Ainm

Faisnéis aitheantais

Cúiseanna

Dáta an liostaithe

‘238.

HOWZAN Abbasali

Feidhm: Breitheamh i mbrainse 36 den Court of Appeal of Tehran Province [an Chúirt Achomhairc i gCúige Tehran]

Náisiúntacht: Iaránach

Inscne: fireann

Is breitheamh é Abbasali Howzan i mbrainse 36 den Chúirt Achomhairc i gCúige Tehran.

Sa cháil sin, sheas sé le hachomharc maidir le ciontú an iliomad freasúra polaitiúil (lena n-áirítear iad siúd atá nasctha le hagóidí “Women, Life, Freedom” [Mná, Beatha, Saoirse]), gníomhaithe, ban mar nár chloígh siad le rialacha na hIaráine maidir leis an hijab agus daoine ó mhionlaigh reiligiúnacha, go háirithe ón bpobal Baha’i. I roinnt de na cásanna sin, bunaíodh na ciontuithe ar admhálacha faoi iallach a fuarthas trí chéastóireacht agus ba thoradh iad ar na nósanna imeachta a rinneadh de shárú ar ráthaíochtaí maidir le triail chóir.

Dá bhrí sin, tá Abbasali Howzan freagrach as sáruithe tromchúiseacha ar chearta an duine san Iaráin.

14.4.2025

239.

FARZADI Hedayatollah

Feidhm: Ceann Phríosún Evin

Áit bhreithe: Basht, an Iaráin

Náisiúntacht: Iaránach

Inscne: fireann

Is é Hedayatollah Farzadi Ceann Phríosún Evin, príosún atá liostaithe ag an Aontas.

Tá freagracht dhíreach air maidir le sáruithe tromchúiseacha ar chearta daonna na bpríosúnach polaitiúil, go háirithe maidir lena gcearta cumarsáide agus cuairte a shrianadh agus maidir le gaibhniú aonair a ordú go treallach. Is é atá freagrach freisin as an meath atá tagtha ar choinníollacha coinneála na bpríosúnach polaitiúil.

Thairis sin, is ionad coinneála é Príosún Evin, atá liostaithe ag an Aontas, inar coimeádadh príosúnaigh pholaitiúla agus gialla agus ina ndearnadh sáruithe tromchúiseacha ar chearta an duine, lena n-áirítear céastóireacht, cearta cumarsáide a dhiúltú, agus bac ar rochtain ar chúram leighis, le blianta fada anuas.

Mar thoradh air sin, tríd an mbaint atá aige le riaradh Phríosún Evin, príosún atá liostaithe ag an Aontas, tá Hedayatollah Farzadi é féin freagrach as sáruithe tromchúiseacha ar chearta an duine san Iaráin agus tá baint aige le heintiteas atá liostaithe ag an Aontas atá freagrach as sáruithe tromchúiseacha ar chearta an duine san Iaráin.

14.4.2025

240.

NEMATI Mehdi

Feidhm: Head of the Fars Prisons Protection and Intelligence Department [Ceann na Roinne Cosanta agus Faisnéise i bPríosún Fars]

Náisiúntacht: Iaránach

Inscne: fireann

Is é Mehdi Nemati Ceann na Roinne Cosanta agus Faisnéise i bPríosún Fars ó 2018 i leith.

Tá an Roinn Cosanta agus Faisnéise i bPríosún Fars freagrach as Shiraz Central Prison [Príosún Lárnach Shiraz], atá liostaithe ag an Aontas, a riaradh, príosún ina sáraítear cearta an duine go córasach agus inar cuireadh an iliomad duine a bhí i gcoinne Phoblacht Ioslamach na hIaráine chun báis. Coimeádadh roinnt giall ó thíortha Eorpacha go neamhdhleathach sa phríosún seo, inar diúltaíodh rochtain ar thriail chóir dóibh agus ina ndearnadh sáruithe tromchúiseacha ar na cearta is bunúsaí atá acu. Thairis sin, tá an príosún seo páirteach sa chos ar bolg atá á dhéanamh ar mhionlaigh eitneacha agus reiligiúnacha i ndeisceart na hIaráine (lena n-áirítear Arabaigh, Coirdíngh, na Bálúchaigh, treibheanna leath-fháin agus lucht Baha’i) trí bhásuithe atá beagnach córasach.

