Ainm

Faisnéis aitheantais

Cúiseanna

Dáta an liostaithe

‘260.

Ali Akbar POUR-JAMSHIDIAN

Feidhm: Leas-Aire Gnóthaí Baile do Ghnóthaí Slándála agus Forfheidhmithe Dlí; Rúnaí Chomhairle Slándála Náisiúnta na hIaráine

Dáta breithe: 30.12.1962

Náisiúntacht: Iaránach

Inscne: fireann

Is Briogáidire-Ghinearál de Chór Gharda na Réabhlóide Ioslamaí (IRGC) é Ali Akbar Pour-Jamshidian agus feidhmíonn sé mar Leas-Aire Gnóthaí Baile do Ghnóthaí Slándála agus Forfheidhmithe Dlí agus mar Rúnaí Chomhairle Slándála Náisiúnta na hIaráine.

Sna róil sin, bhí Ali Akbar Pour-Jamshidian freagrach as na hagóidí sráide ar cuireadh tús leo i mí na Nollag 2025 a chur faoi chois, rud a d’fhág go raibh na céadta taismeach ann, déanta ag fórsaí slándála éagsúla atá faoina smacht. Ghlac sé páirt freisin in iarracht an réimis an fhírinne maidir leis na taismigh a cheilt agus chuir sé a thacaíocht in iúl maidir le múchadh an idirlín le linn na n-agóidí.

Dá bhrí sin, tá Ali Akbar Pour-Jamshidian freagrach as sáruithe tromchúiseacha ar chearta an duine san Iaráin.

16.3.2026

261.

Gholam Ali MOHAMMADI

غلامعلی محمدی

ar a dtugtar freisin Gholamali MOHAMMADI

Feidhm: Ceann Eagraíocht na bPríosún agus na Slándála agus na mBeart Oideachais i bPoblacht Ioslamach na hIaráine

Dáta breithe: 22.6.1963

Áit bhreithe: Tehran, an Iaráin

Náisiúntacht: Iaránach

Inscne: fireann

Is é Gholam Ali Mohammadi Ceann Eagraíocht na bPríosún agus na Slándála agus na mBeart Oideachais i bPoblacht Ioslamach na hIaráine. Sa ról sin, déanann sé maoirseacht ar na príosúin go léir sa tír. Le linn a théarma oifige, tuairiscíodh sáruithe tromchúiseacha ar chearta an duine i bpríosúin na hIaráine. Áirítear ar na sáruithe sin úsáid céastóireachta nó cineálacha eile íde nó pionóis atá cruálach, mídhaonna nó táireach, coinneáil threallach agus drochíde fhisiciúil easaontach polaitiúil agus mionlach reiligiúnach, cásanna d’fhoréigean gnéasach agus comhéigean i gcoinne príosúnaigh bhaineanna agus mí-úsáid agus céasadh leanaí. Ina theannta sin, dhiúltaigh údaráis phríosúin na hIaráine, faoi stiúir Gholam Ali Mohammadi, cúram leighis riachtanach d’aon ghnó do phríosúnaigh pholaitiúla, rud ba chúis le bás daoine a bhí á gcoinneáil, agus níor imscrúdaigh siad na básanna sin ná níor chuir siad aon chuntasacht ar fáil ina leith.

Dá bhrí sin, tá Gholam Ali Mohammadi freagrach as sáruithe tromchúiseacha ar chearta an duine san Iaráin.

16.3.2026

262.

Davoud Moazami GOUDARZI

Feidhm: Ceann Chibearphóilíní Mhórcheantar Tehran

Náisiúntacht: Iaránach

Inscne: fireann

Tá Davoud Moazami Goudarzi ina Cheann ar Chibearphóilíní Mhórcheantar Tehran, atá mar chuid de Chibearphóilíní na hIaráine. Is aonad de Phóilíní na hIaráine iad Cibearphóilíní na hIaráine, agus tá sé de chúram orthu póilíneacht a dhéanamh ar ghníomhaíocht ar líne. Tá ról lárnach acu maidir le faireachán a dhéanamh ar na meáin shóisialta agus saoránaigh a ionchúiseamh maidir le hábhar digiteach. Díríonn siad go minic ar easaontaigh agus ar lucht freasúra an réimis, ach ar phearsana cultúrtha tábhachtacha nach gcloíonn le róil dhochta shóisialta agus inscne, amhail ealaíontóirí baineanna, chomh maith. Cuireann siad an tsaoirse chun tuairimí a nochtadh faoi chois agus forfheidhmíonn siad cinsireacht trí leathanaigh meán sóisialta a dhúnadh nó trí dhaoine a chuireann tuairimí in iúl nach dtacaíonn an réimeas leo, nó a chuireann na tuairimí sin chun cinn, a ghabháil.

