(1)

Tá riachtanais ollmhóra mhaoiniúcháin ag an Aontas chun a chuspóirí a ghnóthú i réimsí na nuálaíochta, an aistrithe ghlais agus dhigitigh, agus na hinfheistíochta sóisialta agus scileanna, agus ní mór aghaidh a thabhairt ar chúlra casta a dhéanann difear d’iomaíochas agus do bhonn tionsclaíoch an Aontais arb é is príomhthréithe dó dinimic dhomhanda atá ag athrú, fás eacnamaíoch mall, athrú aeráide agus díghrádú comhshaoil luathaithe, iomaíocht theicneolaíoch agus teannas geopholaitiúil atá ag dul i méid. Sa chomhthéacs sin, tá sé ríthábhachtach neamhspleáchas an Aontais a fheabhsú, go háirithe i réimse an fhuinnimh, trí thacú le hinfheistíochtaí lena neartaítear córas fuinnimh ghlain agus teicneolaíochtaí glana atá bunaithe ar fhoinsí inathnuaite fuinnimh, chun spleáchais a laghdú agus chun cobhsaíocht eacnamaíoch agus pholaitiúil a chosaint.

(2)

Tá breisíocht agus éifeacht ghiarála ráthaíocht AE mar bhonn leis an gciste Eorpach le haghaidh infheistíochtaí straitéiseacha, arna bhunú le Rialachán (AE) 2015/1017 ó Pharlaimint na hEorpa agus ón gComhairle (3), (CEIS) agus Clár InvestEU arna bhunú le Rialachán (AE) 2021/523 ó Pharlaimint na hEorpa agus ón gComhairle (4), lena gcumasaítear, go háirithe, teicneolaíochtaí agus cuideachtaí nua agus nuálacha a uas-scálú, agus lena mbaintear an riosca den infheistíocht d’infheisteoirí príobháideacha. Cuidíonn formhaoirseacht ag Parlaimint na hEorpa agus ag an gComhairle lena áirithiú go n-úsáidtear ráthaíocht AE i gcomhréir le cuspóirí Chlár InvestEU.

(3)

Leis an tuarascáil dar teideal ‘todhchaí iomaíochas na hEorpa’ (‘tuarascáil Draghi’), déantar measúnú ar na riachtanais infheistíochta bhreise chomhcheangailte san Eoraip ag EUR 750-800 billiún in aghaidh na bliana faoi 2030, a bhfuil EUR 450 billiún de ag teastáil don aistriú fuinnimh amháin. Áirítear leis sin suim shuntasach le haghaidh an aistrithe ghlais agus an aistrithe dhigitigh. Tá sé ríthábhachtach infheistíocht phoiblí agus phríobháideach leordhóthanach a áirithiú chun borradh a chur faoin méadú táirgiúlachta agus spriocanna an Aontais ghnóthú, chun infheistíochtaí príobháideacha a ghiaráil d’fhonn an tionscal a dhícharbónú, chun dlús a chur le táirgeadh, stóráil agus úsáid fuinnimh ghlain agus leictriú, chun idirnaisc agus eangacha a neartú, chun samhlacha gnó inbhuanaithe agus ciorclacha a chur chun cinn, chun athchóiriú inbhuanaithe foirgneamh a chothú, chun monaraíocht teicneolaíochta glaine agus teicneolaíochtaí digiteacha a fhorbairt agus iad a scaipeadh ar fud earnálacha eacnamaíocha.

(4)

Tá géarchéim thithíochta san Aontas ina bhfuil dhá chliseadh sa mhargadh, eadhon ganntanas tithíochta inacmhainne agus sóisialta agus mainneachtain an bhearna éifeachtúlachta fuinnimh a dhúnadh. Trí ráthaíocht mhéadaithe AE atá ar fáil faoi ionú beartais infheistíochta sóisialta agus scileanna Chiste InvestEU agus infheictheacht agus inrochtaineacht fheabhsaithe na tacaíochta airgeadais i ndáil le tithíocht, is féidir le comhpháirtithe cur chun feidhme an Aontais agus InvestEU tacaíocht shuntasach a chur ar fáil do phríomhthosaíocht na n-infheistíochtaí sóisialta agus na scileanna sóisialta, lena n-áirítear do thithíocht shóisialta inacmhainne, agus rannchuidiú le cur chun feidhme Cholún Eorpach na gCeart Sóisialta ag an am céanna.