Tá Príosún Lárnach Shiraz freagrach, dá bhrí sin, as sáruithe tromchúiseacha ar chearta an duine san Iaráin.

Trína ról i dtaca le Príosún Lárnach Shiraz, atá liostaithe ag an Aontais, a riaradh, príosún a bhfuil baint aige le sáruithe ar chearta daonna na gcimí, tá baint ag Mehdi Nemati le heintiteas atá freagrach as sáruithe tromchúiseacha ar chearta an duine san Iaráin.

14.4.2025

241.

ZAREH Kamran

Feidhm: Breitheamh ag Shiraz Court of Appeal [Cúirt Achomhairc Shiraz]

Náisiúntacht: Iaránach

Inscne: fireann

Is Breitheamh é Kamran Zareh ag Cúirt Achomhairc Shiraz.

Sa ról sin, thug sé pianbhreitheanna déine go córasach ar easaontóirí síochánta, agus ar an gcaoi sin, chuir sé chun feidhme feachtas Phoblacht Ioslamach na hIaráine maidir le cos ar bolg ar an bhfreasúra polaitiúil.

Thairis sin, bhí baint ag Cúirt Achomhairc Shiraz le cuid mhór sáruithe ar chearta an duine, go háirithe cinn a bhain le hionchúiseamh easaontóirí polaitiúla agus daoine aonair ó phobail mhionlaigh (go háirithe pobal Baha’i).

Tríd an mbaint a bhí aige leis an gcúirt seo, tá Kamran Zareh freagrach as sáruithe tromchúiseacha ar chearta an duine san Iaráin agus tá baint aige le heintiteas atá freagrach as na sáruithe sin.

14.4.2025

242.

SADATI Sayyed Mahmood

Feidhm: Breitheamh ag Shiraz Revolutionary Court [Cúirt Réabhlóideach Shiraz]

Náisiúntacht: Iaránach

Inscne: fireann

Is Breitheamh é Sayyed Sadati ag Cúirt Réabhlóideach Shiraz, cúirt atá liostaithe ag an Aontas.

Sa ról sin, tá sé freagrach as sáruithe tromchúiseacha ar chearta an duine, go háirithe admhálacha faoi iallach, sáruithe ar ráthaíochtaí maidir le triail chóir agus pianbhreitheanna a fhorghníomhú, in aghaidh gníomhaithe, easaontóirí polaitiúla agus daoine aonair ó phobail mhionlaigh (go háirithe pobal Baha’i). Thairis sin, thug sé pianbhreitheanna déine ar easaontóirí síochánta go córasach, agus ar an gcaoi sin, chuir sé chun feidhme feachtas Phoblacht Ioslamach na hIaráine maidir le cos ar bolg ar an bhfreasúra polaitiúil.

Ina theannta sin, tá baint ag Cúirt Réabhlóideach Shiraz, cúirt atá liostaithe ag an Aontas, le cuid mhór sáruithe ar chearta an duine.

Dá bhrí sin, tríd an mbaint atá aige le Cúirt Réabhlóideach Shiraz, tá Sayyed Sadati freagrach as sáruithe tromchúiseacha ar chearta an duine san Iaráin agus tá baint aige le heintiteas atá freagrach as na sáruithe sin.

14.4.2025

243.

SALEHI Ali

Feidhm: Public Prosecutor of Tehran [Ionchúisitheoir Poiblí Tehran]

Náisiúntacht: Iaránach

Inscne: fireann

Is é Ali Saleh Ionchúisitheoir Poiblí Tehran.

Sa ról sin, bhí baint aige le hionchúiseamh roinnt ban a dhiúltaigh cloí le dlí an hijab éigeantaigh, mac léinn agus agóideoirí. Bhí baint aige freisin le pianbhreitheanna báis ar phríosúnaigh a eisiúint agus a chur chun feidhme chomh maith le húsáid cleachtas céastóireachta in aghaidh príosúnach a údarú.

