1.   Beidh údarú de dhíth chun ítimí dé-úsáide a liostaítear in Iarscríbhinn I a onnmhairiú.

2.   De bhun Airteagal 4, 5, 9 nó 10, féadfar údarú a éileamh freisin chun ítimí dé-úsáide áirithe nach liostaítear in Iarscríbhinn I a onnmhairiú chuig gach ceann scríbe nó chuig cinn scríbe áirithe.

1.   Beidh údarú de dhíth chun ítimí dé-úsáide nach liostaítear in Iarscríbhinn I a onnmhairiú más rud é gur chuir údarás inniúil in iúl don onnmhaireoir go bhfuil na hítimí i dtrácht ceaptha, nó go bhféadfaidh siad a bheith ceaptha, go hiomlán nó go páirteach:

2.   I gcás gurb eol d’onnmhaireoir go bhfuil na hítimí dé-úsáide atá beartaithe aige a onnmhairiú, nach liostaítear in Iarscríbhinn I, ceaptha, go hiomlán nó go páirteach, le haghaidh aon cheann de na húsáidí dá dtagraítear i mír 1 den Airteagal seo, tabharfaidh an t-onnmhaireoir fógra don údarás inniúil. Déanfaidh an t-údarás inniúil sin cinneadh i dtaobh na honnmhaire lena mbaineann a chur faoi réir údarú.

3.   Féadfaidh Ballstát reachtaíocht náisiúnta a ghlacadh nó a choimeád lena bhforchuirtear ceanglas údarúcháin maidir le honnmhairiú ítimí dé-úsáide nach liostaítear in Iarscríbhinn I má tá forais amhrais ag an onnmhaireoir go bhfuil na hítimí sin ceaptha, nó go bhféadfaidh siad a bheith ceaptha, ina n-iomláine nó i bpáirt, le haghaidh aon cheann de na húsáidí dá dtagraítear i mír 1 den Airteagal seo.

4.   Maidir le Ballstát a fhorchuireann ceanglas údarúcháin de bhun mhír 1, 2 nó 3, cuirfidh sé a údaráis chustaim agus údaráis náisiúnta ábhartha eile ar an eolas gan mhoill agus soláthróidh sé faisnéis ábhartha do na Ballstáit eile agus don Choimisiún maidir leis an gceanglas údarúcháin i dtrácht, go háirithe maidir leis na hítimí agus na heintitis lena mbaineann, mura rud é go measann sé nach iomchuí é sin a dhéanamh i bhfianaise chineál an idirbhirt nó i bhfianaise íogaireacht na faisnéise lena mbaineann.

5.   Tabharfaidh na Ballstáit aird chuí ar fhaisnéis a fhaightear de bhun mhír 4 agus cuirfidh siad a n-údaráis chustaim agus údaráis náisiúnta ábhartha eile ar an eolas faoin méid sin.

6.   Ionas go bhféadfaidh na Ballstáit scrúdú a dhéanamh ar na diúltuithe bailí uile, beidh feidhm ag Airteagal 16(1), (2) agus (5) go (7) maidir le cásanna a bhaineann le hítimí dé-úsáide nach liostaítear in Iarscríbhinn I.

7.   Déanfar na malartuithe uile faisnéise a cheanglaítear de bhun an Airteagail seo i gcomhréir leis na ceanglais dhlíthiúla a bhaineann le faisnéis phearsanta, faisnéis atá íogair ó thaobh na tráchtála de nó faisnéis maidir le cosaint , leis an mbeartas eachtrach nó leis an tslándáil náisiúnta atá faoi chosaint a chosaint. Déanfar na malartuithe faisnéise sin trí mhodhanna slána leictreonacha, lena n-áirítear tríd an gcóras dá dtagraítear in Airteagal 23(6).

8.   Ní dochar an Rialachán seo do cheart na mBallstát bearta náisiúnta a dhéanamh faoi Airteagal 10 de Rialachán (AE) 2015/479.

1.   Beidh údarú ag teastáil chun ítimí cibearfhaireachais nach liostaítear in Iarscríbhinn I a onnmhairiú más rud é gur chuir an t-údarás inniúil in iúl don onnmhaireoir go bhfuil na hítimí i dtrácht ceaptha, nó go bhféadfadh sé go bhfuil siad ceaptha, ina n-iomláine nó i bpáirt, lena n-úsáid i dtaca le brú faoi chois inmheánach agus/nó sáruithe tromchúiseacha a dhéanamh ar chearta an duine agus ar an dlí daonnúil idirnáisiúnta.

2.   I gcás gurb eol d’onnmhaireoir, de réir thorthaí an díchill chuí, go bhfuil ítimí cibearfhaireachais ceaptha atá beartaithe ag an onnmhaireoir a onnmhairiú, nach liostaítear in Iarscríbhinn I iad, ina n-iomláine nó i bpáirt, le haghaidh aon cheann de na húsáidí dá dtagraítear i mír 1 den Airteagal seo, tabharfaidh an t-onnmhaireoir fógra don údarás inniúil. Cinnfidh an t-údarás inniúil sin an gcuirfidh sé an t-onnmhairiú lena mbaineann faoi réir údarú nó nach gcuirfidh. Déanfaidh an Coimisiún agus an Chomhairle treoirlínte nó moltaí, dá dtagraítear in Airteagal 26(1), a chur ar fáil d’onnmhaireoirí.

3.   Féadfaidh Ballstát reachtaíocht náisiúnta a ghlacadh nó a choimeád lena bhforchuirtear ceanglas údarúcháin maidir le honnmhairiú ítimí cibearfhaireachais nach liostaítear in Iarscríbhinn I má tá forais amhrais ag an onnmhaireoir go bhfuil na hítimí sin ceaptha, nó go bhféadfaidh siad a bheith ceaptha, ina n-iomláine nó i bpáirt, le haghaidh aon cheann de na húsáidí dá dtagraítear i mír 1 den Airteagal seo.

4.   Maidir le Ballstát a fhorchuireann ceanglas údarúcháin de bhun mhír 1, mhír 2 nó mhír 3, cuirfidh sé a údaráis chustaim agus údaráis náisiúnta ábhartha eile ar an eolas gan mhoill agus soláthróidh sé faisnéis ábhartha do na Ballstáit eile agus don Choimisiún maidir leis an gceanglas údarúcháin i dtrácht, go háirithe maidir leis na hítimí agus na heintitis lena mbaineann, mura rud é go measann sé nach iomchuí é sin a dhéanamh i bhfianaise chineál an idirbhirt nó i bhfianaise íogaireacht na faisnéise lena mbaineann.

5.   Tabharfaidh na Ballstáit aird chuí ar fhaisnéis a fhaightear de bhun mhír 4 agus déanfaidh siad athbhreithniú uirthi i bhfianaise na gcritéar a leagtar amach i mír 1 laistigh de 30 lá oibre. Cuirfidh siad a n-údaráis chustaim agus údaráis náisiúnta ábhartha eile ar an eolas. I gcásanna eisceachtúla, féadfaidh aon Bhallstát síneadh ar an tréimhse 30 lá a iarraidh. Mar sin féin, ní bheidh an síneadh níos faide ná 30 lá oibre.

6.   I gcás ina dtabharfaidh na Ballstáit uile agus an Coimisiún fógra dá chéile agus don Choimisiún gur cheart ceanglas údarúcháin a fhorchur i gcás idirbhearta atá go bunúsach comhionann, foilseoidh an Coimisiún i sraith C d’Iris Oifigiúil an Aontais Eorpaigh faisnéis maidir leis na hítimí cibearfhaireachais agus, i gcás inarb iomchuí, cinn scríbe atá faoi réir ceanglais údarúcháin de réir mar a thug na Ballstáit fógra ina leith chun na críche sin.

7.   Déanfaidh na Ballstáit athbhreithniú ar an bhfaisnéis a fhoilsítear de bhun mhír 6 uair amháin in aghaidh na bliana ar a laghad, ar bhonn faisnéise agus anailísí ábhartha arna soláthar ag an gCoimisiún. I gcás ina dtugann na Ballstáit uile fógra dá chéile agus don Choimisiún gur cheart foilsiú ceanglais údarúcháin a leasú nó a athnuachan, déanfaidh an Coimisiún an fhaisnéis arna foilsiú de bhun mhír 6 i sraith C d’Iris Oifigiúil an Aontais Eorpaigh a leasú nó a athnuachan go pras agus dá réir.

