RIALACHÁN CUR CHUN FEIDHME (AE) 2023/1126 ÓN gCOMHAIRLE

an 8 Meitheamh 2023

lena gcuirtear chun feidhme Rialachán (AE) 2016/1686 lena bhforchuirtear bearta sriantacha breise i gcoinne ISIL (Da’esh) agus Al-Qaeda agus daoine nádúrtha agus dlítheanacha, eintitis nó comhlachtaí a bhfuil baint acu leo

TÁ COMHAIRLE AN AONTAIS EORPAIGH,

Ag féachaint don Chonradh ar Fheidhmiú an Aontais Eorpaigh,

Ag féachaint do Rialachán (AE) 2016/1686 ón gComhairle an 20 Meán Fómhair 2016 lena bhforchuirtear bearta sriantacha breise i gcoinne ISIL (Da’esh) agus Al-Qaeda agus daoine nádúrtha agus dlítheanacha, eintitis nó comhlachtaí a bhfuil baint acu leo (1), agus go háirithe Airteagal 4(1) agus (4) de,

Ag féachaint don togra ó Ardionadaí an Aontais do Ghnóthaí Eachtracha agus don Bheartas Slándála,

De bharr an mhéid seo a leanas:

(1)	An 20 Meán Fómhair 2016, ghlac an Chomhairle Rialachán (AE) 2016/1686.

(2)	An 26 Aibreán 2023, chuir Coiste Smachtbhannaí Chomhairle Slándála na Náisiún Aontaithe, arna bhunú de bhun Rún 1267(1999), Rún 1989(2011) agus Rún 2253(2015) ó Chomhairle Slándála na Náisiún Aontaithe, beirt le liosta na ndaoine agus na n-eintiteas atá faoi réir bearta sriantacha.

(3)	An 3 Bealtaine 2023, cuireadh na daoine sin le hIarscríbhinn I a ghabhann le Rialachán (CE) Uimh. 881/2002 ón gComhairle (2).

(4)	Ós rud é go raibh duine de na daoine sin ainmnithe cheana féin faoi Rialachán (AE) 2016/1686, ba cheart an duine sin a bhaint d’Iarscríbhinn I a ghabhann leis an Rialachán sin.

(5)	Dá bhrí sin, ba cheart Rialachán (AE) 2016/1686 a leasú dá réir sin,

TAR ÉIS AN RIALACHÁN SEO A GHLACADH:

Airteagal 1

Leasaítear Iarscríbhinn I a ghabhann le Rialachán (AE) 2016/1686 mar a leagtar amach san Iarscríbhinn a ghabhann leis an Rialachán seo.

Airteagal 2

Tiocfaidh an Rialachán seo i bhfeidhm an lá tar éis lá a fhoilsithe in Iris Oifigiúil an Aontais Eorpaigh.

Beidh an Rialachán seo ina cheangal go huile agus go hiomlán agus beidh sé infheidhme go díreach i ngach Ballstát.

Arna dhéanamh i Lucsamburg, an 8 Meitheamh 2023.

Thar ceann na Comhairle

An tUachtarán

M. MALMER STENERGARD

(1) IO L 255, 21.9.2016, lch. 1.

(2) Rialachán (CE) Uimh. 881/2002 ón gComhairle lena bhforchuirtear bearta sriantacha sonracha áirithe atá dírithe ar dhaoine agus eintitis áirithe atá comhlachaithe leis na heagraíochtaí SIIL (Da’esh) agus Al-Qaida (IO L 139, 29.5.2002, lch. 9).