(1)

Le Rialachán Tarmligthe (AE) Uimh. 1003/2013 (2) ón gCoimisiún, sonraítear cineál na dtáillí, an ríomh, agus na módúlachtaí íocaíochta maidir leis na táillí a ghearrann an tÚdarás Eorpach um Urrúis agus Margaí (ESMA) ar stórtha trádála.

(2)

In 2018, chinn athbhreithniú Seirbhís Iniúchóireachta Inmheánaí an Choimisiún agus iniúchadh Chúirt Iniúchóirí na hEorpa (3) go bhfuil córas cistiúcháin táillí ESMA casta gan ghá. Chun bailiú na dtáillí a shimpliú agus chun na rioscaí a bhaineann le ríomh mícheart nó leithdháileadh neamhéifeachtúil táillí a laghdú, is gá comhsheasmhacht gnéithe teicniúla a áirithiú ar fud na ngníomhartha tarmligthe éagsúla maidir le táillí a ghearrann ESMA, i gcás inarb iomchuí agus inar féidir.

(3)

Chun comhsheasmhacht a áirithiú maidir leis na táillí a ghearrann ESMA ar stórtha trádála, ba cheart Rialachán Tarmligthe (AE) Uimh. 1003/2013 a ailíniú le Rialachán Tarmligthe (AE) 2019/360 ón gCoimisiún (4).

(4)

Chun caiteachas ESMA a bhaineann le maoirseacht ar stórtha trádála a chumhdach go hiomlán, ba cheart na táillí maoirseachta bliantúla a chinneadh ar bhonn an mheastacháin bhliantúil ar na costais dhíreacha uile is gá le haghaidh na gcúraimí maoirseachta a dhéanann ESMA agus cionroinnt réasúnach ar fhorchostais sheasta agus athraitheacha ESMA.

(5)

Chun comhsheasmhacht agus inchomparáideacht sonraí ar fud stórtha trádála a áirithiú agus táillí maoirseachta ESMA á gcinneadh, níor cheart na táillí maoirseachta bliantúla a ríomh ach amháin bunaithe ar an láimhdeachas arna ghiniúint ag croí-ghníomhaíochtaí stóir thrádála agus a sheirbhísí coimhdeacha.

(6)

Chun comhsheasmhacht a áirithiú i measc gníomhartha tarmligthe maidir le táillí atá le híoc le ESMA, agus chun cur ar a chumas do ESMA sonraí láimhdeachais arna n-iniúchadh a fháil in am trátha chun meastachán a dhéanamh ar na táillí atá dlite ag stórtha trádála do ESMA, ba cheart gur 2 bhliain roimh an mbliain a ghearrann ESMA táillí ar an stór trádála a bheidh i mbliain tagartha na gcuntas iniúchta chun an láimhdeachas is infheidhme a chinneadh.

(7)

Déantar láimhdeachas na stórtha trádála is infheidhme a ríomh in euro. Is gá, dá bhrí sin, sásra a shonrú chun an t-ioncam a ghintear in airgeadraí eile a chomhshó in euro.

(8)

I gcomhréir le Rialachán Tarmligthe (AE) 2019/715 (5) ón gCoimisiún, ba cheart táillí a ghearrtar ar stórtha trádála a shocrú ar leibhéal lena n-áiritheofar go gcumhdófar costas iomlán na seirbhísí a sholáthraíonn ESMA agus go seachnófar easnamh, ach an tráth céanna go seachnaítear carnadh barrachais shuntasaigh. Má éiríonn toradh suntasach ar an mbuiséad athfhillteach, ar bhonn dearfach nó diúltach, ba cheart athbhreithniú a dhéanamh ar leibhéal na dtáillí.

(9)

Chun táille maoirseachta iomarcach a sheachaint i mbliain a chláraithe, ba cheart do stór trádála cláraithe táille mhaoirseachta tosaigh a íoc, táille ar cheart a méid a bheith comhréireach leis an tréimhse ama sa chéad bhliain inar cláraíodh an stór trádála.

(10)

I gcás ina ndéanfaidh stór trádála nár cláraíodh fós faoi Rialachán (AE) Uimh. 648/2012 iarratais ar chlárúchán a chur isteach go comhuaineach faoi Rialachán (AE) Uimh. 648/2012 agus faoi Rialachán (AE) 2015/2365 ó Pharlaimint na hEorpa agus ón gComhairle (6), ba cheart an caiteachas is gá chun measúnú agus scrúdú a dhéanamh ar na hiarratais a bheith níos ísle mar gheall ar na sineirgí a bhaineann le hathbhreithniú a dhéanamh ar an gcineál céanna doiciméad. I gcás iarratais chomhuaineacha, ba cheart don stór trádála, dá bhrí sin, an táille chlárúcháin iomlán atá dlite faoi Rialachán (AE) Uimh. 648/2012, agus an táille laghdaithe ar shíneadh ama ar chlárúchán atá dlite faoi Rialachán (AE) 2015/2365 a íoc.

