(1)

I gcomhréir le hAirteagal 7 de Threoir 2006/42/CE, innealra a mhonaraítear i gcomhréir le caighdeáin chomhchuibhithe nó le codanna de chaighdeáin chomhchuibhithe, caighdeáin ar foilsíodh na tagairtí dóibh in Iris Oifigiúil an Aontais Eorpaigh, glactar leis go bhfuil an t-innealra sin i gcomhréir leis na ceanglais fhíor-riachtanacha sláinte agus sábháilteachta a leagtar amach in Iarscríbhinn I a ghabhann leis an Treoir sin, ceanglais a chumhdaítear leis na caighdeáin sin nó le codanna díobh.

(2)

Le litir M/396 an 19 Nollaig 2006, chuir an Coimisiún iarraidh faoi bhráid an Choiste Eorpaigh um Chaighdeánú (CEN) agus Choiste Eorpach na gCaighdeán Leictriteicniúil (Cenelec) (‘an chéad iarraidh’) caighdeáin chomhchuibhithe a dhréachtú agus a athbhreithniú chun tacú le Treoir 2006/42/CE, agus an obair ar na caighdeáin sin a chur i gcrích, chun athruithe a chur san áireamh a tugadh isteach leis an Treoir sin i gcomparáid le Treoir 98/37/CE ó Pharlaimint na hEorpa agus ón gComhairle (3).

(3)

Thairis sin, le litir M/471 an 29 Meitheamh 2010, chuir an Coimisiún iarraidh eile faoi bhráid CEN (‘an dara hiarraidh’), caighdeáin chomhchuibhithe a dhréachtú agus a athbhreithniú chun tacú le Treoir 2006/42/CE, agus an obair ar na caighdeáin sin a chur i gcrích, chun leasuithe agus breiseanna a chur san áireamh a tugadh isteach le Treoir 2009/127/CE ó Pharlaimint na hEorpa agus ón gComhairle (4), ar leasuithe agus breiseanna iad a bhaineann leis na ceanglais fhíor-riachtanacha maidir le cosaint an chomhshaoil nach mór a chomhlíonadh, go sonrach, le hinnealra leata lotnaidicíde freisin.

(4)

Ar bhonn na chéad iarrata, dhréachtaigh CEN na caighdeáin chomhchuibhithe nua seo a leanas lena gcumhdaítear forálacha sábháilteachta: EN 415-2:2025 maidir le meaisíní pacáistithe, EN 1459-4:2020+A1:2025 maidir le trucailí tír-raoin ghairbh, EN 15180:2025 maidir le hinnealra próiseála bia, EN 17076:2020+A1:2025 maidir le craenacha túir, EN 17639:2025 maidir le suiteálacha cábla-bhealaigh atá ceaptha chun ábhar agus daoine atá ainmnithe go speisialta a iompar, agus EN 17923:2025 maidir le trealamh le haghaidh saothrú fíniúnacha agus fíonóireachta.

(5)

Ar bhonn na chéad iarrata, rinne CEN athbhreithniú ar na caighdeáin chomhchuibhithe seo a leanas, caighdeáin ar foilsíodh na tagairtí dóibh in Iris Oifigiúil an Aontais Eorpaigh le Cinneadh Cur Chun Feidhme (AE) 2023/1586 ón gCoimisiún (5): EN 81-43:2009 maidir le hardaitheoirí, EN 415-8:2008 maidir le meaisíní pacáistithe, EN 1459-1:2017 maidir le trucailí tír-raoin ghairbh, EN 13001-3-1:2012+A2:2018 maidir le craenacha, EN 13204:2016 maidir le huirlisí tarrthála cumhachtaithe le húsáid ag seirbhís dóiteán agus tarrthála, EN 13852-1:2013 maidir le craenacha amach ón gcósta, EN 14439:2006+A2:2009 maidir le craenacha túir, EN 15895:2011+A1:2018 maidir le huirlisí láimhe feistithe agus marcála crua a ghníomhraítear le púdar, agus EN 15954-2:2013 mar aon le EN 15955-2:2013 maidir le trealamh áirithe i bhfeidhmeanna iarnróid. Is é an toradh a bhí air sin gur glacadh na caighdeáin chomhchuibhithe athbhreithnithe seo a leanas: EN 415-8:2025, EN 1459-1:2025, EN 13001-3-1:2025, EN 13204:2025, EN 13852-1:2025, EN 14439:2025, EN 15895:2025 agus EN 15955-2:2025.

(6)

Thairis sin, ar bhonn na chéad iarrata, rinne CEN leasú ar na caighdeáin chomhchuibhithe seo a leanas, caighdeáin ar foilsíodh na tagairtí dóibh in Iris Oifigiúil an Aontais Eorpaigh le Cinneadh Cur Chun Feidhme (AE)2023/1586: EN 1459-5:2020 maidir le trucailí tír-raoin ghairbh, EN 12312-15:2006+A1:2009 maidir le trealamh tacaíochta ar talamh d’aerárthaí, EN 12965:2019 maidir le tarracóirí agus innealra le haghaidh talmhaíochta agus foraoiseachta, EN 12999:2020 maidir le craenacha lódála, agus EN 13155:2003+A2:2009 maidir le feistis ardaithe craenach. Is é an toradh a bhí air sin gur glacadh caighdeáin chomhchuibhithe chomhdhlúite EN 1459-5:2020+A1:2025, EN 12312-15:2020+A2:2025, EN 12965:2019+A1:2025, EN 12999:2020+A1:2025 agus EN 13155:2020+A1:2025.

(7)

Ar bhonn an dara hiarraidh, dhréachtaigh CEN caighdeán comhchuibhithe EN 17744:2025 maidir le hinnealra talmhaíochta agus foraoiseachta ina bhfuil glantóirí deannaigh i dtaca leis an riosca éilleáin comhshaoil a d’fhéadfadh a bheith ann le linn úsáide a íoslaghdú.

(8)

Rinne an Coimisiún measúnú i gcomhar le CEN féachaint an gcomhlíonann na caighdeáin chomhchuibhithe sin an iarraidh ábhartha.

(9)

Comhlíonann na caighdeáin chomhchuibhithe seo a leanas na cuspóirí sábháilteachta is aidhm dóibh a chumhdach, ar cuspóirí iad a leagtar amach i dTreoir 2006/42/CE: EN 415-8:2025, EN 1459-1:2025, EN 1459-4:2020+A1:2025, EN 1459-5:2020+A1:2025, EN 12312-15:2020+A2:2025, EN 12965:2019+A1:2025, EN 12999:2020+A1:2025, EN 13001-3-1:2025, EN 13155:2020+A1:2025, EN 13204:2025, EN 13852-1:2025, EN 14439:2025, EN 15180:2025, EN 15895:2025, EN 15955-2:2025, EN 17076:2020+A1:2025, EN 17639:2025, EN 17744:2025 agus EN 17923:2025. Is iomchuí, dá bhrí sin, na tagairtí do na caighdeáin sin agus do na leasuithe orthu a fhoilsiú in Iris Oifigiúil an Aontais Eorpaigh.

(10)

