1.   Chun na heintitis is ábhartha dá dtagraítear in Airteagal 119(2), pointe (d) de Rialachán (AE) 2023/1114 a chinneadh, cuirfidh ÚBE na nithe uile seo a leanas san áireamh, go háirithe:

2.   Chun na heintitis is ábhartha dá dtagraítear in Airteagal 119(2), pointe (e) de Rialachán (AE) 2023/1114 a chinneadh, cuirfidh ÚBE na nithe uile seo a leanas san áireamh, go háirithe:

3.   Chun na heintitis is ábhartha dá dtagraítear in Airteagal 119(2), pointe (f) de Rialachán (AE) 2023/1114 a chinneadh, cuirfidh ÚBE na nithe uile seo a leanas san áireamh, go háirithe:

4.   Chun na heintitis is ábhartha dá dtagraítear in Airteagal 119(2), pointe (h) de Rialachán (AE) 2023/1114 a chinneadh, cuirfidh ÚBE na nithe uile seo a leanas san áireamh, go háirithe:

5.   Féadfaidh ÚBE a chinneadh iarraidh ar údaráis inniúla roinnt de na heintitis amháin dá dtagraítear i míreanna 1 go 4 a bheith ina gcomhaltaí den choláiste i gcás ina bhfuil ÚBE den tuairim gurb iad na heintitis sin amháin atá ábhartha ina gcatagóir d’obair an choláiste.

1.   Chun críoch Airteagal 119(2), pointe (l) de Rialachán (AE) 2023/1114, measfar comhartha sócmhainn-tagartha suntasach nó comhartha ríomh-airgid suntasach a bheith in úsáid ar mhórscála i mBallstát, sna cásanna seo a leanas:

2.   Chun críoch mhír 1, pointe (a), ciallaíonn sealbhóir an chomhartha sócmhainn-tagartha shuntasaigh nó an chomhartha ríomh-airgid shuntasaigh sealbhóir an chomhartha sin a thairbhíonn de cheart fuascailte faoi Rialachán (AE) 2023/1114.

3.   Chun críoch mhír 1, is d’aon cheann de na nithe seo a leanas a thagraíonn suíomh shealbhóir an chomhartha sócmhainn-tagartha shuntasaigh nó an chomhartha ríomh-airgid shuntasaigh, nó suíomh páirtí in idirbheart leis na comharthaí sin:

4.   Údarás inniúil a iarrann a bheith ina chomhalta den choláiste bunaithe ar phointe (l) d’Airteagal 119(2) de Rialachán (AE) 2023/1114, cuirfidh sé iarraidh réasúnaithe faoi bhráid ÚBE agus soláthróidh sé sonraí lena léirítear go gcomhlíontar na critéir a luaitear i mír 1.

1.   Is éard a bheidh sa tréimhse thagartha dá dtagraítear in Airteagail 1 agus 2 an tréimhse 6 mhí is déanaí a chumhdaítear leis an oibleagáid tuairiscithe dá dtagraítear in Airteagal 22(1) de Rialachán (AE) 2023/1114.

2.   Chun críoch Airteagal 1(2) agus (4), agus Airteagal 2(1), pointe (b), ciallóidh ‘idirbheart’ aon athrú an duine nádúrtha nó an duine dhlítheanaigh atá i dteideal comhartha sócmhainn-tagartha nó comhartha ríomh-airgid mar thoradh ar aistriú an chomhartha sin ó sheoladh nó cuntas mórleabhair dháilte amháin go ceann eile.

1.   Déanfaidh ÚBE athmheasúnú, gach 2 bhliain ar a laghad, ar na húdaráis a cháilíonn le bheith ina gcomhaltaí den choláiste faoi Airteagal 119(2), pointí (d), (e), (f), (h) agus (l), de Rialachán (AE) 2023/1114.

