"IARSCRÍBHINN I

LIOSTA NA nÍTIMÍ DÉ-ÚSÁIDE DÁ dTAGRAÍTEAR IN AIRTEAGAL 3 DEN RIALACHÁN SEO

Le liosta na n-ítimí dé-úsáide atá san Iarscríbhinn seo, cuirtear chun feidhme rialuithe dé-úsáide arna gcomhaontú go hidirnáisiúnta, lena n-áirítear Grúpa na hAstráile (1), an Córas Rialaithe um Theicneolaíocht Diúracán (MTCR) (2), Grúpa na Soláthraithe Núicléach (NSG) (3), Comhshocraíocht Wassenaar (4) agus an Coinbhinsiún maidir le hAirm Cheimiceacha (CWC) (5).

AN CLÁR

Cuid I

Nótaí Ginearálta, Acrainmneacha agus Giorrúcháin, agus Sainmhínithe

Cuid II - Catagóir 0

Ábhair núicléacha, saoráidí agus trealamh

Cuid III - Catagóir 1

Ábhair speisialta agus trealamh gaolmhar

Cuid IV - Catagóir 2

Próiseáil ar ábhair

Cuid V - Catagóir 3

Leictreonaic

Cuid VI - Catagóir 4

Ríomhairí

Cuid VII - Catagóir 5

Teileachumarsáid agus 'an tslándáil faisnéise'

Cuid VIII - Catagóir 6

Braiteoirí agus léasair

Cuid IX - Catagóir 7

Loingseoireacht agus eitleonaic

Cuid X - Catagóir 8

Ábhair Mhuirí

Cuid XI - Catagóir 9

Aeraspás agus tiomáint

CUID I

Nótaí Ginearálta, Acrainmneacha agus Giorrúcháin, agus Sainmhínithe

NÓTAÍ GINEARÁLTA A GHABHANN LE hIARSCRÍBHINN I

1.

Maidir le rialú earraí atá deartha nó atá modhnaithe le haghaidh úsáid mhíleata, féach Liosta Comhchoiteann Míleata an Aontais Eorpaigh (6) agus an liosta nó na liostaí ábhartha de rialuithe maidir le hearraí míleata atá á gcoimeád ag Ballstáit AE féin. Aon tagairt atá san Iarscríbhinn lena ndeirtear 'FÉACH FREISIN RIALUITHE MAIDIR LE hEARRAÍ MÍLEATA', is ag tagairt do na liostaí sin atá sí.

2.

Níor cheart go ndéanfaí cuspóir na rialuithe atá san Iarscríbhinn seo a shárú toisc aon earraí neamhrialaithe (lena n-áirítear gléasra) a bheith á n-onnmhairiú, a bhfuil comhpháirt rialaithe amháin nó níos mó iontu, nuair is í an chomhpháirt rialaithe nó nuair is iad na comhpháirteanna rialaithe sin príomheilimint na n-earraí agus nuair is féidir an chomhpháirt sin nó na comhpháirteanna sin a bhaint nó a úsáid chun críche eile. N.B. Agus é á mheas arb í an chomhpháirt rialaithe nó arb iad na comhpháirteanna rialaithe príomheilimint an earra, is gá an chainníocht, an luach agus an saineolas teicneolaíochta atá i gceist a chur san áireamh, chomh maith le cúinsí speisialta eile lena bhféadfaí a shuíomh gurb í an chomhpháirt rialaithe nó gurb iad na comhpháirteanna rialaithe príomheilimint na n-earraí atá á bhfáil.

3.

Leis na hearraí atá sonraithe san Iarscríbhinn seo, áirítear earraí nua agus earraí athláimhe araon.

4.

I gcásanna áirithe, is de réir ainm agus uimhir CAS a liostaítear ceimiceáin. Beidh feidhm ag an liosta maidir le ceimiceáin a bhfuil an fhoirmle struchtúrach chéanna acu (lena n-áirítear hiodráití, foirmeacha atá lipéadaithe go hiseatópach nó gach steiré-isiméir is féidir a bheith ann) is cuma an t-ainm atá orthu ná an uimhir CAS atá acu. Léirítear na huimhreacha CAS ionas go bhféadfar ceimiceán áirithe nó meascán áirithe a shainaithint, gan beann ar ainmníocht. Ní féidir uimhreacha CAS a úsáid mar aitheantóirí uathúla toisc go bhfuil uimhreacha difriúla CAS ag foirmeacha áirithe de na ceimiceáin a liostaítear, agus toisc go bhféadfadh uimhir dhifriúil CAS a bheith ag meascáin a bhfuil ceimiceán atá sa liosta iontu.

NÓTA MAIDIR LEIS AN TEICNEOLAÍOCHT NÚICLÉACH (NTN)

(Le léamh in éineacht le roinn E de Chatagóir 0.)

An 'teicneolaíocht' sin a bhaineann go díreach le haon earra atá rialaithe i gCatagóir 0, déantar í a rialú de réir fhorálacha Chatagóir 0.

An 'teicneolaíocht' sin atá ann chun earraí atá faoi rialú a 'fhorbairt', a 'tháirgeadh' nó a 'úsáid', leanann sí de bheith faoi rialú fiú nuair is infheidhme í maidir le hearraí neamhrialaithe.

Nuair a cheadaítear earraí a onnmhairiú, údaraítear go n-onnmhaireofaí freisin, chuig an úsáideoir deiridh céanna sin, an 'teicneolaíocht' íosta is gá chun na hearraí sin a shuiteáil, a oibriú, a chothabháil agus a dheisiú.

Ní bheidh feidhm ag na rialuithe maidir le haistriú 'teicneolaíochta', i ndáil le faisnéis 'atá san fhearann poiblí' ná maidir le 'taighde bunúsach eolaíoch'.

NÓTA GINEARÁLTA MAIDIR LE TEICNEOLAÍOCHT (NGT)

(Le léamh in éineacht le roinn E de Chatagóir 1 go Catagóir 9.)

Onnmhairiú na 'teicneolaíochta' sin atá 'riachtanach' chun earraí a rialaítear i gCatagóir 1 go Catagóir 9 'a fhorbairt', 'a tháirgeadh' nó 'a úsáid', déantar é a rialú de réir fhorálacha Chatagóir 1 go Catagóir 9.

An 'teicneolaíocht' sin atá 'riachtanach' chun earraí faoi rialú 'a fhorbairt', 'a tháirgeadh' nó 'a úsáid', is faoi rialú a bheidh sí i gcónaí, fiú nuair is infheidhme í maidir le hearraí neamhrialaithe.

An 'teicneolaíocht' sin arb í an teicneolaíocht íosta í is gá chun suiteáil, oibriú, cothabháil (seiceáil) nó deisiúchán na n-earraí sin nach bhfuil faoi rialú nó a n-údaraítear iad a onnmhairiú, níl feidhm ag aon rialuithe ina leith.

Nóta :

Ní chumhdaíonn an méid sin an 'teicneolaíocht' sin atá sonraithe in 1E002.e., 1E002.f., 8E002.a. agus 8E002.b.

Na rialuithe maidir le haistrithe 'teicneolaíochta', ní bheidh feidhm acu maidir le faisnéis 'atá san fhearann poiblí' ná maidir le 'taighde bunúsach eolaíoch', ná maidir leis an bhfaisnéis íosta is gá le haghaidh iarratais phaitinne.

NÓTA MAIDIR LE BOGEARRAÍ NÚICLÉACHA (NGB)

(Tá sáraíocht ag an nóta seo ar aon rialú i roinn D de Chatagóir 0)

Ní rialaítear le Roinn D de Chatagóir 0 den liosta seo 'bogearraí' arb é an 'cód aidhme' íosta is gá iad chun na hítimí sin ar údaraíodh a n-onnmhairiú a shuiteáil, a oibriú, a chothabháil (a sheiceáil) nó a dheisiú.

Nuair a cheadaítear earraí a onnmhairiú, údaraítear go n-onnmhaireofaí freisin chuig an úsáideoir deiridh céanna sin, an 'cód aidhme' íosta is gá chun na hearraí sin a shuiteáil, a oibriú, a chothabháil agus a dheisiú.

Nóta :

Ní dhíolmhaítear 'bogearraí' atá sonraithe i gCatagóir 5, Cuid 2 ('Slándáil Faisnéise') den Nóta maidir le Bogearraí Núicléacha.

NÓTA GINEARÁLTA MAIDIR LE BOGEARRAÍ (NGB)

(Tá sáraíocht ag an nóta seo ar aon rialú i roinn D de Chatagóir 1 go Catagóir 9.)

Ní rialaítear le Catagóir 1 go Catagóir 9 den liosta seo 'bogearraí' atá:

a.

Ar fáil i gcoitinne don phobal toisc: 1. Iad a bheith á ndíol ón stoc, gan srian, ag pointí miondíola, ar na slite seo a leanas: a. Idirbhearta thar an gcuntar; b. Idirbhearta tríd an bpost; c. Idirbhearta leictreonacha; nó d. Idirbhearta ar an nguthán; agus 2. Tá siad deartha chun go mbeidh an t-úsáideoir féin in ann iad a shuiteáil gan gá le tuilleadh mórtacaíochta ón soláthraí; Nóta : Ní dhíolmhaítear 'bogearraí' atá sonraithe i gCatagóir 5, Cuid 2 ('Slándáil Faisnéise') le hiontráil a. den Nóta Ginearálta maidir le Bogearraí.

b.	'San fhearann poiblí'; nó

c.	Ina 'gcód aidhme' íosta is gá chun na hítimí sin a bhfuil a n-onnmhairiú údaraithe a shuiteáil, a oibriú, a chothabháil (a sheiceáil) nó a dheisiú. Nóta : Ní dhíolmhaítear 'bogearraí' atá sonraithe i gCatagóir 5, Cuid 2 ('Slándáil Faisnéise') le hiontráil c. den Nóta Ginearálta maidir le Bogearraí.

NÓTA GINEARÁLTA MAIDIR LE 'SLÁNDÁIL FAISNÉISE' (GISN)

Ba cheart ítimí 'slándála faisnéise' nó feidhmeanna 'slándála faisnéise' a chur san áireamh i bhfianaise fhorálacha Chatagóir 5, Cuid 2, fiú más comhpháirteanna, 'bogearraí' nó feidhmeanna ítimí eile iad.

CLEACHTAIS EAGARTHÓIREACHTA IN IRIS OIFIGIÚIL AN AONTAIS EORPAIGH

I gcomhréir leis na rialacha a leagtar amach sa treoir stíle Idirinstitiúideach, i gcás téacsanna Gaeilge arna bhfoilsiú in Iris Oifigiúil an Aontais Eorpaigh:

—	úsáidtear camóg idir an tslánuimhir agus na deachúlacha,

—	léirítear slánuimhreacha ina dtrí agus ina dtrí, agus cuirtear spás beag idir gach sraith de thrí uimhir.

Leanann an téacs a thugtar san Iarscríbhinn seo an cleachtas thuasluaite.

ACRAINMNEACHA AGUS GIORRÚCHÁIN A ÚSÁIDTEAR SAN IARSCRÍBHINN SEO

Maidir le hacrainmneacha agus giorrúcháin a úsáidtear mar théarmaí sainmhínithe, féach 'Sainmhínithe ar Théarmaí a Úsáidtear san Iarscríbhinn seo'.

ACRAINMNEACHA AGUS GIORRÚCHÁIN
ABEC	Coiste na nInnealtóirí um Imthacaí Fáinneacha
ABMA	Comhlachas Meiriceánach na Monaróirí Giaranna
ADC	Tiontaire ó Analógach go Digiteach
AGMA	Comhlachas Meiriceánach na Monaróirí Giaranna
AHRS	Córais Tagartha um Shainstiúir agus Treo-cheann
AISI	An Institiúid Mheiriceánach um Iarainn agus um Chruach
ALE	Eipealuadair Chisil Adamhaigh
ALU	Aonad Loighce agus Uimhríochta
ANSI	An Institiúid Mheiriceánach um Chaighdeáin Náisiúnta
APP	Buaicfheidhmiú Coigeartaithe
APU	Aonad Cumhachta Cúnta
ASTM	An Cumann Meiriceánach um Thástálacha agus um Ábhair
ATC	Rialú Aerthráchta
BJT	Trasraitheoirí Dépholacha Cumair
BPP	Táirge na bParaiméadar Léis
BSC	Rialaitheoir Stáisiúin Bunáite
CAD	Dearadh Ríomhchuidithe
CAS	Seirbhís na gCoimrithe Ceimiceacha
CCD	Gléas Luchtchúpláilte
CDU	Aonad Rialaithe agus Taispeána
CEP	Earráid Chiorclach Dhóchúil
CMM	Meaisín Tomhaiste Comhordanáidí
CMOS	Leathsheoltóir Comhlántach Ocsaíde Miotail
CNTD	Deascadh Teirmeach trí Núicléatú Rialaithe
CPLD	Gaireas Loighce In-ríomhchláraithe Coimpléascach
CPU	Lár-Aonad Próiseála
CVD	Deascadh Ceimiceach Gaile
CC	Cogaíocht Cheimiceach
CW (do léasair)	Tonn Leanúnach
DAC	Tiontaire ó Analógach go Digiteach
DANL	Meánleibhéal Fuaime Léirithe
DBRN	Loingseoireacht Sonraí-Thagartha
DDS	Sintéiseoir Digiteach Díreach
DMA	Anailís Dhinimiciúil-Mheicniúil
DME	Trealamh Tomhais Achar
DMOSFET	Trasraitheoir Tionchair Réimse de chineál Leathsheoltóra Ocsaíde Idirleata
DS	Soladaithe ó thaobh an treo de
DP	Droichead pléascach
EB-PVD	Deascadh Fisiceach Gaile trí Léas Leictreoin
SPD	Sreang droichid phléascaigh
ECAD	Dearadh Leictreonach Ríomhchuidithe
ECM	Meaisíniú Leictriceimiceach
EDM	Meaisíní Díluchtaithe Leictreacha
TSP	Tionscnóirí Scragaill Phléascaigh
EIRP	Cumhacht Choibhéiseach Radaithe go hIseatrópach
EMP	Bíog Leictreamaighnéadach
ENOB	Líon Iarbhír na nGiotán
ERF	Bailchríochnú Leictrisreabheolaíoch
ERP	Cumhacht Choibhéiseach Radaithe
ESD	Díluchtú Leictreastatach
ETO	Tíreastóir Inscoite ag Astaíre
ETT	Tíreastóir Truiceartha Leictreach
AE	An tAontas Eorpach
EUV	Ultraivialait Fhoircneach
FADEC	Rialú Digiteach Innill le hÚdarás Iomlán
FFT	Trasfhoirm Tapa Fourier
FPGA	Eagar Geataí In-ríomhchláraithe sa Réimse
FPIC	Idirnasc In-ríomhchláraithe sa Réimse
FPLA	Eagar Loighce In-ríomhchláraithe sa Réimse
FPO	Oibríochtaí Snámhphointe
FWHM	Lánleithead ar Leath-Uasmhéid
TTRT	Trasraitheoir Tionchair Réimse Timpeallgheatach
GLONASS	Córas Domhanda um Loingseoireacht Satailíte
GNSS	Córas Domhanda um Loingseoireacht Satailíte
GPS	Córas Suite Domhanda
GSM	Córas Domhanda do Chumarsáid Mhóibíleach
GTO	Tíreastóir Inscoite ag Astaíre
HBT	Trasraitheoirí Heitrea-Dépholacha
HDMI	Comhéadan Ilmheán Ardghléine
HEMT	Trasraitheoir Ard-Soghluaiseachta Leictreon
EESI	An Eagraíocht Eitlíochta Sibhialta Idirnáisiúnta
IEC	An Coimisiún Idirnáisiúnta Leictriteicniúil
IED	Gaireas Pléascach Seiftithe
IEEE	Institiúid na nInnealtóirí Leictreacha agus Leictreonacha
IFOV	Réimse Radhairc Meandrach
IGBT	Trasraitheoir Dépholach a bhfuil Geata Inslithe aige
IGCT	Tíreastóir Cómhalartaithe Geata Chomhtháite
IHO	Eagraíocht Idirnáisiúnta Hidreagrafaíochta
ILS	Córas Tuirlingthe le hIonstraimí
IMU	Aonad Tomhais Táimhe
INS	Córas Loingseoireachta Táimhe
IP	Prótacal Idirlín
IRS	Córas Tagartha Táimhe
IRU	Aonad Tagartha Táimhe
ISA	Atmaisféar Caighdeánach Idirnáisiúnta
ISAR	Radar Cró Shintéisigh Inbhéartaigh
ISO	Eagraíocht Idirnáisiúnta um Chaighdeánú
ITU	An tAontas Idirnáisiúnta Teileachumarsáide
JT	Joule-Thomson
LIDAR	Aimsiú agus Raonáil Solais
LIDT	Tairseach an Damáiste Léasar-Aslaithe
LOA	Fad foriomlán
LRU	Aonad atá In-Athsholáthraithe sa líne
LTT	Tíreastóir Truiceartha Solais
MLS	Córais Tuirlingthe Micreathoinne
MMIC	Ciorcaid Iomlánaithe Micreathoinne Mhonailiotacha
MOCVD	Deascadh Ceimiceach Orgánaimhiotalach Gaile
MOSFET	Trasraitheoir Tionchair Réimse de chineál Leathsheoltóra Ocsaíde Idirleata
MPM	Modúl Cumhachta Micreathonnach
MRF	Bailchríochnú Maighnéadaisreabheolaíoch
MRF	Méid na Tréithe Intaifithe is Lú
MRI	Íomháú Athshondais Mhaighnéadaigh
MTBF	Meán-Am idir Theipeanna
MTTF	Meán-Am go Teip
NA	Cró Uimhriúil
NDT	Tástáil Neamhscriosach
GCP	Glanchainníocht Phléascach
NIJ	An Institiúid Náisiúnta Dlí agus Cirt
OAM	Oibríochtaí, Riarachán nó Cothabháil
OSI	Idirnasc Córas Oscailte
PAI	Polaimídí-imídí
PAR	Radar Ascnaimh Bheacht
PCL	Aimsiú Comhtháiteach Éighníomhach
PDK	Pacáiste Deartha Próisis
PIN	Uimhir Aitheantais Phearsanta
PMR	Raidió Soghluaiste Príobháideach
PVD	Deascadh Fisiceach gaile
Csm	codanna sa mhilliún
QAM	Modhnúchán na hAimplitiúide Cearnaithe
QE	Éifeachtúlacht Chandamach
RAP	Plasmaí Adamh Imoibríoch
RF	Radaimhinicíocht
rms	meán cuadratach
RNC	Rialaitheoir Líonra Raidió
RNSS	Córas Réigiúnach um Loingseoireacht Satailíte
ROIC	Cuaird Iomlánaithe Léamh Amach
S-FIL	Liteagrafaíocht Inphrionta Céime agus Splaince
SAR	Radar Cró Shintéisigh
SAS	Sonóir Cró Shintéisigh
SC	Criostal Aonair
SCR	Coigeartóir Sileacain Rialaithe
SFDR	Raon Dinimiciúil Saor Tuilí
SHPL	Léasar For-Ardchumhachta
SLAR	Radar aerbheirthe Taobhfhéachana
SOI	Sileacain ar Inslitheoir
SQUID	Gléas Trasnaíochta Candamach Forsheolta
SRA	Cóimeáil atá In-Athsholáthraithe sa Cheardlann
SRAM	Cuimhne Statach Randamrochtana
SSB	Taobh-bhanda Aonair
SSR	Radar Tánaisteach Faireachais
SSS	Sonóir Taobhscanta
TIR	Léamh Iomlán Léirithe
TVR	Freagairt Voltais Tarchuir
u	Aonad Maise Adamhaí
IAS	Inatriallacht Aontreoch Suíomhaimsiúcháin
UTS	Neart Teanntachta Deiridh
UV	Ultraivialait
VJFET	Trasraitheoirí Ingearacha Éifeacht Réimse an Chumair
VOR	Raon Uilethreoch An-Ardmhinicíochta
EDS	An Eagraíocht Dhomhanda Sláinte
WLAN	Líonra Achair Logánta gan Sreang

SAINMHÍNIÚ AR NA TÉARMAÍ A ÚSÁIDTEAR SAN IARSCRÍBHINN SEO

Tugtar sainmhínithe ar théarmaí idir 'comharthaí singile athfhriotail' i Nóta Teicniúil a bhaineann leis an ítim ábhartha.

Is iad seo a leanas na sainmhínithe ar théarmaí idir 'comharthaí dúbailte athfhriotail':

N.B.	Tugtar tagairtí don chatagóir idir lúibíní tar éis an téarma atá sainmhínithe.

Ciallaíonn 'cruinneas' (2 3 6 7 8) téarma a thomhaistear i dtéarmaí míchruinnis de ghnáth, uasdiall, deimhneach nó diúltach, luach sonraithe ó chaighdeán a nglactar leis nó ó fhíorluach.

'Córais ghníomhacha rialaithe eitilte' (7): córais iad seo a fheidhmíonn chun gluaiseachtaí míchuibhiúla nó ualaí struchtúracha míchuibhiúla de chuid 'aerárthaí' nó diúracán a chosc trí aschur ó roinnt braiteoirí a phróiseáil go huathrialach agus ansin trí na horduithe riachtanacha coisctheacha a sholáthar chun rialú uathoibríoch a fháil.

'Picteilín gníomhach' (6): is éard atá ann eilimint (aonair) íosta den eagar soladstaide a bhfuil feidhm aistrithe fótaileictrigh aige nuair atá sé nochta do radaíocht solais (leictreamaighnéadach).

'Buaicfheidhmiú coigeartaithe' (4): is éard atá ann buaic-ráta coigeartaithe ina ndéanann 'ríomhairí digiteacha' suimithe agus iolruithe snámhphointe 64 ghiotán nó níos mó, agus sloinntear é i dTeireaflapanna Ualaithe (TU) in aonaid de 1012 oibríochtaí snámhphointe coigeartaithe in aghaidh an tsoicind.

N.B.	Féach Catagóir 4, Nóta Teicniúil.

Ciallaíonn 'aerárthach' (1 6 7 9) feithicil aerbheirthe a bhfuil sciathán dobhogtha, sciathán sclóine, sciathán rothlach (héileacaptar), rótar claonta nó sciathán claonta aici.

N.B.	Féach freisin 'aerárthach sibhialta'.

Ciallaíonn 'aerlong' (9) feithicil aerbheirthe chumhacht-tiomáinte ar gás atá níos éadroime ná an t-aer (héiliam de ghnáth, hidrigin roimhe seo) a choinníonn ar foluain í.

Ciallaíonn 'le gach cúiteamh atá ar fáil' (2) tar éis gach beart indéanta atá ar fáil don mhonaróir a mheas, ar beart é lenar féidir gach earráid chórasach ó thaobh suite de a bhaineann leis an tsamhail de mheaisínuirlis sin a laghdú an oiread agus is féidir nó lenar féidir gach earráid tomhais a bhaineann leis an meaisín tomhais comhordanáidí sin a laghdú an oiread agus is féidir.

Ciallaíonn 'á leithroinnt ag ITU' (3 5) leithroinnt bandaí minicíochta de réir eagrán reatha Rialacháin Raidió AIT maidir le seirbhísí príomha, seirbhísí údaraithe agus seirbhísí tánaisteacha.

N.B.	Ní áirítear cionrannta breise ná cionrannta eile leis sin.

Ciallaíonn 'diall an tsuímh uilligh' (2) an difríocht is mó is féidir idir an suíomh uilleach agus an suíomh uilleach iarbhír, tomhaiste go fíorchruinn tar éis do cheap saotharphíosa an bhoird a bheith casta as an suíomh a raibh sé ar dtús.

Ciallaíonn 'bogadh randamach uillinne' (7) an earráid uillinne a charntar le himeacht aimsire mar thoradh ar thorann bán ar ráta uilleach (IEEE STD 528-2001).

'APP' (4): is ionann é agus 'Feidhmiú Bhuaic-ráta Coigeartaithe'.

Ciallaíonn 'algartam neamhshiméadrach' (5) algartam cripteagrafach ina n-úsáidtear eochracha difriúla matamaiticiúla don chriptiú agus don díchriptiú.

N.B.	Is minic a úsáidtear 'algartaim neamhshiméadracha' i mbainistiú eochracha.

Ciallaíonn 'fíordheimhniú' (5) céannacht úsáideora, próisis nó gléas a fhíorú, go minic mar réamhriachtanas chun rochtain ar acmhainní i gcóras faisnéise a cheadú. Áirítear leis sin fíorú a dhéanamh ar thionscnamh nó ábhar teachtaireachta nó faisnéise eile, agus gach gné de rialú rochtana nuair nach ndéantar aon chomhaid ná téacs a chriptiú ach amháin fad is a bhaineann go díreach le pasfhocail, Uimhreacha Aitheantais Phearsanta (Uimhreacha PIN) nó sonraí comhchosúla a chosaint ar rochtain neamhúdaraithe.

Ciallaíonn 'meánchumhacht aschurtha' (6) méid iomlán an fhuinnimh aschurtha 'léasair', i ngiúil, roinnte ar an achar ama, i soicindí, os cionn a gcuirtear amach sraith de bhíoga comhleanúnacha. I gcás sraith de bhíoga atá spásáilte go haonfhoirmeach, is ionann sin agus iomlán an fhuinnimh aschurtha 'léasair' in aon bhíog amháin, i ngiúil, méadaithe faoi mhinicíocht bíogtha an 'léasair', in Heirts.