Dá bhrí sin, tá Ali Salehi freagrach as sáruithe tromchúiseacha ar chearta an duine san Iaráin.

14.4.2025

244.

KHOSRAVANI Mohammad

Feidhm: Special Prosecutor of the Shiraz Revolutionary Court [Ionchúisitheoir Speisialta i gCúirt Réabhlóideach Shiraz]

Dáta breithe: 16.9.1980

Áit bhreithe: Shiraz, an Iaráin

Náisiúntacht: Iaránach

Inscne: fireann

Uimhir aitheantais náisiúnta: 2296246941 (an Iaráin)

Uimhir teastais bhreithe: 1565

Sraithuimhir an teastais bhreithe: 225889221

Is é Mohammad Khosravani an tIonchúisitheoir Speisialta i gCúirt Réablóideach Shiraz.

Sa cháil sin, tá sé freagrach as cuid mhór sáruithe ar chearta an duine agus bhí baint aige leis na sáruithe sin. Baineann na cásanna sin le heasaontóirí polaitiúla, baill de ghrúpaí mionlaigh agus roinnt daoine aonair eile. Chuir sé féin iallach agus brú ar chimí, sháraigh sé cearta na gcosantóirí agus mhaoirsigh sé gabhálacha treallacha. Go pointe áirithe de bharr a chuid gníomhaíochtaí, tá clú ar Chúirt Réabhlóideach Shiraz as pianbhreitheanna éagóracha agus sáruithe ar chearta an duine.

Tá Mohammad Khosravani freagrach, dá bhrí sin, as sáruithe tromchúiseacha ar chearta an duine san Iaráin.

14.4.2025’

Ainm

Faisnéis aitheantais

Cúiseanna

Dáta an liostaithe

‘44.

Shiraz Central Prison [Príosún Lárnach Shiraz]

(dá ngairtear freisin Adel Abad Prison)

Cineál eintitis: Príosún

Áit chlárúcháin: Shiraz, cúige Fars, an Iaráin

Tá Príosún Lárnach Shiraz, Adel Abad, lonnaithe in Shiraz, cúige Fars, san Iaráin, agus is príosún é ina ndéantar cearta daonna na gcimí a shárú go córasach agus inar cuireadh a lán daoine a d’easaontaigh le Poblacht Ioslamach na hIaráine chun báis, ar bhonn pionóis chomhchoiteann san áireamh.

Coimeádadh roinnt giall ó thíortha Eorpacha go neamhdhleathach sa phríosún seo, inar diúltaíodh rochtain ar thriail chóir dóibh agus ina ndearnadh sáruithe tromchúiseacha ar na cearta is bunúsaí atá acu.

Thairis sin, tá an príosún seo páirteach sa chos ar bolg atá á dhéanamh ar mhionlaigh eitneacha agus reiligiúnacha i ndeisceart na hIaráine (lena n-áirítear Arabaigh, Coirdínigh, na Bálúchaigh, treibheanna leath-fháin agus lucht Baha’i) trí bhásuithe atá beagnach córasach.

14.4.2025

45.

1st branch of the Revolutionary Court of Shiraz [an chéad bhrainse de Chúirt Réabhlóideach Shiraz]

Cineál eintitis: Príosún

Áit chlárúcháin: Shiraz, cúige Fars, an Iaráin

Bhí baint ag an gcéad bhrainse de Chúirt Réabhlóideach Shiraz, atá lonnaithe i gcúige Fars, san Iaráin, le cuid mhór sáruithe ar chearta an duine, go háirithe cinn a bhain le trialacha éagóracha agus le heasaontóirí polaitiúla a chur chun báis, agus le géarleanúint daoine aonair ó phobail mhionlaigh (go háirithe pobal Baha’i).

Leagann na gníomhaíochtaí sin béim ar ról na cúirte i sáruithe tromchúiseach ar chearta an duine a bhuanú, sna breithiúna a úsáid mar uirlis ar mhaithe le cos ar bog polaitiúil agus in easaontú polaitiúil agus pobail mhionlacha san Iaráin a chur faoi chois.

14.4.2025’.