2.   Chun críoch an athmheasúnaithe dá dtagraítear i mír 1, cuirfidh gach údarás inniúil, ar comhalta den choláiste é faoi Airteagal 119(2), pointe (l) de Rialachán (AE) 2023/1114, an fhaisnéis is gá ar fáil do ÚBE, arna iarraidh sin dó agus gan moill mhíchuí, chun a mheas an leanann na húdaráis sin de bheith cáilithe chun bheith ina chomhalta den choláiste bunaithe ar na critéir a shonraítear in Airteagal 2 den Rialachán seo.

1.   Cuirfidh ÚBE a thogra maidir leis an gcomhaontú i scríbhinn dá dtagraítear in Airteagal 119(6) de Rialachán (AE) 2023/1114 in iúl do chomhaltaí an choláiste arna chinneadh i gcomhréir le hAirteagal 119(2) den Rialachán sin, ina n-iarrfar orthu a dtuairimí a chur ar fáil laistigh de 10 lá féilire.

2.   Chun an comhaontú i scríbhinn dá dtagraítear i mír 1 a thabhairt chun críche, cuirfidh ÚBE san áireamh aon tuairimí agus aon fhorchoimeádais a chuirfidh comhaltaí an choláiste in iúl. Tabharfaidh ÚBE cúiseanna gan na tuairimí ná na forchoimeádais sin a ionchorprú sa chomhaontú i scríbhinn.

3.   Ar thabhairt chun críche an chomhaontaithe i scríbhinn dá dtagraítear i mír 1, cuirfidh ÚBE na socruithe comhordúcháin agus comhair i scríbhinn in iúl do chomhaltaí an choláiste.

1.   Ainmneoidh gach comhalta den choláiste rannpháirtí amháin, a roghnófar mar an rannpháirtí is iomchuí agus na hábhair a pléadh agus na cuspóirí a saothraíodh á gcur san áireamh, chun freastal ar chruinnithe nó ar ghníomhaíochtaí an choláiste agus chun ionadaíocht a dhéanamh ar chomhalta den choláiste sin ag cruinnithe an choláiste. Féadfaidh gach comhalta den choláiste comhalta malartach amháin a ainmniú, cé is moite de ÚBE, a ainmneoidh ionadaí amháin agus féadfaidh sé iarraidh ar rannpháirtithe breise freastal, gan cearta vótála, ar chruinnithe laistigh den choláiste nó ar ghníomhaíochtaí an choláiste.

2.   I gcás ina bhfuil sé de cheart ag údarás inniúil a bheith ina chomhalta den choláiste in dhá chás nó níos mó dá dtagraítear in Airteagal 119(2), pointí (c) go (h), (j), agus (l), de Rialachán (AE) 2023/1114, nó i gcás ina bhfuil sé de cheart ag roinnt údarás ón tríú tír chéanna a bheith ina gcomhaltaí den choláiste faoi Airteagal 119(2), pointe (m), den Rialachán sin, féadfaidh na húdaráis sin rannpháirtí breise amháin a ainmniú chun freastal ar chruinnithe nó ar ghníomhaíochtaí an choláiste, gan cearta vótála a bheith acu, agus féadfaidh siad malartach amháin a ainmniú don rannpháirtí sin.

3.   I gcás ina bhfuil roinnt comhaltaí den choláiste ann in aghaidh an Bhallstáit, cuirfidh comhaltaí an choláiste sin in iúl do chathaoirleach an choláiste cé acu a bheidh ina chomhalta vótála.

4.   Bunaithe ar an gclár oibre, nó ar mhír ar leith de, ar ábhair agus ar chuspóirí cruinnithe nó gníomhaíochta coláiste, féadfaidh cathaoirleach an choláiste cuireadh a thabhairt d’údaráis eile nach comhaltaí den choláiste iad freastal ar an gcruinniú nó ar an ngníomhaíocht sin. Déanfaidh cathaoirleach an choláiste cinneadh faoin bhfaisnéis atá ábhartha do na húdaráis sin agus iad a thabhairt isteach i gcruinniú nó i ngníomhaíocht an choláiste dá réir sin. Ní bheidh aon chearta vótála ag na húdaráis sin. Cuirfidh cathaoirleach an choláiste comhaltaí uile an choláiste ar an eolas dá réir sin, gan moill mhíchuí.

