1.   Chun críche cuntasaíochta ar leithligh le haghaidh iarmhéideanna airgid, ioncaim agus glanbhrabúis a leagtar amach in Airteagal 5a(8) de Rialachán (AE) Uimh. 833/2014, úsáidfear tuarascálacha caighdeánacha na dtaisclann lárnach urrús a mhéid is féidir.

2.   Maidir leis na tuarascálacha atá le cur faoi bhráid an Choimisiúin, ullmhófar iad ar bhonn na rialacha cuntasaíochta a chuireann na taisclanna lárnacha urrús i bhfeidhm.

3.   Sloinnfear in euro tuarascálacha atá le cur faoi bhráid an Choimisiúin. Féadfar na tuarascálacha sin a tharraingt suas ó ráitis airgeadais eile a ainmnítear in airgeadraí eile de réir riachtanais na dtaisclann lárnach urrús. I gcás inar gá, déanfar méideanna a chomhshó in euro. Sa chás sin, ba cheart an ráta malairte eachtraí a úsáidtear a léiriú sna tuarascálacha.

4.   Maidir leis na tuarascálacha, na réamhaisnéisí agus an fhaisnéis dá dtagraítear in Airteagail 4 go 6, cuirfear faoi bhráid an Choimisiúin iad chuig na seoltaí arna gcur in iúl ag an gCoimisiún, agus iad ríomhshínithe le ríomhshíniú cáilithe a shainmhínítear i Rialachán (AE) Uimh. 910/2014 ó Pharlaimint na hEorpa agus ón gComhairle (6).

5.   Coimeádfaidh na taisclanna lárnacha urrús doiciméid airgeadais agus chuntasaíochta a bhaineann leis an ranníocaíocht airgeadais ar feadh téarma 5 bliana tar éis fhormheas deiridh na gcuntas. Maidir le taifid agus doiciméid a bhaineann le hiniúchtaí, achomhairc, dlíthíocht, saothrú éileamh maidir le gealltanais dhlíthiúla nó a bhaineann le himscrúduithe, coinneofar iad go dtí go ndúnfar na hiniúchtaí, na hachomhairc, an dlíthíocht, saothrú na n-éileamh nó na himscrúduithe sin.

1.   Cuirfidh na taisclanna lárnacha urrús an tuarascáil eatramhach airgeadais faoi bhráid an Choimisiúin agus na n-údarás maoirseachta náisiúnta i leith na tréimhse ón 1 Eanáir go dtí an 30 Meitheamh ar an gcéad lá oibre tar éis an 25 Iúil den bhliain chéanna ar a dhéanaí agus i leith na tréimhse ón 1 Iúil go dtí an 31 Nollaig ar an gcéad lá oibre tar éis an 25 Márta den bhliain dár gcionn ar a dhéanaí. Is ar an gcéad lá oibre tar éis an 19 Iúil 2024 ar a dhéanaí a chuirfear isteach an tuarascáil airgeadais eatramhach le haghaidh na tréimhse ón 1 Eanáir go dtí an 30 Meitheamh 2024 agus léireofar inti go bhfuil feidhm ag na rialacha i míreanna 8 go 14 d’Airteagal 5a de Rialachán (AE) Uimh. 833/2014 ón 15 Feabhra 2024 ar aghaidh.

2.   Nochtfar an méid seo a leanas sa tuarascáil airgeadais eatramhach:

3.   Sa tuarascáil airgeadais eatramhach cinnfidh na taisclanna lárnacha urrús an ranníocaíocht airgeadais, arna laghdú faoi na méideanna arna gcoinneáil go sealadach de bhun phointí (a), (b) agus (c) d’Airteagal 5a(10) den Rialachán sin agus, i gcás inarb iomchuí, arna méadú faoi na méideanna atá le haistriú chuig an Aontas de bhun Airteagal 9.

4.   Cuirfidh na taisclanna lárnacha urrús réamhaisnéis tháscach neamhcheangailteach faoi bhráid an Choimisiúin maidir le méideanna na ranníocaíochta airgeadais atá dlite don Aontas ar an gcéad lá oibre tar éis an 25ú lá den mhí tar éis gach ráithe ar a dhéanaí.

1.   Faoin 31 Bealtaine de bhliain n+1 i ndáil le bliain n, cuirfidh na taisclanna lárnacha urrús faoi bhráid an Choimisiúin agus na n-údarás maoirseachta náisiúnta na ráitis airgeadais bhliantúla reachtúla, arna mbunú i gcomhréir leis na caighdeáin náisiúnta is infheidhme agus arna n-iniúchadh ag iniúchóir reachtúil i gcomhréir le Treoir 2006/43/CE.

2.   Sna ráitis airgeadais bhliantúla iniúchta reachtúla, nochtfar ar leith óna cheile méid iomlán na n-iarmhéideanna airgid, na n-ioncam agus na nglanbhrabús dá dtagraítear i bpointí (a), (b) agus (c) d’Airteagal 5a(8) de Rialachán (AE) Uimh. 833/2014 faoi seach.

3.   Cuirfidh na taisclanna lárnacha urrús tuarascáil ar leithligh faoi bhráid an Choimisiúin agus na n-údarás maoirseachta náisiúnta, mar aon leis na ráitis airgeadais bhliantúla iniúchta reachtúla, ina leagfar amach an méid seo a leanas:

Ba cheart tuarascáil dearbhaithe ó iniúchóir reachtúil na dtaisclann lárnach urrús a bheith ag gabháil leis an tuarascáil sin agus ba cheart í a réiteach leis na ráitis airgeadais reachtúla bhliantúla.

4.   Cuirfidh na taisclanna lárnacha urrús, arna iarraidh sin don Choimisiún, aon fhaisnéis bhreise a bhaineann leis na ráitis airgeadais nó leis an tuairisciú dá dtagraítear san Airteagal seo faoi bhráid an Choimisiúin.