(5)

I bhfianaise chogadh foghach na Rúise i gcoinne na hÚcráine, tá géarghá le feabhas suntasach a chur ar an tslándáil, ar a Bhonn Teicneolaíoch agus Tionsclaíoch Cosanta agus ar a shoghluaisteacht mhíleata. Trí ráthaíocht mhéadaithe AE atá ar fáil faoi ionuithe beartais ábhartha Chiste InvestEU, infheictheacht agus inrochtaineacht fheabhsaithe na tacaíochta airgeadais i ndáil le fiontair bheaga agus mheánmhéide (FBManna), cuideachtaí meánchaipitlithe agus gnólachtaí nuathionscanta i slabhra soláthair na cosanta, is féidir le comhpháirtithe cur chun feidhme an Aontais agus InvestEU tacaíocht thábhachtach a chur ar fáil don phríomhthosaíocht sin.

(6)

Tá ról tábhachtach ag tionscnaimh amhail saoráid ráthaíochta creidmheasa onnmhairiúcháin InvestEU chun tacú le geilleagar na hÚcráine. Tá rannpháirtíocht fhorleathan na ngníomhaireachtaí creidmheasa onnmhairiúcháin Eorpacha ríthábhachtach d’éifeachtacht na saoráide sin.

(7)

Tá líonraí agus seirbhísí iompair dea-fheidhmiúla tábhachtach chun aistriú i dtreo geilleagar glas a áirithiú agus iomaíochas an Aontais a neartú ag an am céanna. I ndáil leis sin, tá gá le hinfheistíochtaí sna gréasáin thras-Eorpacha iompair chun naisc atá in easnamh a chomhlánú agus chun bonneagar iompair a nuachóiriú, i gcás ina bhfuil bearnaí móra sa mhaoiniú poiblí agus príobháideach.

(8)

Is é Ciste InvestEU an phríomhuirlis ar leibhéal an Aontais chun cistiú poiblí agus príobháideach a ghiaráil chun tacú le raon leathan tosaíochtaí beartais de chuid an Aontais. Trína líonra cuimsitheach comhpháirtithe cur chun feidhme, lena n-áirítear an Banc Eorpach Infheistíochta (BEI), an Ciste Eorpach Infheistíochta (CEI), institiúidí airgeadais idirnáisiúnta eile agus bainc agus institiúidí náisiúnta le haghaidh spreagadh, tá maoiniú a bhfuil géarghá leis á sholáthar ag Ciste InvestEU trína acmhainneacht comhroinnte riosca. Cuireadh i dtábhacht sa mheastóireacht eatramhach ar InvestEU, a tugadh chun críche in 2024, go bhfuil ráthaíochtaí buiséadacha éifeachtúil i dtaca le buiséad an Aontais agus deimhníodh inti go raibh an Clár InvestEU ar an mbóthar ceart chun infheistíocht a shlógadh, agus go meastar go mbeidh tionchar suntasach aige sin ar an bhfíorgheilleagar. Mar sin féin, tugadh tús áite d’fhormheasanna oibríochtaí maoiniúcháin agus infheistíochta faoi Chlár InvestEU, agus mar thoradh air sin, mura ndéantar aon ghníomhaíocht chun aghaidh a thabhairt ar an tsaincheist, d’fhéadfadh sé go dtiocfadh deireadh le formheasanna nua le haghaidh táirgí airgeadais áirithe tar éis 2025.