Ciallaíonn 'moill ar fhorleathadh don gheata bunúsach' (3) luach na moille ar fhorleathadh a fhreagraíonn don gheata bunúsach a úsáidtear i 'gciorcad iomlánaithe monailiotach'. I gcás 'fine' de 'chiorcaid iomlánaithe mhonailiotacha', féadfar é sin a shonrú mar mhoill ar fhorleathadh in aghaidh geata tipiciúil san 'fhine' sin nó mar mhoill thipiciúil san fhorleathadh in aghaidh an gheata san 'fhine' sin.

N.B.1.

'Níor cheart 'moill ar fhorleathadh don gheata bunúsach' a mheascadh leis an moill ar ionchur/aschur i gcás 'ciorcad iomlánaithe monailiotach' casta.'

N.B.2.

Is éard atá i 'bhfine' na ciorcaid iomlánaithe uile a gcuirtear na nithe seo a leanas go léir i bhfeidhm ina leith mar mhodheolaíocht monaraíochta agus mar shonraíochtaí monaraíochta, ach amháin na feidhmeanna atá acu faoi seach: a. An ailtireacht crua-earraí agus an ailtireacht bogearraí choiteann; b. Teicneolaíocht choiteann an deartha agus na próiseála; agus c. Na buntréithe coiteanna.

Ciallaíonn 'taighde bunúsach eolaíoch' (GTN NTN) obair thurgnamhach nó obair theoiriciúil a dhéantar go príomha chun teacht ar eolas nua maidir le bunphrionsabail na bhfeiniméan nó na bhfíricí inbhraite seachas obair atá dírithe go príomhúil ar aidhm nó ar chuspóir sonrach praiticiúil.

Ciallaíonn 'laofacht' (méadar luasghéaraithe) (7) an meán thar thréimhse shonraithe d’aschur méadair luasghéaraithe, é á thomhas faoi chúinsí sonraithe oibriúcháin, agus gan aon chomhghaol ann le luasghéarú ná le rothlú an ionchuir. Sloinntear 'laofacht' in g nó i méadair in aghaidh an tsoicind chearnaithe (g nó m/s2). (Caighdeán IEEE 528-2001) (Miocra g cothrom le 1 × 10–6 g).

Ciallaíonn 'laofacht' (gíreascóp) (7) an meán thar thréimhse shonraithe d’aschur gíreascóip, é á thomhas faoi chúinsí sonraithe oibriúcháin, agus gan aon chomhghaol ann le luasghéarú ná le rothlú an ionchuir. Is i gcéimeanna in aghaidh na huaire (céim/uair) a shloinntear 'laofacht' de ghnáth. (Caighdeán IEEE 528-2001).

Is éard atá i gceist le 'hoibreáin bhitheolaíocha' (1): pataiginí nó tocsainí, roghnaithe nó modhnaithe (amhail íonacht, seilfré, nimhneacht, tréithe scaipthe, nó friotaíocht in aghaidh radaíochta UV a athrú) chun taismigh a tháirgeadh i ndaoine nó in ainmhithe, trealamh a dhíghrádú nó damáiste a dhéanamh do bharra nó don chomhshaol.

Ciallaíonn 'ceamáil' (2) díláithriú aiseach in aon rothlú amháin den phríomhfhearsaid agus é á thomhas i bplána atá ingearach le pláta fásála na fearsaide, ag pointe le hais imlíne phláta fásála na fearsaide (Tagairt: ISO 230-1:1986, mír 5.63).

Ciallaíonn 'CEP' (7) 'Earráid Chiorclach' - I ngnáthdháileadh ciorlach, ga an chiorcail ina bhfuil 50 % de na tomhais aonair atá á ndéanamh, nó ga an chiorcail a bhfuil dóchúlacht 50 % ann gur ann atá siad.

Ciallaíonn 'léasar ceimiceach' (6) léasar ina ngintear an speiceas flosctha leis an bhfuinneamh aschurtha le himoibriú ceimiceach.

Ciallaíonn 'meascán ceimiceach' (1) táirge soladach, leachtach nó gásach ina bhfuil dhá chomhpháirt nó níos mó nach n-imoibríonn le chéile faoi na coinníollacha ina bhfuil an meascán á stóráil.

Is éard atá i gceist le 'córais frith-chasmhóiminte faoi rialú an imshruthaithe nó córas rialaithe treo faoi rialú an imshruthaithe' (7) córais a bhaineann leas as aer a shéidtear thar dhromchlaí aerdinimiciúla d’fhonn cur leis na fórsaí a ghineann na dromchlaí nó d’fhonn na fórsaí sin a rialú.

Ciallaíonn 'aerárthach sibhialta' (1 3 4 7) na 'haerárthaí' sin a liostaíonn na húdaráis um eitlíocht shibhialta i gceann nó níos mó de Bhallstáit an Aontais Eorpaigh nó i stát atá rannpháirteach i gComhshocraíocht Wassenaar de réir ainmniúchán ar liostaí deimhnithe aeracmhainneachta chun taisteal ar bhealaí tráchtála sibhialta inmheánacha agus seachtracha nó chun úsáidí dlisteanacha sibhialta, príobháideacha nó gnó.

N.B.	Féach freisin 'aerárthach'.

Ciallaíonn 'rialaitheoir an chainéil chumarsáide' (4) an comhéadan fisiceach a rialaíonn sreabhadh na faisnéise digití sioncrónaí nó aisioncrónaí. Is éard atá ann cóimeáil ar féidir í a chomhtháthú i dtrealamh ríomhaireachta nó i dtrealamh teileachumarsáide ionas go mbeidh rochtain ar chumarsáid.

Tá 'córais cúitimh' (6) comhdhéanta de bhraiteoir príomhúil scálach, braiteoir tagartha amháin nó níos mó (e.g. maighnéadmhéadair veicteoirí) chomh maith le bogearraí lenar féidir torann rothlaithe an choirp dhocht de chuid an ardáin a laghdú.

Ciallaíonn 'comhchodach' (1 2 6 8 9) 'maitrís' agus pas breise nó pasanna breise ina bhfuil cáithníní, guairí, snáithíní nó aon chomhcheangal díobh sin, agus iad ann chun críche sonraí nó chun críoch sonrach.

Ciallaíonn 'comhdhúile III/V' (3 6) táirgí polachriostalacha nó táirgí dénártha nó táirgí coimpléascacha monachriostalacha arb éard atá iontu dúile ó ghrúpa IIIA agus VA de thábla rangaithe peiriadach Mendeleyev (e.g. arsainíd ghailliam, arsainíd alúmanaim-ghailliam, foisfíd indiam).

Ciallaíonn 'comhrianú a rialú' (2) dhá ghluaisne nó níos mó atá 'faoi rialú uimhriúil' agus a fheidhmíonn i gcomhréir le treoracha lena sonraítear an chéad suíomh eile a éilítear agus na rátaí fotha a éilítear chuig an suíomh sin. Bíonn na rátaí fotha sin éagsúil ó chéile chun an comhrianú is inmhianaithe a bhaint amach. (tag. ISO/DIS 2806 - 1980).

Ciallaíonn 'teocht chriticiúil' (1 3 5) (dá dtagraítear uaireanta mar an teocht thrasdultach) de chuid ábhar sonrach 'forsheoltach' an teocht sin ag a gcailleann an t-ábhar an fhriotaíocht atá aige in aghaidh shreabhadh an tsrutha leictrigh leanúnaigh.

Ciallaíonn 'gníomhachtú cripteagrafach' (5) aon teicníc lena ngníomhachtaítear nó lena gcumasaítear cumas cripteagrafach ítime, trí mheicníocht shlán a chuireann monaróir an earra chun feidhme, i gcás ina bhfuil an mheicníocht sin ceangailte go huathúil d’aon cheann de na nithe seo a leanas:

1.	Aon ásc amháin den ítim; nó

2.	Custaiméir amháin, i gcás níos mó ná ásc amháin den ítim.

Nótaí Teicniúla:

1.	Féadfar teicnící agus meicníochtaí an 'ghníomhachtaithe chripteagrafaigh' a chur chun feidhme mar chrua-earraí, mar 'bhogearraí' nó mar 'theicneolaíocht'.

2.	D’fhéadfadh eochracha ceadúnais atá bunaithe ar shraithuimhir nó ionstraimí fíordheimhnithe amhail teastais atá sínithe go digiteach, mar shampla, a bheith ina meicníochtaí le haghaidh 'gníomhaíochtú cripteagrafach'.

Ciallaíonn 'cripteagrafaíocht' (5) an disciplín a chorpraíonn na prionsabail, na bealaí agus na modhanna le sonraí a athrú ó bhonn d’fhonn ábhar faisnéise na sonraí sin a cheilt, d’fhonn a chinntiú nach bhféadfaí na sonraí sin a mhodhnú i ngan fhios, nó d’fhonn úsáid neamhúdaraithe na sonraí sin a chosc. Ní bhaineann an 'chripteagrafaíocht' ach le faisnéis a athrú ó bhonn trí leas a bhaint as 'paraiméadar rúnda' amháin nó níos mó (e.g. cripteathróga) nó as an mbainistiú gaolmhar eochracha.

Nótaí:

1.	Ní áirítear le 'Cripteagrafaíocht' teicnící comhbhrúite nó códúcháin do shonraí 'fosaithe'.

2.	Áirítear díchriptiú le 'cripteagrafaíocht'.

Nótaí Teicniúla:

1.	'Paraiméadar rúnda': tairiseach nó eochair a dhéantar a cheilt ar dhaoine eile nó nach roinntear ach le grúpa áirithe.

2.	'Fosaithe': ní féidir leis an algartam códúcháin ná leis an algartam comhbhrúite glacadh le paraiméadair a sholáthraítear go seachtrach (e.g. athróga cripteagrafacha nó eochairathróga) ná ní féidir leis an úsáideoir an t-algartam a mhodhnú.

Ciallaíonn 'léasar toinne leanúnaí' (6) 'léasar' lena soláthraítear aschur fuinnimh atá leanúnach go hainmniúil ar feadh níos mó ná 0,25 soicind.

Ciallaíonn 'freagairt ar chibeartheagmhas' (4) an próiseas lena ndéantar an fhaisnéis is gá maidir le cibeartheagmhas a mhalartú le daoine aonair nó le heagraíochtaí atá freagrach as feabhsúchán a dhéanamh nó a chomhordú chun aghaidh a thabhairt ar an gcibeartheagmhas.

Ciallaíonn Córais 'Loingseoireachta Sonraí-Thagartha' ('DBRN') (7) córais ina mbaintear leas as foinsí éagsúla sonraí geo-mhapála a rinneadh a thomhas roimhe sin agus a dhéantar a chomhtháthú ionas go gcuirtear faisnéis chruinn loingseoireachta ar fáil faoi dhálaí dinimiciúla. Áirítear le foinsí sonraí, léarscáileanna bataiméadracha, léarscáileanna réaltaí, léarscáileanna domhantarraingthe, léarscáileanna maighnéadacha nó léarscáileanna digiteacha 3-D den tír-raon.

Ciallaíonn 'úráiniam laghdaithe' (0) úráiniam laghdaithe in iseatóp 235 faoi bhun an leibhéil atá sa nádúr.

Baineann 'forbairt' (GTN NTN Uile) le gach céim a thagann roimh an táirgeacht shrathach, mar shampla: dearadh, taighde ar dhearadh, anailísí ar dhearadh, coincheapa maidir le dearadh, fréamhshamhlacha a chóimeáil agus a thástáil, scéimeanna maidir le táirgeacht phíolótach, sonraí maidir le dearadh, an próiseas ina ndéantar táirge de na sonraí maidir le dearadh, dearadh na cumraíochta, dearadh an chomhtháthaithe, agus an leagan amach.

Ciallaíonn 'nascadh trí idirleathadh' (1 2) nascadh soladstaideach ina ndéantar ar a laghad dhá phíosa miotail ar leithligh a nascadh ina bpíosa amháin inar comhionann neart a ailt le neart an ábhair is laige, agus inarb é an phríomh-mheicníocht ná eadar-idirleathadh adamh trasna an chomhéadain.

Ciallaíonn 'ríomhaire digiteach' (4 5) trealamh a bhfuil ar a chumas an méid seo a leanas ar fad a dhéanamh, i bhfoirm athróg scoite amháin nó níos mó:

a.	Glacadh le sonraí;

b.	Sonraí nó treoracha a stóráil i bhfeistí stórais atá fosaithe nó inathraithe (inscríofa);

c.	Sonraí a phróiseáil trí sheicheamh stóráilte treoracha, ar seicheamh inmhodhnaithe é; agus

d.	Sonraí aschuir a sholáthar.

N.B.	Maidir le seicheamh treoracha atá stóráilte a mhodhnú, áirítear leis an modhnú sin feistí eile stórála atá fosaithe a chur in ionad na bhfeistí atá ann cheana, ach ní áirítear leis aon athrú fisiceach ar shreangú ná ar idirnaisc.

Ciallaíonn 'ráta an aistrithe dhigitigh' (sainmhíniú) ráta iomlán giotán na faisnéise sin a aistrítear go díreach ar aon chineál meáin.

N.B.	Féach freisin 'Ráta iomlán an aistrithe dhigitigh'.

Ciallaíonn 'ráta síobtha' (gíreascóp) (7) an chomhpháirt d’aschur gíreascóip a fheidhmíonn agus í neamhspleách ar rothlú an ionchuir. Sloinntear é mar ráta uilleach. (Caighdeán IEEE 528-2001).

Ciallaíonn 'gram éifeachtach' (0 1), i gcás 'ábhar inscoilte speisialta', na nithe seo a leanas:

a.	I gcás iseatóip phlútóiniam agus iseatóip úráiniam-233, meáchan an iseatóip i ngraim;

b.	I gcás úráiniam atá saibhrithe 1 faoin gcéad nó níos mó in iseatóp úráiniam-235, meáchan na dúile i ngraim, méadaithe faoin saibhriú cearnaithe á shloinneadh mar chodán deachúil den mheáchan;

c.	I gcás úráiniam atá saibhrithe faoi bhun 1 faoin gcéad in iseatóp úráiniam-235, meáchan na dúile i ngraim, méadaithe faoi 0,0001;

Ciallaíonn 'cóimeáil leictreonach' (2 3 4) roinnt comhpháirteanna leictreonacha (i.e. 'eilimintí ciorcaid', 'comhpháirteanna scoite', ciorcaid iomlánaithe, etc.) atá nasctha le chéile chun (a) feidhm shonrach nó feidhmeanna sonracha a chur i gcrích, atá in-athsholáthraithe ina n-iomláine agus ar gnách gur féidir iad a dhíchóimeáil.

N.B.1.

'Eilimint ciorcaid': cuid fheidhmeach aonair de chiorcad leictreonach, bíodh sí gníomhach nó éighníomhach, mar shampla aon dé-óid amháin, aon trasraitheoir amháin, aon fhriotóir amháin, aon toilleoir amháin, etc.

N.B.2.

'Comhpháirt scoite': 'eilimint ciorcaid' a dhéantar a phacáistiú léi féin agus a bhfuil a naisc sheachtracha féin aici.

Ciallaíonn 'ábhair fuinneamhachais' (1) substaintí nó meascáin a imoibríonn go ceimiceach chun fuinneamh a scaoileadh, fuinneamh atá riachtanach don fheidhm atá ceaptha ina leith. Is fo-aicme d’ábhair fuinneamhachais iad 'pléascáin', 'ábhair phiriteicniúla' agus 'tiomántáin'.

Ciallaíonn 'éifeachtóirí deiridh' (2) greamáin, 'aonaid uirlisithe ghníomhacha' agus aon uirlisiú eile a cheanglaítear leis an mbonnphláta ag ceann ghéag láimhsitheora 'róbait'.

N.B.	Is éard atá in 'aonad uirlisithe gníomhach' gaireas lena dtugtar cumhacht tiomána, fuinneamh próiseála nó braiteacht don saotharphíosa.

Ciallaíonn 'dlús coibhéiseach' (6) mais achair optúil a bhfuil optach in aghaidh an aonaid ann agus é á theilgean ar an dromchla optúil.

Ciallaíonn 'caighdeáin choibhéiseacha' (1) caighdeáin náisiúnta nó idirnáisiúnta inchomparáide arna n-aithint ag Ballstát amháin nó níos mó de chuid an Aontais nó ag Stát amháin nó níos mó atá rannpáirteach i gComhshocrú Wassenaar, agus atá infheidhme maidir leis an iontráil ábhartha.

Ciallaíonn 'pléascáin' (1) substaintí nó meascáin, bídís soladach, leachtach nó gásach, nach mór dóibh madhmadh nuair atá feidhm á baint astu mar lánáin phríomhúla, mar lánáin threisithe nó mar phríomhlánáin i bpléasc-chinn, i scartáil agus i bhfeidhmeanna eile.

Ciallaíonn 'Córais FADEC' (9) Córais Lánúdaráis do Rialú Digiteach ar Innill – córas digiteach leictreonach rialaithe d’inneall gástuirbín a bhfuil ar a chumas an t-inneall a rialú go huathrialach tríd an raon oibriúcháin go léir ón uair a éilítear an t-inneall a thosú go dtí go n-éilítear an t-inneall a mhúchadh, faoi ghnáthchúinsí agus faoi chúinsí lochta araon.

Áirítear le 'hábhair shnáithíneacha nó ábhair fhiliméadacha' (0 1 8 9) na nithe seo a leanas:

a.	'Monaifiliméid' leanúnacha;

b.	'Snáth' leanúnach agus 'caisirníní' leanúnacha;

c.	'Téipeanna', fabraicí, mataí randamacha agus bréideanna randamacha;

d.	Blaincéid déanta as snáithíní mionghearrtha, snáithíní stáplacha agus snáithíní comhtháite;

e.	Guairí, bídís monachriostalach nó polachriostalach, fada nó gearr;

f.	Laíon polaimíde aramatach.

Ciallaíonn 'ciorcad iomlánaithe scannánach' (3) eagar 'd’eilimintí ciorcaid' agus d’idirnaisc mhiotalacha a fhoirmítear nuair a dheascann scannán tiubh nó tanaí ar 'fhoshraith' inslithe.

N.B.	Is éard atá in 'eilimint ciorcaid' cuid fheidhmeach aonair de chiorcad leictreonach, bíodh sí gníomhach nó éighníomhach, mar shampla aon dé-óid amháin, aon trasraitheoir amháin, aon fhriotóir amháin, aon toilleoir amháin, etc.

Ciallaíonn 'córas eitilte solasrialaithe' (7) príomhchóras rialaithe dhigitigh eitilte lena n-úsáidtear aischothú chun an 't-aerárthach' a rialú le linn eitilte, i gcás inar comharthaí optúla iad na horduithe chuig na héifeachtóirí/gníomhróirí.

Ciallaíonn 'córas eitilte sreangrialaithe' (7) príomhchóras rialaithe dhigitigh eitilte lena n-úsáidtear aischothú chun an t-aerárthach a rialú le linn eitilte, i gcás inar comharthaí optúla iad na horduithe chuig na héifeachtóirí/gníomhróirí.

Ciallaíonn 'eagar de phlánaí fócasacha' (6 8) ciseal líneach plánach nó ciseal déthoiseach plánach, nó teaglaim de chisil phlánacha, d’eilimintí brathadóireachta aonair, bíodh nó ná bíodh leictreonaic léitheoireachta aige, a fheidhmíonn sa phlána fócasach.

N.B.	Níl sé i gceist go n-áireofaí leis seo cruach eilimintí brathadóireachta aonair ná aon bhrathadóirí dhá eilimint, trí eilimint nó ceithre eilimint ar choinníoll nach gcuirtear tréimhse moille ná suimeáil i bhfeidhm laistigh den eilimint.

Ciallaíonn 'bandaleithead codánach' (3 5) an 'bandaleithead meandrach' roinnte ar an minicíocht lárnach agus arna shloinneadh mar chéatadán.

Ciallaíonn 'abhóga minicíochta' (5 6) cineál 'spréspeictreaim' ina n-athraítear minicíocht tharchurtha de chuid cainéal aonair cumarsáide trí shraith randamach nó súdrandamach de chéimeanna scoite.

Ciallaíonn 'aga lasctha minicíochta' (3) an méid ama (i.e. an mhoill) a thógann sé ar chomhartha agus é á lascadh ó mhinicíocht aschurtha sonraithe tosaigh, chun teacht go dtí aon cheann díobh seo a leanas nó ina fhoisceacht:

a.	± 100 Hz de mhinicíocht aschurtha sonraithe deiridh is lú ná 1 GHz; nó

b.	± 0.1 cuid in aghaidh an mhilliúin de mhinicíocht aschurtha sonraithe deiridh arb ionann agus 1 GHz í nó ar mó ná sin í.

Is éard atá i gceist le 'breosla-chill' (8) feiste leictriceimiceach a thiontaíonn fuinneamh ceimiceach ina leictreachas Srutha Dhírigh (DC) trí bhreosla a thagann ó fhoinse sheachtrach a ídiú.

Ciallaíonn 'in-chomhleáite' (1) ní is féidir a thrasnascadh tuilleadh nó a pholaiméiriú tuilleadh (leasaithe) trí leas a bhaint as teas, as radaíocht, as catalaígh, etc., nó ní is féidir a leá gan phirealú (gan ghualú).

Ciallaíonn ‘Trasraitheoir Tionchair Réimse Timpeallgheatach ('TTRT') (3) gléas a bhfuil eilimint(í) aonchainéil nó ilchainéil seolta leathsheoltóra aige le struchtúr geata coitinn ann a theann timpeall ar sruth gach eilimintí cainéil seolta leathsheoltóra agus a rialaíonn an sruth sin.

N.B.	Áirítear leis an sainmhíniú seo nanaibhileog nó tionchar réimse nanaishreinge agus trasraitheoirí timpeallgheatacha agus struchtúir eiliminte cainéil leathsheoltóra 'TTRT' eile.

Ciallaíonn 'roghnóirí dochta' (5) sonraí nó tacar sonraí, a bhaineann le duine aonair (e.g. sloinne, céadainm, seoladh ríomhphoist, seoladh poist, uimhir ghutháin nó grúpchleamhnachtaí).

Ciallaíonn 'gléas treoraíochta' (7) córais lena gcomhtháthaítear an próiseas ina ndéantar suíomh agus luas feithicle a thomhas agus a ríomh (i.e. loingsiú) leis an bpróiseas ina ndéantar orduithe a ríomh agus a sheoladh chuig córais rialaithe eitilte na feithicle chun an ruthag a cheartú.

Ciallaíonn 'ciorcad iomlánaithe hibrideach' (3) aon teaglaim de chiorcad nó de chiorcaid iomlánaithe, nó de chiorcad iomlánaithe a bhfuil 'eilimintí ciorcaid' nó 'comhpháirteanna scoite' aige atá nasctha le chéile chun feidhm shonrach nó feidhmeanna sonracha a chur i gcrích, agus ar fíor ina leith gach ceann díobh seo a leanas:

a.	Tá feiste amháin ann, ar a laghad, nach bhfuil imchochlaithe;

b.	Tá sé nasctha le chéile trí ghnáthmhodhanna táirgthe ciorcad iomlánaithe;

c.	Tá sé in-athsholáthraithe ina iomláine; agus

d.	Ní féidir é a bhaint as a chéile de ghnáth.

N.B.1.

'Eilimint ciorcaid': cuid fheidhmeach aonair de chiorcad leictreonach, bíodh sí gníomhach nó éighníomhach, mar shampla aon dé-óid amháin, aon trasraitheoir amháin, aon fhriotóir amháin, aon toilleoir amháin, etc.

N.B.2.

'Comhpháirt scoite': 'eilimint ciorcaid' a dhéantar a phacáistiú léi féin agus a bhfuil a naisc sheachtracha féin aici.

Ciallaíonn 'feabhsú íomhánna' (4) próiseáil a dhéanamh le halgartaim ar íomhánna a dhíorthaítear go seachtrach agus a bhfuil faisnéis iontu, amhail comhbhrú ama, scagadh, eastóscadh, roghnú, comhghaolú, conbhlóidiú, nó trasfhoirmiú idir fearainn (e.g. trasfhoirmiú tapa Fourier nó trasfhoirmiú Walsh). Ní áirítear leis sin algartaim nach n-úsáideann ach trasfhoirmiú líneach nó trasfhoirmiú rothlach maidir le híomhá aonair, mar shampla aistriúchán, eastóscadh gnéithe, clárú nó dathú bréagach.

Is éard atá i gceist le 'himdhíon-tocsain' (1) comhchuingeach d’antashubstaint mhonaclónach atá sonrach do chineál amháin cille agus de 'thocsain' nó de 'fho-aonad de thocsain', agus ar comhchuingeach é nach dtéann i bhfeidhm ach ar chealla galracha.

Ciallaíonn 'atá san fhearann poiblí' (GTN NTN NGB), de réir mar atá feidhm aige san Iarscríbhinn seo, 'teicneolaíocht' nó 'bogearraí' a cuireadh ar fáil agus nár cuireadh aon srian i bhfeidhm maidir lena scaipeadh ina dhiaidh sin (ní chiallaíonn srian ó thaobh cóipchirt de go dtógtar 'teicneolaíocht' nó 'bogearraí' as 'an bhfearann poiblí').