(11)

Níl an costas riaracháin a bhaineann leis an táille mhaoirseachta chéad bhliana do stór trádála atá cláraithe i mí na Nollag comhréireach leis an táille sin Dá bhrí sin, ba cheart stór trádála atá cláraithe i mí na Nollag a dhíolmhú ón gceanglas táille mhaoirseachta bhliantúil a íoc le haghaidh na bliana inar cláraíodh an stór trádála sin.

(12)

Chun comhsheasmhacht a áirithiú i measc gníomhartha tarmligthe maidir le táillí atá le híoc le ESMA, ba cheart do ESMA an pionós a ríomh i gcás íocaíochtaí déanacha i gcomhréir leis na forálacha maidir le hús mainneachtana a leagtar amach in Airteagal 99 de Rialachán (AE, Euratom) 2018/1046 ó Pharlaimint na hEorpa agus ón gComhairle (7).

(13)

Chun trédhearcacht a fheabhsú maidir le téarmaí agus próisis íocaíochta táillí le haghaidh stórtha trádála, is gá a chinneadh cén tréimhse ama, nó cén dáta, a íocfaidh stórtha trádála sonrasc ó ESMA ar tháillí. I gcás na dtáillí maoirseachta bliantúla, is gá an méid agus an dáta is déanaí a shonrú a sheolfaidh ESMA an sonrasc ábhartha chuig stórtha trádála.

(14)

Chun a áirithiú go n-íocfar táillí clárúcháin agus táillí aitheantais go tráthúil, ba cheart na táillí sin a íoc in aon chás laistigh de 30 lá féilire ó dháta eisiúna shonrasc ESMA.

(15)

Chun na sreafaí íocaíochta táillí a shimpliú tuilleadh, agus chun a áirithiú go mbeidh na cistí is gá ag ESMA chun na gníomhaíochtaí maoirseachta atá beartaithe aige a dhéanamh, ba cheart táillí maoirseachta bliantúla a íoc i dtráthchuid aonair le linn na chéad 3 mhí den bhliain féilire dá bhfuil na táillí sin dlite.

(16)

Chun am leordhóthanach a thabhairt agus próisis formheasa inmheánacha a éascú, ba cheart do ESMA sonraisc le haghaidh íocaíochtaí i leith táillí maoirseachta bliantúla a sheoladh 30 lá féilire ar a laghad roimh an dáta íocaíochta ábhartha.

(17)

Chun neamhdheimhneacht dhlíthiúil a sheachaint maidir leis an bpróiseas leanúnach bailithe táillí, ba cheart feidhm a bheith ag an Rialachán seo ón 1 Eanáir 2025.

(18)

Dá bhrí sin, ba cheart Rialachán Tarmligthe (AE) Uimh. 1003/2013 a leasú dá réir sin,

(1)

Cuirtear an méid seo a leanas in ionad Airteagal 2:

(2)

Cuirtear an méid seo a leanas in ionad Airteagal 3:

(3)

Scriostar Airteagal 4;

(4)

in Airteagal 6, cuirtear isteach an mhír 6a seo a leanas:

(5)

in Airteagal 7, cuirtear an méid seo a leanas in ionad mhíreanna 2, 3 agus 4:

4.   De mhaolú ar mhíreanna 1, 2 agus 3, íocfaidh stór trádála cláraithe, i mbliain a chláraithe, (bliain (n)), táille mhaoirseachta tosaigh (‘TM(n)’) a bheidh cothrom leis an méid seo a leanas:

i gcás inarb amhlaidh:

TC	=	an táille chlárúcháin arna ríomh i gcomhréir le hAirteagal 6;
k	=	.

Íocfaidh an stór trádála cláraithe an táille maoirseachta den chéad bhliain tar éis do ESMA fógra a thabhairt dó gur éirigh lena iarratas agus laistigh de 30 lá féilire ó dháta eisiúna shonrasc ESMA.

I gcás ina gclárófar stór trádála le linn mhí na Nollag, áfach, ní cheanglófar ar an stór trádála sin táille mhaoirseachta bhliantúil a íoc don bhliain inar cláraíodh é.’

(6)

in Airteagal 9, cuirtear an méid seo a leanas in ionad mhír 2:

(*1)  Rialachán (AE, Euratom) 2018/1046 ó Pharlaimint na hEorpa agus ón gComhairle an 18 Iúil 2018 maidir leis na rialacha airgeadais a bhfuil feidhm acu maidir le buiséad ginearálta an Aontais, lena leasaítear Rialacháin (AE) Uimh. 1296/2013, (AE) Uimh. 1301/2013, (AE) Uimh. 1303/2013, (AE) Uimh. 1304/2013, (AE) Uimh. 1309/2013, (AE) Uimh. 1316/2013, (AE) Uimh. 223/2014, (AE) Uimh. 283/2014, agus Cinneadh Uimh. 541/2014/AE agus lena n-aisghairtear Rialachán (AE, Euratom) Uimh. 966/2012, (IO L 193, 30.7.2018, lch. 1, ELI: http://data.europa.eu/eli/reg/2018/1046/oj).’;"

(7)

in Airteagal 10, cuirtear an méid seo a leanas in ionad mhír 1:

(8)

Cuirtear an méid seo a leanas in ionad Airteagail 11 agus 12: