(1)

Tá tionchar suntasach ag teacht chun cinn an gheilleagair dhigitigh ar fheidhmiú chóras cáin bhreisluacha (CBL) an Aontais, toisc nach bhfuil sé oiriúnach do na samhlacha nua gnó dhigitigh, agus ní cheadaíonn sé úsáid iomlán a bhaint as na sonraí a ghintear leis an digiteáil. Ba cheart Treoir 2006/112/CE (3) ón gComhairle a leasú chun an fhorbairt seo a chur san áireamh.

(2)

Ba cheart na hoibleagáidí tuairiscithe CBL a oiriúnú chun aghaidh a thabhairt ar na dúshláin a bhaineann leis an ngeilleagar ardán agus chun an gá atá le clárúcháin iolracha CBL san Aontas a laghdú.

(3)

Measadh gurbh ionann ‘an bhearna CBL’ agus EUR 93 bhilliún san Aontas in 2020, agus bhí calaois ina cuid shuntasach den mhéid sin, go háirithe calaois laistigh den Chomhphobal arna déanamh ag trádálaí ar iarraidh, a measadh a bheith sa raon idir EUR 40 billiún agus EUR 60 billiún. I dtuarascáil chríochnaitheach na Comhdhála ar Thodhchaí na hEorpa, a foilsíodh i mí Bealtaine 2022, d’éiligh saoránaigh bearta beartas cánach a chomhchuibhiú agus a chomhordú laistigh de na Ballstáit chun imghabháil agus seachaint cánach a chosc, mar aon le bearta chun comhar idir na Ballstáit a chur chun cinn t chun a áirithiú go n-íocann gach cuideachta san Aontas a sciar chothrom den cháin. Tá an tionscnamh CBL sa Ré Dhigiteach i gcomhréir leis na spriocanna sin.

(4)

Chun bailiú cánach ar idirbhearta trasteorann a mhéadú agus chun deireadh a chur leis an ilroinnt atá ann faoi láthair a eascraíonn as cur chun feidhme córais tuairiscithe éagsúla i measc na mBallstát, ba cheart rialacha a leagan síos maidir le ceanglais tuairiscithe dhigitigh san Aontas. Leis na rialacha sin, ba cheart faisnéis a sholáthar do riaracháin chánach ar bhonn gach idirbhirt, chun crosmheaitseáil sonraí a cheadú, chun cumais rialaithe na riarachán cánach a mhéadú agus chun éifeacht dhíspreagthach ar neamhchomhlíonadh a chruthú, agus ag an am céanna costais chomhlíontachta a laghdú do ghnólachtaí a oibríonn i mBallstáit éagsúla agus deireadh a chur le bacainní laistigh den mhargadh inmheánach.

(5)

Chun uathoibriú an phróisis tuairiscithe a éascú do dhaoine inchánacha agus do riaracháin chánach araon, ba cheart na hidirbhearta atá le tuairisciú do na riaracháin chánach a dhoiciméadú go leictreonach. Ba cheart an ríomhshonrascadh a bheith ina chóras réamhshocraithe chun sonraisc a eisiúint. Mar sin féin, ba cheart na Ballstáit a bheith in ann sonraisc eile a údarú le haghaidh soláthairtí intíre.

(6)

Chun an idir-inoibritheacht a uasmhéadú, ba cheart, i bprionsabal, go gcomhlíonfadh ríomhshonraisc an caighdeán Eorpach a leagtar síos i gCinneadh Cur Chun Feidhme (AE) 2017/1870 ón gCoimisiún (4) (‘an caighdeán Eorpach’), lena gcomhlíontar an iarraidh a leagtar síos in Airteagal 3(1) de Threoir 2014/55/AE ó Pharlaimint na hEorpa agus ón gComhairle (5) maidir le caighdeán Eorpach a chruthú le haghaidh shamhail sonraí séimeantacha na bpríomhghnéithe a bhíonn i ríomhshonrasc. Mar sin féin, féadfaidh ba cheart na Ballstáit a bheith in ann caighdeáin eile a cheadú fós le haghaidh soláthairtí intíre.

(7)

Ba cheart do na Ballstáit atá inniúil chun na rialacha sonraiscthe a leagan síos bearta a dhéanamh, lena bhféadfaí, scéimeanna creidiúnaithe a áireamh, chun a áirithiú go gcomhlíonann ríomhshonraisc arna n-eisiúint ag daoine inchánacha comhréir theicniúil agus séimeantaic na gcaighdeán ceadaithe agus go bhfuil na sonraí uile is gá arna gcinneadh leis an riail sin iontu. Ba cheart na bearta sin a dhéanamh maidir le daoine inchánacha ar gá dóibh an sonrasc a eisiúint nó maidir le soláthraithe seirbhísí tríú páirtí, nó maidir leis an dá ghrúpa sin. Is iad na daoine a ndíreofar na bearta sin orthu a bheidh freagrach as na bearta sin a chur i bhfeidhm. Mar sin féin, níor cheart go gcuirfeadh na bearta sin cosc ar dhaoine inchánacha na modhanna a roghnú chun a sonraisc a eisiúint agus a sheoladh chuig a gcustaiméir, is é sin go díreach iad féin, nó le hidirghabháil tríú páirtithe nó, má tá sé ar fáil, trí thairseach poiblí.

(8)

Chuirfí éifeachtacht na gcóras náisiúnta tuairiscithe dhigitigh i mbaol mura gcomhlíonann daoine inchánacha an oibleagáid maidir le ríomhshonraisc a eisiúint i ndáil leis na hidirbhearta atá faoi réir oibleagáid tuairiscithe. I bhfianaise dhigiteáil na n-idirbheart agus na malartuithe eacnamaíocha, agus i bhfianaise chuspóirí na Treorach seo maidir le CBL a dhigiteáil, lena n-áirítear d’fhonn comhrac níos éifeachtaí in aghaidh na calaoise a áirithiú, ba cheart cead a bheith ag na Ballstáit foráil a dhéanamh gur coinníoll substainteach a bheidh i sealbhú ríomhshonraisc arna eisiúint i gcomhréir leis an gcaighdeán riachtanach a leagtar síos i dTreoir 2006/112/CE chun bheith i dteideal an CBL atá dlite nó íoctha a asbhaint nó a aiséileamh.