Is éard atá i gceist le 'slándáil faisnéise' (NGB GISN 5) na bealaí go léir agus na feidhmeanna go léir lena n-áirithítear inrochtaineacht, rúndacht nó sláine faisnéise nó teileachumarsáide, ach ní áirítear leis sin na bealaí ná na feidhmeanna atá ceaptha cosaint a thabhairt in aghaidh teipeanna. Áirítear leis seo 'cripteagrafaíocht', 'gníomhachtú cripteagrafach', 'crioptanailís', cosaint ar an sceitheadh amhrasach agus slándáil na ríomhairí.

Nóta Teicniúil:

'Crioptanailís': anailís ar chóras cripteagrafaíochta nó ar ionchur agus aschur an chórais sin chun athróga rúnda nó sonraí íogaire, lena n-áirítear glantéacs, a bhaint as.

Ciallaíonn 'Bandaleithead meandrach' (3 5 7) an bandaleithead sin ina bhfanann cumhacht an aschurtha ag leibhéal seasmhach laistigh de 3 dB gan aon pharaiméadair oibríochta eile a choigeartú.

Cuirtear 'insliú' (9) le comhpháirteanna de mhótar roicéid, i.e. leis an gcás, leis an mbuinne, leis na hionraoin, le hiaimh an cháis, agus áirítear leis stoc leatháin déanta as rubar comhshuite atá leasaithe nó leath-leasaithe ina bhfuil ábhar inslithe nó teasfhulangach. Féadfar é a chur leis freisin mar bhútáil nó mar fhlapaí strusmhaolaithe.

Tá 'lineáil inmheánach' (9) oiriúnach don nasc-chomhéadan idir an tiomántán soladach agus an cás nó an líneáil inslithe. Is éard a bhíonn ann de ghnáth easrú ábhar teasfhulangach nó ábhar inslithe ar bhun polaiméir leachtaí, e.g. polabútaidhé-éin hiodrocsail-fhoirceanta líonta le carbón (HTPB) nó polaiméir eile ar cuireadh oibreáin leasaithe léi trína spraeáil nó trína scrídeáil ar an taobh istigh den chás.

Ciallaíonn 'Tiontaire Idirdhuillithe ó Analógach go Digiteach (ADC)' (3) feistí a bhfuil aonaid ADC iolracha acu lena samplaítear an t-ionchur analógach céanna ag amanna difriúla ionas, agus na haschuir á gcomhiomlánú, go mbeidh an t-ionchur analógach sampláilte go héifeachtach agus tiontaithe ag ráta samplála níos airde.

Is éard atá i gceist le 'Grádaiméadar Maighnéadach Intreach' (6) eilimint aonair lena mbraitear grádán an réimse mhaighnéadaigh agus an leictreonaic ghaolmhar, arb é is aschur dó tomhas ar ghrádán an réimse mhaighnéadaigh.

N.B.	Féach freisin 'Grádaiméadar Maighnéadach'.

Ciallaíonn 'bogearraí ionraidh' (4 5) 'bogearraí' atá saindeartha nó sainmhodhnaithe ionas nach mbraithfí iad leis na 'huirlisí faireacháin' a bheadh ag ríomhaire nó ag feiste ar féidir léi dul ar líonraí, nó chun 'frithbhearta cosanta' ríomhaire nó feiste den sórt sin a shárú, agus a dhéanann aon cheann de na nithe seo a leanas:

a.	Sonraí nó faisnéis a bhaint as ríomhaire nó as feiste ar féidir léi dul ar líonraí, nó sonraí córais nó úsáideora a mhodhnú; nó

b.	conair chaighdeánach rite cláir nó próisis a mhodhnú chun gur féidir treoracha arna dtabhairt go seachtrach a chur i gcrích.

Nótaí:

1.

Ní áirítear le 'bogearraí ionraidh' aon cheann díobh seo a leanas: a. Hipearscáthláin, dífhabhtóirí nó uirlisí Ais-Innealtóireachta Bogearraí (SRE); b. 'Bogearraí' Bainistithe Ceart Digiteach (DRM); nó c. 'Bogearraí' atá deartha lena suiteáil ag monaróirí, riarthóirí nó úsáideoirí, chun críoch sócmhainní a rianú nó a aisghabháil.

2.	Áirítear le feistí ar féidir leo dul ar líonraí feistí soghluaiste agus méadair chliste.

Nótaí Teicniúla:

1.

'Uirlisí faireacháin': 'Bogearraí' nó feistí crua-earraí a dhéanann faireachán ar iompraíochtaí córais nó ar phróisis atá ag rith ar fheiste. Áirítear leis sin táirgí frithvíreas (AV), táirgí slándála pointe deiridh, táirgí slándála pearsanta (PSP), córais braite ionraidh (IDS), córáis coiscthe ionraidh (IPS) nó ballaí dóiteáin.

2.	'Frithbhearta cosanta': teicnící atá deartha chun a áirithiú go rithfí cód go sábháilte, amhail Cosc ar Rith Sonraí (DEP), Randamú Leagan Amach Spás an tSeolta (ASLR) nó rith cláir sa bhosca gainimh.

Áirítear le 'saothráin bheo atá ar leithlis' (1) saothráin bheo atá suanach agus saothráin bheo atá in ullmhóidí triomaithe.

Ciallaíonn 'fáisceáin iseastatacha' (2) trealamh lenar féidir cuas iata a bhrúchóiriú trí mheáin éagsúla (gás, leacht, cáithníní soladacha, etc.) chun brú cothrom a chruthú i ngach treo laistigh den chuas, brú a bheidh le cur i bhfeidhm ar shaotharphíosa nó ar ábhar.

Is éard atá i gceist le 'léasar' (0 1 2 3 5 6 7 8 9) ítim lena ndéantar solas atá comhleanúnach ó thaobh spáis agus ama a tháirgeadh trí astú spreagtha radaíochta a aimpliú.

N.B.	Féach freisin 'Léasar ceimiceach'; 'Léasar CW'; 'Léasar bíogach'; 'Léasar for-ardchumhachta'.

Ciallaíonn 'leabharlann' (1) (bunachar paraiméadrach sonraí teicniúla) bailiúchán d’fhaisnéis theicniúil, a bhféadfaí feabhas a chur ar fheidhmíocht na gcóras, an trealaimh nó na gcomhpháirteanna cuí trí thagairt a dhéanamh di.

Ciallaíonn 'feithiclí atá níos éadroime ná an t-aer' (9) balúin agus 'aerlonga' a bhíonn ag brath ar aer te nó ar gháis eile atá níos éadroime ná an t-aer, gáis mar héiliam nó hidrigin, chun go bhféadfaidh siad éirí in airde.

Ciallaíonn 'líneacht' (2) (is i dtéarmaí neamhlíneachta a thomhaistear é de ghnáth) uasdiall na sainuimhreach iarbhír (meán an léimh is airde agus an léimh is ísle), deimhneach nó diúltach, ó líne dhíreach a dhéantar a shuí sa tslí go ndéanfaí na huasdialltaí a chothromú agus a íoslaghdú.

Is éard atá i gceist le 'líonra ceantair logánta' (4 5) córas cumarsáide sonraí ar fíor ina leith gach ceann díobh seo a leanas:

a.	Trí bhíthin an chórais sin, is féidir le líon treallach 'feistí sonraí' neamhspleácha teagmháil a dhéanamh le chéile go díreach; agus

b.	Ní bhaineann sé ach le ceantar geografach a bhfuil achar measartha ann (e.g. bloc oifigí, monarcha, campas, trádstóras).

N.B.	Ciallaíonn 'feiste sonraí' trealamh a bhfuil ar a chumas seichimh d’fhaisnéis dhigiteach a tharchur nó a bhfuil ar a chumas glacadh leis na seichimh sin.

Is éard atá i gceist le 'grádaiméadair mhaighnéadacha' (6) uirlisí atá deartha chun comhathrú spáis na réimsí maighnéadacha a thagann ó fhoinsí atá lasmuigh den uirlis féin a aimsiú. Is éard atá ann roinnt 'maighnéadaiméadar' agus an leictreonaic ghaolmhar, arb é is aschur dó tomhas ar ghrádán an réimse mhaighnéadaigh.

N.B.	Féach freisin 'Grádaiméadar Maighnéadach Intreach'.

Is éard atá i gceist le 'maighnéadaiméadair' (6) uirlis atá deartha chun réimsí maighnéadacha a thagann ó fhoinsí atá lasmuigh den uirlis féin a aimsiú. Is éard atá iontu eilimint shingil lena mbraitear grádán réimse mhaighnéadaigh agus an leictreonaic ghaolmhar, arb é is aschur dóibh tomhas ar an réimse maighnéadach.

Áirítear le 'hábhair atá díonach ar chreimeadh ag UF6' (0) copar, cóimhiotail chopair, cruach dhosmálta, alúmanam, ocsaíd alúmanaim, cóimhiotail alúmanaim, nicil nó cóimhiotail ina bhfuil 60 % nó níos mó de nicil de réir meáchain agus polaiméirí hidreacarbóin fluairínithe.

Ciallaíonn 'maitrís' (1 2 8 9) pas atá leanúnach cuid mhaith agus a líonann an spás idir cáithníní, guairí nó snáithíní.

Is éard atá i gceist le 'neamhchinnteacht tomhais' (2) an sainpharaiméadar lena sonraítear an raon timpeall ar luach an aschurtha ina bhfuil luach ceart na hathróige intomhaiste taobh istigh de leibhéal muiníne 95 %. Áirítear leis na dialltaí córasacha neamhcheartaithe an frithbhualadh neamhcheartaithe agus na dialltaí randamacha (tag. ISO 10360-2).

Ciallaíonn 'micrichiorcad micriríomhaire' (3) 'ciorcad iomlánaithe monailiotach' nó 'ciorcad iomlánaithe ilslise' a bhfuil aonad loighce agus uimhríochta (ALU) ann a bhfuil ar a chumas treoracha ginearálta a chur i bhfeidhm ó chuimhne inmheánach, ar shonraí atá sa chuimhne inmheánach.

N.B.	Féadfar cur leis an gcuimhne inmheánach le cuimhne sheachtrach.

Ciallaíonn 'micrichiorcad micreaphróiseálaí' (3) 'ciorcad iomlánaithe monailiotach' nó 'ciorcad iomlánaithe ilslise' a bhfuil aonad loighce agus uimhríochta (ALU) ann a bhfuil ar a chumas sraith de threoracha ginearálta a chur i bhfeidhm ó chuimhne sheachtrach.

N.B.1.

Ní gnách go mbíonn cuimhne dhílis a bheadh ar fáil d’úsáideoirí ag an 'micrichiorcad micreaphróiseálaí', cé gur féidir an chuimhne atá ar an tslis a úsáid agus feidhm loighce an mhicrichiorcaid sin á cur i bhfeidhm.

N.B.2.

Áirítear leis sin sraitheanna de shliseanna atá ceaptha oibriú le chéile ionas go bhfeidhmeoidh an 'micrichiorcad micreaphróiseálaí'.

Ciallaíonn 'miocrorgánaigh' (1 2) bactéir, víris, míceaphlasmaí, rickettsiae, clamaidia nó fungais, bídís nádúrtha, feabhsaithe nó modhnaithe, i bhfoirm 'saothráin bheo atá ar leithlis' nó mar ábhar lena n-áirítear ábhar beo atá ionaclaithe nó éillithe d’aon ghnó lena macasamhail de shaothráin.

Ciallaíonn 'diúracáin' (1 2 3 6 7 9) córais iomlána roicéad agus córais aerfheithiclí gan foireann, a bhfuil ar a gcumas cinn diúracáin 500 kg ar a laghad a sheachadadh ag raon 300 km ar a laghad.

'Monafiliméad' (1) nó filiméad: an breisiú is lú de shnáithín, gan aige ach trastomhas cúpla micriméadar de ghnáth.

Ciallaíonn 'ciorcad iomlánaithe monailiotach' (3) teaglaim 'd’eilimintí ciorcaid', bídís éighníomhach nó gníomhach, nó an dá rud, agus ar fíor ina leith an méid seo a leanas:

a.	Foirmítear iad trí phróiseas idirleata, trí phróisis ionchlannaithe nó trí phróisis deasctha in ábhar leathsheoltach aonair nó ar ábhar leathsheoltach aonair, ní ar a dtugtar 'slis';

b.	Glactar leis go bhfuil siad doroinnte; agus

c.	Cuireann siad feidhm nó feidhmeanna an chiorcaid i gcrích.

N.B.	Is éard atá in 'eilimint ciorcaid' cuid fheidhmeach aonair de chiorcad leictreonach, bíodh sí gníomhach nó éighníomhach, mar shampla aon dé-óid amháin, aon trasraitheoir amháin, aon fhriotóir amháin, aon toilleoir amháin, etc.

Ciallaíonn 'Ciorcad Iomlánaithe Micreathoinne Monailiotach' ('MMIC') (3 5) 'ciorcad iomlánaithe monailiotach' a oibríonn ag minicíochtaí micreathoinne nó toinne milliméadair.

'Braiteoirí um íomháú monaspeictreach' (6): tá ar a gcumas sonraí ón íomháú a ghnóthú ó bhanda speictreach scoite aonair.

Ciallaíonn 'ciorcad iomlánaithe ilslise' (3) dhá 'chiorcad iomlánaithe mhonailiotacha' nó níos mó agus iad nasctha le 'foshraith' choiteann.

Ciallaíonn 'Tiontaire Ilchainéil ó Analógach go Digiteach (ADC)' (3) feistí lena gcomhtháthaítear níos mó ná aon ADC amháin, atá saindeartha chun go mbeidh ionchur analógach ar leithligh ag gach ADC.

Tá 'Braiteoirí um íomháú ilspeictreach' (6) ar a gcumas sonraí ón íomháú a ghnóthú go comhuaineach nó go srathach ó dhá bhanda speictreacha scoite nó níos mó. Uaireanta, tagraítear do bhraiteoirí a bhfuil níos mó ná fiche banda speictreach scoite acu mar bhraiteoirí um íomháú hipirspeictreach.

Ciallaíonn 'úráiniam nádúrtha'(0) úráiniam a bhfuil na meascáin d’iseatóip atá sa nádúr ann.

Ciallaíonn 'Rialaitheoir um rochtain ar an líonra' (4) comhéadan fisiceach le líonra lascacháin dáilte. Baintear leas as meán coiteann a oibríonn an 'ráta aistrithe dhigitigh' céanna tríd síos, agus leas á bhaint as eadránú (e.g. ceadchomhartha nó iompróir a bhrath) le haghaidh an tarchurtha. Go neamhspleách ar na cinn eile, roghnaíonn sé paicéid sonraí nó grúpaí sonraí (e.g. IEEE 802) a sheoltar chuige. Is éard atá ann cóimeáil ar féidir í a chomhtháthú i dtrealamh ríomhaireachta nó i dtrealamh teileachumarsáide ionas go mbeidh rochtain ar chumarsáid.

Ciallaíonn 'imoibreoir núicléach' (0) imoibreoir iomlán a bhfuil ar a chumas feidhmiú sa tslí go gcothaítear imoibriú slabhrach inscoilte atá rialaithe agus féinchothaitheach. Áirítear le 'himoibreoir núicléach' na hearraí go léir atá istigh i soitheach an imoibreora nó atá ceangailte go díreach leis, an trealamh lena rialaítear leibhéal na cumhachta i gcroí an imoibreora, agus na comhpháirteanna sin a mbíonn príomhfhuarthán chroí an imoibreora iontu de ghnáth, nó a bhíonn i dtadhall díreach leis nó lena ndéantar é a rialú.

Ciallaíonn 'rialú uimhriúil' (2) rialú uathoibríoch ar phróiseas a chuirtear i gcrích le feiste lena mbaintear leas as sonraí uimhriúla a chuirtear isteach, de ghnáth, agus an oibríocht ar siúl (tag. ISO 2382 2015).

Ciallaíonn 'cód aidhme' (NGB) foirm threalamh-inrite de shloinneadh áisiúil ar phróiseas amháin nó níos mó ('cód foinse' (teanga fhoinseach)), agus í tiontaithe ag córas ríomhchlárúcháin.

Ciallaíonn 'oibríochtaí, riarachán nó cothabháil' ('OAM') (5) ceann amháin nó níos mó de na taisc seo a leanas a dhéanamh:

a.	Aon cheann díobh seo a leanas a bhunú nó a bhainistiú: 1. Cuntais nó pribhléidí úsáideoirí nó riarthóirí; 2. Socruithe ítime; nó 3. Sonraí fíordheimhnithe chun tacú leis na taisc a bhfuil tuairisc orthu i mír a.1 nó i mír a.2.;

b.	Faireachán nó bainistiú a dhéanamh ar chúinse oibriúcháin nó feidhmíocht ítime; nó

c.	Logálaithe nó sonraí iniúchóireachta a bhainistiú chun tacú leis na taisc a bhfuil tuairisc orthu i mír a nó i mír b.

Nóta :

Ní áirítear le 'OAM' aon cheann de na taisc seo a leanas ná na príomhfheidhmeanna bainistíochta a bhaineann leo: a. Aon fheidhmiúlacht chripteagrafach a sholáthar nó a uasghrádú nach mbaineann go díreach le bunú nó le bainistiú sonraí fíordheimhnithe chun tacú leis na taisc a bhfuil tuairisc orthu i mír a.1. nó i mír a.2. thuas; nó b. Aon fheidhmiúlacht chripteagrafach a dhéanamh ar chur ar aghaidh nó ar phlána sonraí ítime.

Ciallaíonn 'ciorcad iomlánaithe optúil' (3) 'ciorcad iomlánaithe monailiotach' nó 'ciorcad iomlánaithe hibrideach', a bhfuil páirt amháin nó níos mó de atá ceaptha feidhmiú mar fhótabhraiteoir nó mar fhóta-astaíre nó atá ceaptha feidhm nó feidhmeanna optúla nó feidhm nó feidhmeanna leictre-optúla a chur i gcrích.

Ciallaíonn 'lascadh optúil' (5) comharthaí i bhfoirm optúil a ródú nó a lascadh gan iad a thiontú ina gcomharthaí leictreacha.

Ciallaíonn 'dlús iomlán an tsrutha' (3) líon iomlán na n-aimpéarlúb sa chorna (i.e. suim líon na lúb méadaithe faoin sruth uasta atá á iompar ag gach lúb) roinnte ar thrasghearradh iomlán an chorna (arb é atá ann filiméid fhorsheoltacha, an mhaitrís mhiotalach a bhfuil na filiméid fhorsheoltacha neadaithe inti, an t-ábhar imchochlaithe, aon chainéil fuaraithe, etc.).

Ciallaíonn 'stát atá rannpháirteach' (7 9) stát atá rannpháirteach i gComhshocraíocht Wassenaar. (Féach www.wassenaar.org)

Ciallaíonn 'buaic-chumhacht' (6) an chumhacht is airde a bhaintear amach le linn 'aga na bíge'.

Ciallaíonn 'líonra ceantair pearsanta' (5) córas cumarsáide sonraí ar fíor ina leith gach ceann díobh seo a leanas:

a.	Trí bhíthin an chórais sin, is féidir le líon treallach 'feistí sonraí' neamhspleácha nó líon treallach 'feistí sonraí' idirnasctha teagmháil a dhéanamh le chéile go díreach; agus

b.	Ní bhaineann sé ach leis an gcumarsáid idir feistí atá i ngarchomharsanacht fhisiciúil duine aonair nó i ngarchomharsanacht rialaitheoir feistí (e.g., seomra aonair, oifig nó gluaisteán).

Nótaí Teicniúla:

1.	Ciallaíonn 'feiste sonraí' trealamh a bhfuil ar a chumas seichimh d’fhaisnéis dhigiteach a tharchur nó a bhfuil ar a chumas glacadh leis na seichimh sin.

2.	Téann an 'líonra ceantair logánta' thar cheantar geografach an 'líonra ceantair phearsanta'.

Is éard atá i gceist le 'a rinneadh a dheighilt cheana féin' (1) gur cuireadh i bhfeidhm próiseas ar bith atá ceaptha cur le tiúchan an iseatóip atá faoi rialú.

Tá 'príomheilimint' (4), mar atá feidhm aici i gCatagóir 4, ina 'príomheilimint' nuair is mó ná 35 % de luach iomlán an chórais a bhfuil sí mar chuid de a luach athsholáthair. Is é luach na heiliminte an méid a d’íoc monaróir an chórais as an eilimint nó an méid a d’íoc suimeálaí an chórais aisti. Is éard atá sa luach iomlán an gnáthphraghas díola idirnáisiúnta nuair a dhíoltar an córas le páirtithe neamhghaolmhara, tráth na monaraíochta nó tráth a dhéantar an loingsiú a chomhdhlúthú.

Ciallaíonn 'táirgeadh' (GTN NTN Uile) gach céim den táirgeadh, lena n-áirítear na céimeanna seo a leanas: déantús, innealtóireacht táirgeachta, monarú, comhtháthú, cóimeáil (gléasadh), cigireacht, tástáil, dearbhú cáilíochta.

Ciallaíonn 'trealamh táirgeachta' (1 7 9) uirlisiú, teimpléid, díreoga, mandrailí, múnlaí, díslí, daingneáin, meicníochtaí ailíniúcháin, trealamh tástála, innealra agus comhpháirteanna lena n-aghaidh, á dteorannú dóibh siúd atá saindeartha nó sainmhodhnaithe chun céim amháin nó níos mó den phróiseas 'táirgeachta''a fhorbairt'.

Ciallaíonn 'saoráidí táirgeachta' (7 9) 'trealamh táirgeachta' agus bogearraí atá saindeartha le haghaidh táirgeachta agus a dhéantar a chomhtháthú i suiteálacha chun céim amháin nó níos mó céimeanna den phróiseas 'táirgeachta''a fhorbairt'.

Ciallaíonn 'clár' (6) seicheamh de threoracha chun próiseas a chur i gcrích, agus é i bhfoirm, sin nó ar féidir é a chur i bhfoirm a bheadh inrite ag ríomhaire leictreonach.

Ciallaíonn 'comhbhrú bíog' (6) códú agus próiseáil ar bhíog aga fhada de chuid chomhartha an radair, chun í a thiontú ina bíog aga ghearr, agus buntáistí an fhuinnimh ardbhíog a choinneáil ag an am céanna.

Is éard atá i gceist le 'aga na bíge' (6) an t-achar ama a mhaireann bíog 'léasair' agus ciallaíonn sé an t-am idir na pointí leathchumhachta ar phríomhfhaobhar agus ar chúlfhaobhar bíge aonair.

Ciallaíonn 'léasar bíogach' (6) 'léasar' a bhfuil 'aga na bíge' aige arb ionann é agus 0,25 soicind nó ar lú é ná sin.

Ciallaíonn 'cripteagrafaíocht chandamach' (5) fine teicnící lena ndéantar eochair roinnte le haghaidh 'cripteagrafaíochta' a bhunú trí na hairíonna sin maidir le meicnic-chandamach atá ag córas fisiceach a thomhas (lena n-áirítear na hairíonna fisiceacha sin a bhíonn á rialú go sainráite ag an optaic-chandamach, ag teoiric an réimse chandamaigh nó ag an leictridinimic chandamach).

Ciallaíonn 'lúfaireacht minicíochta radair' (6) aon teicníc lena n-athraítear, i seicheamh súdrandamach, minicíocht iompróra tarchuradóra radair bhíogaigh idir bíoga nó idir grúpaí de bhíoga, de shuim atá cothrom le bandaleithead na bíge nó atá níos mó ná é.

Ciallaíonn 'spréspeictream radair' (6) aon teicníc modhnúcháin lena ndéantar fuinneamh a thagann ó chomhartha a bhfuil banda minicíochta aige atá cúng go maith a leathadh amach ar bhanda minicíochta atá i bhfad níos leithne trí leas a bhaint as códú randamach nó as códú súdrandamach.

Is éard atá i gceist le 'íogaireacht radanta' (6) íogaireacht radanta (mA/W) = 0,807 × (tonnfhad in nm) × Éifeachtúlacht Chandamach (QE).

Nóta Teicniúil:

Déantar QE a shloinneadh de ghnáth mar chéatadán; chun críocha na foirmle seo, áfach, déantar QE a shloinneadh mar uimhir dhéachúil ar lú í ná a haon, e.g. sloinntear 78 % mar 0,78.

Ciallaíonn 'próiseáil fíor-ama' (6) próiseáil sonraí ag córas ríomhaireachta is córas lena soláthraítear an leibhéal seirbhíse is gá, mar fheidhm de chuid na n-acmhainní atá ar fáil, laistigh d’aga freagartha ráthaithe, gan spleáchas ar an ualach atá ar an gcóras, nuair a spreagann teagmhas seachtrach é chun é sin a dhéanamh.

Ciallaíonn 'in-atrialltacht' (7) a ghaire dá chéile atá tomhais arna ndéanamh arís agus arís ar an athróg chéanna faoi na dálaí oibriúcháin céanna, nuair a tharlaíonn athruithe ar chúinsí nó ar thréimhsí neamhoibríochta idir na tomhais. (Tagairt: IEEE 528-2001 (diall caighdeánach d’aon sigme))

'Atá riachtanach' (GTN 3 5 6 7 9), de réir mar a chuirtear i bhfeidhm i leith na 'teicneolaíochta' é, ní bhaineann sé ach leis an gcuid sin den 'teicneolaíocht' a bhfuil freagracht shonrach uirthi as na leibhéil feidhmíochta, na tréithe feidhmíochta, nó na feidhmeanna feidhmíochta, atá á rialú a bhaint amach nó a mhéadú. Féadfaidh an 'teicneolaíocht' sin atá 'riachtanach' a bheith roinnte idir earraí difriúla.