Dá bhrí sin, tá Davoud Moazami Goudarzi freagrach as sáruithe tromchúiseacha ar chearta an duine san Iaráin.

16.3.2026

263.

Ali SHIRAZI

علی شیرازی

ar a dtugtar freisin Hojjatoleslam Ali SHIRAZI

Feidhm: Ceann na hEagraíochta um Idé-eolaíocht Pholaitiúil d’Fhórsaí Forfheidhmithe Dlí Phoblacht Ioslamach na hIaráine (ar a dtugtar freisin FARAJA; LEF)

Dáta breithe: 1962

Áit bhreithe: Rafsanjan, an Iaráin

Náisiúntacht: Iaránach

Inscne: fireann

Is é Ali Shirazi Ceann na hEagraíochta um Idé-eolaíocht Pholaitiúil d’Fhórsaí Forfheidhmithe Dlí Phoblacht Ioslamach na hIaráine (FARAJA) agus bhíodh sé ina Ionadaí de chuid an Cheannaire Uachtaraigh i gCeanncheathrú Sarallah Chór Gharda na Réabhlóide Ioslamaí (IRGC). Laistigh de struchtúr eagrúcháin FARAJA, tá ról lárnach ag an Eagraíocht um Idé-eolaíocht Pholaitiúil trí shíolteagasc idé-eolaíoch na bhfórsaí slándála a chur chun cinn. Bhí ról lárnach arís agus arís eile ag FARAJA maidir le hagóidí síochánta a chur faoi chois le foréigean, agus dá bhrí sin tá sé freagrach as sáruithe forleathana ar chearta an duine. Ina theannta sin, le linn théarma oifige Ali Shirazi i gCeanncheathrú Sarallah IRGC, bunaíodh plean lenar tugadh an t-údarás do na fórsaí slándála dul i mbun maraithe agus fórsa marfach a úsáid go tapa i gcás agóide.

Dá bhrí sin, tá Ali Shirazi freagrach as sáruithe tromchúiseacha ar chearta an duine san Iaráin.

16.3.2026

264.

Mohammad Moazami GOUDARZI

محمد معظمی گودرزی

ar a dtugtar freisin Mohammad Moazzami GOUDARZI

Feidhm: Ceann na bPóilíní Coisctheacha; Leas-Cheannaire Phóilíní Mhórcheantar Tehran

Dáta breithe: 21.3.1957

Náisiúntacht: Iaránach

Inscne: fireann

Is é Mohammad Moazami Goudarzi Ceann na bPóilíní Coisctheacha, Leas-Cheann Phóilíní Mhórcheantar Tehran agus bhíodh sé ina Cheannasaí Póilíneachta in Karaj agus Alborz. Sna poist atá aige faoi láthair agus sna poist a bhí aige cheana, bhí baint dhíreach aige le hagóidí san Iaráin a chur faoi chois le foréigean. Le linn agóidí mhí na Nollag 2025 agus mhí Eanáir 2026, bhí sé freagrach go díreach as aonaid fóirithinte, stáisiúin phóilíneachta agus foirne buille a stiúradh ar shráideanna Tehran.

Dá bhrí sin, tá Mohammad Moazami Goudarzi freagrach as sáruithe tromchúiseacha ar chearta an duine san Iaráin.

16.3.2026

265.

