(3)

Is é atá sa táirge atá faoi réir a chláraithe (‘an táirge lena mbaineann’) táirgí cothromrollta áirithe d’iarann, de chruach neamh-chóimhiotail nó de chruach chóimhiotail eile, bídís i gcornaí nó ná bídís (lena n-áirítear táirgí ‘gearrtha san fhad iomchuí’ agus táirgí ‘stéille caoile’), gan aon saoirsiú breise déanta orthu seachas teorolladh, nach bhfuil cumhdaithe, plátáilte ná brataithe.

(4)

Ní áirítear na táirgí seo a leanas:

(5)

Tá an táirge lena mbaineann aicmithe faoi láthair faoi chóid AC 7208 10 00 , 7208 25 00 , 7208 26 00 , 7208 27 00 , 7208 36 00 , 7208 37 00 , 7208 38 00 , 7208 39 00 , 7208 40 00 , 7208 52 10 , 7208 52 99 , 7208 53 10 , 7208 53 90 , 7208 54 00 , 7211 13 00 , 7211 14 00 , 7211 19 00 , ex 7225 19 10 (cód TARIC 7225 19 10 90), 7225 30 90 , ex 7225 40 60 (cód TARIC 7225 40 60 90), 7225 40 90 , ex 7226 19 10 (cóid TARIC 7226 19 10 91, 7226 19 10 95), 7226 91 91 agus 7226 91 99 . Is ar mhaithe le faisnéis amháin a thugtar na cóid AC agus TARIC agus gan dochar d’aon athrú a dhéanfaí ar an aicmiú taraife ina dhiaidh sin.

(6)

Faoi Airteagal 14(5) den bhun-Rialachán, féadfar allmhairí an táirge lena mbaineann a chur faoi réir a gcláraithe chun a áirithiú go bhféadfar na dleachtanna sin a ghearradh go cúlghabhálach, má chomhlíontar na coinníollacha is gá, ar na hallmhairí cláraithe i gcomhréir leis na forálacha dlí is infheidhme, i gcás ina mbeadh torthaí ar na himscrúduithe as a dtiocfadh forchur dleachtanna frithdhumpála.

(7)

Chinn an Coimisiún, ar a thionscnamh féin, allmhairí an táirge lena mbaineann a chur faoi réir a gcláraithe faoi Airteagal 14(5) den bhun-Rialachán. Na coinníollacha le haghaidh bhailiú cúlghabhálach na ndleachtanna, más ann dóibh, déanfar measúnú orthu sa Rialachán lena bhforchuirfear dleachtanna cinntitheacha.

(8)

Aon dliteanas a bheadh ann amach anseo, is as torthaí an imscrúdaithe a thiocfadh sé.

(9)

I gcás allmhairí an táirge lena mbaineann ón Éigipt agus ón tSeapáin le linn na tréimhse ó mí Eanáir go dtí mí na Nollag 2023, de réir na líomhaintí sa ghearán lenar iarradh imscrúdú frithdhumpála a thionscnamh, meastar corrlaigh dhumpála ó 30 % go 40 % agus ó 10 % go 20 % faoi seach agus meánleibhéal díothaithe díobhála 26 % agus 29,3 % faoi seach a bheith ann. De ghnáth, dhéanfaí méid an dliteanais a d’fhéadfadh a bheith ann amach anseo a shocrú ar an leibhéal is ísle den dá leibhéal sin de réir Airteagal 7(2) den bhun-Rialachán.

(10)

I gcás allmhairí an táirge lena mbaineann ón India agus ó Vítneam le linn na tréimhse ó mí Eanáir go dtí mí na Nollag 2023, de réir na líomhaintí sa ghearán lenar iarradh imscrúdú frithdhumpála a thionscnamh, meastar corrlaigh dhumpála thart ar 10 % agus ó 5 % go 15 % faoi seach agus meánleibhéal díothaithe díobhála 27,3 % agus 34,7 % faoi seach a bheith ann. De ghnáth, dhéanfaí méid an dliteanais a d’fhéadfadh a bheith ann amach anseo a shocrú ar an leibhéal is ísle den dá leibhéal sin de réir Airteagal 7(2) den bhun-Rialachán. Más rud é go dtagann an Coimisiún ar fhianaise le linn an imscrúdaithe gur ann do shaobhadh ar amhábhair de bhun Airteagal 7(2a) den bhun-Rialachán, dhéanfaí an méid dliteanais a d’fhéadfaí a bheith ann amach anseo a shocrú ar leibhéal an chorrlaigh dumpála mar a fhoráiltear in Airteagal 7(2b) den bhun-Rialachán má chinntear nár leor dleacht faoi bhun an chorrlaigh dumpála chun deireadh a chur leis an díobháil a bhain do thionscal an Aontais.

(11)

Aon sonraí pearsanta a bhailítear i gcomhthéacs an chlárúcháin seo, déanfar iad a láimhseáil i gcomhréir le Rialachán (AE) 2018/1725 ó Pharlaimint na hEorpa agus ón gComhairle (3) maidir le daoine nádúrtha a chosaint i ndáil le sonraí pearsanta a phróiseáil ag institiúidí, comhlachtaí, oifigí agus gníomhaireachtaí an Aontais agus maidir le saorghluaiseacht sonraí den sórt sin,