamh. Baineadh úsáid as freisin chun daoine aonair a bhfuil amhras fúthu go bhfuil siad i mbun gníomhaíochtaí frithrialtais a choinneáil roimh ré. Bhí tionchar mór ag SORM ar chumas shaoránaigh na Rúise rochtain a fháil ar fhaisnéis neamhchlaonta faoin gcogadh foghach ar an Úcráin. Baineadh úsáid as freisin chun bac a chur ar thrácht ó na mílte suíomh gréasáin agus seirbhísí san Iarthar agus chun bac a chur ar rochtain orthu. Tá baint ag Norsi-Trans le SORM a fhorbairt, a sholáthar agus a chothabháil, lena n-áirítear crua-earraí agus bogearraí atá comhtháite i líonraí teileachumarsáide, agus dá bhrí sin, a chuireann ar chumas gníomhaireachtaí faisnéise rochtain a fháil ar an trácht ar fad. Áirítear le SORM trealamh faireacháin a shuiteáiltear i saoráidí soláthraithe teileachumarsáide. Leis an trealamh faireacháin sin, soláthraítear faisnéis chuig gníomhaireacht faisnéise rialtas na Rúise, lena n-áirítear ar ghlaonna gutháin, teachtaireachtaí téacs, ríomhphoist agus trácht idirlín. Le SORM, éascaítear freisin rochtain ar shonraí cumarsáide a bhaineann le feidhmchlár teachtaireachtaí, meiteashonraí, uimhreacha móibíleacha, aitheantóirí teileafóin, geoshuíomh, ainmneacha, seoltaí ríomhphoist agus seoltaí IP. Is príomhsholáthróir de chuid SORM é Norsi-Trans a chomhlíonann ceanglais idircheaptha arna sainordú ag FSB agus a thacaíonn le hoibriú bhonneagar faireachais cumarsáide na Rúise. Feidhmíonn Norsi-Trans laistigh de chreat arna bhunú agus arna mhaoirsiú ag údaráis na Rúise. Formheasann na húdaráis sin ceanglais theicniúla maidir le himscaradh SORM, ceanglaíonn siad ar oibreoirí pleananna cur chun feidhme a chomhordú, maoirseacht a dhéanamh ar chomhlíonadh, agus úsáid a bhaint as an trealamh le haghaidh gníomhaíochtaí idircheaptha dhírigh. Dá bhrí sin, forbraíonn agus soláthraíonn Norsi-Trans trealamh atá deartha go sonrach chun ceanglais faireachais arna sainiú ag FSB a chomhlíonadh. Dá bhrí sin, tugann Norsi-Trans tacaíocht ábhartha chun sáruithe a dhéanamh ar chearta an duine agus mí-úsáidí tromchúiseacha a bhaint astu agus chun cos ar bolg a dhéanamh ar an tsochaí shibhialta agus ar an bhfhreasúra daonlathach.	13.7.2026
7.	LLC Citadel (Rúisis: Общество с ограниченной ответственностью “Цитадель”)	Seoladh: 127015 Moscó, Intra-city municipal territory municipal district Butyrsky, Novodmitrovskaya Street 2B OGRN:1157746895690 INN (Uimhir aitheantais chánach Rúiseach): 9701012339 Seoladh: 603098, Nizhny Novgorod, pr. Gagarina, 50 (Korpus 9), BTS “Chiornaya Zhemchuzhina” OGRN: 1055238018098 INN (Uimhir aitheantais chánach Rúiseach): 5260146265	Feidhmíonn LLC Citadel i Moscó agus in Nizhny Novgorod agus déanann siad bogearraí agus crua-earraí a fhorbairt, a chur chun feidhme agus tugann siad tacaíocht dóibh le haghaidh an Chórais um Bearta Imscrúdaitheacha Oibriúcháin (SORM), mar a thugtar air. Is é LLC Citadel an monaróir is mó agus tuairiscítear gurb é an soláthróir crua-earraí agus bogearraí SORM is tábhachtaí sa Rúis é. Is córas faireachais é SORM a úsáidtear ó bhí lár na 1990idí ann chun an t-idirlíon agus cumarsáid mhóibíleach sa Rúis a rialú, is é sin faireachán a dhéanamh ar ghlaonna gutháin, ríomhphoist, úsáid an idirlín, teachtaireachtaí téacs agus líonraí sóisialta. Tá ceangal dlíthiúil ar sholáthraithe fón póca agus idirlín SORM a shuiteáil. Tá sé suiteáilte i ngach lárionad sonraí Rúiseach agus ag gach pointe malartaithe idirlín agus i mórinnill chuardaigh. Déantar trácht úsáideoirí a chóipeáil chuig freastalaí ar leith nó chuig lárionad sonraí atá ar fáil don tSeirbhís Slándála Cónaidhme (FSB). Bailíonn SORM faisnéis faoi shuíomh fisiceach úsáideoirí, patrúin ghníomhaíochta úsáideoirí, am úsáide an ghléis, iompraíocht úsáideoirí agus úsáid cártaí SIM éagsúla i ngléas amháin nó níos mó. Is féidir é a úsáid go cúlghabhálach agus i ngan fhios don soláthraí. Baineadh úsáid as SORM chun díriú ar iriseoirí, ar dhaoine ón bhfreasúra, ar ghrúpaí mionlaigh agus ar ghnáthshaoránaigh. Baineadh úsáid as freisin chun lucht tacaíochta fhreasúra na Rúise, ceannairí amhail Alexei Navalny, eagraithe agóidí, daoine aonair a reáchtáil cuntais idirlín a cháin údaráis na Rúise nó a chuir tuarascálacha ar fáil maidir leis an staid pholaitiúil, gníomhaithe a chuir i gcoinne an chogaidh fhoghaigh ar an Úcráin a ionchúiseamh. Baineadh úsáid as SORM freisin chun daoine aonair a bhfuil amhras fúthu go bhfuil siad i mbun gníomhaíochtaí frithrialtais a choinneáil roimh ré. Bhí tionchar mór aige ar chumas shaoránaigh na Rúise rochtain a fháil ar fhaisnéis neamhchlaonta faoin gcogadh foghach ar an Úcráin agus baineadh úsáid as chun bac a chur ar thrácht ó na mílte suíomh gréasáin agus seirbhísí san Iarthar agus chun bac a chur ar rochtain orthu. Tá baint ag LLC Citadel le SORM a fhorbairt, a sholáthar agus a chothabháil, lena n-áirítear crua-earraí agus bogearraí atá comhtháite i líonraí teileachumarsáide, agus dá bhrí sin, a chuireann ar chumas gníomhaireachtaí faisnéise rochtain a fháil ar an trácht ar fad. Áirítear le SORM trealamh faireacháin a shuiteáiltear i saoráidí soláthraithe teileachumarsáide. Leis an trealamh faireacháin sin, soláthraítear faisnéis chuig gníomhaireacht faisnéise an rialtas na Rúise, lena n-áirítear glaonna gutháin, teachtaireachtaí téacs, ríomhphoist agus trácht idirlín. Le SORM, éascaítear freisin rochtain ar shonraí cumarsáide a bhaineann le feidhmchlár teachtaireachtaí, meiteashonraí, uimhreacha móibíleacha, aitheantóirí teileafóin, geoshuíomh, ainmneacha, seoltaí ríomhphoist agus seoltaí IP. Is príomhsholáthróir de chuid SORM é LLC Citadel a chomhlíonann ceanglais idircheaptha arna sainordú ag FSB agus a thacaíonn le hoibriú bhonneagar faireachais cumarsáide na Rúise. Feidhmíonn LLC Citadel laistigh de chreat arna bhunú agus arna mhaoirsiú ag údaráis na Rúise. Formheasann na húdaráis ceanglais theicniúla maidir le himscaradh SORM, ceanglaíonn siad ar oibreoirí pleananna cur chun feidhme a chomhordú, maoirseacht a dhéanamh ar chomhlíonadh, agus úsáid a bhaint as an trealamh le haghaidh gníomhaíochtaí idircheaptha dhírigh. Dá bhrí sin, forbraíonn agus soláthraíonn LLC Citadel trealamh atá deartha go sonrach chun ceanglais faireachais a chomhlíonadh. Dá bhrí sin, tugann LLC Citadel tacaíocht ábhartha chun sáruithe a dhéanamh ar chearta an duine agus mí-úsáidí tromchúiseacha a bhaint astu agus chun cos ar bolg a dhéanamh ar an tsochaí shibhialta agus ar an bhfhreasúra daonlathach.	13.7.2026