8.   Ionas go bhféadfaidh na Ballstáit scrúdú a dhéanamh ar na diúltuithe bailí uile, beidh feidhm ag Airteagal 16(1), (2) agus (5) go (7) maidir le cásanna a bhaineann le hítimí cibearfhaireachais nach liostaítear in Iarscríbhinn I.

9.   Déanfar na malartuithe uile faisnéise a cheanglaítear de bhun an Airteagail seo i gcomhréir leis na ceanglais dhlíthiúla a bhaineann le faisnéis phearsanta, faisnéis atá íogair ó thaobh na tráchtála de nó faisnéis maidir le cosaint, leis an mbeartas eachtrach nó leis an tslándáil náisiúnta atá faoi chosaint a chosaint. Déanfar malartuithe faisnéise den sórt sin trí mhodhanna slána leictreonacha, lena n-áirítear tríd an gcóras dá dtagraítear in Airteagal 23(6).

10.   Déanfaidh na Ballstáit machnamh ar thacú le hítimí a fhoilsítear de bhun mhír 6 den Airteagal seo a chur isteach sna córais idirnáisiúnta iomchuí maidir le neamhleathadh nó sna socruithe iomchuí maidir le rialú onnmhairí d’fhonn síneadh a chur leis na rialuithe. Cuirfidh an Coimisiún anailísí ar na sonraí ábhartha arna mbailiú de bhun Airteagal 23(2) agus Airteagal 26(2) ar fáil.

11.   Ní dochar an Rialachán seo do cheart na mBallstát bearta náisiúnta a dhéanamh faoi Airteagal 10 de Rialachán (AE) 2015/479.

1.   Beidh údarú de dhíth le haghaidh seirbhísí bróicéireachta ar ítimí dé-úsáide a liostaítear in Iarscríbhinn I más rud é gur chuir an t-údarás inniúil an bróicéir ar an eolas go bhfuil na hítimí i dtrácht ceaptha, nó go bhféadfaidh siad a bheith ceaptha, go hiomlán nó go páirteach le haghaidh aon cheann de na húsáidí dá dtagraítear in Airteagal 4(1).

2.   I gcás ina mbeartóidh bróicéir seirbhísí bróicéireachta ítimí dé-úsáide a liostaítear in Iarscríbhinn I a sholáthar agus gurb eol dó go bhfuil na hítimí sin ceaptha, ina n-iomláine nó i bpáirt, le haghaidh aon cheann de na húsáidí dá dtagraítear in Airteagal 4(1), tabharfaidh an bróicéir fógra don údarás inniúil. Cinnfidh an t-údarás inniúil sin an gcuirfidh sé seirbhísí bróicéireachta den sórt sin faoi réir údarú nó nach gcuirfidh.

3.   Féadfaidh Ballstát cur i bhfeidhm mhír 1 a leathnú chuig ítimí dé-úsáide neamhliostaithe.

4.   Féadfaidh Ballstát reachtaíocht náisiúnta a ghlacadh nó a choimeád lena bhforchuirtear ceanglas údarúcháin maidir le soláthar seirbhísí bróicéireachta ítimí dé-úsáide má tá forais amhrais ag an mbróicéir go bhfuil na hítimí sin ceaptha, nó go bhféadfaidh siad a bheith ceaptha, le haghaidh aon cheann de na húsáidí dá dtagraítear in Airteagal 4(1).

5.   Beidh feidhm ag Airteagal 9(2), (3) agus (4) maidir leis na bearta náisiúnta dá dtagraítear i míreanna 3 agus 4 den Airteagal seo.

1.   Féadfaidh údarás inniúil an Bhallstáit ina bhfuil na hítimí lonnaithe toirmeasc a chur ar idirthuras ítimí dé-úsáide neamh-Aontais a liostaítear in Iarscríbhinn I tráth ar bith más rud é go bhfuil na hítimí ceaptha, nó go bhféadfaidh siad a bheith ceaptha, go hiomlán nó go páirteach, le haghaidh aon cheann de na húsáidí dá dtagraítear in Airteagal 4(1).

2.   Sula ndéanfar cinneadh cibé acu a thoirmeascfar nó nach dtoirmeascfar idirthuras, féadfaidh an t-údarás inniúil ceanglas onnmhairiúcháin a fhorchur i gcásanna aonair le haghaidh idirthuras sonrach ítimí dé-úsáide a liostaítear in Iarscríbhinn I más rud é go bhfuil na hítimí ceaptha, nó go bhféadfaidh siad a bheith ceaptha, go hiomlán nó go páirteach, le haghaidh aon cheann de na húsáidí dá dtagraítear in Airteagal 4(1). Má tharlaíonn an t-idirthuras trí chríoch an iliomad Ballstát, beidh údarás inniúil gach Ballstáit dá ndéantar difear in ann idirthuras den sórt sin trína chríoch a thoirmeasc.

Féadfaidh an t-údarás inniúil an ceanglas údarúcháin a fhorchur ar an duine nádúrtha nó dlítheanach nó ar an gcomhpháirtíocht a shealbhaíonn an conradh leis an gcoinsíní sa tríú tír agus ag a bhfuil an chumhacht cinneadh a dhéanamh go seolfar na hítimí trí chríoch chustaim an Aontais.

Mura bhfuil cónaí ar an duine nádúrtha nó dlítheanach nó ar an gcomhpháirtíocht i gcríoch chustaim an Aontais, nó mura bhfuil siad bunaithe ann, féadfaidh an t-údarás inniúil an ceanglas údarúcháin a fhorchur ar cheann acu seo a leanas:

3.   Féadfaidh Ballstát cur i bhfeidhm mhír 1 a leathnú chuig ítimí dé-úsáide neamhliostaithe.

4.   Beidh feidhm ag Airteagal 9(2), (3) agus (4) maidir leis na bearta náisiúnta dá dtagraítear i mír 3 den Airteagal seo.

1.   Beidh údarú de dhíth le haghaidh soláthar cúnaimh theicniúil ar ítimí dé-úsáide a liostaítear in Iarscríbhinn I más rud é gur chuir an t-údarás inniúil in iúl don soláthraí cúnaimh theicniúil go bhfuil na hítimí i dtrácht ceaptha, nó go bhféadfaidh siad a bheith ceaptha, go hiomlán nó go páirteach le haghaidh aon cheann de na húsáidí dá dtagraítear in Airteagal 4(1).

2.   I gcás ina mbeartaíonn soláthraí cúnaimh theicniúil cúnamh teicniúil a sholáthar le haghaidh ítimí dé-úsáide a liostaítear in Iarscríbhinn I agus gurb eol dó go bhfuil na hítimí sin ceaptha, ina n-iomláine nó i bpáirt, le haghaidh aon cheann de na húsáidí dá dtagraítear in Airteagal 4(1), tabharfaidh soláthraí an chúnaimh theicniúil fógra don údarás inniúil. Cinnfidh an t-údarás inniúil sin i dtaobh an cúnamh teicniúil sin a chur faoi réir údaraithe.

3.   Ní bheidh feidhm ag mír 1 ná ag mír 2 sna cásanna seo a leanas:

4.   Féadfaidh Ballstát cur i bhfeidhm mhír 1 a leathnú chuig ítimí dé-úsáide neamhliostaithe.

5.   Féadfaidh Ballstát reachtaíocht náisiúnta a ghlacadh nó a choimeád lena bhforchuirtear ceanglas údarúcháin maidir le cúnamh teicniúil a sholáthar i gcás ina bhfuil forais amhrais ag an soláthraí cúnaimh theicniúil, ar soláthraí é a bheartaíonn cúnamh teicniúil a sholáthar le haghaidh ítimí dé-úsáide, go bhfuil na hítimí sin ceaptha, nó go bhféadfadh siad a bheith ceaptha, le haghaidh aon cheann de na húsáidí dá dtagraítear in Airteagal 4(1).