5.   Chun tuairim ón gcoláiste nó moladh a áirítear i dtuairim ón gcoláiste i gcomhréir le hAirteagal 120(1) agus (2) de Rialachán (AE) 2023/1114 a ghlacadh, beidh gá le córam de leath de chomhaltaí an choláiste a bhfuil vóta acu. Mura mbainfear an córam sin amach, féadfaidh cathaoirleach an choláiste cruinniú urghnách a chomóradh ina bhféadfar cinntí a ghlacadh gan chóram.

6.   Is éard a bheidh sa tromlach dá dtagraítear in Airteagal 120(3) de Rialachán (AE) 2023/1114 tromlach simplí de chomhaltaí an choláiste a bhfuil ceart vótála acu i gcruinniú den choláiste sin. Measfar tromlach simplí a bheith bainte amach freisin i gcás ina vótálann níos mó comhaltaí a bhfuil ceart vótála acu i bhfabhar togra ná iad siúd a vótálann ina choinne. Ní áireofar staonadh ó vótáil mar vóta ar son ná mar vóta i gcoinne, ná ní chuirfear san áireamh sin agus líon na vótaí a caitheadh á ríomh.

1.   Coimeádfaidh cathaoirleach an choláiste liosta teagmhálaithe de chomhaltaí an choláiste, lena n-áirítear sonraí teagmhála iomlána, agus cuirfidh sé in iúl do chomhaltaí an choláiste é.

2.   Cuirfidh comhaltaí an choláiste a sonraí teagmhála ar fáil do chathaoirleach an choláiste agus cuirfidh siad an cathaoirleach ar an eolas faoi aon athrú ar na sonraí sin gan moill mhíchuí.

3.   Cuirfidh cathaoirleach an choláiste aon leagan cothrom le dáta den liosta teagmhálaithe in iúl do chomhaltaí an choláiste gan moill mhíchuí.

1.   Cinnfidh cathaoirleach an choláiste minicíocht chruinnithe an choláiste ag féachaint do chúraimí an choláiste mar a leagtar amach in Airteagal 120 de Rialachán (AE) 2023/1114, agus d’iarrataí a d’fhéadfadh comhaltaí an choláiste a dhéanamh.

2.   Comórfaidh cathaoirleach an choláiste cruinniú amháin ar a laghad den choláiste in aghaidh na bliana. Cinnfidh cathaoirleach an choláiste an gcomórfar cruinniú i bhformáid fhisiciúil nó fhíorúil, bunaithe ar na cuspóirí a shocróidh cathaoirleach an choláiste don chruinniú sin.

3.   Féadfaidh comhaltaí an choláiste a iarraidh ar chathaoirleach an choláiste cruinniú den choláiste a thionól. Tabharfaidh cathaoirleach an choláiste cúiseanna le haon diúltú d’iarraidh den sórt sin.

4.   Seolfaidh cathaoirleach an choláiste an clár oibre atá beartaithe do chruinniú an choláiste chuig comhaltaí uile an choláiste, agus iarrfaidh sé orthu aon mhíreanna breise ar an gclár oibre a mholadh. Cuirfidh cathaoirleach an choláiste aon mholtaí a dhéanfaidh na comhaltaí maidir le míreanna ar an gclár oibre san áireamh agus míneoidh sé, má iarrtar sin, an chúis nár ioncorpraíodh iad.

5.   Déanfaidh comhaltaí an choláiste atá rannpháirteach i gcruinniú nó i ngníomhaíocht ar leith de chuid an choláiste doiciméid agus rannchuidithe le doiciméid oibre a mhalartú in am trátha roimh ré ionas go mbeidh na rannpháirtithe uile sa chruinniú nó sa ghníomhaíocht sin in ann cur go gníomhach leis na pléití i dtrácht.

