This document is an excerpt from the EUR-Lex website
Document 52024M11467
Prior notification of a concentration (Case M.11467 – BLACKROCK / GIM) – Candidate case for simplified procedure
Réamhfhógra faoi chomhchruinniú (Cás M.11467 — BLACKROCK / GIM) — Cás a d'fhéadfaí a chur faoin nós imeachta simplithe
Réamhfhógra faoi chomhchruinniú (Cás M.11467 — BLACKROCK / GIM) — Cás a d'fhéadfaí a chur faoin nós imeachta simplithe
PUB/2024/491
IO C, C/2024/3635, 5.6.2024, ELI: http://data.europa.eu/eli/C/2024/3635/oj (BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
|
Iris Oifigiúil |
GA Sraith C |
|
C/2024/3635 |
5.6.2024 |
Réamhfhógra faoi chomhchruinniú
(Cás M.11467 — BLACKROCK / GIM)
Cás a d'fhéadfaí a chur faoin nós imeachta simplithe
(Téacs atá ábhartha maidir le LEE)
(C/2024/3635)
1.
An 29 Bealtaine 2024 fuair an Coimisiún fógra maidir le comhchruinniú atá beartaithe de bhun Airteagal 4 de Rialachán (CE) Uimh. 139/2004 ón gComhairle (1).Is leis na gnóthais seo a leanas a bhaineann an fógra sin:
|
— |
BlackRock Funding, Inc. (‘BFI’, Stáit Aontaithe Mheiriceá) atá faoi rialú BlackRock, Inc. (‘BlackRock’, Stáit Aontaithe Mheiriceá), |
|
— |
Global Infrastructure Management LLC (‘GIM’, Stáit Aontaithe Mheiriceá), |
Gheobhaidh BFI rialú aonair, de réir bhrí Airteagal 3(1)(b) den Rialachán um Chumaisc, ar GIM ina iomláine.
Baintear an comhchruinniú amach trí bhíthin ceannach urrús (2).
2.
Is iad seo a leanas gníomhaíochtaí gnó na ngnóthas lena mbaineann:|
— |
Is cuideachta é BlackRock arna liostú ar stocmhalartán atá gníomhach i soláthar seirbhísí bainistíochta infheistíochta, bainistíochta riosca, agus comhairle do chliaint institiúideacha agus mhiondíola ar fud an domhain, Bainistíonn BlackRock sócmhainní thar ceann infheisteoirí institiúideacha agus aonair ar fud an domhain, |
|
— |
Bainisteoir neamhspleách domhanda ar chistí bonneagair is ea GIM atá lonnaithe sna Stáit Aontaithe agus a sholáthraíonn seirbhísí bainistíochta agus comhairle do chistí infheistíochta áirithe atá cleamhnaithe le GIM (na ‘Cistí GIP’) a infheistíonn i ngnólachtaí agus i sócmhainní bonneagair in earnálacha an fhuinnimh, an iompair, na seirbhísí digiteacha, an uisce agus na dramhaíola. |
3.
Tar éis réamhscrúdú a dhéanamh, is é cinneadh an Choimisiúin go bhféadfadh an t-idirbheart faoinar tugadh fógra a bheith faoi raon feidhme an Rialacháin um Chumaisc. Ach forchoimeádtar an cinneadh críochnaitheach maidir leis sin.De bhun an Fhógra ón gCoimisiún maidir le cóireáil shimplithe le haghaidh comhchruinnithe áirithe faoi Rialachán (CE) Uimh. 139/2004 ón gComhairle maidir le comhchruinnithe a rialú idir gnóthais (3), ba cheart a thabhairt faoi deara go bhféadfaí an cás seo a chur faoin nós imeachta a leagtar amach san Fhógra.
4.
Iarrann an Coimisiún ar thríú páirtithe leasmhara aon bharúil a bheadh acu maidir leis an oibríocht atá beartaithe a chur faoi bhráid an Choimisiúin.Ní mór na barúlacha a bheith faighte ag an gCoimisiún tráth nach déanaí ná 10 lá tar éis dháta foilsithe an fhoilseacháin seo. Ba cheart an tagairt seo a leanas a lua i gcónaí:
M.11467 — BLACKROCK / GIM
Is féidir barúlacha a sheoladh chuig an gCoimisiún le ríomhphost nó tríd an bpost. Baintear úsáid as na sonraí teagmhála seo thíos:
Seoladh Ríomhphoist: COMP-MERGER-REGISTRY@ec.europa.eu
Seoladh poist:
|
European Commission |
|
Directorate-General for Competition |
|
Merger Registry |
|
1049 Bruxelles/An Bhruiséil |
|
BELGIQUE/BELGIË |
(1) IO L 24, 29.1.2004, lch. 1 (an ‘Rialachán um Chumaisc’).
(2) Is éard a bheidh i gceist leis an Idirbheart Beartaithe go bhfaighidh BlackRock Funding, Inc. leasanna cuideachta faoi dhliteanas teoranta uile GIM atá eisithe agus gan íoc. Toisc gur cuideachta faoi dhliteanas teoranta in Delaware é GIM seachas corparáid, tá sé níos cruinne urrúis a thabhairt ar a leasanna seachas scaireanna.
ELI: http://data.europa.eu/eli/C/2024/3635/oj
ISSN 1977-107X (electronic edition)