6.   Beidh feidhm ag Airteagal 9(2), (3) agus (4) maidir leis na bearta náisiúnta dá dtagraítear i míreanna 4 agus 5 den Airteagal seo.

1.   Féadfaidh Ballstát onnmhairiú ítimí dé-úsáide nach liostaítear in Iarscríbhinn I a thoirmeasc nó ceanglas údarúcháin a fhorchur air ar chúiseanna slándála poiblí, lena n-áirítear gníomhartha sceimhlitheoireachta, nó chun ceisteanna chearta an duine a chur san áireamh.

2.   Tabharfaidh na Ballstáit fógra don Choimisiún agus do na Ballstáit eile faoi aon bhearta arna nglacadh de bhun mhír 1 gan mhoill agus cuirfidh siad na cúiseanna beachta atá leis na bearta in iúl. Más rud é go mbunaítear liosta náisiúnta um rialú leis an mbeart, cuirfidh na Ballstáit an Coimisiún agus na Ballstáit eile ar an eolas freisin faoin tuairisc ar na hítimí rialaithe.

3.   Tabharfaidh na Ballstáit, gan mhoill, fógra láithreach don Choimisiún agus do na Ballstáit eile faoi aon leasú a dhéantar ar na bearta arna nglacadh de bhun mhír 1 freisin, lena n-áirítear aon leasú ar a liostaí náisiúnta rialaithe.

4.   Foilseoidh an Coimisiún na bearta a gcuirfear fógra chuige ina leith de bhun mhíreanna 2 agus 3 i sraith C d’Iris Oifigiúil an Aontais Eorpaigh. Déanfaidh an Coimisiún tiomsú de na liostaí náisiúnta rialaithe atá i bhfeidhm sna Ballstáit a fhoilsiú ar leithligh, gan mhoill agus i dteangacha oifigiúla uile an Aontais. Ar fhógra a fháil ó Bhallstát faoi aon leasú ar a liosta náisiúnta rialaithe, foilseoidh an Coimisiún, gan mhoill agus i dteangacha oifigiúla uile an Aontais nuashonrú ar thiomsú na liostaí náisiúnta rialaithe atá i bhfeidhm sna Ballstáit.

1.   Beidh údarú ag teastáil chun ítimí dé-úsáide nach liostaítear in Iarscríbhinn I a onnmhairiú má fhorchuireann Ballstát eile ceanglas údarúcháin le haghaidh onnmhairiú na n-ítimí sin ar bhonn liosta náisiúnta rialaithe d’ítimí arna ghlacadh ag an mBallstát sin de bhun Airteagal 9 agus arna fhoilsiú ag an gCoimisiún de bhun Airteagal 9(4), agus más rud é go bhfuil an t-údarás inniúil tar éis an t-onnmhaireoir a chur ar an eolas go bhfuil na hítimí i dtrácht ceaptha, nó go bhféadfaidh siad a bheith ceaptha, ina n-iomláine nó i bpáirt, d’úsáidí is cúis imní maidir le slándáil phoiblí, lena n-áirítear cosc a chur ar ghníomhartha sceimhlitheoireachta, nó breithnithe maidir le cearta an duine.

2.   Maidir le Ballstát a dhiúltóidh údarú a cheanglaítear faoi mhír 1, cuirfidh sé an Coimisiún agus na Ballstáit eile ar an eolas freisin faoi chinneadh den sórt sin.

3.   Maidir le Ballstát a fhorchuireann ceanglas údarúcháin, de bhun mhír 1 den Airteagal seo, ar onnmhairiú ítime dé-úsáide nach liostaítear in Iarscríbhinn I, cuirfidh sé a údaráis chustaim agus údaráis náisiúnta ábhartha eile ar an eolas faoin gceanglas údarúcháin gan mhoill agus, i gcás inarb iomchuí, cuirfidh sé an fhaisnéis ábhartha ar fáil do na Ballstáit eile agus don Choimisiún, go háirithe maidir leis na hítimí agus na húsáideoirí deiridh lena mbaineann. Tabharfaidh na Ballstáit eile aird chuí ar an bhfaisnéis sin agus cuirfidh siad a n-údaráis chustaim agus údaráis náisiúnta ábhartha eile ar an eolas faoin méid sin.

1.   Beidh údarú de dhíth freisin le haghaidh aistrithe ítimí dé-úsáide a liostaítear in Iarscríbhinn IV laistigh den Aontas. Ní chumhdófar ítimí dé-úsáide a liostaítear i gCuid 2 d’Iarscríbhinn IV le húdarú ginearálta.

2.   Féadfaidh Ballstát ceanglas údarúcháin a fhorchur le haghaidh aistriú ítimí dé-úsáide eile óna chríoch chuig Ballstát eile i gcásanna inarb amhlaidh tráth an aistrithe:

3.   Déanfar iarratas ar an údarú aistrithe dá dtagraítear i míreanna 1 agus 2 sa Bhallstát óna bhfuil na hítimí dé-úsáide le haistriú.

4.   I gcásanna ina bhfuil an Ballstát óna bhfuil na hítimí le haistriú tar éis glacadh cheana féin le honnmhairiú na n-ítimí dé-úsáide le linn nósanna imeachta comhairliúcháin a leagtar amach in Airteagal 14, eiseofar an t-údarú aistrithe don oibreoir láithreach, mura rud é go bhfuil athrú suntasach tagtha ar na himthosca.

5.   Cuirfidh Ballstát a ghlacann reachtaíocht lena ndéantar ceanglas den sórt sin a fhorchur dá dtagraítear i mír 2 an Coimisiún agus na Ballstáit eile a chur ar an eolas, gan mhoill, faoi na bearta atá déanta aige gan mhoill. Foilseoidh an Coimisiún an fhaisnéis sin a gcuirfear fógra chuige ina leith i sraith C d’Iris Oifigiúil an Aontais Eorpaigh.

6.   Ní bheidh sé i gceist le cur i bhfeidhm na mbeart a ghlacfar de bhun mhíreanna 1 agus 2 rialuithe teorann inmheánaí a chur i bhfeidhm laistigh de chríoch chustaim an Aontais, ach ní bheidh i gceist ach rialuithe a fheidhmítear mar chuid de na gnáthnósanna imeachta rialaithe a chuirtear i bhfeidhm ar bhealach neamh-idirdhealaitheach ar fud chríoch chustaim an Aontais.

7.   Ní bheidh mar thoradh ar na bearta a chuirtear i bhfeidhm de bhun mhíreanna 1 agus 2, aistrithe ó Bhallstát amháin chuig Ballstát eile faoi réir coinníollacha níos srianta ná iad sin a fhorchuirtear ar onnmhairiú na n-ítimí céanna chuig tríú tíortha.

8.   Féadfaidh Ballstát a cheangal, faoi reachtaíocht náisiúnta, go ndéanfar, le haghaidh aon aistrithe ón mBallstát sin laistigh den Aontas d’ítimí a liostaítear in Iarscríbhinn I, Catagóir 5, Cuid 2, nach liostaítear in Iarscríbhinn IV, faisnéis bhreise a bhaineann leis na hítimí sin a sholáthar d’údarás inniúil an Bhallstáit sin.

9.   Tabharfar le fios go soiléir sna doiciméid tráchtála ábhartha a bhaineann le haistrithe ítimí dé-úsáide a liostaítear in Iarscríbhinn I laistigh den Aontas go bhfuil na hítimí sin faoi réir rialuithe má dhéantar iad a onnmhairiú ó chríoch chustaim an Aontais. San áireamh sna doiciméid sin tá, go háirithe, aon chonradh díolacháin, deimhniú ar ordú, sonrasc nó nóta last-táille.

1.   Féadfar na cineálacha údaruithe onnmhairiúcháin seo a leanas a eisiúint nó a bhunú faoin Rialachán seo:

Beidh údarúcháin arna n-eisiúint nó arna mbunú faoin Rialachán seo bailí ar fud chríoch chustaim an Aontais.