Ciallaíonn 'oibreán smachtaithe círéibe' (1) substaintí a chuireann greannú céadfach ar dhaoine go gasta nó a chuireann bac fisiciúil orthu go gasta agus a imíonn arís go gairid tar éis dheireadh thréimhse an nochta, nuair a úsáidtear na substaintí sin sna dálaí dá bhfuil siad ceaptha chun lucht círéibe a chur faoi smacht.

Nóta Teicniúil:

Is fo-thacar iad na deorgháis 'd’oibreáin smachtaithe círéibe'.

Ciallaíonn 'róbat' (2 8) meicníocht ionramhála, bíodh sé de chineál na conaire leanúnaí nó den chineál pointe go pointe, a fhéadfaidh leas a bhaint as braiteoirí, agus ar fíor ina leith gach ceann díobh seo a leanas:

a.	Tá sé ilfheidhmeach;

b.	Tá ar a chumas ábhair, páirteanna, uirlisí nó feistí speisialta a shuí nó a threoshuí trí ghluaiseachtaí inathraithe i spás tríthoiseach;

c.	Ionchorpraítear leis trí sheirbhifheiste nó níos mó, bídís den chineál lúb-iata nó lúb-oscailte, agus féadfar mótair chéimthomhais a áireamh leo sin; agus

d.	Tá 'cumas ríomhchlárúcháin atá inrochtana don úsáideoir' ann trí mhodh múinte/athsheinnte nó trí ríomhaire leictreonach a bhféadfadh sé gur rialaitheoir loighce in-ríomhchláraithe atá ann, i.e. gan idirghabháil mheicniúil.

N.B.

Ní áirítear leis an sainmhíniú thuas na feistí seo a leanas: 1. Meicníochtaí ionramhála nach féidir a rialú ach amháin de láimh nó nach féidir ach le teileoibreoir iad a rialú; 2. Meicníochtaí ionramhála a bhfuil seicheamh fosaithe acu, arb é atá iontu feistí gluaiste uathoibríocha, atá ag feidhmiú i gcomhréir le gluaisní ríomhchláraithe atá fosaithe go meicniúil. Tá an clár teoranta go meicniúil ag stopanna fosaithe, amhail pionnaí nó ceama. Ní féidir an seicheamh de ghluaisne ná roghnú na gcosán nó na n-uillinneacha a athrú ná a mhodhnú trí mhodhanna meicniúla, trí mhodhanna leictreonacha ná trí mhodhanna leictreacha; 3. Meicníochtaí ionramhála a bhfuil seicheamh athraitheach acu agus atá faoi rialú meicniúil, arb é atá iontu feistí gluaiste uathoibríocha, atá ag feidhmiú i gcomhréir le gluaisní ríomhchláraithe atá fosaithe go meicniúil. Tá an clár teoranta go meicniúil ag stopanna fosaithe inchoigeartaithe, amhail pionnaí nó ceama. Is féidir an seicheamh de ghluaisne agus roghnú na gcosán agus na n-uillinneacha a athrú laistigh de phatrún an chláir fhosaithe. Is trí oibríochtaí meicniúla amháin a dhéantar athruithe nó modhnuithe ar phatrún an chláir (e.g. pionnaí a athrú nó ceama a mhalartú) a chur i gcrích in ais ghluaisne amháin nó níos mó; 4. Meicníochtaí ionramhála a bhfuil seicheamh athraitheach acu agus atá faoi rialú neamh-sheirbhimheicníochta, arb é atá iontu feistí gluaiste uathoibríocha, atá ag feidhmiú i gcomhréir le gluaisní ríomhchláraithe atá fosaithe go meicniúil. Is féidir an clár a athrú ach ní leanfaidh an seicheamh ar aghaidh ach amháin leis an gcomhartha dénártha a thiocfaidh ó fheistí dénártha leictreacha atá fosaithe go meicniúil nó ó stopanna inchoigeartaithe; 5. Craenacha cruachadóireachta a shainmhínítear mar chórais ionramhála comhordanáidí Cairtéiseacha a mhonaraítear mar chuid dhílis d’eagar ingearach de ghabhdáin stórála agus atá deartha chun rochtain a fháil ar a bhfuil sna gabhdáin sin d’fhonn é a stóráil nó a aisghabháil.

Is éard atá i gceist le 'caisirnín' (1) burla (12-120 de ghnáth) de 'dhuail' atá comhthreomhar a bheag nó a mhór.

N.B.	Is burla de 'mhonaifiliméid' (de bhreis agus 200 de ghnáth) é 'snáth' agus iad socraithe go comhthreomhar a bheag nó a mhór.

Ciallaíonn 'díláithriú gathach' (2) díláithriú gathach in aon rothlú amháin den phríomhfhearsaid agus é á thomhas i bplána atá ingearach le hais na fearsaide ag pointe ar dhromchla imrothlach seachtrach nó inmheánach atá le tástáil (Tagairt: ISO 230-1:1986, mír 5.61).

Ciallaíonn 'ráta samplaí' (3) i gcás Tiontaire ó Analógach go Digiteach (ADC) líon uasta na samplaí a thomhaistear, tráth an ionchuir analógaigh, thar thréimhse aon soicind amháin, ach amháin i gcás róshampláil ADCanna. I gcás róshampláil ADCanna, meastar gurb é atá sa 'ráta samplaí' a ráta ghiotánra aschuir. Féadfar tagairt do 'ráta samplála' freisin mar ráta samplála, arb iondúil go sonraítear é i Meigeashamplaí in Aghaidh an tSoicind (GSPS) i Gigeashamplaí in Aghaidh an tSoicind (GSPS), nó mar ráta tiontaithe, arb iondúil go sonraítear in Heirts (Hz) é.

Ciallaíonn 'córas loingseoireachta satailíte' (5 7) córas arb é atá ann stáisiúin talún, cnuasach satailítí, agus glacadóirí, lenar féidir suíomhanna glacadóirí a ríomh ar bhonn comharthaí a fhaightear ó na satailítí. Áirítear leis Córais Dhomhanda Loingseoireachta Satailíte (GNSS) agus Córais Réigiúnacha Loingseoireachta Satailíte (RNSS).

Ciallaíonn 'fachtóir scála' (gíreascóp nó méadar luasghéaraithe) (7) an t-athrú san aschur i gcóimheas leis an athrú san ionchur atá le tomhas. Go ginearálta, déantar fachtóir scála a mheas mar fhána líne dírí is féidir a chur in oiriúint, trí mhodh na n-íoschearnóg, do shonraí ionchuir-aschuir a fuarthas tríd an ionchur a athrú go timthriallach thar réimse an ionchuir.

Ciallaíonn 'anailíseoirí comharthaí' (3) fearas a bhfuil ar a chumas airíonna bunúsacha na gcomhpháirteanna minicíochta aonair atá mar chuid de chomharthaí ilmhinicíochta a thomhas agus a léiriú.

Ciallaíonn 'comharthaí a phróiseáil' (3 4 5 6) comharthaí a dhíorthaítear go seachtrach agus a bhfuil faisnéis iontu a phróiseáil le halgartaim amhail comhbhrú ama, scagadh, eastóscadh, roghnú, comhghaolú, conbhlóidiú, nó trasfhoirmiú idir fearainn (e.g. trasfhoirmiú Fourier tapa nó trasfhoirmiú Walsh).

Ciallaíonn 'bogearraí' (NGB Uile) cnuasach a bhfuil 'clár' nó 'micreachlár' amháin nó níos mó ann agus é nó iad fosaithe in aon mheán inláimhsithe sloinnte.

N.B.	Is éard atá i gceist le 'micreachlár' seicheamh de bhuntreoracha, a choimeádtar i gcuimhne speisialta, agus a chuirtear i bhfeidhm nuair a chuirtear an treoir thagartha isteach i dtabhall treoracha.

Is éard atá i gceist le 'cód foinse' (nó teanga fhoinseach) (6 7 9) sloinneadh áisiúil ar phróiseas amháin nó níos mó agus ar féidir le córas ríomhchlárúcháin é a thiontú go foirm trealamh-inrite ('cód aidhme' (nó teanga aidhme)).

Ciallaíonn 'spásárthach' (9) satailítí agus taiscéalaithe spáis, bídís gníomhach nó éighníomhach.

Ciallaíonn 'bus spásárthaigh' (9) trealamh a sholáthraíonn bonneagar tacaíochta an 'spásárthaigh' agus suíomh don 'phálasta spásárthaigh'.

Ciallaíonn 'pálasta spásárthaigh' (9) trealamh, a cheanglaítear leis an 'mbus spásárthaigh', arna cheapadh chun misean a chur i gcrích sa spás (e.g. cumarsáid, breathnóireacht, eolaíocht).

Ciallaíonn 'spáscháilithe' (3 6 7) go bhfuil ítim deartha, monaraithe nó cáilithe trí thástáil ráthúil, lena hoibriú ag airde ar mó í ná 100 km os cionn dhromhcla an Domhain.

N.B.	An cinneadh go bhfuil ítim shonrach 'spáscháilithe' de bhua a tástála, ní fhágann sin go bhfuil ítimí eile sa rith táirgeachta céanna nó sa tsraith samhla chéanna 'spáscháilithe' murar tástáladh ina gceann agus ina gceann iad.

Ciallaíonn 'ábhar inscaoilte speisialta' (0) plútóiniam-239, úráiniam-233, 'úráiniam atá saibhrithe in iseatóip 235 nó 233', agus aon ábhar a bhfuil na nithe sin iontu.

Is ionann 'modal sonrach' (0 1 9) agus modal Young i bpascail, atá coibhéiseach le N/m2 arna roinnt ar mheáchan sonrach in N/m3, agus é á thomhas ag teocht (296 ± 2) K ((23 ± 2) °C) agus ag bogthaise choibhneasta (50 ± 5) %.

Is éard atá i gceist le 'neart teanntachta sonrach' (0 1 9) neart teanntachta deiridh i bpascail, atá coibhéiseach le N/m2 arna roinnt ar mheáchan sonrach in N/m3, agus é á thomhas ag teocht (296 ± 2) K ((23 ± 2) °C) agus ag bogthaise choibhneasta (50 ± 5) %.

Ciallaíonn 'gíreascóip rothlaithe maise' (7) gíreascóip a n-úsáidtear mais shíor-rothlach iontu chun gluaisne uilleach a bhrath.

Ciallaíonn 'speictream leata' (5) teicníc trína leatar fuinneamh atá i gcainéal cumarsáide ar de bhanda atá cúng go maith é ar speictream fuinnimh atá i bhfad níos leithne.

Radar 'speictream-leata' (6) - féach 'Radar speictream-leata'.

Ciallaíonn 'cobhsaíocht' (7) an diall caighdeánach (1 sigme) de chomhathrú paraiméadair ar leith óna luach calabraithe, agus é á thomhas faoi dhálaí cobhsaí teochta. Féadtar é sin a shloinneadh mar fheidhm ama.

Ciallaíonn 'Stáit ar/nach Páirtithe iad sa Choinbhinsiún maidir le hAirm Cheimiceacha' (1) na stáit a bhfuil/nach bhfuil an Coinbhinsiún maidir le Toirmeasc ar Fhorbairt, Táirgeadh, Stoc-Charnadh agus Úsáid Arm Ceimiceach i bhfeidhm iontu. (Féach www.opcw.org)

Sainítear leis an téarma 'Modh Foistine' (9) dálaí feidhmiúcháin an innill, nuair nach mbíonn aon luaineacht shuntasach ann ó thaobh pharaiméadair an innill de, amhail sá/cumhacht, rpm agus eile, agus nuair is seasmhach atá teocht an aeir chomhthimpeallaigh agus brú ionraon an innill.

Ciallaíonn 'árthach fo-fhithiseach' (9) árthach ina bhfuil iniamh atá deartha chun daoine nó lasta a iompar, agus atá deartha chun an méid seo a leanas a dhéanamh:

a.	Oibriú os cionn an strataisféir;

b.	Ruthag neamhfhithiseach a dhéanamh; agus

c.	Tuirlingt ar ais ar Domhan agus na daoine nó an lasta slán.

Ciallaíonn 'foshraith' (3) leathán de bhunábhar, bíodh nó gréasán idirnaisc ann ná bíodh, ar féidir 'comhpháirteanna scoite' nó ciorcaid iomlánaithe a chur air nó isteach ann.

N.B.1.

'Comhpháirt scoite': 'eilimint ciorcaid' a dhéantar a phacáistiú léi féin agus a bhfuil a naisc sheachtracha féin aici.

N.B.2.

'Eilimint ciorcaid': cuid fheidhmeach aonair de chiorcad leictreonach, bíodh sí gníomhach nó éighníomhach, mar shampla aon dé-óid amháin, aon trasraitheoir amháin, aon fhriotóir amháin, aon toilleoir amháin, etc.

Ciallaíonn 'crotáin foshraithe' (3 6) comhdhúile monailiotacha a bhfuil toisí acu atá oiriúnach do tháirgeadh eilimintí optúla amhail scátháin nó fuinneoga optúla.

Is éard atá i gceist le 'fo-aonad tocsaine' (1) comhpháirt de 'thocsain' iomlán ar comhpháirt scoite é ó thaobh strúchtúir agus feidhme de.

Ciallaíonn 'for-chóimhiotail' (2 9) cóimhiotail de bhun nicile, cóbailt nó iarainn a bhfuil saolré réabtha struis acu is mó ná 1 000 uair ag 400 MPa agus a bhfuil neart teanntachta deiridh acu is mó ná 850 MPa, ag 922 K (649 °C) nó níos airde.

Ciallaíonn 'forsheoltach' (1 3 5 6 8) ábhair, i.e. miotail, cóimhiotail nó comhdhúile, ar féidir leo an fhriotaíocht leictreach ar fad a chailleadh, i.e. ar féidir leo seoltacht leictreach gan teorainn a shroicheadh agus ar féidir leo sruthanna an-mhór leictreachais a iompar gan téamh Joule.

N.B.	Déantar staid 'fhorsheoltach' ábhair a shaintréithriú ar bhonn aonair le 'teocht chriticiúil', réimse maighnéadach criticiúil, ar feidhm é den teocht, agus dlús srutha criticiúil ar feidhm é, áfach, den réimse maighnéadach agus den teocht araon.

Ciallaíonn 'Léasar For-Ardchumhachta' ('SHPL') (6) 'léasar' atá in ann fuinneamh aschurtha ar mó é ná 1 kJ a sheachadadh (an t-iomlán nó aon chuid de) laistigh de 50 ms nó a bhfuil meánchumhacht nó cumhacht CW aige ar mó í ná 20 kW.

Ciallaíonn 'foirmiú sárphlaisteach' (1 2) próiseas dífhoirmiúcháin ina mbaintear úsáid as teas do mhiotail arb é is príomhthréith dóibh luachanna ísle fadaithe (níos lú ná 20 %) a bheith acu ag an bpointe briste mar a chinntear é ag teocht an tseomra de réir ghnáth-thástáil an nirt inteannta, chun faduithe a bhaint amach le linn na próiseála, ar dhá oiread níos mó iad, ar a laghad, ná na luachanna sin.

Ciallaíonn 'algartam siméadrach' (5) algartam cripteagrafach ina n-úsáidtear an eochair chéanna don chriptiú agus don díchriptiú.

N.B.	Gnáthúsáid amháin den 'algartam siméadrach' is ea an rúndacht sonraí.

Is éard atá i 'dtéip' (1) ábhar a dhéantar as 'monaifiliméid', 'duail', 'caisirníní', 'barrach' nó 'snáth' etc., bídís crosfhite nó aontreoch, agus a dhéantar a réamhthuile de ghnáth le roisín.

N.B.	Is burla de 'mhonaifiliméid' (de bhreis agus 200 de ghnáth) é 'snáth' agus iad socraithe go comhthreomhar a bheag nó a mhór.

Ciallaíonn 'teicneolaíocht' (GTN NTN Uile) sainfhaisnéis atá riachtanach chun earraí a 'fhorbairt', a 'tháirgeadh' nó a 'úsáid'. Is i bhfoirm 'sonraí teicniúla' nó i bhfoirm 'cúnamh teicniúil' a bhíonn an fhaisnéis sin.

N.B.1.

D’fhéadfadh sé gur i bhfoirm treoracha, scileanna, oiliúna, eolas oibre agus seirbhísí comhairliúcháin a bheadh an 'cúnamh teicniúil' agus d’fhéadfadh sé freisin go mbeadh aistriú 'sonraí teicniúla' i gceist leis.

N.B.2.

D’fhéadfadh sé gur i bhfoirm treoirphleananna, pleananna, léaráidí, samhlacha, foirmlí, táblaí, dearaí agus sonraíochtaí innealtóireachta, lámhleabhar agus treoracha a bheadh na 'sonraí teicniúla' agus iad scríofa nó taifeadta ar mheáin eile nó ar ghairis eile amhail dioscaí, téipeanna agus cuimhní inléite amháin.

Ciallaíonn 'ciorcad iomlánaithe tríthoiseach' (3) bailiúchán díslí leathsheoltóra nó cisil d’fheiste ghníomhach, arna n-iomlánú le chéile, agus ina bhfuil leathsheoltóir trína dtéann naisc a théann go hiomlán trí idirshuiteoir, foshraith, dísle nó ciseal chun idirnaisc idir cisil na feiste a bhunú. Is éard is idirshuiteoir ann comhéadan lena gcumasaítear naisc leictreacha.

Ciallaíonn 'fearsaid chlaontach' (2) fearsaid a bhfuil uirlis crochta uirthi agus a n-athraíonn suíomh uilleach lárlíne na fearsaide sin i leith ais eile le linn an phróisis meaisínithe.

Is ionann 'amthairiseach' (6) agus an t-am a ghlactar ón tráth a chuirtear spreagadh solais i bhfeidhm go dtí go mbaineann an incrimint reatha amach luach 1-1/e uair an luacha deiridh (i.e. 63 % den luach deiridh).

Is éard is 'am go foistine' (6) ann (dá ngairtear freisin aga freagartha an mheá-mhéadair) an t-achar ama ar lena linn a laghdaítear éifeachtaí suaiteacha an luasghéaraithe de dheasca an chláir shoghluaiste (torann ardmhinicíochta).

Ciallaíonn 'scriútaí rinne' (9) comhpháirt fáinne sheasta (soladach nó deighilte) atá nasctha le dromchla laistigh chuasán an tuirbín innill nó gné ag barr lasmuigh lann an tuirbín, lena soláthraítear séala gáis idir na comhpháirteanna seasta agus na comhpháirteanna rothlacha.

Ciallaíonn 'smacht iomlán eitilte' (7) rialú uathoibríoch ar athróga staide 'aerárthaigh' agus ar chonaire eitilte 'aerárthaigh' chun spriocanna misin a bhaint amach agus athruithe fíor-ama i sonraí maidir le spriocanna, guaiseacha nó 'aerárthaí' eile á bhfreagairt.

Ciallaíonn 'ráta iomlán an aistrithe dhigitigh' (5) líon na ngiotán, lena n-áirítear giotáin an chódaithe línigh, na giotáin bhreise agus araile de réir an aonaid ama a théann idir an trealamh comhfhreagrach i gcóras tarchuir dhigitigh.

N.B.	Féach freisin 'ráta an aistrithe dhigitigh'.

Is ionann 'barrach' (1) agus burla de 'mhonafiliméid' agus iad comhthreomhar a bheag nó a mhór de ghnáth.

Ciallaíonn 'tocsainí' (1 2) tocsainí i bhfoirm ullmhóidí nó meascán a leithlisíodh d’aon ghnó, gan beann ar an modh táirgthe, seachas tocsainí ar ann dóibh mar ábhair shalaithe in ábhair eile amhail eiseamail phaiteolaíocha, barra, bia-ábhar nó stoc síolta de 'mhiocrorgánaigh'.

Ciallaíonn 'intiúnta' (6) cumas 'léasair' aschur leanúnach a tháirgeadh ar gach tonnfhad thar raon trasdulta 'léasair' éagsúla. Táirgíonn 'léasar' líne-inroghnaithe tonnfhaid scoite laistigh d’aon trasdul 'léasair' amháin agus ní mheastar é a bheith 'intiúnta'.

Ciallaíonn 'in-atrialltacht aontreoch aimsiúcháin suímh' (2) an ceann is lú de na luachanna R↑ agus R↓ (ar aghaidh agus siar) d’ais meaisín-uirlise aonair, mar a shainítear in 3.21 de ISO 230-2:2014 nó a choibhéisí náisiúnta.

Ciallaíonn 'aerfheithicil gan foireann' ('UAV') (9) aon aerárthach atá in ann tús a chur le heitilt agus eitilt rialaithe agus loingseoireacht a choinneáil ar siúl gan aon fhoireann ann.

Ciallaíonn 'úráiniam atá saibhrithe sna hiseatóip 235 nó 233' (0) úráiniam ina bhfuil iseatóip 235 nó 233, nó an dá cheann díobh, agus iad i méideanna a fhágann gur mó an cóimheas líonmhaireachta de shuim an dá iseatóp sin le hiseatóp 238 ná cóimheas iseatóp 235 le hiseatóp 238 ar ann dó sa nádúr (cóimheas iseatóip 0,71 faoin gcéad).

Ciallaíonn 'úsáid' (GTN NTN Uile) oibriúchán, suiteáil (lena n-áirítear suiteáil ar an láthair oibre), cothabháil (seiceáil), deisiú, ollchóiriú agus athfheistiú.

Ciallaíonn 'in-ríomhchláraitheacht atá inrochtana don úsáideoir' (6) an tsaoráid lena gceadaítear don úsáideoir 'cláir' a chur isteach, a mhodhnú nó a athrú trí mhodhanna seachas:

a.	Athrú fisiciúil sa sreangú nó sna hidirnaisc; nó

b.	Socrú na rialuithe feidhme lena n-áirítear cur isteach paraiméadar.

Is éard atá i gceist le 'vacsaín' (1) táirge íocshláinte i bhfoirmiú cógaisíochta faoi cheadúnas ón údarás rialúcháin i dtír a tháirgthe nó i dtír a úsáide nó a bhfuil údarú chun triallacha margaidh nó cliniciúla faighte ina leith ón údarás sin, agus a ceapadh chun freagairt chosanta dhíonach a spreagadh i ndaoine nó in ainmhithe chun galar a chosc iontu siúd dá dtugtar é.

Ciallaíonn 'feistí leictreonacha folúis' (3) feistí leictreonacha atá bunaithe ar idirghníomhaíocht léis leictreoin le tonn leictreamaighnéadach a scaipeann i gciorcad folúis nó a idirghníomhaíonn le hathshonadóirí radamhinicíochta cuais folúis. Áirítear ar 'feistí leictreonacha folúis' cliostróin, feadáin toinne taistil, agus a gcuid díorthach.

Ciallaíonn 'nochtadh leochaileachta' (4) an próiseas trína ndéantar leochaileacht a shainaithint, a thuairisciú nó a chur in iúl do dhaoine aonair nó eagraíochtaí atá freagrach as feabhsúchán a dhéanamh nó a chomhordú chun an leochaileacht a réiteach, nó trína ndéantar anailís ar leochaileaccht leis na daoine aonair nó eagraíochtaí sin.

Ciallaíonn 'snáth' (1) burla de 'dhuail' atá casta ar a chéile.

N.B.	Is burla de 'mhonaifiliméid' (de bhreis agus 200 de ghnáth) é 'snáth' agus iad socraithe go comhthreomhar a bheag nó a mhór.

CUID II

Catagóir 0

CATAGÓIR 0 – ÁBHAIR NÚICLÉACHA, SAORÁIDÍ NÚICLÉACHA, AGUS TREALAMH NÚICLÉACH

0A
Córais, Trealamh agus Comhpháirteanna

0A001
'Imoibreoirí núicléacha' agus trealamh atá saindeartha nó sainullmhaithe dóibh agus comhpháirteanna lena n-aghaidh, mar a leanas:

a.	'Imoibreoirí núicléacha';

b.	Soithí miotail, nó mórpháirteanna a dhéantar i gceardlann dóibh, lena n-áirítear ceann soithigh an imoibreora do bhrúshoitheach imoibreora, atá saindeartha nó sainullmhaithe chun glacadh le croí 'imoibreora núicléach';

c.	Trealamh láimhsithe atá saindeartha nó sainullmhaithe chun breosla a chur isteach nó a bhaint amach as 'imoibreoir núicléach';

d.	Riailmhaidí atá saindeartha nó sainullmhaithe chun an próiseas inscoilte a rialú in 'imoibreoir núicléach', bonneagair thacaíochta nó chrochta dóibh, meicníochtaí tiomána agus feadáin threoracha na maidí;

e.	Brúfheadáin atá saindeartha nó sainullmhaithe le go mbeidh siad in ann glacadh le heilimintí breosla agus leis an bpríomhfhuarthán in 'imoibreoir núicléach';

f.