(9)

Tá sé tábhachtach acmhainneacht airgeadais Chiste InvestEU a mhéadú agus a úsáid ar bhealach níos éifeachtúla nuair a chomhcheanglaítear í le hacmhainní a bheidh ar fáil faoi CEIS agus faoi ionstraimí leagáide eile, eadhon Ionstraim Fiachais SCE arna bunú le Rialachán (AE) Uimh. 1316/2013 ó Pharlaimint na hEorpa agus ón gComhairle (5) agus Saoráid Fiachais InnovFin arna bunú faoi Rialacháin (AE) Uimh. 1290/2013 (6) agus (AE) Uimh. 1291/2013 (7) ó Pharlaimint na hEorpa agus ón gComhairle, arna gcur chun feidhme ag Grúpa BEI. D’fhéadfadh na comhcheangail sin an t-ioncam buiséid ó na hionstraimí leagáide sin a laghdú. Mar sin féin, d’fhéadfaí leis na féidearthachtaí sin go gcuirfí méid méadaithe cumhdaigh ráthaíochta ar fáil le haghaidh infheistíochtaí straitéiseacha i bpríomhréimsí tosaíochta an Aontais ar féidir a bheith ag dréim leis go leanfaidh astu slógadh infheistíochta breise de thart ar EUR 25 bhilliún agus éagsúlú méadaithe rioscaí, gan na rioscaí do bhuiséad an Aontais a mhéadú go suntasach.

(10)

Leis an méadú EUR 2,9 billiún ar ráthaíocht AE a bhfuil na hathshreabha breise de EUR 1,16 bhilliún mar bhonn taca leis, agus leis na bearta éifeachtúlachta a cuireadh chun feidhme trí acmhainneachtaí na n-ionstraimí leagáide a chomhcheangal le Ciste InvestEU, meastar go bhféadfaí thart ar EUR 55 bhilliún d’infheistíocht bhreise a shlógadh. Is gá coigeartú a dhéanamh go comhréireach ar ranníocaíocht airgeadais Ghrúpa BEI i gcomhréir leis an sciar de ráthaíocht mhéadaithe AE a leithdháiltear air. Ba cheart dáileadh táscach ráthaíocht AE idir na ceithre ghné bheartais den Chiste InvestEU a mhéadú i gcomhréir leis an méadú ar ráthaíocht AE. Tá úsáid na n-athshreabh sin ó ionstraimí leagáide chun tairbhe Chiste InvestEU gan dochar don chaibidlíocht maidir leis an gcreat airgeadais ilbhliantúil iar-2027.

(11)

Tá ról tábhachtach ag seirbhísí comhairleacha InvestEU maidir le píblíne tionscadal a fhorbairt. Tá na seirbhísí comhairleacha sin úsáideach go háirithe i réimsí casta, amhail tithíocht shóisialta inacmhainne agus cosaint. Dá bhrí sin, b’iomchuí EUR 40 milliún in athshreabha a úsáid chun an méid atá le cur ar fáil do sheirbhísí den sórt sin a mhéadú. Thairis sin, is gá feabhas a chur ar an idirghníomhaíocht idir comhpháirteanna éagsúla Chlár InvestEU, go háirithe idir Mol Comhairleach InvestEU agus Tairseach InvestEU.

(12)

Déanann an Coimisiún méid an tsoláthair is gá chun go gcumhdófaí caillteanais saolré amach anseo ó na hoibríochtaí a fhaigheann tacaíocht faoi Chiste InvestEU a mheas le leibhéal muiníne 95 % den luach faoi riosca. Mar chuid dá iarrachtaí leanúnacha chun an creat bainistithe riosca le haghaidh ráthaíochtaí buiséadacha a chomhchuibhiú, tá sé beartaithe ag an gCoimisiún athbhreithniú a dhéanamh ar na modheolaíochtaí a chuirtear i bhfeidhm i mbeartais inmheánacha agus sheachtracha araon.

(13)

Chun feabhas a chur ar tharraingteacht urrann an Bhallstáit faoi Chiste InvestEU, ba cheart na Ballstáit a bheith in ann ranníocaíocht a dhéanamh freisin ar bhealach lánchistithe, ó chistí atá faoi bhainistíocht chomhroinnte, ón tSaoráid Téarnaimh agus Athléimneachta arna bunú le Rialachán (AE) 2021/241 ó Pharlaimint na hEorpa agus ón gComhairle (8) nó ó acmhainní na mBallstát, trí ionstraim airgeadais InvestEU sa bhreis ar an rogha atá ann cheana ranníocaíocht a dhéanamh le ráthaíocht AE. Ba cheart an tacaíocht ó ionstraim airgeadais InvestEU a chur chun feidhme, a mhéid is féidir, de réir na bprionsabal céanna atá i ráthaíocht AE. Trí ionstraim airgeadais InvestEU, d’fhéadfadh na Ballstáit nach bhfuil sa limistéar euro tairbhe airgeadais níos éifeachtúla a bhaint as Clár InvestEU ina n-airgeadra féin. Ba cheart d’ionstraim airgeadais InvestEU dreasacht bhreise a sholáthar freisin chun fonn riosca na gcomhpháirtithe cur chun feidhme a mhéadú go freagrach agus, ar an gcaoi sin, rannchuidiú le caipiteal príobháideach a phlódú isteach.

(14)

Chun na hurranna a úsáid ar bhealach comhlántach chun tacú le hoibríocht mhaoiniúcháin nó infheistíochta ar leith, is féidir méideanna arna leithdháileadh ar urrann an Bhallstáit a chomhcheangal le hacmhainní faoi urrann an Aontais i struchtúr srathach, le tráinse céadchaillteanais a chumhdaítear le hacmhainní náisiúnta. Chun comhleanúnachas le cuspóirí Chlár InvestEU a áirithiú, ba cheart prionsabail bhreisluach an Aontais, na hiomaíochta córa, agus shláine an mhargaidh inmheánaigh a urramú leis na teaglamaí sin, agus ba cheart dóibh tacú le comhar trasteorann i gcás inarb ábhartha.

(15)

I gcomhréir le cuspóir foriomlán an tsimplithe chun an t-ualach riaracháin ar fhaighteoirí deiridh, ar idirghabhálaithe airgeadais agus ar chomhpháirtithe cur chun feidhme a laghdú, ba cheart ceanglais tuairiscithe, lena n-áirítear iad siúd a bhaineann le heochairtháscairí feidhmíochta agus le táscairí faireacháin, a laghdú, i gcás inarb iomchuí, go háirithe iad siúd a dhéanann difear do ghnólachtaí beaga agus d’oibríochtaí beaga. Níor cheart go mbeadh tionchar ag an simpliú sin ar cháilíocht na sonraí a fhaightear ó fhaighteoirí deiridh i gcás nach gcumhdaítear na sonraí sin leis an laghdú atá beartaithe ar cheanglais tuairiscithe. Gan dochar don sainmhíniú ar fhiontar beag agus meánmhéide (FBM) chun críocha gníomhartha eile de chuid an Aontais agus aon chláir agus cistí a bheidh ann amach anseo, ba cheart cur i bhfeidhm an tsainmhínithe ar FBM chun críocha Chlár InvestEU a choigeartú chun castachtaí a bhaint a mhéid is féidir. Ba cheart aird ar leith a thabhairt ar fhiontair an gheilleagair shóisialta agus ar institiúidí micreamhaoiniúcháin. Tá sé tábhachtach a mheabhrú go bhfuil feidhm ag na rialacha cuntasaíochta a leagtar síos i dTreoir 2013/34/AE ó Pharlaimint na hEorpa agus ón gComhairle (9), lena n-áirítear na rialacha maidir le comhdhlúthú, agus ar an gcaoi sin cuidiú le sláine an tsainmhínithe ar FBManna a chosaint agus a áirithiú go sroichfidh tacaíocht an Aontais na tairbhithe atá beartaithe dó. I gcás inar gá chun críoch cur chun feidhme, agus gan dochar do Rialachán (AE) 2021/523, is iomchuí na critéir faoin sainmhíniú simplithe a léirmhíniú i gcomhréir leis na prionsabail a leagtar síos i bhforálacha ábhartha Iarscríbhinn I a ghabhann le Moladh 2003/361/CE ón gCoimisiún (10). Is gá do chomhpháirtithe cur chun feidhme nó, i gcás táirgí airgeadais idirghafa, d’idirghabhálaithe airgeadais, a áirithiú go gcomhlíonfar go hiomlán na coinníollacha incháilitheachta do FBManna, lena n-áirítear trí stádas FBM na bhfaighteoirí deiridh a fhíorú, go háirithe trí líon na bhfostaithe agus láimhdeachas laistigh d’imlíne ábhartha na ngnólachtaí a ríomh go cruinn, agus, i gcás inarb ábhartha, trí rialacha comhdhlúthaithe a chur i bhfeidhm go cuí chun cosc a chur ar imchéimniú trí shealúchais nó trí struchtúir chomhchosúla.

