Iarraidh ar réamhrialú ó Oberlandesgericht Wien (an Ostair) a taisceadh an 23 Eanáir 2025 – CRIF GmbH v YO

(Cás C-40/25, CRIF)

(C/2025/1880)

Teanga an cháis: an Ghearmáinis

An chúirt a rinne an tarchur

Oberlandesgericht Wien

Páirtithe sna príomhimeachtaí

Cosantóir agus achomharcóir: CRIF GmbH

Iarratasóir agus freagróir san achomharc: YO

An cheist a tharchuirtear

An bhfuil Airteagal 17 de Rialachán (AE) 2016/679 (RGCS) (1) le léiriú sa chaoi go bhfuil ábhar sonraí a ndearna rialaitheoir a chuid sonraí pearsanta a nochtadh trí na sonraí sin a aistriú ar aghaidh i dteideal urghaire coisctheach a fháil i gcoinne an rialaitheora lena gcuirtear cosc ar na sonraí sin a aistriú ar aghaidh tuilleadh mura n-iarrann an t-ábhar sonraí ar an rialaitheoir na sonraí a léirscriosadh toisc nach féidir an t-ábhar sonraí a aimsiú ansin i mbunachar sonraí an rialaitheora, rud a d’fhéadfadh a fhágáil go mbeidh sé níos deacra nó dodhéanta fiú conradh a chur i gcrích má chuireann custaiméirí an rialaitheora a gcinntí gnó faoi réir an t-ábhar sonraí a aimsiú i mbunachar sonraí an rialaitheora?

(1)  Rialachán (AE) 2016/679 ó Pharlaimint na hEorpa agus ón gComhairle an 27 Aibreán 2016 maidir le daoine nádúrtha a chosaint i ndáil le sonraí pearsanta a phróiseáil agus maidir le saorghluaiseacht sonraí den sórt sin, agus lena n-aisghairtear Treoir 95/46/CE (An Rialachán Ginearálta maidir le Cosaint Sonraí) (IO 2016 L 119, lch. 1).