In Iarscríbhinn I a ghabhann le Cinneadh Cur Chun Feidhme (AE) 2023/1586 liostaítear na tagairtí do na caighdeáin chomhchuibhithe sin a fhágann go nglactar leis go bhfuil comhréir ann le Treoir 2006/42/CE. Chun a áirithiú gur in aon ghníomh amháin a liostaítear na tagairtí do chaighdeáin chomhchuibhithe a dréachtaíodh chun tacú le Treoir 2006/42/CE, ba cheart na tagairtí do chaighdeáin chomhchuibhithe EN 81-43:2025, EN 415-2:2025, EN 415-8:2025, EN 1459-1:2025, EN 1459-4:2020+A1:2025, EN 1459-5:2020+A1:2025, EN 12312-15:2020+A2:2025, EN 12965:2019+A1:2025, EN 12999:2020+A1:2025, EN 13001-3-1:2025, EN 13155:2020+A1:2025, EN 13204:2025, EN 13852-1:2025, EN 14439:2025, EN 15180:2025, EN 15895:2025, EN 15955-2:2025, EN 17076:2020+A1:2025, EN 17639:2025, EN 17744:2025 agus EN 17923:2025 a chuimsiú san Iarscríbhinn sin.

(11)

Is gá na tagairtí do chaighdeáin chomhchuibhithe EN 81-43:2009, EN 415-8:2008, EN 1459-1:2017, EN 1459-5:2020, EN 12312-15:2006+A1:2009, EN 12965:2019, EN 12999:2020, EN 13001-3-1:2012+A2:2018, EN 13155:2003+A2:2009, EN 13204:2016, EN 13852-1:2013, EN 14439:2006+A2:2009, EN 15895:2011+A1:2018, EN 15954-2:2013 agus EN 15955-2:2013 a tharraingt siar as Iris Oifigiúil an Aontais Eorpaigh ós rud é gur athbhreithníodh nó gur leasaíodh iad. Is iomchuí, dá bhrí sin, na tagairtí sin a scriosadh ó Iarscríbhinn I a ghabhann le Cinneadh Cur Chun Feidhme (AE) 2023/1586.

(12)

Chun dóthain ama a thabhairt do mhonaróirí a n-innealra a oiriúnú, ar innealra é a chumhdaítear le caighdeán comhchuibhithe EN 81-43:2009, EN 415-8:2008, EN 1459-1:2017, EN 1459-5:2020, EN 12312-15:2006+A1:2009, EN 12965:2019, EN 12999:2020, EN 13001-3-1:2012+A2:2018, EN 13155:2003+A2:2009, EN 13204:2016, EN 13852-1:2013, EN 14439:2006+A2:2009, EN 15895:2011+A1:2018, EN 15954-2:2013 nó EN 15955-2:2013, is gá tarraingt siar na dtagairtí do na caighdeáin chomhchuibhithe sin a chur siar.

(13)

I gcaighdeán comhchuibhithe EN 474-1:2022 ina bhfuil forálacha sábháilteachta ginearálta maidir le hinnealra crécharta agus ar foilsíodh an tagairt dó in Iris Oifigiúil an Aontais Eorpaigh le Cinneadh Cur Chun Feidhme (AE) 2023/1586, tá easnamh eagarthóireachta a théann chun dochair do mhonaróirí a bhféadfadh sé go mbeadh coincheapa maidir le huasteorainneacha lóid atá sábháilte iontu féin curtha chun feidhme acu, agus i bhfianaise an mhéid sin, measann an Coimisiún gur gá aghaidh a thabhairt ar an ábhar sin. Is é sin, ní mór na luachanna i gclásail 4.12.7.2 agus 4.12.7.3 a shonrú ar bhealach níos cruinne ionas gur féidir na luachanna iomchuí a chur i bhfeidhm chun críoch toimhde comhréireachta.

(14)

Caighdeán comhchuibhithe EN 1501-5:2021, maidir le sábháilteacht gaireas ardaithe le haghaidh feithiclí bailithe dramhaíola, caighdeán ar foilsíodh an tagairt dó in Iris Oifigiúil an Aontais Eorpaigh le Cinneadh Cur Chun Feidhme (AE) 2023/1586, rinne an Coimisiún measúnú breise air, in éineacht leis an nGrúpa Saineolaithe maidir le hInnealra, an 7 Samhain 2025. Tháinig an Coimisiún ar an gconclúid nach gcomhlíonann caighdeán comhchuibhithe EN 1501-5:2021 na ceanglais fhíor-riachtanacha sláinte agus sábháilteachta a leagtar amach i bpointí 1.1.7., 1.2.1. agus 1.5.11. d’Iarscríbhinn I a ghabhann le Treoir 2006/42/CE. Is é sin, a mhéid a bhaineann le pointe 1.1.7. den Iarscríbhinn sin, ní áirithítear le caighdeán comhchuibhithe EN 1501-5:2021, nuair is é t-innealra féin is cúis le timpeallacht ghuaiseach, go soláthraítear modhanna leordhóthanacha chun a áirithiú go gcosnaítear an t-oibreoir ar aon ghuais intuartha, go háirithe an t-oibreoir a bheith dulta i bhfostú sa mheicníocht ardaithe le linn cúraimí intuartha amhail ábhar scoilte a ghlanadh nó dramhaíl rómhór a lódáil de láimh, go háirithe agus an t-innealra i mód uathoibríoch. A mhéid a bhaineann le pointe 1.2.1. den Iarscríbhinn sin, ní áirithítear le caighdeán comhchuibhithe EN 1501-5:2021 sábháilteacht agus iontaofacht na gcóras rialaithe, is é sin, go háirithe, nach mbíonn dálaí contúirte ann i gcás earráid dhaonna atá measartha intuartha le linn oibríochta, agus go mbíonn feidhm ag na codanna den chóras rialaithe a bhaineann le sábháilteacht ar bhealach comhleanúnach maidir le cóimeáil iomlán innealra. A mhéid a bhaineann le pointe 1.5.11. den Iarscríbhinn sin, ní áirithítear le caighdeán comhchuibhithe EN 1501-5:2021 go ndéanfar innealra a dhearadh agus a thógáil sa chaoi nach gcuirfidh radaíocht sheachtrach isteach ar a oibriú.

(15)

Dá bhrí sin, ba cheart caighdeáin chomhchuibhithe EN 474-1:2022 agus EN 1501-5:2021 a choinneáil in Iris Oifigiúil an Aontais Eorpaigh maille le srian.

(16)

Braitheadh earráid sa srian i ró 622a, Cuid a Trí, pointe 2, d’Iarscríbhinn I a ghabhann le Cinneadh Cur Chun Feidhme (AE) 2023/1586, a mhéid a bhaineann leis na focail ‘amhail crainn arda’ a úsáidtear mar shampla sa srian sin. Ba cheart an earráid sin a cheartú le héifeacht chúlghabhálach.

(17)

Dá bhrí sin, ba cheart Cinneadh Cur Chun Feidhme (AE) 2023/1586 a leasú agus a cheartú dá réir sin.

(18)

Is éard a thugtar le fios le caighdeán comhchuibhithe a chomhlíonadh go nglactar leis go bhfuil comhréir ann leis na ceanglais fhíor-riachtanacha chomhfhreagracha a leagtar amach i reachtaíocht chomhchuibhithe an Aontais ón dáta a fhoilsítear an tagairt don chaighdeán sin in Iris Oifigiúil an Aontais Eorpaigh. Dá bhrí sin, ba cheart an Cinneadh seo a theacht i bhfeidhm ar dháta a fhoilsithe,

(1)

in Airteagal 1, cuirtear an méid a leanas in ionad an dara mír:

‘Na tagairtí do na caighdeáin a liostaítear i gCuid a Trí, pointe 2, rónna 24a, 121, 126a, 266, 324a, 343, 405, 495, 495a, 502a, 513a, 622a, 671a agus 681a d’Iarscríbhinn I a ghabhann leis an gCinneadh seo, foilsítear iad nó coinnítear iad in Iris Oifigiúil an Aontais Eorpaigh maille le srianta.’;

(2)

leasaítear Iarscríbhinn I i gcomhréir leis an Iarscríbhinn a ghabhann leis an gCinneadh seo.