(1)

I gcás ina bhfuil sé beartaithe ag soláthraithe seirbhísí iontaoibhe tosú ar sheirbhís iontaoibhe cháilithe a sholáthar, tabharfaidh siad fógra faoina bhfuil beartaithe acu don chomhlachta maoirseachta in éineacht le tuarascáil ar mheasúnú comhréireachta arna heisiúint ag comhlacht um measúnú comhréireachta ina ndearbhaítear gur comhlíonadh na ceanglais a leagtar síos i Rialachán (AE) Uimh. 910/2014. Ní mór don chomhlacht maoirseachta a fhíorú an gcomhlíonann an soláthraí seirbhísí iontaoibhe agus na seirbhísí iontaoibhe a sholáthraíonn sé na ceanglais a leagtar síos sa Rialachán sin. I gcás ina gcinnfidh an comhlacht maoirseachta go gcomhlíonann an soláthraí seirbhísí iontaoibhe agus na seirbhísí iontaoibhe a sholáthraíonn sé na ceanglais sin, deonóidh an comhlacht maoirseachta stádas cáilithe don soláthraí seirbhísí iontaoibhe agus do na seirbhísí iontaoibhe a sholáthraíonn sé. Chuige sin, ba cheart do chomhlachtaí maoirseachta faisnéis a chur ar fáil go poiblí faoin gcaoi a bhfuil soláthraithe seirbhísí iontaoibhe le fógra a thabhairt go bhfuil sé beartaithe acu a bheith ina soláthraí cáilithe seirbhísí iontaoibhe. Chun a áirithiú go n-oibreoidh soláthraithe cáilithe seirbhísí iontaoibhe ar théarmaí comhionanna san Aontas, is gá go bhfíoróidh comhlachtaí maoirseachta an cineál céanna faisnéise faoi sholáthraithe seirbhísí iontaoibhe agus ar an mbealach céanna.

(2)

Ba cheart do chomhlachtaí maoirseachta a bheith trédhearcach maidir leis an gcaoi a bpróiseálann siad an fhaisnéis a chuireann soláthraithe seirbhísí iontaoibhe san áireamh ina bhfógraí. Dá bhrí sin, ba cheart do na comhlachtaí maoirseachta tuairisc a tharraingt suas agus a chur ar fáil go poiblí ina leagfar amach conas a fhíoraíonn siad an gcomhlíonann an soláthraí seirbhísí iontaoibhe na ceanglais ábhartha.

(3)

Ba cheart feidhm a bheith ag an Rialachán 12 mhí tar éis a theacht i bhfeidhm chun idirthréimhse leordhóthanach a áirithiú do na Ballstáit ionas go mbeidh siad in ann ceanglais an Rialacháin seo a chomhlíonadh trí na coigeartuithe is gá a dhéanamh maidir le fógraí a thabhairt do na comhlachtaí maoirseachta. Féadfar a áireamh ar na coigeartuithe sin dlíthe náisiúnta, treoirlínte eagraíochtúla agus córais faisnéise náisiúnta a thabhairt cothrom le dáta.

(4)

Tá feidhm ag Rialachán (AE) 2016/679 ó Pharlaimint na hEorpa agus ón gComhairle (2) agus, i gcás inarb ábhartha, ag Treoir 2002/58/CE ó Pharlaimint na hEorpa agus ón gComhairle (3) maidir leis na gníomhaíochtaí próiseála sonraí pearsanta faoin Rialachán seo.

(5)

Chuathas i gcomhairle leis an Maoirseoir Eorpach ar Chosaint Sonraí i gcomhréir le hAirteagal 42(1) de Rialachán (AE) 2018/1725 ó Pharlaimint na hEorpa agus ón gComhairle (4) agus thug sé a thuairim uaidh an 6 Meitheamh 2025.

(6)

Tá na bearta dá bhforáiltear sa Rialachán seo i gcomhréir le tuairim an choiste a bunaíodh le hAirteagal 48 de Rialachán (AE) Uimh. 910/2014,

(1)

sonraí teagmhála an chomhlachta maoirseachta;

(2)

na bealaí cumarsáide atá le húsáid nuair a chuireann soláthraithe seirbhísí iontaoibhe fógra isteach go bhfuil sé beartaithe acu tús a chur le seirbhís iontaoibhe cáilithe a sholáthar;

(3)

liosta na doiciméadachta atá le soláthar ag soláthraithe seirbhísí iontaoibhe mar chuid d’fhógra go bhfuil sé beartaithe acu tús a chur le seirbhís iontaoibhe cáilithe a sholáthar;

(4)

na nósanna imeachta chun gearáin a láimhseáil a bhaineann leis an bpróiseas chun a fhíorú go gcomhlíonann soláthraithe seirbhísí iontaoibhe, tar éis dóibh fógra a thabhairt go bhfuil sé beartaithe acu tús a chur le seirbhís iontaoibhe cáilithe a sholáthar, na ceanglais a leagtar síos i Rialachán (AE) Uimh. 910/2014 agus in Airteagal 21(2) de Threoir (AE) 2022/2555;

(5)

tuairisc ghinearálta ar an modheolaíocht dá dtagraítear in Airteagal 1.

(1)

i gcás inar duine dlítheanach é an soláthraí seirbhísí iontaoibhe, a ainm agus, i gcás inarb infheidhme, uimhir chlárúcháin, ainm an Bhallstáit ina bhfuil sé bunaithe agus ainm an duine nó na ndaoine a shíníonn nó a thíolacann an fógra thar ceann an duine dhlítheanaigh;

(2)

i gcás inar duine nádúrtha é an soláthraí seirbhíse iontaoibhe, a ainm agus a uimhir aitheantais phearsanta , agus ina éagmais sin a dháta breithe agus cineál agus uimhir a ndoiciméid aitheantais;

(3)

uimhir theileafóin, seoladh ríomhphoist agus seoladh poist an tsoláthraí seirbhísí iontaoibhe;

(4)

na hAitheantóirí Aonfhoirmeacha Acmhainne (URI) inar féidir le húsáideoirí faisnéis bhreise a fháil maidir leis an soláthraí seirbhísí iontaoibhe sin, lena n-áirítear na ráitis chleachtais agus na beartais chleachtais, na téarmaí agus coinníollacha ginearálta agus na beartais chúraim do chustaiméirí a bhfuil feidhm acu maidir leis an tseirbhís iontaoibhe a bhfuil fógra á thabhairt ina leith;

(5)

an anailís riosca is bun leis na bearta dá dtagraítear in Airteagal 24(2), pointe (fa) de Rialachán (AE) Uimh. 910/2014, agus an anailís riosca is bun leis na bearta dá dtagraítear in Airteagal 21 de Threoir (AE) 2022/2555;

(6)

gach seirbhís iontaoibhe cáilithe a bhfuil sé beartaithe ag an soláthraí seirbhísí iontaoibhe tús a chur lena soláthar;

(7)

maidir le gach seirbhís iontaoibhe a bhfuil sé ar intinn ag an soláthraí seirbhísí iontaoibhe tús a chur lena soláthar mar sheirbhís iontaoibhe cáilithe:

(8)

an plean foirceanta dá dtagraítear in Airteagal 24(2), pointe (i), de Rialachán (AE) Uimh. 910/2014.