( ) Rialachán (AE) 2018/1725 ó Pharlaimint na hEorpa agus ón gComhairle an 23 Deireadh Fómhair 2018 maidir le daoine nádúrtha a chosaint i ndáil le sonraí pearsanta a phróiseáil ag institiúidí, comhlachtaí, oifigí agus gníomhaireachtaí an Aontais agus maidir le saorghluaiseacht sonraí den sórt sin, agus lena n-aisghairtear Rialachán (CE) Uimh. 45/2001 agus Cinneadh Uimh. 1247/2002/CE (IO L 295, 21.11.2018, lch. 39).

		Iris Oifigiúil
		Uimh	Leathanach	Dáta
►M1	CINNEADH (CBES) 2025/957 ÓN gCOMHAIRLE an 20 Bealtaine 2025	L 957	1	20.5.2025
►M2	CINNEADH (CBES) 2025/1070 ÓN gCOMHAIRLE an 26 Bealtaine 2025	L 1070	1	27.5.2025
►M3	CINNEADH (CBES) 2025/1425 ÓN gCOMHAIRLE an 15 Iúil 2025	L 1425	1	15.7.2025
►M4	CINNEADH (CBES) 2025/2357 ÓN gCOMHAIRLE an 20 Samhain 2025	L 2357	1	20.11.2025
►M5	CINNEADH (CBES) 2025/2637 ÓN gCOMHAIRLE an 22 Nollaig 2025	L 2637	1	22.12.2025
►M6	CINNEADH (CBES) 2026/432 ÓN gCOMHAIRLE an 23 Feabhra 2026	L 432	1	23.2.2026
►M7	CINNEADH (CBES) 2026/1149 ÓN gCOMHAIRLE an 26 Bealtaine 2026	L 1149	1	26.5.2026
►M8	CINNEADH (CBES) 2026/1363 ÓN gCOMHAIRLE an 15 Meitheamh 2026	L 1363	1	15.6.2026
►M9	CINNEADH (CBES) 2026/1709 ÓN gCOMHAIRLE an 13 Iúil 2026	L 1709	1	13.7.2026

►C1	Ceartúchán, IO L 90165, 24.2.2026, lch. 1 (Chinneadh (CBES) 2025/2637)
►C2	Ceartúchán, IO L 90562, 9.7.2026, lch. 1 (2026/1363)