—

an breithiúnas faoi achomharc a chur ar ceal ina iomláine agus seasamh leis na tuairimí arna gcur le chéile ag na hiarratasóirí os comhair na Cúirte Ginearálta ina gcaingean;

—

mar mhalairt air sin, an breithiúnas faoi achomharc a chur ar ceal ina iomláine agus an cás a tharchur ar ais chuig an gCúirt Ghinearálta;

—

a ordú don Choimisiún costais na n-imeachtaí achomhairc láithreacha agus na n-imeachtaí os comhair na Cúirte Ginearálta a íoc.

—

sárú ar Airteagal 88(1) agus (2) arna léamh i gcomhar le hAirteagal 91(e) de Rialacha Nós Imeachta na Cúirte Ginearálta, ar Airteagal 19(1) agus (3)(a) CAE agus ar Airteagal 47 den Chairt um Chearta Bunúsacha an Aontais Eorpaigh, sa mhéid nár chuir an Chúirt Ghinearálta san áireamh iarratas na n-iarratasóirí ar fhianaise a ghlacadh agus a riar i bhfoirm tuarascála saineolaí agus go raibh roinnt neamhrialtachtaí nós imeachta maidir le measúnú na fianaise mar aon le hearráidí sna cinntí a rinne sí sa bhreithiúnas faoi achomharc;

—

measúnú earráideach ar an bhfianaise a cuireadh ar fáil i gcomhthéacs na caingne, rud a thug ar an gCúirt Ghinearálta a chinneadh go mícheart gur theip ar na hachomharcóirí agóid a dhéanamh i gcoinne na n-anailísí agus na ndearbhuithe a bhí mar bhun le tabhairt isteach, sa dhlíchóras, Rialachán (AE) 2021/57 ón gCoimisiún an 25 Eanáir 2021, lena leasaítear Iarscríbhinn XVII a ghabhann le Rialachán (CE) Uimh. 1907/2006 ó Pharlaimint na hEorpa agus ón gComhairle maidir le Clárú, Meastóireacht, Údarú agus Srianadh Ceimiceán (REACH), i dtaca le luaidhe in urchair ghunna i mbogaigh nó i ngiorracht dóibh (1);

—

conclúid earráideach sa bhreithiúnas faoi achomharc gur toimhde infhrisnéise í an toimhde a bhunaítear i Rialachán (AE) 2021/57. Sonraíonn na hachomharcóirí nach mór, i ngach córas dlí atá bunaithe ar phrionsabal an smachta reachta, aon toimhde ar dócha go mbeidh iarmhairtí diúltacha aici do shaoránach a fhrisnéis. Mar sin, ní leor go mbeadh toimhde infhrisnéise dlíthiúil. Ina theannta sin, ní mór cúiseanna soiléire a thabhairt i gcónaí le toimhde a chur i bhfeidhm. Fágann an breithiúnas faoi achomharc ar lár, áfach, nach n-urramaítear le Rialachán (AE) 2021/57 an prionsabal sin agus nach léiríonn sé aon argóint a d’fhéadfadh a bheith ina forais dhlisteanach chun toimhde a chur i bhfeidhm a thugann oibleagáidí breise nós imeachta do shaoránach le tuiscint. Má chuirtear toimhdí i bhfeidhm ar bhealach nach ráthaítear go n-urramaítear cearta nós imeachta an tsaoránaigh, d’fhéadfadh sárú a bheith ann ar phrionsabal thoimhde na neamhchiontachta agus ar chearta na cosanta;

—

i bhfianaise dhíbhe na Cúirte Ginearálta ar an gcaingean a tugadh i gcoinne Rialachán (AE) 2021/57 – rud a choinníonn an Rialachán sin i bhfeidhm in ndlíchóras an Aontais Eorpaigh – sárú ag an gCúirt Ghinearálta ar fhorálacha na Cairte um Chearta Bunúsacha an Aontais Eorpaigh, eadhon Airteagal 16, Airteagal 17(1), Airteagal 21(1), Airteagal 45(1), 48(1), agus Airteagal 52(1) di, chomh maith le sárú ar fhorálacha Chonradh AE, eadhon Airteagal 2, Airteagal 3(2) agus (3), agus Airteagal 5(2), (3) agus (4) de;

—

mí-úsáid cumhachta tríd an achomharc a dhíbhe agus, mar thoradh air sin, forálacha Rialachán (AE) 2021/57 a choimeád i bhfeidhm sa dhlíchóras, as a leanann go praiticiúil gníomhaíochtaí lámhaigh sibhialtacha ar chríoch an Aontais Eorpaigh a theorannú go mór, rud a leanann as mainneachtain an Choimisiúin ina chur chuige toirmeasc a chur ar shealbhú arm tine ag daoine príobháideacha. I dtaca leis sin, de réir na n-achomharcóirí, Ní rannchuidítear le Rialachán (AE) 2021/57 le húsáid armlón luaidhe a shrianadh go ginearálta agus, le linn é sin a dhéanamh, ní bhaintear amach leis na cuspóirí ar glacadh é ina leith, ach is éard atá ann ach srian ar ghníomhaíochtaí lámhaigh sibhialtacha atá díréireach leis an sochair iarbhír a sholáthraítear leis.