(1)

Le hIarscríbhinn I a ghabhann le Rialachán Cur Chun Feidhme (AE) 2021/2325 ón gCoimisiún (2) leagtar amach an liosta de thríú tíortha a n-aithnítear go bhfuil a gcórais táirgthe agus a mbearta rialaithe chun táirgí talmhaíochta a tháirgeadh go horgánach coibhéiseach leis na córais táirgthe agus bearta rialaithe a leagtar síos i Rialachán (CE) Uimh. 834/2007 ón gComhairle (3). I bhfianaise faisnéis nua a fuair an Coimisiún ó glacadh Rialachán Cur Chun Feidhme (AE) 2021/2325, ba cheart athruithe áirithe a dhéanamh ar an bhfaisnéis a bhaineann le tríú tíortha áirithe.

(2)

Chuir Ceanada in iúl don Choimisiún gur tharraing a údarás inniúil siar na comhlachtaí rialaithe ‘British Columbia Association for Regenerative Agriculture (BCARA)’ (CA-ORG-002) agus ‘International Certification Services, Inc.’ (ICS) (CA-ORG-009) ón liosta de chomhlachtaí rialaithe a aithníonn Ceanada agus gur athraíodh ainm an chomhlacht rialaithe ‘Centre for Systems Integration (CSI)’ (CA-ORG-004).

(3)

Chuir Iosrael in iúl don Choimisiún gur chuir a údarás inniúil an comhlacht rialaithe ‘Agrior Ltd-Organic Inspection & Certification’ (IL-ORG-002) ar fionraí ó liosta na gcomhlachtaí rialaithe a aithníonn Iosrael agus go bhfuil comhlacht rialaithe creidiúnaithe nua ‘Lab-path Ltd’ (IL-ORG-005) aitheanta aige.

(4)

Chuir an tSeapáin in iúl don Choimisiún gur chuir a údarás inniúil an comhlacht rialaithe ‘Rice Research Organic Food Institute’ (JP-BIO-023) ar fionraí ó liosta na gcomhlachtaí rialaithe a aithníonn an tSeapáin agus go bhfuil comhlacht rialaithe creidiúnaithe nua ‘Miyazaki Organic Agriculture Association’ (JP-BIO-043) aitheanta aici.

(5)

Chuir Poblacht na Cóiré in iúl don Choimisiún gur chuir a údarás inniúil na comhlachtaí rialaithe ‘OCK’ (KR-ORG-005), ‘Korea Environment-Friendly Organic Certification Centre’ (KR-ORG-007), ‘Neo environmentally-friendly Certification Center’ (KR-ORG-019), ‘ISC Agriculture development research institute’ (KR-ORG-021) agus ‘Greenstar Agrifood Certification Center’ (KR-ORG-022) ar fionraí ó liosta na gcomhlachtaí rialaithe a aithníonn Poblacht na Cóiré agus go bhfuil na comhlachtaí rialaithe creidiúnaithe nua ‘Sungnong’ (KR-ORG-039), ‘Tojo Glonics co. Ltd.’ (KR-ORG-040), ‘YANGPYEONG ENVIRONMENT-FRIENDLY CERTIFICATION CENTER’ (KR-ORG-041), ‘Haezin Corporation’ (KR-ORG-042), ‘Institute of Green Certification’ (KR-ORG-043) agus ‘DODAM Eco-Friendly’ (KR-ORG-044) aitheanta aici.

(6)

Chuir Poblacht na Cóiré in iúl don Choimisiún freisin gur athraíodh ainm agus seoladh idirlín an chomhlachta rialaithe ‘Doalnara Organic Certificated Korea’ (KR-ORG-002), gur athraíodh ainm agus seoladh idirlín an chomhlachta rialaithe ‘Global Organic Agriculturalist Association’ (KR-ORG-004), gur athraíodh seoladh idirlín an chomhlachta idirlín ‘KAFCC’ (KR-ORG-006), gur athraíodh ainm an chomhlachta rialaithe ‘Konkuk Ecocert Certification Service’ (KR-ORG-008), gur athraíodh ainm agus seoladh idirlín an comhlachta rialaithe ‘Green Environmentally-Friendly certification center’ (KR-ORG-020), gur athraíodh ainm agus seoladh idirlín an comhlachta rialaithe ‘Eco Agriculture Institute Inc’ (KR-ORG-029), gur athraíodh ainm agus seoladh idirlín an comhlachta rialaithe ‘Korea organic certification’ (KR-ORG-031) gur athraíodh ainm agus seoladh idirlín an chomhlachta rialaithe ‘Ctforum. Ltd’ (KR-ORG-037) agus gur athraíodh ainm agus seoladh idirlín an chomhlachta rialaithe ‘ORGANIC PROMOTION’ (KR-ORG-038).

