(1)

Le hAirteagal 10 de Rialachán (AE) Uimh. 1308/2013, foráiltear go mbeidh feidhm ag scálaí an Aontais um chonablaigh muc a aicmiú i gcomhréir le pointe B d’Iarscríbhinn IV a ghabhann leis an Rialachán sin. Maidir le conablaigh muc a aicmiú, foráiltear le Roinn B.IV, pointe 1, d’Iarscríbhinn IV a ghabhann leis an Rialachán sin go bhfuil measúnú le déanamh ar an gcion feola trua trí bhíthin modhanna grádúcháin arna n-údarú ag an gCoimisiún, nach bhféadfar a údarú ach modhanna measúnaithe atá cruthaithe de réir staidrimh atá bunaithe ar thomhas fisiceach cuid anatamaíoch amháin nó níos mó den chonablach muice agus go bhfuil modhanna grádúcháin faoi réir uasráta lamháltais le haghaidh earráide staidrimh le linn measúnaithe a chomhlíonadh. Sainítear an lamháltas sin i gCuid A, pointe 1, an dara mír, d’Iarscríbhinn V a ghabhann le Rialachán Tarmligthe (AE) 2017/1182 ón gCoimisiún (2).

(2)

Le Cinneadh Cur Chun Feidhme 2012/416/AE ón gCoimisiún (3), údaraíodh ocht modh a úsáid chun conablaigh muc a ghrádú sa Bheilg.

(3)

Níor cheart modhnuithe ar na modhanna grádúcháin ná ar na gairis lena mbaineann a cheadú, ach amháin má údaraítear sin go sainráite le cinneadh cur chun feidhme ón gCoimisiún.

(4)

D’iarr an Bheilg ar an gCoimisiún údarú na modhanna ‘Capteur Gras/Maigre — Sydel (CGM)’, ‘Giralda Choirometer Pork Grader (PG 200)’, ‘Hennessy Grading Probe (HGP 4)’ agus ‘VCS 2000’ a tharraingt siar.

(5)

D’iarr an Bheilg ar an gCoimisiún na modhanna nua seo a leanas a údarú: ‘AutoFom IV’, ‘CSB Image-Meater 2.0’, ‘CSB Image-Meater 4.0’, ‘OptiGrade-MCP’, ‘OptiScan-TPC’ agus ‘ZP (ruler)’. Chun na críche sin, chuir an Bheilg tuairisc mhionsonraithe i láthair ar na trialacha diosctha, lena léirítear na prionsabail ar a bhfuil na modhanna nua sin bunaithe, torthaí na dtrialacha diosctha agus na cothromóidí a úsáidtear chun measúnú a dhéanamh ar an gcéatadán feola trua sa phrótacal dá dtagraítear in Airteagal 11(3) de Rialachán Tarmligthe (AE) 2017/1182.

(6)

D’iarr an Bheilg ar an gCoimisiún freisin foirmle nuashonraithe a údarú le haghaidh trí mhodh (‘Fat-O-Meat’er (FOM II)’, ‘OptiScan-TP’ agus ‘AutoFom III’) atá údaraithe cheana féin le Cinneadh Cur Chun Feidhme 2012/416/AE chun conablaigh muc a ghrádú ar a críoch.

(7)

Trí na hiarrataí sin a scrúdú, fuarthas amach go gcomhlíontar na coinníollacha agus na híoscheanglais maidir leis na modhanna nua grádúcháin a údarú agus na cothromóidí le haghaidh na modhanna údaraithe a nuashonrú mar a leagtar síos i gCuid A d’Iarscríbhinn V a ghabhann le Rialachán Tarmligthe (AE) 2017/1182. Dá bhrí sin, ba cheart na modhanna nua grádúcháin agus na foirmlí nua a údarú sa Bheilg.

(8)

Ar chúiseanna soiléireachta agus deimhneachta dlíthiúla, ba cheart Cinneadh Cur Chun Feidhme 2012/416/AE a aisghairm.

(9)

Tá na bearta dá bhforáiltear sa Chinneadh seo i gcomhréir leis an tuairim ón gCoiste um Chomheagrú na Margaí Talmhaíochta,

(a)

an gaireas ar a dtugtar ‘AutoFom III’ agus na modhanna measúnaithe lena mbaineann, a leagtar amach sonraí faoin méid sin i gCuid I den Iarscríbhinn a ghabhann leis an gCinneadh seo;

(b)

an gaireas ar a dtugtar ‘AutoFom IV’ agus na modhanna measúnaithe lena mbaineann, a leagtar amach sonraí faoin méid sin i gCuid II den Iarscríbhinn a ghabhann leis an gCinneadh seo;

(c)

an gaireas ar a dtugtar ‘Fat-O-Meat’er II (FOM II)’ agus na modhanna measúnaithe lena mbaineann, a leagtar amach na sonraí faoin méid sin i gCuid III den Iarscríbhinn a ghabhann leis an gCinneadh seo;

(d)

an gaireas ar a dtugtar ‘OptiGrade-MCP’ agus na modhanna measúnaithe lena mbaineann, a leagtar amach sonraí faoin méid sin i gCuid IV den Iarscríbhinn a ghabhann leis an gCinneadh seo;

(e)

an gaireas ar a dtugtar ‘CSB Image-Meater 2.0’ agus na modhanna measúnaithe lena mbaineann, a leagtar amach sonraí faoin méid sin i gCuid V den Iarscríbhinn a ghabhann leis an gCinneadh seo;

(f)

an gaireas ar a dtugtar ‘CSB Image-Meater 4.0’ agus na modhanna measúnaithe lena mbaineann, a leagtar amach sonraí faoin méid sin i gCuid VI den Iarscríbhinn a ghabhann leis an gCinneadh seo;

(g)

an gaireas ar a dtugtar ‘OptiScan-TP’ agus na modhanna measúnaithe lena mbaineann, a leagtar amach sonraí faoin méid sin i gCuid VII den Iarscríbhinn a ghabhann leis an gCinneadh seo;

(h)

an gaireas ar a dtugtar ‘OptiScan-TPC’ agus na modhanna measúnaithe lena mbaineann, a leagtar amach sonraí faoin méid sin i gCuid VIII den Iarscríbhinn a ghabhann leis an gCinneadh seo;

(i)

an gaireas ar a dtugtar ‘ZP (ruler)’ agus na modhanna measúnaithe lena mbaineann, a leagtar amach sonraí faoin méid sin i gCuid IX den Iarscríbhinn a ghabhann leis an gCinneadh seo.