(16)

Is iomchuí don Choimisiún breithniú a dhéanamh ar bhearta simplithe neamhreachtacha breise a dhéanamh chun an Rialachán leasaitheach seo a chomhlánú, amhail minicíocht na dtuarascálacha ar dhul chun cinn atá le cur isteach ag comhpháirtithe cur chun feidhme a laghdú chun ualach oibre na gcomhpháirtithe cur chun feidhme, na n-idirghabhálaithe airgeadais agus na bhfaighteoirí deiridh a laghdú gan aon cheann de ghnéithe substainteacha Rialachán (AE) 2021/523 a athrú.

(17)

Tá sé tábhachtach go mbeadh na nósanna imeachta Státchabhrach is infheidhme maidir le hoibríochtaí a fhaigheann tacaíocht faoi Chiste InvestEU comhréireach, intuartha agus cuíchóirithe. I gcás inarb iomchuí, tá sé tábhachtach go leanfaidh an Coimisiún de bheith ag fiosrú na modhanna uile atá ar fáil chun measúnuithe Státchabhrach a shimpliú agus a bhrostú. Ina theannta sin, ba cheart cur i bhfeidhm na rialacha maidir le Státchabhair i gcomhthéacs Chlár InvestEU a shoiléiriú agus a shimpliú a thuilleadh san athbhreithniú ar Rialachán (AE) Uimh. 651/2014 ón gCoimisiún (11).

(18)

Ba cheart minicíocht agus raon feidhme na dtuarascálacha a laghdú freisin le haghaidh Chlár InvestEU agus an chláir a tháinig roimhe, is é sin CEIS.

(19)

Ba cheart Rialacháin (AE) 2015/1017, (AE) 2021/695 (12) agus (AE) 2021/1153 (13) ó Pharlaimint na hEorpa agus ón gComhairle a leasú chun go bhféadfar an tacaíocht faoi na Rialacháin sin a chomhcheangal le ráthaíocht AE faoi Rialachán (AE) 2021/523, arna leasú leis an Rialachán seo.

(20)

Maidir le cuntasaíocht an Choimisiúin, ba cheart a cheangal ar chomhpháirtithe cur chun feidhme, i ndáil le teaglamaí tacaíochta, ráitis airgeadais iniúchta a sholáthar i gcomhréir le hAirteagal 212(4) de Rialachán (AE, Euratom) 2024/2509 ó Pharlaimint na hEorpa agus ón gComhairle (14), ina leagtar amach go soiléir na méideanna a bhaineann leis na bunúis dlí éagsúla.

(21)

Ós rud é nach féidir leis na Ballstáit cuspóirí an Rialacháin seo a ghnóthú go leordhóthanach, is é sin aghaidh a thabhairt ar chlistí margaidh ar fud an Aontais agus iad sin a bhaineann go sonrach le Ballstát agus ar an mbearna infheistíochta laistigh den Aontas, chun dlús a chur le haistriú glas agus aistriú digiteach an Aontais, chun feabhas a chur ar iomaíochas an Aontais agus chun a bhonn tionsclaíoch a neartú, ach gur fearr is féidir iad a ghnóthú ar leibhéal an Aontais, féadfaidh an tAontas bearta a ghlacadh, i gcomhréir le prionsabal na coimhdeachta a leagtar amach in Airteagal 5 den Chonradh ar an Aontas Eorpach. I gcomhréir le prionsabal na comhréireachta a leagtar amach san Airteagal sin, ní théann an Rialachán seo thar a bhfuil riachtanach chun na cuspóirí sin a ghnóthú.