(9)

Ba cheart an sainmhíniú ar ríomhshonrasc a ailíniú leis an sainmhíniú a úsáidtear i dTreoir 2014/55/AE chun caighdeánú a bhaint amach i réimse an tuairiscithe CBL. Mar thoradh air sin, ní chumhdófar leis an sainmhíniú ar ríomhshonrasc ach ríomhshonraisc a eiseofar, a tharchuirfear agus a fhaightear i bhformáid struchtúrtha leictreonach lena gceadaítear a bpróiseáil uathoibríoch nó leictreonach. Leis an oibleagáid maidir le formáid struchtúrtha a úsáid, ba cheart, ar a laghad, na sonraí atá le tuairisciú chumhdach. Dá bhrí sin, na sonraisc hibrideacha lena gcomhcheanglaítear sonraí atá leabaithe i bhformáid struchtúrtha agus sonraí atá leabaithe i bhformáid neamhstruchtúrtha atá inléite ag an duine, ba cheart iad a chumhdach leis an sainmhíniú sin má áirítear leis na sonraisc sin na sonraí go léir atá le tuairisciú i bhformáid struchtúrtha.

(10)

Chun an córas tuairiscithe CBL a chur chun feidhme ar bhealach éifeachtach, is gá go sroichfidh an fhaisnéis an riarachán cánach gan mhoill. Dá bhrí sin, ba cheart an sprioc-am chun sonrasc a eisiúint le haghaidh idirbhearta trasteorann a shocrú ag 10 lá tar éis don teagmhas inmhuirir tarlú.

(11)

Leis an ríomhshonrasc, ba cheart tarchur uathoibrithe na sonraí is gá chuig an riarachán cánach chun críocha rialaithe a éascú. Chun na críche sin, ba cheart na sonraí uile nach mór a tharchur chuig an riarachán cánach faoi na ceanglais tuairiscithe dhigitigh a bheith sa ríomhshonrasc i bhformáid struchtúrtha.

(12)

Ní fhéadfaí an ríomhshonrasc a chur chun feidhme mar an modh réamhshocraithe chun idirbhearta a dhoiciméadú chun críocha CBL má fhanann úsáid an ríomhshonraisc faoi réir a ghlactha ag an bhfaighteoir, go háirithe i gcomhthéacs gnólacht le gnólacht. Dá bhrí sin, i gcás sonrasc a eisítear do dhaoine inchánacha agus do dhaoine dlítheanacha neamh-inchánacha, níor cheart an glacadh sin a cheangal a thuilleadh chun ríomhshonraisc a chomhlíonann an caighdeán Eorpach a eisiúint, ach amháin má bhain Ballstát úsáid as an rogha sonraisc pháipéir nó sonraisc i bhformáidí leictreonacha nach ríomhshonraisc iad a cheadú. I gcásanna ina gceadóidh Ballstát caighdeáin eile a úsáid le haghaidh soláthairtí earraí nó seirbhísí laistigh dá chríoch, ba cheart an Ballstát sin a bheith in ann cinneadh a dhéanamh nach gá don fhaighteoir sonraisc arna n-eisiúint de réir na gcaighdeán sin a ghlacadh. Nuair a eisítear ríomhshonraisc do dhaoine eile, féadfaidh siad leanúint de bheith faoi réir a nglactha ag an bhfaighteoir.

(13)

Chomhlíon an Coimisiún a oibleagáid maidir le tuarascáil a chur i láthair Pharlaimint na hEorpa agus na Comhairle i ndáil le tionchar na rialacha sonraiscthe is infheidhme ón 1 Eanáir 2013 agus go háirithe ar a mhéid atá laghdú ann anois ar ualaí riaracháin do ghnólachtaí dá bharr, mar a éilítear le hAirteagal 237 de Threoir 2006/112/CE. Ós rud é gur comhlíonadh an oibleagáid sin cheana féin, ba cheart í a bhaint den Treoir sin.

(14)

Ba cheart an oibleagáid maidir le ráitis achoimreacha a chur isteach chun tuairisciú a dhéanamh ar idirbhearta laistigh den Chomhphobal a bhaint, ós rud é go cumhdófar idirbhearta den sórt sin faoi raon feidhme na gceanglas tuairiscithe dhigitigh le haghaidh soláthairtí trasteorann earraí agus seirbhísí, ach le faisnéis atá níos tapúla agus níos mionsonraithe.

(15)

Chun tarchur na sonraí sonraisc chuig an riarachán cánach a éascú do dhaoine inchánacha, ba cheart do na Ballstáit na modhanna is gá chun an tarchur sin a dhéanamh a chur ar fáil do na daoine inchánacha. Leis na modhanna sin, ba cheart a cheadú do na daoine inchánacha na sonraí a sheoladh go díreach nó do thríú páirtí thar a gceann, nó na sonraí a sheoladh trí thairseach phoiblí, má tá sé ar fáil.

(16)

Cé gur cheart an fhaisnéis atá le tarchur trí na ceanglais tuairiscithe dhigitigh le haghaidh soláthairtí trasteorann earraí agus seirbhísí a bheith cosúil leis an méid a tarchuireadh trí na ráitis achoimreacha, is gá iarraidh ar dhaoine inchánacha sonraí breise a sholáthar, lena n-áirítear sonraí bainc, chun gur féidir le riaracháin chánach ní hamháin na hearraí ach na sreabha airgeadais a leanúint freisin.

(17)

Ualach riaracháin gan ghá a chur ar dhaoine inchánacha a oibríonn i mBallstáit éagsúla, ba cheart é a sheachaint. Dá bhrí sin, ba cheart na daoine inchánacha sin a bheith in ann an fhaisnéis is gá a sholáthar dá riaracháin chánach trí úsáid a bhaint as an gcaighdeán Eorpach. Ba cheart na Ballstáit a bheith in ann foráil a dhéanamh maidir le formáidí breise maidir leis na sonraí a thuairisciú a d’fhéadfadh a bheith níos éasca do dhaoine inchánacha áirithe a chomhlíonadh.

(18)

Chun an comhchuibhiú is gá a bhaint amach agus sonraí ar sholáthairtí trasteorann earraí agus seirbhísí á dtuairisciú, ba cheart na sonraí atá le tuairisciú a bheith mar an gcéanna i ngach Ballstát, gan na Ballstáit a bheith in ann sonraí breise a iarraidh.

(19)

Tá se tábhachtach go mbeadh na sonraí is gá ar fáil do riaracháin chánach maidir le gach idirbheart faoi réir oibleagáid tuairiscithe. Chun baint amach an chuspóra sin a áirithiú, is iomchuí ceangal a chur ar an gcustaiméir an t-idirbheart a thuairisciú. D’fhágfadh sé sin go bhféadfaí na sonraí sin a chros-seiceáil leis na sonraí a sholáthar an soláthróir agus go soláthrófaí an fhaisnéis nuair nár chomhlíon an soláthróir an oibleagáid tuairiscithe. Mar sin féin, d’fhéadfadh na bearta arna nglacadh ag na Ballstáit i ndáil le heisiúint sonrasc agus tuairisciú dóthain ráthaíochtaí a thabhairt go gcuirfidh an soláthróir na sonraí ar fáil don riarachán cánach aon uair a eiseofar sonrasc. Sna himthosca sin, ba cheart cead a bheith ag na Ballstáit diúltú don riail sin agus faighteoir na n-earraí agus faighteoir na seirbhísí a eisiamh ón oibleagáid na sonraí maidir leis na hidirbhearta sin a thuairisciú.