2.   Is é údarás inniúil an Bhallstáit ina bhfuil an t-onnmhaireoir ina chónaí nó ina bhfuil an t-onnmhaireoir bunaithe a thabharfaidh údaruithe onnmhairiúcháin aonair agus údaruithe onnmhairiúcháin dhomhanda faoin Rialachán seo.

Gan dochar do phointe (3) d’Airteagal 2, i gcás nach bhfuil an t-onnmhaireoir ina chónaí nó bunaithe ar chríoch chustaim an Aontais, is é údarás inniúil an Bhallstáit ina bhfuil na hítimí dé-úsáide lonnaithe a thabharfaidh údaruithe onnmhairiúcháin aonair faoin Rialachán seo.

Eiseofar gach údarú onnmhairiúcháin aonair agus gach údarú onnmhairiúcháin foriomlán, aon uair is féidir sin, ar mhodhanna leictreonacha ar fhoirmeacha ar a mbeidh ar a laghad gach ceann de na heilimintí, agus san ord, dá bhforáiltear sna samhlacha a leagtar amach i Roinn A d’Iarscríbhinn III.

3.   Beidh údaruithe onnmhairiúcháin aonair agus údaruithe onnmhairiúcháin foriomlána bailí ar feadh suas le dhá bhliain, mura gcinnfidh an t-údarás inniúil a mhalairt.

Beidh údarúcháin do thionscadail mhóra bailí ar feadh tréimhse atá le cinneadh ag an údarás inniúil, ach nach faide ná ceithre bliana í, ach amháin i gcúinsí a bhfuil údar cuí leo bunaithe ar ré an tionscadail.

4.   Soláthróidh onnmhaireoirí gach faisnéis ábhartha atá de dhíth ar an údarás inniúil dá n-iarratais ar údaruithe onnmhairiúcháin aonair agus údaruithe onnmhairiúcháin domhanda chun faisnéis iomlán a sholáthar go háirithe faoin úsáideoir deiridh, an tír cinn scríbe agus úsáid deiridh na hítime atá á honnmhairiú.

Beidh údaruithe onnmhairiúcháin aonair faoi réir ráiteas úsáide deiridh. Féadfaidh an t-údarás inniúil iarratais áirithe a dhíolmhú ón oibleagáid ráiteas úsáide deiridh a sholáthar. Féadfaidh údaruithe onnmhairiúcháin foriomlána a bheith faoi réir ráiteas úsáide deiridh más iomchuí.

Déanfaidh onnmhaireoirí a úsáideann údaruithe onnmhairiúcháin domhanda CIC a chur chun feidhme, mura rud é go measann an t-údarás inniúil nach gá sin i ngeall ar fhaisnéis eile arna cur san áireamh aige agus an t-iarratas ar údarú onnmhairiúcháin domhanda arna thíolacadh ag an onnmhaireoir á phróiseáil aige.

Déanfaidh na Ballstáit ceanglais tuairiscithe agus ceanglais ICP a bhaineann le húsáid na n-údaruithe onnmhairiúcháin foriomlána a shainiú.

Arna iarraidh sin d’onnmhaireoirí, déanfar údaruithe onnmhairiúcháin foriomlána ina bhfuil teorainneacha cainníochta a dheighilt.

5.   Próiseálfaidh údaráis inniúla na mBallstát iarrataí ar údaruithe aonair nó foriomlána laistigh de thréimhse a bheidh le socrú faoin dlí náisiúnta nó faoin gcleachtas náisiúnta.

6.   Maidir leis na húdaruithe náisiúnta ginearálta onnmhairiúcháin:

Féadfaidh údaruithe náisiúnta ghinearálta onnmhairiúcháin feidhm a bheith acu freisin maidir le hítimí agus cinn scríbe a liostaítear i Ranna A go H d’Iarscríbhinn II.

Tabharfaidh na Ballstáit fógra don Choimisiún láithreach faoi aon údarú náisiúnta ginearálta onnmhairiúcháin a eisítear nó a mhodhnaítear. Foilseoidh an Coimisiún fógraí den sórt sin i sraith C d’Iris Oifigiúil an Aontais Eorpaigh.

7.   Féadfaidh údarás inniúil an Bhallstáit ina bhfuil an t-onnmhaireoir ina chónaí nó ina bhfuil sé bunaithe toirmeasc a chur ar an onnmhaireoir údaruithe ginearálta onnmhairiúcháin ón Aontas a úsáid má tá amhras réasúnta ann i leith chumas an onnmhaireora an t-údarú sin a chomhlíonadh nó foráil de chuid na reachtaíochta maidir le rialú ar onnmhairiú a chomhlíonadh.

Déanfaidh údaráis inniúla na mBallstát faisnéis a mhalartú faoi onnmhaireoirí a bhfuil toirmeasc orthu úsáid a bhaint as údarú ginearálta onnmhairiúcháin ón Aontas, ach amháin má chinneann údarás inniúil an Bhallstáit ina bhfuil an t-onnmhaireoir ina chónaí nó ina bhfuil sé bunaithe nach ndéanfaidh an t-onnmhaireoir iarracht ítimí dé-úsáide a onnmhairiú trí Bhallstát eile. Déanfar faisnéis a mhalartú trí úsáid a bhaint as an gcóras leictreonach dá dtagraítear in Airteagal 23(6).

1.   Is é údarás inniúil an Bhallstáit ina bhfuil cónaí ar an mbróicéir nó an soláthraí cúnaimh theicniúil nó ina bhfuil sé bunaithe a dheonóidh údaruithe le haghaidh soláthar seirbhísí bróicéireachta agus cúnamh teicniúil faoin Rialachán seo. I gcás nach mbeidh an bróicéir nó an soláthraí cúnaimh theicniúil ina chónaí nó bunaithe ar chríoch chustaim an Aontais, is é údarás inniúil an Bhallstáit as a gcuirfear na seirbhísí bróicéireachta nó an cúnamh teicniúil ar fáil a dheonóidh údaruithe chun seirbhísí bróicéireachta agus cúnamh teicniúil a sholáthar faoin Rialachán seo.

2.   Tabharfar údaruithe chun seirbhísí bróicéireachta a sholáthar le haghaidh cainníocht shocraithe d’ítimí sonracha agus déanfar suíomh na n-ítimí sa tríú tír as ar thionscain siad, an t-úsáideoir deiridh agus suíomh beacht an úsáideora deiridh a shainaithint go soiléir.

Sainaithneofar go soiléir sna húdaruithe le haghaidh cúnamh teicniúil an t-úsáideoir deiridh agus suíomh beacht an úsáideora sin.

Beidh na húdarúcháin bailí ar fud chríoch chustaim an Aontais.

3.   Soláthróidh bróicéirí agus soláthraithe cúnaimh theicniúil gach faisnéis ábhartha don údarás inniúil atá de dhíth dá n-iarratas ar údarú faoin Rialachán seo, go háirithe sonraí maidir le suíomh na n-ítimí dé-úsáide, tuairisc shoiléir ar na hítimí agus ar an gcainníocht atá i gceist, tríú páirtithe a bhfuil baint acu leis an idirbheart, an tír atá mar cheann scríbe, an t-úsáideoir deiridh sa tír sin agus suíomh beacht an úsáideora deiridh.

4.   Próiseálfaidh údaráis inniúla na mBallstát iarrataí ar údaruithe chun seirbhísí bróicéireachta agus cúnamh teicniúil a sholáthar laistigh de thréimhse ama a bheidh le cinneadh faoin dlí náisiúnta nó faoin gcleachtas náisiúnta.

5.   Eiseofar gach údarú le haghaidh soláthar seirbhísí bróicéireachta agus cúnamh teicniúil, aon uair is féidir sin, ar mhodhanna leictreonacha ar fhoirmeacha ar a bhfuil ar a laghad gach ceann de na heilimintí, agus san ord, dá bhforáiltear sna samhlacha a leagtar amach i Roinn B d’Iarscríbhinn III.

