RIALACHÁN CUR CHUN FEIDHME (AE) .../... ÓN gCOIMISIÚN
an 14.5.2025
lena leasaítear Rialachán Cur Chun Feidhme (AE) 2021/2325 a mhéid a bhaineann le tríú tíortha áirithe agus údaráis rialaithe áirithe agus comhlachtaí rialaithe áirithe a aithint chun táirgí orgánacha a allmhairiú isteach san Aontas
TÁ AN COIMISIÚN EORPACH,
Ag féachaint don Chonradh ar Fheidhmiú an Aontais Eorpaigh,
Ag féachaint do Rialachán (AE) 2018/848 ó Pharlaimint na hEorpa agus ón gComhairle an 30 Bealtaine 2018 maidir le táirgeadh orgánach agus lipéadú táirgí orgánacha agus lena n‑aisghairtear Rialachán (CE) Uimh. 834/2007 ón gComhairle 1 , agus go háirithe Airteagal 48(3) agus Airteagal 57(2) de,
De bharr an mhéid seo a leanas:
(1)In Iarscríbhinn I a ghabhann le Rialachán Cur Chun Feidhme (AE) Uimh. 2021/2325 ón gCoimisiún 2 leagtar amach an liosta de thríú tíortha a n‑aithnítear go bhfuil a gcórais táirgthe agus a mbearta rialaithe chun táirgí talmhaíochta a tháirgeadh go horgánach coibhéiseach leis na córais táirgthe agus bearta rialaithe a leagtar síos i Rialachán (CE) Uimh. 834/2007 ón gComhairle 3 . I bhfianaise faisnéis nua a fuair an Coimisiún ó glacadh Rialachán Cur Chun Feidhme (AE) 2021/2325, ba cheart athruithe áirithe a dhéanamh ar an bhfaisnéis a bhaineann le tríú tíortha áirithe.
(2)Chuir an Astráil an Coimisiún ar an eolas faoin athrú ar ainm a húdaráis inniúil, faoin athrú ar ainm an chomhlachta rialaithe ‘ACO Certification Limited’ (AU-BIO-001) agus faoi tharraingt siar deonach an chomhlachta rialaithe ‘AUS-QUAL Pty Ltd’ (AU-BIO-006).
(3)Chuir an India an Coimisiún ar an eolas gur chuir a húdarás inniúil an t‑aitheantas do na comhlachtaí rialaithe ‘Sikkim State Organic Certification Agency’ (IN-ORG-028) agus ‘Reliable Organic Certification Organisation’ (IN-ORG-033) ar fionraí. Chuir an India an Coimisiún ar an eolas freisin gur aithin a húdarás inniúil na comhlachtaí rialaithe seo a leanas: ‘ISCOP (Indian Society for Certification of Organic products)’ (IN-ORG-009), ‘Chhattisgarh State Organic Certification Agency (CGOCERT)’ (IN-ORG-035), ‘GSCI Service Private Limited’ (IN-ORG-036), ‘MS Agroland Services Private Limited’ (IN-ORG-037), ‘Krushi Certification Private Limited’ (IN-ORG-038), ‘CERT ID India Private Limited’ (IN-ORG-039), ‘Andhra Pradesh State Organic Products Certification Authority (APSOPCA)’ (IN-ORG-040), ‘Getcert Private Limited’ (IN-ORG-041), ‘GCL International Assessment Private Limited’ (IN-ORG-042), ‘Shivalik Natural Resources Management Society (SNRMS)’ (IN-ORG-043) agus ‘Meghalaya State Organic Certification Body’
(IN-ORG-044). Chuir an India in iúl don Choimisiún freisin gur athraigh an comhlacht rialaithe ‘Rajasthan State Organic Certification Agency (RSOCA)’ (IN-ORG-016) a sheoladh idirlín.
(4)Chuir an tSeapáin iarraidh faoi bhráid an Choimisiúin chun raon feidhme a aitheantais reatha faoi Rialachán (AE) 2021/2325 a leathnú chun ainmhithe beo agus táirgí ainmhithe neamhphróiseáilte a chumhdach chomh maith le gach táirge talmhaíochta próiseáilte a bhfuiltear lena úsáid mar bhia, lena n‑áirítear fíon agus deochanna alcólacha, ina bhfuil comhábhair a fásadh go horgánach sa tSeapáin, nó ina bhfuil comhábhair nó a allmhairíodh isteach sa tSeapáin ón Aontas Eorpach, ó thríú tíortha a n‑aithníonn an tSeapáin go bhfuil a modhanna táirgthe agus a mbearta rialaithe coibhéiseach leo siúd a leagtar síos i reachtaíocht na Seapáine, nó ó thríú thríú tíorthatrí chóras na gcomhlachtaí rialaithe a aithníonn an tSeapáin mar chomhlachtaí atá inniúil chun a dheimhniú go gcomhlíonann oibreoirí sna tríú tíortha sin rialacha na Seapáine maidir le táirgeadh orgánach.
(5)Leis an measúnú ar an bhfaisnéis a chuir an tSeapáin isteach maidir lena córas táirgthe agus lena bearta rialaithe is infheidhme maidir leis na táirgí dá dtagraítear in aithris (4) agus leis an scrúdú ar an láthair a rinne an Coimisiún, deimhníodh go bhfuil córas táirgthe agus bearta rialaithe na Seapáine is infheidhme maidir leis na táirgí sin coibhéiseach leis na córais sin a leagtar síos i Rialachán (CE) Uimh. 834/2007. Dá réir sin, ba cheart an t‑aitheantas do choibhéis an chórais táirgthe agus na mbeart rialaithe sa tSeapáin a leathnú chun na táirgí sin a chumhdach.
(6)Chuir an tSeapáin in iúl don Choimisiún freisin gur aithin a húdarás inniúil an comhlacht rialúcháin ‘Tsuruoka City’ (JP-BIO-044), gur athraigh an comhlacht rialúcháin ‘Japan Organic & Natural Foods Association’ (JP-BIO-005) a ainm agus a sheoladh idirlín agus gur athraigh na comhlachtaí rialúcháin ‘Overseas Merchandise Inspection Co., Ltd’ (JP-BIO-009), ‘Organic Farming Promotion Association’ (JP-BIO-010) agus ‘Aya town miyazaki, Japan’ (JP-BIO-024) a seoladh idirlín.
(7)Chuir Poblacht na Cóiré an Coimisiún ar an eolas gur athraigh na comhlachtaí rialaithe ‘KAFCC’ (KR-ORG-006) agus ‘The Centre for Environment Friendly Agricultural Products Certification’ (KR-ORG-014) a n‑ainm, gur athraigh ‘Jayeondeul agri-food certification institute’ (KR-ORG-032) a sheoladh idirlín ainm, gur athraigh an comhlacht rialaithe ‘Jayeondeul agri-food certification institute’ (KR-ORG-032) a sheoladh idirlín agus gur athraigh an comhlacht rialaithe ‘Hankyoung Certification Center Co., Ltd.’ (KR-ORG-036) a n‑ainm agus a seoladh idirlín.
(8)Chuir Poblacht na Cóiré an Coimisiún ar an eolas freisin gur aithin a húdarás inniúil an comhlacht rialaithe ‘Greenstar Agrifood Certification Service’ (KR-ORG-022) agus gur tharraing sé siar aitheantas an chomhlachta rialaithe ‘ORGANIC PROMOTION AGENCY’ (KR-ORG-038).
(9)Chuir na Stáit Aontaithe an Coimisiún ar an eolas gur tharraing a n‑údarás inniúil siar an t‑aitheantas do na comhlachtaí rialaithe, ‘Agricultural Services Certified Organic’ (US-ORG-002), ‘New Hampshire Department of Agriculture, Division of Regulatory Services’ (US-ORG-033), ‘Rhode Island Department of Environmental Management’ (US-ORG-052) agus ‘Istituto per la Certificazione Etica e Ambientale’ (ICEA) (US-ORG-066) ón liosta de na comhlachtaí rialaithe a aithníonn na Stáit Aontaithe.
(10)Chuir na Stáit Aontaithe an Coimisiún ar an eolas freisin gur aithin a n‑údarás inniúil comhlacht rialaithe creidiúnaithe nua mar atá ‘Kiwa BCS Costa Rica Limitada’ (US-ORG-070).
(11)Chuir na Stáit Aontaithe an Coimisiún ar an eolas freisin gur athraigh na comhlachtaí rialaithe ‘Organic Crop Improvement Association’ (US-ORG-044), ‘CERES’ (US-ORG-062) agus ‘Eco-Logica S.A’ (US-ORG-063) a n‑ainm, gur athaigh an comhlacht rialaithe ‘NOFA (US-ORG-036) a ainm agus a sheoladh idirlín agus gur athraigh na comhlachtaí rialaithe ‘Kiwa BCS Öko-Garantie GmbH’ (US-ORG-004), ‘BIOAGRIcert’ (US-ORG-005), ‘Colorado Department of Agriculture’ (US-ORG-007), ‘Control Union Certification’ (US-ORG-008), ‘Georgia Crop Improvement Association, Inc’ (US-ORG-011), ‘Maryland Department of Agriculture (US-ORG-023), ‘Montana Department of Agriculture’ (US-ORG-028), ‘Americert International (OIA North America, LLC)’ (US-ORG-038), ‘Oregon Department of Agriculture’ (US-ORG-041), ‘SCS Global Services, Inc.’ (US-ORG-053), ‘Vermont Organic Farmers, LLC’ (US-ORG-057), ‘Washington State Department of Agriculture’ (US-ORG-058) agus ‘Yolo County Department of Agriculture’ (US-ORG-059) a seoladh idirlin.
(12)In Iarscríbhinn II a ghabhann le Rialachán Cur Chun Feidhme (AE) 2021/2325 leagtar amach an liosta de na húdaráis rialaithe agus na comhlachtaí rialaithe a dhéantar a aithint chun críche coibhéise agus atá inniúil chun rialuithe a dhéanamh agus deimhnithe a eisiúint i dtríú tíortha. Bhí feidhm ag Airteagal 2 go dtí an 31 Nollaig 2024. Dá bhrí sin, tá an liosta de chomhlachtaí rialaithe in Iarscríbhinn II a ghabhann le Rialachán Cur Chun Feidhme (AE) 2021/2325 imithe i léig agus ba cheart é a scriosadh. In Iarscríbhinn I a ghabhann le Rialachán Cur Chun Feidhme (AE) 2021/2325 ainmníodh na catagóirí táirgí ar aithníodh na tríú tíortha a liostaítear ann ina leith, trí thagairt don tuairisc orthu in Iarscríbhinn II a ghabhann leis an Rialachán sin. Ar mhaithe le soiléireacht, ba cheart an tuairisc ar na catagóirí táirgí sin a áireamh in Iarscríbhinn I agus ba cheart na tagairtí dóibh a oiriúnú ar fud na hIarscríbhinne sin. Ba cheart, dá bhrí sin, Iarscríbhinn I a ghabhann le Rialachán (AE) 2021/2325 a ionadú.