na criosanna cosanta agus faireachais atá le bunú ag na Ballstáit a liostaítear san Iarscríbhinn a ghabhann leis an gCinneadh seo (na Ballstáit lena mbaineann), tar éis ráig nó ráigeanna den fhliú éanúil ardphataigineach in éanlaith chlóis nó in éin i mbraighdeanas, i gcomhréir le hAirteagal 21 de Rialachán Tarmligthe (AE) 2020/687, agus fad na mbeart rialaithe galar atá le cur i bhfeidhm sna criosanna cosanta i gcomhréir le hAirteagal 39, agus sna criosanna faireachais i gcomhréir le hAirteagal 55 den Rialachán Tarmligthe sin.

na criosanna srianta breise atá le bunú ag na Ballstáit lena mbaineann, tar éis ráig nó ráigeanna den fhliú éanúil ardphataigineach in éanlaith chlóis nó in éin i mbraighdeanas, i gcomhréir le hAirteagal 21 de Rialachán Tarmligthe (AE) 2020/687, agus fad na mbeart atá le cur i bhfeidhm sna criosanna srianta breise.

go gcuimseoidh na criosanna cosanta arna mbunú ag a n-údaráis inniúla, i gcomhréir le hAirteagal 21(1), pointe(a), de Rialachán Tarmligthe (AE) 2020/687, na limistéir a liostaítear ar a laghad mar chriosanna cosanta i gCuid A den Iarscríbhinn a ghabhann leis an gCinneadh seo;

go gcoimeádtar ar siúl na bearta atá le cur i bhfeidhm sna criosanna cosanta, dá bhforáiltear in Airteagal 39 de Rialachán Tarmligthe (AE) 2020/687, ar a laghad go dtí na dátaí le haghaidh na gcriosanna cosanta a leagtar amach i gCuid A den Iarscríbhinn a ghabhann leis an gCinneadh seo.

go gcuimseoidh na criosanna faireachais arna mbunú ag a n-údaráis inniúla, i gcomhréir le hAirteagal 21(1), pointe (b), de Rialachán Tarmligthe (AE) 2020/687, ar a laghad na limistéir a liostaítear mar chriosanna faireachais i gCuid B den Iarscríbhinn a ghabhann leis an gCinneadh seo;

go gcoimeádtar ar siúl na bearta atá le cur i bhfeidhm sna criosanna faireachais, dá bhforáiltear in Airteagal 55 de Rialachán Tarmligthe (AE) 2020/687, ar a laghad go dtí na dátaí le haghaidh na gcriosanna faireachais a leagtar amach i gCuid B den Iarscríbhinn a ghabhann leis an gCinneadh seo.

go gcuimseoidh na criosanna srianta breise arna mbunú ag a n-údaráis inniúla, i gcomhréir le hAirteagal 21(1), pointe (c), de Rialachán Tarmligthe (AE) 2020/687, ar a laghad na limistéir a liostaítear mar chriosanna srianta breise i gCuid C den Iarscríbhinn a ghabhann leis an gCinneadh seo;

go gcoimeádtar ar siúl na bearta atá le cur i bhfeidhm sna criosanna srianta breise, dá bhforáiltear in Airteagal 21(1), pointe (c), de Rialachán Tarmligthe (AE) 2020/687, ar a laghad go dtí na dátaí le haghaidh na gcriosanna srianta breise a leagtar amach i gCuid C den Iarscríbhinn a ghabhann leis an gCinneadh seo;

i gcás ina ndeonóidh údarás inniúil Ballstáit lena mbaineann maolú, tar éis toradh dearfach ar mheasúnú riosca, i gcomhréir le hAirteagal 23 de Rialachán Tarmligthe (AE) 2020/687, lena gceadaítear gluaiseachtaí coinsíneachtaí éanlaithe clóis, éan faoi chuing, uibheacha goir agus uibheacha saor ó phataigin shonrach ó na criosanna srianta breise a liostaítear i gCuid C den Iarscríbhinn a ghabhann leis an gCinneadh seo chuig Ballstáit eile, áiritheoidh na Ballstáit lena mbaineann go mbeidh an deimhniú sláinte ainmhithe ábhartha nó an deimhniú sláinte ainmhithe/oifigiúil a leagtar amach in Iarscríbhinn I a ghabhann le Rialachán Cur Chun Feidhme (AE) 2021/403 ón gCoimisiún in éineacht leis na coinsíneachtaí sin, deimhniú nach mór an fianú seo a leanas a bheith ann:

‘Comhlíonann an choinsíneacht na forálacha a leagtar síos in Airteagal 4 de Chinneadh Cur Chun Feidhme (AE) C(2023)7450 ón gCoimisiún.’