(20)

Tá ceanglais tuairiscithe éagsúla curtha i bhfeidhm ag roinnt Ballstát maidir le hidirbhearta laistigh dá gcríocha, agus bíonn ualaí suntasacha riaracháin ann mar thoradh air sin do dhaoine inchánacha a oibríonn i mBallstáit éagsúla, toisc gur gá do na daoine sin a gcórais chuntasaíochta a oiriúnú chun na ceanglais sin a chomhlíonadh. Chun na costais a eascraíonn as an éagsúlacht sin a sheachaint, ba cheart do na córais a chuirtear chun feidhme sna Ballstáit chun soláthairtí earraí agus seirbhísí ar comaoin idir daoine inchánacha laistigh dá gcríoch a thuairisciú na gnéithe den chóras a chuirtear chun feidhme le haghaidh soláthairtí trasteorann earraí agus seirbhísí a chomhlíonadh. Ba cheart do na Ballstáit foráil a dhéanamh maidir leis na modhanna leictreonacha chun an fhaisnéis a tharchur agus, mar is amhlaidh i gcás soláthairtí trasteorann earraí agus seirbhísí, ba cheart don duine inchánach a bheith in ann na sonraí a chur isteach i gcomhréir leis an gcaighdeán Eorpach, cé go bhféadfadh an Ballstát ábhartha foráil a dhéanamh maidir le caighdeáin bhreise chun na sonraí a tharchur. Ba cheart don duine inchánach a bheith in ann na sonraí a tharchur go díreach nó ba cheart do thríú páirtí iad a tharchur thar ceann an duine inchánach sin nó trí thairseach phoiblí, má tá sé ar fáil.

(21)

Níor cheart é a bheith d’oibleagáid ar na Ballstáit ceanglais tuairiscithe dhigitigh fíor-ama bunaithe ar idirbhearta a chur chun feidhme le haghaidh soláthairtí earraí agus seirbhísí ar chomaoin laistigh dá gcríoch, seachas na cinn sin atá faoi réir na gceanglas tuairiscithe maidir le soláthairtí trasteorann earraí agus seirbhísí. Mar sin féin, má tá siad chun an ceanglas sin a chur chun feidhme amach anseo, ba cheart dóibh é sin a dhéanamh i gcomhréir leis na rialacha nua i dtaca le ceanglais tuairiscithe dhigitigh le haghaidh féinsoláthairtí agus soláthairtí earraí agus seirbhísí arna ndéanamh idir daoine inchánacha laistigh de chríoch Ballstáit ailínithe leis na ceanglais tuairiscithe dhigitigh le haghaidh soláthairtí trasteorann earraí agus seirbhísí. Ba cheart do na Ballstáit a bhfuil córas tuairiscithe le haghaidh na n-idirbheart sin i bhfeidhm acu cheana féin na córais sin a oiriúnú chun a áirithiú go dtuairiscítear na sonraí i gcomhréir leis na ceanglais tuairiscithe dhigitigh le haghaidh féinsoláthairtí agus soláthairtí earraí agus seirbhísí arna ndéanamh idir daoine inchánacha laistigh de chríoch Ballstáit.

(22)

Chun meastóireacht a dhéanamh ar éifeachtacht na gceanglas tuairiscithe dhigitigh, ba cheart don Choimisiún tuarascáil mheasúnachta a ullmhú ina ndéanfar meastóireacht ar thionchar an ríomhshonrasctha agus na gceanglas tuairiscithe dhigitigh laistigh den Chomhphobal agus na gceanglas tuairiscithe dhigitigh intíre ar éifeachtacht bhailiú CBL agus ar laghdú na bearna CBL agus ar na costais a bhaineann le cur chun feidhme agus le comhlíontacht do dhaoine inchánacha agus do riaracháin chánach, chun a fhíorú an bhfuil a chuspóirí bainte amach ag an gcóras nó an bhfuil gá le tuilleadh coigeartuithe.

(23)

Ba cheart na Ballstáit a bheith in ann leanúint de bhearta eile a chur chun feidhme chun a áirithiú go mbaileofar CBL i gceart agus chun imghabháil a chosc. Mar sin féin, níor cheart dóibh a bheith in ann oibleagáidí tuairiscithe ginearálta breise atá bunaithe ar idirbhearta a fhorchur ar na hidirbhearta a chumhdaítear leis na ceanglais tuairiscithe dhigitigh, ach amháin má cheanglaítear é ar an leibhéal náisiúnta chun tuairisceán CBL a ullmhú agus a chur isteach nó chun críoch iniúchóireachta. Ciallaíonn sé sin go mba cheart cead a bheith ag na Ballstáit, mar aon leis na hoibleagáidí tuairiscithe fíor-ama a shonraítear sa Treoir, a n-uirlisí tuairiscithe intíre a choinneáil bunaithe, mar shampla, ar chóras SAF-T, chomh maith le hoibleagáidí tuairiscithe nach de chineál ginearálta iad, mar shampla scipéid airgid. Ina theannta sin, níl na Ballstáit teoranta maidir lena bhféidearthachtaí faisnéis a iarraidh ó dhaoine inchánacha tráth na n-iniúchtaí, ós rud é nach bhfaightear an fhaisnéis sin ach ar iarraidh ón mBallstát agus nach toradh í ar thuairisciú gníomhach na ndaoine inchánacha.

(24)

Chun an nós imeachta um bailiú CBL a shimpliú nó chun cineálacha áirithe imghabhála nó seachanta cánach a chosc, chuir roinnt Ballstát oibleagáid intíre i bhfeidhm maidir le tuairisciú digiteach fíor-ama bunaithe ar idirbhearta, le húdarú a fuarthas roimhe seo ar bhonn Airteagal 395 de Threoir 2006/112/CE i gcásanna inar ghá. Rinne na Ballstáit sin agus na daoine inchánacha atá bunaithe ina gcríocha infheistíochtaí suntasacha le déanaí chun feidhmiú na gcóras sin agus gnóthú na gcuspóirí sin a áirithiú. Dá bhrí sin, ba cheart go mbeadh ar na Ballstáit sin, ar bhonn eisceachtúil, a gcórais a oiriúnú chun a áirithiú go dtuairisceofar na sonraí i gcomhréir leis na ceanglais tuairiscithe dhigitigh le haghaidh féinsoláthairtí agus soláthairtí earraí agus seirbhísí arna ndéanamh idir daoine inchánacha laistigh dá gcríoch faoi 2035, ach amháin má nochtar sa tuarascáil mheasúnaithe ón gCoimisiún easnaimh i bhfeidhmiú an chórais tuairiscithe dhigitigh trasteorann, rud a d’fhéadfadh a bheith ina chúis le síneadh breise a chur leis an spriocdháta chun gur féidir a gcóras tuairiscithe intíre a ailíniú, más gá.