(22)

Chun tacú le Parlaimint na hEorpa agus leis an gComhairle a róil institiúideacha a fheidhmiú, ba cheart measúnú comparáideach ar fheidhmíocht Chlár InvestEU a bheith sa tuarascáil mheastóireachta deiridh neamhspleách ar an gClár InvestEU roimh theacht i bhfeidhm an Rialacháin leasaithigh seo agus dá éis, lena n-áirítear a mhaoluithe agus a choigeartuithe rialála,

(1)

in Airteagal 1, cuirtear an méid seo a leanas in ionad na chéad mhíre:

‘Leis an Rialachán seo, bunaítear Ciste InvestEU, lena bhforálfar do ráthaíocht AE agus ionstraim airgeadais InvestEU chun tacú le hoibríochtaí maoiniúcháin agus infheistíochta a dhéanann na comhpháirtithe cur chun feidhme, ar oibríochtaí iad lena rannchuidítear le cuspóirí bheartais inmheánacha an Aontais.’

(2)

leasaítear Airteagal 2 mar a leanas:

(3)

leasaítear Airteagal 4 mar a leanas:

(4)

cuirtear an méid seo a leanas in ionad Airteagal 6(1):

(5)

leasaítear Airteagal 7 mar a leanas:

(6)

in Airteagal 8(8), cuirtear an méid seo a leanas in ionad an dara fomhír:

‘Féachfaidh an Coimisiún, in éineacht leis na comhpháirtithe cur chun feidhme, lena áirithiú, maidir leis an gcuid sin de ráthaíocht AE faoi urrann an Aontais a mbaintear úsáid aisti i dtaca leis an réimse bheartais um bonneagar inbhuanaithe, go leithdháilfear í le haidhm cothromaíocht a bhaint amach idir na réimsí éagsúla dá dtagraítear i mír 1, pointe (a).’

(7)

in Airteagal 9(1), cuirtear an méid seo a leanas in ionad phointe (b):

;

(8)

leasaítear Airteagal 10 mar a leanas:

(9)

cuirtear an tAirteagal seo a leanas isteach:

(10)

cuirtear an méid seo a leanas in ionad Airteagal 11(1), pointe (d)(i):

;

(11)

cuirtear an méid seo a leanas in ionad theideal Chaibidil IV:

‘Ráthaíocht AE agus ionstraim airgeadais InvestEU’

(12)

cuirtear an méid seo a leanas in ionad Airteagal 13(4):

(13)

leasaítear Airteagal 16 mar a leanas:

(14)

leasaítear Airteagal 17 mar a leanas:

(15)

cuirtear an méid seo a leanas in ionad Airteagal 18:

(16)

leasaítear Airteagal 19 mar a leanas:

(17)

cuirtear an méid seo a leanas in ionad Airteagal 22(1):

(18)

cuirtear an méid seo a leanas in ionad Airteagal 23(2):

(19)

leasaítear Airteagal 24 mar a leanas:

(20)

in Airteagal 25(2), cuirtear an méid seo a leanas in ionad phointe (c):

;

(21)

leasaítear Airteagal 28 mar a leanas:

(22)

leasaítear Airteagal 35 mar a leanas:

(23)

cuirtear an méid seo a leanas in ionad Iarscríbhinn I:

(24)

in Iarscríbhinn III, cuirtear an dá mhír seo a leanas le pointe 1 faoi bhun phointe 1.4:

‘D’ainneoin Airteagal 2, pointe (40), de Rialachán (AE, Euratom) 2024/2509, agus an éifeacht ghiarála agus iolraitheora á cinneadh le haghaidh oibríochtaí maoiniúcháin agus infheistíochta a thugann ráthaíochtaí feidhmíochta, déanfar méid an chumhdaigh riosca a chomhshamhlú le méid an mhaoinithe inaisíoctha.

De mhaolú ar Airteagal 222(3) den Rialachán (AE, Euratom) 2024/2509, ní cheanglófar ar na hoibríochtaí maoiniúcháin agus infheistíochta lena soláthraítear ráthaíochtaí feidhmíochta éifeacht iolraitheora a bhaint amach.’

(25)

in Iarscríbhinn V, cuirtear an mhír seo a leanas leis:

‘Beidh feidhm, mutatis mutandis, ag an Iarscríbhinn seo freisin maidir le hionstraim airgeadais InvestEU.’.

(1)

leasaítear Airteagal 11a mar a leanas:

(2)

leasaítear Airteagal 16 mar a leanas:

(3)

in Airteagal 22(1), scriostar an cúigiú fomhír.