1.   Más rud é, i gcás ítimí dé-úsáide ar cuireadh iarratas isteach ina leith ar údarú onnmhairiúcháin aonair chuig ceann scríbe nach liostaítear i gCuid 2 de Roinn A d’Iarscríbhinn II nó chuig aon cheann scríbe i gcás ítimí dé-úsáide a liostaítear in Iarscríbhinn IV, go bhfuil nó go mbeidh na hítimí sin suite i gceann amháin nó níos mó de na Ballstáit, amach ón mBallstát ina ndearnadh an t-iarratas, tabharfar sin le fios san iarratas. Rachaidh údarás inniúil an Bhallstáit ar cuireadh an t-iarratas ar údarú onnmhairiúcháin faoina bhráid i gcomhairle le húdaráis inniúla na mBallstát a bheidh i dtrácht láithreach agus soláthróidh sé an fhaisnéis ábhartha. Féadfar an comhairliúchán sin a dhéanamh trí úsáid a bhaint as an gcóras leictreonach dá dtagraítear in Airteagal 23(6) . Déanfaidh na Ballstáit a rachfar i gcomhairle leo aon agóidí a d’fhéadfadh a bheith acu maidir le húdarú den sórt sin a dheonú a chur in iúl laistigh de 10 lá oibre, agus beidh siad ina gceangal ar an mBallstát ina ndearnadh an t-iarratas.

Mura bhfaighfear aon agóid laistigh de 10 lá oibre, measfar nach bhfuil aon agóid ag na Ballstáit a ndeachthas i gcomhairle leo.

I gcásanna eisceachtúla, féadfaidh aon Bhallstát a rachfar i gcomhairle leis síneadh ar an tréimhse 10 lá sin a iarraidh. Mar sin féin, ní bheidh an síneadh níos faide ná 30 lá oibre.

2.   Más rud é go bhféadfadh onnmhairiú dochar a dhéanamh dá leasanna slándála riachtanacha, féadfaidh Ballstát iarraidh ar Bhallstát eile gan údarú onnmhairiúcháin a dheonú nó, más rud é gur deonaíodh údarú den sórt sin, iarraidh go ndéanfaí é a chur ar neamhní, a chur ar fionraí, a mhodhnú nó a chúlghairm. Rachaidh an Ballstát a gheobhaidh iarraidh den sórt sin i mbun comhairliúcháin neamh-cheangailteacha láithreach leis an mBallstát a dhéanfaidh an iarraidh, agus beidh siad le cur i gcrích laistigh de 10 lá oibre. I gcás ina ndéanfaidh an Ballstát a fhaigheann an t-iarratas cinneadh an t-údarú a dheonú, tabharfaidh an Ballstát sin fógra don Choimisiún agus do na Ballstáit eile faoi sin ag baint úsáid as an gcóras leictreonach dá dtagraítear in Airteagal 23(6).

1.   Agus cinneadh á dhéanamh cibé acu údarú a dheonú nó gan é a dheonú nó é a thoirmeasc faoin Rialachán seo, cuirfidh na Ballstáit na breithnithe ábhartha go léir san áireamh, lena n-áirítear:

2.   Sa bhreis ar na critéir a leagtar amach i mír 1, agus measúnú á dhéanamh acu ar iarratas ar údarú foriomlán onnmhairiúcháin, cuirfidh na Ballstáit san áireamh cur chun feidhme ICP ag an onnmhaireoir.

1.   Féadfaidh an t-údarás inniúil, ag gníomhú dó i gcomhréir leis an Rialachán seo, diúltú údarú a dheonú agus féadfaidh sé údarú atá deonaithe cheana aige a chur ar neamhní, a fhionraí, a mhodhnú nó a chúlghairm. I gcás ina ndéanfaidh an t-údarás inniúil údarú onnmhairiúcháin a dhiúltú, a chur ar neamhní, a shrianadh go suntasach nó a chúlghairm nó i gcás ina mbeidh cinneadh déanta aige nach ndéanfar an t-onnmhairiú atá beartaithe a údarú, tabharfaidh sé fógra faoin méid sin d’údaráis inniúla na mBallstát eile agus don Choimisiún agus comhroinnfidh sé an fhaisnéis ábhartha leo. I gcás ina bhfuil údarú onnmhairiúcháin curtha ar fionraí ag údarás inniúil Ballstáit, cuirfear an measúnú deiridh in iúl do na húdaráis inniúla sna Ballstáit eile agus don Choimisiún ag deireadh na tréimhse fionraíochta.

2.   Déanfaidh údaráis inniúla na mBallstát athbhreithniú ar dhiúltuithe ar údaruithe a dtabharfar fógra ina leith faoi mhír 1 laistigh de thrí bliana ón uair a thabharfar fógra ina leith agus déanfaidh siad iad a chúlghairm, a leasú nó a athnuachan. Tabharfaidh údaráis inniúla na mBallstát fógra faoi thorthaí an athbhreithnithe d’údaráis inniúla na mBallstát eile agus don Choimisiún a luaithe is féidir. Leanfaidh diúltuithe nach ndéantar a chúlghairm de bheith bailí agus déanfar athbhreithniú orthu gach trí bliana. Tráth an tríú hathbhreithniú, beidh sé de cheangal ar an mBallstát lena mbaineann míniú a thabhairt ar an réasúnú a bhí le diúltú den sórt sin a choinneáil.

3.   Tabharfaidh an t-údarás inniúil fógra gan mhoill d’údaráis inniúla na mBallstát eile agus don Choimisiún faoina gcinntí maidir le toirmeasc a chur ar idirthuras ítimí dé-úsáide a dhéantar faoi Airteagal 7. Beidh an fhaisnéis ábhartha go léir sna fógraí sin lena n-áirítear aicmiú na hítime, paraiméadair theicniúla na hítime, an tír is ceann scríbe agus an t-úsáideoir deiridh.

4.   Beidh feidhm ag míreanna 1 agus 2 den Airteagal seo freisin maidir le húdaruithe chun seirbhísí bróicéireachta agus cúnamh teicniúil a sholáthar dá dtagraítear in Airteagal 13.

5.   Sula gcinnfidh údarás inniúil Ballstáit ar cheart nó nár cheart údarú a dheonú nó idirthuras a thoirmeasc faoin Rialachán seo, déanfaidh sé scrúdú ar gach diúltú bailí nó cinneadh lena dtoirmeasctar idirthuras ítimí dé-úsáide a liostaítear in Iarscríbhinn I a rinneadh faoin Rialachán seo lena fhionnadh ar dhiúltaigh údaráis inniúla i mBallstát eile údarú nó idirthuras le haghaidh idirbheart arb ionann é go bunúsach agus an t-idirbheart i dtrácht. Ansin rachaidh sé i gcomhairle le húdaráis inniúla an Bhallstáit a d’eisigh diúltaithe nó cinntí den sórt sin chun idirthuras a thoirmeasc mar a fhoráiltear i míreanna 1, 3 agus 4 den Airteagal seo.

Cuirfidh údaráis inniúla na mBallstát a rachfar i gcomhairle leo in iúl laistigh de 10 lá oibre an measann siad gur idirbheart atá go bunúsach comhionann leis an idirbheart atá i gceist an t-idirbheart i dtrácht. Mura bhfaighfear freagairt laistigh de 10 lá oibre, measfar nach measann údaráis inniúla na mBallstát a ndeachthas i gcomhairle leo gur idirbheart atá comhionann go bunúsach leis an idirbheart i dtrácht atá ann.

Más gá tuilleadh faisnéise chun meastóireacht cheart a dhéanamh ar an idirbheart i dtrácht, tiocfaidh údaráis inniúla na mBallstát lena mbaineann ar chomhaontú maidir leis an tréimhse 10 lá sin a fhadú. Mar sin féin, ní bheidh an síneadh níos faide ná 30 lá oibre.

Más rud é, tar éis comhairliúchán den sórt sin, go gcinneann an t-údarás inniúil an t-údarú a dheonú nó an t-idirthuras a cheadú, tabharfaidh sé fógra d’údaráis inniúla na mBallstát eile agus don Choimisiún, agus soláthróidh sé an fhaisnéis ábhartha go léir chun an cinneadh a mhíniú.

6.   Déanfar na fógraí uile a cheanglaítear faoin Airteagal seo trí bhíthin meán slán leictreonach, lena n-áirítear tríd an gcóras dá dtagraítear in Airteagal 23(6).