(25)

D’eascair deacrachtaí áirithe as an ngeilleagar ardán maidir le cur i bhfeidhm na rialacha CBL, go háirithe bunú an stádais inchánaigh do sholáthróir na seirbhíse agus cothrom iomaíochta idir fiontair bheaga agus mheánmhéide (FBManna) agus gnólachtaí eile.

(26)

Mar thoradh ar an ngeilleagar ardán, tá saobhadh gan údar ann ar an iomaíocht idir soláthairtí a dhéantar trí ardáin ar líne a éalaíonn ó chánachas CBL, agus soláthairtí a dhéantar sa gheilleagar traidisiúnta atá faoi réir CBL. Tar éis na ríomhthráchtála ba ghéire an saobhadh sa dá earnáil is mó de chuid an gheilleagair ardán, is é sin earnáil na cóiríochta ar chíos gearrthéarmach agus an earnáil iompair paisinéirí de bhóthar. Aithnítear, áfach, go bhféadfadh an éagothromaíocht sin a bheith níos soiléire i roinnt Ballstát ná i mBallstáit eile.

(27)

Chun aghaidh a thabhairt ar shaobhadh na hiomaíochta in earnáil na cóiríochta ar chíos gearrthéarmach agus in earnáil an iompair paisinéirí de bhóthar, ba cheart rialacha a leagan síos chun an ról a bhíonn ag ardáin ioncam CBL a bhailiú a athrú (ag teacht chun bheith ina ‘soláthróir measta’). Faoi shamhail an tsoláthróra mheasta sin, ar ficsean dlíthiúil é nach bhfuil aon tionchar aige ar rialacha atá lasmuigh den reachtaíocht CBL, ba cheart ceangal a chur ar ardáin CBL a ghearradh i gcás nach ngearrann soláthróirí foluiteacha CBL toisc, mar shampla, gur daoine neamh-inchánacha nó gur daoine inchánacha iad a bhaineann leas as an scéim speisialta d’fhiontair bheaga.

(28)

Chun neodracht CBL a chaomhnú, níor cheart a mheas gur ‘soláthróir measta’ é ardán, agus dá bhrí sin níor cheart dó CBL a ghearradh, nuair a sholáthraíonn soláthróirí foluiteacha uimhir aitheantais chun críocha CBL agus nuair a dhearbhaíonn siad go ngearrfaidh siad an CBL a bheadh dlite ar shlí eile ag an soláthróir measta.

(29)

Mar sin féin, i gcás ina measann na Ballstáit nach bhfuil aon saobhadh iomaíochta den sórt sin ina gcríoch, is iomchuí an deis a thabhairt dóibh daoine inchánacha a bhaineann leas as an scéim speisialta d’fhiontair bheaga laistigh dá gcríoch a eisiamh ó raon feidhme ‘riail an tsoláthróra mheasta’, ar daoine iad a bheadh faoi réir na rialach sin go córasach murach sin. Féadfaidh na Ballstáit na coinníollacha a bhunú faoina mbaintear feidhm as an rogha sin. Agus iad ag baint feidhm as an rogha sin, ba cheart na Ballstáit a bheith in ann í a fheidhmiú ar bhealach nach gcuirfeadh aon ualach riaracháin díréireach ar an duine a sholáthraíonn an soláthar seirbhísí cóiríochta ar chíos gearrthéarmach nó seirbhísí iompair de bhóthar do phaisinéirí, nó ar an duine a éascaíonn an soláthar sin. I ndáil leis sin, níor cheart a mheas gur díréireach é faisnéis a éileamh atá riachtanach lena bhunú an mbaineann an soláthróir foluiteach úsáid as an scéim speisialta d’fhiontair bheaga. Mar sin féin, i gcás ina mbaineann Ballstát leas as rogha mar sin, beidh sin gan dochar don fhreagracht ghinearálta atá ar na hardáin rialacha an soláthróra mheasta a chomhlíonadh.

(30)

Chun leibhéal íosta comhsheasmhachta a áirithiú idir córais éagsúla náisiúnta CBL maidir leis an gcaoi a gcaitear le soláthar seirbhísí cóiríochta ar chíos gearrthéarmach, ba cheart a mheas go bhfuil feidhm chomhchosúil ag an tseirbhís cíosa sin le hearnáil na n-óstán i gcás ina mbíonn an tseirbhís sin gan bhriseadh, ina soláthraítear don duine céanna í, ar feadh 30 oíche ar a mhéad. Mar sin féin, chun oiriúnú do shainiúlachtaí náisiúnta éagsúla na hearnála, ba cheart an deis a bheith ag na Ballstáit go mbeadh seirbhísí cóiríochta ar chíos gearrthéarmach faoi réir critéir, coinníollacha agus teorainneacha áirithe i gcomhréir lena ndlíthe náisiúnta.

(31)

Déanann Ballstáit áit an tsoláthair le haghaidh na seirbhíse éascaithe arna soláthar ag na hardáin do dhaoine neamh-inchánacha a léirmhíniú ar bhealach difriúil. Is gá, dá bhrí sin, an riail sin a shoiléiriú agus critéar coiteann a áirithiú.

(32)

Chun cásanna a sheachaint ina n-áirítear ardáin sa scéim speisialta do ghníomhairí taistil i leith idirbhearta faoina meastar iad a bheith ina ‘soláthróir measta’, ba cheart a shoiléiriú nach dtagann na hidirbhearta sin faoi raon feidhme na scéime speisialta sin. Ar an gcaoi chéanna, ba cheart a áirithiú nach gcumhdaítear gníomhairí taistil leis an riail maidir le ‘soláthróir measta’.

(33)

Agus na cleachtais éagsúla sna Ballstáit maidir le daoine inchánacha a shainaithint á chur san áireamh, is iomchuí foráil a dhéanamh d’idirthréimhse níos faide maidir le teacht i bhfeidhm riail an tsoláthróra mheasta d’fhonn aistriú go réidh chuig an riail nua.

(34)

Tá an Treoir seo gan dochar do na rialacha a leagtar síos le gníomhartha dlí eile de chuid an Aontais, go háirithe Rialachán (AE) 2022/2065 ó Pharlaimint na hEorpa agus ón gComhairle (6) lena rialaítear gnéithe eile de sholáthar na seirbhísí ag ardáin ar líne, amhail oibleagáidí is infheidhme maidir le soláthraithe ardán ar líne lena gceadaítear do thomhaltóirí cianchonarthaí a thabhairt i gcrích le trádálaithe.

