AN COIMISIÚN EORPACH

An Bhruiséil,31.10.2023

COM(2023) 682 final

TUARASCÁIL ÓN gCOIMISIÚN CHUIG PARLAIMINT NA hEORPA AGUS CHUIG AN gCOMHAIRLE

de bhun Airteagal 5(5) agus Airteagal 6(10) de Rialachán (AE) 2019/942 maidir le rannpháirtíocht Ghníomhaireacht an Aontais Eorpaigh um Chomhar idir Rialálaithe Fuinnimh i gcur chun feidhme cóid gréasáin leictreachais agus treoirlínte arna nglacadh mar ghníomhartha tarmligthe

TUARASCÁIL ÓN gCOIMISIÚN CHUIG PARLAIMINT NA hEORPA AGUS CHUIG AN gCOMHAIRLE

de bhun Airteagal 5(5) agus Airteagal 6(10) de Rialachán (AE) 2019/942 maidir le rannpháirtíocht Ghníomhaireacht an Aontais Eorpaigh um Chomhar idir Rialálaithe Fuinnimh i gcur chun feidhme cóid gréasáin leictreachais agus treoirlínte arna nglacadh mar ghníomhartha tarmligthe

De bhun Airteagal 5(5) de Rialachán (AE) 2019/942, faoin 31 Deireadh Fómhair 2023, agus gach 3 bliana ina dhiaidh sin, cuirfidh an Coimisiún tuarascáil faoi bhráid Pharlaimint na hEorpa agus na Comhairle maidir le rannpháirtíocht Ghníomhaireacht an Aontais Eorpaigh um Chomhar idir Rialálaithe Fuinnimh (ACER) i bhforbairt agus i nglacadh téarmaí agus coinníollacha nó modheolaíochtaí chun cóid ghréasáin agus treoirlínte a chur chun feidhme arna nglacadh mar ghníomhartha tarmligthe tar éis an 4 Iúil 2019. I gcás inarb iomchuí, beidh togra reachtach ag gabháil leis an tuarascáil chun na cumhachtaí is gá a tharchur chuig ACER nó a mhodhnú.

De bhun Airteagal 6(10) de Rialachán (AE) 2019/942, faoin 31 Deireadh Fómhair 2023, agus gach 3 bliana ina dhiaidh sin, cuirfidh an Coimisiún tuarascáil faoi bhráid Pharlaimint na hEorpa agus na Comhairle faoin ngá féideartha cur le rannpháirtíocht ACER maidir le cásanna easaontais a réiteach idir údaráis rialála a bhaineann le cinntí comhpháirteacha ar ábhair ar tugadh inniúlacht ina leith do na húdaráis rialála sin trí ghníomh tarmligthe tar éis an 4 Iúil 2019. I gcás inarb iomchuí, beidh togra reachtach ag gabháil leis an tuarascáil chun na cumhachtaí sin a mhodhnú nó na cumhachtaí is gá a aistriú chuig ACER.

Go dtí seo, níor glacadh aon chód gréasáin ná treoirlíne mar ghníomh tarmligthe. Dá bhrí sin, níl aon eispéireas ann faoi láthair a d’fhéadfadh an Coimisiún a thuairisciú ná a mbainfeadh sé tátal as.