Feadáin mhiotail siorcóniam nó feadáin chóimhiotail siorcóniam (nó cóimeálacha feadán) atá saindeartha nó sainullmhaithe lena n-úsáid mar chumhdach breosla in 'imoibreoir núicléach' agus i gcainníochtaí ar mó iad ná 10 kg; N.B. Do bhrúfheadáin siorcóniam féach 0A001.e. agus d’fheadáin calandria féach 0A001.h.

g.	Caidéil fuartháin nó athfhillirí atá saindeartha nó sainullmhaithe chun an príomhfhuarthán a imshruthú in 'imoibreoirí núicléacha';

h.

'Feisteas inmheánach imoibreora núicléach' atá saindeartha nó sainullmhaithe chun a úsáide in 'imoibreoir núicléach', lena n-áirítear colúin tacaíochta don chroí, cainéil bhreosla, feadáin calandria, sciatha teirmeacha, sciatha, plátaí greille croí agus plátaí réscaiptheacha; Nóta Teicniúil: In 0A001.h. ciallaíonn 'feisteas inmheánach imoibreora núicléach' aon bhonneagar mór laistigh de shoitheach imoibreora a bhfuil feidhm amháin nó níos mó aige ar nós tacaíocht a thabhairt don chroí, ailíniú breosla a chothabháil, sruth an phríomhfhuartháin a dhíriú, sciatha radaíochta a sholáthar do shoitheach an imoibreora agus ionstraimiú laistigh den chroí a threorú.

i.

Malartóirí teasa mar a leanas: 1. Gineadóirí gaile atá saindeartha nó sainullmhaithe le haghaidh chiorcad an phríomhfhuartháin nó an fhuartháin thánaistigh in 'imoibreoir núicléach'; 2. Malartóirí teasa eile atá saindeartha nó sainullmhaithe chun a n-úsáide i gciorcad an phríomhfhuartháin in 'imoibreoir núicléach'; Nóta : Ní rialaítear le 0A001.i. malartóirí teasa le haghaidh chórais tacaíochta an imoibreora, e.g. an córas fuaraithe éigeandála nó córas fuaraithe an teasa meatha.

j.	Brathadóirí neodrón atá saindeartha nó sainullmhaithe chun leibhéil flosca neodrón a thomhas laistigh de chroí 'imoibreoir núicléach';

k.

'Sciatha teirmeacha seachtracha' atá saindeartha nó sainullmhaithe chun a n-úsáide in 'imoibreoir núicléach' chun cailleadh teasa a laghdú agus chun an soitheach coimeádta a chosaint. Nóta Teicniúil: In 0A001.k. ciallaíonn 'sciatha teirmeacha seachtracha' mórstruchtúir a chuirtear anuas ar an soitheach imoibreora agus lena laghdaítear cailleadh teasa ón imoibreoir agus lena laghdaítear an teocht laistigh den soitheach coimeádta.

0B
Trealamh Tástála, Iniúchta agus Táirgeachta

0B001
Gléasra chun iseatóip 'úráiniam nádúrtha', 'úráiniam laghdaithe' nó 'ábhar inscaoilte speisialta' a dheighilt, agus trealamh agus comhpháirteanna atá saindeartha nó sainullmhaithe lena n-aghaidh, mar a leanas:

a.

Gléasra atá saindeartha chun iseatóip 'úráiniam nádúrtha', 'úráiniam laghdaithe' agus 'ábhar inscoilte speisialta' a dheighilt, mar a leanas: 1. Gléasra um dheighilt trí lártheifneoir gáis; 2. Gléasra um dheighilt trí idirleathadh gásach; 3. Gléasra um dheighilt aeraidinimiciúil; 4. Gléasra um dheighilt trí mhalartú ceimiceach; 5. Gléasra um dheighilt trí mhalartú ian; 6. Gléasra um dheighilt iseatóp trí ghal adamhach le 'léasar'; 7. Gléasra móilíneach um dheighilt iseatóp le 'léasar'; 8. Gléasra um dheighilt plasma; 9. Gléasra um dheighilt leictreamaighnéadach;

b.

Lártheifneoirí gáis agus cóimeálacha agus comhpháirteanna atá saindeartha nó sainullmhaithe don phróiseas deighilte le lártheifneoir gáis, mar a leanas: Nóta Teicniúil: In 0B001.b. ciallaíonn 'ábhar le hardchóimheas neart-go-dlús' aon cheann díobh seo a leanas: 1. Cruach mhártainsíte a bhfuil ar a cumas neart teanntachta deiridh 1,95 GPa nó níos mó a bheith inti; 2. Cóimhiotail alúmanaim a bhfuil ar a gcumas neart teanntachta deiridh 0,46 GPa nó níos mó a bheith iontu; nó 3. 'Ábhair shnáithíneacha nó fhiliméadacha' a bhfuil 'modal sonrach' acu ar mó é ná 3,18 × 106 m agus 'neart teanntachta sonrach' ar mó é ná 7,62 × 104 m; 1. Lártheifneoirí gáis; 2. Cóimeálacha iomlána rótair; 3. Sorcóirí feadán rótair a bhfuil tiús ballaí 12 mm nó níos lú acu agus trastomhas idir 75 mm agus 650 mm acu, agus iad déanta as 'ábhair le hardchóimheas neart-go-dlús'; 4. Fáinní nó boilg a bhfuil tiús ballaí 3 mm nó níos lú acu agus trastomhas idir 75 mm agus 650 mm acu, agus iad deartha chun tacaíocht logánta a thabhairt d’fheadán rótair nó chun líon feadán rótair a cheangal le chéile, agus iad déanta as 'ábhair le hardchóimheas neart-go-dlús'; 5. Sciatha a bhfuil trastomhas idir 75 mm agus 650 mm acu lena bhfeistiú laistigh d’fheadán rótair, agus iad déanta as 'ábhair le hardchóimheas neart-go-dlús'; 6. Bunchaidhpeanna nó barrchaidhpeanna a bhfuil trastomhas idir 75 mm agus 650 mm acu lena bhfeistiú laistigh d’fheadán rótair, agus iad déanta as 'ábhair le hardchóimheas neart-go-dlús'; 7. Imthacaí maighnéadacha crochta mar a leanas: a. Cóimeálacha imthacaí arb é atá iontu maighnéad fáinneach atá ar crochadh laistigh de chásáil atá déanta as 'ábhair atá díonach ar chreimeadh UF6' nó faoi chosaint na n-ábhar sin, ar cásáil í a bhfuil meán maolúcháin inti agus a bhfuil an cúplán maighnéadach le polphíosa nó leis an dara maighnéad fosaithe le barrchaidhp an rótair; b. Imthacaí maighnéadacha gníomhacha atá saindeartha nó sainullmhaithe lena n-úsáid le lártheifneoirí gáis; 8. Imthacaí sainullmhaithe arb é atá iontu cóimeáil de chupán maighdeoige agus í suite ar mhaolaire; 9. Caidéil mhóilíneacha arb é atá iontu sorcóirí a bhfuil eitrí meaisínithe go hinmheánach orthu nó eitrí héiliciúla easbhrúite orthu chomh maith le toill a meaisíníodh go hinmheánach; 10. Mótarstátair fáinne-chruthacha do mhótair ilphasacha sruth ailtéarnaigh histéiréiseacha (nó aimhleisceas) d’oibriúchán sioncronach laistigh d’fholús ag minicíocht 600 Hz nó níos mó agus ag cumhacht 40 voltaimpéar nó níos mó; 11. Cásálacha/gabhdáin lártheifneoirí ina gcuirfear cóimeáil an fheadáin rótair de chuid lártheifneoir gáis, agus arb é atá iontu sorcóir righin a bhfuil tiús ballaí nach mó ná 30 mm acu agus cinn acu atá meaisínithe go beacht agus atá comhthreomhar le chéile agus ingearach le fad-ais an tsorcóra go 0,05o nó níos lú; 12. Scúip arb é atá iontu feadáin atá saindeartha nó sainullmhaithe chun gás UF6 a eastóscadh laistigh den fheadán rótair le gníomhú feadáin Pitot agus is féidir a fheistiú ar an lárchóras eastósctha gáis; 13. Athróirí minicíochta (tiontairí nó inbhéartóirí) atá saindeartha nó sainullmhaithe chun mótarstátair a sholáthar le laghaidh saibhriú le lártheifneoirí gáis, ar fíor ina leith gach ceann díobh seo a leanas, agus comhpháirteanna atá saindeartha lena n-aghaidh: a. Aschur minicíochta ilphasach 600 Hz nó níos mó; agus b. Ardchobhsaíocht (rialú minicíochta ar fearr é ná 0,2 %); 14. Comhlaí stoptha agus rialaithe mar a leanas: a. Comhlaí stoptha atá saindeartha nó sainullmhaithe chun gníomhú ar fhotha, ar tháirge nó ar fhuíoll sreafaí gásacha UF6 de chuid lártheifneoir gáis aonair; b. Comhlaí bolgshéalaithe, bídís ina gcomhlaí stoptha nó rialaithe, atá déanta as 'ábhair atá díonach ar chreimeadh UF6' nó atá faoi chosaint na n-ábhar sin, agus arb é 10 mm go 160 mm a dtrastomhas ar an taobh istigh, agus atá saindeartha nó sainullmhaithe chun a n-úsáide i bpríomhchórais nó i gcórais chúnta gléasraí saibhrithe le lártheifneoirí gáis;

c.

Trealamh agus comhpháirteanna, atá saindeartha nó sainullmhaithe do phróiseas deighilte trí idirleathadh gásach, mar a leanas: 1. Bacainní ar idirleathadh gásach, agus iad déanta as ábhair mhiotalacha, ábhair pholaiméireacha nó ábhair cheirmeacha atá póiriúil agus ar ábhair iad 'atá díonach ar chreimeadh UF6' agus méid póire acu idir 10 nm agus 100 nm, tiús 5 mm nó níos lú, agus i gcás foirmeacha feadánacha, trastomhas 25 mm nó níos lú; 2. Cásálacha d’idirleatóirí gásacha atá déanta as 'ábhair atá díonach ar chreimeadh UF6' nó faoi chosaint na n-ábhar sin; 3. Comhbhrúiteoirí nó séidirí gáis ag a bhfuil toilleadh toirte súite 1 m3/nóiméad nó níos mó ó thaobh UF6 de, agus brú díluchtaithe acu nach mó ná 500 kPa, agus ag a bhfuil cóimheas brú 10:1 nó níos lú, agus atá déanta as 'ábhair atá díonach ar chreimeadh UF6' nó atá faoi chosaint na n-ábhar sin; 4. Séalaí d’fhearsaidí rothlacha do chomhbhrúiteoirí nó do shéidirí atá sonraithe in 0B001.c.3. agus atá deartha do ráta sceite-isteach sciath gáis ar lú é ná 1 000 cm3/min; 5. Malartóirí teasa atá déanta as 'ábhair atá díonach ar chreimeadh UF6' nó faoi chosaint na n-ábhar sin, agus atá deartha do ráta brú sceite ar lú é ná 10 Pa in aghaidh na huaire faoi dhifreálach brú 100 kPa; 6. Comhlaí bolgshéalaithe, bídís ina gcomhlaí láimhe nó uathoibríocha, nó ina gcomhlaí stoptha nó rialaithe, atá déanta as 'ábhair atá díonach ar chreimeadh UF6' nó faoi chosaint na n-ábhar sin;

d.

Trealamh agus comhpháirteanna, atá saindeartha nó sainullmhaithe do phróiseas deighilte aeraidinimiciúil, mar a leanas: 1. Soic deighilte arb é atá iontu cainéil chuaracha scoilt-chruthacha a bhfuil ga cuaire acu ar lú é ná 1 mm, atá díonach ar chreimeadh UF6, agus a bhfuil faobhar scine laistigh den soc lena ndeighltear an gás ina dhá shruth agus é ag sreabhadh tríd an soc; 2. Feadáin shorcóireacha nó chónúla, (feadáin cuilithe), atá déanta as 'ábhair atá díonach ar chreimeadh UF6' nó faoi chosaint na n-ábhar sin, agus ag a bhfuil ionraon tadhlaíoch amháin nó níos mó; 3. Comhbhrúiteoirí nó séidirí gáis atá déanta as 'ábhair atá díonach ar chreimeadh UF6', agus séalaí d’fhearsaidí rothlacha lena n-aghaidh; 4. Malartóirí teasa atá déanta as 'ábhair atá díonach ar chreimeadh UF6' nó faoi chosaint na n-ábhar sin; 5. Cásálacha d’eilimintí na deighilte aeraidinimiciúla, atá déanta as 'ábhair atá díonach ar chreimeadh UF6' nó faoi chosaint na n-ábhar sin, chun go mbeidh feadáin cuilithe nó soic deighilte iontu; 6. Comhlaí bolgshéalaithe, bídís ina gcomhlaí láimhe nó uathoibríocha, nó ina gcomhlaí stoptha nó rialaithe, atá déanta as 'ábhair atá díonach ar chreimeadh UF6' nó faoi chosaint na n-ábhar sin, ag a bhfuil trastomhas 40 mm nó níos mó; 7. Córais próisis chun UF6 a scaradh ó ghás iompróra (hidrigin nó héiliam) go dtí cion 1 ppm UF6 nó níos lú, lena n-áirítear: a. Malartóirí teasa crióigineacha agus crióidheighilteoirí a bhfuil ar a gcumas teochtaí 153K (– 120 °C) nó níos ísle ná sin a bhaint amach; b. Aonaid chrióigineacha chuisniúcháin a bhfuil ar a gcumas teochtaí 153 K (– 120 °C) nó níos ísle ná sin a bhaint amach; c. Soc deighilte nó aonaid feadáin cuilithe do dheighilt UF6 ó ghás iompróra; d. Fuarghaistí UF6 ar féidir leo UF6 a bhaint amach le fuacht;

e.

Trealamh agus comhpháirteanna, atá saindeartha nó sainullmhaithe do phróiseas deighilte trí mhalartú ceimiceach, mar a leanas: 1. Bíogcholúin leacht-leachta mearmhalartaithe a bhfuil am fanachta céime 30 soicind nó níos lú acu agus atá díonach ar aigéad hidreaclórach tiubhaithe (e.g. atá déanta as ábhair oiriúnacha phlaisteacha amhail polaiméirí hidreacarbóin fluairínithe nó gloine), nó atá faoi chosaint na n-ábhar sin; 2. Teagmhálaithe lártheifeacha leacht-leachta mearmhalartaithe a bhfuil am fanachta céime 30 soicind nó níos lú acu agus atá díonach ar aigéad hidreaclórach tiubhaithe (e.g. atá déanta as ábhair oiriúnacha phlaisteacha amhail polaiméirí hidreacarbóin fluairínithe nó gloine) nó faoi chosaint na n-ábhar sin; 3. Cealla dí-ocsaídiúcháin leictrimeicniúla atá díonach ar thuaslagáin d’aigéad hidreaclórach, chun úráiniam a dhí-ocsaídiú ó stáid amháin fiúsachta go ceann eile; 4. Trealamh fothaithe de chealla leictriceimiceacha dí-ocsaídiúcháin chun U+4 a thabhairt ón sruth orgánach agus, i gcás na gcodanna sin atá i dteagmháil le sruth an phróisis, atá déanta as ábhair oiriúnacha (e.g. gloine, polaiméirí fluaracharbóin, sulfáit polaifeinile, sulfón poiléitir agus graifít tuilte le roisín) nó atá faoi chosaint na n-ábhar sin; 5. Córais ullmhúcháin fothaithe chun tuaslagán ardíonachta clóiríd d’alúmanam arb é atá iontu tuaslagadh, eastóscadh tuaslagóirí agus/nó trealamh malartaithe ian le haghaidh íonúcháin agus cealla leicrealaíocha le haghaidh úráiniam U+6 nó U+4 a dhí-ocsaídiú go dtí úráiniam U+3; 6. Córais ocsaídiúcháin úráiniam d’ocsaídiú U+3 go dtí U+4;

f.

Trealamh agus comhpháirteanna atá saindeartha nó sainullmhaithe do phróiseas deighilte trí mhalartú ian, mar a leanas: 1. Roisíní mear-imoibrithe ianmhalartaithe, roisíní peillicín nó roisíní maicreangachúla póiriúla ina bhfuil na grúpaí gníomhacha um malartú ceimiceach teoranta go cumhdach ar dhromchla struchtúr taca atá neamhghníomhach agus póiriúil, agus struchtúir chomhchodacha eile in aon fhoirm oiriúnach, lena n-áirítear cáithníní nó snáithíní, a bhfuil trastomhas 0,2 mm nó níos lú acu, agus atá díonach ar aigéad hidreaclórach tiubhaithe agus atá deartha chun go mbeidh leath-am ráta malartaithe acu ar lú ná 10 soicind é agus le bheith in ann feidhmiú ag teochtaí i raon 373 K (100 °C) go dtí 473 K (200 °C); 2. Colúin (shorcóireacha) malartaithe ian a bhfuil trastomhas acu ar mó é ná 1 000 mm, atá déanta as ábhair atá díonach ar aigéad hidreaclórach tiubhaithe (mar shampla tíotáiniam nó plaistigh fhluaracharbóin) nó atá faoi chosaint na n-ábhar sin agus atá in ann feidhmiú ag teochtaí i raon 373 K (100 °C) go dtí 473 K (200 °C) agus ag brúnna os cionn 0,7 MPa; 3. Córais aife um malartú ian (córais cheimiceacha nó leictriceimiceacha dí-ocsaídiúcháin nó córais cheimiceacha nó leictriceimiceacha mhaolaithe) le haghaidh athghiniúint na n-oibreán ceimiceach dí-ocsaídiúcháin nó ocsaídiúcháin a úsáidtear i gcascáidí saibhrithe um malartú ian;

g.

Trealamh agus comhpháirteanna atá saindeartha nó sainullmhaithe do phróisis deighilte atá bunaithe ar léasar agus ina n-úsáidtear deighilt iseatóp trí ghal adamhach le léasar, mar a leanas: 1. Córais galaithe miotail úráiniam atá deartha chun 1 kW nó níos mó de chumhacht sheachadta a chur i bhfeidhm ar an sprioc atá le húsáid i saibhriú le léasar; 2. Córais láimhseála miotail úráiniam leachta nó gail atá saindeartha nó sainullmhaithe chun úráiniam leáite, cóimhiotail úráiniam leáite nó gal miotail úráiniam a láimhseáil le húsáid le linn saibhriú le léasar, agus comhpháirteanna atá saindeartha lena n-aghaidh; N.B. FÉACH FREISIN 2A225. 3. Cóimeálacha tiomsaithe táirgí agus fuíll chun miotal úráiniam a bhailiú i bhfoirm leachtach nó soladach, atá déanta as ábhair atá díonach ar theas agus ar chreimeadh ó ghal nó ó leacht miotail úráiniam nó atá faoi chosaint na n-ábhar sin, amhail graifít itria-bhrataithe nó tantalam; 4. Cásálacha do mhodúil um dheighilt (soithí sorcóireacha nó dronuilleogacha) ina mbeidh foinse na gaile miotail úráiniam, an gunna leictreonléis agus na tiomsaitheoirí táirgí agus fuíll; 5. 'Léasair' nó córais 'léasair' atá saindeartha nó sainullmhaithe chun iseatóip úráiniam a dheighilt le cobhsú speictrim minicíochta agus chun feidhmiú ar feadh tréimhsí fada ama; N.B. FÉACH FREISIN 6A005 AGUS 6A205.

h.

Trealamh agus comhpháirteanna atá saindeartha nó sainullmhaithe do phróisis deighilte atá bunaithe ar léasar agus ina n-úsáidtear deighilt iseatóp trí ghal adamhach le léasar, mar a leanas: 1. Buinní leata forshonacha do mheascáin fuaraithe de UF6 agus de ghás iompair go dtí 150 K (– 123 °C) nó níos lú agus iad déanta as 'ábhair atá díonach ar chreimeadh ó UF6'; 2. Comhpháirteanna tiomsaitheora táirgí nó fuíll nó feistí atá saindeartha nó sainullmhaithe chun ábhar úráiniam nó ábhar fuíll úráiniam a thiomsú i ndiaidh a shoilsiú le solas léasair, atá déanta as 'ábhair atá díonach ar chreimeadh ó UF6'; 3. Comhbhrúiteoirí atá déanta as 'ábhair díonach ar chreimeadh UF6' nó atá faoi chosaint na n-ábhar sin, agus séalaí d’fhearsaidí rothlacha lena n-aghaidh; 4. Trealamh chun UF5 (soladach) a fhluairíniú go UF6 (gás); 5. Córais próisis chun UF6 a scaradh ó ghás iompróra (e.g. nítrigin nó argón nó gáis eile), lena n-áirítear: a. Malartóirí teasa crióigineacha agus crióidheighilteoirí a bhfuil ar a gcumas teochtaí 153 K (– 120 °C) nó níos ísle ná sin a bhaint amach; b. Aonaid chrióigineacha chuisniúcháin a bhfuil ar a gcumas teochtaí 153 K (– 120 °C) nó níos ísle ná sin a bhaint amach; c. Fuarghaistí UF6 ar féidir leo UF6 a bhaint amach le fuacht; 6. 'Léasair' nó córais 'léasair' atá saindeartha nó sainullmhaithe chun iseatóip úráiniam a dheighilt le cobhsú speictrim minicíochta agus chun feidhmiú ar feadh tréimhsí fada ama; N.B. FÉACH FREISIN 6A005 AGUS 6A205.

i.

Trealamh agus comhpháirteanna atá saindeartha nó sainullmhaithe do phróiseas deighilte plasma, mar a leanas: 1. Foinsí cumhachta micreathoinne agus aintéiní chun iain a tháirgeadh nó a luathú, a bhfuil minicíocht aschurtha acu ar mó í ná 30 GHz agus meánchumhacht aschurtha acu ar mó í ná 50 kW; 2. Cornaí ardmhinicíochta floscacháin ian le haghaidh minicíochtaí ar airde iad ná 100 kHz agus a bhfuil ar a gcumas meánchumhacht ar airde í ná 40 kW a láimhseáil; 3. Córais ghiniúna do phlasma úráiniam; 4. Ní úsáidtear; 5. Cóimeálacha tiomsaithe táirgí agus fuíll le haghaidh miotal úráiniam i bhfoirm sholadach, atá déanta as ábhair atá díonach ar theas agus ar chreimeadh ó ghal nó ó leacht miotail úráiniam nó atá faoi chosaint na n-ábhar sin, amhail graifít itria-bhrataithe nó tantalam; 6. Cásálacha (sorcóireacha) do mhodúil um scaradh ina mbeidh foinse an phlasma úráiniam, an corna tiomána radaimhinicíochta agus na tiomsitheoirí táirgí agus fuíll agus atá déanta as ábhar oiriúnach neamh-mhaighnéadach (e.g. cruach dhosmálta);

j.

Trealamh agus comhpháirteanna atá saindeartha nó sainullmhaithe do phróiseas scartha leictreamaighnéadach, mar a leanas: 1. Foinsí ian, idir aonar agus iolrach, arb é atá iontu foinse gaile, ianaitheoir, agus léasluasaire atá déanta as ábhair oiriúnacha neamh-mhaighnéadacha (e.g. graifít, cruach dhosmálta, nó copar) agus a bhfuil ar a gcumas sruth léis ian iomlán 50 mA nó níos mó a sholáthar; 2. Plátaí tiomsaithe ian do thiomsú léasacha ian úráiniam atá saibhrithe nó laghdaithe, arb é atá sna plátaí dhá scoilt nó níos mó agus pócaí agus atá déanta as ábhair oiriúnacha neamh-mhaighnéadacha (e.g. graifít nó cruach dhosmálta); 3. Cásálacha folúis do dheighilteoirí leictreamaighnéadacha úráiniam atá déanta as ábhair neamh-mhaighnéadacha (e.g. cruach dhosmálta) atá deartha chun oibriú ag brúnna de 0,1 Pa nó níos lú; 4. Píosaí poil maighnéid a bhfuil trastomhas acu ar mó é ná 2 m; 5. Soláthairtí cumhachta ardvoltais le haghaidh foinsí ian, ar fíor ina leith gach ceann díobh seo a leanas: a. Tá sé ar a gcumas oibriú go leanúnach; b. Tá aschur voltais de 20 000 V nó níos mó acu; c. Tá aschur srutha de 1 A nó níos mó acu; agus d. Tá rialú voltais acu ar fearr é ná 0,01 % ar feadh tréimhse 8 uair an chloig; N.B. FÉACH 3A227 FREISIN. 6. Soláthairtí cumhachta maighnéadaí (ardchumhacht, sruth díreach) ar fíor ina leith gach ceann díobh seo a leanas: a. Tá ar a gcumas oibriú go leanúnach le haschur srutha 500 A nó níos mó ag voltas 100 V nó níos mó; agus b. Tá rialú voltais nó rialú srutha acu ar fearr é ná 0,01 % ar feadh tréimhse 8 uair an chloig. N.B. FÉACH 3A226 FREISIN.

0B002
Córais, trealamh nó comhpháirteanna cúntacha atá saindeartha nó sainullmhaithe, mar a leanas, do ghléasra um dheighilt iseatóp atá sonraithe in 0B001, atá déanta as 'ábhair atá díonach ar chreimeadh ó UF6' nó atá faoi chosaint na n-ábhar sin:

a.	Hidreachláibh fothaithe, oighinn nó córais a úsáidtear chun UF6 a chur chuig an bpróiseas saibhriúcháin;

b.	Dínéaltóirí nó fuarghaistí, a mbaintear úsáid astu chun UF6 a bhaint as an bpróiseas saibhriúcháin chun é a aistriú ar a théamh;

c.	Stáisiúin táirgí agus fuíll chun UF6 a aistriú isteach i ngabhdáin;

d.	Stáisiúin leachtaithe nó soladaithe a mbaintear úsáid astu chun UF6 a bhaint amach as an bpróiseas saibhriúcháin trí UF6 a chomhbhrú, a fhuarú agus a aistriú go foirm leachtach nó soladach;

e.	Córais píobánra agus córais ilseoladáin atá saindeartha nó sainullmhaithe chun UF6 a láimhseáil i gcascáidí an idirleata ghásaigh, i gcascáidí lártheifneora nó i gcascáidí aeraidinimicúla;

f.

Córais folúis agus caidéil mar a leanas: 1. Ilphíobáin folúis, ilseoladáin folúis nó caidéil folúis a bhfuil toilleadh súite de 5 m3/noiméad nó níos mó acu; 2. Caidéil folúis atá saindeartha lena n-úsáid in atmaisféir ina bhfuil UF6 agus atá déanta as 'ábhair atá díonach ar chreimeadh ó UF6' nó atá faoi chosaint na n-ábhar sin; nó 3. Córais folúis arb é atá iontu ilphíobáin folúis, ilseoladáin folúis agus caidéil folúis, agus atá saindeartha le haghaidh seirbhís in atmaisféir ina bhfuil UF6;

g.

Mais-speictriméadair UF6 nó foinsí ian a bhfuil sé ar a gcumas samplaí ar líne a thógáil ó shruthanna gáis UF6 agus ar fíor ina leith gach ceann díobh seo a leanas: 1. Tá sé ar a gcumas iain a thomhas ar de 320 aonad maise adamhaí nó níos mó iad agus a bhfuil taifeach is fearr ná aon pháirt amháin in 320 acu; 2. Foinsí ian atá tógtha de nicil, de chóimhiotail nicile-copair ag a bhfuil cion nicile ar mó é ná 60 % de réir meáchain nó de chóimhoitail nicile-cróim, nó atá faoi chosaint na n-ábhar sin; 3. Foinsí d’ianú tuairgneála leictreon; agus 4. Córas tiomsaithe atá oiriúnach d’anailís iseatópach.

0B003
Gléasra do thiontú an úráiniam agus trealamh atá saindeartha agus sainullmhaithe lena aghaidh, mar a leanas:

a.	Córais do thiontú tiúchán méine úráiniam go UO3;

b.	Córais chun UO3 a thiontú go UF6;

c.	Córais chun UO3 a thiontú go UO2;

d.	Córais chun UO2 a thiontú go UF4;

e.	Córais chun UF4 a thiontú go UF6;

f.	Córais chun UF4 a thiontú go miotal úráiniam;

g.	Córais chun UF6 a thiontú go UO2;

h.	Córais chun UF6 a thiontú go UF4;

i.	Córais chun UO2 a thiontú go UCl4.

0B004
Gléasra do tháirgeadh nó do thiúchan tromuisce, deoitéiriam agus comhdhúl eile deoitéiriam agus trealamh atá saindeartha nó sainullmhaithe lena aghaidh, mar a leanas:

a.	Gléasra do tháirgeadh tromuisce, do tháirgeadh deoitéiriam nó do tháirgeadh comhdhúl deoitéiriam, mar a leanas: 1. Gléasra malartaithe suilfíde hidrigine-uisce; 2. Gléasra malartaithe amóinia-hidrigine;

b.

Trealamh agus comhpháirteanna, mar a leanas: 1. Túir malartaithe suilfíde hidrigine-uisce ag a bhfuil trastomhais 1,5 m nó níos mó, agus a bhfuil sé ar a gcumas oibriú ag brúnna ar mó iad ná 2 MPa, nó is ionann leis sin; 2. Séidirí nó comhbhrúiteoirí lártheifeacha aonchéimeacha, ísealbhrú (i.e. 0,2 MPa) do chiorclú gáis suilfíde hidrigine (i.e. gás ina bhfuil níos mó ná 70 % suilfíde hidrigine (H2S) de réir meáchain) a bhfuil cumas tréchuir acu ar mó é ná 56 m3/soicind nó arb ionann é leis sin nuair a bhíonn siad ag feidhmiú ag brúnna ar mó iad ná 1,8 MPa súite agus a bhfuil séalaí acu atá deartha do sheirbhís fhliuch H2S; 3. Túir malartaithe amóinia-hidrigine arb airde iad ná 35 m nó arb ionann leis sin a n-airde agus a bhfuil trastomhais idir 1,5 m agus 2,5 m acu agus a bhfuil ar a gcumas feidhmiú ag brúnna ar mó iad ná 15 MPa; 4. Feisteas inmheánach túir, lena n-áirítear teagmhálaithe céime, agus caidéil céime, lena n-áirítear iad siúd atá intumtha, do tháirgeadh tromuisce tríd an bpróiseas malartaithe amóinia-hidrigine; 5. Scoilteoirí amóinia a bhfuil brúnna oibríochta acu atá 3 MPa nó níos mó, do tháirgeadh tromuisce tríd an bpróiseas malartaithe amóinia-hidrigin; 6. Anailíseoirí ionsúcháin infridheirg a bhfuil ar a gcumas anailís ar líne hidrigine/deoitéiriam a dhéanamh i gcás inar mó tiúchain an deoitéiriam ná 90 % de réir meáchain nó inarb ionann leis sin é; 7. Dóirí catalaíocha chun gás deoitéiriam saibhrithe a thiontú go tromuisce trí phróiseas malartaithe amóinia-hidrigine; 8. Córais iomlána uasghrádaithe tromuisce, nó colúin lena n-aghaidh, chun tromuisce a uasghrádú go tiúchan deoitéiriam ar ghrád imoibreora; 9. Tiontairí sintéise amóinia nó aonaid sintéise atá saindeartha gó sainullmhaithe do tháirgeadh tromuisce trí phróiseas malartaithe amóinia-hidrigine.

0B005
Gléasra atá saindeartha chun eilimintí breosla 'imoibreora núicléach' a mhonarú, agus trealamh atá saindeartha nó sainullmhaithe lena aghaidh.

Nóta Teicniúil:

Le trealamh atá saindeartha nó sainullmhaithe chun eilimintí breosla 'imoibreora núicléach' a mhonarú, áirítear trealamh:

1.	A mbíonn teagmháil dhíreach de ghnáth aige le sreabh táirgthe na n-ábhar núicléach nó a mbaintear úsáid as chun an sreabh sin a phróiseáil nó a rialú go díreach;

2.	A mbaintear úsáid as chun na hábhair núicléacha a shéalú laistigh den chumhdach;

3.	A mbaintear úsáid as chun iomláine an chumhdaigh nó an tséala a sheiceáil;

4.	A mbaintear úsáid as chun cóireáil deiridh an bhreosla shéalaithe a sheiceáil; nó

5.	A úsáidtear chun eilimintí imoibreora a chóimeáil.

0B006
Gléasra chun eilimintí ionradaithe breosla 'imoibreora núicléach' a athphróiseáil, agus trealamh agus comhpháirteanna atá saindeartha nó sainullmhaithe lena aghaidh.

Nóta :

Áirítear le 0B006: a. Gléasra chun eilimintí ionradaithe breosla 'imoibreora núicléach' a athphróiseáil, lena n-áirítear trealamh agus comhpháirteanna a mbíonn teagmháil dhíreach de ghnáth acu leis an mbreosla ionradaithe nó a mbaintear úsáid astu chun an breosla ionradaithe agus príomhshreabhanna táirgthe na n-ábhar núicléach agus na n-ábhar inscoilte a rialú go díreach; b. Trealamh díchumhdaithe eilimintí breosla agus meaisíní gearrtha nó mionstiallta eilimintí breosla, i.e. trealamh cianoibrithe chun cóimeálacha breosla, burlaí nó maidí breosla ionradaithe 'imoibreora núicléach' a ghearradh, a smiotadh, nó a bhearradh; c. Soithí tuaslagóra nó tuaslagóirí lena mbaintear úsáid as feistí meicniúla atá saincheaptha nó sainullmhaithe chun breosla ionradaithe 'imoibreora núicléach' a thuaslagadh, a bhfuil ar a gcumas leachtanna an-chreimneach teo a sheasamh, agus ar féidir iad a chianluchtú, a chianoibriú agus a chianchothabháil; d. Eastarraingteoirí tuaslagóirí, amhail dlúthcholúin nó bíogcholúin, socraitheoirí meascthóra nó crapthóirí lártheifeacha, atá díonach ar éifeachtaí creimneacha aigéid nítrigh agus atá saindeartha agus sainullmhaithe lena n-úsáid i ngléasra chun 'úráiniam nádúrtha' ionradaithe, 'úráiniam laghdaithe' nó 'ábhair inscoilte speisialta' a athphróiseáil; e. Soithí coinneála nó stórála atá saindeartha chun bheith sábháilte go criticiúil agus chun bheith díonach ar éifeachtaí creimneacha aigéid nítrigh; Nóta Teicniúil: D’fhéadfadh sé go mbeadh na gnéithe seo a leanas ag roinnt le soithí coinneála nó stórála: 1. Ballaí nó struchtúir inmheánacha a bhfuil coibhéis bóróin acu (á ríomh do gach eilimint ann mar a shainmhínítear sa nóta a ghabhann le 0C004) de dhá faoin gcéad ar a laghad; 2. Trastomhas uasta 175 mm do shoithí sorcóireacha; nó 3. Uasleithead 75 mm do shoitheach fáinneach nó leice. f. Córais tomhais neodrón atá saindeartha nó sainullmhaithe lena gcomhtháthú agus lena n-úsáid le córais rialaithe próisis uathoibríocha i ngléasra chun 'úráiniam nádúrtha' ionradaithe, 'úráiniam laghdaithe' nó 'ábhair inscoilte speisialta' a athphróiseáil.

0B007
Gléasra chun plútóiniam a thiontú, agus trealamh atá saindeartha nó sainullmhaithe lena aghaidh, mar a leanas:

a.	Córais chun níotráit de phlútóiniam a thiontú go hocsaíd;

b.	Córais chun miotal plútóiniam a tháirgeadh.

0C
Ábhair

0C001
'Úráiniam nádúrtha' nó 'úráiniam laghdaithe' nó tóiriam i bhfoirm miotail, cóimhiotail, comhdhúil cheimiceach nó tiúcháin agus aon ábhar eile ina bhfuil ceann amháin nó níos mó de na nithe réamhluaite;

Nóta :

Ní rialaítear le 0C001 iad seo a leanas: a. Ceithre ghram de 'úráiniam nádúrtha' nó de 'úráiniam laghdaithe' nó níos lú ná sin nuair a choimeádtar é i gcomhpháirt bhraiteach in ionstraimí; b. 'Úráiniam laghdaithe' atá sainmhonaraithe do na feidhmeanna neamh-núicléacha sibhialta seo a leanas: 1. Sciathú; 2. Pacáistiú; 3. Ballastaí a bhfuil mais acu nach mó í ná 100 kg; 4. Frithmheáchain a bhfuil mais acu nach mó í ná 100 kg; c. Cóimhiotail a bhfuil níos lú ná 5 % de thóiriam iontu; d. Táirgí ceirmeacha a bhfuil tóiriam iontu agus a monaraíodh d’úsáid neamhnúicléach.

0C002
'Ábhair inscoilte speisialta'

Nóta:

Ní rialaítear le 0C002 ceithre 'ghram éifeachtacha' nó níos lú ná sin nuair a choimeádtar iad i gcomhpháirt bhraiteach in ionstraimí.

0C003
Deoitéiriam, tromuisce (ocsaíd deoitéiriam) agus comhdhúile eile deoitéiriam, agus meascáin agus tuaslagáin ina bhfaightear deoitéiriam, inar mó ná 1:5 000 an cóimheas iseatópach deoitéiriam le hidrigin.

0C004
Graifít ar mó a leibhéal íonachta ná 5 pháirt in aghaidh an mhilliúin de 'choibhéis bóróin' agus ar mó a dlús ná 1,50 g/cm3 lena húsáid in 'imoibreoir núicléach', i gcainníocht ar mó í ná 1 kg.

N.B.	FÉACH 1C107 FREISIN.

Nóta 1:

Chun críche rialaithe onnmhairiúcháin, cinnfidh údaráis inniúla an Bhallstáit ina bhfuil an t-onnmhaireoir bunaithe cé acu an bhfuil nó nach bhfuil na honnmhairí graifíte a chomhlíonann na sonraíochtaí thuasluaite lena n-úsáid in 'imoibreoir núicléach'. Ní rialaítear le 0C004 graifít ar mó a leibhéal íonachta ná 5 csm (codanna sa mhilliún) de 'choibhéis bóróin' agus ar mó a dlús ná 1,50 g/cm3 lena húsáid in 'imoibreoir núicléach'.

Nóta 2 :

In 0C004, sainmhínítear 'coibhéis bóróin' (CB) mar shuim BEz d’eisíontais (seachas CBcarbón ós rud é nach meastar carbón mar eisíontas) lena n-áirítear bórón, sa chás seo a leanas: BEZ (codanna sa mhillún (csm)) = CF × tiúchan de dhúil Z in csm; agus inar σΒ agus σΖ na trasghearrthacha gabhála neodrón teirmeach (i sciobóil) maidir le bórón a fhaightear go nádúrtha agus le dúil Z faoi seach; agus gur AB agus AZ an mhais adamhach de bhórón a fhaightear go nádúrtha agus de dhúil Z faoi seach.

0C005
Comhdhúile nó púdair atá sainullmhaithe chun bacainní ar idirleathadh gásach a mhonarú, atá díonach ar chreimeadh UF6 (e.g. nicil nó cóimhiotail arb í nó iad nicil, ocsaíd alúmanaim nó polaiméirí hidreacarbóin lánfhluairínithe 60 % nó níos mó dá meáchan), arb é 99,9 % nó níos mó a n-íonacht de réir meáchain, agus ag a bhfuil méid cháithníneach ar lú í ná 10 μm arna thomhas le caighdeán ASTM B330 agus ag a bhfuil ardleibhéal aonfhoirmeachta maidir le méid na gcáithníní.

0D
Bogearraí

0D001
'Bogearraí' atá saindeartha nó sainmhodhnaithe chun na hearraí atá sonraithe sa Chatagóir seo 'a fhorbairt', 'a tháirgeadh' nó 'a úsáid'.

0E
Teicneolaíocht

0E001
'Teicneolaíocht' mar a shainítear sa Nóta maidir leis an Teicneolaíocht Núicléach chun na hearraí atá sonraithe sa Chatagóir seo 'a fhorbairt', 'a tháirgeadh' nó 'a úsáid'.

CUID III

Catagóir 1

CATAGÓIR 1 – ÁBHAIR SPEISIALTA AGUS TREALAMH GAOLMHAR

1A
Córais, Trealamh agus Comhpháirteanna

1A001
Comhpháirteanna atá déanta as comhdhúile fluairínithe, mar a leanas:

a.	Séalaí, gaiscéid, séaltáin nó máilíní breosla, atá saindeartha chun a n-úsáide in 'aerárthach' nó san aeraspás, arb ionann iontu agus 50 % dá meáchan méid aon cheann de na hábhair atá sonraithe in 1C009.b. nó 1C009.c.;

b.	Ní úsáidtear;

c.	Ní úsáidtear.

1A002
Struchtúir nó lannáin 'chomhchodacha', mar a leanas:

N.B.	FÉACH FREISIN 1A202, 9A010 agus 9A110.

a.	Tá siad déanta as aon cheann díobh seo a leanas: 1. 'Maitrís' orgánach agus 'ábhair shnáithíneacha nó fhiliméadacha' atá sonraithe in 1C010.c. nó in 1C010.d.: nó 2. Réamhthuiltí nó réamhfhoirmeacha atá sonraithe in 1C010.e.;

b.

Déanta as 'maitrís' mhiotail nó carbóin, agus aon cheann de na nithe seo a leanas: 1. 'Ábhair shnáithíneacha nó fhiliméadacha' charbóin ar fíor ina leith gach ceann díobh seo a leanas: a. Tá 'modal sonrach' acu ar mó é ná 10,15 × 106 m; agus b. Tá 'neart teanntachta sonrach' acu ar mó é ná 17,7 × 104 m; nó 2. Na hábhair atá sonraithe in 1C010.c.

Nóta 1 :

Ní rialaítear le 1A002 struchtúir nó lannáin chomhchodacha atá déanta as 'ábhair shnáithíneacha nó fhiliméadacha' charbóin atá tar éis a dtuilte le roisín eapocsach, chun struchtúir nó lannáin 'aerárthaí sibhialta' a dheisiú, agus ar fíor ina leith gach ceann díobh seo a leanas: a. Achar nach mó nach 1 m2; b. Tá fad acu nach mó é ná 2,5 m; agus c. Tá leithead acu nach mó é ná 15 mm.

Nóta 2 :

Ní rialaítear le 1A002 earraí leathchríochnaithe, atá saindeartha d’fheidhmeanna sibhialtacha amháin, mar a leanas: a. Earraí spóirt; b. An tionscal mótarfheithiclí; c. Tionscal na meaisín-uirlisí; d. Feidhmeanna liachta.

Nóta 3 :

Ní rialaítear le 1A002.b.1. earraí leathchríochnaithe a bhfuil ar a mhéad dhá ghné d’fhiliméid fite iontu agus atá saindeartha d’fheidhmeanna mar a leanas: a. Foirnéisí cóireála teasa chun miotail a fhaghairt; b. Trealamh táirgthe búilí sileacain.

Nóta 4 :

Ní rialaítear le 1A002 earraí críochnaithe atá saindeartha d’fheidhm shonrach.

Nóta 5 :

Ní rialaítear le 1A002.b.1 'ábhair shnáithíneacha nó fhiliméadacha' charbóin atá mionghearrtha nó muilleáilte go meicniúil agus arb ionann an fad atá acu agus 25,0 mm nó ar lú ná sin é.

1A003
Táirgí atá monaraithe as poilimídí aramatacha neamh-'inchomhleáite' i bhfoirm scannáin, leatháin, téipe nó ribín, agus ar fíor ina leith aon cheann díobh seo a leanas:

a.	Tá tiús acu ar mó é ná 0,254 mm; nó

b.	Tá siad brataithe nó lannaithe le carbóin, le graifít, le miotail nó le substaintí maighnéadacha.

Nóta :

Ní rialaítear le 1A003 táirgí atá brataithe nó lannaithe le copar, agus atá deartha chun cláir ciorcaid phriontáilte leictreonacha a tháirgeadh.

N.B.	Maidir le poilimídí aramatacha 'in-chomhleáite' i bhfoirm ar bith, féach 1C008.a.3.

1A004
Trealamh cosanta agus braite agus a chomhpháirteanna nach bhfuil saindeartha le haghaidh úsáid mhíleata, mar a leanas:

N.B.	FÉACH FREISIN RIALUITHE MAIDIR LE hEARRAÍ MÍLEATA, 2B351 AGUS 2B352.

a.

Maisc aghaidhe iomláine, scagcheanastair agus an trealamh dí-éillithe a bhaineann leo, atá deartha nó modhnaithe chun cosaint a thabhairt ar aon cheann de na nithe seo a leanas, agus na comhpháirteanna atá saindeartha lena n-aghaidh: Nóta : Áirítear le 1A004.a. Análaitheoirí Cumhachtaithe Íonaithe Aeir (PAPR) atá deartha nó modhnaithe le haghaidh cosaint ar oibreáin nó ábhair, a liostaítear in 1A004.a. Nóta Teicniúil: Chun críocha 1A004.a.: 1. Glaoitear gásmhaisc ar mhaisc aghaidhe iomláine freisin. 2. Áirítear scagchartúis le scagcheanastair. 1. 'Oibreáin bhitheolaíocha'; 2. 'Ábhair radaighníomhacha'; 3. Oibreáin cogaíochta ceimicí (CC); nó 4. 'Oibreáin rialaithe círéibe', lena n-áirítear: a. α-Brómaibeinsinaicéitinítríl, (ciainíd brómaibeinsile) (CA) (CAS 5798-79-8); b. [(2-Clóraifeinil) meitiléin] própáindénítríl, (o-Clóraibeinsilidinmalónítríl) (CS) (CAS 2698-41-1); c. 2-Clóra-1-feinileatánón, Clóiríd feinilaicile (ω-clóraicéitifeanón) (CN) (CAS 532-27-4); d. Débheans-(b,f)-1,4-ocsáiseifín (CR) (CAS 257-07-8); e. 10-Clóra-5,10-déhidrifeanarsaisín, (Clóiríd feanarsaisín), (adaimsít), (DM) (CAS 578-94-9); f. N-Naonánóilmorfóilín, (MPA)(CAS 5299-64-9);

b.	Cultacha cosanta, lámhainní cosanta agus bróga cosanta, atá saindeartha nó sainmhodhnaithe chun cosaint a thabhairt in aghaidh aon cheann díobh seo a leanas: 1. 'Oibreáin bhitheolaíocha'; 2. 'Ábhair radaighníomhacha'; nó 3. Oibreáin cogaíochta ceimicí (CC);

c.	Córais bhraite, atá saindeartha nó sainmhodhnaithe chun aon cheann díobh seo a leanas a bhrath nó a aithint, agus comhpháirteanna atá saindeartha lena n-aghaidh: 1. 'Oibreáin bhitheolaíocha'; 2. 'Ábhair radaighníomhacha'; nó 3. Oibreáin cogaíochta ceimicí (CC);

d.

Trealamh leictreonach atá deartha chun iarmhar 'pléascán' a bhrath nó a aithint go huathoibríoch agus chun úsáid a bhaint as teicnící 'braite rianta' (e.g. tonn fhuaimiúil dromchla, speictriméadracht soghluaiseachta ian, speictriméadracht soghluaiseachta difreálaí, mais-speictriméadracht). Nóta Teicniúil: Chun críocha 1A004.d., sainmhínítear 'brath rianta' mar an cumas chun gail ar lú í ná 1 csm, nó soladach nó leacht 1 mg a bhrath. Nóta 1 : Ní rialaítear le 1A004.d. trealamh atá saindeartha lena úsáid i saotharlann. Nóta 2 : Ní rialaítear le 1A004.d. tairseacha slándála neamhtheagmhála a bhféadtar siúl tríothu.

Nóta :

Ní rialaítear le 1A004: a. Dáileogmhéadair phearsanta chun faireachán a dhéanamh ar radaíocht; b. Trealamh sláinte ceirde nó sábháilteachta atá teoranta de réir dearaidh nó feidhme do chosaint a thabhairt in aghaidh guaiseacha a bhaineann go sonrach le sábháilteacht chónaithe agus le tionscail shibhialta, lena n-áirítear: 1. mianadóireacht; 2. cairéalú; 3. talmhaíocht; 4. cógaisíocht; 5. liacht; 6. tréidliacht; 7. an comhshaol; 8. bainistiú dramhaíola; 9. tionscal an bhia.

Nótaí Teicniúla:

1.

Áirítear le 1A004 trealamh agus comhpháirteanna a ainmníodh, ar éirigh leo caighdeáin náisiúnta a bhaint amach i dtástálacha nó ar léiríodh a n-éifeachtacht ar bhealach eile, chun 'ábhair radaighníomhacha', 'oibreáin bhitheolaíocha', oibreáin cogaíochta ceimicí, 'ionsamhlaitheoirí' nó 'oibreáin smachtaithe círéibe' a bhrath nó chun cosaint a thabhairt ina orthu, fiú má bhaintear úsáid as an trealamh nó as na comhpháirteanna sin i dtionscail shibhialta amhail mianadóireacht, cairéalú, talmhaíocht, cógaisíocht, liacht, tréidliacht, an comhshaol, bainistiú dramhaíola, nó i dtionscal an bhia.

2.	Is substaint nó ábhar é 'ionsamhlaitheoir' a mbaintear úsáid as in ionad oibreán tocsaineach (ceimiceach nó bitheolaíoch) in oiliúint, i dtaighde, i dtástáil nó i meastóireacht.

3.	Chun críocha 1A004, is éard is 'ábhair radaighníomhacha' ann na hábhair sin atá roghnaithe nó modhnaithe ionas gur éifeachtúla atá siad maidir le taismigh a dhéanamh de dhaoine nó d’ainmhithe, le trealamh a dhíghrádú nó damáiste a dhéanamh do bharra nó don chomhshaol.

1A005
Armúr coirp agus comhpháirteanna lena aghaidh, mar a leanas:

N.B.	FÉACH FREISIN NA RIALUITHE MAIDIR LE hEARRAÍ MÍLEATA.

a.	Armúr bog coirp nach bhfuil monaraithe go caighdeáin mhíleata ná go sonraíochtaí míleata, ná a gcoibhéisí, agus comhpháirteanna atá saindeartha lena n-aghaidh;

b.	Plátaí armúir chrua coirp a thugann cosaint bhalaistíoch arb ionann í agus leibhéal IIIA (NIJ 0101.06, Iúil 2008) nó 'caighdeáin choibhéiseacha', nó atá faoi bhun an leibhéil nó na gcaighdeán sin.