1.   Cuirfidh na taisclanna lárnacha urrús doiciméad ar leithligh faoi bhráid an Choimisiúin agus na n-údarás maoirseachta náisiúnta, mar aon le gach ceann de na tuarascálacha airgeadais eatramhacha dá dtagraítear in Airteagal 4 agus na ráitis airgeadais iniúchta agus na tuarascálacha dá dtagraítear in Airteagal 5, ina leagfar amach an méid seo a leanas:

Is éard a bheidh san fhaisnéis dá dtagraítear i bpointe (b) den chéad fhomhír den Airteagal seo cainníochtú mionsonraithe ar na costais, na rioscaí agus na gcaillteanas arna dtabhú de dheasca an chogaidh san Úcráin i ndáil leis na sócmhainní atá i seilbh na dtaisclann lárnach urrús sin, agus ar na méideanna díobh is féidir a chumhdach le hacmhainní inmheánacha na dtaisclann lárnach urrús tráth a dtabhaithe.

2.   Maidir leis an bhfaisnéis ó na húdaráis mhaoirseachta náisiúnta faoina gcinneadh de bhun phointe (e) d’Airteagal 5a(10) de Rialachán (AE) Uimh. 833/2014 go bhfuil gá leis na méideanna arna gcoinneáil go sealadach nó cuid de na méideanna sin fós chun ceanglais bainistithe riosca a chomhlíonadh i bhfianaise an tionchair de dheasca an chogaidh san Úcráin i ndáil leis na sócmhainní atá i seilbh taisclanna lárnacha urrús, is éard a bheidh san fhaisnéis sin tuairisc mhionsonraithe ar na riachtanais, meastachán uathu agus na toimhdí a úsáideadh le haghaidh an mheastacháin, mar aon le haon fhaisnéis bhreise a mheasfaidh na húdaráis mhaoirseachta náisiúnta a bheith ábhartha. Tabharfaidh na húdaráis mhaoirseachta náisiúnta fógra don Choimisiún láithreach faoi aon bheart maoirseachta nó faoi aon bheart eile a ghlacfaidh sé i ndáil leis na taisclanna lárnacha urrús a d’fhéadfadh difear a dhéanamh do na méideanna arna gcoinneáil de bhun Airteagal 5a(10) de Rialachán (AE) Uimh. 833/2014.

3.   Ar iarraidh ón gCoimisiún, cuirfidh na húdaráis mhaoirseachta náisiúnta aon fhaisnéis bhreise faoi bhráid an Choimisiúin gan mhoill a bhaineann le cainníochtú na gcostas, na rioscaí agus na gcaillteanas arna dtabhú nó dár soláthraíodh de dheasca an chogaidh san Úcráin maidir leis na sócmhainní atá i seilbh na dtaisclann lárnach urrús, nó a bhaineann le cainníochtú na n-acmhainní inmheánacha arna n-úsáid chun na rioscaí sin a chumhdach.

Oibreoidh na taisclanna lárnacha urrús agus na húdaráis mhaoirseachta náisiúnta i gcomhar leis an gCoimisiún maidir leis an malartú faisnéise a úsáidfear le haghaidh an chinnidh faoi na méideanna a choinnítear.

1.   Suífidh an Coimisiún méid cinntitheach na ranníocaíochta airgeadais atá dlite i leith bliain ar leith ar bhonn na ráiteas airgeadais bliantúil iniúchta reachtúil.

2.   Maidir le méid bliantúil cinntitheach na ranníocaíochta airgeadais a bheidh dlite le haghaidh bliain ar leith, arna laghdú, i gcás inarb iomchuí, faoi na méideanna arna gcoinneáil go sealadach de bhun phointí (a), (b) agus (c) d’Airteagal 5a(10) de Rialachán (AE) Uimh. 833/2014, agus arna méadú, i gcás inarb iomchuí, faoi na méideanna atá le tarchur chuig an Aontas de bhun Airteagal 9, más rud é gur lú an méid bliantúil sin ná suim mhéideanna na n-íocaíochtaí leathbhliantúla a rinneadh i leith na bliana sin de bhur Airteagal 7 den Rialachán seo, asbhainfear an difríocht as an gcéad íocaíocht eile a bheidh dlite ag na taisclanna lárnacha urrús don Aontas.

3.   An méid atá dlite ag na taisclanna lárnacha urrús mar thoradh ar ghlanluacháil de bhun na habairte roimhe seo, ní bheidh sé níos lú ná nialas.

4.   Maidir le méid bliantúil cinntitheach na ranníocaíochta airgeadais a bheidh dlite le haghaidh bliain ar leith, arna laghdú, i gcás inarb iomchuí, faoi na méideanna arna gcoinneáil go sealadach de bhun phointí (a), (b) agus (c) d’Airteagal 5a(10) de Rialachán (AE) Uimh. 833/2014 , agus arna méadú, i gcás inarb iomchuí, faoi na méideanna atá le tarchur chuig an Aontas de bhun Airteagal 9, más rud é gur mó an méid bliantúil sin ná suim mhéideanna na n-íocaíochtaí leathbhliantúla a rinneadh i leith na bliana sin de bhun Airteagal 7 den Rialachán seo, cuirfidh an Coimisiún méid na difríochta leis an gcéad íocaíocht eile a bheidh dlite ag na taisclanna lárnacha urrús don Aontas, sin nó seolfaidh sé nóta dochair ar leithligh i gcomhréir le hAirteagal 98(4) de Rialachán (AE, Euratom) 2018/1046 a bhaineann leis an méid sin mura mbíonn íocaíocht leathbhliantúil eile dlite ag na taisclanna lárnacha urrús.