(1)

Le hAirteagal 34(6) de Rialachán (AE) 2019/1020 ceanglaítear ar údaráis chustaim, nuair is ábhartha chun reachtaíocht an Aontais um chomhchuibhiú a fhorfheidhmiú agus chun riosca a íoslaghdú, faisnéis faoi tháirgí a asbhaint as córais náisiúnta chustaim maidir le táirgí a chuirtear faoin nós imeachta custaim ‘scaoileadh le haghaidh saorchúrsaíochta’ a bhaineann le forfheidhmiú reachtaíocht comhchuibhithe an Aontais, agus í a tharchur chuig an gcóras faisnéise agus cumarsáide dá dtagraítear in Airteagal 34(1) den Rialachán sin, ar a dtugtar an Córas Faisnéise agus Cumarsáide um Fhaireachas Margaidh (‘ICSMS’).

(2)

Bailíonn na húdaráis chustaim faisnéis faoi tháirgí a scaoiltear le haghaidh saorchúrsaíochta cheana féin faoi Rialachán (AE) Uimh. 952/2013 ó Pharlaimint na hEorpa agus ón gComhairle (2) agus tarchuirfear chuig an gCoimisiún í trí úsáid a bhaint as an gcóras leictreonach dá dtagraítear in Airteagal 56(1) de Rialachán Cur Chun Feidhme (AE) 2015/2447 (3) ón gCoimisiún (an ‘bunachar sonraí faireachais’). Dá bhrí sin, ba cheart an fhaisnéis sin a úsáid chun faisnéis a tharchur chuig ICSMS dá dtagraítear in Airteagal 34(6) de Rialachán (AE) 2019/1020.

(3)

Mar sin féin, sa bhunachar sonraí Faireachais tá faisnéis níos fairsinge agus níos mionsonraithe ná mar a theastaíonn ó údaráis faireachais margaidh chun críche Airteagal 34(6) de Rialachán (AE) 2019/1020. Dá bhrí sin, is gá na tacair faisnéise ábhartha a shainiú atá le comhiomlánú agus le tarchur ón mbunachar sonraí faireachais chuig ICSMS. Ba cheart na tacair faisnéise sin a shainiú i ndáil leis na heilimintí sonraí sonracha a leagtar amach in Iarscríbhinn B a ghabhann le Rialachán Tarmligthe (AE) 2015/2446 ón gCoimisiún (4).

(4)

Chun tarchur dúbailte faisnéise ó údaráis chustaim a sheachaint, ba cheart an fhaisnéis dá dtagraítear in Airteagal 34(6) de Rialachán (AE) 2019/1020 a tharchur chuig ICSMS in dhá chéim: ar an gcéad dul síos, ba cheart d’údaráis chustaim an fhaisnéis sin a tharchur chuig an gCoimisiún tríd an mbunachar sonraí faireachais a úsáid; ar an dara dul síos, ba cheart don Choimisiún a áirithiú go n-aisghabhfar an fhaisnéis ón mbunachar sonraí faireachais agus go dtarchuirfear í chuig ICSMS thar ceann na n-údarás custaim.

(5)

Níor cheart an fhaisnéis a tharchuirtear chuig ICSMS de bhun Airteagal 34(6) de Rialachán (AE) 2019/1020 a fhágáil sna comhéadain leictreonacha a úsáidtear chun í a tharchur níos faide ná mar is gá don tarchur sin. Ba cheart d’úsáideoirí ICSMS dá dtagraítear in Airteagal 34(1) de Rialachán (AE) 2019/1020 an fhaisnéis sin a choinneáil faoi rún (oifigí idirchaidrimh aonair, údaráis faireachais margaidh, údaráis arna n-ainmniú faoi Airteagal 25(1) de Rialachán (AE) 2019/1020 agus an Coimisiún) agus níor cheart í a úsáid ach amháin chun reachtaíocht chomhchuibhithe an Aontais a fhorfheidhmiú agus chun riosca a íoslaghdú.

(6)

Ba cheart dáta chur i bhfeidhm an Rialacháin seo a chur siar ionas go bhféadfar uirlis léirshamhlúcháin leordhóthanach a fhorbairt lena soláthrófar rochtain sholáimhsithe ar an bhfaisnéis a tharchuirtear chuig ICSMS de bhun Airteagal 34(6) de Rialachán (AE) 2019/1020.

(7)

Na bearta dá bhforáiltear sa Rialachán seo, is bearta iad atá i gcomhréir leis an tuairim ón gcoiste a bunaíodh le hAirteagal 43(1) de Rialachán (AE) 2019/1020,