ag féachaint do Rialacha Nós Imeachta na Cúirte Ginearálta, agus go háirithe d’Airteagal 56a (2) agus (5) díobh,

Airteagal 1

Leis an bhfeidhmchlár ríomhaireachta ar a dtugtar ‘e-Curia’, feidhmchlár atá coiteann do chúirteanna Chúirt Bhreithiúnais an Aontais Eorpaigh, is féidir doiciméid nós imeachta a thaisceadh agus a sheirbheáil trí mheán leictreonach faoi na coinníollacha a leagtar síos leis an gCinneadh seo.

Beidh feidhm ag na sainmhínithe atá in Airteagal 1 de na Rialacha Nós Imeachta maidir leis an gCinneadh seo.

Airteagal 2

D’fhonn úsáid a bhaint as feidhmchláir e-Curia ní mór cuntas rochtana a oscailt agus ní mór aitheantas úsáideora agus pasfhocal pearsanta a bheith ag an té a bhaineann úsáid as.

Tá an feidhmchlár ar fáil d’ionadaithe na bpáirtithe nó, i gcás iarrataí ar réamhrialú, do na daoine leasmhara dá dtagraítear in Airteagal 23 den Reacht (cuntas ‘ionadaí’),do dhaoine a ghníomhaíonn thar ceann cúirt náisiúnta (cuntas ‘cúirt’), nó do na daoine atá údaraithe, faoi rialacha náisiúnta nós imeachta, ionadaíocht a dhéanamh dó féin nó ionadaíocht a dhéanamh do pháirtí os comhair cúirteanna náisiúnta (cuntas ‘duine údaraithe’).

Ina theannta sin, tá sé ar fáil do chúntóirí arna gceapadh de réir ainm ag sealbhóir ceann de na cuntais sin (cuntas ‘cúntóir’).

Airteagal 3

Déantar e doiciméad nós imeachta a thaisceadh trí e-Curia trí úsáid as aitheantas úsáideora agus pasfhocal pearsanta ionadaí páirtí nó duine leasmhair dá dtagraítear in Airteagal 23 den Reacht, duine atá údaraithe ionadaíocht a dhéanamh dó féin nó do pháirtí sna príomhimeachtaí nó duine atá ag gníomhú thar ceann cúirt náisiúnta, chun an doiciméad a thaisceadh. Is ionann úsáid an aitheantais úsáideora sin agus an phasfhocail sin agus síniú an doiciméid lena mbaineann.

Airteagal 4

Ní mór na hiarscríbhinní atá luaite i ndoiciméad nós imeachta a taisceadh trí e-Curia a cheangal leis chomh maith le sceideal na n-iarscríbhinní.

Airteagal 5

Meastar go bhfuil doiciméad nós imeachta taiscthe de réir bhrí Airteagal 72(2) de na Rialacha Nós Imeachta tráth a dheimhníonn ionadaí páirtí nó duine leasmhair dá dtagraítear in Airteagal 23 den Reacht, an duine atá údaraithe ionadaíocht a dhéanamh dó féin nó do pháirtí sna príomhimeachtaí nó an duine atá ag gníomhú thar ceann cuntas na cúirte lena mbaineann.

Is í uair Ard-Diúcacht Lucsamburg an uair a chuirfear san áireamh.

Airteagal 6

Seirbheálfar doiciméid nós imeachta, lena n-áirítear breithiúnais agus orduithe, trí e-Curia ar shealbhóirí chuntas e-Curia, a dhéanann ionadaíocht, i gcás, do pháirtí nó do dhuine leasmhar dá dtagraítear in Airteagal 23 den Reacht nó a ghníomhaíonn ar a gcuntas féin nó thar ceann cuntas páirtí sna príomhimeachtaí nó thar ceann cúirt náisiúnta. Seirbheálfar na doiciméid sin ar shealbhóirí cuntais cúntóra freisin.

Sna cásanna dá bhforáiltear sa Reacht agus sna Rialacha Nós Imeachta, is trí e-Curia a dhéanfar an tseirbheáil ar na Ballstáit, ar Stáit eile is páirtithe i gComhaontú LEE, ar thríú tíortha, ar institiúidí agus ar Údarás Faireacháin CSTE má ghlacann an bhfaighteoir leis an modh seirbheála sin.

Féadfar Doiciméid Nós Imeachta a sheirbheáil freisin faoi mhodhanna eile dá bhforáiltear sna Rialacha Nós Imeachta má éilítear sin mar gheall ar mhéid nó chineál an doiciméid nó i gcás nach mbeidh sé indéanta e-Curia a úsáid ar chúiseanna teicniúla.

I gcás nach mbeidh sé indéanta e-Curia a úsáid ar chúiseanna teicniúla agus má tá práinn ann, déanfaidh an Cláraitheoir na doiciméid nós imeachta a tharchur ar aon mhodh is iomchuí. Ní mór seirbheáil trí e-Curia a dhéanamh tar éis thaisceadh an doiciméid sin a luaithe a bheidh sé indéanta go teicniúil an feidhmchlár sin a úsáid arís.

Airteagal 7

Tabharfar fógra d’fhaighteora na ndoiciméad arna seirbheáil dá dtagraítear san Airteagal roimhe seo trí ríomhphost faoi aon seirbheáil a dhéanfar orthu trí e-Curia.

Déanfar an doiciméad nós imeachta a sheirbheáil tráth a iarrfaidh an t-úsáideoir rochtain ar an doiciméad sin. In éagmais aon iarraidh ar rochtain, measfar an doiciméad a bheith seirbheáilte ar dhul in éag don seachtú lá tar éis an lae a seoladh an fógra ríomhphoist.

I gcás ina ndéanann roinnt daoine ionadaíocht do pháirtí nó do dhuine leasmhar dá dtagraítear in Airteagal 23 den Reacht, nó i gcás ina bhfuil roinnt daoine i dteideal gníomhú thar ceann páirtí sna príomhimeachtaí nó thar ceann cúirt náisiúnta, nó i gcás ina n-osclaíonn sealbhóir cuntais ‘ionadaí’, cuntais ‘cúirt’ nó cuntais ‘duine údaraithe’ cuntas do chúntóir amháin nó níos mó dá chuid, is é an uair a chuirfear san áireamh chun na teorainneacha ama a ríomh ná uair a dhéanfar na chéad iarrata ar rochtain.

Is í uair Ard-Diúcacht Lucsamburg an uair a chuirfear san áireamh.

Airteagal 8

I gcaingne díreacha, i gcás ina bhfuil sé dodhéanta de bharr cúiseanna teicniúla doiciméad nós imeachta a thaisceadh trí e-Curia, ní mór d’ionadaí páirtí Clárlann na Cúirte Ginearálta a chur ar an eolas láithreach faoi sin trí ríomhphost (GC.Registry@curia.europa.eu) nó trí mheán tarchuir leictreonaigh a úsáideann an Chúirt Ghinearálta, agus an méid seo a leanas á shonrú aige:

Má tá an t-ionadaí nó an duine sin faoi cheangal teorainn ama, seolfaidh sé cóip den doiciméad chuig Clárlann na Cúirte Ginearálta trí aon mhodh iomchuí (leagan páipéir a chur isteach nó é a chur tríd an bpost, trí ríomhphost nó trí aon mhodh tarchuir leictreonaigh eile arna úsáid ag an gCúirt Ghinearálta). Ní mór taisceadh an doiciméid trí e-Curia a dhéanamh i ndiaidh an tarchuir sin a luaithe a bheidh sé indéanta go teicniúil an feidhmchlár sin a úsáid arís.

Más gá, tabharfaidh an Chúirt Ghinearálta nó Uachtarán na Cúirte Ginearálta rialú maidir le glacadh le doiciméad arna thaisceadh trí e-Curia tar éis na teorann ama forordaithe, agus faisnéis arna soláthar ag an bpáirtí a thaisceann an doiciméad sin á cur san áireamh chun a chruthú nach raibh sé indéanta go teicniúil an doiciméad sin a thaisceadh trí e-Curia roimh an teorainn ama fhorordaithe.

Airteagal 9

I gcásanna réamhrialaithe, i gcás ina bhfuil cuntas rochtana ag ionadaí duine leasmhair dá dtagraítear in Airteagal 23 den Reacht, ag an duine atá údaraithe ionadaíocht a dhéanamh thar ceann páirtí sna príomhimeachtaí nó ag an duine atá ag gníomhú thar ceann cúirt náisiúnta agus nach bhfuil sé indéanta go teicniúil doiciméad nós imeachta a thaisceadh trí e-Curia, iarrtar ar an ionadaí nó ar an duine sin Clárlann na Cúirte Ginearálta a chur ar an eolas láithreach trí ríomhphost (GC.Registry@curia.europa.eu) nó trí mhodh tarchuir leictreonaigh arna úsáid ag an gCúirt Ghinearálta.

Má tá an t-ionadaí nó an duine sin faoi cheangal teorainn ama, seolfaidh sé cóip den doiciméad chuig Clárlann na Cúirte Ginearálta trí aon mhodh iomchuí (leagan páipéir a chur isteach nó é a chur tríd an bpost, trí ríomhphost nó trí aon mhodh tarchuir leictreonaigh eile arna úsáid ag an gCúirt Ghinearálta). Iarrtar air an doiciméad a thaisceadh trí e-Curia a luaithe a bheidh sé indéanta go teicniúil an t-iarratas a úsáid arís.

Airteagal 10

Ullmhóidh an Cláraitheoir coinníollacha úsáide e-Curia agus áiritheoidh sé go ndéanfar iad a chomhlíonadh. D’fhéadfadh díghníomhachtú an chuntais rochtana lena mbaineann a bheith mar thoradh ar aon úsáid a bhaintear as e-Curia atá contrártha leis na coinníollacha sin.

Déanfaidh an Chúirt Ghinearálta na bearta is gá chun e-Curia a chosaint ar aon mhí-úsáid nó úsáid mhailíseach.

Cuirfear úsáideoirí ar an eolas trí ríomhphost faoi aon ghníomhaíocht a dhéantar de bhun an Airteagail seo a chuireann cosc orthu a gcuntas rochtana a úsáid.

Airteagal 11

Leis an gCinneadh seo, déantar an cinneadh ón gCúirt Ghinearálta an 11 Iúil 2018 maidir le doiciméid nós imeachta a thaisceadh agus a sheirbheáil trí fheidhmchlár e-Curia a aisghairm agus a ionadú (1).

Airteagal 12

Tiocfaidh an Cinneadh seo i bhfeidhm an 1 Meán Fómhair 2024.