N.B.	Féach 1C010 le haghaidh 'ábhair shnáithíneacha nó fhiliméadacha' a úsáidtear chun armúr coirp a mhonarú.

Nóta 1 :

Ní rialaítear le 1A005 armúr coirp nuair is in éineacht lena n-úsáideoir atá sé ar mhaithe le cosaint phearsanta an úsáideora.

Nóta 2 :

Ní rialaítear le 1A005 armúr coirp atá deartha chun cosaint tosaigh amháin a thabhairt ar bhloghanna agus ar phléascanna araon a thagann ó ghairis phléascacha neamh-mhíleata.

Nóta 3 :

Ní rialaítear le 1A005 armúr coirp atá deartha chun cosaint a thabhairt ar thráma ó scian, spíce, snáthaid nó uirlis mhaol.

1A006
Trealamh, atá saindeartha nó sainmhodhnaithe chun Gairis Phléascacha Seiftithe (IEDanna) a dhiúscairt, mar a leanas, agus comhpháirteanna agus gabhálais atá saindeartha lena n-aghaidh:

N.B.	FÉACH FREISIN NA RIALUITHE MAIDIR LE hEARRAÍ MÍLEATA.

a.	Feithiclí cianoibrithe;

b.	'Suaiteoirí'. Nóta Teicniúil: Chun críocha 1A006.b. is feistí iad 'suaiteoirí' atá saindeartha chun cosc a chur ar fheidhmiú gairis phléascaigh trí dhiúracán leachta, soladach nó sobhriste a theilgean.

Nóta :

Ní rialaítear le 1A006 trealamh nuair is lena oibreoir atá sé.

1A007
Trealamh agus feistí, atá saindeartha chun lánáin agus gléasanna a bhfuil 'ábhair fuinneamhachais' iontu a thionscnamh, trí mhodhanna leictreacha, mar a leanas:

N.B.	FÉACH FREISIN RIALUITHE MAIDIR LE hEARRAÍ MÍLEATA, 3A229 AGUS 3A232.

a.	Gléasanna lámhachta do mhaidhmitheoirí pléascacha atá deartha chun na maidhmitheoirí pléascacha atá sonraithe in 1A007.b. a thiomáint;

b.	Maidhmitheoirí pléascacha a thiomáintear go leictreach mar a leanas: 1. Droichead pléascach (DP); 2. Sreang phléascach droichid (SPD); 3. Biorán lámhaigh; 4. Tionscnóirí scragaill pléascacha (TSP).

Nótaí Teicniúla:

1.	Baintear úsáid uaireanta as an bhfocal 'tionscnóir' nó 'adhainteoir' in ionad an fhocail 'maidhmitheoir'.

2.

Chun críocha 1A007.b., bainfidh na maidhmitheoirí ábhartha ar fad úsáid as seoltóir beag leictreach (droichead, sreang droichid, nó scragall) a ghalaíonn go pléascach nuair a chuirtear bíog ardsrutha leictreach ghasta tríd. I maidhmitheoirí eile nach bioráin lámhaigh iad, cuireann an seoltóir pléascach tús le madhmadh ceimiceach in ábhar teagmhála ardphléascach ar nós PETN (peinti-eiritríotóilteitriníotráit). I maidhmitheoirí a bhfuil biorán lámhaigh iontu, le galú pléascach an tseoltóra leictrigh, tiomáintear biorán lámhaigh trí bhearna, agus cuirtear tús le madhmadh ceimiceach le himbhualadh an bhioráin lámhaigh in aghaidh an phléascaigh. I ndearaí áirithe, déantar an biorán lámhaigh a thiomáint le fórsa maighnéadach. I ndearaí áirithe, déantar an biorán lámhaigh a thiomáint le fórsa maighnéadach.

1A008
Lánáin, feistí agus comhpháirteanna, mar a leanas:

a.	'Lánáin mhúnlaithe' ar fíor ina leith gach ceann díobh seo a leanas: 1. Tá Glanchainníocht Phléascach (GCP) acu ar mó í ná 90 g; agus 2. Tá trastomhas seachtrach cásála acu arb ionann é agus 75 mm nó ar mó é ná sin;

b.	Lánáin ghéara i gcruth líneach ar fíor ina leith gach ceann díobh seo a leanas, agus comhpháirteanna atá saindeartha lena n-aghaidh: 1. Tá ualach pléascach acu ar mó é ná 40 g/m; agus 2. Tá leithead acu arb ionann é agus 10 mm nó ar leithne é ná sin;

c.	Corda maidhmitheach a bhfuil ualach pléascach lárnach aige ar mó é ná 64 g/m;

d.	Gearrthóirí, cé is moite díobh siúd atá sonraithe in 1A008.b., agus uirlisí gearrtha, a bhfuil Glanchainníocht Phléascach (GCP) acu ar mó í ná 3,5 kg.

Nóta Teicniúil:

Chun críocha 1A008.a., is lánáin phléascacha iad 'lánáin mhúnlaithe' atá múnlaithe chun éifeachtaí an tséidte phléascaigh a dhíriú.

1A102
Comhpháirteanna carbón-carbóin pirealaithe agus athsháithithe atá deartha le haghaidh feithiclí spáslainseála atá sonraithe in 9A004 nó i roicéid sondála atá sonraithe in 9A104.

1A202
Struchtúir chomhchodacha, cé is moite díobh siúd atá sonraithe in 1A002, atá i bhfoirm feadán, agus a bhfuil an dá shaintréith seo a leanas acu:

N.B.	FÉACH FREISIN 9A010 AGUS 9A110.

a.	Tá trasthomhas inmheánach acu atá idir 75 mm agus 400 mm; agus

b.	Tá siad déanta as aon cheann de na 'hábhair shnáithíneacha nó fhiliméadacha' atá sonraithe in 1C010.a. nó b. nó in 1C210.a. nó as na hábhair charbóin réamhthuilte atá sonraithe in 1C210.c.

1A225
Catalaígh phlatanaithe atá saindeartha nó sainullmhaithe chun an t-imoibriú malartaithe hidrigin-iseatóp a chur chun cinn idir hidrigin agus uisce chun tritiam a fháil ar ais ó thromuisce nó chun tromuisce a tháirgeadh.

1A226
Sainphacálacha a bhféadfar úsáid a bhaint astu chun tromuisce a dheighilt ó ghnáthuisce agus a bhfuil an dá shaintréith seo a leanas acu:

a.	Tá siad déanta as mogall cré-umha fosfair atá cóireáilte go ceimiceach le hinfhliuchtacht a fheabhsú; agus

b.	Tá siad deartha lena n-úsáid i dtúir don driogaireacht folúis.

1A227
Fuinneoga sciata ard-dlúis (gloine luaidhe nó eile) radaíochta ar fíor ina leith gach ceann díobh seo a leanas, agus frámaí atá saindeartha lena n-aghaidh:

a.	Tá 'achar fuar' acu ar mó é ná 0,09 m2;

b.	Tá dlús acu ar mó é ná 3 g/cm3; agus

c.	Tá siad 100 mm nó níos mó ar tiús.

Nóta Teicniúil:

In 1A227, ciallaíonn an téarma 'achar fuar' an t-achar féachana den fhuinneog a nochtar don leibhéal is ísle radaíochta san fheidhmchlár deartha.

1B
Trealamh Tástála, Iniúchta agus Táirgeachta

1B001
Trealamh chun na struchtúir nó na lannáin 'chomhchodacha' atá sonraithe in 1A002 nó chun na 'hábhair shnáithíneacha nó fhiliméadacha' atá sonraithe in 1C010 a tháirgeadh nó a iniúchadh mar a leanas, agus comhpháirteanna agus gabhálais atá saindeartha lena n-aghaidh:

N.B.	FÉACH FREISIN 1B101 AGUS 1B201.

a.

Innill tochraiste filiméad, ina bhfuil an ghluaisne a bhaineann le snáithíní a shuí, a chumhdach agus a thochras á gcomhordú agus á ríomhchlárú i dtrí cinn nó níos mó d’aiseanna 'seirbheashuite príomhúla', agus atá saindeartha chun struchtúir nó lannáin 'chomhchodacha' a mhonarú as 'ábhair shnáithíneacha nó fhiliméadacha';

b.

Innill leagtha téipe, ina bhfuil an ghluaisne a bhaineann le téip nó leatháin a shuí agus a leagan á gcomhordú agus á ríomhchlárú i gcúig cinn nó níos mó d’aiseanna 'seirbheashuite príomhúla', agus atá saindeartha chun struchtúir 'chomhchodacha' d’aerfhrámaí nó de 'dhiúracáin' a mhonarú; Nóta : In 1B001.b., ciallaíonn 'diúracán' córais iomlána roicéad agus córais aerfheithiclí gan fhoireann. Nóta Teicniúil: Chun críocha 1B001.b., tá sé ar chumas 'inneall leagtha téipe''banda filiméad' amháin nó níos mó a leagan atá teoranta do leithead ar mó ná 25,4 mm é nó iad agus ar lú ná 304,8 mm é nó iad, nó arb ionann leis sin é nó iad, agus cúrsaí 'banda filiméad' aonair a ghearradh agus a atosú le linn phróiseas an leagtha.

c.

Innill iltreocha iltoiseacha fíodóireachta nó crosfhite, lena n-áirítear cuibheoirí agus fearais mhodhnaithe, atá saindeartha nó sainmhodhnaithe chun snáithíní a fhí, a chrosfhí nó a thrilsiú, do struchtúir 'chomhchodacha'; Nóta Teicniúil: Chun críocha 1B001.c., áirítear cniotáil le teicníc na crosfhí.

d.

Trealamh atá saindeartha nó curtha in oiriúint go speisialta chun snáithíní atreisiúcháin a tháirgeadh, mar a leanas: 1. Trealamh chun snáithíní polaiméireacha (amhail polaicrilinítríl, réón, pic nó polacarbóisiolán) a thiontú ina snáithíní carbóin nó ina snáithíní cairbíd sileacain, lena n-áirítear trealamh speisialta chun an snáithín a straidhneáil agus é á théamh; 2. Trealamh chun dúile nó comhdhúile a dheascadh trí dheascadh ceimiceach gaile, ar fhoshraitheanna filiméadacha téite, chun snáithíní cairbíde sileacáin a mhonarú; 3. Trealamh chun ceirmigh theasfhulangacha (amhail ocsaíd alúmanaim) a fhliuchshníomh; 4. Trealamh chun snáithíní réamhtheachtacha a bhfuil alúmanam iontu a thiontú ina snáithíní alúmana trí chóireáil teasa;

e.	Trealamh chun an t-ábhar réamhthuilte atá sonraithe in 1C010.e. a tháirgeadh trí mhodh an chomhleáite the;

f.

Trealamh iniúchta neamhlotmhar atá saindeartha d’ábhair 'chomhchodacha', mar a leanas: 1. Córais thomagrafaíocha x-ghathacha chun iniúchadh tríthoiseach a dhéanamh ar fhabhtanna; 2. Innill tástála ultrasonacha faoi rialú uimhriúil ina bhfuil an ghluaisne chun na traschuradóirí nó na glacadóirí a shuí comhordaithe agus ríomhchláraithe go comhuaineach i gceithre cinn nó níos mó d’aiseanna chun trí chomhrian thoiseacha na comhchoda atá á hiniúchadh a leanúint;

g.

'Innill curtha na mbarrach, a bhfuil an ghluaisne a bhaineann le barraigh a shuí agus a leagan comhordaithe agus ríomhchláraithe in dhá cheann nó níos mó d’aiseanna 'seirbheashuite príomhúla', agus atá saindeartha chun struchtúir 'chomhchodacha' d’aerfhrámaí nó de dhiúracáin a mhonarú. Nóta Teicniúil: Chun críocha 1B001.g., tá sé ar chumas 'innill curtha na mbarrach''banda filiméad' amháin nó níos mó a chur ag a bhfuil leithead is lú ná 25,4 mm nó arb ionann leis sin é, agus cúrsaí 'banda filiméad' aonair a ghearradh agus a atosú le linn phróiseas an churtha.

Nótaí Teicniúla:

1.	Chun críocha 1B001, le haiseanna 'seirbheashuite príomhúla', rialaítear, faoi threoir ríomhchláir, suíomh an éifeachtóra deiridh (i.e an ceann) sa spás i ndáil leis an saotharphíosa ag an treoshuíomh ceart agus sa treo ceart chun an próiseas inmhianaithe a bhaint amach.

2.

Chun críocha 1B001, is éard is 'banda filiméad' ann aon leithead leanúnach amháin de théip, de bharrach nó de shnáithín atá tuilte go hiomlán nó i bpáirt le roisín. Áirítear ar 'bhandaí filiméad' atá tuilte go hiomlán nó i bpáirt le roisín iad sin atá brataithe le púdar tirim a chreimneálann ar a dtéamh.

1B002
Trealamh atá deartha chun púdar cóimhiotal nó ábhair cháithníneacha a tháirgeadh, ar fíor ina leith gach ceann díobh seo a leanas:

a.	Tá siad saindeartha chun éilliú a sheachaint; agus

b.	Tá siad saindeartha lena n-úsáid i gceann amháin nó níos mó de na próisis atá sonraithe in 1C002.c.2.

N.B.	FÉACH 1B102 FREISIN.

1B003
Uirlisí, díslí, múnlaí nó daingneáin do 'fhoirmiú sárphlaisteach' nó do 'nascáil idirleata' tíotáiniam, alúmanaim nó a gcóimhiotal, atá saindeartha chun aon cheann díobh seo a leanas a mhonarú:

a.	Struchtúir d’aerfhrámaí nó struchtúir aeraspáis;

b.	Innill 'aerárthaí' nó aeraspáis; nó

c.	Comhpháirteanna atá saindeartha do struchtúir atá sonraithe in 1B003.a. nó d’innill a shonraítear in 1B003.b.

1B101
Trealamh, seachas an trealamh atá sonraithe in 1B001, chun comhchodaigh struchtúracha 'a tháirgeadh', mar a leanas; agus comhpháirteanna agus gabhálais atá saindeartha lena n-aghaidh:

N.B.	FÉACH 1B201 FREISIN.

Nóta :

Le comhpháirteanna agus gabhálais atá sonraithe in 1B101, áirítear múnlaí, mandrailí, díslí, daingneáin agus uirlisiú chun fáscadh, leasú, múnlú, sintéarú agus nascadh réamhfhoirmithe a dhéanamh ar struchtúir chomhchodacha agus ar na lannáin agus ar na táirgí a mhonaraítear astu.

a.

Innill tochraiste filiméad nó innill churtha snáithíní, ina bhfuil an ghluaisne a bhaineann le snáithíní a shuí, a chumhdach agus a thochras á gcomhordú agus á ríomhchlárú i dtrí cinn nó níos mó d’aiseanna, atá deartha chun struchtúir chomhchodacha nó lannáin chomhchodacha a dhéanamh as 'ábhair shnáithíneacha nó fhiliméadacha', agus na rialuithe comhordúcháin agus ríomhchláraithe;

b.	Innill leagtha téipe, ina bhfuil an ghluaisne a bhaineann le téip nó leatháin a shuí agus a leagan síos á gcomhordú agus á ríomhchlárú in dhá cheann nó níos mó d’aiseanna, atá deartha chun struchtúir chomhchodacha d’aerfhrámaí nó de 'dhiúracáin' a mhonarú;

c.

Trealamh atá deartha nó modhnaithe chun 'ábhair shnáithíneacha nó fhiliméadacha''a tháirgeadh', mar a leanas: 1. Trealamh chun snáithíní polaiméireacha (amhail polaicrilinítríl, réón nó polacharbóisiolán) lena n-áirítear socrú speisialta chun straidhn a chur ar an snáithín agus é á théamh; 2. Trealamh chun dúile nó comhdhúile a dheascadh trí dheascadh gaile ceimicí, ar fhoshraitheanna filiméadacha téite; 3. Trealamh chun ceirmigh theasfhulangacha (amhail ocsaíd alúmanaim) a fhliuchshníomh;

d.

Trealamh atá deartha nó modhnaithe chun cóireáil speisialta a dhéanamh ar dhromchla na snáithíní nó chun na réamhthuiltí agus na réamhfhoirmeacha atá sonraithe in iontráil 9C110 a tháirgeadh. Nóta : Le 1B101.d., áirítear rollóirí, sínteoirí teannais, trealamh brataithe, trealamh gearrtha agus díslí de chineál clicire.

1B102
'Trealamh táirgeachta' do phúdar miotail, seachas an trealamh atá sonraithe in 1B002, agus a chomhpháirteanna, mar a leanas:

N.B.	FÉACH 1B115.b FREISIN.

a.	'Trealamh táirgeachta' do phúdar miotail atá inúsáidte chun na hábhair sféarúla, sféaróideacha nó adamhaithe atá sonraithe in 1C011.a., in 1C011.b., 1C111.a.1., 1C111.a.1., 1C111.a.2. nó sna Rialuithe maidir le hEarraí Míleata, 'a tháirgeadh' i dtimpeallacht rialaithe.

b.	Comhpháirteanna atá saindeartha do 'threalamh táirgeachta' atá sonraithe in 1B002 nó in 1B102.a.

Nóta:

Áirítear le 1B102: a. Gineadóirí plasma (stua-scaird ardmhinicíochta) atá inúsáidte chun púdair mhiotalacha spriúchta nó sféarúla a fháil, agus an próiseas eagraithe i dtimpeallacht uisce-argóin; b. Trealamh maidhme leictrí atá inúsáidte chun púdair mhiotalacha spriúchta nó sféarúla a fháil, agus an próiseas eagraithe i dtimpeallacht uisce argóin; c. Trealamh atá inúsáidte chun púdair alúmanaim sféarúla 'a tháirgeadh' trí leátán a phúdráil i meán támh (e.g. nítrigin).

1B115
Trealamh, seachas an trealamh atá sonraithe in 1B002 nó in 1B102, chun tiomántáin agus comhchodaigh tiomántán a tháirgeadh, mar a leanas, agus comhpháirteanna atá saindeartha lena aghaidh:

a.	'Trealamh táirgeachta' chun tiomántáin leachtacha nó comhchodaigh tiomántán 'a tháirgeadh', a láimhseáil nó chun tástáil inghlacthachta a dhéanamh orthu, ar tiomántáin nó comhchodaigh iad atá sonraithe in 1C011.a., in 1C011.b., in 1C111 nó sna Rialuithe maidir le hEarraí Míleata;

b.

'Trealamh táirgeachta' chun tiomántáin sholadacha nó comhchodaigh tiomántán 'a tháirgeadh', a láimhseáil, a mheascadh, a leasú, a mhúnlú, a fháscadh, a mheaisíniú nó a easbhrú, nó chun tástáil inghlacthachta a dhéanamh orthu, ar tiomántáin nó comhchodaigh iad atá sonraithe in 1C011.a., in 1C011.b., in 1C111 nó sna Rialuithe maidir le hEarraí Míleata. Nóta: Ní rialaítear le 1B115.b. baiscmheascthóirí, meascthóirí leanúnacha nó muilte fuinnimh shreabhánaigh. Féach 1B117, 1B118 agus 1B119 maidir le rialú baiscmheascthóirí, meascthóirí leanúnacha agus muilte fuinnimh shreabhánaigh.

Nóta 1:

Do threalamh atá saindeartha chun táirgí míleata a tháirgeadh, féach na Rialuithe maidir le hEarraí Míleata.

Nóta 2:

Ní rialaítear le 1B115 trealamh chun cairbíd bhóróin 'a tháirgeadh' agus a láimhseáil ná chun tástáil inghlacthachta a dhéanamh uirthi.

1B116
Soic atá saindeartha chun ábhair a dhíorthaítear go pirealaíoch a tháirgeadh, ábhair a fhoirmítear i múnla, ar mhandrail nó ar fhoshraith eile ó gháis réamhtheachtacha a lobhann sa raon teochta 1 573 K (1 300 °C) go 3 173 K(2 900 °C) ag brúnna de 130 Pa go 20 kPa.

1B117
Baiscmheascthóirí ar fíor ina leith gach ceann díobh seo a leanas, agus comhpháirteanna atá saindeartha lena n-aghaidh:

a.	Tá siad deartha nó modhnaithe chun meascadh a dhéanamh faoi fholús i raon nialas go 13,326 kPa:

b.	Tá ar a gcumas teocht an chuasáin meascacháin a rialú;

c.	Tá toilleadh toirtmhéadrach de 110 lítear nó níos mó acu; agus

d.	Tá 'seafta meascacháin/fuinte' amháin ar a laghad suite go haslárnach iontu.

Nóta:

In 1B117.d., ní thagraíonn an téarma 'seafta meascacháin/fuinte' do dhícheirtleánaitheoirí ná d’fhearsaidí sceana.

1B118
Meascthóirí leanúnacha ar fíor ina leith gach ceann díobh seo a leanas, agus comhpháirteanna atá saindeartha lena n-aghaidh:

a.	Tá siad deartha nó modhnaithe chun meascadh a dhéanamh faoi fholús i raon nialas go 13,326 kPa;

b.	Tá ar a gcumas teocht an chuasáin meascacháin a rialú;

c.	is fíor ina leith aon cheann díobh seo a leanas: 1. Tá dhá sheafta meascacháin/fuinte nó níos mó acu; nó 2. Tá gach ceann de na nithe seo a leanas acu: a. Seafta rothlach ascaltach aonair ag a bhfuil fiacla/pionnaí fuinte; agus b. Fiacla/pionnaí fuinte laistigh de chásáil den chuasán meascacháin.

1B119
Muilte fuinnimh shreabhánaigh a bhféadfar iad a úsáid chun substaintí atá sonraithe in 1C011.a., in 1C011.b., in 1C111 nó sna Rialuithe maidir le hEarraí Míleata, a mheilt nó a mhuilleáil, agus na comhpháirteanna atá saindeartha lena n-aghaidh.

1B201
Innill tochraiste filiméad, seachas na cinn atá sonraithe in 1B001 nó in 1B101, agus aon trealamh gaolmhar, mar a leanas:

a.

Innill tochraiste filiméad ar fíor ina leith gach ceann díobh seo a leanas: 1. Tá gluaisne acu chun snáithíní a shuí, a chumhdach agus a thochras atá comhordaithe agus ríomhchláraithe in dhá cheann nó níos mó d’aiseanna; 2. Tá siad saindeartha chun struchtúir chomhchodacha nó lannáin chomhchodacha a dhéanamh as 'ábhair shnáithíneacha nó fhiliméadacha'; agus 3. Tá siad in ann feadáin shorcóireacha a thochras ar feadáin iad a bhfuil trastomhas idir 75 agus 650 mm acu agus fad 300 mm nó níos mó acu;

b.	Rialuithe comhordúcháin agus ríomhchláraithe do na hinnill tochraiste filiméad atá sonraithe in 1B201.a.;

c.	Beachtmhandrailí do na hinnill tochraiste filiméad atá sonraithe in 1B201.a..

1B225
Cealla leictrealaíocha chun fluairín a tháirgeadh a bhfuil acmhainn táirgteachta acu is mó ná 250 g de fhluairín san uair.

1B226
Deighilteoirí leictreamaighnéadacha iseatóp atá deartha le haghaidh ianfhoinsí aonair nó ianfhoinsí iolracha a bhfuil ar a gcumas léas-sruth ianach iomlán 50 mA nó níos mó a sholáthar, nó deighilteoirí leictreamaighnéadacha iseatóp atá feistithe lena samhail d’ianfhoinsí.

Nóta :

Le 1B226, áirítear deighilteoirí: a. A bhfuil ar a gcumas iseatóip chobhsaí a shaibhriú; b. Ina bhfuil na hianfhoinsí agus na tiomsaitheoirí araon sa réimse maighnéadach agus na cumraíochtaí sin ina bhfuil siad lasmuigh den réimse sin.

1B228
Colúin driogaireachta chrióigineacha hidrigine ar fíor ina leith gach ceann díobh seo a leanas:

a.	Tá siad deartha chun feidhmiú ag teocht inmheánach 35 K (– 238 °C) nó níos lú;

b.	Tá siad deartha chun feidhmiú ag brú inmheánach 0,5 go 5 MPa;

c.

Tá siad déanta as: 1. Cruach dhosmálta de shraith 300 Chumann Idirnáisiúnta na nInnealtóirí Gluaisteán (SAE) a bhfuil cion íseal sulfair aici agus a bhfuil uimhir ghránmhéide aici, de réir chaighdeán ástainíteach ASTM (nó caighdeán comhionann), arb ionann í agus 5 nó ar mó í ná sin; nó 2. Ábhair coibhéiseacha atá crióigineach agus comhoiriúnach do hidrigin (H2); agus

d.	Tá trastomhais inmheánacha 30 cm nó níos mó acu agus 'fad éifeachtach' 4 m nó níos mó acu.

Nóta Teicniúil:

In 1B228, ciallaíonn 'fad éifeachtach' airde ghníomhach an ábhair pacála i gcolún de chineál pacáilte, nó airde ghníomhach na bplátaí teagmhála inmheánacha i gcolún de chineál pláta.