(35)

Treoracha (AE) 2017/2455 (7) agus (AE) 2019/1995 (8) ón gComhairle lena leasaítear Treoir 2006/112/CE a mhéid a bhaineann leis na rialacha CBL lena rialaítear an cháin ar ghníomhaíocht ríomhthráchtála trasteorann idir gnólachtaí agus tomhaltóirí san Aontas. Leis na Treoracha leasaitheacha sin laghdaíodh saobhadh iomaíochta, comhar riaracháin feabhsaithe agus tugadh isteach roinnt rudaí a shimpliú. Cé gur éirigh go maith, den chuid is mó, leis na leasuithe a tugadh isteach leis na Treoracha sin a bhfuil feidhm acu ón 1 Iúil 2021, tá gá ann le feabhsuithe áirithe.

(36)

Ba cheart roinnt rialacha atá i bhfeidhm faoi láthair a shoiléiriú. Áirítear leis sin an riail maidir le ríomh na tairsí EUR 10 000 bliain-féilire-bhunaithe a leagtar síos in Airteagal 59c de Threoir 2006/112/CE, agus faoina bhun sin tá soláthairtí seirbhísí teileachumarsáide, craolacháin agus leictreonacha (TCL) agus ciandíol earraí laistigh den Chomhphobal, arna soláthar ag soláthróir atá bunaithe san Aontas agus nach bhfuil bunaithe ach i mBallstát amháin, is féidir leis nó léi fós a bheith faoi réir CBL sa Bhallstát ina bhfuil an duine inchánach a sholáthraíonn na seirbhísí TCL sin bunaithe, nó sa Bhallstát ina bhfuil na hearraí sin suite tráth a chuirtear tús lena seoladh nó lena n-iompar. Ba cheart Airteagal 59c de Threoir 2006/112/CE a leasú chun a áirithiú nach n-áirítear i ríomh an tairseach EUR 10 000 ach ciandíol earraí laistigh den Chomhphobal arna soláthar ón mBallstát ina bhfuil an duine inchánach bunaithe ach nach n-áireofar ciandíol a dhéantar as stoc earraí i mBallstát eile. Tá gá le mionleasuithe eile chun gnéithe praiticiúla áirithe a shoiléiriú, mar shampla seoladh suímh gréasáin a sholáthar.

(37)

Ba cheart Treoir 2006/112/CE a leasú freisin chun a shoiléiriú go dtagann soláthairtí seirbhísí uile idir gnólachtaí agus tomhaltóirí a soláthraíodh laistigh den Aontas ag daoine inchánacha bunaithe lasmuigh den Aontas faoi raon feidhme na scéime speisialta maidir le seirbhísí a sholáthraíonn daoine inchánacha nach bhfuil bunaithe laistigh den Aontas, eadhon scéim an ionaid ilfhreastail (‘OSS’) neamh-Aontais (‘OSS neamh-Aontais’), agus ní amháin soláthairtí seirbhísí do chustaiméirí atá bunaithe san Aontas Eorpach. Tar éis na rialacha nua maidir le rátaí CBL a thabhairt isteach le Treoir (AE) 2022/542 ón gComhairle (9) agus chun díolúintí a chumhdach faoi Airteagal 151 de Threoir 2006/112/CE maidir le soláthairtí earraí agus seirbhísí, inter alia, faoi shocruithe taidhleoireachta agus consalachta agus soláthairtí chuig comhlachtaí idirnáisiúnta áirithe eile, is gá freisin scéimeanna OSS faoi Theideal XII, Caibidil 6 de Threoir 2006/112/CE a leathnú trína áirithiú go dtagann soláthairtí atá saor ó rátaí agus atá díolmhaithe ó CBL lena ngabhann ceart asbhainte, faoi raon feidhme na scéimeanna sin. Ina theannta sin, ba cheart Treoir 2006/112/CE a leasú chun an tráth faoinar féidir leis an duine inchánach a bhfuil leas á bhaint aige nó aici as na scéimeanna speisialta seo leasuithe a dhéanamh ar na tuairisceáin CBL ábhartha feadh na dtrí scéim simplithe atá ann faoi láthair; OSS neamh-Aontais, OSS an Aontais agus an OSS allmhairiúcháin (‘IOSS’). Leis an soiléiriú sin, ba cheart a cheadú do dhaoine inchánacha atá cláraithe do na scéimeanna leasuithe a dhéanamh ar na tuairisceáin CBL ábhartha suas go dtí an sprioc-am atá socraithe leis na tuairisceáin sin a chur isteach. Ina theannta sin, ba cheart a sholéiriú nach gceadaítear ceartúcháin ar thuairisceáin CBL a bhí ann roimhe seo ach amháin i dtuairisceáin CBL ar thréimhsí cánach ina dhiaidh sin. Ar deireadh, ba cheart uainiú an teagmhais inmhuirir i leith soláthairtí faoi na scéimeanna simplithe OSS neamh-Aontais a shocrú go soiléir chun difríochtaí i gcur i bhfeidhm na rialacha i measc na mBallstát a sheachaint.

(38)

Go ginearálta, tá gá le haitheantas CBL i ngach Ballstát ina dtarlaíonn idirbhearta inchánacha. Chun na cásanna ina bhfuil gá le clárúcháin CBL iolracha a laghdú, áfach, thug Treoir (AE) 2017/2455 roinnt beart isteach i dTreoir 2006/112/CE chun an gá le clárúcháin CBL iolracha a íoslaghdú. Chun an gá le clárúcháin CBL iolracha a laghdú a thuilleadh, sainaithníodh roinnt beart sínidh chun tacú leis an gcuspóir go mbeadh clárú aonair CBL san Aontas. Ba cheart, dá bhrí sin, rialacha a leagan síos chun foráil a dhéanamh maidir leis na bearta sínidh sin.

(39)

I measc beart eile, le Treoir (AE) 2017/2455, leathnaíodh raon feidhme den Mhion-ionad ilfhreastail a bheith ina OSS níos leithne, a chumhdaíonn na soláthairtí trasteorann seirbhísí go léir do dhaoine neamh-inchánacha a tharlaíonn san Aontas agus ciandíol earraí ar fad laistigh den Chomhphobal. Go heisceachtúil, is féidir le comhéadain leictreonacha, mar shampla margaí agus ardáin a thagann chun bheith ina soláthróirí measta le haghaidh soláthairtí earraí áirithe laistigh den Aontas soláthairtí intíre earraí áirithe a dhearbhú freisin i scéim OSS an Aontais. Chun tacaíocht a thabhairt don chuspóir go mbeidh clárú aonair CBL san Aontas, ba cheart raon feidhme scéim an Aontais a leathnú a thuilleadh chun soláthairtí eile earraí a chumhdach, lena n-áirítear soláthairtí earraí intíre idir gnólachtaí agus tomhaltóirí san Aontas ag daoine inchánacha nach bhfuil bunaithe sa Bhallstát tomhaltais, á áirithiú nach gá do ghnólachtaí clárú i gcomhair CBL i ngach Ballstát ina dtarlaíonn soláthairtí earraí den sórt sin do thomhaltóirí.

