Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document L:2021:458I:FULL

    Iris Oifigiúil an Aontais Eorpaigh, L 458I, 23 Nollaig 2021


    Display all documents published in this Official Journal
     

    ISSN 1977-0839

    Iris Oifigiúil

    an Aontais Eorpaigh

    L 458I
    European flag  

    An t-eagrán Gaeilge

    Reachtaíocht

    64
    23 Nollaig 2021

    Clár

     

    II   Gníomhartha neamhreachtacha

    Leathanach

     

     

    RIALACHÁIN

     

    *

    Rialachán Cur Chun Feidhme (AE) 2021/2311 ón gCoimisiún an 22 Nollaig 2021 lena leasaítear den 324ú huair Rialachán (CE) Uimh. 881/2002 ón gComhairle lena bhforchuirtear bearta sriantacha sonracha áirithe atá dírithe i gcoinne daoine agus eintitis áirithe atá bainteach leis na heagraíochtaí SIIS (Da'esh) agus Al-Qaida

    1

    GA

    II Gníomhartha neamhreachtacha

    RIALACHÁIN

    23.12.2021   

    GA

    Iris Oifigiúil an Aontais Eorpaigh

    LI 458/1

    RIALACHÁN CUR CHUN FEIDHME (AE) 2021/2311 ÓN gCOIMISIÚN

    an 22 Nollaig 2021

    lena leasaítear den 324ú huair Rialachán (CE) Uimh. 881/2002 ón gComhairle lena bhforchuirtear bearta sriantacha sonracha áirithe atá dírithe i gcoinne daoine agus eintitis áirithe atá bainteach leis na heagraíochtaí SIIS (Da'esh) agus Al-Qaida

    TÁ AN COIMISIÚN EORPACH,

    Ag féachaint don Chonradh ar Fheidhmiú an Aontais Eorpaigh,

    Ag féachaint do Rialachán (CE) Uimh. 881/2002 ón gComhairle an 27 Bealtaine 2002 lena bhforchuirtear bearta sriantacha sonracha áirithe atá dírithe i gcoinne daoine agus eintitis áirithe atá bainteach leis na heagraíochtaí SIIL (Da'esh) agus Al-Qaida (1), agus go háirithe Airteagal 7(1)(a) agus Airteagal 7a(1) de,

    De bharr an mhéid seo a leanas:

    (1)

    Le hIarscríbhinn I a ghabhann le Rialachán (CE) Uimh. 881/2002 liostaítear na daoine, na grúpaí agus na heintitis arna gcumhdach ag reo cistí agus acmhainní eacnamaíocha faoin Rialachán sin.

    (2)

    An 21 Nollaig 2021, chinn Coiste Smachtbhannaí Chomhairle Slándála na Náisiún Aontaithe iontráil a chur le liosta na ndaoine, na ngrúpaí agus na n-eintiteas ar cheart feidhm a bheith ag reo cistí agus acmhainní eacnamaíocha maidir leo.

    (3)

    Ba cheart, dá bhrí sin, Iarscríbhinn I a ghabhann le Rialachán (CE) Uimh. 881/2002 a leasú dá réir.

    (4)

    Chun a áirithiú go mbeidh na bearta dá bhforáiltear sa Rialachán seo éifeachtach, ba cheart é a theacht i bhfeidhm láithreach,

    TAR ÉIS AN RIALACHÁN SEO A GHLACADH:

    Airteagal 1

    Leasaítear Iarscríbhinn I a ghabhann le Rialachán (CE) Uimh. 881/2002 i gcomhréir leis an Iarscríbhinn a ghabhann leis an Rialachán seo.

    Airteagal 2

    Tiocfaidh an Rialachán seo i bhfeidhm lá a fhoilsithe in Iris Oifigiúil an Aontais Eorpaigh.

    Beidh an Rialachán seo ina cheangal go huile agus go hiomlán agus beidh sé infheidhme go díreach i ngach Ballstát.

    Arna dhéanamh sa Bhruiséil, 22 Nollaig 2021.

    Thar ceann an Choimisiúin

    Ar son an Uachtaráin

    An tArd-Stiúrthóir

    An Ard-Stiúrthóireacht um Chobhsaíocht Airgeadais, Seirbhísí Airgeadais agus Aontas na Margaí Caipitil

    (1)  IO L 139 29.5.2002, lch. 9.

    IARSCRÍBHINN

    In Iarscríbhinn I a ghabhann le Rialachán (CE) Uimh. 881/2002, cuirtear isteach an iontráil seo a leanas faoin gceannteideal ‘Daoine nádúrtha’:

    ‘Sanaullah Ghafari (script bhunaidh: ثناء اللہ غفاری) (ailias dea-cháilíochta: (a) Dr. Shahab al Muhajir; (b) Shahab Muhajer; (c) Shahab Mohajir; (d) Shahab Mahajar; (e) Shihab al Muhajir; (f) Shihab Muhajer; (g) Shihab Mohajir; (h) Shihab Mahajar). Dáta breithe: 28.10.1994. Áit bhreithe: an Afganastáin. Náisiúntacht: Afganastánach. Seoladh: (a) an Afganastáin (2021); (b) Kunduz, an Afganastáin (roimhe). Faisnéis eile: Ceannaire ar an Stát Ioslamach san Iaráic agus sa Leiveaint-Khorasan (SIIL-K). Saineolaí Teicneolaíochta Faisnéise An dáta ainmniúcháin dá dtagraítear in Airteagal 7d(2)(i): 21.12.2021.’

    Top