7.   Beidh gach faisnéis a roinnfear de bhun an Airteagail seo i gcomhréir le hAirteagal 23(5) maidir le rúndacht faisnéise den sórt sin.

1.   Tugtar de chumhacht don Choimisiún gníomhartha tarmligthe a ghlacadh i gcomhréir le hAirteagal 18 chun liosta na n-ítimí dé-úsáide a leagtar amach in Iarscríbhinní I agus i IV a thabhairt cothrom le dáta, mar a leanas:

2.   Tugtar de chumhacht don Choimisiún gníomhartha tarmligthe a ghlacadh i gcomhréir le hAirteagal 18 chun Iarscríbhinn II a leasú trí ítimí a bhaint agus trí chinn scríbe a chur le raon feidhme údaruithe ginearálta onnmhairiúcháin ón Aontas nó trí chinn scríbe a bhaint de raon feidhme na n-údaruithe ginearálta onnmhairiúcháin i gcomhairle leis an nGrúpa Comhordúcháin um Dhé-Úsáid arna chur ar bun de bhun Airteagal 24 agus ag cur san áireamh oibleagáidí agus gealltanais faoi na córais ábhartha maidir le neamhleathadh agus na socruithe ábhartha maidir le rialú onnmhairí, amhail leasuithe ar liostaí rialaithe, chomh maith le forbairtí geopholaitiúla ábhartha. Más rud é go n-éilítear, ar mhórchúiseanna práinne, cinn scríbe áirithe a bhaint de raon feidhme údaraithe ginearálta onnmhairiúcháin ón Aontas, beidh feidhm ag an nós imeachta dá bhforáiltear in Airteagal 19 maidir le gníomhartha tarmligthe a ghlactar de bhun na míre seo.

1.   Is faoi réir na gcoinníollacha a leagtar síos san Airteagal seo a thugtar an chumhacht don Choimisiún chun gníomhartha tarmligthe a ghlacadh.

2.   Déanfar an chumhacht chun gníomhartha tarmligthe a ghlacadh dá dtagraítear in Airteagal 17 a thabhairt don Choimisiún go ceann tréimhse cúig bliana ón 9 Meán Fómhair 2021. Déanfaidh an Coimisiún, tráth nach déanaí ná 9 mí roimh dheireadh na tréimhse cúig bliana, tuarascáil a tharraingt suas maidir le tarmligean na cumhachta. Déanfar tarmligean na cumhachta a fhadú go hintuigthe go ceann tréimhsí comhfhaid, mura rud é go gcuireann Parlaimint na hEorpa nó an Chomhairle in aghaidh an fhadaithe sin tráth nach déanaí ná 3 mhí roimh dheireadh gach tréimhse.

3.   Féadfaidh Parlaimint na hEorpa nó an Chomhairle tarmligean na cumhachta dá dtagraítear in Airteagal 17 a chúlghairm aon tráth. Le cinneadh chun cúlghairm a dhéanamh, cuirfear deireadh le tarmligean na cumhachta atá sonraithe sa chinneadh sin. Gabhfaidh éifeacht leis an lá tar éis fhoilsiú an chinnidh in Iris Oifigiúil an Aontais Eorpaigh nó ar dháta is déanaí a shonrófar sa chinneadh. Ní dhéanfaidh sé difear do bhailíocht aon ghnímh tharmligthe atá i bhfeidhm cheana.

4.   Sula nglacfaidh sé gníomh tarmligthe, rachaidh an Coimisiún i mbun comhairliúchán le saineolaithe arna n-ainmniú ag gach Ballstát i gcomhréir leis na prionsabail a leagtar síos i gComhaontú Idirinstitiúideach an 13 Aibreán 2016 maidir le Reachtóireacht Níos Fearr.

5.   A luaithe a ghlacfaidh sé gníomh tarmligthe, tabharfaidh an Coimisiún fógra, an tráth céanna, do Pharlaimint na hEorpa agus don Chomhairle faoi.

6.   Ní thiocfaidh gníomh tarmligthe a ghlacfar de bhun Airteagal 17 seo i bhfeidhm ach amháin mura mbeidh aon agóid curtha in iúl ag Parlaimint na hEorpa nó ag an gComhairle laistigh de thréimhse dhá mhí tar éis fógra faoin ngníomh sin a thabhairt do Pharlaimint na hEorpa agus don Chomhairle nó más rud é, roimh dhul in éag na tréimhse sin, go mbeidh Parlaimint na hEorpa agus an Chomhairle araon tar éis a chur in iúl don Choimisiún nach ndéanfaidh siad agóid. Déanfar an tréimhse sin a fhadú dhá mhí ar thionscnamh Pharlaimint na hEorpa nó na Comhairle.

1.   Tiocfaidh gníomhartha tarmligthe a ghlactar faoin Airteagal seo i bhfeidhm gan mhoill agus beidh feidhm acu ar choinníoll nach ndéanfar agóid i gcomhréir le mír 2. Déanfar na cúiseanna le húsáid a bhaint as an nós imeachta práinne a lua san fhógra faoi ghníomh tarmligthe a thugtar do Pharlaimint na hEorpa agus don Chomhairle.

2.   Féadfaidh Parlaimint na hEorpa nó an Chomhairle agóid a dhéanamh i gcoinne gníomh tarmligthe i gcomhréir leis an nós imeachta dá dtagraítear in Airteagal 18(6). I gcás den sórt sin, déanfaidh an Coimisiún an gníomh tarmligthe a aisghairm láithreach tar éis do Pharlaimint na hEorpa nó don Chomhairle fógra a thabhairt don Choimisiún maidir leis an gcinneadh agóid a dhéanamh.

1.   Agus na foirmiúlachtaí á gcur i gcrích d’onnmhairiú na n-ítimí dé-úsáide ag an oifig chustaim a bhfuil sé de chúram uirthi an dearbhú onnmhairiúcháin a láimhseáil, cuirfidh an t-onnmhaireoir cruthúnas ar fáil go bhfuarthas aon údarú onnmhairiúcháin a bhí riachtanach.

2.   D’fhéadfadh sé go gceanglófar ar an onnmhaireoir aistriúchán a sholáthar ar aon doiciméad a chuirtear ar fáil mar chruthúnas, go teanga oifigiúil de chuid an Bhallstáit ina ndéantar an dearbhú onnmhairiúcháin a thíolacadh.

3.   Gan dochar d’aon cheann de na cumhachtaí a bhronntar air faoi Chód Custaim an Aontais agus de bhun an Chóid sin, féadfaidh Ballstát próiseas an onnmhairithe óna chríoch féin a chur ar fionraí freisin ar feadh tréimhse nach faide í ná na tréimhsí dá dtagraítear i mír 4 nó, más gá, cosc a chur ar bhealach eile ar ítimí dé-úsáide a chumhdaítear nó nach gcumhdaítear faoi údarú onnmhairiúcháin bailí an Aontais a fhágáil trína chríoch féin, i gcás ina bhfuil:

4.   Sna cásanna dá dtagraítear i mír 3 den Airteagal seo, rachaidh an Ballstát dá dtagraítear sa mhír sin i gcomhairle le húdarás inniúil an Bhallstáit a dheonaigh an t-údarú onnmhairithe nó a fhéadfaidh gníomhú de bhun Airteagal 4(1) gan mhoill ionas go bhféadfaidh an t-údarás inniúil gníomhú de bhun Airteagal 4(1) nó Airteagal 16(1) . Má chinneann an t-údarás inniúil sin an t-údarú a choimeád nó gan gníomhaíocht a dhéanamh de bhun Airteagal 4(1), tabharfaidh sé freagra laistigh de 10 lá oibre, arna iarraidh sin dó, a fhéadfar a shíneadh go 30 lá oibre i gcúinsí eisceachtúla. I gcás den sórt sin, nó mura bhfaighfear freagra laistigh de 10 nó 30 lá oibre, de réir mar a bheidh, scaoilfear na hítimí dé-úsáide láithreach. Cuirfidh údarás inniúil an Bhallstáit a dheonaigh an t-údarú údaráis inniúla na mBallstát eile agus an Coimisiún ar an eolas.