(40)

De ghnáth, gearrtar CBL agus tugann soláthróir na n-earraí nó na seirbhísí cuntas uirthi. In imthosca áirithe, áfach, féadfaidh Ballstáit foráil a dhéanamh faoin sásra aistrithe táillí go mbeidh oibleagáid ar fhaighteoir an tsoláthair seachas an soláthróir cuntas a thabhairt ar an CBL atá dlite. Chun tacaíocht níos mó a thabhairt don chuspóir maidir le clárú aonair CBL san Aontas, ba cheart rialacha a leagan síos chun go ndéanfar an sásra aistrithe táillí a chur i bhfeidhm go héigeantach i gcásanna nach bhfuil na soláthróirí bunaithe sa Bhallstát ina bhfuil CBL dlite agus nach n-aithnítear iad chun críocha CBL sa Bhallstát sin. Agus earraí nó seirbhísí á soláthar do dhuine atá sainaitheanta le haghaidh CBL sa Bhallstát ina bhfuil an soláthar inchánach, ba cheart do na soláthróirí sin an t-aistriú táillí a chur i bhfeidhm. Chun críocha rialála, ba cheart soláthairtí den sórt sin a thuairisciú sa ráiteas achoimreach. Sa bhreis ar an úsáid éigeantach, féadfaidh na Ballstáit an sásra aistrithe táillí a chur i bhfeidhm freisin maidir le soláthairtí trádálaithe neamhbhunaithe a sholáthraíonn earraí nó seirbhísí do chustaiméir, gan beann ar stádas an chustaiméara sin. Mar sin féin, déantar soláthairtí atá faoi réir na scéime corrlaigh mar a leagtar amach i gCaibidil 4 de Theideal XII de Threoir 2006/112/CE a eisiamh ón sásra aistrithe táillí.

(41)

Thug Treoir (AE) 2017/2455 isteach i dTreoir 2006/112/CE simpliú sonrach, eadhon IOSS, a dearadh chun an t-ualach comhlíontachta CBL atá bainteach le hallmhairiú d’earraí ar luach íseal do thomhaltóirí san Aontas a laghdú. Chun coinníollacha aonfhoirmeacha a áirithiú chun Treoir 2006/112/CE a chur chun feidhme, ba cheart cumhachtaí cur chun feidhme a thabhairt don Choimisiún chun an úsáid cheart agus an próiseas fíoraithe d’uimhreacha aitheantais CBL IOSS a dhaingniú i mbealach níos fearr chun críocha na díolúine dá bhforáiltear sa Threoir sin. Leis an cumhachtú sin, ba cheart a cheadú don Choimisiún gníomh cur chun feidhme a ghlacadh chun bearta speisialta a thabhairt isteach chun cineálacha áirithe imghabhála nó seachanta cánach a chosc. Áirítearsna bearta speisialta sin uimhir uathúil na coinsíneachta a nascadh leis an uimhir aitheantais CBL IOSS. Ba cheart na cumhachtaí sin a fheidhmiú i gcomhréir le Rialachán (AE) Uimh. 182/2011 ó Pharlaimint na hEorpa agus ón gComhairle (10).

(42)

Bíonn clárúchán CBL soláthróra de dhíth nuair nach sainaithnítear an soláthróir sin chun críocha CBL sa Bhallstát ina bhfuil CBL dlite. Go háirithe, le haistriú a chuid earraí féin de chuid duine inchánach chuig Ballstát eile chun críocha, inter alia, gníomhaíocht a bhaineann le ríomhthráchtáil, spreagtar gá le clárú sna Ballstáit óna n-aistrítear agus chuig a n-aistrítear na hearraí. Ag teacht leis an gcuspóir maidir le clárú aonair CBL san Aontas, ba cheart na cásanna ina bhfuil gá le clárúcháin CBL iolracha a laghdú tuilleadh trí fhoráil a dhéanamh do scéim nua faoi chuimsiú na scéimeanna OSS a chur i bhfeidhm. Ba cheart scéim nua da leithéid a bheith deartha go sonrach chun na hoibleagáidí comhlíontachta a bhaineann le haistrithe áirithe earraí dílse a shimpliú. Ina theannta sin, i gcás ina ndéanann duine inchánach aistriú earraí dílse thar ceann duine inchánach eile, agus sa mhéid nach ndéantar an t-aistriú ar iarraidh shainráite an duine inchánach eile sin, ceanglaítear ar an duine inchánach sin faisnéis áirithe maidir leis an aistriú a chur in iúl d’úinéir na n-earraí sin.

(43)

Le Treoir 2006/112/CE, déantar foráil maidir le cóireáil shimplithe CBL le haghaidh earraí a aistrítear faoi shocruithe stoic ar glao i gcás ina gcomhlíontar coinníollacha áirithe. Ós rud é go bhfuil an scéim shimplithe OSS le haghaidh aistrithe earraí dílse cuimsitheach agus go gcuimsítear inti gluaiseachtaí trasteorann earraí a chumhdaítear faoi láthair le socruithe stoic ar glao faoi Airteagal 17a de Threoir 2006/112/CE sin, is gá deireadh a chur de réir a chéile leis na socruithe seo trí dháta deiridh a chur san áireamh sula mbainfear na forálacha stoic ar glao ina n-iomláine i dTreoir 2006/112/CE. Ba cheart, dá bhrí sin, dáta deiridh an 30 Meitheamh 2028 a leagan síos, agus ina dhiaidh sin ní bheidh sé indéanta a thuilleadh aon socruithe stoic ar glao nua a dhéanamh. Maidir le socruithe stoic ar glao dar tús an 30 Meitheamh 2028 nó roimhe sin, ba cheart feidhm a bheith ag na coinníollacha ábhartha fós, lena n-áirítear teorainn ama 12 mhí chun úinéireacht na n-earraí sin a aistriú chuig an gceannaitheoir beartaithe. I gcomhthráth leis an dáta deiridh nua a chur san áireamh, ba cheart foráil a dhéanamh go scoirfidh na socruithe sin d’fheidhm a bheith acu an 30 Meitheamh 2029, mar ní bheidh gá a thuilleadh leo ina dhiaidh sin.