(7)

Chuir na Stáit Aontaithe in iúl don Choimisiún gur athraíodh ainm an chomhlachta rialaithe‘Department of Plant Industry — Clemson University’ (US-ORG-009) go ‘Clemson University’ agus gur athraíodh ainm an chomhlachta rialaithe ‘Ecocert S.A’ (US-ORG-010) go ‘Ecocert S.A.S’.

(8)

Chuir na Stáit Aontaithe in iúl don Choimisiún freisin go ndearna na comhlachtaí rialaithe ‘Ecocert ICO, LLC’ (US-ORG-016), ‘International Certification Services, Inc.’ (US-ORG-017), ‘LACON GmbH’ (US-ORG-020), ‘New Jersey Department of Agriculture’ (US-ORG-034) agus ‘New Mexico Department of Agriculture, Organic Program’ (US-ORG-035) a gcuid gníomhaíochtaí a scor agus, dá bhrí sin, gur tarraingíodh siar iad ó liosta na gcomhlachtaí rialaithe a aithníonn na Stáit Aontaithe. Thairis sin, chuir na Stáit Aontaithe in iúl don Choimisiún go bhfuil comhlacht rialaithe creidiúnaithe nua ‘Certificadora Mexicana de productos y procesos ecológicos S.C.’ (US-ORG-069) aitheanta acu.

(9)

In Iarscríbhinn II a ghabhann le Rialachán Cur Chun Feidhme (AE) 2021/2325 leagtar amach an liosta de na húdaráis rialaithe agus na comhlachtaí rialaithe a dhéantar a aithint chun críche coibhéise agus atá inniúil chun rialuithe a dhéanamh agus deimhnithe a eisiúint i dtríú tíortha. I bhfianaise faisnéis nua agus iarrataí nua a fuair an Coimisiún ó glacadh Rialachán Cur Chun Feidhme (AE) 2021/2325, ba cheart athruithe áirithe a dhéanamh ar an liosta sin.

(10)

Fuair an Coimisiún iarraidh ó ‘Ecogruppo Italia’ (BIO-187) a aitheantas i leith na dtríú tíortha uile a n-aithnítear é ina leith a tharraingt siar.

(11)

Fuair an Coimisiún iarraidh ó ‘TÜV Nord Integra’ (BIO-160) a aitheantas i leith na dtríú tíortha uile a n-aithnítear é ina leith a tharraingt siar.

(12)

Chuir ‘Ecovivendi d.o.o. Belgrade’ (BIO-183) in iúl don Choimisiún gur athraíodh a sheoladh.

(13)

Fuair an Coimisiún iarraidh ó ‘Oregon Tilth’ (BIO-116) a aitheantas i leith na Bolaive, na Sile agus Hondúras a tharraingt siar. Fuair an Coimisiún iarraidh ó ‘Ekoagros’ (BIO-170) a aitheantas i gcás gach catagóir táirgí i leith Chónaidhm na Rúise agus Phoblacht na Bealarúise a tharraingt siar, agus a aitheantas i gcás catagóirí táirgí D agus F i leith na Casacstáine agus na Táidsíceastáine a tharraingt siar.

(14)

Ba cheart Rialachán Cur Chun Feidhme (AE) 2021/2325 a leasú dá réir sin.

(15)

Tá na bearta dá bhforáiltear sa Rialachán seo i gcomhréir leis an tuairim ón gCoiste um tháirgeadh orgánach,

(1)

Leasaítear Iarscríbhinn I i gcomhréir le hIarscríbhinn I a ghabhann leis an Rialachán seo.

(2)

Leasaítear Iarscríbhinn II i gcomhréir le hIarscríbhinn II a ghabhann leis an Rialachán seo.