5.   Féadfaidh an Coimisiún, i gcomhar leis na Ballstáit, treoir a fhorbairt chun tacú leis an gcomhar idirghníomhaireachta idir na húdaráis cheadúnúcháin agus na húdaráis chustaim.

1.   Féadfaidh na Ballstáit foráil a dhéanamh nach bhféadfaí na foirmiúlachtaí custaim le haghaidh onnmhairiú ítimí dé-úsáide a chur i gcrích ach amháin ag oifigí custaim arna gcumhachtú chuige sin.

2.   Cuirfidh na Ballstáit a bhainfidh leas iad féin as an rogha a leagtar amach i mír 1 an Coimisiún ar an eolas faoi na hoifigí custaim arna gcumhachtú go cuí. Foilseoidh an Coimisiún an fhaisnéis i sraith C d’Iris Oifigiúil an Aontais Eorpaigh.

1.   Cuirfidh na Ballstáit an Coimisiún ar an eolas gan mhoill maidir leis na dlíthe, na rialacháin agus na forálacha riaracháin arna nglacadh agus an Rialachán seo á chur chun feidhme, lena n-áirítear:

Seolfaidh an Coimisiún an fhaisnéis seo ar aghaidh chuig na Ballstáit eile agus foilseoidh sé an fhaisnéis i sraith C d’Iris Oifigiúil an Aontais Eorpaigh.

2.   Déanfaidh na Ballstáit, i gcomhar leis an gCoimisiún, na bearta iomchuí uile is gá chun comhar díreach agus malartú faisnéise a bhunú idir na húdaráis inniúla d‘fhonn éifeachtúlacht chóras rialaithe onnmhairí an Aontais a fheabhsú agus d’fhonn a áirithiú go ndéanfar rialú a chur chun feidhme agus a fhorfheidhmiú go comhsheasmhach agus go héifeachtach ar fud chríoch chustaim an Aontais. D’fhéadfadh an méid seo a leanas a bheith san áireamh sa mhalartú faisnéise:

3.   Déanfar malartú sonraí ceadúnúcháin uair sa bhliain ar a laghad i gcomhréir le treoirlínte atá le tarraingt suas ag an nGrúpa Comhordaithe um Dhé-Úsáid arna bhunú de bhun Airteagal 24 agus aird chuí á tabhairt ar cheanglais dhlíthiúla a bhaineann le faisnéis phearsanta, faisnéis atá íogair ó thaobh na tráchtála de faisnéis maidir le cosaint, leis an mbeartas eachtrach nó leis an tslándáil náisiúnta atá faoi chosaint a chosaint.

4.   Déanfaidh na Ballstáit agus an Coimisiún scrúdú rialta ar chur chun feidhme Airteagal 15 bunaithe ar fhaisnéis arna tíolacadh de bhun an Rialacháin seo agus ar anailísí ar shonraí den sórt sin. Urramóidh gach rannpháirtí sna malartuithe sin rúndacht na bpléití.

5.   Beidh feidhm mutatis mutandis ag Rialachán (CE) Uimh. 515/97 ón gComhairle (14), agus go háirithe ag a chuid forálacha maidir le rúndacht faisnéise.

6.   Forbróidh an Coimisiún córas atá slán agus criptithe i gcomhairle leis an nGrúpa Comhordúcháin um Dhé-Úsáid arna chur ar bun faoi Airteagal 24, chun tacú le comhar díreach agus malartú faisnéise idir údaráis inniúla na mBallstát agus, i gcás inarb iomchuí, an Coimisiún. Déanfaidh an Coimisiún an córas a nascadh, i gcás inarb indéanta, le córais cheadúnúcháin leictreonacha údaráis inniúla na mBallstát a mhéid is gá chun an comhar díreach agus an malartú faisnéise sin a éascú. Cuirfear Parlaimint na hEorpa ar an eolas maidir le buiséad, forbairt agus feidhmiú an chórais.

7.   Próiseálfar sonraí pearsanta i gcomhréir leis na rialacha a leagtar síos i Rialacháin (AE) 2016/679 agus (AE) 2018/1725.

1.   Déanfar Grúpa Comhordúcháin um Dhé-Úsáid a chur ar bun agus beidh ionadaí ón gCoimisiún ina chathaoirleach air. Ceapfaidh gach Ballstát ionadaí don Ghrúpa seo. Scrúdóidh sé aon cheist a bhaineann le cur i bhfeidhm an Rialacháin seo a bhféadfaidh an Cathaoirleach nó ionadaí Ballstáit a ardú.

2.   Déanfaidh an Grúpa Comhordúcháin um Dhé-Úsáid, cibé uair a mheasann sé gur gá sin, dul i gcomhairle le honnmhaireoirí, le bróicéirí, le soláthraithe cúnaimh theicniúil agus le geallsealbhóirí ábhartha eile lena mbaineann an Rialachán seo.

3.   Bunóidh an Grúpa Comhordúcháin um Dhé-Úsáid, nuair is iomchuí, sainghrúpaí ar a mbeidh saineolaithe ó na Ballstáit chun scrúdú a dhéanamh ar cheisteanna sonracha a bhaineann le cur chun feidhme na rialuithe, lena n-áirítear ceisteanna a bhaineann le liostaí rialaithe an Aontais a leagtar amach in Iarscríbhinn I a thabhairt cothrom le dáta. Rachaidh sainghrúpaí teicniúla i gcomhairle, nuair is iomchuí, le honnmhaireoirí, bróicéirí, soláthraithe cúnaimh theicniúil agus geallsealbhóirí ábhartha eile a mbaineann an Rialachán seo leo.

4.   Tacóidh an Coimisiún le clár um fhorbairt acmhainní an Aontais um cheadúnú agus um fhorfheidhmiú, lena n-áirítear trí chláir oiliúna choiteanna a fhorbairt d’oifigigh na mBallstát, i gcomhairle leis an nGrúpa Comhordúcháin um Dhé-Úsáid.

1.   Déanfaidh gach Ballstát bearta iomchuí chun forfheidhmiú ceart an Rialacháin seo a áirithiú. Go háirithe, leagfaidh sé síos na pionóis is infheidhme má dhéantar sárú ar fhorálacha an Rialachán seo, nó ar fhorálacha a ghlacfar lena chur chun feidhme. Beidh na pionóis sin éifeachtach, comhréireach agus athchomhairleach.

2.   Bunóidh an Grúpa Comhordúcháin um Dhé-Úsáid sásra comhordaithe forfheidhmiúcháin chun tacú le malartú faisnéise agus comhar díreach idir údaráis inniúla agus gníomhaireachtaí forfheidhmithe na mBallstát (an ‘Sásra um Chomhordú Fhorfheidhmithe’) . Faoin Sásra um Chomhordú Forfheidhmithe, malartóidh na Ballstáit agus an Coimisiún faisnéis ábhartha, i gcás ina mbeidh sí ar fáil, lena n-áirítear cur i bhfeidhm, cineál agus éifeacht na mbeart, arna ndéanamh faoi mhír 1, maidir le forfheidhmiú na ndea-chleachtas agus onnmhairithe neamhúdaraithe ítimí dé-úsáide agus/nó sáruithe ar an Rialachán seo agus/nó ar an reachtaíocht náisiúnta ábhartha.

Faoin Sásra um Chomhordú Forfheidhmithe, malartóidh na Ballstáit agus an Coimisiún faisnéis ábhartha, i gcás ina mbeidh sí ar fáil, lena n-áirítear cur i bhfeidhm, cineál agus éifeacht na mbeart, arna ndéanamh faoi mhír 1, maidir le forfheidhmiú na ndea-chleachtas agus onnmhairithe neamhúdaraithe ítimí dé-úsáide agus/nó sáruithe ar an Rialachán seo agus/nó ar an reachtaíocht náisiúnta ábhartha.

Beidh malartú faisnéise faoin Sásra um Chomhordú Forfheidhmithe faoi rún.

1.   Nuair is iomchuí, cuirfidh an Coimisiún agus an Chomhairle treoirlínte agus/nó moltaí don dea-chleachtas ar fáil i dtaca leis na hábhair dá dtagraítear sa Rialachán seo chun éifeachtacht chóras rialaithe onnmhairiúcháin an Aontais agus comhsheasmhacht a chur chun feidhme a áirithiú. Is ar na Ballstáit ina bhfuil cónaí ar onnmhaireoirí nó ina bhfuil siad bunaithe a bheidh an fhreagracht treoirlínte agus/nó moltaí maidir le dea-chleachtais a sholáthar d’onnmhaireoirí, do bhróicéirí agus do sholáthraithe cúnaimh theicniúil. Sna treoirlínte sin agus/nó sna moltaí maidir le dea-chleachtais, cuirfear san áireamh go háirithe riachtanais faisnéise FBManna.

2.   Déanfaidh an Coimisiún, i gcomhairle leis an nGrúpa Comhordúcháin Dé-úsáide, tuarascáil bhliantúil a thíolacadh do Pharlaimint na hEorpa agus don Chomhairle maidir le cur chun feidhme an Rialacháin seo agus maidir le gníomhaíochtaí, scrúduithe agus comhairliúcháin an Ghrúpa Comhordúcháin um Dhé-úsáid. Is tuarascáil phoiblí a bheidh sa tuarascáil bhliantúil sin.

Beidh faisnéis sa tuarascáil bhliantúil maidir le húdaruithe (go háirithe líon agus luach de réir cineálacha ítimí agus de réir cinn scríbe ar leibhéal an Aontais agus ar leibhéal na mBallstát), diúltuithe agus toirmisc faoin Rialachán seo. Áireofar sa tuarascáil bhliantúil freisin faisnéis faoin riarachán (go háirithe soláthar foirne, gníomhaíochtaí comhlíonta agus for-rochtana, uirlisí tiomnaithe ceadúnaithe nó aicmithe) agus forfheidhmiú rialuithe (go háirithe líon na sáruithe agus na bpionós).

Maidir le hítimí cibearfhaireachais, áireofar sa tuarascáil bhliantúil faisnéis thiomnaithe maidir le húdaruithe, go háirithe maidir le líon na n-iarratas a fuarthas de réir ítim, an Ballstát eisiúna agus na cinn scríbe a mbaineann na hiarratais sin leo, agus maidir leis na cinntí a rinneadh i leith na n-iarratas sin.

Cuirfear an fhaisnéis a bheidh sa tuarascáil bhliantúil i láthair i gcomhréir leis na prionsabail a leagtar amach i mír 3.

Cuirfidh an Coimisiún agus an Chomhairle treoirlínte ar fáil maidir leis an modheolaíocht chun sonraí a bhailiú agus a phróiseáil chun an tuarascáil bhliantúil a ullmhú, lena n-áirítear na cineálacha ítimí a chinneadh agus sonraí forfheidhmithe a bheith ar fáil.

3.   Cuirfidh na Ballstáit an fhaisnéis uile is iomchuí ar fáil don Choimisiún chun an tuarascáil a ullmhú agus aird chuí á tabhairt acu ar cheanglais dlí a bhaineann le faisnéis phearsanta, faisnéis atá íogair ó thaobh na tráchtála de nó faisnéis maidir le cosaint, leis an mbeartas eachtrach nó leis an tslándáil náisiúnta atá faoi chosaint a chosaint. Tá feidhm ag Rialachán (CE) Uimh. 223/2009 ó Pharlaimint na hEorpa agus ón gComhairle (15) maidir le staidreamh Eorpach maidir le faisnéis a mhalartófar nó a fhoilseofar faoin Airteagal seo.

4.   Idir an 10 Meán Fómhair 2026 agus an 10 Meán Fómhair 2028, déanfaidh an Coimisiún meastóireacht ar an Rialachán seo agus déanfaidh sé tuarascáil faoi na príomhthorthaí a thíolacadh do Pharlaimint na hEorpa, don Chomhairle agus do Choiste Eacnamaíoch agus Sóisialta na hEorpa. I ndiaidh an 10 Meán Fómhair 2024, déanfaidh an Coimisiún meastóireacht ar Airteagal 5 agus déanfaidh sé tuarascáil faoi na príomhthorthaí a thíolacadh do Pharlaimint na hEorpa, don Chomhairle agus do Choiste Eacnamaíoch agus Sóisialta na hEorpa.

1.   Coinneoidh onnmhaireoirí ítimí dé-úsáide cláir nó taifid mionsonraí dá gcuid onnmhairí, i gcomhréir leis an dlí náisiúnta nó leis an gcleachtas náisiúnta atá i bhfeidhm sa Bhallstát lena mbaineann. Beidh san áireamh sna cláir nó taifid den sórt sin, go háirithe, doiciméid tráchtála amhail sonraisc, lastliostaí agus doiciméad iompair nó seolta eile ina mbeidh faisnéis leordhóthanach chun go mbeifear in ann na nithe seo a leanas a shainaithint:

2.   I gcomhréir leis an dlí náisiúnta nó leis an gcleachtas náisiúnta atá i bhfeidhm sa Bhallstát lena mbaineann, coimeádfaidh bróicéirí agus soláthraithe cúnaimh theicniúil cláir nó taifid de sheirbhísí bróicéireachta nó do chúnamh teicniúil ionas go mbeidh siad in ann a chruthú, arna iarraidh sin, an tuairisc ar na hítimí dé-úsáide a bhí faoi réir seirbhísí bróicéireachta nó cúnamh teicniúil, an tréimhse ina raibh na hítimí faoi réir na seirbhísí sin, ceann scríbe na n-ítimí sin agus na seirbhísí sin, agus na tíortha lena mbaineann na seirbhísí sin.

3.   Coinneofar na cláir nó taifid agus na doiciméid dá dtagraítear i míreanna 1 agus i 2 ar feadh cúig bliana ar a laghad ó dheireadh na bliana féilire inar tharla an t-onnmhairiú nó inar soláthraíodh na seirbhísí bróicéireachta nó cúnamh teicniúil. Tabharfar ar aird iad, arna iarraidh sin, don údarás inniúil.

4.   Coinneofar doiciméid agus taifid ar aistrithe laistigh den Aontas d’ítimí a liostaítear in Iarscríbhinn I, ar feadh trí bliana ar a laghad ó dheireadh na bliana féilire inar tharla an t-aistriú agus soláthrófar iad d’údarás inniúil an Bhallstáit ónar aistríodh na hítimí sin, arna iarraidh sin.

1.   I gcás inarb iomchuí, coimeádfaidh an Coimisiún agus na Ballstáit idirphlé ar bun le tríú tíortha, d’fhonn cóineasú domhanda rialuithe a chur chun cinn.

Féadfaidh an t-idirphlé tacú le comhar rialta agus cómhalartach le tríú tíortha, lena n-áirítear faisnéis agus dea-chleachtais a mhalartú, chomh maith le fothú acmhainneachta agus for-rochtain chuig tríú tíortha. D‘fhéadfadh an t-idirphlé a bheith ina spreagadh freisin do thríú tíortha cloí le rialuithe láidre onnmhairithe atá forbartha ag córais iltaobhacha rialaithe onnmhairí mar mhúnla don dea-chleachtas idirnáisiúnta.

2.   Gan dochar do na forálacha a bhaineann le comhaontuithe um chúnamh frithpháirteach riaracháin nó le prótacail i gcúrsaí custaim arna dtabhairt i gcrích idir an tAontas agus tríú tíortha, féadfaidh an Chomhairle údarú a thabhairt don Choimisiún comhaontuithe a chaibidil le tríú tíortha lena bhforálfar d’aitheantas frithpháirteach maidir le rialuithe onnmhairiúcháin i ndáil le hítimí dé-úsáide arna gcumhdach leis an Rialachán seo.

Déanfar an chaibidlíocht sin a sheoladh i gcomhréir leis na nósanna imeachta arna mbunú in Airteagal 207(3) de CFAE agus sa Chonradh ag bunú an Chomhphobail Eorpaigh do Fhuinneamh Adamhach, de réir mar is iomchuí.