1.   Soláthróidh gach comhalta coláiste, arna iarraidh sin agus gan moill mhíchuí, do ÚBE agus, i gcás inarb infheidhme, don údarás inniúil ar cuireadh ar a iontaoibh na cúraimí dá dtagraítear in Airteagal 119(7), pointí (b) go (e), de Rialachán (AE) 2023/1114 i gcomhréir le hAirteagal 10 den Rialachán seo, aon fhaisnéis is gá chun feidhmiú chumhachtaí maoirseachta ÚBE faoi Airteagal 117 de Rialachán (AE) 2023/1114 a éascú agus malartóidh sé faisnéis nuair a cheanglaítear sin leis an Rialachán sin.

2.   Gheobhaidh ÚBE agus, i gcás inarb infheidhme, an t-údarás inniúil ar cuireadh ar a iontaoibh na cúraimí dá dtagraítear in Airteagal 119(7), pointí (b) go (e), de Rialachán (AE) 2023/1114 i gcomhréir le hAirteagal 10 den Rialachán seo gach malartuithe faisnéise idir comhaltaí an choláiste.

3.   Féadfaidh ÚBE agus, i gcás inarb infheidhme, an t-údarás inniúil ar cuireadh ar a iontaoibh na cúraimí dá dtagraítear in Airteagal 119(7), pointí (b) go (e), de Rialachán (AE) 2023/1114 i gcomhréir le hAirteagal 10 den Rialachán seo a chinneadh an fhaisnéis dá dtagraítear i míreanna 1 agus 2 a roinnt le comhaltaí eile den choláiste i gcás ina measann sé go bhfuil an fhaisnéis sin ábhartha do na comhaltaí sin.

4.   I gcás ina dtairgeann eisitheoir níos mó ná comhartha sócmhainn-tagartha suntasach amháin nó comhartha ríomh-airgid suntasach amháin, féadfaidh ÚBE a chinneadh roinnt coláistí a eagrú, ceann amháin do gach comhartha sócmhainn-tagartha suntasach nó comhartha ríomh-airgid suntasach, nó grúpa comharthaí sócmhainn-tagartha suntasacha nó comharthaí ríomh-airgid suntasacha.

5.   I gcás ina n-eagraítear roinnt coláistí de bhun mhír 4, coinneoidh cathaoirleach gach coláiste comhaltaí uile an choláiste go hiomlán ar an eolas, ar bhealach tráthúil, faoi na gníomhaíochtaí nó na bearta a dhéantar sna coláistí eile a dhéileálann le comharthaí sócmhainn-tagartha suntasacha eile nó le comharthaí ríomh-airgid suntasacha eile de chuid an eisitheora chéanna.

6.   Tiocfaidh comhaltaí an choláiste ar chomhaontú maidir leis na modhanna chun faisnéis a mhalartú eatarthu agus sonróidh siad na modhanna sin sa chomhaontú i scríbhinn dá dtagraítear in Airteagal 119(6) de Rialachán (AE) 2023/1114.

7.   Déanfar faisnéis rúnda a tharchur idir comhaltaí an choláiste trí bhealaí slána cumarsáide.

1.   Beidh malartú tuairimí ag comhaltaí an choláiste maidir le cúraimí a d’fhéadfaí a chur ar iontaoibh orthu go deonach faoi Airteagal 119(5), pointe (c), de Rialachán (AE) 2023/1114.

2.   Féadfar a áireamh freisin i gcur ar iontaoibh na gcúraimí dá dtagraítear i mír 1 na cúraimí uile nó cuid de na cúraimí a luaitear in Airteagal 119(7), pointí (b) go (e), de Rialachán (AE) 2023/1114.

3.   Sonrófar sa chomhaontú dá dtagraítear in Airteagal 119(6) de Rialachán (AE) 2023/1114 tuairisc ar na socruithe maidir le cúraimí a chur ar iontaoibh dá dtagraítear i mír 1, i gcás inarb ábhartha.