(1)

Le Rialachán (CE) Uimh. 2580/2001 ón gComhairle (2), tugtar éifeacht do Chomhsheasamh 2001/931/CBES (3) ón gComhairle.

(2)

An 19 Feabhra 2024, ghlac an Chomhairle Cinneadh (CBES) 2024/628 (4), lenar cuireadh isteach i gComhsheasamh 2001/931/CBES, ar feadh tréimhse thosaigh 12 mhí, díolúine dhaonnúil ó bhearta reo sócmhainní atá infheidhme maidir le cistí agus acmhainní eacnamaíocha a chur ar fáil, agus maidir leis na srianta ar an méid sin a chur ar fáil, do dhaoine, grúpaí agus eintitis ainmnithe, ar mhaithe leis na gníomhaithe dá dtagraítear i Rún 2664 (2022) ó Chomhairle Slándála na Náisiún Aontaithe, agus le heagraíochtaí agus gníomhaireachtaí ar dheonaigh an tAontas an Deimhniú Comhpháirtíochta Daonnúla dóibh, nó atá deimhnithe nó aitheanta ag Ballstát an Aontais, nó ag gníomhaireachtaí speisialaithe Ballstáit. Ina theannta sin, tugadh isteach le Cinneadh (CBES) 2024/628 sásra maolúcháin le haghaidh na n-eagraíochtaí agus na ngníomhaithe sin atá rannpháirteach i ngníomhaíochtaí daonnúla nach féidir leo leas a bhaint as an díolúine dhaonnúil sin, agus clásal athbhreithniúcháin a bhaineann leis na heisceachtaí sin.

(3)

An 30 Eanáir 2025, ghlac an Chomhairle Cinneadh (CBES) 2025/204, lena leasaítear Comhsheasamh 2001/931 chun síneadh a chur leis an díolúine dhaonnúil go dtí an 22 Feabhra 2027.

(4)

Tagann na bearta sin faoi raon feidhme an Chonartha ar Fheidhmiú an Aontais Eorpaigh agus, dá bhrí sin, tá gá le gníomhaíocht rialála ar leibhéal an Aontais chun iad a chur chun feidhme, go sonrach d’fhonn a áirithiú go gcuirfear i bhfeidhm iad go haonfhoirmeach i ngach Ballstát.

(5)

Ba cheart, dá bhrí sin, Rialachán (CE) Uimh. 2580/2001 a leasú dá réir sin,

(1)

i mír (7), cuirtear na focail ‘12 mhí’ in ionad na bhfocal ‘24 mhí’;

(2)

i mír (8), cuirtear an dáta ‘22 Feabhra 2025’ in ionad an dáta ‘22 Feabhra 2027’.