1B230
Caidéil a bhfuil ar a gcumas tuaslagáin de chatalaíoch aimíde potaisiam, bíodh sé tiubhaithe nó caol, a chur i gcúrsaíocht i leacht amóinia (KNH2/NH3), agus ar fíor ina leith gach ceann díobh seo a leanas:

a.	Tá siad aerdhíonach (i.e. séalaithe go heirméiteach);

b.	Tá toilleadh acu ar mó é ná 8,5 m3/h; agus

c.	Ar fíor ina leith ceachtar díobh seo a leanas: 1. I gcás tuaslagáin aimíde potaisiam thiubhaithe (1 % nó níos mó), tá brú oibriúcháin acu idir 1,5 agus 60 MPa; nó 2. I gcás tuaslagáin aimíde potaisiam chaola (níos lú ná 1 %), tá brú oibriúcháin acu idir 20 agus 60 MPa.

1B231
Saoráidí nó gléasra don tritiam, nó an trealamh lena n-aghaidh, mar a leanas:

a.	Saoráidí nó gléasra chun tritiam a tháirgeadh, a fháil ar ais, a eastóscadh, a thiúchan nó a láimhseáil;

b.

Trealamh do shaoráidí nó do ghléasra do thritiam, mar a leanas: 1. Aonaid cuisniúcháin hidrigine nó héiliam a bhfuil ar a gcumas fuarú go 23 K (– 250 °C) nó níos lú ná sin, agus a bhfuil cumas bainte teasa acu ar mó é ná 150 W; 2. Córais chun iseatóip hidrigine a stóráil nó a íonú agus úsáid á baint as hidrídí miotail mar mheán stórála nó íonúcháin.

1B232
Turbafhorbróirí nó tacair chun turbafhorbróirí-comhbhrúiteoirí a bhfuil an dá shaintréith seo a leanas acu:

a.	Tá siad deartha chun feidhmiú ag teocht asraoin de 35 K (– 238 °C) nó níos lú; agus

b.	Tá siad deartha chun tréchur gáis hidrigine 1 000 kg/h nó níos mó a bheith acu.

1B233
Saoráidí nó gléasra deighilte iseatóp litiam, agus an trealamh lena n-aghaidh, mar a leanas:

a.	Saoráidí nó gléasra chun iseatóip litiam a dheighilt;

b.

Trealamh chun iseatóip litiam a dheighilt bunaithe ar an bpróiseas malgaim litiam-mearcair, mar a leanas: 1. Dlúthcholúin um malartú leacht-leachta, atá saindeartha do mhalgaim de litiam; 2. Caidéil mhearcair nó caidéil malgaim litiam; 3. Ceallaí leictrealaithe do mhalgam litiam; 4. Galaitheoirí do thuaslagáin thiubhaithe hiodrocsaíde litiam;

c.	Córais um malartú ian atá saindeartha chun iseatóip litiam a dheighilt, agus comhpháirteanna atá saindeartha lena n-aghaidh;

d.	Córais um malartú ceimiceán (lena n-úsáidtear éitir chorónacha, crioptanna, nó éitir chorónacha taobhcheangail), atá saindeartha chun iseatóip litiam a dheighilt, agus comhpháirteanna atá saindeartha lena n-aghaidh.

1B234
Soithí, cuasáin agus gabhdáin srianta tréanphléascáin, agus feistí srianta cosúil leo atá deartha le haghaidh tástáil tréanphléascán agus gaireas pléascach agus a bhfuil an dá shaintréith seo a leanas acu:

N.B.	FÉACH FREISIN NA RIALUITHE MAIDIR LE hEARRAÍ MÍLEATA.

a.	Tá siad deartha chun pléascadh a shrianadh ina iomláine arb ionann é agus 2 kg de TNT nó níos mó; agus

b.	Tá acu eilimintí nó gnéithe deartha lena gcumasaítear faisnéis dhiagnóiseach nó tomhais a aistriú i bhfíor-am nó le haga moille.

1B235
Cóimeálacha sprice agus comhpháirteanna do tháirgeadh tritiam, mar a leanas:

a.	Cóimeálacha sprice atá déanta as litiam atá saibhrithe in iseatóp litiam-6, nó ina bhfuil litiam atá saibhrithe in iseatóp litiam-6, ar cóimeálacha sprice iad atá saindeartha chun tritiam a tháirgeadh trí ionradaíocht, lena n-áirítear iad a chur isteach in imoibreoir núicléach;

b.	Comhpháirteanna atá saindeartha do na cóimeálacha sprice atá sonraithe in 1B235.a..

Nóta Teicniúil:

Féadfar a áireamh ar chomhpháirteanna atá saindeartha do chóimeálacha sprice chun tritiam a tháirgeadh piollairí litiam, faighteoirí tritiam, agus cumhdaigh shainbhrataithe.

1C
Ábhair

Nóta Teicniúil:

Miotail agus Cóimhiotail:

Mura bhforáiltear dá mhalairt, cumhdófar leis na focail 'miotail' agus 'cóimhiotail' in 1C001 agus in 1C012 amhfhoirmeacha agus foirmeacha leathdhéanta, mar a leanas:

Amhfhoirmeacha:

Anóidí, liathróidí, barraí (lena n-áirítear barraí eangaithe agus barraí sreinge), billéid, bloic, blúmáin, brící, toirtíní, catóid, criostail, ciúbanna, díslí, gráinní, gráinníní, tinní, cnapáin, piollairí, muca, púdar, rondelles, grán, leaca, slugaí, spúinse, bataí;

Foirmeacha leathdhéanta (bídís brataithe, plátáilte, druileáilte nó pollta nó ná bídís):

a.

Ábhair bhuailte nó ábhair shaoirsithe a dhéantar trí rolláil, trí tharraingt, trí easbhrú, trí ghaibhniú, trí easbhrú imbhuailte, trí fháscadh, trí shnáithiú, trí adamhú, agus trí mheilt, i.e.: uillinn, cainéil, ciorcail, dioscaí, deannach, sleanntaigh, scragaill agus duillí, gaibhniú, pláta, púdar, brúiteáin agus stampáin, ribíní, fáinní, slata (​lena n-áirítear slata táthúcháin loma, slata sreinge, agus sreang rolláilte), cónaisc, cruthanna, leatháin, stiallacha, píobáin agus feadáin (​lena n-áirítear dioscaí, cearnóga agus cuasáin feadáin), sreang tarraingthe nó easbhrúite;

b.	Ábhar teilgthe atá táirgthe trí theilgean i ngaineamh, i ndísle, i miotal, i bplástar nó i gcineálacha múnlaí eile, lena n-áirítear teilgin ardbhrú, foirmeacha sintéaraithe, agus foirmeacha a dhéantar le miotalóireacht phúdrála.

Níor cheart go sárófaí cuspóir an rialaithe le heasportáil na bhfoirmeacha neamhliostaithe a ndeirtear gur táirgí críochnaithe iad ach ar amhfhoirmeacha nó foirmeacha leathdhéanta iad i ndáiríre.

1C001
Ábhair atá saindeartha chun radaíocht leictreamaighnéadach, nó polaiméirí seoltacha iontu féin, a ionsú mar a leanas:

N.B.	FÉACH 1C101 FREISIN.

a.

Ábhair chun minicíochtaí ar mó iad ná 2 × 108 Hz ach ar lú iad ná 3 × 1012 Hz a ionsú; Nóta 1 : Ní rialaítear le 1C001. a: a. Ionsúirí den chineál ionsúirí ribeacha, atá déanta as snáithíní nádúrtha nó as snáithíní sintéiseacha, agus a bhfuil ualú neamh-mhaighnéadach acu chun go mbeidh siad in ann ionsú a dhéanamh; b. Ionsúirí gan aon chaillteanas maighnéadach, a bhfuil cruth neamhphlánach ag a ndromchla ionsaitheach, lena n-áirítear pirimidí, cóin, dingeacha agus dromchlaí conbhlóideacha; c. Ionsúirí plánacha, ar fíor ina leith gach ceann díobh seo a leanas: 1. Tá siad déanta as aon cheann díobh seo a leanas: a. Ábhair atá déanta as cúr plaisteach (solúbtha nó dolúbtha) carbónualaithe, nó ábhair orgánacha, lena n-áirítear ceanglóirí, lena gcuirtear níos mó ná 5 % de mhacalla ar fáil i gcomparáid le miotal thar bhandaleithead ar mó é ná ± 15 % de mhinicíocht lárnach an fhuinnimh ionsaithigh, agus nach bhféadfaidh teochtanna os cionn 450 K (177 °C) a sheasamh; nó b. Ábhair cheirmeacha lena gcuirtear macalla níos mó ná 20 % ar fáil i gcomparáid le miotal thar bhandaleithead ar mó é ná ± 15 % de mhinicíocht lárnach an fhuinnimh ionsaithigh, agus nach bhféadfaidh teochtanna os cionn 800 K (527 °C) a sheasamh; Nóta Teicniúil: Chun críocha 1C001.a. Nóta: 1.c.1., ba cheart gur cearnóg iad samplaí do thástálacha ionsúcháin ina bhfuil ar a laghad 5 thonnfhad den mhinicíocht lárnach ar cheann de na taobhanna agus í suite sa réimse amach ón bhfoinse ghathach. 2. Tá neart teanntachta acu ar lú é ná 7 × 106 N/m2; agus 3. Tá neart comhbhrúiteach acu ar lú é ná 14 × 106 N/m2; d. Ionsúirí plánacha atá déanta as feirít shintéaraithe, ar fíor ina leith gach ceann díobh seo a leanas: 1. Tá domhantarraingt sonrach acu ar mó é ná 4,4; agus 2. Tá uasteocht oibriúcháin 548 K (275 °C) nó níos lú acu; e. Ionsúirí plánacha nach bhfuil aon chaillteanas maighnéadach acu agus atá déanta as ábhar 'cúrphlaistigh ceall oscailte' ag a bhfuil dlús 0,15 g/cm3 nó níos lú. Nóta Teicniúil: Chun críocha 1C001.a. Nóta 1.e., is ábhair sholúbtha agus phóiriúla iad 'cúrphlaistigh ceall oscailte' a bhfuil a struchtúr inmheánach oscailte don atmaisféar. Tugtar cúrphlaistigh eangachúla ar 'chúrphlaistigh ceall oscailte' freisin. Nóta 2 : Níl aon ní i Nóta 1 go 1C001.a. lena ndíolmhófaí ábhair mhaighnéadacha um ionsú nuair a bhíonn siad i bpéint.

b.

Ábhair nach bhfuil trédhearcach do sholas infheicthe agus atá saindeartha chun radaíocht neas-infridhearg a bhfuil tonnfhad níos mó ná 810 nm ach níos lú ná 2 000 nm (minicíochtaí níos mó ná 150 THz ach níos lú ná 370 THz) aici a ionsú; Nóta : Ní rialaítear le 1C001.b. ábhair atá saindeartha nó sainfhoirmlithe le haghaidh aon cheann de na feidhmeanna seo a leanas: a. Marcáil polaiméirí le 'léasar'; nó b. Táthú polaiméirí le 'léasar'.

c.

Ábhair pholaiméireacha is seoltóirí iontu féin a bhfuil 'bulcsheoltacht leictreach' acu ar mó í ná 10 000 S/m (Símin in aghaidh an mhéadair) nó 'friotachas leatháin (dromchla)' ar lú é ná 100 óm/cearnóg, bunaithe ar cheann ar bith de na polaiméirí seo a leanas: 1. Polanailín; 2. Polaipioról; 3. Polaitiaiféin; 4. Polaifeiniléin-viniléin; nó 5. Polaitíeniléin-viniléin. Nóta : Ní rialaítear le 1C001.c. ábhair atá i bhfoirm leachta. Nóta Teicniúil: Chun críocha IC001.c., ba cheart 'bulcsheoltacht leictreach' agus 'friotachas leatháin (dromchla)' a chinneadh trí úsáid a bhaint as ASTM D-257 nó as a choibhéis náisiúnta.

1C002
Cóimhiotail, púdar cóimhiotail, agus ábhair chóimhiotalacha, mar a leanas:

N.B.	FÉACH 1C202 FREISIN.

Nóta :

Ní rialaítear le 1C002 cóimhiotail, púdar cóimhiotail, ná ábhair chóimhiotalacha, sainfhoirmlithe chun críoch brataithe.

Nóta Teicniúil:

Chun críocha 1C002, is cóimhiotail iad na cinn a bhfuil céatadán níos airde de réir meáchain iontu den mhiotal atá luaite i gcomparáid le haon dúil eile.

a.

'Alúmainídí', mar seo a leanas: 1. Alúmainídí nicile ina bhfuil íosmhéid 15 % d’alúmanam de réir meáchain, uasmhéid 38 % d’alúmanam de réir meáchain agus ar a laghad dúil chóimhiotalaithe bhreise amháin; 2. Alúmainídí tíotáiniam ina bhfuil 10 % nó níos mó d’alúmanam de réir meáchain agus ar a laghad dúil chóimhiotalaithe bhreise amháin;

b.

Cóimhiotail, mar a leanas, atá déanta as an bpúdar nó as an ábhar cáithníneach atá sonraithe in 1C002.c.: 1. Cóimhiotail nicile ar fíor ina leith aon cheann díobh seo a leanas: a. Tá 'saolré réabtha struis'10 000 uair nó níos faide acu ag 923 K (650 °C) faoi strus 676 MPa; nó b. Tá 'saolré strustuirse ar thimthriall íseal'10 000 timthriall nó níos mó acu ag 823 K (550 °C) ag uas-strus de 1 095 MPa; 2. Cóimhiotail niaibiam ar fíor ina leith aon cheann díobh seo a leanas: a. Tá 'saolré réabtha struis'10 000 uair nó níos faide acu ag 1 073 K (800 °C) faoi strus 400 MPa; nó b. Tá 'saolré strustuirse ar thimthriall íseal'10 000 timthriall nó níos mó acu ag 973 K (700 °C) ag uas-strus 700 MPa; 3. Cóimhiotail tíotáiniam ar fíor ina leith aon cheann díobh seo a leanas: a. Tá 'saolré réabtha struis'10 000 uair nó níos faide acu ag 723 K (450 °C) faoi strus 200 MPa; nó b. Tá 'saolré strustuirse ar thimthriall íseal'10 000 timthriall nó níos mó acu ag 723 K (450 °C) ag uas-strus 400 MPa; 4. Cóimhiotail alúmanaim ar fíor ina leith aon cheann díobh seo a leanas: a. Tá neart teanntachta 240 MPa nó níos mó acu ag 473 K (200 °C); nó b. Tá neart teanntachta 415 MPa nó níos mó acu ag 298 K (25 °C); 5. Cóimhiotail mhaignéisiam ar fíor ina leith na tréithe uile seo a leanas: a. Tá neart teanntachta 345 MPa nó níos mó acu; agus b. Tá ráta creimthe acu ar lú é ná 1 mm in aghaidh na bliana i dtuaslagán uisciúil clóirídí sóidiam ag 3 %, a thomhaistear i gcomhréir le caighdeán G-31 ASTM nó i gcomhréir lena choibhéisí náisiúnta; Nótaí Teicniúla: Chun críocha 1C002.b.: 1. Ba cheart 'saolré réabtha struis' a thomhas i gcomhréir le caighdeán E-139 ASTM nó lena choibhéisí náisiúnta. 2. Ba cheart 'saolré strustuirse ar thimthriall íseal' a thomhas i gcomhréir le Caighdeán E-606 ASTM 'An Cleachtas Molta do Thástáil ar Thimthriall Íseal Buanaimplitiúide Strustuirse' nó i gcomhréir lena choibhéisí náisiúnta. Ba cheart gur tástáil aiseach a dhéanfaí ina mbeadh an meánchóimheas struis cothrom le 1 agus an toisc dhlúthaithe struis (Kt) cothrom le 1. Sainmhínítear an cóimheas meánstruis mar an t-uas-strus lúide an t-íos-strus roinnte ar an uas-strus.

c.

Púdar cóimhiotail nó ábhar cáithníneach ar fíor ina leith na tréithe uile seo a leanas: 1. Tá siad déanta as aon cheann de na córais chóimhiotail seo a leanas: Nóta Teicniúil: Chun críocha 1C002.c.1., is ionann X agus dúil chóimhiotalaithe amháin nó níos mó. a. Cóimhiotail nicile (Ni-Al-X, Ni-X-Al) atá cáilithe do pháirteanna nó comhpháirteanna innill tuirbín, i.e. a bhfuil níos lú ná 3 cháithnín neamh-mhiotalacha iontu (a cuireadh isteach le linn an phróisis monaraíochta) ar mó iad ná 100 μm i gcáithníní cóimhiotail 109; b. Cóimhiotail niaibiam (Nb-Al-X nó Nb-X-Al, Nb-Si-X nó Nb-X-Si, Nb-Ti-X nó Nb-X-Ti); c. Cóimhiotail tíotáiniam (Ti-Al-X nó Ti-X-Al); d. Cóimhiotail alúmanaim (Al-Mg-X nó Al-X-Mg, Al-Zn-X nó Al-X-Zn, Al-Fe-X nó Al-X-Fe); nó e. Cóimhiotail mhaignéisiam (Mg-Al-X nó Mg-X-Al); 2. Rinneadh iad i dtimpeallacht rialaithe trí aon cheann de na próisis seo a leanas: a. 'Adamhú folúis'; b. 'Adamhú gáis'; c. 'Adamhú rothlach'; d. 'Múchadh tobann'; e. 'Guairneáil leatáin' agus 'mionú'; f. 'Eastóscadh leatáin' agus 'mionú'; g. 'Cóimhiotalú meicniúil'; nó h. 'Adamhú plasma'; agus 3. Tá siad in ann na hábhair atá sonraithe in 1C002.a. nó in 1C002.b. a fhoirmiú;

d.

Ábhair chóimhiotalacha ar fíor ina leith gach ceann díobh seo a leanas: 1. Tá siad déanta as aon cheann de na córais chóimhiotail atá sonraithe in 1C002.c.1.; 2. calógaí neamh-mhionaithe, ribíní neamh-mhionaithe nó slata neamh-mhionaithe; agus 3. Rinneadh iad i dtimpeallacht rialaithe trí aon cheann de na próisis seo a leanas: a. 'Múchadh tobann'; b. 'Guairneáil leatáin'; nó c. 'Eastóscadh leatáin'.

Nótaí Teicniúla:

Chun críocha 1C002:

1.	Is próiseas é 'adamhú folúis' ina ndéantar braoiníní as sruth de mhiotal leáite, a bhfuil trastomhas acu arb ionann é agus 500 μm nó ar lú é ná sin, trí mhear-éabhlóid gáis thuaslagtha ar a nochtadh d’fholús.

2.	Is próiseas é 'adamhú gáis' ina ndéantar braoiníní as sruth cóimhiotail leáite, a bhfuil trastomhas de 500 μm nó níos lú acu, trí shruth ardbhrú gáis.

3.	Is próiseas é 'adamhú rothlach' lena ndéantar braoiníní as sruth nó as linn miotail leáite, a bhfuil trastomhas acu arb ionann é agus 500 μm nó ar lú é ná sin, trí fhórsa lártheifeach.

4.	Is próiseas é 'múchadh tobann' ina ndéantar sruth miotail leáite a 'sholadú go gasta', agus é ag bualadh in aghaidh bloic fhuaraithe, agus lena ndéanfar táirge calógach.

5.	Is próiseas í 'guairneáil leatáin' ina ndéantar sruth miotail leáite a 'sholadú go gasta', agus é ag bualadh in aghaidh bloic rothlaigh fhuaraithe, lena ndéanfar táirge calógach, táirge ribíneach nó táirge ar dhéanamh slaite de.

6.	Is próiseas é 'mionú' ina ndéantar cáithníní d’ábhar trína bhrú le chéile nó trína mheilt.

7.	Is próiseas é 'eastóscadh leatáin' ina ndéantar táirge cóimhiotail ribíneach a 'sholadú go gasta' agus a eastóscadh trí théascán gearr de bhloc rothlach fuaraithe a chur isteach i ndabhach cóimhiotail leáite.

8.

Is próiseas cóimhiotalaithe é 'cóimhiotalú meicniúil' a tharlaíonn nuair a dhéantar púdair eiliminteacha agus púdair phríomh-chóimhiotalacha a nascadh, a bhriseadh agus a nascadh an athuair trí thurraing mheicniúil. Féadfar cáithníní neamh-mhiotalacha a chorprú sa chóimhiotal trí na púdair iomchuí a chur leis.

9.	Is próiseas é 'adamhú plasma' ina ndéantar braoiníní de shruth leáite nó de mhiotal soladach, a bhfuil trastomhas de 500 μm nó níos lú acu, ag úsáid tóirsí plasma i dtimpeallacht gáis tháimh.

10.	Chun críocha 1C002 Nótaí Teicniúla, is próiseas é 'soladú go gasta' ina ndéantar ábhar leáite a sholadú ag rátaí fuaraithe ar mó ná 1 000 K in aghaidh an tsoicind iad.

1C003
Miotail mhaignéadacha, de gach cineál agus foirm, ar fíor ina leith aon cheann díobh seo a leanas:

a.	Tá tréscaoilteacht choibhneasta tosaigh 120 000 nó níos mó acu agus tiús 0,05 mm nó níos lú ná sin acu; Nóta Teicniúil: Chun críocha 1C003.a., ní mór an tréscaoilteacht tosaigh a thomhas ar ábhair atá go hiomlán ainnéalta.

b.	Is cóimhiotail mhaighnéadstraidhneacha iad ar fíor ina leith aon cheann díobh seo a leanas: 1. Tá maighnéadstraidhn sáithiúcháin os cionn 5 × 10–4 acu; nó 2. Tá fachtóir cúplála maighnéadmheicniúla (k) os cionn 0,8 acu; nó

c.

Stiallacha cóimhiotalacha dímhorfacha nó 'nanaichriostalta', ar fíor ina leith na tréithe uile seo a leanas: 1. Tá siad comhdhéanta de 75 % ar a laghad d’iarann, cóbalt nó nicil de réir meáchain; 2. Tá ionduchtú maighnéadach sáithithe (Bs) acu de 1,6 T nó níos mó; agus 3. Aon cheann de na nithe seo a leanas: a. Tá tiús stéille 0,02 mm nó níos lú acu; nó b. Tá friotachas leictreach 2 × 10–4 cm óm nó níos mó acu. Nóta Teicniúil: Chun críocha 1C003.c., is iad na hábhair 'nanaichriostalta' in 1C003.c. na hábhair a bhfuil gránmhéid criostail 50 nm nó níos lú acu, arna cinneadh le díraonadh x-ghathach.

1C004
Cóimhiotail tíotáiniam úráiniam nó cóimhiotail tungstain a bhfuil 'maitrís' acu atá bunaithe ar iarann, ar nicil nó ar chopar, agus ar fíor ina leith na tréithe uile seo a leanas:

a.	Tá dlús os cionn 17,5 g/cm3 acu;

b.	Tá teorainn leaisteach os cionn 880 MPa acu;

c.	Tá neart teanntachta deiridh os cionn 1 270 MPa acu; agus

d.	Tá fadú os cionn 8 % acu.

1C005
Seoltóirí 'forsheoltachta''comhchodacha' atá níos mó ná 100 m ar a bhfad nó a bhfuil mais os cionn 100 g acu, mar a leanas:

a.

Seoltóirí 'forsheoltacha''comhchodacha' a bhfuil 'filiméid' tíotáiniam-niaibiam iontu, agus ar fíor ina leith gach ceann díobh seo a leanas: 1. Tá siad tuímithe i 'maitrís' seachas 'maitrís' copair nó 'maitrís' mheasctha choparbhunaithe; agus 2. Tá achar trasghearrtha acu ar lú é ná 0,28 × 10–4 mm2 (6 μm sa trastomhas 'd’fhiliméid' chiorclacha);

b.

Seoltóirí 'forsheoltacha''comhchodacha' arb é atá iontu 'filiméad''forsheoltach' amháin nó níos mó, seachas tíotáiniam-niaibiam, agus ar fíor ina leith gach ceann díobh seo a leanas: 1. Tá 'teocht chriticiúil' acu ag ionduchtú maighnéadach nialasach os cionn 9,85 K (– 263,31 °C); agus 2. Fanann siad sa staid 'fhorsheoltach' ag teocht 4,2 K (– 268,96 °C) agus iad nochta do réimse maighnéadach treoshuite i dtreo ar bith atá ingearach le fad-ais an tseoltóra agus a chomhfhreagraíonn d’ionduchtú maighnéadach 12 T a bhfuil dlús srutha chriticiúil os cionn 1 750 A/mm2 aige ar thrasghearradh foriomlán an tseoltóra;

c.	Seoltóirí 'forsheoltacha''comhchodacha' arb é atá iontu 'filiméad''forsheoltach' amháin nó níos mó a bhíonn fós 'forsheoltach' os cionn 115 K (– 158,16 °C).

Nóta Teicniúil:

Chun críocha 1C005, féadfaidh 'filiméid' a bheith i bhfoirm sreinge, sorcóra, scannáin, téipe nó ribín.

1C006
Sreabháin agus ábhair bhealaithe, mar a leanas:

a.	Ní úsáidtear;

b.	Ábhair bhealaithe ina bhfuil, mar príomh-chomhábhair, éitear nó tiai-éitear feiniléine nó ailcilfeiniléine, nó meascáin díobh, a bhfuil níos mó ná dhá fheidhm éitir nó tiai-éitir nó meascáin díobh iontu;

c.	Sreabháin mhaolúcháin nó snámhachta ar fíor ina leith gach ceann díobh seo a leanas: 1.<