Yadollah BOUALI

ar a dtugtar freisin Yadollah BUALI

Feidhm: Ceannasaí Chór Fajr Chór Gharda na Réabhlóide Ioslamaí (IRGC) i gCúige Fars

Dáta breithe: 7.9.1965

Náisiúntacht: Iaránach

Inscne: fireann

Is é Yadollah Bouali Ceannasaí Chór Fajr Chór Gharda na Réabhlóide Ioslamaí (IRGC) i gCúige Fars. Faoina cheannas, bhí baint ag fórsaí IRGC i gCúige Fars le léirsithe a chur faoi chois le foréigean, lena n-áirítear le linn na n-agóidí ar fud na tíre san Iaráin a thosaigh i mí na Nollag 2025, mar ar scaoil fórsaí IRGC urchair le hagóideoirí, rud a d’fhág go bhfuair daoine bás agus gur gortaíodh daoine.

Dá bhrí sin, tá Yadollah Bouali freagrach as sáruithe tromchúiseacha ar chearta an duine san Iaráin.

16.3.2026

266.

Seyed Hashem GHIASI

سید هاشم غیاثی

ar a dtugtar freisin Hashem GHIASI; Hashem GHIYASI

Feidhm: Ceannasaí Chór Gharda na Réabhlóide Ioslamaí Imam Reza

Náisiúntacht: Iaránach

Inscne: fireann

Is é Seyed Hashem Ghiasi Ceannasaí Chór Gharda na Réabhlóide Ioslamaí Imam Reza, brainse áitiúil de Chór Gharda na Réabhlóide Ioslamaí (IRGC) i gCúige Khorasan Razavi. Faoina cheannas, bhí baint ag fórsaí IRGC agus Basij i gCúige Khorasan Razavi le léirsithe a chur faoi chois le foréigean, lena n-áirítear le linn na n-agóidí ar fud na tíre san Iaráin a thosaigh i mí na Nollag 2025, mar ar scaoil fórsaí IRGC urchair le hagóideoirí, rud a d’fhág go bhfuair daoine bás agus gur gortaíodh daoine.

Dá bhrí sin, tá Seyed Hashem Ghiasi freagrach as sáruithe tromchúiseacha ar chearta an duine san Iaráin.

16.3.2026

267.

Ahmad DARVISH GOFTAR

احمد درویش گفتار

Feidhm: Ceann Chúirt Réabhlóideach Rasht agus Uachtarán a Céad Bhrainse

Náisiúntacht: Iaránach

Inscne: fireann

Tá Ahmad Darvish Goftar ina Cheann ar Chúirt Réabhlóideach Rasht agus ina Uachtarán ar Chéad Bhrainse na Cúirte sin. Sa ról sin, tá sé freagrach as sáruithe tromchúiseacha ar chearta an duine, go háirithe admhálacha éigeantacha, sáruithe ar ráthaíochtaí maidir le triail chóir agus eisiúint pianbhreitheanna tromchúiseacha nó pianbhreitheanna báis i gcoinne gníomhaithe.

Dá bhrí sin, tá Ahmad Darvish Goftar freagrach as sáruithe tromchúiseacha ar chearta an duine san Iaráin.

16.3.2026

268.

Mohammad Ali Ahmad DARVISH GOFTAR

Feidhm: Ceann an Dara Brainse de Chúirt Réabhlóideach Rasht

Náisiúntacht: Iaránach

Inscne: fireann

Tá Mohammad Ali Ahmad Darvish Goftar ina Cheann ar an Dara Brainse de Chúirt Réabhlóideach Rasht. Sa ról sin, tá sé freagrach as sáruithe tromchúiseacha ar chearta an duine, go háirithe admhálacha éigeantacha, sáruithe ar ráthaíochtaí maidir le triail chóir agus eisiúint pianbhreitheanna tromchúiseacha nó pianbhreitheanna báis i gcoinne gníomhaithe.

Dá bhrí sin, tá Mohammad Ali Darvish Goftar freagrach as sáruithe tromchúiseacha ar chearta an duine san Iaráin.

16.3.2026

269.

Seyed Qasim QURESHI

سید قاسم قریشی

ar a dtugtar freisin Sardar Seyyed Ghasem QURESHI; Sardar Seyed Ghassem GHOREISHI

Feidhm: Leas-Cheannasaí ar Fhórsaí Basij

Náisiúntacht: Iaránach

Inscne: fireann

Tá Seyed Ghassem Qureshi ina Leas-Cheannasaí ar Fhórsaí Basij, brainse paraimíleata de Chór Gharda na Réabhlóide Ioslamaí (IRGC). Tá gairmréim fhada aige laistigh de IRGC a théann siar go dtí an cogadh idir an Iaráin agus an Iaráic. Bhí sé ina Cheannasaí ar Eagraíocht Frithbheartaíochta Basij in Qom ó 1999 go 2002 agus ina Leas-Chigire ar Fhórsaí Frithbheartaíochta Basij ó 2002 go 2006.

Sa phost atá aige faoi láthair, tá Seyed Ghassem Qureshi i gceannas ar eagraíocht a gcuirtear sáruithe córasacha ar chearta an duine ina leith, lena n-áirítear agóidí a chur faoi chois go brúidiúil. Cuireadh i leith fhórsaí Basij arís agus arís eile gur bhain siad úsáid as airm thine, gur thug siad greadadh uafásach d’agóideoirí agus gur mharaigh siad iad d’aon ghnó le linn cniogbheartaíocht ar agóidí, lena n-áirítear na hagóidí a bhí ann le déanaí a thosaigh i mí na Nollag 2025.

Dá bhrí sin, tá Seyed Ghassem Qureshi freagrach as sáruithe tromchúiseacha ar chearta an duine san Iaráin.

16.3.2026

270.

Ahmad BIGDELI

احمد بیگدلی

ar a dtugtar freisin Ahmad BIGDALI

Feidhm: Leas-Cheann Oibríochtaí i gceanncheathrú Sarallah Chór Gharda na Réabhlóide Ioslamaí (IRGC)

Náisiúntacht: Iaránach

Inscne: fireann

Tá Ahmad Bigdeli ina Leas-Cheann Oibríochtaí i gCeanncheathrú Sarallah Chór Gharda na Réabhlóide Ioslamaí (IRGC). Tá ról ríthábhachtach ag ceanncheathrú Sarallah maidir le hoibríochtaí slándála fhórsaí talún IRGC, fhórsaí Basij agus aonad eile a chomhordú. Le linn na n-agóidí a bhí ann le déanaí a thosaigh i mí na Nollag 2025, bhí na fórsaí sin ina bpríomhghníomhaithe ag an réimeas agus na hagóidí sin á gcur faoi chois le foréigean. Airítear ar fhreagrachtaí Bigdeli freachnaimh traenála a dhéanamh agus maoirseacht a dhéanamh ar oibríochtaí allamuigh.

Dá bhrí sin, tá Ahmad Bigdeli freagrach as sáruithe tromchúiseacha ar chearta an duine san Iaráin.

16.3.2026

271.

Mohammad NASIRI POUR

محمد نصیری پور

Feidhm: Leas-Ionchúisitheoir Tehran agus Ceann Gníomhach Oifig an Ionchúisitheora do Cheantar 33 in Tehran (ar a dtugtar freisin Oifig Ionchúisimh Evin)

Is é Mohammad Nasiri Pour Leas-Ionchúisitheoir Tehran agus Ceann Gníomhach Oifig an Ionchúisitheora do Cheantar 33 in Tehran (ar a dtugtar freisin Oifig Ionchúisimh Evin). Ina theannta sin, is iar-mhaoirseoir de chuid Chúirt Evin é agus bhí sé ina imscrúdaitheoir agus ina bhreitheamh forfheidhmithe pianbhreithe ann.

Sna róil sin, ghlac sé páirt in ionchúiseamh i gcoinne gníomhaithe sibhialta agus sóisialta, lena n-áirítear gníomhaithe ar son chearta na mban, agus i gcoinne iriseoirí agus gníomhaithe polaitiúla a cháin an Phoblacht Ioslamach. Ina ról ag obair laistigh de chóras breithiúnach na hIaráine, tá sé freagrach as sáruithe i ndáil le ráthaíochtaí maidir le triail chóir amhail rochtain ar dhlíodóir a dhiúltú, dálaí coinneála mídhaonna, baill teaghlaigh a chiapadh agus céasadh síceolaíoch.

Dá bhrí sin, tá Mohammad Nasiri Pour freagrach as sáruithe tromchúiseacha ar chearta an duine san Iaráin.

16.3.2026

272.