(44)

I gcomhréir le Dearbhú Comhpháirteach Polaitiúil an 28 Meán Fómhair 2011 ó na Ballstáit agus ón gCoimisiún maidir le doiciméid mhíniúcháin (11), ghlac na Ballstáit mar chúram orthu féin, i gcásanna a bhfuil údar cuí leo, doiciméad amháin nó níos mó a chur leis an bhfógra maidir lena mbearta trasuite, ar doiciméid iad ina mínítear an gaol idir comhpháirteanna de threoir agus codanna comhfhreagracha na n-ionstraimí náisiúnta trasuite. I ndáil leis an Treoir seo, measann an reachtóir go bhfuil údar leis na doiciméid sin a tharchur.

(45)

Ós rud é nach féidir leis na Ballstáit cuspóirí na Treorach seo, is é sin an córas CBL a thabhairt isteach sa ré dhigiteach, a ghnóthú go leordhóthanach, ach, de bharr an gá le húsáid cheanglais maidir le tuairisciú digiteach a chomhchuibhiú agus a spreagadh, le feabhas a chur ar chóireáil CBL maidir le hardáin, agus le laghdú a chur ar na cásanna ina n-éilítear ar ghnó clárú i mBallstáit eile, gur fearr is féidir iad a ghnóthú ar leibhéal an Aontais, féadfaidh an tAontas bearta a ghlacadh, i gcomhréir le prionsabal na coimhdeachta a leagtar amach in Airteagal 5 den Chonradh ar an Aontas Eorpach. I gcomhréir le prionsabal na comhréireachta a leagtar amach san Airteagal sin, ní théann an Treoir seo thar a bhfuil riachtanach chun na cuspóirí sin a ghnóthú.

(46)

Dá bhrí sin, ba cheart Treoir 2006/112/CE a leasú dá réir sin,

(1)

in Airteagal 143, cuirtear isteach an mhír seo a leanas:

(*1)  Rialachán (AE) Uimh. 182/2011 ó Pharlaimint na hEorpa agus ón gComhairle an 16 Feabhra 2011 lena leagtar síos na rialacha agus na prionsabail ghinearálta a bhaineann leis na sásraí maidir le rialú ag na Ballstáit ar fheidhmiú cumhachtaí cur chun feidhme ag an gCoimisiún (IO L 55, 28.2.2011, lch. 13, ELI: http://data.europa.eu/eli/reg/2011/182/oj)."

(*2)  Rialachán (AE) Uimh. 904/2010 ón gComhairle an 7 Deireadh Fómhair 2010 maidir le comhar riaracháin agus comhrac na calaoise i réimse na cánach breisluacha (IO L 268, 12.10.2010, lch. 1, ELI: http://data.europa.eu/eli/reg/2010/904/oj).’;"

(2)

in Airteagal 218, cuirtear an mhír seo a leanas leis:

‘De mhaolú ar mhír 1, féadfaidh na Ballstáit, de réir na gcoinníollacha a fhéadfaidh siad a leagan síos, an oibleagáid a fhorchur ar dhaoine inchánacha atá bunaithe laistigh dá gcríoch sonraisc leictreonacha a eisiúint le haghaidh soláthairtí earraí agus seirbhísí laistigh dá gcríoch, seachas iad siúd dá dtagraítear in Airteagal 262.’

(3)

in Airteagal 232, cuirtear an mhír seo a leanas leis:

‘De mhaolú ar an gcéad mhír den Airteagal seo, féadfaidh na Ballstáit a bhaineann leas as an rogha dá bhforáiltear in Airteagal 218, an dara mír, foráil a dhéanamh nach mbeidh úsáid ríomhshonrasc arna n-eisiúint ag daoine inchánacha atá bunaithe laistigh dá gcríoch faoi réir ghlacadh an fhaighteora atá bunaithe ina gcríoch.’.

(1)

cuirtear an méid seo a leanas in ionad Airteagal 14a:

(2)

leasaítear Airteagal 17a mar a leanas:

(3)

i dTeideal V, Caibidil 3a, cuirtear an méid seo a leanas in ionad an cheannteidil:

(4)

leasaítear Airteagal 59c mar a leanas:

(5)

cuirtear an méid seo a leanas in ionad Airteagal 66:

(6)

cuirtear an méid seo a leanas in ionad na chéad mhíre in Airteagal 167a:

‘Féadfaidh Ballstáit foráil a dhéanamh, laistigh de scéim roghnach, maidir le ceart asbhainte duine inchánach nach dtagann a CBL de bheith inmhuirir ach amháin i gcomhréir le hAirteagal 66(1), pointe (b), go gcuirfear an ceart asbhainte sin siar go dtí go mbeidh an CBL ar na hearraí nó ar na seirbhísí arna soláthar don duine inchánach sin íoctha leis an soláthróir.’

(7)

in Airteagal 226, cuirtear an méid seo a leanas in ionad phointe (7a):

;

(8)

scriostar Airteagal 237;

(9)

cuirtear an méid seo a leanas in ionad Airteagal 359:

(10)

in Airteagal 361(1), cuirtear an méid seo a leanas in ionad phointe (c):

;

(11)

cuirtear an méid seo a leanas in ionad Airteagal 368:

(12)

cuirtear an t-airteagal seo a leanas isteach:

(13)

cuirtear an méid seo a leanas in ionad na chéad mhíre in Airteagal 369j:

‘An duine inchánach a bhfuil leas á bhaint aige nó aici as an scéim speisialta seo, i leith a ngníomhaíochtaí inchánach a chumhdaítear leis an scéim speisialta seo, ní fhéadfaidh sé nó sí CBL a asbhaint, ar CBL é a thabhaítear sna Ballstáit tomhaltais de bhun Airteagal 168 den Treoir seo. D’ainneoin Airteagal 1, pointe (1) de Threoir 86/560/CEE agus Airteagal 2, pointe (1), Airteagal 3, agus Airteagal 8(1), pointe (e) de Threoir 2008/9/CE, déanfar an duine inchánach i gceist a aisíoc i gcomhréir leis na Treoracha sin. Ní bheidh feidhm ag Airteagal 2(2) ná ag Airteagal 4(2) de Threoir 86/560/CEE maidir le haisíocaíochtaí a bhaineann le hearraí agus seirbhísí a úsáidtear chun críocha soláthairtí earraí a chumhdaítear leis an scéim speisialta seo.’

(14)

in Airteagal 369m, cuirtear an mhír seo a leanas isteach:

(15)

leasaítear Airteagal 369p mar a leanas:

(16)

cuirtear an méid seo a leanas in ionad na chéad mhíre in Airteagal 369w:

‘An duine inchánach a bhfuil leas á bhaint aige nó aici as an scéim speisialta seo, i leith a ngníomhaíochtaí inchánach a chumhdaítear leis an scéim speisialta seo, ní fhéadfaidh sé nó sí CBL a asbhaint, ar CBL é a thabhaítear sna Ballstáit tomhaltais de bhun Airteagal 168 den Treoir seo. D’ainneoin Airteagal 1, pointe (1) de Threoir 86/560/CEE, agus Airteagal 2, pointe (1), Airteagal 3, agus Airteagal 8(1), pointe (e), de Threoir 2008/9/CE, déanfar an duine inchánach i gceist a aisíoc i gcomhréir leis na Treoracha sin. Ní bheidh feidhm ag Airteagal 2(2) ná ag Airteagal 4(2) de Threoir 86/560/CEE maidir le haisíocaíochtaí a bhaineann le hearraí nó seirbhísí a úsáidtear chun críocha soláthairtí earraí a chumhdaítear leis an scéim speisialta seo.’