Amirhossein TARIAN

امیرحسین تاریان

Feidhm: Leas-Ionchúisitheoir sa Chéad Bhrainse d’Oifig an Ionchúisitheora do Cheantar 33 in Tehran (ar a dtugtar freisin Oifig Ionchúisimh Evin)

Dáta breithe: 1990

Áit bhreithe: Nowshahr, an Iaráin

Náisiúntacht: Iaránach

Inscne: fireann

Tá Amirhossein Tarian ar dhuine de na Leas-Ionchúisitheoirí sa Chéad Bhrainse d’Oifig an Ionchúisitheora do Cheantar 33 in Tehran (ar a dtugtar freisin Oifig Ionchúisimh Evin). Sa ról sin, bhí baint aige le roinnt cásanna ina ndearnadh saoránaigh a thoghairm, a chúiseamh, agus a thriail ina dhiaidh sin gan ráthaíochtaí maidir le triail chóir, agus, dá dheasca sin, gearradh pionóis thromchúiseacha, pionós an bháis san áireamh.

Dá bhrí sin, tá Amirhossein Tarian freagrach as sáruithe tromchúiseacha ar chearta an duine san Iaráin.

16.3.2026

273.

Naser Jalayer SARNAGHI

ناصر جلاير سرنقی

Feidhm: Leas-Ionchúisitheoir agus imscrúdaitheoir sa Chéad Bhrainse d’Oifig an Ionchúisitheora do Cheantar 33 in Tehran (ar a dtugtar freisin Oifig Ionchúisimh Evin).

Náisiúntacht: Iaránach

Inscne: fireann

Tá Naser Jalayer Sarnaghi ar dhuine de na Leas-Ionchúisitheoirí sa Chéad Bhrainse d’Oifig an Ionchúisitheora do Cheantar 33 in Tehran (ar a dtugtar freisin Oifig Ionchúisimh Evin), agus is imscrúdaitheoir san Oifig Ionchúisimh sin é freisin. Sa ról sin, bhí baint aige le rochtain ar thriail chóir a shéanadh ar ghníomhaithe polaitiúla agus ar ghníomhaithe ar son cearta sibhialta, go háirithe gníomhaithe mná, agus le hiad a chúiseamh go héagórach, agus, dá dheasca sin, gearradh pionóis thromchúiseacha, pionós an bháis san áireamh.

Dá bhrí sin, tá Naser Jalayer Sarnaghi freagrach as sáruithe tromchúiseacha ar chearta an duine san Iaráin.

16.3.2026

274.

Mahmoud Haj MORADI

محمود حاج مرادی

Feidhm: Imscrúdaitheoir in Oifig an Ionchúisitheora do Cheantar 33 in Tehran (ar a dtugtar freisin Oifig Ionchúisimh Evin)

Náisiúntacht: Iaránach

Inscne: fireann

Is imscrúdaitheoir é Mahmoud Haj Moradi in Oifig an Ionchúisitheora do Cheantar 33 in Tehran (ar a dtugtar freisin Oifig Ionchúisimh Evin).

Sa ról sin, ghlac sé páirt in ionchúiseamh éagórach na mban. Bhí ról aige maidir le cásanna a chomhdú i gcoinne gníomhaithe sibhialta agus sóisialta, agus i gcoinne iriseoirí agus gníomhaithe polaitiúla a cháin an Phoblacht Ioslamach. Agus é sin á dhéanamh aige, sháraigh Haj Moradi an ceart chun tuairimí a nochtadh agus an ceart chun triail chóir a fháil.

Dá bhrí sin, tá Mahmoud Haj Moradi freagrach as sáruithe tromchúiseacha ar chearta an duine san Iaráin.

16.3.2026

275.

Hossein YEKTA

Feidhm: Ceannasaí Chór Gharda na Réabhlóide Ioslamaí (IRGC)

Dáta breithe: 27.11.1967

Dáta breithe: Qom, an Iaráin

Náisiúntacht: Iaránach

Inscne: fireann

Is Ceannasaí sinsearach de Chór Gharda na Réabhlóide Ioslamaí (IRGC) é Hossein Yekta a ghníomhaíonn ina earcaitheoir agus ina dhianteagascóir don IRGC. Le linn na n-agóidí ar cuireadh tús leo i Nollaig 2025, thacaigh sé go poiblí le léirsitheoirí síochánta a lámhach.

Dá bhrí sin, tá Hossein Yekta freagrach as sáruithe tromchúiseacha ar chearta an duine san Iaráin.

16.3.2026’;

Ainm

Faisnéis aitheantais

Cúiseanna

Dáta an liostaithe

‘52.

Naji Research and Development Company (NRDC) (Cuideachta Taighde agus Forbartha Naji)

شرکت پژوهش و توسعه ناجی

Seoladh: Mirdamad Blvd, Tehran, Tehran Province, 1518964613, an Iaráin

An cineál eintitis: Cuideachta comhstoic phríobháideach

Áit chlárúcháin: Tehran, an Iaráin

Dáta clárúcháin: 2005

Suíomh gréasáin: www.epolice.ir

Is cuideachta seirbhísí TF agus comhairliúcháin de chuid na hIaráine í Cuideachta Taighde agus Forbartha Naji (NRDC) atá freagrach as feidhmchlár móibíleach Nazer a fhorbairt d’Fhórsaí Forfheidhmithe Dlí na hIaráine.

Baintear úsáid as feidhmchlár móibíleach Nazer mar uirlis faireachais chun faireachán agus rialú a dhéanamh ar shaoránaigh san Iaráin. Cuireann sé ar chumas daoine aonair a bhfuil grinnfhiosrúchán stáit déanta orthu daoine aonair eile a thuairisciú as sáruithe a bhaineann leis an hijab agus as iompar a théann i gcoinne na moráltachta poiblí. D’fhéadfaí daoine aonair a thuairiscítear tríd an bhfeidhmchlár móibíleach Nazer a chur faoi réir trialacha coiriúla agus pionóis, lena n-áirítear fíneálacha, príosúnacht agus lascadh.

Dá bhrí sin, tá NRDC freagrach as sáruithe tromchúiseacha ar chearta an duine san Iaráin.

16.3.2026

53.

Mohammad Rasulullah Corps (Cór Mohammad Rasulullah)

Seoladh: Niayesh Highway, Tehran, an Iaráin

Tá Mohammad Rasulullah Corps (Cór Mohammad Rasulullah) freagrach as comhordú a dhéanamh ar Chór Gharda na Réabhlóide Ioslamaí (IRGC) agus ar fhórsaí Basij in Tehran. Tá baint ag na fórsaí sin le léirsithe a chur faoi chois le foréigean, lena n-áirítear le linn na n-agóidí ar fud na tíre san Iaráin a thosaigh i mí na Nollag 2025, mar ar scaoil fórsaí IRGC agus fórsaí Basijur urchair le hagóideoirí, rud a d’fhág go bhfuair daoine bás agus gur gortaíodh daoine.

Dá bhrí sin, tá Cór Mohammad Rasulullah freagrach as sáruithe tromchúiseacha ar chearta an duine san Iaráin.

16.3.2026

54.

Imam Reza Islamic Revolutionary Guard Corps (Cór Gharda na Réabhlóide Ioslamaí Imam Reza)

ar a dtugtar freisin Imam Reza Corps

Seoladh: Mashhad, Iqbal, Kohestan St., an Iaráin

Is é an brainse áitiúil de Chór Gharda na Réabhlóide Ioslamaí (IRGC) i gCúige Khorasan Razavi é Cór Gharda na Réabhlóide Ioslamaí Imam Reza, agus dá bhrí sin tá sé i gceannas ar fhórsaí IRGC agus ar fhórsaí Basij i gCúige Khorasan Razavi. Bhí baint ag na fórsaí sin le léirsithe a chur faoi chois le foréigean, lena n-áirítear le linn na n-agóidí ar fud na tíre san Iaráin a thosaigh i mí na Nollag 2025, mar ar scaoil fórsaí IRGC urchair le hagóideoirí, rud a d’fhág go bhfuair daoine bás agus gur gortaíodh daoine.

Tá Cór Gharda na Réabhlóide Ioslamaí Imam Reza freagrach, dá bhrí sin, as sáruithe tromchúiseacha ar chearta an duine san Iaráin.

16.3.2026’.