(1)

cuirtear an t-airteagal seo a leanas isteach:

(2)

cuirtear an t-airteagal seo a leanas isteach:

(3)

leasaítear Airteagal 135 mar seo a leanas:

(4)

cuirtear an t-airteagal seo a leanas isteach:

(5)

leasaítear Airteagal 138 mar seo a leanas:

(6)

cuirtear an t-airteagal seo a leanas isteach:

(7)

cuirtear an méid seo a leanas in ionad Airteagal 194:

(8)

in Airteagal 222, cuirtear an méid seo a leanas in ionad na chéad mhíre:

‘Maidir le soláthairtí earraí a dhéantar i gcomhréir leis na coinníollacha a shonraítear in Airteagal 138 nó maidir le soláthairtí earraí nó seirbhísí dá bhfuil CBL iníoctha ag an gcustaiméir de bhun Airteagail 194 agus 196, eiseofar sonrasc tráth nach déanaí ná an cúigiú lá dhéag den mhí i ndiaidh na míosa ina dtarlaíonn an teagmhas inmhuirir.’

(9)

in Airteagal 226, cuirtear an méid seo a leanas in ionad phointe (4):

;

(10)

leasaítear Airteagal 242a mar a leanas:

(11)

cuirtear an t-airteagal seo a leanas isteach:

(12)

in Airteagal 262, cuirtear an méid seo a leanas in ionad mír 1:

(13)

in Airteagal 288(1),, cuirtear an méid seo a leanas in ionad phointe (c):

;

(14)

in Airteagal 306, cuirtear an mhír seo a leanas leis:

(15)

cuirtear an méid seo a leanas in ionad an cheannteidil de Chaibidil 6 i dTeideal XII:

(16)

cuirtear an méid seo a leanas in ionad Airteagal 365:

(17)

cuirtear an méid seo a leanas in ionad theideal Roinn 3 i dTeideal XII, Caibidil 6:

(18)

leasaítear Airteagal 369a mar a leanas:

(19)

Cuirtear an méid seo a leanas in ionad Airteagal 369b:

(20)

cuirtear an méid seo a leanas in ionad Airteagal 369g:

(21)

leasaítear Airteagal 369p mar a leanas:

(22)

cuirtear an méid seo a leanas in ionad Airteagal 369t:

(23)

i dTeideal XII, Caibidil 6, cuirtear an roinn seo a leanas isteach,:

(1)

in Airteagal 243, scriostar mír 3;

(2)

in Airteagal 262, scriostar mír 2;

(1)

in Airteagal 42, cuirtear an méid seo a leanas in ionad phointe (b):

;

(2)

in Airteagal 138, cuirtear an méid seo a leanas in ionad mhír 1a:

(3)

in Airteagal 168, cuirtear an mhír seo a leanas leis:

‘I gcás ina bhfuil an t-idirbheart faoi réir na n-oibleagáidí tuairiscithe a leagtar síos in Airteagal 271a(1), féadfaidh na Ballstáit, i gcomhréir leis na coinníollacha arna leagan síos acu, a fhoráil nach mbeidh an custaiméir i dteideal an CBL atá dlite nó íoctha a asbhaint nó a aiséileamh ach amháin má tá ríomhshonrasc a eisíodh de réir na gceanglas a leagtar síos in Airteagal 218, mír 3 ina sheilbh aige.’

(4)

cuirtear an méid seo a leanas in ionad Airteagal 217:

(5)

cuirtear an méid seo a leanas in ionad Airteagal 218:

(*3)  Treoir 2014/55/AE ó Pharlaimint na hEorpa agus ón gComhairle an 16 Aibreán 2014 maidir le ríomhshonrascadh i gcás an tsoláthair phoiblí (IO L 133, 6.5.2014, lch. 1, ELI: http://data.europa.eu/eli/dir/2014/55/oj).’;"

(6)

in Airteagal 222, cuirtear an méid seo a leanas in ionad na chéad mhíre:

‘Maidir le soláthairtí earraí a dhéantar i gcomhréir leis na coinníollacha a shonraítear in Airteagal 138 nó maidir le soláthairtí earraí nó seirbhísí dá bhfuil CBL iníoctha ag an gcustaiméir de bhun Airteagail 194 go 197, eiseofar sonrasc tráth nach déanaí ná 10 lá i ndiaidh an teagmhais inmhuirir.

I gcás ina ndéantar íocaíocht ar cuntas sula gcuirtear soláthairtí earraí nó seirbhísí dá bhfuil CBL iníoctha ag an gcustaiméir de bhun Airteagail 194 go 197 i gcrích, eiseofar sonrasc tráth nach déanaí ná 10 lá tar éis an íocaíocht ar cuntas a fháil.’

(7)

cuirtear an méid seo a leanas in ionad Airteagal 223:

(8)

leasaítear Airteagal 226 mar a leanas:

(9)

cuirtear an méid seo a leanas in ionad Airteagal 232:

(10)

in Airteagal 233(2), leasaítear an fhoclaíocht réamhráiteach mar a leanas:

‘Seachas trí bhíthin an chineáil rialuithe gnó a thuairiscítear i mír 1, is samplaí iad seo a leanas de theicneolaíochtaí lena n-áirithítear barántúlacht thionscnaimh agus sláine inneachar ríomhshonraisc nó doiciméad nó teachtaireachtaí i bhformáidí leictreonacha nach ríomhshonraisc iad:’

(11)

cuirtear an méid seo a leanas in ionad Airteagal 235:

(12)

cuirtear an méid seo a leanas in ionad Airteagal 236:

(13)

i dTeideal XI, Caibidil 6, cuirtear an méid seo a leanas in ionad an cheannteidil:

(14)

i dTeideal XI, Caibidil 6, cuirtear isteach ceannteideal na Ranna seo a leanas tar éis na Caibidle sin:

(15)

cuirtear an méid seo a leanas in ionad Airteagal 262:

(16)

cuirtear an méid seo a leanas in ionad Airteagal 263:

(17)

cuirtear an méid seo a leanas in ionad Airteagal 264:

(18)

scriostar Airteagail 265 go 271;

(19)

i dTeideal XI, Caibidil 6, cuirtear an roinn seo a leanas leis:

(20)

cuirtear an méid seo a leanas in ionad Airteagal 273: